പ്രളയം! ഒരു ഉയർത്തെഴുനേൽപ്

ഉണരണം….ഉയരണം

ചുവടുകൾ ഉറയ്ക്കണം

മികവിലേക്കുയർത്തണം….തുഴഞ്ഞ് മുന്നേറണം

ഒരുമയായി നേടണം….പെരുമയായി മാറണം

വീണ്ടുമേ….എൻ കേരളം!

വഴി മാറി പോയൊരാ പുഴയുടെ തീരത്തായി

ഗതി മാറി തുടങ്ങിയോരെൻ പിടി സ്വപ്നങ്ങ –

-ലൊടുങ്ങുന്നതുൾക്കൊള്ളാൻ മടിച്ചു ഞാൻ

തേടി നടന്ന ചെളികുണ്ടിലെങ്ങുമെ ഉയർന്നൊരീ

പ്രതീക്ഷതൻ പുതുനാമ്പുകൾ കൈ കുമ്പിളിൽ

വാരിയെടുത്തൊരു നവജന്മം പടുത്തുയർത്തവേ,

ഒഴിയാതെ പെയ്തൊരെൻ കണ്ണുനീർ ചാലിലറി-

-യാതെ കിളിർത്തൊരാ സ്നേഹ പിടിവള്ളിയിൽ

മുറുകെ പിടിച്ചൊഴിയാത്തൊരാ ഭയപ്പാടിൽ

നിന്നകലുവാൻ വെമ്പുന്ന നേരവും മറക്കുവാൻ

കഴിയിലൊരിക്കലും പെയ്യ്തൊഴിയാത്ത പോൽ

സകലതീരവും പുൽകിയ പ്രളയവർണങ്ങ-

-ളോരോന്നും അഴിയുവാൻ കാത്തിരുന്നനേരമെന്ന-

-രികിലായി അണഞ്ഞോരു കരങ്ങളും കവർന്നങ്ങു-

-ണർന്നോരാ പുലരിതൻ നനവുകൾ നാളിതുവരെ

വിറയാർന്നൊരാ ഓർമ്മകളാകവേ,

നവരശ്മികളേറ്റെൻ ദേശം ഇനിയും തിളങ്ങുവാൻ

കൈകൂപ്പി നിൽപ്പൂ ഞാൻ

കണ്ണൊന്നു തട്ടാതിരിക്കുവാൻ പതിനാലു കണ്ണുനീർ

തുള്ളി പ്രസാദവും തൊട്ട് ഞാൻ……….എങ്കിലും

മായാതെ നിൽക്കുമീ പ്രളയ നൊമ്പര കാഴ്ചകളൊന്നുമേ

വേണ്ടായിരുന്നങ്കിൽ എൻ ദേശത്തിനുണരുവാൻ!

About Author

പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം

Email Address

Subscribe