ഉറങ്ങണം എനിക്ക്

ഊണു  കഴിച്ചു ഞാൻ ഉറങ്ങട്ടെ വേഗം

ഉറക്കത്തിൽ  വേണമെനിക്കൂരു ചുറ്റുവാൻ

ഉണ്ണിയെക്കാണാൻ അവനൊപ്പം ഉണ്ണാൻ

ഊട്ടി ഉറക്കുവാൻ ഉഞ്ഞാലിലാട്ടുവാൻ

ഉണ്ട് വാഹനം  പലതെങ്കിലും

ഉറക്കത്തിൽ വേണമിപ്പോൾ യാത്രകൾ ഏറെയും

ഉണർത്തരുതാരുമെൻ സുഖ നിദ്രയെ

ഉറക്കത്തിൽ വരുമെന്നച്ഛനുമമ്മയും

ഊരുചുറ്റാം എനിക്കവരുടെ കൈപിടിച്ച്

ഉടുപ്പു വാങ്ങാം  ഉപ്പേരി തിന്നാo  ഉല്ലസിച്ചിരിക്കാം

ഉയിരേകും   അല്ലലുകൾ ഒന്നുമേ കൂടാതെ

ഉണ്ണിയായ് കൂടീടാം  ഉറക്കത്തിലെങ്കിലും

ഉലകം ചുറ്റുവാൻ പോകണം കുട്ടുകാരൊത്തു

ഉറപ്പുണ്ട് യാത്രക്കു,  തടയില്ല ആരുമേ

ഊട്ടിക്കു പോയി ഞാൻ പൂക്കളെ കാണുവാൻ

ഉത്രട്ടാതി വള്ളംകളിയുo കണ്ടു ഞാനവരുമായ്

ഉറക്കത്തിലാകാo ഇനി യാത്രകൾ പലതുമേ

ഉലകത്തെ  ഉലക്കുന്ന കൊറോണാ കാലത്തു്

ഗീതാഞ്ജലി

About Author

പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം

Email Address

Subscribe