വെള്ളിമൂങ്ങ

665 Views

vellimoonga

നമ്മേ ഭയന്നൊരു വെള്ളിമൂങ്ങ പകൽ
മൂവാണ്ടൻമാവിൽ മറഞ്ഞിരുന്നേ
നമ്മൾ മഞ്ചത്തിൽ മഴങ്ങുംനേരം
വെള്ളിമൂങ്ങ പറന്നുയർന്നേ

ലോകം നിദ്രയിൽ പ്രാപിച്ചപ്പോൾ
ആഹ്ളാദിച്ചിന്നൊരാ വെള്ളിമൂങ്ങ
കപടലോകത്തിൻ്റെ സാക്ഷിയാണേ
പകൽമാന്യതയേതെന്നറിഞ്ഞിട്ടില്ലേ

കരിപുരണ്ടിന്നൊരാ കാട്ടുകള്ളൻ
ഓടിളക്കിമെല്ലെയിറങ്ങുവാണെ
വീട്ടുകാരൻ നല്ല ഉറക്കമാണേ
ചോരനു ചോറ് കുശാലാണെ

പതിനേഴുതികയാത്ത പൊട്ടിപ്പെണ്ണ്
ചന്ദ്രകാന്തം കണ്ടു ഉലാത്തുവാണെ
പ്രണയം പറയാൻവിതുമ്പുവന്നേ
മദനനെ മയക്കുന്ന കാന്തിയാണെ

പേറ്റുനോവ് മാറാത്ത പെണ്ണൊരുത്തി
കയ്യിൽചോരക്കുഞ്ഞുമായ് നിക്കുവാണേ
അഴുക്കുചാലിൽ വലിച്ചെറിയുവാണേ
നാളത്തെ അനാഥൻ ജനിക്കുവാണേ

നാലുവയസ്സുള്ള പിഞ്ചു പെണ്ണ്
ജീവനുവേണ്ടി കേഴുവാണെ
ദ്രോഹികൾ ആർത്തുചിരിക്കുവാണേ
നാളത്തെ ചർച്ചയുണ്ടാകുവാണെ

ഈ കാഴ്ചകൾ കണ്ടൊരാ വെള്ളിമൂങ്ങ
വെള്ളാരംകുന്നിൽ ഇരിക്കുവാണേ
തല തല്ലിക്കീറി കരയുവാണെ
കപടലോകത്തെ ശപിക്കുവാണേ

നമ്മേഭയന്നൊരു വെള്ളിമൂങ്ങ
നമ്മെശപിച്ചങ്ങിരിക്കുവാണേ
ശാപം നമ്മുടെതലക്കുമീതേ
ലോകം നമ്മുടെ കൽക്കലാണ്

©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission

Leave a Reply