ബൃന്ദാവനസാരംഗ

(1 customer review)




Novel details

” നവ്യ …. കീർത്തനയെന്താ ക്ലാസിന് വരാത്തത് . കഴിഞ്ഞയാഴ്ചയും വന്നില്ലല്ലോ .. നവ്യേടെ വീടിനടുത്തല്ലേ ആ കുട്ടി …….” മുന്നിൽ ചമ്രം പടിഞ്ഞിരിക്കുന്ന വിദ്യാർത്ഥികൾക്കിടയിൽ നവ്യയോടായി അവൾ ചോദിച്ചു ….

ആ പെൺകുട്ടിയുടെ മുഖം വാടി …..

” അത് …… കീർത്തനയിനിയിങ്ങോട്ടില്ലെന്ന് അവൾടെ അമ്മ പറഞ്ഞു ചേച്ചി …. “

” അതെന്താ …………..”

” അത് …… അത് ………” നവ്യ പറയാനെന്തോ വിഷമത്തോടെ മറ്റുള്ളവരെ നോക്കി ….

” വേണ്ട ….. മനസിലായി … ” അവൾ വലം കൈ ഉയർത്തി തടഞ്ഞു … ഒരു നിമിഷം അവളുടെ വിടർന്ന മിഴിയിണയിൽ വെള്ളം നിറഞ്ഞു … തൊട്ടടുത്ത നിമിഷം അവളൊരു പുഞ്ചിരി കൊണ്ടവ മായ്ച്ചു ….. എല്ലാം നേർത്തൊരു പുഞ്ചിരി കൊണ്ട് നേരിടാൻ കുട്ടിക്കാലത്തു തന്നെ ശീലിച്ചു തുടങ്ങിയതാണല്ലോ … ഒരു നിമിഷം സിസ്റ്റർ ബ്രിജിത്തയെ അവൾ മനസിലോർത്തു ..

” സ രി മ പ ധ സ ….”

” സ രി മ പ ധ സ .. “

ആ പഴയ വീടിന്റെ അകത്തളങ്ങളിൽ നിന്നു മകരമഞ്ഞുരുണ്ടു കൂടിയ നേർത്ത പുലരിയുടെ ഹൃദയത്തിലേക്ക് ശ്രുതി ശുദ്ധമായ സ്വരരാഗ പ്രവാഹമുയർന്നുകൊണ്ടിരുന്നു …

മെഴുകിയ സിമന്റ് തറയിൽ നേർത്ത വിള്ളലുകൾ വീണിരുന്നു .. തറയിലേക്കിറ്റു വീഴുന്ന വെള്ളത്തുള്ളികൾ അവളുടെ ഈറൻ മുടിത്തുമ്പിൽ നിന്നായിരുന്നു … നെറ്റിയിൽ വരഞ്ഞ ചന്ദനത്തിന്റെ സുഗന്ധം അവിടെയെങ്ങും നിറഞ്ഞു നിന്നിരുന്നു ..

” സ ധ പ മ രി സ ….”

” സ ധ പ മ രി സ …”

തുടുത്ത അധരങ്ങളിൽ നിന്നടർന്നു വീണ സ്വരങ്ങൾ , അവൾക്കു മുന്നിലിരുന്ന വിദ്യാർത്ഥികൾ ഏറ്റു പാടി ….

” അ… നലേ .. കര ..വുന്നി.. ബോലതി .. സകലശാസ്ത്രപുരാ …. ണ …” വലതേ തുടക്കു മീതെ അവളുടെ മനോഹരമായ വെളുത്ത വിരലിലൂടെ ത്രിപുട താളമൊഴുകിക്കൊണ്ടേയിരുന്നു …

ഇടയ്ക്ക് അവളുടെ മിഴികൾ ചുമരിലെ ക്ലോക്കിലേക്ക് നീണ്ടുപോയിരുന്നു ..

ഇനി ഇവളാരാണെന്ന് പറയാം … ഇവൾ വേദ … ഒരു പക്ഷെ ഞാൻ പറയുന്നതിനേക്കാൾ മനോഹരമായി അവളെക്കുറിച്ച് അയാൾ വർണ്ണിക്കും … വരൂ .. ഒരഞ്ചു മിനിറ്റ് നമുക്ക് മറ്റൊരു വീട്ടിലെ മുറിയിലേക്ക് ഒന്നെത്തി നോക്കാം …

നിക്ക് ..നിക്ക് … നോട്ടം ഞാൻ പറയുന്നിടത്തേക്ക് മാത്രം മതി .. ആ മുറിയുടെ കോണിൽ ഹാങ്കറിൽ തൂങ്ങിക്കിടക്കുന്ന മുഷിഞ്ഞ വസ്ത്രങ്ങളിലേക്ക് നോക്കരുത് .. ആ ബെഡിൽ കമിഴ്ന്നു കിടന്നുറങ്ങുന്ന അർദ്ധനഗ്നനായ പുരുഷനെയും നോക്കരുത് …

ദേ ആ മേശമേലിരിക്കുന്ന ലാമ്പിനു താഴെ , ചുവന്ന പുറംചട്ടയുള്ളൊരു ഡയറി കണ്ടോ … അത് മാത്രം നമുക്കൊന്ന് തുറന്നു നോക്കാം ….

ഉവ്വ് …. ഈ ഡയറിയിൽ ഇന്നലെയും അയാളെന്തോ എഴുതിയിരുന്നു … കണ്ടോ എടുത്തപ്പോൾ തന്നെ അയാൾ പേന വച്ചിരുന്ന താള് തുറന്നു വന്നത് …

വേണ്ട .. ആ എഴുതിയിരിക്കുന്നത് വായിക്കണ്ട .. അത് അപൂർണമാണ് …. നമുക്ക് വായിക്കേണ്ടത് കുറച്ച് മുന്നേയുള്ളതാണ് …

താളുകൾ പിന്നിലേക്ക് മറിഞ്ഞു ..

ആ ഇത് തന്നെ ….

വേദ ……….

മുഴുവൻ ഭാഗങ്ങളും വായിക്കുക

 

Title: Read Online Malayalam Novel Brindavana Saranga written by Amrutha Ajayan

©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission

1 review for ബൃന്ദാവനസാരംഗ

  1. Ani

    Very Touching… Keep writing Ammuse…

Add a review

Your email address will not be published. Required fields are marked *