✒️പ്രാണ
“അമ്മേ ഇന്ന് ആ ബ്രോക്കർ വർക്കി ഇങ്ങോട്ടെക്ക് വന്നോ??
കയ്യിലിരുന്ന ബാഗ് സെറ്റിയിലേക്ക് എറിഞ്ഞു കൊണ്ട് കൃഷ്ണപ്രിയ അമ്മ സോജയുടെ നേർക് തിരിഞ്ഞു…
“ഹാ വന്നു…ഞാൻ പറഞ്ഞിട്ട് തന്നെയാ വന്നത്…വയസ് എത്രയായി എന്നാ മോളുടെ വിചാരം…കഴിഞ്ഞ മാസം പതിനാറാം തിയതിയോടെ ഇരുപത്തി മൂന്ന് പൂർത്തിയായി …ഇനിയും ഇങ്ങനെ നടക്കാൻ നോക്കേണ്ട…എല്ലാം ഞാനും നിന്റെ അച്ഛനും തീരുമാനിച്ചു ഉറപ്പിച്ചിട്ടുണ്ട്…”
കയ്യിലിരുന്ന മാസിക ടീപോയിയുടെ മുകളിൽ വച്ചുകൊണ്ട് ഇനി ഒരു ചോദ്യമോ ഉത്തരമോ ഇല്ലാ എന്ന നിലക്ക് സോജ തറപ്പിച്ചു പറഞ്ഞു…
“..അമ്മേ…!!
“..നിന്റെ അച്ഛൻ നാളെ മോർണിംഗ് ഇങ്ങേത്തും എന്ന് പറഞ്ഞിട്ട് വിളിച്ചിരുന്നു..എവിടെയും മുങ്ങാൻ ഒന്നും നോക്കേണ്ട…പൊക്കാൻ എളുപ്പത്തിൽ പറ്റും…അതുകൊണ്ട് മോൾ ഇപ്പൊ പോയി കുളിക്ക്…പുറത്തൊക്കെ പോയി വന്നതല്ലേ..”
ലേശം കളിയായും പാതി ഗൗരവത്തോടെയും പറഞ്ഞുകൊണ്ട് സോജ അകത്തേക്ക് നടന്നു…
ഇനി നിന്നിട്ട് കാര്യമില്ല എന്ന് മനസ്സിലാക്കിയ കൃഷ്ണപ്രിയ തന്റെ റൂമിലേക്ക് നടന്നു…
★★★★★★★
ബിസിനസ്‌കാരനായ മോഹനും ഭാര്യ സോജക്കും ആണായിട്ടും പെണ്ണായിട്ടും കണക്കാക്കാൻ ആകെ ഒരു മകൾ മാത്രമേ ഉള്ളു…
*കൃഷ്ണപ്രിയ…* മുഴുവൻ പേര് *കൃഷ്ണപ്രിയ മോഹൻ…*
Ameena shamna –
perfect