ഈ തണലിൽ ഇത്തിരി നേരം

(2 customer reviews)




Novel details

പാരിജാതത്തിനും, അവികയ്ക്കും, ഹൃദയസഖിക്കുമൊക്കെ ശേഷം എന്റെ പുതിയ കഥ, കട്ടയ്ക്ക് കൂടെ നിൽക്കില്ലേ?

 

“എന്റെ പൊന്നു ശ്രീ,.. നിന്നെ പെണ്ണുകാണാനല്ല ചേച്ചിയെ പെണ്ണ് കാണാനാ അവർ വരുന്നത് !”

രാവിലെ തൊട്ടേ കണ്ണാടിക്ക് മുൻപിലുള്ള നിൽപ്പാണ്, മണിക്കൂർ ഒന്ന് കഴിഞ്ഞു, ഇതുവരെ കഴിഞ്ഞില്ല ഒരുക്കം,..

ശ്രീമംഗലം തറവാട്ടിലെ ചന്ദ്രശേഖരന്റേയും മാലിനിയുടെയും ഇളയ പുത്രിയായ ശ്രീയെന്നു വിളിപ്പേരുള്ള ശ്രേയ, സെന്റ് മേരീസ് ഇംഗ്ലീഷ് സ്കൂളിൽ പ്ലസ് വണിന് പഠിക്കുന്നു, എന്ന് കരുതി ഇംഗ്ലീഷിൽ വല്ല്യ നിലവാരമൊന്നും പ്രതീക്ഷിക്കണ്ടാട്ടൊ,.. കക്ഷി പ്ലസ് വണ്ണിൽ ഒക്കെയാണ് പഠിക്കുന്നതെങ്കിലും നാവ് സംസാരത്തിൽ പി എച്ച് ഡി എടുത്തിട്ടുണ്ട്,.

ഇനി ആരാണ് ശ്രീയെ രാവിലെയേ ഉപദേശിക്കുന്നതെന്നല്ലേ? വേറാരുമല്ല ചന്ദ്രശേഖരന്റേയും മാലിനിയുടെയും മൂത്ത പുത്രി, ശ്രീയുടെ നേരെ ഓപ്പോസിറ്റ് ആണ് ശ്വേത, വായാടിയല്ല, പക്വതയും പാവതയും ഒക്കെയുള്ള വളരെ സിംപിൾ ആയിട്ടുള്ളൊരു നാടൻ പെൺകുട്ടി,. തെരേസാ കോളേജിൽ ബി. കോം സെക്കന്റ്‌ ഇയർ ആണ്,. ഇനിയിപ്പോൾ ശ്രീയെ ഉപദേശിക്കുന്നതിൽ തെറ്റൊന്നുമില്ലല്ലോ !

“അതെന്താ പെണ്ണിന്റെ അനിയത്തിമാർ മേക്കപ്പ് ഇട്ടാൽ കൊള്ളൂല്ലേ? ” ശ്രേയ അൽപ്പം ഗൗരവത്തോടെ ചോദിച്ചു,. ആ അതിലെന്താണ് കുഴപ്പം ഈ കാര്യത്തിൽ ഞാൻ ശ്രീയുടെ കൂടെയാണെ,.

“ആ നീയെന്തെങ്കിലും കാണിക്ക്,.. ഞാൻ ചേച്ചി ഒരുങ്ങിയോ എന്ന് പോയി നോക്കട്ടെ,..” ശ്വേത തന്റെ അനിഷ്ടം പ്രകടിപ്പിക്കുക തന്നെ ചെയ്തു,.

“യൂ ഗോ മാൻ,.. ആൻഡ് ഡോണ്ട് ഡിസ്റ്റർബ് മി !”

ശ്രേയ റൂഷ് എടുത്തു തന്റെ ചുവന്ന കവിൾ ഒരിക്കൽ കൂടെ ചുവപ്പിച്ചു, ഇവളെയൊന്നും പറഞ്ഞിട്ട് ഒരു കാര്യവുമില്ലെന്ന അർത്ഥത്തിൽ ശ്വേത മുറിയുടെ പുറത്തേക്കിറങ്ങി,.

“ശ്വേത,…” അമ്മ മാലിനിയാണ്, നീല നിറത്തിലുള്ള കസവു സാരിയിൽ അവരുടെ പ്രൗഢി തിളങ്ങി നിന്നു,.

“എന്താ അമ്മേ? ”

“ഋതു ഒരുങ്ങികഴിഞ്ഞില്ലേ? ”

“ഒരുങ്ങിക്കാണും, ചേച്ചിക്ക് ഇടാനുള്ള ഡ്രസ്സ്‌ എടുത്ത് കൊടുത്തിട്ടല്ലേ ഞാൻ മുറിയിലേക്ക് പോയത് !”

“ആ വേഗം റെഡിയാവാൻ പറയ്,.. അവരിങ്ങ് എത്താനായി !”

Read Now

©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission

2 reviews for ഈ തണലിൽ ഇത്തിരി നേരം

  1. Dee

    Super story

  2. Aami

    ഒത്തിരി ഒത്തിരി ഇഷ്ടമായി.. സൂപ്പർ സൂപ്പർ സൂപ്പർ 😍😍

Add a review

Your email address will not be published. Required fields are marked *