ഗന്ധർവ്വൻ

(1 customer review)




Novel details

“നിങ്ങൾക്ക് നാണമുണ്ടോ സ്വന്തം മോളെ നട്ടപ്പാതിരയ്ക്ക് അഴിഞ്ഞാടാൻ വിട്ടിട്ട് ഒന്നുമറിയാത്ത പോലെ കിടന്നുറങ്ങാൻ??”

“മനു.. ഞാൻ പറയുന്നതൊന്നു കേൾക്ക് …പ്ലീസ്..”

സാക്ഷയുടെ ശബ്ദത്തിലെ ദൈന്യത അയാളുടെ ദേഷ്യത്തെ വീണ്ടും പടുത്തുയർത്തി..

“നീയൊന്നും പറയണ്ടടീ…

ഞാനപ്പഴേ പറഞ്ഞതാ… അറ്റ്ലീസ്റ്റ് ഒരു പെൺകുട്ടിയെങ്കിലും ഉള്ള ക്ലാസ്സിലേക്ക് മാറ്റാമെന്ന്… ആര് കേൾക്കാൻ!! അനുഭവിച്ചോ എല്ലാരും കൂടെ!! ഒടുക്കം ചീത്തപ്പേര് കേൾപ്പിയ്ക്കുമ്പോ എന്നെ വിളിച്ചേക്കരുത്!!”

“ഇതിന് മാത്രം ഞാനെന്തു തെറ്റ് ചെയ്തെന്നാ നീ പറയണേ?? ഫ്രണ്ട്സിന്റെ കൂടെ ഒരു സെക്കൻഡ് ഷോ യ്ക്ക് പോവുന്നത് അത്ര വലിയ തെറ്റാണോ??”

“പാതിരാത്രി കണ്ട ചെക്കമ്മാർടെ ബൈക്കിൽ വീട്ടിൽ പറയാതെ സിനിമയ്ക്ക് പോവ്വാ.. അവിടെക്കിടന്നു തോന്നിവാസം കാണിയ്ക്കാ.. ഇതൊക്കെ മഹത്തായ കാര്യമാണെന്നാവും!!”

മനു അവളെ നോക്കി പുച്ഛത്തിന്റെ നിറയൊഴിച്ചു!!

“ഞാനെന്തു തോന്നിവാസം കാണിച്ചെന്നാ പറയുന്നേ?? അവരെന്റെ ഫ്രണ്ട്സാ!! ഇന്നേവരെ മോശമായിട്ട് ഒരു നോട്ടം പോലും എന്നെ നോക്കിയിട്ടില്ല ആരും…

അച്ഛനോട് പറയാതെ പോയത് തെറ്റാ… അതിനപ്പുറം ഞാനൊരു തെറ്റും ചെയ്തിട്ടില്ല…”

“നിന്നെപ്പറഞ്ഞിട്ടു കാര്യമില്ല… നിന്റെ എല്ലാ തോന്നിവാസത്തിനും വളം വച്ച് മിണ്ടാതെ നോക്കി നിൽക്കുന്ന അമ്മാവനെ പറഞ്ഞാ മതിയല്ലോ..!!”

ഞെട്ടലോടെ ഞങ്ങളെ രണ്ടുപേരെയും മാറി മാറി നോക്കുന്ന അച്ഛനെ ദേഷ്യത്തോടെ നോക്കിക്കൊണ്ടു അവൻ ബൈക് സ്റ്റാർട്ട് ആക്കി..

“മോളെ കയ്യോടെ കൂട്ടിക്കൊണ്ടു വന്നത് തെറ്റായെങ്കിൽ അവിടെത്തന്നെ കൊണ്ട് വിട്ടേക്കാം… എല്ലാം കഴിഞ്ഞു നേരം വെളുക്കുമ്പോ അവമ്മാര് തന്നെ കൊണ്ട് വിട്ടോളും…!!”

“നിർത്തെഡാ… ഇനിയെന്റെ ഫ്രണ്ട്സിനെപ്പറ്റി ഒരക്ഷരം മിണ്ടിപ്പോവരുത്…”

“ഞാനൊന്നും പറയുന്നില്ല.. അച്ഛനും മോളും കൂടെ എന്താന്ന് വച്ചാൽ ആയിക്കോ…”

ദേഷ്യം കടിച്ചമർത്തി നിൽക്കുന്ന എന്നെ ഒന്ന് കൂടെ കനപ്പിച്ചു നോക്കിക്കൊണ്ടു മനു വേഗത്തിൽ ബൈക്കുമായി ഗേറ്റ് കടന്നു പോയി..

“അച്ഛാ… സത്യായിട്ടും അവൻ പറഞ്ഞത് പോലൊന്നും…”

മുഴുമിപ്പിയ്ക്കുന്നതിനു മുൻപേ അച്ഛൻ അകത്തേയ്ക്ക് നടന്നു കഴിഞ്ഞിരുന്നു…

സാക്ഷ കരച്ചിലിന്റെ വക്കിലെത്തി!!

പാതിയടഞ്ഞു കിടന്നിരുന്ന ഗേറ്റ് ചേർത്തടച്ചു ഓടാമ്പൽ നീക്കിക്കൊണ്ടു അവൾ അകത്തേയ്ക്ക് കയറി…

അമ്മയുടെ ഫോട്ടോയുടെ താഴെ ചുവന്ന വിളക്കെരിഞ്ഞു കത്തുന്നുണ്ട്…..

 

മുഴുവൻ ഭാഗങ്ങളും വായിക്കുക

©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission

1 review for ഗന്ധർവ്വൻ

  1. Sreekrishna

    സൂപ്പർ സ്റ്റോറി. Waiting for last part

Add a review

Your email address will not be published. Required fields are marked *