അബ്ദുള്ള എന്ന പ്രസന്നൻ

16th ജൂൺ 2020

പതിവുപോലെ പ്രസന്നൻ ഡ്യൂട്ടി കഴിഞ്ഞു റൂമിൽ വന്നു .
ശരീരം മുഴുവൻ നല്ല വേദന . കഴിഞ്ഞ രണ്ടു ദിവസമായി ക്ഷീണവും തലവേദനയുമുണ്ട്. അതെല്ലാം വക വെക്കാതെയുള്ള അധ്വാനം . നല്ല വിശപ്പുണ്ടെങ്കിലും  ഒന്നും കഴിക്കാൻ തോന്നുന്നില്ല . ഒരല്പം കഞ്ഞിയാണ്  നല്ലത് . നാട്ടിൽ നിന്നും ഭാര്യ കൊടുത്തയച്ച അച്ചാറും പാകമായ  കഞ്ഞിയും അയാൾ  പാത്രത്തിലേക്  പകർന്നു . ആദ്യ വറ്റ്  തന്റെ നെറുകയിൽ കയറിയത് പോലെ പ്രസന്നന്  തോന്നി .ഒന്ന് ചുമച്ചു .ഇറക്കിയ ആദ്യ വറ്റ്‌  ശർദിലിന്റെ  രൂപത്തിൽ വെളിയിലേക്കു  പ്രവഹിച്ചു . തന്റെ കണ്ണുകളിൽ ഇരുട്ട് നിറയുന്നത് പോലെ അയാൾക്ക്‌ തോന്നി . മോനെ ….ഒരു നേർത്ത ശബ്ദം പുരപ്പെടുവിച് ആ ശരീരം പിന്നോട്ട് മറിഞ്ഞു !!!!

👨‍👩‍👦👨‍👩‍👦👨‍👩‍👦👨‍👩‍👦👨‍👩‍👦👨‍👩‍👦👨‍👩‍👦👨‍👩‍👦👨‍👩‍👦👨‍👩‍👦👨‍👩‍👦👨‍👩‍👦👨‍👩‍👦👨‍👩‍👦👨‍👩‍👦👨‍👩‍👦👨‍👩‍👦👨‍👩‍👦

നാട്ടിലെ യുവാക്കൾ ഗൾഫ് എന്ന സ്വപനം കാണുന്ന സമയം .വീടിന്റെ പ്രമാണം പണയം വെച്ച് 20,000 രൂപ ബ്രോക്കറിന്  കൊടുത്ത് തന്റെ ഇരുപത്തി അഞ്ചാം വയസ്സിൽ ദുബായിൽ എത്തിയതാണ്  പ്രസന്നൻ .കഷ്ടപ്പാടിന്റെ  ദിനങ്ങൾ . നല്ലൊരു വീട് ,സഹോദരിയുടെ വിവാഹം ..ചിന്തകൾ മനസ്സിൽ കടന്നു കൂടുമ്പോൾ കഷ്ടപ്പാടുകൾക്കും  ഒരു മധുരം ഉണ്ടെന്ന് അയാൾക്ക്‌ തോന്നിയിരുന്നു .

വർഷങ്ങളുടെ അധ്വാന  ഫലമായി നല്ലൊരു വീട് അയാൾ സ്വന്തമാക്കി . സഹോദരിയുടെ വിവാഹ ശേഷം ,അമ്മയുടെ നിർബന്ധ പ്രകാരം വിവാഹം .
രമണി എന്നായിരുന്നു അവളുടെ പേര് .പ്രസന്നന്റെ  ബുദ്ധിമുട്ട് മനസിലാക്കിയിരുന്ന രമണി അനാവശ്യമായി ഒരു പൈസ പോലും ചിലവാക്കിയിരുന്നിയില . സന്തോഷം അവരുടെ ജീവിതത്തിൽ കളിയാടി .

വിവാഹത്തിനെടുത്ത  ലീവ് തീർന്നു  പ്രസന്നൻ തിരികെ ദുബായിലേക്കു  മടങ്ങി . വർഷങ്ങളായി ഒരേ ജോലി .ശമ്പള വർധനവ് ഉണ്ടായിരുന്നില്ല . തന്റെ സുഹൃത്തുക്കൾ വലിയ സ്ഥാനമാനങ്ങൾ  കാരസ്ഥമാക്കിയപ്പോഴും  പ്രസന്നന്  കഷ്ടപ്പാടുകൾ മാത്രം ബാക്കിയായി . എല്ലാവരും വർഷത്തിൽ ഒരിക്കൽ തങ്ങളുടെ ഉറ്റവരെ  കാണാൻ നാട്ടിൽ പോകുമ്പോൾ ,അയാൾ തന്റെ ആഗ്രഹം ഉള്ളിലൊതുക്കി രണ്ടു വർഷത്തിലൊരിക്കൽ  മാത്രം ആക്കി യാത്ര .

തന്റെ പ്രിയതമന്റെ ഓർമയിൽ രമണി ജീവിച്ചു കാണാൻ ഏറെ കൊതിയുണ്ടായിരുന്നേകിലും , തന്റെ ആഗ്രഹങ്ങൾക് കടിഞ്ഞാണിട്ട് അവൾ ജീവിച്ചു .ഒരു കുഞ്ഞിനെ താലോലിക്കാൻ അവളുടെ മനസ്സ് വെമ്പിയിരുന്നു . തന്റെ പരിശ്രമങ്ങൾക് ഫലം കാണാനാകാതെ പ്രസന്നനും .നീണ്ട ആറു വർഷങ്ങൾക് ശേഷം അവർക്കൊരു പൊന്നോമന പിറന്നു .സന്തോഷത്തിന് അതിരുകളില്ലായിരുന്നു അവർക്ക് .തന്റെ ശിഷ്ട കാലം മകനെ പഠിപ്പിച്ചു വലിയ ആളാക്കാൻ അയാൾ പരിശ്രമിച്ചു .

2nd Jan 2020

തന്റെ പൊന്നോമനയെ കാണാനുള്ള ആഗ്രഹം ഉള്ളിലൊതുക്കി നീണ്ട രണ്ടു വർഷങ്ങൾ അയാൾ തള്ളി നീക്കി . തന്റെ മകനെ അയാൾ വാരിപ്പുണർന്നു .അവന്റെ കളിയും ചിരിയും ..”അച്ഛാ “…വിളിയും അയാളിൽ അന്നോളം ലഭിച്ചിട്ടില്ലാത്ത ആനന്ദാനുഭൂതി ഉളവാക്കി .തന്റെ പ്രിയതമയോടും മകനോടുമൊപ്പം അയാളുടെ ജീവിതത്തിലെ ഏറ്റവും നല്ല നിമിഷങ്ങൾ ആ അവധിക്കാലത്തു പ്രസന്നൻ ചിലവഴിച്ചു .

കാലത്തിനെ പിടിച്ചു കെട്ടാൻ ആർക്കാകും .തിരിച്ചു പോകേണ്ട ദിവസം ആഗതമായി .ഇത്തവണ അയാളുടെ മനസ്സ് മുഴുവൻ മകനായിരുന്നു . മുറിവേറ്റ  മനസ്സുമായി അയാൾ വീടിന്റെ പടിയിറങ്ങി.

തിരികെയെത്തിയ പ്രസന്നനെ കാത്തിരുന്നത് കേൾക്കാൻ പാടില്ലാത്ത വാർത്തയായിരുന്നു . തന്റെ ജോലിയുടെ കോൺട്രാക്ട് അവസാനിക്കുകയാണെന്നു പ്രസന്നന് അറിയിപ്പ് കിട്ടി .എല്ലാ പ്രതീക്ഷകളും അവനിൽ അസ്തമിച്ചിരുന്നു . ദൈവ ദൂതനെപ്പോലെ അയാളുടെ പഴയ സുഹൃത്തിനെ കണ്ടുമുട്ടി .കാര്യങ്ങൾ അറിയിച്ചപ്പോൾ വേണ്ടത് ചെയ്യാമെന്ന് അയാളേറ്റു .

രണ്ടു ദിവസത്തിന് ശേഷം പ്രസന്നൻ അയാളെ കണ്ടു .”ജോലി ശെരിയാണെടാ ..പക്ഷെ ഒരു കുഴപ്പമുണ്ട് ..

“അറബിക്ക് മുസ്ലിമിനെ തന്നെ വേണം .നിനക്ക് മുസ്ലിം ആവാൻ പറ്റുമോ “.

നിനക്ക് താല്പര്യമാണെങ്കിൽ ബാക്കിയൊക്കെ ഞാൻ ചെയ്തു തരാം . മറ്റു പോംവഴി ഇല്ലാതെ പ്രസന്നൻ അത് സ്വീകരിച്ചു .

“അങ്ങനെ പ്രസന്നൻ അബ്ദുള്ള ആയി ”

സ്വന്തം വ്യക്തിത്വം പോലും മറച്ചു ജീവിതം കരക്കടുപ്പിക്കാൻ ശ്രെമിക്കുന്നതിനിടയിലാണ് കൊറോണയുടെ എൻട്രി …

ലോക രാജ്യങ്ങളെ തന്റെ കൈപിടിക്കുള്ളിലാക്കി കൊറോണ വൈറസ് താണ്ഡവമാടിയപ്പോൾ പലർക്കും തങ്ങളുടെ ജീവിതമാർഗം നഷ്ടപ്പെട്ടിരുന്നു .

ദുബായിൽ കൊറോണ ശ്കതിയാർജിക്കുമ്പോഴും പ്രസന്നൻ ജോലിക്ക് പോയിരുന്നു .

കൊറോണ വാർത്തകൾ രമണിയുടെ ഉള്ളിൽ ആദി പടർത്തിയിരുന്നു .

15th june 2020

അന്നു രാത്രി പ്രസന്നൻ പതിവില്ലാതെ രമണിയെ ഫോൺ ചെയ്തു .ശബ്ദത്തിൽ തളർച്ചയുണ്ടായിരുന്നു .

മോളേ ….ഡ്യൂട്ടി സമയത്തു ചെറിയ ഒരു തല കറക്കം .ഹോസ്പിറ്റലിൽ പോയിരുന്നു .കുഴപ്പമൊന്നുമില്ല .ക്ഷീണം കൊണ്ടാണെന്നു ഡോക്ടർ പറഞ്ഞു ..മരുന്ന് തന്നിട്ടുണ്ട് .

രമണിയുടെ നെഞ്ചിടിപ്പ് വർധിച്ചു .. ഏട്ടാ ..സൂക്ഷിക്കണേ ..ഓരോരോ വാർത്തകൾ കേൾക്കുമ്പോൾ ഭയമാണെനിക്ക് . ക്ഷീണമുണ്ടെങ്കിൽ കുറച്ചു കഞ്ഞി വച്ചു കുടിക്ക് . ഒന്നുറങ്ങി എണീക്കുമ്പോൾ എല്ലാം മാറും ..

മകനെക്കുറിച്ചു അന്വേഷിക്കുമ്പോൾ പ്രസന്നന്റെ നാവു കുഴയുന്നുണ്ടായിരുന്നു . എന്തോ പറയുവാൻ രമണി തുനിഞ്ഞപ്പോഴേക്കും ഫോൺ കട്ടായി ..

16th june 2020

രാവിലെ എണീക്കുമ്പോൾ ശരീരം വലിഞ്ഞു മുറുക്കുന്ന വേദന. ചെറുതായി പ്രസന്നൻ കിതക്കുന്നുണ്ടായിരുന്നു .

എല്ലാം അവഗണിച്ചു അയാൾ ഡ്യൂട്ടിക്കായി ഇറങ്ങിത്തിരിച്ചു .

പതിവുപോലെ പ്രസന്നൻ ഡ്യൂട്ടി കഴിഞ്ഞു റൂമിൽ വന്നു .
ശരീരം മുഴുവൻ കടുത്ത വേദന . നല്ല വിശപ്പുണ്ടെങ്കിലും  ഒന്നും കഴിക്കാൻ തോന്നുന്നില്ല . ഒരല്പം കഞ്ഞിയാണ്  നല്ലത് . നാട്ടിൽ നിന്നും ഭാര്യ കൊടുത്തയച്ച അച്ചാറും പാകമായ  കഞ്ഞിയും അയാൾ  പാത്രത്തിലേക്  പകർന്നു . ആദ്യ വറ്റ്  തന്റെ നെറുകയിൽ കയറിയത് പോലെ പ്രസന്നന്  തോന്നി .ഒന്ന് ചുമച്ചു .ഇറക്കിയ ആദ്യ വറ്റ്‌  ശർദിലിന്റെ  രൂപത്തിൽ വെളിയിലേക്കു  പ്രവഹിച്ചു . തന്റെ കണ്ണുകളിൽ ഇരുട്ട് നിറയുന്നത് പോലെ അയാൾക്ക്‌ തോന്നി . മോനെ ….ഒരു നേർത്ത ശബ്ദം പുരപ്പെടുവിച് ആ ശരീരം പിന്നോട്ട് മറിഞ്ഞു !!!!

————————————————-

അടുത്ത നാൾ രാവിലെ പ്രസന്നന്റെ മരണ വിവരം അറിഞ്ഞാണ് പ്രസന്നന്റെ ആ കൊച്ചു വീട് ഉറക്കമെണ്ണിച്ചത് .രമണിയുടെ അലമുറ ആ വീടിന്റെ ചുമരുകളിൽ എങ്ങും അലയടിച്ചു . തന്റെ അച്ഛൻ യാത്രയായത് അറിയാതെ ആ കുഞ്ഞും ..

വിശദമായ പരിശോധനയിൽ പ്രസന്നന് കൊറോണ ഇൻഫെക്ഷൻ ഉണ്ടെന്ന് മനസിലായി .ബോഡി നാട്ടിലെത്തിക്കാൻ ഒരുപാട് നിവേദനങ്ങൾ നൽകിയെങ്കിലും ഫലമുണ്ടായില്ല . അതു കൂടാതെ ആർക്കും പ്രസന്നൻ എന്നയാളിനെ അവിടെ അറിയുന്നുണ്ടായിരുന്നില്ല .അബ്ദുള്ളയായിരുന്നു അവർക്കവൻ .

കൊറോണ ജീവൻ കവർന്നവരിൽ ഞങ്ങളുടെയെല്ലാം പ്രസന്നേട്ടനും ഉണ്ടായി . നാടും ഉറ്റവരെയും വിട്ടു അവസാനം സ്വന്തം മണ്ണിൽ തല ചായ്ച്ചുറങ്ങാൻ ആ ആത്‌മാവിന് ഭാഗ്യം ലഭിച്ചില്ല . ഒരായിരം സ്വപ്നങ്ങളോടെ പ്രവാസിയായി ജീവിച്ച അനേകായിരം ആളുകളെ കൊറോണ എന്ന ഭീകരൻ വിഴുങ്ങി .

ഇന്നും പ്രസന്നേട്ടന്റെ ആത്‌മാവ്‌ നാട്ടിൽ വരാൻ കൊതിക്കുന്നുണ്ടാവും അല്ലേ ….

About Author

പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം

Email Address

Subscribe