ഇന്ന് മുതൽ പുതിയൊരു സ്ഥലത്ത് പുതിയൊരു ശ്രുതിയായി………………..
കാറിൻറെ വിൻഡോ സീറ്റ് ലൂടെ പുറം കാഴ്ചകൾ കണ്ടിരുന്ന് ഞാനുറങ്ങിപ്പോയി . മണിക്കൂറുകൾ നീണ്ടുനിന്ന യാത്രയ്ക്കൊടുവിൽ മെയിൻ റോഡിൽ നിന്നും ഒരു സാധാരണ കട്ട റോഡിലേക്ക് ഞങ്ങളുടെ വണ്ടി തിരിഞ്ഞു .
മെയിൻ റോഡിലെ സുഖകരമായ യാത്രയ്ക്കൊടുവിൽ കട്ട് റോഡിലെ കുലുക്കവും ചാട്ടവും എൻറെ ഉറക്കത്തിൽ നിന്നും എന്നെ ഉണർത്തി . ഉറക്കമുണർന്ന നോക്കിയ ഞാൻ കണ്ടത് ഞങ്ങളൊരു ടാർ ചെയ്യാത്ത ഒരു കട്ട റോഡിലൂടെ പോകുന്നതാണ് .
ആ റോഡിൻറെ രണ്ടു സൈഡിലും നല്ല കതിർ വിളഞ്ഞുനിൽക്കുന്ന പച്ചപ്പാടം ആയിരുന്നു . പ്രത്യേകമായ എന്തോ ഒരു സൗന്ദര്യമാണ് ആ നാടിനെ ഉണ്ടെന്ന് എനിക്ക് തോന്നി .
ഒത്തിരി ദൂരം പിന്നിടുമ്പോഴും ആ പാതയോരങ്ങളിൽ തന്നെ നെൽക്കതിരുകൾ ഉണ്ടായിരുന്നു . റോഡിൻറെ ഇരുവശത്തേക്കും തിങ്ങിനിൽക്കുന്ന ആർ നെൽക്കതിരുകൾ ആ ഗ്രാമത്തിൽ ഒരു പ്രത്യേക വശ്യസൗന്ദര്യം തന്നെ നൽകിയിരുന്നു .
പാടവരമ്പിൽ അതിർത്തിക്കപ്പുറത്ത് മലമുകളിൽ ആയി ഞാൻ കണ്ടു ചുവന്ന പൊട്ടു പോലെ നിൽക്കുന്ന സൂര്യാസ്തമയം . കാറിൻറെ വിൻഡോസിനോട് പുറത്തേക്ക് തലയിട്ട് ഞാനിരുന്നു . നല്ല കുളിർമ്മയുള്ള കാറ്റ് എൻറെ മുടിയിലും മുഖത്തും തട്ടിത്തട്ടി പോകുന്നുണ്ടായിരുന്നു . അതുവരെ എന്റെ മനസ്സിലുണ്ടായിരുന്ന എല്ലാ സങ്കടങ്ങളും ആ നിമിഷം കൊണ്ട് ഇല്ലാതെയായി .
ആ ഗ്രാമത്തിന് മൊത്തത്തിൽ ഒരു പോസിറ്റീവ് എനർജി ഉണ്ടായിരുന്നു . ഗ്രാമത്തിന്റെ ഉള്ളിലേക്ക് കാർ സഞ്ചരിക്കും തോറും നെൽക്കതിരുകൾ മാറി വാഴത്തോട്ടങ്ങൾ കാണാൻ തുടങ്ങി. കുറച്ചുകൂടെ സഞ്ചരിച്ചപ്പോൾ കൃഷിയിറക്കാനായി പൂട്ടിയിട്ടിരിക്കുന്ന നിലമാണ് കണ്ടത് . സിറ്റിയിൽ ജനിച്ചുവളർന്ന എനിക്കിതൊക്കെ ഒരു അത്ഭുത കാഴ്ചകളായിരുന്നു അതിനാൽതന്നെ ഞാൻ മതിവരുവോളം അവ ആസ്വദിച്ചിരുന്നു .
ഒത്തിരി ഒത്തിരി സഞ്ചരിച്ച ഞങ്ങളുടെ കാർ എത്തിയത് ചുറ്റും പാടങ്ങളാൽ ചുറ്റപ്പെട്ട ഓടിട്ട ഒരു കൊച്ചു വീട്ടിലേക്കായിരുന്നു . ആ വീടിന് മുറ്റത്ത് തന്നെ ഒരു തുളസിത്തറ ഉണ്ടായിരുന്നു അതിൽ ആരോ ദീപം തെളിയിച്ചു വെച്ചിട്ടുണ്ട് . ചെറിയ താണെങ്കിലും ആ വീടിന് എന്തോ ഒരു പ്രത്യേക ഐശ്വര്യം ഉണ്ടെന്ന് എന്നെനിക്ക് തോന്നി .
തങ്ങളുടെ കാറിൻറെ ശബ്ദം കേട്ടപ്പോൾ തന്നെ ആ വീട്ടിൽ നിന്നും കുറച്ചു പേർ പുറത്തേക്കുവന്നു . അച്ഛനും അമ്മയും മൂന്ന് പെൺ മക്കളും . അവരുടെ നിൽപ്പും നോട്ടവും ചിരിയൊക്കെ കണ്ടാൽ തോന്നും അവർ ഞങ്ങളുടെ വരവിനായി കാത്തു നിൽക്കുകയാണെന്ന് .
കാറിൽനിന്നിറങ്ങിയ ഹരിമാമ ഉടൻ പോയി അയാളെ കെട്ടിപ്പിടിച്ചു . അവരുടെ സംസാരം കണ്ടാൽ എത്രയോ വർഷങ്ങളായി പരിചയമുള്ള ആളുകളെ പോലെയായിരുന്നു തോന്നിയിരുന്നത് . അയാളുടെ ഭാര്യയുടെ അടുത്തേക്ക് വന്നു എന്നിട്ട് എന്നെ കൈപിടിച്ച് അകത്തേക്കു വിളിച്ചു .
ആ പെൺകുട്ടികളും വളരെ സന്തോഷത്തോടെ എന്നെത്തന്നെ നോക്കിയിരിക്കയായിരുന്നു . ഞാൻ പതിയെ അവരുടെ കൂടെ അകത്തേക്ക് നടന്നു . വീടിനകത്ത് ഒരു പ്രത്യേകതരം തണുപ്പുണ്ടായിരുന്നു .
വീടിൻറെ ഉമ്മറക്കോലായിൽ വെച്ചിരുന്ന ആ വീട്ടിലെ ഗൃഹനാഥന്റെ ചാരുകസേരയും , പൂമുഖത്ത് തൂക്കിയിട്ടിരിക്കുന്ന ഭസ്മ കൊട്ടയും , ചേറ്റടിയോടു
തൊട്ടിരിക്കുന്ന ചാരുപടിയും എല്ലാം ആ വീടിന് ഒരു പ്രത്യേക സൗന്ദര്യം നൽകുന്നുണ്ടായിരുന്നു .
വീടിൻറെ കോലായിൽ നിന്നും ഹോളിലേക്ക് പ്രവേശിച്ചപ്പോൾ പണ്ടത്തെ തറവാട് വീട് പ്രതീതി ആണ് എനിക്ക് തോന്നിയത് . സ്വീകരണമുറിയിൽ തന്നെ മരംകൊണ്ടുണ്ടാക്കിയ വലിയ ഇരിപ്പിടമുണ്ടായിരുന്നു . അതിനു സൈഡിലായി ഒരു മരക്കട്ടിൽ ഉണ്ടായിരുന്നു . ഫോണിൻറെ ഒരു വശത്തായി മരത്തിൻറെ പലകകൊണ്ട് ഒരു വലിയ ഊഞ്ഞാൽ കെട്ടിയിരുന്നു .
വീടിന് ചുമരുകൾക്ക് എല്ലാം കുമ്മായം പൂശിയിരുന്നു. ഞാൻ ചുമരുകളിൽ പോയി തൊട്ടപ്പോൾ ഒരു പ്രത്യേക തണുപ്പ് എൻറെ വിരലുകളിൽ പ്രത്യക്ഷമായി . അങ്ങനെ കുറച്ചുനേരം നിന്നപ്പോൾ അവിടേക്ക് വീടിൻറെ ഗൃഹനാഥ കടന്നുവന്നു . സാധാരണ ഒരു കോട്ടൻ സാരിയാണ് അവർ ധരിച്ചിരുന്നത് . നെറ്റിയിൽ ഭസ്മവും സിന്ദൂര രേഖയിൽ മൂർധാവ് വരെ നീണ്ടുനിൽക്കുന്ന സിന്ദൂരവും അവർക്ക് ഒരു പ്രത്യേക സൗന്ദര്യം നൽകി .
അവരുടെ കണ്ണുകളിൽ ഒരു പ്രത്യേകതരം സ്നേഹമുണ്ടായിരുന്നു , അവരുടെ മുഖം തന്നെ വാൽസല്യ പൂർണമായിരുന്നു . അവർ എനിക്ക് നേരെ നല്ല ചൂടുള്ള കാപ്പി നീട്ടി , കുടിച്ചോളാൻ പറഞ്ഞു . ഞാനത് വാങ്ങി കുടിച്ചു . ആ കാപ്പിക്ക് പോലും വല്ലാത്തൊരു തരം പ്രത്യേക രുചിയുണ്ടായിരുന്നു . കാപ്പി കുടിച്ച ഗ്ലാസ്സ് കഴുകാനായി ഞാൻ അടുക്കളയിലേക്ക് പോയപ്പോൾ അവരുടെ മക്കൾ വന്നു അത് എൻറെ കയ്യിൽ നിന്നും ബലമായി പിടിച്ചുവാങ്ങി . ഇതൊക്കെ ഞങ്ങൾ ചെയ്തോളാം എന്നു പറഞ്ഞു , എന്നെ നോക്കി ഒന്നു പുഞ്ചിരിച്ചു .
പെട്ടെന്ന് അവരുടെ അമ്മ അങ്ങോട്ട് വന്നു കയ്യിൽ തോർത്തുമുണ്ടും പിന്നെ എനിക്ക് വേണ്ടി എടുത്തു വച്ച ഒരു ഡ്രസ്സ് ഉണ്ടായിരുന്നു . അത് എനിക്ക് നേരെ നീട്ടി അവർ എന്നോടായി പറഞ്ഞു :
” ഒത്തിരി ദൂരം യാത്ര കഴിഞ്ഞു വന്നതല്ലേ കുട്ടി , ആ ക്ഷീണം മുഴുവൻ കുട്ടിയുടെ കണ്ണുകളിലുണ്ട് . വേഗം പോയി കുളിച്ചു വരു എന്നിട്ട് എന്തെങ്കിലും കഴിക്കാം . ”
ഞാൻ ശരി എന്ന ഭാവത്തിൽ തലയാട്ടി . ആ മൂന്ന് മക്കളും ഞാൻ ചെന്നപ്പോൾ മുതൽതന്നെ പുറകെ തന്നെ ആയിരുന്നു . വീടിൻറെ പിന്നാമ്പുറത്ത് ആണ് ബാത്ത്റൂം ഉണ്ടായിരുന്നത് . ഞാൻ കുളിച്ചു വരുന്നതുവരെ അവർ എനിക്കുവേണ്ടി പുറത്തു കാത്തു നിൽക്കുകയായിരുന്നു . കുളികഴിഞ്ഞു എനിക്കവർ ഉടുക്കാൻ തന്നത് അവരുടെ മൂത്ത മകളുടെ പട്ടുപാവാട ആയിരുന്നു .
ഞാൻ ഇട്ടു വന്ന ഡ്രസ്സ് ആണെങ്കിലോ ജീൻസും ടോപ്പും . എൻറെ കയ്യിൽ ഒരുപാട് ഡ്രസ്സ് ഉണ്ടായിരുന്നിട്ടും അവർ തന്ന ഡ്രസ്സ് ഞാൻ എടുത്തിട്ടു . കറുപ്പിൽ ചുവന്ന ചെമ്പരത്തി പൂക്കളുടെ ഡിസൈൻ വർക്കുള്ള പട്ടുപാവാട . തല ശരിക്കും തോർത്താതെ പുറത്തേക്കിറങ്ങി വന്ന എൻറെ അടുത്തേക്ക് അവരുടെ അമ്മ ഓടി വന്നു .
” എന്താ മോളെ ഇത് , തല ശരിക്കും തോർത്തില അല്ലെ , ഇതു മതി ജലദോഷം പിടിക്കാൻ . ”
അത്രയും പറഞ്ഞ് അവരവരുടെ സ്ഥാനത്തും കൊണ്ട് എൻറെ തല തോർത്താൻ തുടങ്ങി . പെട്ടെന്ന് എന്തോ എനിക്ക് എൻറെ അമ്മയെ ഓർമ്മ വന്നു . തല തോർത്തി കഴിഞ്ഞതിനുശേഷം അവർ എൻറെ നിറുകയിൽ എന്തോ പൊടി തേച്ചു തന്നു .
പെട്ടെന്നാണ് എൻറെ ഫോൺ റിംഗ് ചെയ്യുന്നത് കേട്ടത് , ഞാൻ വേഗം ഓടി ചെന്ന് ഫോൺ എടുക്കാൻ നോക്കി , എനിക്കു മുന്നേ ഹരിമാമ എൻറെ ഫോൺ കൈക്കലാക്കിയിരുന്നു . എൻറെ ഫോണിൽ വരുന്ന സിംകാർഡ് ഹരിമാമ പൊട്ടിച്ചു കളഞ്ഞു . എന്നിട്ട് എൻറെ ഫോണിലേക്ക് പുതിയൊരു സിംകാർഡ് ഇട്ടുതന്നു .
ഞാൻ ഒന്നും പറയാതെ എൻറെ ബാഗ് തുറന്നു , അതിലുണ്ടായിരുന്ന ചോക്ലേറ്റ് ബോക്സ് ആ 3 പെൺകുട്ടികളിൽ ഏറ്റവും ഇളയവൾ ക്ക് നേരെ ഞാൻ നീട്ടി. അവൾ ഒരു ചെറുപുഞ്ചിരിയോടെ അത് എൻറെ കയ്യിൽ നിന്നും വാങ്ങി . അപ്പോഴാണ് അവരുടെ അമ്മ ഞങ്ങളെ എല്ലാവരെയും ഭക്ഷണം കഴിക്കാനായി വിളിച്ചത് .
അവരുടെ അടുക്കളക്ക് അടുത്തു തന്നെയായിരുന്നു ഭക്ഷണം കഴിക്കാനായി ഇട്ടിരുന്ന ടേബിളും . മരം കൊണ്ടുണ്ടാക്കിയ ഒരു വലിയ മേശ , അതിൽ നിറയെ പലതരത്തിലുള്ള ഭക്ഷണവിഭവങ്ങൾ . ഫുഡ് കഴിക്കാൻ ഇരിക്കാനായി ഓരോരുത്തർക്ക് ഓരോ കസേര ഇല്ല. പകരം മേശയുടെ നീളത്തിൽ 2 സൈഡിലായി ഇട്ടിരിക്കുന്ന ബെഞ്ച് .
ഞങ്ങളെല്ലാരും ഒരുമിച്ചു തന്നെ ഇരുന്നു ഭക്ഷണം കഴിക്കാൻ . നല്ല അടിപൊളി സാമ്പാർ , ചമ്മന്തി , അച്ചാർ , പപ്പടം , ഉപ്പേരി , പിന്നെ അവിയൽ . എല്ലാംകൂടി ഒരു അടിപൊളി സദ്യയായിരുന്നു .
ഫുഡ് കഴിച്ച് മുറ്റത്തിറങ്ങി നിൽക്കുകയായിരുന്നു ഞാൻ , അപ്പോൾ ഓരോരോ ചിന്തകൾ മനസ്സിലേക്ക് കടന്നുവന്നു . പെട്ടെന്ന് എൻറെ ചിന്തകൾക്ക് വിരാമമിട്ടുകൊണ്ട് ആ സ്ത്രീ അങ്ങോട്ട് വന്നു .
” മോൾ എന്താ ഇവിടെ ഒറ്റയ്ക്ക് നിൽക്കുന്ന ”
” ഏയ് ഒന്നുമില്ല ”
” നല്ല മഞ്ഞുണ്ട് മോളെ , മഞ്ഞുകൊണ്ട് അസുഖം വരുത്തി വെക്കണ്ട ”
” ശരി ആൻറി ”
” മോൾ എന്താണ് വിളിച്ച് ആൻറി എന്നോ ? , മോൾക്ക് ഞങ്ങളെ സ്വന്തം അച്ഛനെയും അമ്മയെയും പോലെ തന്നെ കരുതാം ”
ഞാനവരോട് തിരിച്ച് ഒന്നും പറയാതെ ഒന്ന് പുഞ്ചിരിക്കുക മാത്രം ചെയ്തു . അവർക്ക് എന്നോടുള്ള സ്നേഹവും കരുതലും കണ്ടാൽ തന്നെ അറിയാം ഹരിമാമ എൻറെ പൂർവ കാലം മുഴുവൻ പറഞ്ഞിട്ടുണ്ട് എന്ന് .
ഞാൻ പതിയെ റൂമിലേക്ക് നടന്നു കയറി . എന്നെയും കാത്ത് അവർ കട്ടിലിൽ ഇരിക്കുന്നുണ്ടായിരുന്നു . വേറെ ആരുമല്ല മൂവർ സംഘം തന്നെ . അവർ ഓരോരുത്തരായി എന്നെ പരിചയപ്പെടാൻ തുടങ്ങി.
മൂത്തവൾ സ്വാതി , 18 വയസ്സ് , എൻറെ സെയിം പ്രായം , ഡിഗ്രിക്ക് പഠിക്കുന്നു. ഇളയവൾ ശ്വേത , 16 വയസ്സ് പ്ലസ് വണ്ണിൽ പഠിക്കുന്നു . ഏറ്റവും ചെറുത് ശ്രേയ , 15 വയസ്സ് , പത്താം ക്ലാസ്സിൽ പഠിക്കുന്നു . ഞാൻ വളരെ പെട്ടെന്ന് തന്നെ അവരോടൊക്കെ കമ്പനിയായി .
ഞങ്ങൾ ഓരോന്നു പറഞ്ഞ് സംസാരിച്ചിരിക്കുമ്പോൾ പെട്ടെന്ന് അങ്ങോട്ട് ഹരിമാമ കയറിവന്നു . എന്നിട്ട് സ്വാതി യോട് ആയി ചോദിച്ചു :
” മോൾക്ക് ഡിഗ്രിയുടെ ക്ലാസ് എന്ന തുടങ്ങുന്നത് ? ”
” ഒരാഴ്ച കഴിഞ്ഞിട്ടാണ് ”
” ha എന്നാൽ മോളുടെ കൂടെ കോളേജിലേക്ക് ശ്രുതി ഉണ്ടാകും ”
ഞാൻ ഒന്നും മനസ്സിലാകാതെ ഹരി മാമയെ തന്നെ നോക്കി നിന്നു . ഈ ഹരിമാമ ഇത് എന്തൊക്കെയോ പറയുന്നത് , ഞാനിനി ഡിഗ്രി ബികോം എടുക്കാനോ , എനിക്ക് വയ്യ , ഇതുവരെ മെഡിസിന് പഠിക്കാൻ പോയിട്ട് പെട്ടെന്ന് b കോമിലേക്ക് തിരിഞ്ഞാൽ , എന്നെക്കൊണ്ട് പറ്റില്ല .
” അമ്മുട്ട്യേ , നിനക്ക് ദേഷ്യം വരുന്നുണ്ടോ ? , സാരമില്ല കുറച്ചു ദിവസം മാത്രമേ ബുദ്ധിമുട്ട് ഉണ്ടാകു . പിന്നെ എല്ലാത്തിനോടും നീ വളരെ പെട്ടെന്ന് തന്നെ ഇടപഴകി കോളും . ”
” ഹരിമാമേ ഞാൻ ”
” എനിക്ക് മനസ്സിലായി കുട്ട്യേ , നീ ടെൻഷനടിക്കേണ്ട നിനക്കൊരു കൂട്ടിന് സ്വാതി ഉണ്ടല്ലോ . ”
ഞാൻ ഹരിമാമയ്ക്ക് മറുപടി കൊടുക്കാതെ പുറത്തേക്ക് പോയിരുന്നു . വെറുതെ ഓരോന്ന് ആലോചിച്ചു നിന്നപ്പോൾ എനിക്ക് വല്ലാത്ത സങ്കടം വന്നു . അപ്പോള് ഹരിമാമ അതു മനസ്സിലാക്കിയിട്ട് എന്നോളം , എൻറെ തലയിൽ വന്നു തലോടി . എന്നിട്ട് എന്നോടായി പറഞ്ഞു .
” നീ ബിസിനസ് ഫീൽഡിലേക്ക് ഇറങ്ങുന്നത് നിൻറെ പപ്പയ്ക്ക് ഇഷ്ടമല്ലായിരുന്നു . പക്ഷേ ഞാൻ ആഗ്രഹിക്കുന്നത് നീ ബിസ്നസ് ഫീൽഡിൽ വരണമെന്നാണ് . ”
ആശ്ചര്യത്തോടെ ഞാൻ ഹരിമാമയുടെ മുഖത്തേക്ക് നോക്കി .
” എന്തിന് ? ”
” നിൻറെ അമ്മയുടെ പേരിലുള്ള സ്വത്തൊക്കെ , ഇനി നീ വേണം നോക്കിനടത്താൻ . ”
” എനിക്കൊന്നും വേണ്ട ”
” വേണ്ടെങ്കിൽ വേണ്ട , നിനക്ക് ഇവിടെ നിൽക്കുന്നതിൽ എന്തെങ്കിലും ബുദ്ധിമുട്ടുണ്ടോ ”
” അങ്ങനെ ഒന്നുമില്ല ”
” നിന്നെ വിശ്വാസത്തോടെ നിർത്തി പോകാൻ സുരക്ഷിതമായ മറ്റൊരിടം എനിക്കറിയില്ല , ഇവൻ എൻറെ കുഞ്ഞിന് മുതലുള്ള ക്ലാസ്സ്മേറ്റ് ആയിരുന്നു ഏറ്റവും ബെസ്റ്റ് ഫ്രണ്ട് . ഇവർ നിന്നെ പൊന്നുപോലെ നോക്കികോളും. ”
ഹരിമാമ വളരെ ദുഃഖത്തോടെ റൂമിൽ നിന്നും ഇറങ്ങി പോകുന്നത് കണ്ടപ്പോൾ എനിക്ക് വളരെ സങ്കടം തോന്നി . അന്നെനിക്ക് ശരിക്കും ഉറങ്ങാൻ പോലും കഴിഞ്ഞില്ല. ഓരോന്നാലോചിച്ച് അങ്ങനെ കിടന്നു .
രാവിലെ ആയപ്പോൾ തന്നെ എണീറ്റ് വരുമ്പോൾ ഒരു പോസിറ്റീവ് എനർജി ആയിരുന്നു മനസ്സ് മുഴുവൻ . ഞാൻ വേഗം ഹരിമാമ ഉണർത്താൻ പോയി . എന്നാൽ റൂമിൽ ഹരിമാമ ഉണ്ടായിരുന്നില്ല . ഞാൻ അവിടെ മുഴുവൻ ഹരിമാമയെ അന്വേഷിച്ച് നടന്നു . അപ്പോഴാണ് സ്വാതിയുടെ അമ്മ എന്നോട് പറഞ്ഞത് , ഹരിമാമ പുലർച്ചയ്ക്ക് തന്നെ പോയെന്ന് .
അത് കേട്ടപ്പോൾ എനിക്ക് വല്ലാത്ത സങ്കടം തോന്നി . എന്നോട് ഒരു വാക്കുപോലും പറയാതെ പോയിരിക്കുന്നു . ഞാൻ ആരോടും മിണ്ടാതെ പിന്നാമ്പുറത്ത് പോയിരുന്നു. അപ്പോൾ എൻറെ ഫോൺ ring ചെയ്യാൻ തുടങ്ങി . ശ്രേയ എൻറെ ഫോൺ എടുത്ത് അങ്ങോട്ട് വന്നു . അത് വേറാരുമല്ല ഹരിമാമ ആയിരുന്നു .
ദേഷ്യം കാരണം ഞാൻ ഫോൺ അപ്പോൾതന്നെ കട്ട് ചെയ്തു . മുഖം വീർപ്പിച്ച് ഇരിക്കാൻ തുടങ്ങി . അപ്പോൾ കഴുത്തിലൊരു മണികെട്ടി അങ്ങോട്ട് പാഞ്ഞു വന്ന ആട്ടിൻ കുട്ടിയെ ഞാൻ വഴക്കു പറയാൻ തുടങ്ങി.
ഹരിമാമ യോട് ഉള്ള ദേഷ്യം മുഴുവൻ ഞാൻ ആട്ടിൻ കുട്ടിയോട് പറഞ്ഞുതീർത്തു . എൻറെ ഈ കുട്ടിക്കളികൾ എല്ലാം ദൂരെനിന്ന് , നോക്കി ചിരിക്കുന്നുണ്ടായിരുന്നു രണ്ടുപേർ . പെട്ടെന്ന് അവരെ കണ്ടപ്പോൾ ഞാൻ ഒരു ചമ്മിയ ചിരി പാസാക്കി . അപ്പോൾ അവർ എൻറെ അടുത്തേക്ക് നടന്നടുത്തു ……………………
( തുടരും ) ……………..
Read complete ശ്രുതി Malayalam online novel here
Related posts:
About Author
Unlock Your Imagination: Start Generating Stories Now! Generate Stories
Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook
പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം
Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now
©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission