Skip to content

ശ്രുതി – 11

ശ്രുതി Malayalam Novel

ഹരിമാമ യോട് ഉള്ള ദേഷ്യം മുഴുവൻ ഞാൻ ആട്ടിൻകുട്ടി യോട് പറഞ്ഞു തീർത്തു . എൻറെ ഈ കുട്ടി കളികളെല്ലാം ദൂരെനിന്ന് നോക്കി ചിരിക്കുന്നുണ്ടായിരുന്നു രണ്ടുപേർ . പെട്ടെന്ന് അവരെ കണ്ടപ്പോൾ ഞാൻ ഒരു ചമ്മിയ ചിരി പാസാക്കി . അപ്പോൾ അവർ എന്നെ അടുത്തേക്ക് നടന്നടുത്തു ………………

ഞാനൊന്ന് പതിയെ മുഖമുയർത്തി അവരെ നോക്കി . അവരവരുടെ മുഖത്തും ഒരു പ്രത്യേക വാത്സല്യം നിറഞ്ഞ പുഞ്ചിരിയായിരുന്നു .

” മോൾ എന്താ ആട്ടിൻ കുട്ടിയുമായി കഥ പറഞ്ഞിരിക്കുന്നത് ? ”

ഹരി മാമയുടെ ഫ്രണ്ടിനെ വൈഫ് ആയിരുന്നു എന്നോട് ഇത് ചോദിച്ചത് .

പിന്നെ …… കഥ പറഞ്ഞിരിക്കാൻ പറ്റിയ സാധനം . ഞാൻ മനസ്സിൽ വിചാരിച്ചു .

എൻറെ മൗനം കണ്ടിട്ടെന്നോണം ഹരി മാമയുടെ ഫ്രണ്ട് എന്നോട് സംസാരിച്ചു .

” മോൾ എന്താ ഞങ്ങളോട് ഒന്നും മിണ്ടാത്തത് , ഞങ്ങളോടും പിണക്കമാണോ ? ”

” എന്തിന് , എനിക്ക് ആരോടും പിണക്കമില്ല . ”

” നല്ല കുട്ടി , കുട്ടികളായാൽ അങ്ങനെ വേണം . ആരോടും ഒരു പിണക്കവും പരിഭവവും ഉണ്ടാവരുത് മനസ്സിൽ പോലും . ”

അവർ എന്നെ മോൾ എന്നാണ് വിളിക്കുന്നത് , ഞാനിപ്പോ തിരിച്ച് അവരെ എന്താ വിളിക്കുക , ആൻറി അങ്കിൾ എന്ന് വിളിച്ചാലോ , അയ്യേ അത് വേണ്ടാ കുറച്ച് ഓവറായി പോകും . ഇനി ഞാൻ ഇപ്പൊ എന്താ വിളിക്കുക ?
പെട്ടെന്ന് എൻറെ ചിന്തകൾക്ക് വിരാമമിട്ടുകൊണ്ട് അവർ എന്നോട് ചോദിച്ചു :

” കുട്ടി എന്താ ആലോചിക്കുന്നത് ? , ഹരിമാമയോടുള്ള പിണക്കം ഞങ്ങളോട് ഉണ്ടോ ? ”

” അതൊന്നുമല്ല ഞാൻ ഇപ്പോൾ നിങ്ങളെ എന്താ വിളിക്കുക എന്നാണ് ആലോചിച്ചത് ”

” മോൾക്ക് ഇഷ്ടമുള്ളത് വിളിച്ചോ , അല്ലെങ്കിൽ വേണ്ട , നീ ഇവരൊക്കെ വിളിക്കുന്നതുപോലെ ഞങ്ങളെ അച്ഛ എന്നും അമ്മ എന്ന് വിളിച്ചോളൂ ”

” എന്നോട് ക്ഷമിക്കണം , ഞാൻ അമ്മ എന്ന് എൻറെ അമ്മയെ അല്ലാതെ മറ്റാരെയും വിളിച്ചിട്ടില്ല . എനിക്ക് അങ്ങനെ വിളിക്കാൻ കഴിയില്ല ”

അത്രയും പറഞ്ഞപ്പോഴേക്കും എന്റെ മിഴികൾ നിറഞ്ഞൊഴുകാൻ തുടങ്ങിയിരുന്നു . അപ്പോൾ അവർ എന്നെ വാത്സല്യത്തോടുകൂടി ചേർത്തുപിടിച്ച് തലോടി , എന്നിട്ട് എന്നോടായി പറഞ്ഞു :

” സാരല്യ എന്നാൽ മോൾ ഞങ്ങളെ ചെറിയമ്മയെ എന്നും ചെറിയച്ഛനെന്നും വിളിച്ചോളൂ , അതിലും ഒരു അച്ഛനും അമ്മയും ഉണ്ടല്ലോ . നിന്നെ ഞങ്ങൾ സ്വന്തം മകളെപ്പോലെ വളർത്തുമെന്ന് വാക്കുകൊടുത്തിട്ടാണ് നിന്റെ ഹരിമാമ ഇവിടെനിന്ന് പോയത് . ”

ഞാനവരെ നോക്കി ഒന്നു ചിരിച്ചു . അപ്പോഴാണ് കാന്താരികളുടെ അങ്ങോട്ടുള്ള വരവ് .

” അതെ ഇങ്ങനെ നിന്നാൽ മതിയോ കുളിച്ചു ചായയൊക്കെ കുടിക്കേണ്ട ? ”

” എവിടെയാ ബാത്ത്റൂം ? ”

” എന്നും ബാത്റൂമിൽ നിന്നല്ല കുളിക്കാറു ,
ഇന്നൊരു ചേഞ്ച് ആയിക്കോട്ടെ നമുക്ക് കുളത്തിൽ പോയി കുളിക്കാം . ”

” വേണ്ട , ശ്രുതി പട്ടണത്തിൽ വളർന്ന കുട്ടിയാണ് , അവൾക്ക് ഈ കുളവും പുഴയും പരിചയമുണ്ടാവില്ല . ”
ചെറിയമ്മ പെട്ടെന്ന് അങ്ങനെ പറഞ്ഞു.

” വേണ്ട , ഞാൻ കുളത്തിൽ പോയി കുളിചോളാം , എനിക്ക് അതൊക്കെ ഒത്തിരി ഇഷ്ടമാണ് ”

” ശരി പോയിട്ട് പെട്ടെന്ന് വരണം കേട്ടോ ”

ആ എന്നു പറഞ്ഞ് ഞങ്ങൾ വേഗം പാടവരമ്പിലൂടെ ഓടാൻ തുടങ്ങി . ആ വരമ്പിൻ അറ്റത്ത് ഞങ്ങൾ കണ്ടു വലിയൊരു കുളം . ആ പാഠത്തിൻറെ സൗന്ദര്യം മുഴുവൻ ആവാഹിച്ച് നിൽക്കുന്ന ആ കുളത്തിലേക്ക് ഞങ്ങൾ എല്ലാവരും ഒരുമിച്ച് ചാടി . ഒത്തിരിനേരം തിമിർത്തു നീരാടി . പെട്ടെന്ന് ചെറിയമ്മ അങ്ങോട്ട് വന്നു….

” മതി കുളിച്ചത് വല്ല പനിയും പിടിക്കും ഇങ്ങോട്ട് കയറി വരാൻ നോക്കൂ. ”

ഞങ്ങളെല്ലാവരും കുളത്തിൽ നിന്നും കയറി . കുളത്തിനോട് ചേർന്നുള്ള കുളിപൂരയിൽ പോയി മാറ്റി വന്നു . അപ്പോൾതന്നെ ചെറിയമ്മ ഞങ്ങളുടെ എല്ലാവരുടെയും തലയിൽ രാസനാദി പൊടി ഇട്ട് തിരുമ്മി തന്നു .

വീട്ടിലെത്തിയ ഉടൻ ഞങ്ങൾ എല്ലാവരും ഭക്ഷണം കഴിക്കാൻ പോയി . ആ വലിയ മരത്തിനു മേശക്കു ചുറ്റും വട്ടത്തിൽ ഇരുന്നു . ഉപ്പുമാവും പപ്പടവും പഴവും കൂട്ടി നല്ല അടിപൊളി കാപ്പിയും കഴിച്ചു .

പിന്നെ ഞങ്ങൾ കളിയും ചിരിയും ഒക്കെ തുടങ്ങി , അപ്പോൾ ആ വീട്ടിലെ ഒരംഗത്തെപ്പോലെ എനിക്ക് ഫീൽ ചെയ്യാൻ തുടങ്ങി . വളരെ വേഗത്തിൽതന്നെ ഞാൻ അവരോടൊക്കെ അടുത്തു .

ശരിക്കുമൊരു ഹാപ്പി ഫാമിലി തന്നെയായിരുന്നു അത് . അവരുടെ ആ സന്തോഷം കണ്ടപ്പോൾ അറിയാതെ എങ്കിലും എന്റെ കണ്ണുനിറഞ്ഞു .

എനിക്ക് ദൈവം ഇതുപോലൊരു ഫാമിലിയെ തന്നില്ലല്ലോ എന്നോർത്തപ്പോൾ എനിക്ക് വല്ലാത്ത സങ്കടം തോന്നി . എന്നാലും ഞാൻ ഇപ്പോൾ ഈ ഫാമിലിയിലെ ഒരംഗമായി മാറിയല്ലോ .

രാത്രിയായപ്പോൾ പുറത്ത് പോയ ചെറിയച്ഛൻ തിരിച്ചുവന്നു . വന്നപ്പോൾതന്നെ ശ്വേതയും സ്വാതിയും ശ്രേയയും ചെറിയച്ഛനെ വളഞ്ഞു . ചെറിയച്ഛൻ കയ്യിൽ പൊതിഞ്ഞു കൊണ്ടുവന്ന പൊതി എനിക്ക് നേരെ നീട്ടി .

ചെറിയമ്മ അതെന്നോട് വാങ്ങാൻ കണ്ണുകൊണ്ട് ആക്ഷൻ കാണിച്ചു . ഞാൻ ചിരിച്ചുകൊണ്ട് അത് വാങ്ങി . അതിൽ നിറയെ പലഹാരങ്ങൾ ആയിരുന്നു . അച്ചപ്പം , കുഴലപ്പം , പരിപ്പുവട , ഉള്ളി വട , പഴംപൊരി , അങ്ങനെ എല്ലാം ഉണ്ടായിരുന്നു . പിന്നെ അവിടന്നങ്ങോട്ട് അടി ആയിരുന്നു ഞങ്ങൾ നാലുപേരും കൂടെ പലഹാരത്തിനു വേണ്ടി .

എല്ലാവരും കൂടെ അത് ഷെയർ ചെയ്തു കഴിച്ചു . രാത്രിയായപ്പോൾ ഓരോ കഥകൾ പറഞ്ഞിരുന്നു . ഞങ്ങൾ നാലുപേർക്കും കൂടി ഒരു റൂമാണ് തന്നത് കിടന്നുറങ്ങാൻ . ആ വീട്ടിൽ ഏറ്റവും വലിയ റൂം അതായിരുന്നു . ഞങ്ങൾ നാലുപേരും കൂടി ഉറങ്ങുന്നവരെ അടി കൂടിയാണ് കിടന്നത് . കൂടപ്പിറപ്പ് ഒന്നുമില്ലാതെ വളർന്ന എനിക്ക് ശരിക്കും ഒരു സ്വർഗ്ഗം തന്നെയായിരുന്നു .

ഒരാഴ്ച വളരെ പെട്ടെന്ന് തന്നെ കടന്നു പോയി . ഇന്ന് സ്വാതിക്കും എനിക്കും കോളേജ് തുടങ്ങുകയാണ് . ഞാൻ വേഗം അവളുടെ കൂടെ കോളേജിൽ പോകാൻ റെഡിയായി .

അവൾക്ക് കോളേജ് തുടങ്ങിയിട്ട് കുറച്ച് ദിവസങ്ങളായി . കോളേജിൽ സ്ട്രൈക്ക് ആയതിനാലാണ് ഇത്രയും ദിവസം ലീവ് കിട്ടിയത് . അതുകേട്ടപ്പോൾ എനിക്ക് സമാധാനമായി . കോളേജ് തുടങ്ങിയിട്ട് കുറച്ചു കാലം ആയതിനാൽ ഇനി റാഗിങ് ഒന്നും ഉണ്ടാവില്ലല്ലോ.

ഞങ്ങൾ ചെറിയമ്മയോടും ചെറിയച്ഛനോടും യാത്ര പറഞ്ഞ് വീട്ടിൽനിന്നിറങ്ങി . പാടവരമ്പിലൂടെ ഒത്തിരി ദൂരം നടന്നു . പാടത്തിനു അറ്റത്തായി ചെറിയൊരു ബസ്റ്റോപ്പ് ഉണ്ടായിരുന്നു . ഞങ്ങളിരുവരും അവിടെ പോയി നിന്നു , അപ്പോൾ കല്യാണി എന്നെഴുതിയ ബസ് ദൂരെ നിന്നും വരുന്നത് ഞങ്ങൾ കണ്ടു .

രണ്ടുപേരും ആ ബസ്സിൽ കയറി . ഞാൻ കയറിയപ്പോൾ മുതൽ ശ്രദ്ധിക്കുന്നുണ്ട് അതിലെ കിളി , സ്വാദിക്ക് നേരെ ഒരു ലൈൻ ഇട്ടു നോക്കുന്നുണ്ട് . അവളത് കണ്ടിട്ടും കാണാത്ത മട്ടിൽ നിൽക്കുകയാണ് .

ബസ്റ്റാൻഡ് എത്തിയപ്പോൾ ഞങ്ങൾ ബസ് മാറിക്കയറി , കോളേജ് നിൽക്കുന്ന ഏരിയയിലേക്ക് ഇവിടെനിന്നും അധികം ബസ്സ് ഒന്നുമില്ല . സ്റ്റാൻഡിൽ ആദ്യം വന്ന ബസ്സിൽ തന്നെ ഞങ്ങൾ വേഗം പാഞ്ഞുകയറി .

ആ ബസ് കോളേജിൽ സൈഡിലുള്ള സ്റ്റോപ്പിൽ കൊണ്ടുപോയി . ഞങ്ങൾ ഇറങ്ങി കോളേജിലേക്ക് നടന്നു . കോളേജിലെ പുറത്തും അകത്തും മൊത്തം കുട്ടികളായിരുന്നു . കോളേജിനെ ഓരോ മുക്കിലും മൂലയിലും ഒരു ലൗ ബേർഡ്സിനെ കാണാമായിരുന്നു .

ഞങ്ങൾ വേഗം ക്ലാസ്സിൽ കയറി ഇരുന്നു . സ്വാതി അവളുടെ ഫ്രെണ്ട്സിനെ ഒക്കെ എനിക്ക് പരിചയപ്പെടുത്തി തന്നു . അവരൊക്കെ ആദ്യം എന്നെ ഏതോ അന്യഗ്രഹത്തിൽ നിന്നും വന്ന ജീവിയെപ്പോലെ നോക്കി , പിന്നെ എന്നോട് വളരെ പെട്ടെന്നുതന്നെ കമ്പനിയായി .

ഫസ്റ്റ് പീരിയഡ് തന്നെ ഇംഗ്ലീഷ് ക്ലാസ്സ് ആയിരുന്നു . ഉണ്ണികൃഷ്ണൻ സാറിന്റെ നല്ല അടിപൊളി ഇംഗ്ലീഷ് . ശരിക്കും ക്ലാസ്സിൽ വളരെ ഇന്ട്രസ്ടോടെ ഇരുന്നു .
സെക്കൻഡ് പിന്നീട് രാഘവൻ സാറിന്റെ ബിസിനസ് സ്റ്റഡീസ് ക്ലാസ്സ് ആയിരുന്നു . ക്ലാസ്സ് ആയിരുന്നു . ഈശ്വരാ ഇതെന്തോന്ന് , ഒരു എത്തും പിടിയുമില്ലാതെ ഞാൻ ക്ലാസ്സിൽ കിളി പോയി ഇരുന്നു .

പിന്നെ അങ്ങോട്ട് ഫ്രീ ആയിരുന്നു . അപ്പോൾ ഞങ്ങൾ എല്ലാവരും കൂടെ കോളേജ് ചുറ്റിനടന്ന് കാണാനിറങ്ങി . ശരിക്കും അടിപൊളി കോളേജ് .
ഞങ്ങൾ വേഗം കാൻഡിനിലേക്ക് വിട്ടു . എല്ലാവർക്കും എൻറെ വക ട്രീറ്റ് കൊടുത്തു .

കോളേജ് വിട്ട് വൈകുന്നേരം ഞാനും സ്വാതിയും പോകാനിറങ്ങിയപ്പോൾ പ്രിൻസിപ്പൽ ഞങ്ങളെ വിളിക്കുന്ന പിയൂൺ വന്നു പറഞ്ഞു . പ്രിൻസിപ്പൽ വളരെ നല്ലൊരു മനുഷ്യൻ ആയിരുന്നു . ഞങ്ങളോട് വളരെ സ്നേഹത്തോടെ അദ്ദേഹം പെരുമാറി . പിന്നെ സ്വാതിയോട് പുറത്തു നിൽക്കാൻ പറഞ്ഞ് പ്രിൻസി എന്നോട് കുറച്ച് സംസാരിച്ചു .

പഴയ കോളേജിനെ കുറിച്ച് ആയിരുന്നു കൂടുതൽ ചോദിച്ചത് . എന്നാൽ പെട്ടെന്ന് എൻറെ മുഖത്ത് ചിരി മായുന്നത് കണ്ടപ്പോൾ പ്രിൻസി കൂടുതലായി എന്നോടൊന്നും ചോദിച്ചില്ല . റിൻസിയുടെ റൂമിൽ നിന്നിറങ്ങി പോകുമ്പോൾ എന്റെ മൈൻഡ് ഫുൾ gloomy ആയിരുന്നു .

എന്താ പ്രശ്നമെന്ന് സ്വാതി എത്ര ചോദിച്ചിട്ടും ഞാനൊന്നും പറഞ്ഞില്ല , ബസിൽ കയറി ഇരിക്കുമ്പോഴും എന്റെ മനസ്സ് മുഴുവൻ പഴയ കോളേജിലും അവിടത്തെ ഓർമ്മകളിലും ആയിരുന്നു . ബസിൽ നിന്നിറങ്ങി വീട്ടിലെത്തിയിട്ടും ആ മൂഡ് ഓഫ് മാറിയില്ല .

വീട്ടിലെത്തിയ ഉടൻ വയ്യെന്ന് പറഞ്ഞ് ഞാൻ പോയി കിടന്നുറങ്ങി .

രാവിലെ ആയപ്പോൾ കോളേജിൽ പോകാൻ ഒരു ഇൻട്രസ്റ്റ് ഉണ്ടായിരുന്നില്ല . അതുകൊണ്ടുതന്നെ , തലവേദനയാണെന്ന് പറഞ്ഞ് ഞാൻ ക്ലാസ്സിൽ പോയില്ല . റൂമിൽ തന്നെ ചടഞ്ഞു കൂടിയിരുന്നു .

വളരെ പെട്ടെന്ന് തന്നെ ഞാൻ പഴയ ഓർമ്മയിലേക്ക് പോയി . കിച്ചു ഏട്ടന് കുറിച്ചും , ആർമി യെക്കുറിച്ചും , പഴയ കോളേജിനെ ക്കുറിച്ചും അങ്ങനെ ഓരോന്ന് ഓരോന്നോർത്ത് ഇരിക്കുമ്പോഴാണ് എൻറെ പിറകിൽ വന്നാരോ എൻറെ കണ്ണു പൊത്തിയത് .

ആരാണ് എത്ര ചോദിച്ചിട്ടും ഒന്നും പറയാതെ നിൽക്കുകയാണ് .

( തുടരും ) …………………

Read complete ശ്രുതി Malayalam online novel here

4.3/5 - (3 votes)

About Author

Unlock Your Imagination: Start Generating Stories Now! Generate Stories


Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook

aksharathalukal subscribe

പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം

Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now

©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission

Leave a Reply

Don`t copy text!