Skip to content

ശ്രുതി – 13

ശ്രുതി Malayalam Novel

ഞങ്ങളുടെ വാഹനം ദൂരേക്ക് മറഞ്ഞകലുന്നത് നോക്കി ആ വാഹനത്തിനുള്ളിലെ മിഴികൾ ഞങ്ങളെ തന്നെ നോക്കി നിന്നു ……………….

സുപരിചിതനായ ആളെ കണ്ടപ്പോൾ ഞാൻ നിർവികാരമായി നിന്നു . ഒരു ചെറുപുഞ്ചിരി പോലും അപ്പോൾ എന്നെ മുഖത്ത് വന്നില്ല .

അത് വേറെ ആരും ആയിരുന്നില്ല , കിച്ചുവേട്ടൻ ആയിരുന്നു . എന്തുകൊണ്ടെന്നറിയില്ല , കിച്ചു ഏട്ടനെ കണ്ടിട്ടും കാണാത്ത പോലെയാണ് ഞാൻ ഇരുന്നത് .

എന്തോ എൻറെ പഴയ ജീവിതത്തിലേക്ക് തിരിച്ചു പോകാൻ ഞാൻ ആഗ്രഹിക്കുന്നില്ല എന്ന് എനിക്ക് തോന്നുന്നു . ചിലപ്പോൾ അതുകൊണ്ടാവും കിച്ചു ഏട്ടനെ കണ്ടിട്ടും ഞാൻ അശ്രദ്ധമായി ഇരുന്നത് .

വാഹനത്തിൻറെ ഡോറിനടുത്ത് തലചാരി ഇരിക്കുമ്പോഴും എൻറെ മനസ്സ് വളരെയധികം അസ്വസ്ഥമായിരുന്നു . പോകുന്ന വഴിയിൽ lalu എന്നോട് എന്തൊക്കെയോ പറയുന്നുണ്ടായിരുന്നു , എന്നാൽ എൻറെ മനസ്സ് മറ്റെവിടെയോ ആയിരുന്നു .

കുറച്ചുനേരത്തെ യാത്രയ്ക്കൊടുവിൽ ഞങ്ങളിരുവരും വീട്ടിലെത്തി . ചെന്നയുടനെ വേഗം പോയി കുളിച്ചു ഫ്രഷ് ആയി , ഭക്ഷണം കഴിച്ചു കിടന്നു . ഉറക്കം കിട്ടാതെ തിരിഞ്ഞും മറിഞ്ഞും ഒത്തിരിനേരം കിടന്നു .

പണ്ട് ആരോ പറഞ്ഞു കേട്ടിട്ടുണ്ട് മനസ്സ് എന്നുപറഞ്ഞാൽ അപ്പൂപ്പൻതാടി പോലെയാണെന്ന് . അതെങ്ങനെ പാറിപ്പറന്നു പാറിപ്പറന്നു നടക്കുമെന്ന് . എന്നിട്ടവസാനം മുൾ മരത്തിൻറെ ഏതെങ്കിലും ചില്ലയിൽ പോയി തങ്ങിനിൽക്കുമെന്ന് .

എൻറെ മനസ്സും വളരെയധികം അസ്വസ്ഥമായിരുന്നു . വളരെ പെട്ടെന്നുതന്നെ ഞാൻ എൻറെ പഴയ കാലത്തേക്ക് പോയി . ഉറക്കം വരാതെ കിടന്നു ഞാൻ എണീറ്റു റൂമിലെ കണ്ണാടിക്ക് അഭിമുഖമായി നിന്നു . ആ കണ്ണാടിയിൽ ഞാൻ കണ്ട പ്രതിബിംബം പുതിയൊരു ശ്രുതിയുടെതായിരുന്നു .

ഇന്ന് കിച്ചു ഏട്ടനെ കണ്ടപ്പോൾ പഴയ കോളേജും അവിടെ നടന്ന സംഭവങ്ങളും എൻറെ മനസ്സിലേക്കോടി വന്നു :

എത്ര പെട്ടെന്നായിരുന്നു ഞാനും കിച്ചുവെട്ടനും തമ്മിൽ അടുത്തത് . ഞങ്ങളുടെ ആ ഫ്രണ്ട്ഷിപ് കണ്ട് കോളേജ് മൊത്തം അസൂയയോടെ നോക്കി നിന്നിരുന്നു . ഇടഞ്ഞുനിൽക്കുന്ന കൊമ്പൻ ആയിരുന്നു കിച്ചുവേട്ടൻ . ആ കൊമ്പനെ ഞാൻ എങ്ങനെ മെരുക്കിയെടുത്തു എന്ന് വരെ ചോദിച്ച പെൺകുട്ടികൾ ഉണ്ടായിരുന്നു ഞങ്ങളുടെ കോളേജിൽ .

അത്യാവശ്യം റൗഡിസവും തെമ്മാടിത്തരവും കയ്യിൽ ഉണ്ടായിരുന്നെങ്കിലും കിച്ചുവേട്ടൻ പെൺകുട്ടികളെ ഉപദ്രവിക്കാറില്ലയിരുന്നു . പുറമേ ദുഷ്ടൻ ആയിരുന്നുവെങ്കിലും ഉള്ളുകൊണ്ട് നല്ലവനായിരുന്നു . എല്ലാവരെയും സഹായിക്കുമായിരുന്നു . പിന്നെ പണ്ടൊക്കെ , പണക്കാരുടെ ഇടയിൽ ജനിച്ചുവളർന്നതിന്റെ അഹങ്കാരം കാണിച്ചിരുന്നു .

എന്നാൽ എല്ലാവരും പറഞ്ഞിരുന്നത് , ഞാനുമായുള്ള ഫ്രണ്ട്ഷിപ്പ് ശേഷമാണ് മസിൽ അളിയൻ എന്ന ക്രൂരൻ നല്ലവനായ കിച്ചു വേട്ടനായി മാറിയതെന്ന് . പണ്ടത്തെ കിച്ചു ഏട്ടൻറെ സംസാരത്തിൽ നിന്ന് തന്നെ മനസ്സിലാക്കാമായിരുന്നു നിയന്ത്രിക്കാൻ ആളില്ലാതെ വളർന്നതിന്റെ അഹങ്കാരമാണ് പണ്ടത്തെ സ്വഭാവത്തിന് കാരണമെന്ന് .

എല്ലാവരും ഭയത്തോടെ മാത്രം നോക്കിയിരുന്ന കിച്ചു ഏട്ടനെ ഞാൻ എൻറെ സ്വന്തമായി തന്നെയാണ് കണ്ടിരുന്നത് . അതിനു തക്കതായ കാരണവും ഉണ്ട് . എല്ലാവരും ഭയത്തോടെ മാത്രം നോക്കിയിരുന്ന കാർത്തിക് എന്ന ഗാങ് ലീഡർ എന്നെ ഒരു പെങ്ങളായി അംഗീകരിക്കാൻ അധികം സമയം വേണ്ടിവന്നില്ല .

എൻറെയും കിച്ചു ഏട്ടനെയും സ്വഭാവങ്ങൾ തമ്മിൽ ഒരുപാട് സാമ്യതകൾ ഉണ്ടായിരുന്നു . ഞങ്ങളുടെ ദേഷ്യവും വാശിയും അഹങ്കാരവും എല്ലാം ഒരു പോലെ തന്നെയായിരുന്നു . അങ്ങനെ ആയില്ലെങ്കിലെ അത്ഭുതമുള്ളു , കാരണം ഉണ്ട് . വളരെ വലിയ കാരണം . പക്ഷേ അതിപ്പോൾ വെളിപ്പെടുത്താൻ സമയമായിട്ടില്ല .

ഞാൻ കിച്ചു വേട്ടന്റെ ആരാണെന്നുള്ള സത്യം എന്നെങ്കിലും കിച്ചു വേട്ടൻ അറിയാതിരിക്കില്ല .
അതറിഞ്ഞാൽ എന്തായിരിക്കും കിച്ചുവേട്ടന്റെ പ്രതികരണം ?
എന്നോട് ദേഷ്യം തോന്നുമോ ?
എല്ലാം അറിഞ്ഞിട്ടും ഒന്നും പറയാത്തതിനാൽ എന്നെ വെറുക്കുമോ ?
ഞാൻ ആരാണെന്നുള്ള സത്യം മൂടിവെച്ചതിന് എന്നോട് ക്ഷമിക്കുമോ ?
അതോ , പപ്പയുടെ ഉള്ള ദേഷ്യം എന്നോടും കാണിക്കുമോ ?

ഇല്ല , ആരൊക്കെ എത്ര ദേഷ്യം കാണിച്ചാലും ഞാൻ തളരില്ല . ഞാനീ നാട്ടിലെത്തിയതിന് പിന്നിൽ ഒരു ലക്ഷ്യമുണ്ട് . ആ ലക്ഷ്യം പൂർണ്ണമാവാതെ ഞാൻ ഇവിടെ നിന്നു പോവില്ല . അത് വരെ എന്നെക്കുറിച്ച് ആരും ഒന്നും അറിയരുത് . സമയമാകുമ്പോൾ എല്ലാവരും കാര്യങ്ങളൊക്കെ അറിഞ്ഞാൽ മതി .

പെട്ടെന്നായിരുന്നു കതകിൽ ശക്തിയായി മുട്ടു കേട്ടത് . ഞാൻ ഞെട്ടിത്തിരിഞ്ഞു നോക്കി . ഈശ്വരാ ഞാൻ പറഞ്ഞതൊക്കെ ആരെങ്കിലും കേട്ടു കാണുമോ ? വീണ്ടും കതകിൽ
ആരോ ശക്തിയായി മുട്ടി .

” ആരാ ? ”

ഞാൻ പതിഞ്ഞ സ്വരത്തിൽ ചോദിച്ചു .

” ഞാനാ മോളെ , കഥക് തുറക്കൂ ”

ചെറിയച്ഛൻ ആയിരുന്നോ , ഞാൻ വെറുതെ ടെൻഷനായി . ഇനി ഞാൻ പറഞ്ഞതു വല്ലതും കേട്ടോ , ഏയ് കേട്ടുകാണില്ല . ഞാൻ പതിയെ കതക് തുറന്നു .

” മോൾ ഉറങ്ങിയിരുന്നോ ? ”

” ഇല്ലല്ലോ , എന്താ ചെറിയച്ചാ ? ”

” വേറെ ഒന്നുമല്ല , നിൻറെ ചെറിയമ്മയുടെ നാട്ടിൽ അടുത്ത ആഴ്ചമുതൽ ഉത്സവം തുടങ്ങുവാ , അപ്പോ നമുക്കെല്ലാവർക്കും കൂടി ഉത്സവത്തിന് പോയാലോ എന്ന് ആലോചിക്കുവാ , എന്താ മോളും വരില്ലേ ? ”

” ആ വരാലോ , അതിനെന്താ ചെറിയച്ഛ , അതൊക്കെ വളരെ നല്ല കാര്യമല്ലേ , ഞാൻ എന്തായാലും വരും . ”

ഞാനങ്ങനെ പറഞ്ഞപ്പോഴേക്കും റൂമിന് പുറത്ത് നിന്നും ഒരു സന്തോഷ ആരവം കേട്ടു . ചെറിയമ്മയും പിള്ളേരും ചെറിയച്ഛനെ എൻറെ സമ്മതം ചോദിക്കാൻ പറഞ്ഞയച്ചിട്ട് പുറത്തു ഒളിച്ചു നിൽക്കുകയായിരുന്നു . എനിക്ക് അവരുടെ സന്തോഷം കണ്ടപ്പോൾ ചിരിയാണ് വന്നത് .

ഇവരൊക്കെ ശരിക്കും എത്ര ഭാഗ്യവാന്മാരാണ് , വളരെ നിസ്സാര കാര്യങ്ങളിൽ പോലും വലിയ സന്തോഷം കണ്ടെത്തുന്നവർ . എത്ര സന്തോഷത്തോടെയാണ് ഇവർ കഴിയുന്നത് . ജനിക്കാണെങ്കിൽ ഇവരെപ്പോലുള്ള അച്ഛൻറെയും അമ്മയുടെയും മകളായി ജനിക്കണം .

സ്വാതിയും ശ്വേതയും ശ്രേയയും എൻറെ അടുത്തേക്ക് ഓടി വന്നെന്നെ കെട്ടിപ്പിടിച്ചു . അവരവരുടെ സന്തോഷം പ്രകടിപ്പിക്കുകയാണ് .

” എന്തായിത്ര സന്തോഷിക്കാൻ ? ”

” അതോ , അച്ഛന് അമ്മയുടെ നാട്ടിൽ പോകുന്നത് ഇഷ്ടമല്ല . ”

” അതുകൊണ്ടുതന്നെ അച്ഛൻ അങ്ങോട്ട് വരാറുമില്ല . എല്ലാ തവണയും ഞങ്ങൾ മാത്രം ആണ് ഉത്സവത്തിന് പോകാറ് . ”

” പക്ഷേ ഇത്തവണ ചേച്ചി ഉള്ളതുകൊണ്ട് അച്ഛനും വരാന്ന് പറഞ്ഞല്ലോ ”

അവരും മൂന്നുപേരും ഇത് എന്നോട് പറഞ്ഞത് വളരെ സന്തോഷത്തോടെയായിരുന്നു .

” ആ ശരി ശരി , മതി ഇനി മക്കൾ വന്നു കിടക്കാൻ നോക്ക് . എനിക്ക് ഉറക്കം വരുന്നു . ”

പിന്നെ ഞങ്ങൾ നാലുപേരും കൂടെ കഥകൾ പറഞ്ഞും തല്ലു കൂടിയും കെട്ടിപ്പിടിച്ച് കിടന്നുറങ്ങി .

” അമ്മു , പൊന്നു , ചിന്നു , മിന്നു , ഒന്ന് എണീറ്റേ സമയം എത്രയായെന്ന നിങ്ങളുടെ വിചാരം . മതി ഉറങ്ങിയത് എണീക്കാൻ നോക്ക് നിങ്ങൾക്കൊക്കെ ക്ലാസിന് പോണ്ടേ ? ”

ഇന്നലെ അലാറം വയ്ക്കാൻ മറന്നുകൊണ്ട് ചെറിയമ്മയാണ് ഞങ്ങളെ വന്നു വിളിച്ചത് . ഞാൻ പതിയെ എണീറ്റു കണ്ണുതിരുമ്മി ക്ലോക്കിലേക്ക് നോക്കിയപ്പോൾ സമയം എട്ടു മണി .

” അയ്യോ , സമയം 8 മണി യായി ”

ഞാൻ വേഗം ചാടിയെണീറ്റു . എന്നിട്ട് ആരെയും വിളിച്ച് കുളിമുറിയിലേക്ക് ഓടി . അവരും കൂടെ എത്തിക്കഴിഞ്ഞാൽ പിന്നെ ആരാദ്യം കുളിക്കും എന്ന കാര്യത്തിൽ അടിയായിരിക്കും . ഞാൻ കുളിച്ചിട്ട് അവളുമാരെ പോയി വിളിക്കാം . ഞാൻ വേഗം പോയി കുളിച്ചു ഫ്രഷ് ആയി വന്നു . എന്നിട്ട് എല്ലാത്തിനെയും നിരത്തി വിളിച്ചു .

എല്ലാവരും ഉറക്കമുണർന്നു , നല്ല ഉറക്കച്ചടവിൽ ആണ് . അപ്പോൾ ഞാൻ ചെറിയമ്മയുടെ സ്ഥിരം ഡയലോഗ് തന്നെ പ്രയോഗിച്ചു :

” അയ്യോ നിങ്ങൾ ആരും ഇതുവരെ എണീറ്റില്ലേ സമയം 9 : 35 കഴിഞ്ഞു . ”

കേൾക്കേണ്ട താമസം ഒക്കെ ചാടിയെണീറ്റു . ക്ലോക്കിൽ ഒന്ന് നോക്കാൻ പോലും നിൽക്കാതെ ബ്രഷും പിടിച്ച് കുളിമുറിയിലേക്ക് ഓടി. പിന്നെ കുളിമുറിയുടെ മുന്നിൽ നിന്നും അടി തുടങ്ങി .

” ഞാനാണ് ഫസ്റ്റ് എത്തിയത് ഞാനാദ്യം കുളിക്കും ”

” അല്ലല്ല ഞാനാണ് ഫസ്റ്റ് എത്തിയത് ഞാനാദ്യം കുളിക്കും ”

” ആരാദ്യം കുളിച്ചാലും വേണ്ടില്ല , ഞാനാണ് സെക്കൻഡ് എത്തിയത് . അതോണ്ട് ഞാൻ സെക്കൻഡ് കുളിക്കും . ”

അവസാനം മൂന്നും കൂടെ അടിയുടെ വക്കത്തെത്തി . അപ്പൊ പിന്നെ ചെറിയമ്മ കേറി ഇടപെട്ടു :

” സ്വാതിക്ക് കോളജിൽ പോകാനുള്ളതിനാൽ അവൾ ആദ്യം കുളിക്കട്ടെ ”

അപ്പോഴേക്കും ഇളയവൾക്ക് കുശുമ്പ് തുടങ്ങി .

” അല്ലേലും ഈ അമ്മ എപ്പോഴും ചേച്ചിയുടെ സൈഡ് ആണ് . അമ്മയ്ക്ക് ഞങ്ങളോട് ഒന്നും ഒരു സ്നേഹവുമില്ല . ”

“ഉച്ചനേരത്ത് എണീറ്റ് വന്നതും പോരാ , എന്നിട്ട് സ്നേഹത്തിൻറെ കണക്കു പറച്ചിലും . എല്ലാത്തിനും ഞാൻ ചൂരല് വെട്ടി വെച്ചിട്ടുണ്ട് . നാളെ ഇനി ഇന്നത്തെപോലെ നേരം വൈകി എണീക്കാൻ ആണ് ഭാവം എങ്കിൽ എൻറെ കയ്യിൽ നിന്നും മൂന്നും നല്ലോണം മേടിച്ചു കൂട്ടും ”

അതും പറഞ്ഞ് ചെറിയമ്മ അകത്തേക്ക് പോയപ്പോഴാണ് , ഇന്നലെ ലാലുവിന്റെ കൂടെ പുറത്തുപോയപ്പോൾ വാങ്ങിയ ഡ്രസ്സിന്റെ കാര്യം ഓർമവന്നത് . ഞാൻ വേഗം മുറ്റത്തേക്കിറങ്ങി . വീടിൻറെ സൈഡിൽ തന്നെ വണ്ടി പാർക്ക് ചെയ്തിട്ടുണ്ട് . വണ്ടിയുടെ ബാക്കിൽ ലാലു അതാ മൂടിപ്പുതച്ചു കിടന്നു ഉറങ്ങുന്നു . ഞാൻ പതിയെ ഒച്ചയുണ്ടാക്കാതെ വണ്ടിയിൽ വച്ചിരുന്ന ഡ്രസ്സിന്റെ കവർ ഒക്കെ എടുത്തു .

എനിക്കുള്ള ചായയുമായി ഉമ്മറത്തേക്ക് വന്ന ചെറിയമ്മ ശബ്ദം ഉണ്ടാക്കരുത് എന്ന് കൈകൊണ്ട് ആക്ഷൻ കാണിച്ചു . ഞാൻ ചെറിയമ്മയുടെ അടുത്തെത്തിയപ്പോൾ , ചെറിയമ്മയോടായി ചോദിച്ചു :

” എന്താ ചെറിയമ്മേ , ലാലു പുറത്തു കിടക്കുന്നത് ? ”

” ഓ അതോ , അവൻ പണ്ടുമുതലേ അങ്ങനെയാ മോളെ . അവൻറെ അച്ഛനുമമ്മയും മരിച്ചത് മുതൽ അവൻ ഇവിടെ ആയിരുന്നു . എന്നാൽ കുറച്ചു മുതിർന്നതിനു ശേഷം അവൻ ഇങ്ങോട്ടുള്ള വരവും കുറച്ചു . അഥവാ വന്നാലും അവൻ പുറത്തു അവൻറെ വണ്ടിയിലാണ് കിടന്നുറങ്ങുക . ”

” അതെന്താ ചെറിയമ്മേ അങ്ങനെ , അവന് അകത്തു കേറി കിടന്നൂടെ ? ”

” അത് ഞങ്ങളും അവരോട് കുറെ പറഞ്ഞതാ , മൂന്നു പെൺകുട്ടികൾ ഉള്ള വീട്ടിൽ ഒരാൺകുട്ടി ഇടയ്ക്കിടയ്ക്ക് വന്നാൽ നാട്ടുകാരെന്തു പറയും എന്നാണ് അവൻ ചോദിക്കുന്നത് , ആയിരം കുടത്തിന് വായ് നമുക്ക് മൂടിക്കെട്ടാം . എന്നാൽ ഒരു മനുഷ്യന്റേത് കഴിയില്ല . അതുകൊണ്ടാണ് അവൻ അകത്തുകയറി കിടക്കാത്തത് . അവൻറെ ആ തീരുമാനത്തിൽ ഞാനും ചെറിയച്ഛനും അവനെ വഴക്കു പറഞ്ഞിരുന്നു , എന്നാലും അവൻ അതിൽ തന്നെ ഉറച്ചിരുന്നു . ‘ അകത്തുകയറി കിടന്നില്ലെങ്കിലും ഞങ്ങൾക്ക് ഒരു മകനെപ്പോലെ , നിങ്ങൾക്കൊക്കെ ഒരു ആങ്ങളയെ പോലെ , ഈ വീടിനൊരു കാവലായി അവനെന്നും ഒരു വിളിക്കപ്പുറത്തായി , പുറത്തുണ്ടാകും എന്നാണവൻ പറയുന്നത് . ”

ചെറിയമ്മ അത്രയൊക്കെ എന്നോട് പറഞ്ഞപ്പോൾ എനിക്ക് ലാലുവിനോടെ വല്ലാത്തൊരു മതിപ്പുതോന്നി . കുറച്ചൊക്കെ കുസൃതിയും കുറുമ്പു ഉണ്ടെങ്കിലും അവൻ ആള് കൊള്ളാലോ .

ഞാനും സ്വാതിയും കോളേജിൽ പോകാനിറങ്ങുമ്പോൾ , lalu വണ്ടി എടുത്തു പുറത്തേക്കു പോകുകയായിരുന്നു . അപ്പോൾ ഞാൻ അവനോട് പറഞ്ഞു :

” വിരോധമില്ലെങ്കിൽ ഒരു ലിഫ്റ്റ് ഒക്കെ തരാം ”

” ഓ അതിനെന്താ , രണ്ടുപേരും കയറിക്കോളു . ഞാൻ ആ കവലയിൽ ഇറക്കി തരാം. ”

കേൾക്കേണ്ട താമസം ഞങ്ങൾ രണ്ടുപേരും പാഞ്ഞുകയറി . കയറിയ ഉടൻ ഞാൻ വാ തോരാതെ സംസാരിക്കാൻ തുടങ്ങി . അതുകൊണ്ടുതന്നെ ജംഗ്ഷൻ എത്തിയത് അറിഞ്ഞില്ല . പിന്നെ സ്വാതി എന്ന തട്ടി വിളിച്ചപ്പോഴാണ് ഞാനറിഞ്ഞത് . ഞങ്ങൾ രണ്ടുപേരും ലാലുവിനൊരു ബൈ കൊടുത്ത് അവിടെ നിന്നും പോയി .

ഞങ്ങൾ എത്തുമ്പോഴേക്കും കല്യാണി വരുന്നേ ഉണ്ടായിരുന്നുള്ളൂ . ഞങ്ങൾ വേഗം അതിൽ കയറി. കോളേജിന് മുന്നിൽ പോയി ഇറങ്ങി , ക്ലാസിലേക്ക് നീട്ടിവലിച്ച് നടന്നു . അപ്പോഴാണ് ഞാൻ ശ്രദ്ധിച്ചത് മുമ്പത്തേതിലും കൂടുതൽ കുട്ടികൾ ഇന്ന് കോളേജിൽ ഉണ്ട് . ഇതൊക്കെ എവിടന്നു വന്നു ആവോ , അപ്പോഴാണ് സ്വാതി എന്നോട് പറഞ്ഞത് :

” ഇവരൊക്കെ നമ്മുടെ സീനിയേഴ്സ് ആണ് , അവരൊക്കെ എക്സാം കഴിഞ്ഞ് ഇന്ന് ലാൻഡ് ചെയ്തതേയുള്ളൂ . നീ വിഷമിക്കേണ്ട അധികം വൈകാതെ തന്നെ അവരുടെ വക റാഗിങ് കലാപരിപാടികൾ ഉണ്ടാകും ”

” ഈശ്വരാ , ഇവിടെ വന്നു കയറിയപ്പോൾ റാഗിങ്ങ് ഒന്നും കാണാത്തതിനാൽ ഞാൻ കരുതി ഇവിടെ റാഗിങ് ഒന്നും ഉണ്ടാവില്ലെന്ന് ”

” അത് നിന്റെ വെറും കരുതൽ ആണെന്ന് നിനക്ക് അധികം വൈകാതെ മനസ്സിലായിക്കൊള്ളും ”

” ഓഹോ അങ്ങനെയാണോ , എങ്കിൽ ഈ ശ്രുതിയുടെ യുദ്ധമുറകൾ ഈ ക്യാമ്പസ് കാണാൻ പോകുന്നതേയുള്ളൂ ”

അതും പറഞ്ഞു ഞങ്ങൾ ഇരുവരും കണി ചെരിച്ച് ക്ലാസ്സിലേക്ക് ചെല്ലുമ്പോൾ ക്ലാസ്സ് തുടങ്ങിയിരുന്നു . ക്ലാസ് ഇത്ര നേരത്തെ തുടങ്ങിയോ എന്ന് കരുതി ഞങ്ങൾ ക്ലാസിലെത്തി . ക്ലാസ് മുഴുവൻ സീനിയേഴ്സ് വളഞ്ഞിരിക്കുന്നു .

” സംശയിക്കേണ്ട നിങ്ങളുടെ ക്ലാസ് തന്നെയാണ് , കയറി വന്നോളൂ ”

സീനിയേഴ്സിൽ ഒരാൾ പറഞ്ഞു .

ഞങ്ങൾ വേഗം ക്ലാസിലേക്ക് കയറി . ഇരിക്കാനായി ഞങ്ങൾ സീറ്റിന് അടുത്തേക്ക് പോയപ്പോൾ സീനിയേഴ്സിൽ ഒരാൾ തടഞ്ഞു .

” അങ്ങനെയങ്ങ് പോയിരുന്നാലോ , മക്കൾ ഞങ്ങൾ ഇവിടെ നിൽക്കുന്നത് കാണുന്നില്ലേ ? ”

സ്വാതി ഭയത്തോടെ അവരുടെ മുഖത്തേക്ക് നോക്കി .

“ഏയ് , കുട്ടി പേടിക്കേണ്ട , ഞങ്ങൾ നിങ്ങളെയൊക്കെ പരിചയപ്പെടാൻ വന്നതല്ലേ , അപ്പോൾ ഇങ്ങനെ പേടിച്ചാൽ കാര്യങ്ങളൊക്കെ എങ്ങനെ നടക്കും ”

അവനത് പറഞ്ഞുകൊണ്ട് സ്വാതിയുടെ അടുത്തേക്ക് അടുത്തേക്ക് വന്നു കൊണ്ടിരുന്നു . അവൻ ഓരോ സ്റ്റെപ്പ് മുന്നോട്ട് വയ്ക്കുമ്പോഴും അവൾ പേടിച്ച് ഓരോ സ്റ്റെപ്പും പിന്നോട്ട് വയ്ക്കാൻ തുടങ്ങി . അവളുടെ മുഖം കണ്ടാലറിയാം നന്നായി പേടിച്ചിട്ടുണ്ട് . അവൻ അവളിലേക്ക് അടുത്തടുത്ത് വന്നപ്പോൾ ഞാൻ അവൾക്കു മുന്നിൽ കയറി നിന്നു . അപ്പോൾ സീനിയേഴ്സ് ഒക്കെ എന്നെയൊന്നു നോക്കി .

പെട്ടെന്ന് എൻറെ മനസ്സ് എന്നോട് പറഞ്ഞു , അരുത് ശ്രുതി , സീനിയേഴ്സിനോട് ഒരു പ്രശ്നത്തിനും പോവരുത് . അത് നിന്നെക്കാൾ ഏറെ ബാധിക്കുക ഒരുപക്ഷേ സ്വാതിയെ ആവും . അവളെയും ആ കുടുംബത്തെയും ഓർത്ത് ഇരച്ചുകയറി വന്ന എൻറെ ദേഷ്യത്തെ ഞാൻ കണ്ട്രോൾ ചെയ്തു .

” ഹായ് , ഐ ആം ശ്രുതി . ഇതെന്റെ സിസ്റ്റർ സ്വാതി . ഞങ്ങളുടെ നാട് നൂറണിയാണ് . ”

” നൂറണി യിൽ എവിടെ ? ”

” പുഞ്ചപാടത്തിനടുത്ത് ”

” വീട്ടിൽ ആരൊക്കെയുണ്ട് ? ”

അതിനുള്ള ഉത്തരം ഞാൻ പറയാൻ തുടങ്ങിയപ്പോൾ സീനിയേഴ്സിൽ ഒരാൾ സ്വാതിയുടെ നേരെ കൈചൂണ്ടി ചോദിച്ചു :

” എന്താ ഇവള് മിണ്ടില്ലേ ? , നീ പറ വീട്ടിൽ ആരൊക്കെയുണ്ട് ? ”

” അച്ഛൻ , അമ്മ , രണ്ട് അനിയത്തിമാരും ”

” അച്ഛൻ എന്തു ചെയ്യുന്നു ? ”

” കർഷകനാണ് . അമ്മ ഹൗസ് വൈഫ് . ”

” അച്ഛൻടെ പേരെന്താ ? ”

” അച്ഛൻ കൃഷ്ണദാസ് , അമ്മ രാധാമണി ”

അതിനുള്ള മറുപടി ഞാനായിരുന്നു കൊടുത്തത്.

” അനിയത്തിമാർ എന്തു ചെയ്യുന്നു ? ”

” മൂത്തവൾ ശ്വേത പ്ലസ് വണ്ണിൽ പഠിക്കുന്നു . ചെറിയവൾ ശ്രേയ പത്താം ക്ലാസ്സിൽ പഠിക്കുന്നു . ”

” നിങ്ങൾ ട്വിൻസ് ആണോ ? ”

സീനിയേഴ്സിൽ ഒരാൾ അങ്ങനെയൊരു ചോദ്യം ചോദിച്ചപ്പോൾ എനിക്ക് ശരിക്കും ചിരിയാണ് വന്നത് . ഞാനും സ്വാതിയും കാണാൻ ഒരു പോലെയല്ല . എന്നാലും ഞങ്ങൾ രണ്ടുപേരും ഒരേ ഹൈറ്റ് & വെയ്റ്റ് ആണ് . അവളൊരു പഞ്ച പാവം പൂച്ച കുട്ടിയാണ് . എന്നാൽ ഞാൻ …………….

” നിങ്ങളുടെ രണ്ടുപേരുടെയും ഡേറ്റ് ഓഫ് ബർത്ത് same ആണല്ലോ ”

അവർ ഞങ്ങളുടെ ഡാറ്റഷീറ്റ് നോക്കിയാണ് അത് പറഞ്ഞത് . അത് കണ്ടപ്പോഴാണ് ഞങ്ങളും ശ്രദ്ധിക്കുന്നത് , ഞങ്ങളുടെ ഡേറ്റ് ഓഫ് ബർത്ത് same ആണ് . പിന്നെ രജിസ്റ്ററിൽ ഉള്ള ഗാർഡിയന്റെ പേരും .

” അതെ ”

പെട്ടെന്ന് സ്വാതി ആയിരുന്നു അവർക്കുള്ള ഉത്തരം കൊടുത്തത് . ഞാൻ അവളെ നോക്കിയപ്പോൾ അവൾ എന്നെ നോക്കി ഒന്ന് ചിരിച്ചു .

പെട്ടെന്നാണ് പുറത്തുനിന്നും പടക്കം പൊട്ടുന്ന ശബ്ദം കേട്ടത് . വെറും പടക്കം അല്ല , ആരോ കോമ്പലക്ക് തീ കൊടുത്തതാണ് . അത് നിർത്താതെ നല്ല ശബ്ദത്തോടെ പൊട്ടുന്നുണ്ട് . ഞങ്ങൾ എല്ലാവരും വേഗം ക്ലാസ്സിനു പുറത്തേക്കു പോയി .

കോളേജിലെ മൊത്തം സ്റ്റുഡൻസും മെയിൻ ഗേറ്റിലേക്ക് നോക്കിനിൽക്കെയാണ് . അപ്പോഴാണ് ഗേറ്റ് കടന്ന് ഒരു കറുത്ത ബുള്ളറ്റ് വന്നത് . അതിൽ വെള്ളമുണ്ടും വെള്ള ഷർട്ടും കറുത്ത കൂളിംഗ് ഗ്ലാസും വെച്ച് ഒരു കട്ട താടിക്കാരൻ .

ആ ബുള്ളറ്റ് കോളേജ് കോമ്പൗണ്ടിലേക്ക് കയറിയതും സീനിയേഴ്സിന്റെ ആരവം കേൾക്കാൻ തുടങ്ങി .

” എൻറെ കർത്താവേ അതിനി ഏതു കുരിശാണോ ആണോ ആവോ ? ”

ഞങ്ങൾ ജൂനിയേഴ്സ് എല്ലാവരും ആ അവതാരത്തെ തന്നെ നോക്കി നിന്നു ….

( തുടരും ) ……………………..

Read complete ശ്രുതി Malayalam online novel here

4.7/5 - (4 votes)

Welcome to the new year! As you start the year fresh, why not test your knowledge and try a quiz on New Year? Happy quizzing!


Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook

aksharathalukal subscribe

പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം

Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now

©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission

4 thoughts on “ശ്രുതി – 13”

Leave a Reply

Don`t copy text!