അപ്പോഴാണ് വാതിലിൽ ശക്തിയായി ആരോ മുട്ടിയത് . പെട്ടെന്നൊരു ഞെട്ടലോടെ ഞാൻ വാതിലിനടുത്തേക്ക് അടുത്തു …………………..
പതിയെ വാതിൽ തുറന്നപ്പോൾ വാർഡൻ ആയിരുന്നു . അവർ വേഗം അകത്തേക്ക് കയറി .
” കുട്ടി ഫുഡ് കഴിക്കുന്നില്ലേ ? ”
” കുറച്ച് കഴിഞ്ഞിട്ട് കഴിച്ചോളാം മേം ”
” ഇവിടെ കുറച്ച് തലതെറിച്ച കോളേജ് പിള്ളേരുണ്ട് , തന്തയുടെയും തള്ളയുടെയും കയ്യിലുള്ള പൂത്ത കാശിന്റെ ജാഡ കാണിക്കുന്ന കുരിപ്പുകൾ . അവരിപ്പോൾ വെക്കേഷന് കഴിഞ്ഞു ചുറ്റിത്തിരിഞ്ഞു എത്തിയിട്ടുണ്ട് . കുട്ടി ഒന്ന് ശ്രദ്ധിക്കണം . കുട്ടി ന്യൂ അഡ്മിഷൻ ആയതോണ്ട് പറഞ്ഞു തരുവാ , അവരോട് കൂട്ടുകൂടാൻ നിൽക്കണ്ട . പറഞ്ഞത് മനസിലായല്ലോ ”
” ഉവ്വ് മേം ”
” പിന്നേയ് , രാത്രി റൂമിനു പുറത്തിറങ്ങേണ്ട , പ്രത്യേകിച്ച് ടെറസിലേക്ക് പോവണ്ട . രാത്രി ആയാൽ അതവരുടെ സ്ഥിരം കുറ്റിസ്ഥലം ആണ് ”
” Mmm ”
” എന്തെങ്കിലും പ്രശ്നം ഉണ്ടെങ്കിൽ എന്നെ വിളിക്കാൻ മടിക്കേണ്ട ”
” ഓക്കേ മേം ”
വാർഡൻ പോയതിനു ശേഷം ഞാൻ റൂമിന്റെ ഡോർ അടച്ചു പോയി കുളിച് ഫ്രഷ് ആയി , നേരെ താഴേക്ക് പോയി . ഇന്ന് ചപ്പാത്തിയും ചിക്കനും ആയിരുന്നു . കഴിച്ചോണ്ടിരിക്കുമ്പോഴും ഇന്ന് രാവിലെ ഉണ്ടായ സംഭവങ്ങൾ എല്ലാം എന്റെ മനസിലേക്ക് വന്നു . പിന്നെ ഒന്നും നോക്കിയില്ല . നേരെ റൂമിലേക്ക് വിട്ടു .
11: 30 ആയപ്പോൾ ടെറസിനു മുകളിൽ നിന്ന് എന്തൊക്കെയോ ഒച്ചയും ബഹളവും കേൾക്കാൻ തുടങ്ങി . വാർഡൻ ആദ്യേ വാണിംഗ് തന്നതോണ്ട് ഞാൻ പുറത്തിറങ്ങിയില്ല .
രാവിലെ 6:30 അലാറം അടിച്ചപ്പോൾ വേഗം എണീറ്റു . ഇന്ന് ജോഗിംഗിന് പോവുമ്പോൾ ആർമിയെ കണ്ടു സോറി പറയണം . ഹോസ്റ്റലിൽ നിന്നു ഇറങ്ങി ഓടാൻ തുടങ്ങി . എന്നാൽ നിരാശ ആയിരുന്നു ഫലം .
ഒടുവിൽ ഞാൻ ഓടി ആ ഗ്രൗണ്ടിന് അടുത്തെത്തിയപ്പോൾ തിരിച് പോവാന്ന് മനസ്സ് പറഞ്ഞു . തിരിഞ്ഞു ഓടാനായി നിന്നതും നേരെ ആരുടെയോ ദേഹത്തു പോയി ഇടിച്ചു . ആരാന്നു നോക്കിയപ്പോൾ ദേ നിൽക്കുന്നു അന്ന് എന്നോട് വഴക്കിട്ട ആ കുരങ്ങൻ ? . ഞാൻ സൈഡ് തിരിഞ്ഞു പോവാൻ നിന്നപ്പോൾ അവൻ എന്റെ കയ്യിൽ കയറി പിടിച്ചു .
” എന്റെ കയ്യിൽ നിന്ന് വിടെടോ ”
ഞാൻ അവനോട് ഷൗട്ട് ചെയിതു . അപ്പൊ അവൻ അവന്റെ പിടി ഒന്ന് കൂടി മുറുക്കി .
” അടങ്ങി നിക്കെടി , നീയാരാണെന്ന നിന്റെ വിചാരം ? നീയേ കേവലം ഒരു പെണ്ണാ , വെറും പെണ്ണ് . എന്നെ എതിർക്കാനുള്ള ശക്തിപോലും നിനക്കില്ലെന്നു ഇപ്പൊ മനസിലായില്ലേ ”
” എന്റെ കൈയ്യിൽ നിന്നു വിടാനാ പറഞ്ഞത് ”
” ഇല്ലെങ്കിൽ നീ എന്ത് ചെയ്യും ? ഇന്ന് നിന്നെ രക്ഷിക്കാൻ ആരും വരില്ല . ഇന്ന് നിന്റെ അഹങ്കാരം ഞാൻ തീർത്തു തരാടി …….. ”
” എന്നെ വിടുന്നതാ നിനക്ക് നല്ലത് , ഇത് നിനക്കുള്ള ലാസ്റ്റ് & ഫൈനൽ ചാൻസ് ആണ് ”
” നിന്റെ അഹങ്കാരത്തിനു ഒരു കുറവും ഇല്ലല്ലോ . നിന്നെ ഞാൻ ഒരാണിന്റെ ബലം എന്താന്ന് കാണിച്ചു തരാം . ”
അതും പറഞ്ഞു അവൻ എന്റെ ഷോൾഡറിൽ കൈവെച്ചപ്പോൾ ഞാൻ ഒരൊറ്റ ഇടി കൊടുത്തു അവന്റെ മൂക്കിന് , മൂക്കിൽ നിന്നും ചോര ഒഴുകി അവൻ നിലത്തു മുട്ടുകുത്തിയിരുന്നു പോയി . അപ്പൊ അവന്റെ മുടിയിൽ പിടിച്ചു മുഖം ഉയർത്തിച്ചു .
” നീ എന്താടാ കരുതിയത് എന്നെ ഉപദ്രവിക്കരുത് എന്നും പറഞ്ഞു കരഞ്ഞു ഞാൻ നിന്റെ കാൽക്കൽ വീഴുമെന്നോ , പിന്നെ നീ പറഞ്ഞില്ലേ ഞാൻ വെറുമൊരു പെണ്ണാണെന്ന് . അതേടാ ഞാൻ ഒരു പെണ്ണാണ് തന്റേടം ഉള്ള പെണ്ണ് . നീ പുച്ഛിച്ചു പറഞ്ഞ പെണ്ണിൽ നിന്നുമല്ലേ നിന്നെ പോലൊരു അസുരജന്മം ഉടലെടുത്തത് . ഓർത്തോ , ഇനി എന്റെ മുന്നിൽ എങ്ങാനും നീ വന്നാൽ പിന്നെ എന്റെ ദേഹത്തു വെക്കാൻ ഉയർന്ന നിന്റെ ഈ കൈ പിന്നെ ഒരിക്കലും ഇനി ഉയരാത്ത രീതിയിലാകും ഞാൻ . ”
അവനോട് അത്രയും പറഞ്ഞ് ഞാൻ അവിടെന്ന് തിരിച് പോന്നു . തിരിച് വരുമ്പോൾ അഭിമാനം തോന്നിയെനിക്ക് സ്വയംരക്ഷ പഠിച്ചതിന് . ഒപ്പം എന്നെ മാർഷൽ ആർട്സ് പഠിപ്പിക്കാൻ വിട്ട ഹരിമാമയോടും .
ഹോസ്റ്റലിന്റെ ഗേറ്റ് കടന്നപ്പോൾ തന്നെ ഒരു ഗാങ് മുറ്റത്ത് നിൽക്കുണ്ടായിരുന്നു . എന്നെ കണ്ടപ്പോൾ അവരങ്ങോട്ടു കൈ കൊട്ടി വിളിച്ചു . ഓ ഇനി ഇതെന്ത് കുരിശാണാവോ . ഞാൻ അങ്ങോട്ട്‌ ചെന്നു .
” ന്യൂ അഡ്മിഷൻ ആണോ ? ”
” അതെ ”
” ഓഹോ , എന്താ പേര് ? ”
” ശ്രുതി ”
” അപ്പൊ ശ്രുതി നമുക്കൊന്ന് ഡീറ്റൈൽഡ് ആയി പരിചയപ്പെടണ്ടേ ? ”
” എന്താ അവിടെ ”
പെട്ടന്ന് ആ ശബ്ദം കേട്ടു ഞങ്ങൾ ഇരു കൂട്ടരും തിരിഞ്ഞു നോക്കി . വാർഡൻ ആയിരുന്നു .
” ഏയ്‌ ഒന്നുമില്ല മേം , ഞങ്ങൾ ഈ കുട്ടിയെ പരിചയപെടുവായിരുന്നു ”
” പരിചയപെട്ടതൊക്കെ മതി , കുട്ടി പൊക്കൊളു .
ഞാൻ വേഗം റൂമിലേക്ക് വിട്ടു . കുളിച് ഫ്രഷ് ആയി . പോയി ഫുഡ് കഴിച്ചു വന്നു . വെറുതെ ടെറസിനു മുകളിൽ കയറി നോക്കിയപ്പോൾ അവിടെ മുഴുവൻ ബിയർ ബോട്ടിൽസ് ആയിരുന്നു . ഇവളുമാര് കൊള്ളാലോ , വല്ലാത്ത ജന്മം തന്നെ .
പെട്ടെന്നാണ് എന്റെ തോളിൽ ഒരു കൈ വന്നു പതിച്ചത് . ഞാൻ തിരിഞ്ഞു നോക്കിയപ്പോൾ ഒന്ന് ചെറുതായി ഞെട്ടി ………………. ( തുടരും )………………….
Read complete ശ്രുതി Malayalam online novel here
Related posts:
About Author
Unlock Your Imagination: Start Generating Stories Now! Generate Stories
Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook
പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം
Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now
©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission