Skip to content

ശ്രുതി – 9

ശ്രുതി Malayalam Novel

ആ ചിരിയിൽ കെട്ടിടം മുഴുവൻ കുലുങ്ങുന്ന പോലെ എനിക്ക് തോന്നി . ഇനി ഇവിടെനിന്നു ഒരു രക്ഷപ്പെടൽ അസാധ്യമെന്ന് എന്ന് മനസ്സ് പറഞ്ഞു……

ഇല്ല തോറ്റു കൊടുക്കാൻ ഞാൻ തയ്യാറല്ല , അങ്ങനെ ഒരു ശീലം എനിക്കില്ല . എൻറെ രക്ഷ എൻറെ കൈകളിൽ തന്നെയാണ് . ഇവനെ പോലുള്ളവരുടെ മുന്നിൽ ഇപ്പോൾ തോറ്റു കൊടുത്താൽ പിന്നെ ഒരിക്കലും ജീവിതത്തിൽ ജയിക്കാൻ കഴിയില്ല .

( എത്രയൊക്കെ ഞാനെൻറെ മനസ്സിന് ധൈര്യം കൊടുക്കാൻ ശ്രമിച്ചാലും ഭയം ആ ധൈര്യത്തെ കീഴ്പ്പെടുത്താൻ തയ്യാറായി നിൽക്കുകയായിരുന്നു.)

” നീ ആള് കൊള്ളാലോ ഡി , ജൂനിയർ അല്ലെ ഇപ്പോൾ ഫസ്റ്റ് ഇയർ ആയിട്ടുള്ളു അപ്പോഴേക്കും അവൾ തുടങ്ങി സിഐഡി പണി ”

” അത് അത് ഞാൻ അറിയാതെ വന്നതാണ് ”

” അപ്പൊ നീ ഫോണിൽ ഷൂട്ട് ചെയ്തതും അറിയാതെ ആയിരിക്കും അല്ലെ? ”

” അതിനു ഞാൻ ഒന്ന് ഷൂട്ട് ചെയ്തിട്ടില്ല , ഈ കാടുപിടിച്ച ബിൽഡിങ്ങിൽ എന്താണെന്ന് നോക്കിയതാണ് ”

ഞാനത് പറഞ്ഞപ്പോൾ അവൻ എന്നെ ഒന്നും പിരികം ഉയർത്തി നോക്കി . എന്നിട്ട് അവൻ എൻറെ ഫോൺ പിടിച്ചുവാങ്ങി , അതിൽ വളരെ വ്യക്തമായി കാണാമായിരുന്നു ഞാനെടുത്ത ആ സീനിയേഴ്സിന് ഫോട്ടോസ് . മാത്രമല്ല ഈ കാടുപിടിച്ച് ബിൽഡിങ്ങിന് ഉള്ളിൽ അവർ കാട്ടിക്കൂട്ടുന്ന പരാക്രമങ്ങൾ .

” ആഹാ നീ ആള് കൊള്ളാലോ , എത്ര വിദഗ്ധമായാണ് ഓരോരുത്തരുടെ മുഖങ്ങൾ നീ ഇതിൽ ഒപ്പിയെടുത്തത് ”

” നോക്കൂ നിങ്ങൾ ചെയ്യുന്നത് തെറ്റാണ് , ഞാനായിട്ട് നിങ്ങളുടെ ഒരു പ്രശ്നത്തിനും വരില്ല ഫോട്ടോസ് ഒക്കെ ഡിലീറ്റ് ചെയ്തോളാം നിങ്ങൾക്ക് നിങ്ങളുടെ വഴി എനിക്ക് എൻറെ വഴി ”

അത്രയും പറഞ്ഞ് അവിടെ നിന്ന് നൈസായിട്ട് എസ്കേപ്പ് ആവാൻ നിന്ന് എന്നെ പെട്ടെന്ന് കൈ വെച്ച് അവൻ തടഞ്ഞു.

” അങ്ങനങ്ങ് പോയാലോ മോളെ , ഇത്രയൊക്കെ ഒപ്പിച്ച് തന്നെ അങ്ങനെ വെറുതെ വിടാൻ പറ്റോ , നിന്നെ ഇപ്പൊ വെറുതെവിട്ടാലും അത് നാളെ ഞങ്ങൾക്ക് ഒരു ഭീഷണി ആവില്ലേ ”

” ഭീഷണിയോ ഞാനോ , അതും ഞാൻ ഇവിടെയൊന്നും കണ്ടിട്ടില്ലല്ലോ എനിക്കൊന്നുമറിയില്ല ഞാനായിട്ട് ഒരു പ്രശ്നത്തിനും വരില്ല ”

” ഡി അധികം പാവം കളിക്കല്ലേ , നീയൊരു വിളഞ്ഞ വിത്ത് ആണെന്ന് എനിക്ക് നന്നായിട്ടറിയാം . ”

” ചേട്ടനോട് ആരാ ഇതൊക്കെ പറഞ്ഞത് , എനിക്ക് ഇവിടെ ആരെയും പരിചയമില്ല പിന്നെ ഞാൻ എന്തുചെയ്യാനാണ് . ”

” അയ്യോ പൊന്നുമോളെ അധികം അഭിനയക്കല്ലേ ,
നീയൊരു കാന്താരിമുളക് ആണെന്ന് എനിക്ക് നന്നായിട്ടറിയാം . നിനക്കെന്നെ ശരിക്കും മനസ്സിലായിട്ടില്ലെന്നു തോന്നുന്നു ”

അത്രയും പറഞ്ഞ് അവൻ അവൻറെ മുഖത്ത് കെട്ടിയിരുന്ന തൂവാല മാറ്റിയപ്പോൾ ശരിക്കും എൻറെ കിളിപോയി. അത് വേറെ ആരുമല്ല , ഒരു ഫുട്ബോൾ കിണറ്റിൽ അറിഞ്ഞതിന് എന്നോട് ഗുസ്തി പിടിക്കാൻ വന്നവൻ തന്നെ .

ഇടിവെട്ടിയവനെ പാമ്പുകടിച്ചു എന്ന് കേട്ടിട്ടേയുള്ളൂ , ഇപ്പോ ഏതാണ്ട് ആ ഒരവസ്ഥയിലാണ് ഞാനും . എൻറെ ഭഗവാനെ വഴിയെ പോകുന്ന അടി ഇരന്ന് വാങ്ങിയത് ആണല്ലോ ഞാനിപ്പോൾ . ഈ കാലമാടൻ ആണെങ്കിൽ അന്ന് ഞാൻ തല്ലിയതിന് ദേഷ്യം തീർക്കാൻ കാത്തിരിക്കുവാ……………

കണ്ടകശനി കൊണ്ടേ പോവൂ എന്നാണല്ലോ , അവനാണ് കണ്ടകശനി , അതുകൊണ്ട് അവൻ ശരിക്കും കൊണ്ടേപോവൂ…

ഈശ്വരാ ഞാൻ ശരിക്കും പെട്ടല്ലോ ഇനി എന്ത് ചെയ്യും . ഇനി ഞാൻ ഇപ്പോ എന്താ ചെയ്യാ , രക്ഷപ്പെടാൻ ഒരു വഴിയും കാണുന്നില്ലല്ലോ .

” എന്താടീ നീ ആലോചിക്കുന്ന , എന്നെ എങ്ങനെ അടിച്ചു ഇടാം എന്ന് ചിന്തിക്കുകയാണോ ? ”

” നിങ്ങളോട് മര്യാദക്ക് പറഞ്ഞു , ഞാനായിട്ട് ഒരു വഴക്കും ഇല്ലെന്ന് , പിന്നെ എന്തിനാ വെറുതെ എന്നോട് വഴക്കിടുന്നത് . ”

” വഴക്ക് കൂടാൻ അല്ല പകരം നിന്നെയൊന്നു ശരിക്കും പരിചയപ്പെടട്ടെ ”

” ആഹാ പരിചയപ്പെടാൻ പറ്റിയസ്ഥലം . താൻ ഒന്ന് പോയെ എനിക്ക് ക്ലാസ്സിൽ കയറണം ”

അത്രയും പറഞ്ഞ് ഞാൻ അവിടെനിന്നും ഓടാൻ തുടങ്ങിയതും , അവൻ എൻറെ ബാങ്കിൽ പിടിച്ച് ഒരൊറ്റ വലി , ഞാൻ നേരെ താഴേക്ക് പതിച്ചു .

ഇത്രയൊക്കെ പറഞ്ഞിട്ടും എന്നെ വിടാൻ ഒരു ഉദ്ദേശമില്ലെന്ന് തോന്നുന്നു . ഇനി എൻറെ അവസാനത്തെ അടവ് തന്നെ ഇറക്കേണ്ടി വരും .

രണ്ടും കല്പിച്ച് ഞാൻ താഴെ നിന്ന് എണീറ്റു , എൻറെ കയ്യിൽ പറ്റിയിരുന്ന മണ്ണൊക്കെ തുടച്ചുകളഞ്ഞു . എന്നിട്ട് അവന് നേർക്കുനേർ വന്നു . സകല ദൈവങ്ങളെയും മനസിൽ വിളിച്ച് അവൻറെ ആസ്ഥാനം നോക്കി ഒരൊറ്റ തൊഴി .

അവൻറെ ബൾബ് പീസ് ആയെന്നു തോന്നുന്നു , കണ്ണും തള്ളി അവൻ താഴെ വന്നിരുന്നു . ഉള്ളിലുള്ള മറ്റു പടങ്ങൾ പുറത്തിറങ്ങാതിരിക്കാൻ ഞാൻ വേഗം പുറത്തേക്കോടി , ഉടനെതന്നെ ആ ബിൽഡിങ്ങിന്റെ മെയിൻ ഡോർ പുറത്തുനിന്ന് അടച്ചു .

പിന്നൊന്നും നോക്കിയില്ല ഒരൊറ്റ ഓട്ടമായിരുന്നു ജീവനുംകൊണ്ട് ഓഫീസിലേക്ക് . കോളേജിൽ ഫീച്ചേഴ്സും സ്റ്റാഫും ഒക്കെ വന്നു തുടങ്ങിയിരുന്നു . കോളേജിൽ പിന്നിലെ ആളൊഴിഞ്ഞ ബിൽഡിങ്ങിൽ നടക്കുന്ന മദ്യമയക്കുമരുന്ന് വേട്ടയെ കുറിച്ച് ഞാൻ അവരോട് പറഞ്ഞപ്പോൾ അവരുടെ കണ്ണ് തള്ളിപോയി.

തെളിവടക്കം ഓരോന്ന് അവരുടെ മുന്നിൽ ഞാൻ നിരത്തി . അവരുടെ മൗനം കൊണ്ടു ഞാൻ തന്നെ പോലീസിനെ വിളിച്ച് വിവരമറിയിച്ചു .

വിവരമറിഞ്ഞ് പോലീസുകാർ ഉടൻതന്നെ എത്തി . ആ പഴയ ബിൽഡിങ്ങിൽ പോയി അവരെ അറസ്റ്റ് ചെയ്തു . അന്ന് കോളേജിലെ മറ്റു കുട്ടികൾ എന്നെ അത്ഭുതത്തോടെ നോക്കിനിന്നു . അവർക്കുമുന്നിൽ ഞാൻ ശരിക്കുമൊരു സ്റ്റാർ ആയി മാറി .

വൻ കരഘോഷത്തോടെയാണ് എല്ലാവരും എന്നെ സ്വീകരിച്ചു ഒപ്പം പോലീസ് മേധാവിയും എന്നെ പ്രശംസിച്ചു . ആ പ്രശംസകൾക്ക് നടുവിൽ ഞാൻ കണ്ടു പൊലീസ് ജീപ്പിലിരുന്ന് രൂക്ഷ ഭാവത്തിൽ എന്നെ നോക്കുന്ന കണ്ണുകളെ .

ഞാൻ അതൊന്നും മൈൻഡ് ചെയ്യാതെ എനിക്ക് ചുറ്റും നിരന്നു നേർക്ക് നേരെ കൈവീശി കാണിച്ചു . ആൾക്കൂട്ടത്തിനിടയിൽ എന്നെത്തന്നെ തറപ്പിച്ചുനോക്കി കൊണ്ട് നിൽക്കുന്നുണ്ടായിരുന്നു എൻറെ ഹരിമാമ . ഹരി മാമനെ കണ്ടപ്പോൾ ഞാൻ വേഗം അങ്ങോട്ട് ചെന്നു.

എൻറെ കയ്യിൽ പിടിച്ച് മാറിനിന്ന് ഉടൻ ഹരിമാമ എന്ന ശകാരിക്കാൻ തുടങ്ങി.

” നിന്നെ ഞാൻ എന്തിനാ ഇങ്ങോട്ട് വിട്ടത് , ഇങ്ങനെ ഓരോ പ്രശ്നങ്ങളിൽ പോയി ചാടാൻ അല്ല.

ഇതൊക്കെ നിന്റെ പപ്പാ അറിഞ്ഞാൽ എന്തൊക്കെ പ്രശ്നമുണ്ടാകുമെന്ന് നിനക്കറിയോ ?

നിൻറെ പപ്പ അറിഞ്ഞാൽ ആദ്യം എന്നെയാണ് വഴക്ക് പറയുക നിന്നെ ലാളിച്ചു വളർത്തി വഷളാക്കിയത് .

നീ എന്ത് കണ്ടിട്ടാണ് ആ ഗ്യാങ്ങിനോട് ഏറ്റുമുട്ടാൻ പോയത് ?

നിനക്കെന്തെങ്കിലും പറ്റി ഇരുന്നെങ്കിലോ ?

അവരെക്കുറിച്ച് നിനക്കെന്തറിയാം ? ”

” എൻറെ പൊന്നു ഹരിമാമ , എനിക്ക് ഒന്നും പറ്റിയില്ലല്ലോ പിന്നെ എന്തിന് ടെൻഷൻ ആകുന്നു ? ”

” അമ്മുട്ട്യേ നിനക്കൊന്നും അറിയില്ല കാരണം നീ കുട്ടിയാണ് , നീ ഇന്ന് പിടിച്ച് കഞ്ചാവ് team ഇന്നോ ഇന്നലെയോ ഇവിടെ പൊട്ടി മുളച് ഉണ്ടായതല്ല. അവർ എത്രയോ വർഷങ്ങളായി കോളേജിന്റെ മറവിൽ ഇതൊക്കെ ചെയ്യുന്നു , എന്നിട്ടും ഇവിടത്തെ പ്രിൻസിപ്പിൾ അടക്കം ഒരു കുഞ്ഞുപോലും അവർക്കെതിരെ ഒരു ചെറുവിരൽപോലും അനക്കിയിട്ടില്ല . ഇതൊക്കെ അവരുടെ കൂടി അറിവോടുകൂടിയാണ് നടക്കുന്നത്. പിന്നെ എന്തിനാണ് നീ ഇതിൽ ഇടപെടാൻ പോയത് ? ”

” ഹരിമാമേ , ഞാൻ ചെയ്തത് തെറ്റാണെന്ന് എനിക്ക് ഇതുവരെ തോന്നുന്നില്ല അതുകൊണ്ട് നമുക്ക് ഈ സംസാരം ഇവിടെ നിർത്താം ”

” നിർത്താം സംസാരം മാത്രമല്ല , നിൻറെ ഇവിടത്തെ പഠിപ്പും . ”

” ഹരിമാമ എന്തൊക്കെയാ പറയുന്നത് , ഇത്രയും നിസ്സാരകാര്യത്തിന് പഠിപ്പ് നിർത്തേണ്ട ആവശ്യമുണ്ടോ ? ”

” നിസാരമായ കാര്യമെന്നോ നിനക്കൊക്കെ തമാശയാണ് , നീ പോലീസിന് പിടിച്ച് കൊടുത്തവരുടെ ഗ്യാങ്ങിൽ ഉള്ള ആരെങ്കിലും പുറത്തിറങ്ങിയാൽ നിന്നെ വെറുതെ വിടുമെന്നു തോന്നുന്നുണ്ടോ ? ”

” അങ്ങനെയൊക്കെ പേടിച്ച് നമുക്കൊക്കെ ഭൂമിയിൽ ജീവിക്കാൻ പറ്റുമോ ?
ഇനി ഹരിമാമ ഒന്നും പറയണ്ട ഞാൻ പറയുന്നത് കേട്ടാൽ മതി. തൽക്കാലം ഞാനിവിടെത്തന്നെ പഠിക്കും. ”

” മോളെ ഞാൻ പറയുന്നത് നീ ഒന്ന് കേൾക്കൂ ”

” ഹരിമാമ പറയുന്നത് എന്തും ഞാൻ കേൾക്കും പക്ഷേ , ഇതിന് എന്നെ നിർബന്ധിക്കരുത്. ”

” ഒക്കെ നിൻറെ ഇഷ്ടം പോലെ, ഞാൻ ഇനി ഒന്നിനും നിന്നെ നിർബന്ധിക്കുന്നില്ല . നിൻറെ വാശി ജയിക്കട്ടെ ”

” ഇക്കാര്യത്തിൽ എനിക്ക് ഹരിമാമ പറയുന്നത് കേൾക്കാൻ കഴിയില്ല. ”

” ഓക്കേ , എന്നാൽ ഒരു കണ്ടീഷൻ ഉണ്ട് , ഈ പ്രശ്നത്തിന്റെ പേരിൽ എൻറെ കുട്ടിക്ക് എന്തെങ്കിലും സംഭവിച്ചാൽ പിന്നെ ഈ ഹരിമാമ പറയുന്നതനുസരിച്ച് നീ ജീവിക്കണം . ”

” ഓക്കേ ഡബിൾ ഓക്കേ , ഇതിൻറെ പേരിൽ എനിക്ക് ഒരു പ്രശ്നം ഉണ്ടാവില്ല . ”

എനിക്ക് കുറച്ചൊക്കെ സമാധാനമായി , ഹരി മാമയെ പറഞ്ഞു മനസ്സിലാക്കാൻ കഴിഞ്ഞല്ലോ , പാവം ഹരിമാമ എന്നോടുള്ള ഇഷ്ടം കൊണ്ടല്ലേ ഇങ്ങനെയൊക്കെ പറയുന്നത് . പാവത്തിന് എൻറെ കാര്യത്തിൽ നല്ല ടെൻഷനുണ്ട് .

ഞാൻ വേഗം കോളേജിൽനിന്നും ഹരി മാമയെ യാത്രയാക്കി , എന്നിട്ട് വളരെ പെട്ടെന്ന് തന്നെ ഹോസ്റ്റലിൽ കയറി . ഹോസ്റ്റൽ ഉള്ളവരും ഇന്ന് കോളേജിൽ നടന്ന സംഭവങ്ങളൊക്കെ എങ്ങനെയോ അറിഞ്ഞിരിക്കുന്നു . ചെന്ന ഉടനെ ടീച്ചറമ്മയുടെയും പിള്ളേരുടെയും വക നല്ല അഭിനന്ദനം ആയിരുന്നു.

രാത്രി വളരെ പെട്ടെന്ന് തന്നെ ഫുഡ് കഴിച്ചു പോയി കിടന്നുറങ്ങി .

രാവിലെ എണീക്കാൻ ഒത്തിരി വൈകിയതിനാൽ ഇന്ന് ജോഗിങ്ങിനു ഒന്നും പോയില്ല . ഞാൻ വേഗം കോളേജിലേക്ക് പോയി . കോളേജിലെ ഹീറോയിനായി എനിക്ക് ഇന്ന് വളരെ വലിയ ഒരു വരവേൽപ്പ് തന്നെ ഉണ്ടായിരുന്നു . ശരിക്കും അടിപൊളിയായിരുന്നു ഞാൻ ഒരു സംഭവം തന്നെ.

വളരെ പെട്ടെന്ന് തന്നെ ഒരാഴ്ച കടന്നുപോയി . പെട്ടെന്നാണ് കോളേജിൽ എല്ലാവരും കൂടെ ഗ്രൗണ്ടിൽ ഒത്തുകൂടിയത് കണ്ടതും . എന്താണ് പോയിനോക്കിയപ്പോൾ പൊലീസ് കൊണ്ടുപോയ നമ്മുടെ സീനിയേഴ്സ് തിരിച്ചെത്തിയിരിക്കുന്നു.

ഇത്ര പെട്ടെന്ന് എത്തിയോ 14 ദിവസം റിമാൻഡിൽ പോലും കിടക്കാതെ , ഈശ്വരാ ഞാൻ പെട്ടല്ലോ ഇനി എന്ത് ചെയ്യും ?

ആ ഗ്യാങ്ങിനെ ലീഡർ , അവൻറെ പേരാണ് വരുൺ . ഈ കോളേജിലെ പ്രിൻസിയുടെ ഒരേ ഒരു പെങ്ങളുടെ മകൻ. അവനെ കോളേജിൽ തിരിച്ചെടുത്തിരിക്കുന്നു . അന്ന് പോലീസ് പിടിച്ചതൊക്കെ മയക്കുമരുന്ന് അല്ലത്രേ കൂവപ്പൊടി ആണെന്ന്.

ഞാൻ വേഗം അവിടെ നിന്ന് സ്ഥലം വിട്ടു ലൈബ്രറിയിൽ പോയിരുന്നു . അപ്പോഴാണ് എൻറെ ക്ലാസ്മേറ്റ് അഞ്ജലി അങ്ങോട്ട് വന്നത്.

” ഡാ നീ ഇവിടെ ഇരിക്കുവായിരുന്നോ , നീ അറിഞ്ഞില്ലേ സീനിയേഴ്സ് തിരിച്ചെത്തിയത് ?
ഇനിയൊന്നു ശ്രദ്ധിച്ചോ മോളെ അവർ നിന്നെ വെറുതെ വിടില്ല ”

അത്രയും പറഞ്ഞ് അവൾ പോയി , അതോടെ ടെൻഷനും കൂടി . ഞാനെന്തിനാ പേടിക്കുന്നേ ഞാനൊരു തെറ്റും ചെയ്തിട്ടില്ലല്ലോ തെറ്റ് ചെയ്തവരല്ലേ അതിനുള്ള ശിക്ഷ അവർക്ക് കിട്ടുകയും ചെയ്തു . അത്രയും മനസ്സിൽ പറഞ്ഞ് ഞാൻ ലൈബ്രറിയിൽ നിന്നും ഇറങ്ങാൻ തുടങ്ങിയതും വരുൺ എൻറെ മുന്നിലേക്ക് വന്നു.

ഞാൻ മെല്ലെ അവിടെ നിന്ന് പോവാൻ തുടങ്ങി , അപ്പോഴാണ് പിന്നിൽ നിന്നും ആ വിളി കേട്ടത് .

” പൊന്നുമോൾ ഒന്ന് നിന്നേ , അങ്ങനെയങ്ങ് പോയാലോ . ഞങ്ങൾ ജയിലിൽ നിന്നും പുറത്തിറങ്ങാൻ കാത്തിരിക്കുകയായിരുന്നു നിന്നെ ഒന്ന് കാണാൻ . നീ എന്താടി കരുതിയത് ഞങ്ങൾ ഇനി ഒരിക്കലും പുറത്തിറങ്ങില്ലെന്നോ ? ”

” ഞാൻ അങ്ങനെയൊന്നും ഒരിക്കലും കരുതിയിട്ടില്ല കാരണം എനിക്കറിയാമായിരുന്നു നിങ്ങൾ നിങ്ങളുടെ പണവും സ്വാധീനവും ഉപയോഗിച്ച് മയക്കുമരുന്ന് കേസിൽ നിന്നും രക്ഷപ്പെടും എന്ന് , ”

” ഇനി ഞങ്ങളുടെ ലക്ഷ്യം നീയായിരിക്കും , ഞങ്ങളെ നിന്ന് നിനക്കിവിടെ പഠിക്കാൻ കഴിയും എന്ന് നീ വിചാരിക്കുന്നുണ്ടോ ?
നടക്കില്ല മോളെ , നീ അനുഭവിക്കും , നീ ചെവിയിൽ നുള്ളിക്കോ. ”

” ഓ ആയിക്കോട്ടെ ഞാൻ കാത്തിരിക്കാം ”

അത്രയും പറഞ്ഞു ഞാൻ കോളേജിൽ നിന്ന് ഇറങ്ങി . നേരത്തെ ഹോസ്റ്റലിൽ എത്തിയിട്ടും എൻറെ മനസ്സ് അസ്വസ്ഥമായിരുന്നു . എല്ലാ പ്രശ്നങ്ങളും കൂടെ എന്തിനാ ഭഗവാനെ എൻറെ അടുത്തേക്ക് ഓട്ടോ വിളിച്ചു വരുന്നത് .

മനസ്സ് ഒന്ന് ശാന്തമാക്കാൻ വേണ്ടി ഞാൻ ടീച്ചർ അമ്മയുടെ കൂടെ പോയിരുന്നു . വൈകുന്നേരമായപ്പോൾ ഞാനും ടീച്ചർ അമ്മയും ചെടികൾക്ക് ഒക്കെ വെള്ളമൊഴിച്ച് കുറച്ചു സമയം ഗാർഡനിൽ ചെലവഴിച്ചു.

രാത്രിയായപ്പോൾ എൻറെ ഫോണിലേക്ക് അപരിചിതമായ ഒരു നമ്പറിൽ നിന്നും മെസ്സേജ് വന്നിരിക്കുന്നു .

”’ നീ പാമ്പിനെയാണ് നോവിച്ചത് ഞങ്ങൾ വെറുതെ ഇരിക്കും എന്ന് നീ കരുതരുത് . ”’

ഇതിനി ആരായിരിക്കും ഫോണിലൂടെ തുടങ്ങി വെറുപ്പിക്കൽ , എന്ത് പ്രശ്നം വന്നാലും കരുത്തോടെ നേരിടുകതന്നെ , പിന്തിരിഞ്ഞോടാൻ ഞാൻ തയ്യാറല്ല .

രാവിലെ തന്നെ എണീറ്റ് ജോഗിങ്ങിനു ഒക്കെ പോയി വന്ന ഉടൻ വേഗം കോളേജിലെക്ക് വിട്ടു , ക്ലാസിൽ കയറിയിരുന്നു . ഫസ്റ്റ് ഹവർ ബോട്ടണി ആയിരുന്നു .
അത് കഴിഞ്ഞ് രണ്ട് അവർ ഫ്രീയാണെന്ന് അഞ്ജലി വന്നു പറഞ്ഞു .

അപ്പോൾ ഞങ്ങൾ ഓരോരുത്തരും എല്ലാവരോടും സംസാരിച്ചും ഫോണിൽ കളിച്ചും ഇരിക്കുമ്പോൾ പെട്ടെന്നാണ് ക്ലാസ്സിലേക്ക് സീനിയേഴ്സ് ഗേൾസ് കയറിവന്നത് .

അവരുടെ ലക്ഷ്യം ഞാനാണെന്ന് അവരുടെ വരവ് കണ്ടപ്പോഴേ എനിക്ക് മനസ്സിലായി . അവർ എല്ലാരും കൂടി ക്ലാസ്സിൽ ഉള്ള മറ്റുള്ളവരോട് പുറത്ത് പോവാൻ പറഞ്ഞു . എന്തുംചെയ്യാൻ മടിയില്ലാത്ത അവരാണ് ഞങ്ങളുടെ സീനിയേഴ്സ് അതുകൊണ്ടുതന്നെ ക്ലാസ്സിൽ ഉള്ളവർ അവരെ എതിർക്കാൻ നിന്നില്ല .

എല്ലാവരും പുറത്തു പോകുമ്പോൾ എന്നെ ഒന്ന് ദയനീയമായി നോക്കി . ഞാനവരെ നോക്കി ഒരു ചിരി പാസ്സാക്കി . എല്ലാവരും പുറത്തുപോയപ്പോൾ സീനിയേഴ്സ് ക്ലാസ്സിലെ ഡോർ അകത്തുനിന്ന് അടച്ചു കുറ്റി ഇട്ടു .

എനിക്ക് പെട്ടെന്ന് ചിരിയാണ് വന്നത് . അവർ ഒരു 6 പേരു കാണും , ഇത് റാഗിങ്ങ് നുള്ള് പുറപ്പാട് തന്നെ ഞാൻ മനസ്സിൽ പറഞ്ഞു .

” നീ എന്താടി കരുതിയത് ഞങ്ങൾക്കെതിരെ മൊഴി പറഞ്ഞിട്ട് , ഞങ്ങളെ ജയിലിലാക്കി നിനക്ക് ഇവിടെ സുഖമായി പഠിക്കാൻ കഴിയുമെന്നോ ”

” അതെ , ഈ ശ്രുതി ഇവിടെ പഠിക്കണം എന്ന് വിചാരിച്ചിട്ട് ഉണ്ടെങ്കിൽ , നീയല്ല നിൻറെയൊക്കെ അപ്പന്മാർ വന്നു പറഞ്ഞാലും എനിക്കൊരു പ്രശ്നവുമില്ല ”

” ഡി …………. ”

എന്നെ തല്ലാനായി കൈ ഉയർത്തി അവളുടെ കരണം പൊട്ടിച്ചു . പിന്നെ അവിടന്നങ്ങോട്ട് തൃശൂർപൂരം വെടിക്കെട്ട് പോലെയായിരുന്നു . അവളുമാര് എൻറെ കയ്യിൽ നിന്നും തലങ്ങും വിലങ്ങും തല്ലു വാങ്ങി .

അല്പസമയത്തിനുശേഷം ക്ലാസിലെ ഡോർ തുറന്നു ഞാൻ പുറത്തേക്കു വന്നു . അപ്പോൾ , ക്ലാസിനു പുറത്തു കൂടി നിന്ന കുട്ടികൾ എല്ലാവരും ഓടി ക്ലാസ്സിൽ കയറി നോക്കിയപ്പോൾ കണ്ടത് ക്ലാസ്സിൽ വീണുകിടക്കുന്ന സീനിയേഴ്സിനെയാണ് .

അവരെല്ലാവരും കൂടി സീനിയേഴ്സിനെ പരിഹസിച്ചു ചിരിക്കാൻ തുടങ്ങി . എൻറെ കയ്യിൽ നിന്ന് കണക്കിന് വാങ്ങിക്കൂട്ടി സീനിയേഴ്സ് തിരിച്ചു പോകുമ്പോൾ എന്നെ പകയോടെ നോക്കിയിട്ടാണ് പോയത് .

അന്ന് വൈകുന്നേരം കോളേജിൽ സ്റ്റുഡൻസ് നായുള്ള സ്പെഷ്യൽ മീറ്റിംഗ് ഉണ്ടായിരുന്നു . അതിനാൽ തന്നെ അന്ന് ഒരല്പം ലേറ്റ് ആയിരുന്നു ഞാൻ പോകുവാൻ . സമയം ആറു മണി കഴിഞ്ഞിരിക്കുന്നു .

ഞാനും അഞ്ജലിയും ബസ്റ്റോപ്പിലേക്ക് പോകുമ്പോൾ പെട്ടെന്നാണ് ഒരു കാർ ചീറിപ്പാഞ്ഞ് വന്നത് . ആ കാർ ഞങ്ങളെ ഇടിച്ചു തെറിപ്പിക്കാൻ എന്നോണം ഞങ്ങളുടെ അടുത്തേക്ക് കുതിച്ചു .

പെട്ടെന്ന് അഞ്ജലി തിരിഞ്ഞുനോക്കിയപ്പോൾ ആ കാർ എന്ന ലക്ഷ്യമാക്കി വരുന്നതാണ് കണ്ടത് . അവളെന്നെ റോഡിന് സൈഡിലേക്ക് പിടിച്ചുതള്ളി വേഗത്തിൽ വന്ന കാർ എനിക്ക് പകരം അഞ്ജലിയെ തട്ടിത്തെറിപ്പിച്ചു .

റോഡിലേക്ക് തലയിടിച്ച് വീണ ഞാൻ കണ്ടത് , കാറിടിച്ച് റോഡിൽ ചോരവാർന്നു കിടക്കുന്ന അഞ്ജലിയെയാണ് . എനിക്ക് നിസ്സഹായയായി അവളെ നോക്കിനിൽക്കാനേ കഴിഞ്ഞുള്ളൂ . എൻറെ ബോധം മറയുന്നത് വരെ ഞാൻ നിസ്സഹായയായ അവളെ നോക്കി നിന്നു.

പിന്നെ ഞാൻ കണ്ണുതുറക്കുമ്പോൾ ഹോസ്പിറ്റലിലായിരുന്നു . എൻറെ തൊട്ടടുത്തുതന്നെ ഹരിമാമ ഉണ്ടായിരുന്നു . ഞാൻ കണ്ണു തുറക്കുന്നത് കണ്ട് ഹരിമാമ വേഗം ഓടി പോയി ഡോക്ടറെ വിളിച്ചു വന്നു .

പക്ഷേ അപ്പോഴേക്കും അഞ്ജലിയെ കാണണമെന്ന് പറഞ്ഞ് ഞാൻ ബഹളം വയ്ക്കാൻ തുടങ്ങി . അവസാനം ഹരിമാമ എന്നെ ഐസിയുന്റെ മുന്നിലേക്ക് കൊണ്ടുപോയി . പാവം അഞ്ജലിയെ കണ്ടപ്പോൾ എനിക്ക് വല്ലാതെ സങ്കടമായി .

എന്നെ തേടിയെത്തിയ ദുരന്തം സ്വയം ഏറ്റുവാങ്ങുകയായിരുന്നു അവൾ , പാവം അവളുടെ അച്ഛനുമമ്മയും ഐസിയുവിന് മുന്നിൽ തന്നെ ഉണ്ടായിരുന്നു . എനിക്ക് അവരുടെ മുന്നിൽ പിടിച്ചുനിൽക്കാൻ കഴിഞ്ഞില്ല . അഞ്ജലിയുടെ അവസ്ഥ കണ്ട് കരഞ്ഞു തളർന്നു വീണ എന്നെ ഹരിമാമ വേഗം റൂമിലേക്ക് കൊണ്ടുപോയി.

പെട്ടെന്ന് ഡോക്ടർ എൻറെ അടുത്തേക്കുവന്നു . എന്നിട്ട് എന്നോടായി പറഞ്ഞു :

” ശ്രുതി ആർ യു ok ? ”

ഞാൻ ഒന്നും പറയാതിരുന്നത് കണ്ടിട്ട് ഡോക്ടർ എന്നോട് പറഞ്ഞു .

” ശ്രുതി ഡോണ്ട് വറി അഞ്ജലിക്ക് കുഴപ്പമൊന്നുമില്ല ”

അത്രയും പറഞ്ഞ് doctor എൻറെ അടുത്തുനിന്നും പോയി . ഞാൻ പതിയെ പതിയെ ആരോഗ്യം വീണ്ടെടുത്തു തുടങ്ങി . എനിക്ക് കൈക്കും കാലിനും പിന്നെ തലയും ചെറിയ ഫ്രാക്ചർ ഉണ്ടായിരുന്നു .

ശരീരത്തിനേറ്റ എല്ലാ മുറിവുണങ്ങി ഞാൻ തിരിച്ചു വന്നപ്പോഴാണ് ഒരിക്കലും ഉണങ്ങാത്ത ഒരു മുറിവ് കൂടി എൻറെ ജീവിതത്തിലേക്ക് വന്നത് .

അഞ്ജലിക്കും ബോധം തെളിഞ്ഞെങ്കിലും അവളുടെ ഓർമ്മശക്തി പൂർണമായി നഷ്ടപ്പെട്ടിരുന്നു . അത് കേട്ട് അവളുടെ മാതാപിതാക്കൾ എന്നെ മുന്നിൽ പൊട്ടിക്കരഞ്ഞു . ഒന്നും ചെയ്യാനാവാതെ ഞാൻ നിസ്സഹായയായി നിൽക്കുകയായിരുന്നു അവർക്കുമുന്നിൽ , എന്നോടുള്ള പക സീനിയേഴ്സ് തീർത്തപ്പോൾ പാവം അഞ്ജലി ആയിരുന്നു അതിന് ബലിയാടായത് ………………………

ഞാൻ അഞ്ജലിയെ കാണാനായി അവളുടെ മുന്നിലേക്ക് പോയെങ്കിലും അവളുടെ മാതാപിതാക്കൾ എന്നെ അവളുടെ അടുത്തേക്ക് ഒന്ന് പോകാൻ കൂടി അനുവദിച്ചില്ല .

” ദൈവത്തെ ഓർത്ത് ഇനി ഞങ്ങളുടെ മകളുടെ അടുത്തേക്ക് വരുന്നത് , നീ കാരണം ഒരിക്കൽ മരണത്തിൻറെ വക്കിൽ പോയതാണ് എൻറെ മകൾ . ഞങ്ങളുടെ പ്രാർത്ഥനയുടെ ഫലമായാണ് ഞങ്ങൾക്ക് അവളെ തിരിച്ചുകിട്ടിയത് . ഇനി വീണ്ടും അവളുടെ കൂടെ കൂടി അവളുടെ ജീവൻ നീ എടുക്കരുത് . ”

അത്രയും പറഞ്ഞ് അവളുടെ അമ്മ എനിക്ക് മുന്നിൽ കൂപ്പുകൈയോടെ നിന്നപ്പോൾ മൗനമായി നിന്നു കരയാനേ എനിക്ക് കഴിഞ്ഞുള്ളൂ. എങ്കിലും ഞാൻ ആ അമ്മയ്ക്ക് വാക്കുകൊടുത്തു ,

” ഞാൻ കാരണം ഇനി അഞ്ജലിക്ക് ഒരു പ്രശ്നവും ഉണ്ടാകില്ല ”

വല്ലാതെ ഒറ്റപ്പെട്ട പോലെ തോന്നി എനിക്ക് . ആരോടും ഒന്നും മിണ്ടാതെ ഞാൻ ഹോസ്പിറ്റൽ വരാന്തയിലൂടെ നടക്കുമ്പോൾ , പെട്ടെന്ന് എൻറെ തോളിൽ ഒരു കൈ വന്നു പതിച്ചു . തിരിഞ്ഞു നോക്കിയപ്പോൾ ഞാൻ കണ്ടത് ഹരി മാമയെ ആയിരുന്നു .

സങ്കടം സഹിക്കാൻ കഴിയാതെ , ഞാൻ ഹരിമാമ കെട്ടിപ്പിടിച്ച് കരഞ്ഞു . ഹരിമാമ എന്നെ കാറിൽകയറ്റി ഒരുപാട് ദൂരേക്ക് പോയി . ഒരു കുന്നിൻ മുകളിൽ എത്തിയപ്പോഴാണ് കാർ നിന്നത്.
കുറച്ചുനേരം ഹരി മാമയുടെ തോളിൽ കിടന്ന് കരഞ്ഞപ്പോൾ തീരാവുന്ന സങ്കടങ്ങൾ എനിക്ക് അപ്പോൾ ഉണ്ടായിരുന്നുള്ളൂ എന്ന് എനിക്ക് തോന്നി .
അൽപ സമയത്തിനുശേഷം ഹരിമാമ യോട് ഞാൻ പറഞ്ഞു :

” ഹരിമാമ പറഞ്ഞതാണ് ശരി എനിക്ക് ഇനി ആ കോളേജിൽ പഠിക്കണ്ട , ഞാൻ കാരണം ആർക്കും ഒരു ഉപദ്രവവും ഉണ്ടാവരുത് ”

” ഈ പ്രശ്നമൊക്കെ ഉണ്ടായപ്പോഴും ഞാൻ കരുതിയിരുന്നു നിന്നെ കോളേജിൽ പഠിക്കാൻ വിടണ്ട എന്ന് . ഇനി നിനക്ക് വേണ്ടത് നല്ലൊരു ചേഞ്ച് ആണ് , നമുക്കിവിടെ നിന്നും പോവാൻ സമയമായി . ”

” എങ്ങോട്ട് ? ”

” നിനക്ക് വേണ്ടി ഞാൻ ഒരു സ്ഥലം കണ്ടെത്തിയിട്ടുണ്ട് അവിടേക്ക് , അവിടെ നീഫുൾ ഹാപ്പി ആയിരിക്കും , അവിടെയുള്ളവർ നിന്നെ ഒരുപാട് സ്നേഹിക്കും . ”

അതിപ്പോൾ എവിടെയായിരിക്കും ? എത്ര ആലോചിച്ചിട്ടും ഒരു എത്തും പിടിയും കിട്ടിയില്ല . ഇവിടെയായാലും പോയേ പറ്റൂ . ഇവിടെ നിന്ന് പോവാൻ സമയമായി , ഇനി ഇങ്ങോട്ട് ഒരു തിരിച്ചുവരവ് വേണ്ട അതാണ് നല്ലത് .

ഞാനും ഹരിമാമ യും നേരെപോയത് ഹോസ്റ്റലിലേക്ക് ആയിരുന്നു . അവിടെ ചെന്ന് ഉടൻതന്നെ ബാഗൊക്കെ പാക്ക് ചെയ്തു . ടീച്ചർ അമ്മയോടും ഫ്രണ്ട്സ്നോഡും യാത്ര പറഞ്ഞു .

ഞാൻ യാത്രപറഞ്ഞിറങ്ങുമ്പോൾ ടീച്ചറമ്മയുടെ കണ്ണുകൾ നിറഞ്ഞിരുന്നു . ഹോസ്റ്റലിൽ ഉള്ള മറ്റുള്ളവർ വളരെയധികം വിഷമത്തോടെ എന്നെ നോക്കുന്നുണ്ടായിരുന്നു.

അധികം ആരോടും ഒന്നും പറയാതെ ഞാൻ അവിടെനിന്നും ഇറങ്ങി.
ഇനിയെങ്ങോട്ടാണ് എൻറെ യാത്ര ? എവിടേക്കാണ് ഹരിമാമ എന്നെ കൊണ്ടുപോകുന്നത് ?
ഞാനീ നാട്ടിലെത്തിയത് ചില കാര്യങ്ങൾ ചെയ്തുതീർക്കാൻ ആണ് . അതൊന്നും മുഴുവനാക്കാതെ ആണ് എന്നെ ഈ പോക്ക് .

ഇന്നുമുതൽ പുതിയൊരു സ്ഥലത്ത് പുതിയൊരു ശ്രുതിയായി

…………………….( തുടരും )…………………….

Read complete ശ്രുതി Malayalam online novel here

5/5 - (2 votes)

About Author

Unlock Your Imagination: Start Generating Stories Now! Generate Stories


Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook

aksharathalukal subscribe

പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം

Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now

©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission

Leave a Reply

Don`t copy text!