ഞങ്ങൾ ജൂനിയേഴ്സ് എല്ലാവരും ആ അവതാരത്തെ തന്നെ നോക്കി നിന്നു .
” ഡി നീ എന്താ പറഞ്ഞെ , എൻറെ കർത്താവേന്നോ , എൻറെ കൃഷ്ണാന്ന് വിളിക്കെഡി ”
സ്വാതി അത് എന്നോട് പറഞ്ഞപ്പോൾ അവൾക്കതിനുള്ള ചുട്ട മറുപടിയും കൊടുത്തു :
” ഓ പിന്നെ , രാവിലെ കുളിച്ചൊരുങ്ങി അമ്പലത്തിൽ പോയിട്ട് എൻറെ പടച്ചോനെ നട അടച്ചോ എന്ന് ചോദിക്കുന്നവരാ കേരളത്തിലെ പിള്ളേര് . അതോണ്ട് ഞാൻ പടച്ചോനെ വിളിച്ചാലും കർത്താവിനെ വിളിച്ചാലും കൃഷ്ണനെ വിളിച്ചാലും അത് ദൈവങ്ങൾക്ക് ഒരു പ്രശ്നമേയല്ല ”
” ഓ എൻറെ പൊന്നു മോളെ നമിച്ചു നിന്നെ ”
അവസാനം അവൾ ആയുധം വച്ച് കീഴടങ്ങി . നമ്മളോടാ അവളുടെ ഒരു കളി ?.
അപ്പോഴാണ് ക്ലാസ്സിൽ കയറാനുള്ള ലോങ്ങ് ബെൽ അടിച്ചത് . ബെല്ലടിച്ചതും ആട്ടിൻകൂട്ടത്തെ പോലെ ഞങ്ങൾ ക്ലാസിലേക്ക് പാഞ്ഞുകയറി .
ക്ലാസ്സ് മുഴുവൻ ബഹളമയമായിരുന്നു . ഗേൾസ് എല്ലാവരും ഇന്ന് ബുള്ളറ്റിൽ വന്നിറങ്ങിയ അവതാരത്തെക്കുറിച്ച് പറഞ്ഞിരിക്കുകയായിരുന്നു . ബോയ്സ് ആണെങ്കിൽ പുതുതായി ഇറങ്ങിയ ഫിലിം വിശേഷങ്ങളും , സ്പോർട്സ് കാര്യങ്ങളും , ഒപ്പം ക്ലാസുകളിലെ സ്ഥിരം കലാപരിപാടിയായ ഡെസ്കിൽ കൊട്ടി പാട്ടും ഉണ്ടായിരുന്നു .
” ഇന്ന് ബുള്ളറ്റിൽ വന്നിറങ്ങിയ ആ ചെങ്ങായി നെ കാണാൻ ഓംകാർ ഒബ്റോയിയെ പോലെ തന്നെയുണ്ട് . ”
ക്ലാസ് ക്ലാസിലെ മൊഞ്ചത്തി ഫർസാനയുടെ തായിരുന്നു ആ കണ്ടെത്തൽ .
” അതാരാ ? ”
സ്വാതി വളരെ ആശ്ചര്യത്തോടെ ഫർസാനയുടെ മുഖത്തുനോക്കി ചോദിച്ചു . അത് കേട്ടപാടെ ഫർസാന സ്വാതിയുടെ മുഖത്തേക്ക് പന്തം കണ്ട പെരുച്ചാഴി നോക്കുന്ന പോലെ നോക്കി നിന്നു .
” നിനക്ക് നമ്മുടെ ഓംകാർ ഒബ്റോയിയെ അറിയില്ലേ ? ”
ഫർസാനയുടെ പകച്ചു കൊണ്ടുള്ള ചോദ്യം കേട്ട് സ്വാതി തെല്ലൊരു ഭയത്തോടെ ഇല്ലെന്ന് തലയാട്ടി .
” നമ്മുടെ ഏഷ്യാനെറ്റ് പ്ലസിലെ പ്രിയമാനസം എന്ന സീരിയലിൽ ഉള്ള ഹീറോയാണ് ഓംകാർ ഒബ്റോയ് . ഓംകാർ ചേട്ടന്റെയും ഗൗരി ചേച്ചിയുടെയും റൊമാൻസ് ഒന്ന് കാണേണ്ടത് തന്നെയാണ് ”
” ഓ തുടങ്ങി സീരിയൽ അമ്മായി വാ തുറക്കാൻ ”
ക്ലാസ്സ് ലീഡർ അർച്ചനയുടെതായിരുന്നു ആ കമൻറ് .
” അയ്യേ സീരിയൽ ആയിരുന്നോ ? ”
സ്വാതി ഒരു പുച്ഛഭാവത്തിൽ ഫർസാനയോട് ചോദിച്ചു .
” എന്തേ അനക്ക് ദഹിച്ചില്ലേ ? , എപ്പോഴും ഈ പുസ്തകപ്പുഴു ആവാതെ വല്ലപ്പോഴും ഇതൊക്കെ കണ്ടു നോക്ക് . ”
” ഓ ഉത്തരവ് പോലെ ”
സ്വാതി അതും പറഞ്ഞ് എൻറെ അടുത്തേക്ക് തിരിഞ്ഞിരുന്നു . അപ്പോഴാണ് ക്ലാസ്സിലേക്ക് ഒരാൾ കയറിവന്നത് . അയാളുടെ വരവോടെ ബഹളമയമായിരുന്നു ക്ലാസ്സ് പെട്ടെന്നുതന്നെ നിശബ്ദമായി . ആ നിശബ്ദത കൊണ്ട് ഞങ്ങൾ എല്ലാവരും ക്ലാസ്സിലെ ഡോറിലേക്ക് നോക്കി .
അതാ നിൽക്കുന്നു ഇന്ന് ബുള്ളറ്റിൽ വന്ന അവതാരം . ഞങ്ങൾ students എല്ലാവരും എണീറ്റ് നിന്ന് അയാൾക്ക് ഗുഡ്മോണിംഗ് സാർ എന്ന് പറഞ്ഞു . അയാൾ ക്ലാസിലേക്ക് കയറിവന്നു .
” ഗുഡ്മോർണിംഗ് കൊച്ചുങ്ങളെ , എല്ലാരും ഇരുന്നാട്ടെ , ഇത് ഫസ്റ്റ് ഇയർ ക്ലാസ്സ് ആണല്ലേ ? ”
” അതെ സർ ”
” എന്നതാ വിളിച്ചേ സാറേന്നോ , എന്നെ നിങ്ങള് അച്ചായാ എന്ന് വിളിച്ചാൽ മതി ”
അത് കേട്ടപ്പോൾ ഞങ്ങൾ എല്ലാവരും മുഖത്തോട് മുഖം നോക്കിയിരുന്നു . പെട്ടെന്ന് അയാൾ എൻറെ അടുത്ത് വന്നിരുന്നു . സ്വാതി പകച്ചു കൊണ്ട് അയാളെ തന്നെ നോക്കി നിന്നു . അപ്പോഴാണ് ഞങ്ങൾക്ക് ഒരു കാര്യം മനസ്സിലായത് , അയാളും ഞങ്ങളെപ്പോലെ തന്നെ സ്റ്റുഡൻറ് ആണെന്ന് .
” എന്നതാ കൊച്ചിന്റെ പേര് ? ”
” കൊച്ചോ , ആരുടെ കൊച്ച് ? ”
” പെൺ കൊച്ചുങ്ങളെ പിന്നെ കൊച്ച് എന്നല്ലാതെ കൊച്ചൻ എന്നു വിളിക്കണോ ? ”
” ഡോ എന്നെ കൊച്ച് എന്നൊന്നും വിളിക്കേണ്ട . എനിക്കൊരു നല്ല പേരുണ്ട് അത് വിളിച്ചാൽ മതി ”
” ആ പേരല്ലേ കൊച്ചേ ഞാൻ നേരത്തെ ചോദിച്ചത് ? ”
” ഓ ….. എൻറെ പേര് ശ്രുതി , അവളുടെ പേര് സ്വാതി ”
” ആഹാ നല്ല പേരാണല്ലോ , എന്നിട്ടാണോ ഞാൻ ആദ്യം പേര് ചോദിച്ചപ്പോൾ പറയാതിരുന്നെ , ഞാൻ കരുതി വല്ല ലോക്കൽ പേര് ആയതുകൊണ്ട് പറയാനുള്ള മടികൊണ്ട് പറയാത്തതാണെന്ന്. ”
” പേര് കിട്ടിയില്ലേ ഇനി ഇയാൾക്ക് എന്താ അറിയേണ്ടത് ? ”
” അല്ല , നിങ്ങളുടെ കല്യാണം കഴിഞ്ഞതാണോ ”
” ഇല്ല എന്താ കെട്ടാൻ വല്ല ഉദ്ദേശം ഉണ്ടോ ? ”
” കുട്ടിക്ക് ഇൻട്രസ്റ്റ് ഉണ്ടെങ്കിൽ ഞാൻ വീട്ടിൽ വന്നു ചോദിക്കാം ”
” ഡോ താനൊന്ന് എണീറ്റ് പോയേ ”
” ഓ നമ്മൾ പോയേക്കാമേ ”
” ഹോ ശല്യം പോയി , അയാൾ കണ്ടാലറിയാം ആളൊരു അസ്സൽ കോഴി ആണെന്ന് ”
പെട്ടെന്നായിരുന്നു ക്ലാസിലേക്ക് സീനിയേഴ്സ് എല്ലാവരും കയറി വന്നത് . അവരുടെ കൈയിൽ വലിയൊരു ബോക്സ് ഉണ്ടായിരുന്നു .
“”””””””””””””””” അച്ചായാ “”””””””””””””
വന്നപാടെ അവരെല്ലാവരും അയാളെ പോയി പൊതിഞ്ഞു . പിന്നെ അയാള് എടുത്ത് തോളിൽ തൂക്കി ടീച്ചേർസ് സ്റ്റാൻഡിൽ കൊണ്ടുപോയി നിർത്തി . പിന്നെ ഞങ്ങളുടെ സീനിയേഴ്സിന്റെ വക അയാളെക്കുറിച്ചുള്ള നീണ്ട പ്രസംഗമായിരുന്നു.
” ഇത് നമ്മുടെ സ്വന്തം അച്ചായൻ , പുള്ളിയാണ് നമ്മുടെ മൊത്തത്തിലുള്ള ഗ്യാങ് ലീഡർ . ഈ കോളേജും പരിസരവും മൊത്തത്തിലുള്ള ഏരിയ ഫുള്ള് നമ്മുടെ ഈ അച്ചായന്റെതാണ് . നമ്മുടെ എല്ലാമെല്ലാമായ അച്ചായനെ നിങ്ങളുടെ രണ്ടു വാക്ക് സംസാരിക്കാൻ ഞാൻ ഇങ്ങോട്ട് ക്ഷണിക്കുകയാണ് . ”
” നമസ്കാരം ണ്ട്ട്ടോ , ന്റെ പേര് സണ്ണിച്ഛൻ കുര്യാക്കോസ് പുലിക്കാട്ടിൽ . സ്നേഹമുള്ളവർ എന്നെ അച്ചായാ എന്നു വിളിക്കും . നിങ്ങൾക്കും എന്നെ അങ്ങനെ തന്നെ വിളിക്കാവുന്നതാണ് . പിന്നെ പിള്ളേർ എന്നെകുറിച്ച് പറഞ്ഞതുകൊണ്ട് ഞാൻ കൂടുതലായി എന്നെ പരിചയപ്പെടുത്തേണ്ടതില്ലല്ലോ , ന്നാൽ നമുക്ക് നമ്മുടെ സ്ഥിരം കലാപരിപാടിലേക്ക് കടക്കാം അല്ലേ പിള്ളേരെ ”
” എന്നാ നമുക്ക് ഒരു ഗെയിം കളിച്ചാലോ ”
സീനിയേഴ്സിൽ ഒരു ചേച്ചി ആണ് അത് ഞങ്ങളോട് ചോദിച്ചത് . കേട്ടപാതി കേൾക്കാത്തപാതി എല്ലാവരും ചാടിക്കേറി യെസ് പറഞ്ഞു . അപ്പോൾ സീനിയേഴ്സിൽ ഒരാൾ മുന്നോട്ടുവന്നു . എന്നിട്ട് അവർ ഗെയിമിന്റെ ഇൻസ്ട്രുക്ഷൻസ് പറയാൻ തുടങ്ങി :
* ഇത് വെറുമൊരു ഗെയിമു മാത്രമാണ് , ഒരിക്കലും ഇതിനെ റാഗിങ്ങ് ആയി വ്യാഖ്യാനിക്കരുത് .
* എല്ലാ വിദ്യാർത്ഥികളും പൂർണമനസോടെ ഇതിനോട് സഹകരിക്കേണ്ടതാണ് .
* ഈ ഗെയിമുമായി ബന്ധപ്പെട്ട എന്തെങ്കിലും പരാതികൾ ഉണ്ടെങ്കിൽ ഉടൻതന്നെ അച്ചായനെ അറിയിക്കേണ്ടതാണ് .
* ഗെയിമിലെ നിയമാവലികൾ എല്ലാവർക്കും ഒരുപോലെയാണ് , ആയതിനാൽ ആർക്കുവേണ്ടിയും നിയമാവലി മാറ്റിമറിക്കുന്നതല്ല.
* നിങ്ങളിൽ നിന്ന് ഓരോരുത്തരായി വന്ന് ആദ്യം നിങ്ങളെ പരിചയപ്പെടുത്തുക .
* ശേഷം , സീനിയേഴ്സ് നിങ്ങളോട് ചോദിക്കുന്ന കുസൃതി ചോദ്യങ്ങൾക്ക് ( കടങ്കഥ / പഴഞ്ചൊല്ല് ) നിങ്ങൾ ഉത്തരം പറഞ്ഞില്ലെങ്കിലോ , അഥവാ തെറ്റുത്തരം പറയുകയോ ചെയ്താൽ നിങ്ങൾക്ക് പണിഷ്മെൻറ് കിട്ടുന്നതാണ് .
* പണിഷ്മെന്റിനു അർഹരായ വിദ്യാർത്ഥി / വിദ്യാർത്ഥിനികൾ പണിഷ്മെൻറ് ബോക്സിൽ നിന്നും ഒരു പണിഷ്മെന്റ് സെലക്ട് ചെയ്യേണ്ടതാണ് .
* നിങ്ങളായിട്ട് പണിഷ്മെൻറ് സെലക്ട് ചെയ്യാത്തപക്ഷം , ഞങ്ങൾ നിങ്ങൾക്ക് ഒരു പണിഷ്മെൻറ് എടുത്തു തരുന്നതാണ് . അത് നിങ്ങൾ നിർബന്ധമായും ചെയ്യേണ്ടി വരുന്നതാണ് .
” അപ്പോൾ എല്ലാവർക്കും ഗെയിമിന്റെ നിയമാവലികള് മനസ്സിലായല്ലോ അല്ലേ , എന്നാൽ നമുക്ക് തുടങ്ങല്ലേ ? ”
അങ്ങനെ സീനിയേഴ്സിന്റെ ഗെയിം തുടങ്ങി . അവർ കടങ്കഥ യേക്കാൾ കൂടുതൽ പഴഞ്ചൊല്ലാണ് ചോദിച്ചിരുന്നത് . പഴഞ്ചൊല്ലിൽ പതിരില്ല , അതിനാൽ ആർക്കും അതിന് ഉത്തരം പറയാൻ കഴിയുന്നില്ല . അതുകൊണ്ടുതന്നെ എല്ലാവർക്കും പണിഷ്മെൻറ് കിട്ടിക്കൊണ്ടിരുന്നു . അവരുടെ പണിഷ്മെൻറ് ബോക്സിൽ ഉണ്ടായിരുന്ന പണിഷ്മെൻറ്കൾ :::
# ഒരുപിടി പൂഴി എടുത്തിട്ട് അതിൽ എത്ര മണൽത്തരികൾ ഉണ്ടെന്ന് എണ്ണുക .
# പട്ടി വിരാനി എങ്ങനെയുണ്ടാക്കാമെന്നു പറയുക .
# വായുവിൽ നിന്ന് ചപ്പാത്തി പരത്തുക .
# മരം കയറുന്നതായി അഭിനയിക്കുക .
# പാലും ആദ്യരാത്രിയും തമ്മിലുള്ള ബന്ധം വിശദമാക്കുക .
# ആദ്യ പ്രണയത്തെ കുറിച്ച് പറയുക .
# ഞാൻ കണ്ടതിൽ വച്ചേറ്റവും വലിയ തേപ്പ് – പ്രസംഗം നടത്തുക .
# സീനിയേഴ്സിൽ ഒരാളെ പ്രപ്പോസ് ചെയ്യുക .
# ഫെമിനിസത്തെ കുറിച്ച് രണ്ടു വാക്ക് പറയുക .
# ലവ് മേരേജ് അറേഞ്ച്ഡ് മാര്യേജ് – സംവാദം നടത്തുക .
# പാട്ടുപാടുക .
# സീനിയേഴ്സിൽ ഒരാളുടെ കൂടെ നൃത്തം ചെയ്യുക .
# ലേറ്റസ്റ്റ് തെറികളെ കുറിച്ച് പറയുക .
# സാമ്പാർ എങ്ങനെ ഉണ്ടാക്കാം – വായുവിൽ ഉണ്ടാക്കി കാണിക്കുക .
# ഒരിക്കലും മറക്കാത്ത ഒരു അനുഭവം പറയുക .
# സാരി ഉടുക്കുന്നതായി അഭിനയിക്കുക .
# സീനിയേഴ്സ് ഇട്ടുതരുന്ന സോങ്ങ് അനുസരിച്ച് ചുവടുവയ്ക്കുക .
# പറയുന്ന സിനിമ ഭാഗം അഭിനയിച്ചു കാണിക്കുക .
etc ……………. etc ………………. etc ………………..
ഇതൊക്കെയായിരുന്നു സീനിയേഴ്സ് എല്ലാവർക്കും കൊടുത്തു കൊണ്ടിരുന്ന പണികൾ . സ്വാതി കിട്ടിയിരുന്നത് സാമ്പാർ ഉണ്ടാക്കാൻ ആയിരുന്നു . അവളതു കൂളായിട്ട് ചെയ്തു കാണിച്ചു . ഇനിയെൻറെ ഊഴമാണ് . ഞാനും ആ ബോക്സിൽ പോയി കയ്യിട്ട് ഒരു പേപ്പർ എടുത്തു . അത് തുറന്നു വായിച്ചു :
” സീനിയേഴ്സിൽ ആരുടെയെങ്കിലും കൂടെ ഡ്യൂയറ്റ് ചെയ്യുക ”
അടിപൊളി , എൻറെ പട്ടി ചെയ്യും . എന്നും മനസ്സിൽ പറഞ്ഞു കൊണ്ട് ഞാൻ അവിടെനിന്നും പോകാനായി തിരിഞ്ഞപ്പോൾ സീനിയേഴ്സിൽ ഒരു ചേച്ചി എന്റെ കയ്യിൽ കയറി പിടിച്ചു .
” അങ്ങനെയങ്ങു പോയാലോ മോളെ , നീ ഇത് ചെയ്തിട്ടേ പോവു ”
” എനിക്ക് അതിൽ ഒട്ടും ഇന്ട്രസ്റ്റ് ഇല്ല്യ , വെറുതെ തന്നെ ഫോഴ്സ് ചെയ്യരുത് ”
” നിന്നെപ്പോലെ തന്നെയല്ലേ മറ്റു കുട്ടികളും , അവരൊക്കെ ചെയ്തല്ലോ പിന്നെ നിനക്ക് മാത്രം എന്താ 2 കൊമ്പുണ്ടോ ? ”
അവൾക്ക് എൻറെ കയ്യിൽ നിന്നും വിടാൻ ഒരു ഉദ്ദേശവും ഉണ്ടായിരുന്നില്ല . ദേഷ്യം കൊണ്ട് എൻറെ കണ്ണ് ചുവക്കാൻ തുടങ്ങി . 2 darshan മുഴുവൻ ഞാൻ പല്ലുകടിച്ച് അമർത്താൻ ശ്രമിച്ചുകൊണ്ടിരുന്നു .
ഞാനവളെ തല്ലുമെന്ന് അവസ്ഥയായപ്പോൾ എൻറെ തോളിൽ ഒരു കൈ വന്നു പതിച്ചു . ഞാൻ തിരിഞ്ഞുനോക്കിയപ്പോൾ ഭയത്തോടെ അവരെ തന്നെ നോക്കിനിൽക്കുന്ന സ്വാമിയെയാണ് കാണ്ടത് .
അവൾ വല്ലാതെ പിടിച്ചിട്ടുണ്ടെന്ന് അവളുടെ കണ്ണ് കണ്ടാലറിയാം . പെട്ടെന്ന് എനിക്ക് അഞ്ജലിയെ ആണ് ഓർമ്മ വന്നത് . എന്റെ വാശി കരണം ബലിയാടായ ഒരു പാവം പെൺകുട്ടി . പെട്ടെന്ന് , എനിക്ക് വല്ലാതെ സങ്കടം ആയി . സ്വാതിയുടെ കണ്ണുകൾ നിറഞ്ഞു തുളുമ്പുന്നത് കണ്ടപ്പോൾ ഞാൻ വേഗം കണ്ണടച്ചു .
അന്ന് എന്നെ രക്ഷിക്കാൻ വന്ന അഞ്ജലി കാറിടിച്ച് തെറിച്ചുവീഴുന്ന ദൃശ്യം എൻറെ കൺമുന്നിലേക്ക് പെട്ടെന്ന് വന്നു . അഞ്ജലിയെ പോലെ തന്നെ , ഒരുപക്ഷേ അഞ്ജലിയെക്കാൾ പാവമായിരുന്നു സ്വാതി . അതുകൊണ്ടുതന്നെ അറിഞ്ഞുകൊണ്ട് അറിയാതെ അവളെ വേദനിപ്പിക്കാൻ ഞാൻ തയ്യാറല്ലായിരുന്നു .
എൻറെ തോളിൽ കൈവെച്ചു ഭയത്തോടെ നിൽക്കുന്ന സ്വാതി യോട് ആയി പിന്നെ സീനിയേഴ്സിന്റെ ചോദ്യം :
” എന്താ ഇവൾക്ക് പകരം നീ ചെയ്യോ ? ”
അതും പറഞ്ഞ് സീനിയേഴ്സ് അവളുടെ അടുത്തേക്ക് വന്നു . അവൾ ഓരോ സ്റ്റെപ്പും പിന്നോട്ട് വയ്ക്കുമ്പോഴും അവർ മുന്നോട്ടു വന്നു കൊണ്ടിരുന്നു . അവർ അവൾക്ക് അടുത്തെത്തിയപ്പോൾ ഞാൻ കൈകൊണ്ട് അവരെ തടഞ്ഞു .
” വേണ്ട ഞാൻ ചെയ്തോളാം ”
മനസ്സില്ലാമനസ്സോടെ , സീനിയേഴ്സ് തന്ന ടാസ്ക് ചെയ്യാനായി ഞാൻ മുന്നോട്ടു വന്നു . ഇതെല്ലാം താടിക്ക് കയ്യും വെച്ച് ഒരാൾ സൂക്ഷ്മതയോടെ നോക്കി കാണുന്നുണ്ടായിരുന്നു . പെട്ടെന്ന് സീനിയേഴ്സിൽ ഒരാൾ , എൻറെ അടുത്തേക്ക് വന്നു .
മ്യൂസിക് സ്റ്റാർട്ട് ചെയ്തു . ഡാൻസിന്റെ സ്റ്റെപ്പെന്നോണം അവൻ എൻറെ കയ്യിൽ പിടിക്കാൻ അടുത്തേക്ക് വന്നു . അടക്കാൻ കഴിയാത്ത ദേഷ്യം കാരണം ഞാൻ എൻറെ രണ്ടു കണ്ണുകളും അടച്ചു . ഒരു ശവം പോലെ അവർക്കു മുന്നിൽ നിൽക്കുന്ന എൻറെ ദയനീയാവസ്ഥ മനസ്സിലാക്കിയിട്ട് എന്നോണം ഒരാൾ ഞങ്ങൾക്കിടയിൽ കയറി നിന്നു . എല്ലാവരും അത്ഭുതത്തോടെ എനിക്കു മുന്നിൽ സുരക്ഷാ കവചം പോലെ കയറിനിന്ന ആ ആളെ തന്നെ നോക്കി നിന്നു…
( തുടരും )………………………
Read complete ശ്രുതി Malayalam online novel here
Related posts:
About Author
Unlock Your Imagination: Start Generating Stories Now! Generate Stories
Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook
പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം
Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now
©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission