Skip to content

ശ്രുതി – 16

ശ്രുതി Malayalam Novel

അയാളുടെ ആ സംസാരത്തിൽ എനിക്കെന്തോ വല്ലാത്ത വശപ്പിശക് തോന്നി . അപ്പോഴാണ് ചെറിയമ്മ പുറത്തേക്കു വന്നത് . അയാളെ കണ്ടതും ചെറിയമ്മ നിന്ന് വിയർക്കാൻ തുടങ്ങി .
ഒന്നും മനസ്സിലാവാതെ ഞാൻ രണ്ടു പേരുടെയും മുഖത്തേക്ക് തന്നെ നോക്കി ഒന്നു .

ചെറിയമ്മയെ കണ്ടപ്പോൾ അയാൾ ഒന്നു ഉറ്റു നോക്കികൊണ്ട് അയാളുടെ കൊമ്പൻമീശ പിരി ച്ചു കൊണ്ട് ചോദിച്ചു :

” കൃഷ്ണദാസ് എവിടെ പോയതാ ? ”

” എനിക്കറിഞ്ഞുകൂടാ , പുറത്തുപോയി വരാമെന്നെ എന്നോടു പറഞ്ഞുള്ളൂ ”

അയാൾ കുറച്ചുകൂടെ ഗൗരവ സ്വരത്തിൽ ചെറിയ അമ്മയോട് ചോദിച്ചു :

” എന്താ നിങ്ങളുടെ തീരുമാനം ? ”

” എല്ലാം തീരുമാനിക്കുന്നത് കൃഷ്ണേട്ടനാണ് , ഈ തീരുമാനവും കൃഷ്ണേട്ടൻ തന്നെ പറയും ”

അപ്പോൾ അയാൾ ചെറിയമ്മയോട് ശബ്ദമുയർത്താൻ തുടങ്ങി , ഞങ്ങൾ നോക്കുന്നു എന്ന് മനസ്സിലായപ്പോൾ അയാൾ പുറത്തേക്കിറങ്ങി നിന്നു . അയാളോടൊപ്പം ചെറിയമ്മയും കുറച്ചകലേക്ക് മാറി നിന്നു . അവിടെവെച്ചും അയാൾ എന്തൊക്കെയോ ചെറിയമ്മയോട് പറയുന്നുണ്ടായിരുന്നു .

ഇതിപ്പോ ആരാണ് ചെറിയമ്മയുടെ കയർത്ത് സംസാരിക്കാൻ മാത്രം ധൈര്യം ഉള്ള ആൾ ? എത്ര ആലോചിച്ചിട്ടും ഒരു എത്തും പിടിയും കിട്ടിയില്ല . അയാളുടെ ലുക്ക് കണ്ടാൽ ഒരു ബ്ലേഡ് കാരനാണെന്ന് തോന്നും . ഇനി ചെറിയച്ഛൻ അയാളുടെ കയ്യിൽ നിന്ന് വല്ല പണവും വാങ്ങിയിട്ടുണ്ടോ ? എന്ത് ചിന്തകൾക്ക് വിരാമമിട്ടു കൊണ്ടാണ് സ്വാതി എന്റെ അടുത്തേക്ക് വന്നത് .

” സ്വാതി , അതാരാ ? ”

” ഏത് ? ”

” ചെറിയമ്മയോട് സംസാരിക്കുന്ന ആ ആൾ ”

” ഓ അതോ , അത് ഞങ്ങളുടെ വല്യച്ഛൻ ആണ് . അച്ഛൻറെ ഏട്ടൻ . ”

” പുള്ളി ഇവിടെ ഇടക്കിടക്കൊക്കെ വരൂവോ ? ”

” ആ വല്ലപ്പോഴുമൊക്കെ വരും , ആള് വന്നു പോയി കഴിഞ്ഞ് ഞങ്ങളുടെ സകല സമാധാനവും അസ്തമിക്കും . ”

” അതെന്താ അങ്ങനെ ”

” വാ പറയാം ”

സ്വാതി എന്റെ കയ്യിൽ പിടിച്ച് പാടത്തേക്കിറങ്ങി . അൽപനേരം കാറ്റിലാടി നിൽക്കുന്ന നെൽക്കതിരുകൾ നോക്കി ഞങ്ങൾ ഇരുന്നു . പെട്ടെന്ന് ഞങ്ങൾക്കിടയിൽ ഒരു മൗനം സ്ഥാനംപിടിച്ചിരുന്നു . ആ മൗനത്തിനു കൂച്ചുവിലങ്ങിട്ടു കൊണ്ട് സ്വാതി സംസാരിക്കാൻ തുടങ്ങി …

” നീ ചോദിച്ചില്ലേ അത് ആരാന്ന് ? അത് ഞങ്ങളുടെ വല്യച്ഛൻ ആണ് . അതായത് ഞങ്ങളുടെ അച്ഛൻറെ ജേഷ്ഠൻ . അവരുടെ പേര് കാളിദാസ് . ”

” അയാൾ എന്തിനാ അച്ഛനെ തിരക്കി ഇങ്ങോട്ട് വന്നത് ? , എന്തെങ്കിലും പ്രശ്നം ഉണ്ടോ ? ”

” ഏറ്റവും വലിയ പ്രശ്നം അയാൾ തന്നെയാണ് . ”

” മനസ്സിലായില്ല ”

” അയാളും അച്ചനും തമ്മിൽ എപ്പോ നോക്കിയാലും വഴക്കാണ് ”

” എന്തിനു ? ”

” സ്വത്തിന്റെ പേരിൽ . കുടുംബസ്വത്ത് പാർട്ടീഷൻ ഒക്കെ കഴിഞ്ഞതാണ് . അന്ന് എല്ലാവർക്കും ഒരുപോലെ തന്നെയാണ് സ്വത്തു കിട്ടിയിരുന്നത്. വല്യച്ഛൻ സ്വത്തു മുഴുവൻ വിറ്റു തുലച്ചു . ഇപ്പോൾ അച്ഛൻറെ കൂടെ ഷെയർ കിട്ടാന് നടക്കുകയാണ് . അച്ഛൻറെ ഷെയറിൽ പെടും , നമ്മൾ നിൽക്കുന്ന വീടും ഈ പാടവും ഒക്കെ . അതിൽനിന്ന് ഇനി വലിയ ഷെയർ കൊടുക്കില്ലെന്ന് അച്ഛൻ ഒരിക്കൽ വല്ല്യച്ഛനോട് പറഞ്ഞതാണ് . ”

” അയാൾ എന്തിനാ പിന്നെ വന്നത് ? ”

” വെറുതെ , അച്ഛനോട് സ്വത്തിന്റെ കാര്യം പറഞ്ഞു വഴക്കുണ്ടാക്കാൻ ”

” ഓഹോ , നിങ്ങൾക്ക് വല്യച്ഛനെ പേടിയുണ്ടോ ? ”

” ഉണ്ട് , ഞങ്ങൾക്കു മാത്രമല്ല അമ്മയ്ക്കും . സാരല്യ നിങ്ങൾ പേടിക്കേണ്ട വല്യച്ചൻ കാരണം നിങ്ങൾക്ക് ആർക്കും ഒരു പ്രശ്നം ഉണ്ടാവില്ല . ”

” കഥ പറഞ്ഞിരുന്നു സന്ധ്യ ആയതറിഞ്ഞില്ല . ”

” ശരിയാ നമുക്ക് വീട്ടിൽ പോകാം ”

ഞങ്ങൾ വീടിൻറെ പൂമുഖത്ത് എത്തുമ്പോഴേക്കും , ശ്രേയ വിളക്കിനു മുന്നിലിരുന്ന് ഉറക്കെ നാമജപം തുടങ്ങിയിരുന്നു . അകത്തു കയറി ഞങ്ങളെല്ലാവരും ഡ്രസ്സ് പാക്ക് ചെയ്യാൻ തുടങ്ങി . ഇന്ന് രാത്രിയിലുള്ള ട്രെയിനിൽ ഞങ്ങൾ ചെറിയമ്മയുടെ നാട്ടിൽ പോവുകയാണ് . സന്തോഷംകൊണ്ട് ഞങ്ങളും ഫുൾ ഹാപ്പി മൂഡിൽ ആയിരുന്നു .

ഞാൻ വരുമ്പോൾ കൊണ്ടുവന്ന വലിയ ടൂറിസ്റ്റ് ബാഗിൽ , ഞാൻ എൻറെയും സ്വാതിയുടെ ഡ്രസ്സ് വയ്ക്കാൻ തുടങ്ങി . എൻട്രി ഡ്രസ്സുകൾ ക്കിടയിൽ സ്ഥാനംപിടിച്ചിരുന്നു പിങ്ക് കളർ ദാവണി . അത് ഞാൻ കൈയിലെടുത്തപ്പോൾ എനിക്ക് പെട്ടെന്ന് നമ്മുടെ ആർമിയെ ഓർമവന്നു .

ആ ദാവണി കയ്യിലെടുത്തു ചിന്താവിഷ്ടയായ ഇരിക്കുന്ന എന്നെ കണ്ടപ്പോൾ സ്വാതി ഒന്നാക്കി ചോദിച്ചു :

” എന്തുപറ്റി ശകുന്തളേ , നിൻറെ ദുഷ്യന്തൻ വരാൻ വയികിയോ ? ”

” പോടി കോപ്പേ ”

ഞങ്ങൾ എല്ലാവരും വളരെ വേഗത്തിൽതന്നെ ഡ്രസ്സ് ഒക്കെ പാക്ക് ചെയ്തു ബാഗൊക്കെ സെറ്റ് ആക്കി വെച്ചു . ചെറിയച്ഛൻ വന്നപാടെ വല്യച്ഛന്റെ കാര്യം പറഞ്ഞു മൂട് കളയണ്ടെന്നു കരുതി , ചെറിയമ്മ വേഗം ചെറിയച്ഛനോട് കുളിച്ച് ഭക്ഷണം കഴിക്കാൻ പറഞ്ഞു .

ഞങ്ങൾ എല്ലാവരും ഒരുമിച്ചിരുന്ന് ഭക്ഷണം കഴിച്ച് , പോകാനുള്ള തയ്യാറെടുപ്പുകൾ തുടങ്ങി . ലാലുവിന്റെ വണ്ടിയിലാണ് ഞങ്ങള് ലഗേജ് മൊക്കെയായി റെയിൽവേ സ്റ്റേഷനിലേക്ക് പോയത് . പത്തുമണിക്ക് ആയിരുന്നു ട്രെയിൻ . അൽപം നേരത്തെ കാത്തിരിപ്പിനൊടുവിൽ , ട്രെയിൻ വന്നു . ഞങ്ങൾ വേഗം പാഞ്ഞുകയറി . എല്ലാരും ഓരോ സീറ്റുകളിൽ പോയി ഇരിക്കാനും കിടക്കാനും തുടങ്ങി .

സ്വാതി എനിക്ക് ഒപ്പോസിറ്റ് അയ സീറ്റിലിരുന്നു എന്നോട് സംസാരിക്കുകയായിരുന്നു . സംസാരത്തിനിടയിൽ എപ്പോഴോ ഞാൻ ഉറങ്ങിപ്പോയി .

” ചായ ചായ കാപ്പി കാപ്പി ”

പെട്ടെന്ന് ഞാൻ ചാടി എണീറ്റു . ട്രെയിൻ സ്റ്റേഷനിൽ നിർത്തിയിട്ടിരിക്കുകയാണ് . ഞങ്ങളെല്ലാവരും അവിടെ ഇറങ്ങി . ചെറിയമ്മയുടെ ആങ്ങള ഞങ്ങളെ കൊണ്ടുപോകാൻ വണ്ടിയും കൊണ്ടാണ് വന്നത് . വണ്ടി എന്നു പറയുമ്പോൾ കാർ ഒന്നും അല്ലാട്ടോ , ഒരു സാധാരണ ഷെയർ ഓട്ടോ . ഞങ്ങളെല്ലാവരും തിക്കി കുത്തി അതിൽ കയറിയിരുന്നു .

ചെറിയമ്മയുടെ വീട് എത്തിയപ്പോഴാണു ആശ്വാസമായത് . ഞങ്ങളുടെ വരവും കാത്ത് ഒരു വലിയ കുടുംബം തന്നെ അവിടെ ഉണ്ടായിരുന്നു. ചെറിയച്ഛൻ ചെറിയമ്മയും എല്ലാവർക്കും എന്നെ പരിചയപ്പെടുത്തിക്കൊടുത്തു . ഞങ്ങളോട് വേഗം പോയി കുളിച്ച് ഫ്രഷ് ആയി വരാൻ പറഞ്ഞു അവിടുത്തെ മൂത്ത കാരണവരായ ഒരു മുത്തശ്ശി .

ഞങ്ങൾ എല്ലാവരും കുളിച്ചൊരുങ്ങി വന്ന വയറുനിറയെ ഭക്ഷണം കഴിച്ചു . പലതരം നാടൻ പലഹാരങ്ങൾ അവിടെ ഉണ്ടാക്കി വച്ചിട്ടുണ്ടായിരുന്നു . പെട്ടെന്ന് എനിക്ക് ഏത് എടുക്കണമെന്ന് ഉള്ള കൺഫ്യൂഷനായി . അവസാനം കിട്ടിയത് മുഴുവൻ വലിച്ചുവാരി കഴിച്ചു . ഭക്ഷണം കഴിച്ചു കഴിഞ്ഞപ്പോൾ എല്ലാവരും കൂടെ അമ്പലത്തിലേക്ക് പോകാനുള്ള തിരക്കിലാണ് .

ഞങ്ങൾ എല്ലാവരും അണിഞ്ഞൊരുങ്ങി അമ്പലത്തിലേക്കിറങ്ങി . നീണ്ടു നിവർന്നു കിടക്കുന്ന വിശാലമായ അമ്പലവും പരിസരവും . ഞങ്ങളെല്ലാവരും അമ്പലത്തിൽ കയറി തൊഴുത് ഇറങ്ങി . അമ്പലത്തിനു ചുറ്റും വലം വയിക്കുമ്പോഴായിരുന്നു സ്വാതിയുടെ മാമൻറെ മകൾ എൻറെ മുടിയിൽ പിടിച്ചുവലിച്ചു ഓടിയത് .

ഞാൻ വെറുതെ വിട്ടില്ല . ഞാനും അവളുടെ പിറകെ ഓടി . അവൾക്ക് ഒടുക്കത്തെ സ്പീഡ് ആയിരുന്നു . എത്ര വേഗത്തിൽ ഓടിയിട്ടും അവളുടെ അടുത്തെത്താൻ എനിക്ക് കഴിഞ്ഞില്ല . ഓടി തളർന്ന ഞാൻ അമ്പലത്തിൽ നിന്നും പ്രസാദം വാങ്ങി കഴിച്ചു റസ്റ്റ് എടുത്തു .

അമ്പലത്തിൽ ഒരു സൈഡിൽ ഇരുന്ന് നന്നായിട്ട് കഴിച്ചു . എന്തൊരു ടേസ്റ്റ് ഇവിടുത്തെ പ്രസാദത്തിന് . കൊതി കാരണം ഞാൻ വീണ്ടും പോയി വാങ്ങി . ഇലയിൽ വാങ്ങിയ പ്രസാദം ഇരുന്നു കഴിക്കുമ്പോൾ ആയിരുന്നു , അവൾ വീണ്ടും വന്നെന്റെ മുടിയിൽ പിടിച്ചുവലിച്ചു ഓടിക്കളഞ്ഞു .

അധിക ദേഷ്യം വന്നു ഞാൻ അവളുടെ പിറകെ ഓടി . ഓട്ടത്തിനിടയിൽ ഞാൻ ആരെയും ശ്രദ്ധിക്കാൻ നിന്നില്ല . ഓടികൊണ്ടിരുന്ന ഞാൻ പെട്ടെന്ന് ആരേയോ ഇടിച്ചു നിലത്തുവീണു . നിലത്തുവീണു ദേഷ്യത്തോടെ നോക്കുമ്പോഴാണ് , എന്നെ തന്നെ അന്തം വിട്ടു നോക്കി നിൽക്കുന്ന ആ വ്യക്തിയെ ഞാൻ കണ്ടത് ……..

( തുടരും )……….

 

Read complete ശ്രുതി Malayalam online novel here

5/5 - (5 votes)

About Author

Unlock Your Imagination: Start Generating Stories Now! Generate Stories


Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook

aksharathalukal subscribe

പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം

Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now

©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission

Leave a Reply

Don`t copy text!