” ഈ മാവിന്റെ ഏറ്റവും വലിയ കൊമ്പ് പോകുന്നത് നമ്മുടെ റൂമിന് അടുത്തുള്ള ബാൽക്കണിയിലേക്ക് ആണ് . ഈ മരത്തിന്റെ കൊമ്പ് വഴി നമുക്ക് ബാൽക്കണിയിൽ എത്താം . ബാൽക്കണിയുടെ കിളിവാതിൽ ഞാൻ തുറന്നിട്ടിട്ടുണ്ട് . നമുക്ക് അതുവഴി നേരെ അകത്തേക്ക് കയറാം . മറ്റൊരു വഴിയും ഇല്ലാത്തതുകൊണ്ട് ഞങ്ങൾ മൂന്നുപേരും മരക്കൊമ്പിലെ കയറി ബാൽക്കണിയിലേക്ക് ഇറങ്ങി .
ആദ്യം മരത്തിൽ മുകളിൽ കയറിയത് സ്വാതി ആയിരുന്നു പിന്നെ ഞാൻ എനിക്ക് പിറകിലായി ആർമി . അവൾ വളരെ വേഗത്തിൽ തന്നെ മരത്തിന്റെ മുകളിൽ നിന്ന് ബാൽക്കണിയിലേക്ക് ചാടി .
” ഇവളുടെ ആ പോക്ക് കണ്ടാലേ അറിയാം കഴിഞ്ഞ ജന്മത്തിൽ ഒരു വാനരൻ ആയിരുന്നു എന്ന് . എന്തൊരു സ്പീഡ് ആണ് ഇവൾക്ക് . ഇവളുടെ പോക്ക് തോന്നും ഇവൾക്ക് നല്ല എക്സ്പീരിയൻസ് ഉണ്ടെന്നു . സത്യം പറയടി നിനക്ക് രാത്രി സഞ്ചാരം ഉണ്ടല്ലേ ? ”
ഞാനത് പറഞ്ഞപ്പോൾ ആർമി ചിരിക്കാൻ തുടങ്ങി . ഞാനും ചിരിച്ചുകൊണ്ട് തിരിഞ്ഞപ്പോൾ എന്റെ ബാലൻസ് തെറ്റി ഞാൻ താഴെ വീഴാൻ പോയി . താഴെ വീണു എന്ന് കരുതി ഞാൻ എന്റെ രണ്ടു കണ്ണുകളും അടച്ചു . പതിയെ കണ്ണു തുറന്നു നോക്കിയപ്പോഴാണ് ഞാൻ താഴെ വീണിട്ട്ല്ലെന്നും എന്നെ ഒരു കൈകൾ താങ്ങി നിർത്തിയത് ആണെന്നും എനിക്ക് മനസ്സിലായത് .
” ശ്രുതി , പതിയെ എന്റെ കയ്യിൽ പിടിച്ചു കയറി വാ ”
സ്വാതി അത് എന്നോട് പറഞ്ഞപ്പോൾ , ഞാൻ പതിയെ ആർമിയുടെ കൈയിൽ നിന്നും പിടി വിട്ടു . എന്നിട്ട് എനിക്ക് നേരെ നീട്ടിയ സ്വാതിയുടെ കരങ്ങളിൽ പിടിമുറുക്കി . എന്നിട്ട് പതിയെ ബാൽക്കണിയിലേക്ക് ചാടി . ഞാനും സ്വാതിയും റൂമിലേക്ക് കയറി ഞങ്ങൾക്ക് പിറകിലായ് ആർമിയും അകത്തേക്ക് കയറിവന്നു .
” അതെയ് താങ്ക്സ് , ഇനി ആർമി പോയ്ക്കോ ഗുഡ്നൈറ്റ് ”
അതും പറഞ്ഞു ഞാൻ കട്ടിലിലേക്ക് ഒരൊറ്റ വീഴ്ചയായിരുന്നു . കട്ടിലിൽനിന്ന് എണീക്കാൻ തോന്നിയെങ്കിലും ഉള്ളിലിരിക്കുന്ന സാധനത്തിന്റെ വീര്യം കാരണം എന്റെ കണ്ണുകൾ പതിയെ അടഞ്ഞു . ബോധംകെട്ട് കിടക്കുന്ന എന്റെ അടുത്ത് കട്ടിലിന്റെ ഒരറ്റത്തായി ആർമി വന്നിരുന്നു . ഉറങ്ങി കൊണ്ടിരുന്ന എനിക്ക് പുതപ്പ് പുതച്ചു തന്നു .
– ഇത്രയും ഒക്കെ ഒപ്പിച്ചു വെച്ചിട്ട് ഒന്നുമറിയാത്ത കൊച്ചുകുഞ്ഞിനെപ്പോലെ കിടന്നുറങ്ങുന്നത് കണ്ടോ , ഇതൊരു വല്ലാത്ത സാധനം തന്നെ . ഇതിനെ പോലൊരു കാന്താരി മുളകിന് ഞാനീ ലോകത്ത് മറ്റെവിടെയും കണ്ടിട്ടില്ല . ഉറങ്ങുന്ന അവളുടെ ആ കൊച്ചു മുഖത്തിന് പോലുമുണ്ട് ഒരു കുട്ടിത്തവും കുറുമ്പും . –
അവളുടെ മുഖത്തെ മറച്ചിരിക്കുന്ന മുടിയിഴകൾ ഞാൻ എന്റെ കൈകൾ കൊണ്ട് അവളുടെ ചെവിക്കു പിറകിലേക്ക് ആയി ഒതുക്കി കൊടുത്തു . ഒരു ചെറു ഞരക്കത്തോടെ അവൾ തിരിഞ്ഞു കിടന്നു . എന്നിട്ടു ഉറക്കപ്പിച്ചിൽ എന്തൊക്കെയോ പറയാൻ തുടങ്ങി . ഞാനതിന് കാതോർതിരിക്കും പോഴാണ് സ്വാതി പെട്ടെന്ന് മുറിയിലേക്ക് കയറി വന്നത് .
” ഹലോ , ഇവിടെ എന്താണ് നടക്കുന്നത് ? ”
പെട്ടെന്ന് ശബ്ദം കേട്ട ഭാഗത്തേക്ക് ഞാൻ തിരിഞ്ഞു നോക്കിയപ്പോൾ ഊരക്ക് കയ്യും കൊടുത്ത് ഞങ്ങളെ തന്നെ നോക്കി നിൽക്കുകയാണ് സ്വാതി.
” അത് , സ്വാതി … ഞാൻ , ശ്രുതിയുടെ മൂടി പുതച്ചു പുതപ്പു മാറ്റിയതാ ”
” എന്ത് ? ? ? ”
” ച്ചെ , വിശുദ്ധിയുടെ മുഖത്തേക്ക് തൂങ്ങിയ മുടി മാറ്റി അവൾക്ക് പുതപ്പും പുതച്ചു കൊടുത്തതാ ”
” മ്മ് ……. മ്മ് ……. ”
” സ്വാതി , നീ വിചാരിച്ച പോലെ ഒന്നും അല്ല കാര്യങ്ങൾ ”
” അതിനു ഞാൻ ഒന്നും വിചാരിച്ചില്ലല്ലോ ”
” അതല്ല സ്വാതി ഞാൻ ……….. ”
” മതി മതി അധികം കിടന്നു ഉരുളണ്ട . സമയം കുറെയായി ആർമി പോവാൻ നോക്ക് ”
ഛെ , സ്വാതി എന്നെ വല്ലാതെ തെറ്റിദ്ധരിച്ചു എന്ന് തോന്നുന്നു . ഞാൻ പിന്നെ ഒന്നും പറയാൻ നിൽക്കാതെ പതിയെ അവരുടെ റൂമിൽ നിന്നും പുറത്തേക്കിറങ്ങാൻ തുടങ്ങിയതും ഒരു കള്ളച്ചിരിയോടെ സ്വാതി എന്നോട് അവിടെ നിൽക്കാൻ പറഞ്ഞു .
” ഒന്ന് നിന്നേ , അങ്ങനെയങ് പോയാലോ ”
” എന്താ സ്വാതി ? ”
” വേറൊന്നുമല്ല , എനിക്ക് ചില സംശയങ്ങൾ ആ സംശയങ്ങളൊക്കെ തീർക്കേണ്ടത് ആർമിയാണ് ”
” എന്ത് സംശയം ? ”
” ശ്രുതിയുടെ സന്തോഷത്തിനുവേണ്ടി അഭിയേട്ടൻ എന്തും ചെയ്യാൻ കാരണമെന്താ ? ”
” അതിനു ഞാൻ ഒന്നും ചെയ്തില്ലല്ലോ ”
” ഒന്നും ചെയ്തില്ലേ , എന്നോട് കള്ളം പറയരുത് ”
” ശ്രുതി എന്റെ ഫ്രണ്ട് ആയതുകൊണ്ട് അവൾക്ക് സന്തോഷമുണ്ടാക്കുന്ന കാര്യങ്ങൾ ചെയ്യാൻ എനിക്കിഷ്ടമാണ് ”
” ഫ്രണ്ട് ആയതുകൊണ്ട് മാത്രമാണോ ? സത്യം മാത്രം പറഞ്ഞാൽ മതി ”
” അതെനിക്കറിയില്ല ”
” അതെന്താ അറിയാത്തത് ? ”
” തനിക്ക് എന്തൊക്കെയാ സ്വാതി അറിയേണ്ടത് ? ”
” ആർമി തനിക്ക് ഒരു കാര്യം അറിയോ , ഏട്ടന്മാർ ഇല്ലാതെ വളർന്ന എനിക്ക് കുറച്ചുമുമ്പ് ഒരു ഏട്ടന്റെ സ്നേഹവും കരുതലും തന്നതുകൊണ്ടും ഏതൊരു സാധാരണ പെൺകുട്ടിയുടെയും ആഗ്രഹമായ രാത്രി സഞ്ചാരം എനിക്ക് സാധ്യമാക്കിയതിനാലും ഒരു പെങ്ങളുടെ സ്ഥാനത്ത് നിന്ന് ഞാൻ ചോദിക്കുകയാണ് , ആർമിക്ക് ഇഷ്ടമാണോ എന്റെ ശ്രുതിയെ ”
പെട്ടെന്ന് സ്വാതി അതെന്റെ മുഖത്തുനോക്കി ചോദിക്കുമെന്ന് ഞാൻ ഒട്ടും പ്രതീക്ഷിച്ചില്ല . ഞാൻ ശരിക്കും ഞെട്ടലോടെ അവളുടെ മുഖത്തേക്ക് തന്നെ നോക്കിനിന്നു . എന്നാൽ അവളുടെ മുഖത്ത് യാതൊരുവിധ ഭാവമാറ്റവും ഞാൻ കണ്ടില്ല .
” സ്വാതി ഞാൻ …… ”
” പറയാൻ ബുദ്ധിമുട്ടാണെങ്കിൽ പറയേണ്ട , എന്തോ എന്റെ മനസ്സ് ആർമി യോട് അങ്ങനെ ചോദിക്കാൻ പറഞ്ഞു ഞാൻ ചോദിച്ചു അത്രയേ ഉള്ളൂ ”
” സ്വാതി , ശ്രുതിയെ എനിക്കിഷ്ടമാണോ എന്ന് നീ ചോദിച്ചില്ലേ , എനിക്കിഷ്ടമാണ് . പക്ഷേ അത് എങ്ങനെയുള്ള ഇഷ്ടമാണെന്ന് എനിക്ക് പറഞ്ഞു തരാൻ അറിയില്ല . അവളുടെ മുഖത്ത് ചിരി കാണുമ്പോൾ , എന്റെ മനസ്സ് വല്ലാതെ സന്തോഷിക്കുന്നുണ്ട് . അവളുടെ മുഖത്ത് ദുഃഖം ആണെങ്കിൽ എന്റെ മനസ്സ് വല്ലാതെ വേദനിക്കുന്നുണ്ട് . വളരെ കുറച്ചുകാലം കൊണ്ടുതന്നെ അവൾ എന്റെ ആരൊക്കെയോ ആയി മാറുകയായിരുന്നു . ”
” do യൂ ലവ് ഹെർ ? ”
” ഐ ഡോണ്ട് നോ , ബട്ട് എനിക്ക് ഒന്നറിയാം അവള് പോലുമറിയാതെ അവളുടെ പ്രസൻസ് എനിക്കൊരുപാട് സന്തോഷം തരുന്നുണ്ട് . അവൾ എപ്പോഴും എന്റെ കൂടെ ഉണ്ടാവണം എന്ന് ഞാൻ ആഗ്രഹിക്കുന്നുണ്ട് . അവൾ എപ്പോഴും ചിരിച്ച മുഖത്തോടെ കാണണമെന്ന് ഞാൻ ആഗ്രഹിക്കുന്നു . അവളെന്നും ഇപ്പോഴത്തെ പോലെ ഹാപ്പിയായി നടക്കണമെന്ന് ഞാൻ ആഗ്രഹിക്കുന്നുണ്ട് . അവൾക്ക് ഇതുവരെ കിട്ടാത്ത സ്നേഹവും കരുതലും നൽകണമെന്ന് ഞാൻ ആഗ്രഹിക്കുന്നുണ്ട് . ”
” ആർമി എനിക്കെന്റെ ചെവികളെ വിശ്വസിക്കാൻ കഴിയുന്നില്ല . ശ്രുതി ശരിക്കും ലക്കി ആണ് , ആർമിയെ പോലൊരാളെ കിട്ടാൻ ”
” സ്വാതി എനിക്ക് അവളോട് പ്രേമം ആണോ എന്നൊന്നും എനിക്കറിയില്ല . പക്ഷേ ഞാനിപ്പോൾ തന്നോട് പറഞ്ഞ കാര്യം ശ്രുതി ഒരിക്കലും അറിയരുത് . പ്രേമം എന്ന സങ്കൽപ്പത്തിൽ അവൾക്ക് ഒട്ടും വിശ്വാസം ഇല്ലാത്തതാണ് . ഞാൻ അവളെ ആദ്യം കണ്ട അന്ന് തന്നെ എനിക്ക് അവളുടെ ക്യാരക്ടർ കുറെയൊക്കെ മനസ്സിലായി . അതുകൊണ്ട് തന്നെ ഞാൻ പ്രേമം ആണെന്ന് പറഞ്ഞു പോയാൽ , അവളെനിക്ക് ഒരു തെരുവുപട്ടിയുടെ പരിഗണന പോലും തരില്ല . അതുകൊണ്ട് സ്വാതി ഒരിക്കലും ഞാനിപ്പോ പറഞ്ഞ കാര്യങ്ങൾ അവളെ അറിയിക്കരുത് ”
” ഇല്ല ആർമി , ഞാനായിട്ട് ഒരിക്കലും ഒന്നും ആരോടും പറയില്ല . പക്ഷേ ഞാനൊരു കാര്യം പറയാം , എന്നെങ്കിലും ശ്രുതിയെ ആർമി പ്രണയിക്കുകയാണ് എന്നൊരു ഫീൽ തോന്നിക്കഴിഞ്ഞാൽ അത് അവളോട് തുറന്നുപറയണം . ഒരിക്കലും അവളിൽനിന്ന് അത് ഒളിച്ചു വയ്ക്കരുത് . ”
” നോക്കട്ടെ , അങ്ങനെ ഒരു അവസരം ഏതെങ്കിലും കാലത്ത് വരികയാണെങ്കിൽ , അന്ന് എനിക്ക് അങ്ങനെ ഒരു ഫീൽ തോന്നുകയാണെങ്കിൽ പറയാം ”
” ഞങ്ങൾ നാളെ നീ നാട്ടിൽ നിന്ന് ഞങ്ങളുടെ നാട്ടിലേക്ക് തിരിച്ചു പോവുകയാണ് . ഇനി എന്നാ തമ്മിൽ കാണുക ? ”
” താൻ എന്തിനാണ് വിഷമിക്കുന്നത് നമുക്ക് വീണ്ടും കാണാം . എന്റെ നാടും പാലക്കാട് തന്നെയാണ് ”
” ശരിക്കും ? ”
” അതേടോ , അവിടെവച്ചല്ലേ ഞാൻ ശ്രുതിയെ പരിചയപ്പെട്ടത് ”
” ആഹാ അതു പൊളിച്ചു . അല്ല , അപ്പോൾ അവിടെ നിന്ന് ഇവിടെ എങ്ങനെ എത്തി ? ”
” ഇവിടെയാണ് എന്റെ ഫ്രണ്ടിന്റെ വീട് , അവന്റെ നാട്ടിൽ ഉത്സവം കൂടാൻ അവൻ വിളിച്ചത് കൊണ്ട് വന്നതാ ”
” അതു കലക്കി … അപ്പോൾ ഇനി നമുക്ക് പാലക്കാട് വെച്ച് കാണാം ”
” കാണാലോ , ഇതുപോലെ എപ്പോഴെങ്കിലും രാത്രി ഡ്രൈവിന് പോണം എന്ന് തോന്നിയാൽ ഈ ആർമി ഏട്ടനെ വിളിച്ചാൽ മതി . ഞാൻ പറന്നെത്തികോളം . ”
” താങ്ക്സ് ആർമി , കുറേ സമയമായി എന്നാൽ ആർമി പൊയ്ക്കോളൂ . ഗുഡ് നൈറ്റ് ”
” ഗുഡ് നൈറ്റ് ”
അതും പറഞ്ഞ് , ആർമി ബാൽക്കണിയിൽ നിന്നും വന്ന വഴി താഴേക്കിറങ്ങി . താഴെ എത്തിയശേഷം എനിക്ക് നേരെ കൈവീശി കാണിച്ചു . എന്നിട്ട് മരങ്ങൾക്കിടയിലൂടെ ദൂരേക്ക് പോയി മറഞ്ഞു . ഞാൻ വേഗം വാതിലൊക്കെ ലോക ചെയ്തതിനുശേഷം അകത്ത് കയറി കിടന്നു . ഇന്നത്തെ ദിവസം ശരിക്കും എനിക്ക് മറക്കാൻ കഴിയാത്ത ദിവസമായിരുന്നു . വെള്ളമടിച്ച് ഫിറ്റായി കിടക്കുന്ന ശ്രുതിയെ കെട്ടി പിടിച്ചു ഞാൻ അങ്ങനെ കിടന്നു .
ഇന്നലെ രാത്രി കിടക്കാൻ വൈകിയതിനാൽ തന്നെ ഇന്ന് രാവിലെ തന്നെ അമ്മയുടെ വഴക്ക് കേട്ടുകൊണ്ടാണ് എണീറ്റത് . അപ്പോഴും ശ്രുതി നല്ല ഉറക്കമായിരുന്നു . ഞാൻ വേഗം അവളെ തട്ടി വിളിച്ചതിനു ശേഷം കയ്യിൽ ബ്രഷ് എടുത്ത് താഴേക്കിറങ്ങി . എന്നെ കണ്ടപ്പോൾ അമ്മ റേഡിയോ തുറന്നിട്ട പോലെ വഴക്ക് പറയാൻ തുടങ്ങി .
” ഓ , കെട്ടിലമ്മ പള്ളിയുറക്കം കഴിഞ്ഞ് എണീറ്റോ , അല്ല എന്താണാവോ ഇപ്പോൾ എണീക്കാൻ തോന്നിയത് ? ഉച്ചവരെ കൂടി എന്റെ കുട്ടിക്ക് ഉറങ്ങായിരുന്നില്ലേ , പെൺകുട്ടികളായാൽ നേരത്തെ എണീറ്റ് കുളിച്ച് അമ്പലത്തിൽ പോണം അതിനുശേഷം വീട്ടിൽ വന്ന് അടുക്കളയിൽ കയറണം . എനിക്കുമുണ്ട് നാലെണ്ണം പറഞ്ഞിട്ടെന്താ കാര്യം ”
നാലെണ്ണമോ ? , ഓ അമ്മ ശ്രുതിയെ കൂടി കൂട്ടി പറഞ്ഞതാണ് . ഛെ , ഞാൻ വെറുതെ അമ്മയെ തെറ്റിദ്ധരിച്ചു . ഞാൻ മനസ്സിൽ പറഞ്ഞു നിൽക്കുമ്പോഴായിരുന്നു നടുപ്പുറത്ത് തന്നെ അമ്മയുടെ കൈ വന്നു പതിച്ചത് .
” ഇത്രയൊക്കെ പറഞ്ഞിട്ട് ഒരു കൂസലുമില്ലാതെ ബ്രഷും പിടിച്ചുനിന്ന് പകൽക്കിനാവ് കാണുന്നോ അസത്തെ , വേഗം പോയി കുളിച്ച് റെഡി ആവാൻ നോക്ക് , ഇന്ന് വൈകുന്നേരത്തെ ട്രെയിനിൽ നാട്ടിലേക്ക് പുറപ്പെടേണ്ടേ . ബാഗൊക്കെ വേഗം പോയി പാക്ക് ചെയ്തു വച്ചോ ”
” അതു നല്ലപോലെ പറഞ്ഞാൽ പോരെ , അതിന് തല്ലണോ ”
ഞാൻ അമ്മയോട് മുഖം വീർപ്പിച്ച് മുകളിലേക്ക് തന്നെ കയറിപ്പോയി . ഞാൻ റൂമിൽ ചെല്ലുമ്പോൾ ശ്രുതി കട്ടിലിൽ ഉണ്ടായിരുന്നില്ല . ഇനി അവളെ തിരഞ്ഞ് നടന്നാൽ ഞാൻ വീണ്ടും ലേറ്റ് ആവും . അതുകൊണ്ട് ഞാൻ വേഗം പോയി കുളിച്ച് ഫ്രഷ് ആയി അടുക്കളയിലേക്ക് ചെന്നു . അടുക്കളയിൽ എത്തിയപ്പോൾ കണ്ട കാഴ്ച കണ്ട് ഞാനാകെ അന്തം വിട്ടു . വൈകി എണീറ്റവൾ അതാ അടുക്കളയിൽ കുളിച്ചൊരുങ്ങി ചപ്പാത്തി പരത്തുന്നു . എന്റെ കാര്യത്തിൽ വീണ്ടും തീരുമാനമായി . അടുക്കളയുടെ പടിവാതിൽക്കൽ അമ്മ എന്നെ തന്നെ ദേഷ്യത്തോടെ നോക്കി നിൽക്കുന്നുണ്ട് . ഞാൻ വേഗം പച്ചക്കറി എടുത്ത് അരിഞ്ഞു വെക്കാൻ പോയി .
ഞാൻ ഇടയ്ക്കിടയ്ക്ക് ശ്രുതിയെ നോക്കികൊണ്ടിരുന്നു . അവൾക്ക് ഇന്നലത്തെ കെട്ടു മുഴുവനായിട്ട് വിട്ടോ , ഇപ്പൊ അവളെ കണ്ടാൽ ഇന്നലെ അടിച്ചു ഫിറ്റായി നിന്ന ശ്രുതി ആണെന്ന് ആരും പറയില്ല . ശരിക്കും ഒരു അമ്പലവാസി കുട്ടിയെ പോലെ ഉണ്ട് . എണീറ്റ് പാട് കുളിച്ച് കുറിയൊക്കെ തൊട്ട് . ഞാൻ അവളുടെ അടുത്ത് പോയി അവളുടെ കയ്യിൽ ഒരു നുള്ളു കൊടുത്തു .
” ഔച് , എന്താടി നിനക്ക് വട്ടായോ ? ”
” നിനക്കാണ് വട്ട് ദുഷ്ടത്തി . ”
” എന്താടി കോപ്പേ നിന്റെ പ്രശ്നം ? ”
” ഞാൻ രാവിലെ എണീറ്റ് പോകുമ്പോൾ നിന്നെ വിളിച്ചതല്ലേ , എന്നിട്ടും നീ കുളിക്കാൻ പോവുമ്പോ എന്നെ വിളിച്ചില്ലല്ലോ ”
” അയ്യേ … അതിനായിരുന്നോ നീ പിണങ്ങിയത് , നാളെ കുളിക്കാൻ പോകുമ്പോൾ നിന്നെ എന്തായാലും വിളിക്കാം ”
” അയ്യേ ഛെ ”
” ഛെയോ , നിനക്ക് ഫ്രീ ആയ ഒരു ചാൻസ് തന്നപ്പോൾ നീ ഛെ എന്നോ ”
” എന്റെ ഭഗവാനെ ഇവളെ കൊണ്ട് ഞാൻ തോറ്റു , ഞാൻ പറഞ്ഞത് ഇന്ന് രാവിലെ നീ കുളിക്കാൻ പോകുമ്പോൾ എന്നോട് എന്താ പറയാഞ്ഞത് എന്നാണ് ? നിന്നെ കാത്തു നിന്നിട്ട് അവസാനം ഞാൻ ലേറ്റ് ആയില്ലേ ”
” നിന്നോട് ആരാ പറഞ്ഞത് എന്നെ കാത്തു നിൽക്കാൻ ? ഞാൻ ആർക്കു വേണ്ടിയും കാത്തു നിൽക്കാറില്ല . എനിക്ക് വേണ്ടിയാണ് പലതും കാത്തുനിൽക്കുന്നത് . നമ്മൾ ജീവിതത്തിൽ ഒന്നിനും വേണ്ടിയും കാത്തു നിൽക്കണ്ട , സമയമാകുമ്പോൾ അതെല്ലാം നമ്മളെ തേടിയെത്തും ”
” എന്താ ??? ”
” ഒന്നുമില്ലെടി , വാ നമുക്ക് മുത്തശ്ശിയുടെ അടുത്തേക്ക് പോവാം . ”
ഞാൻ സ്വാതി യെയും കൂട്ടി മുത്തശ്ശിയുടെ അടുത്തേക്ക് പോയി . അൽപനേരം ഞങ്ങൾ രണ്ടുപേരും മുത്തശ്ശിയോട് കഥ പറഞ്ഞിരുന്നു . അന്ന് വളരെ പെട്ടെന്ന് തന്നെ സമയം ഓടികൊണ്ടിരുന്നു . ഉച്ചക്ക് ശേഷം ഭക്ഷണം കഴിച്ച് കഴിഞ്ഞ് ഞങ്ങളെല്ലാവരും ബാഗ് പാക്ക് ചെയ്യാൻ തുടങ്ങി . ചെറിയച്ഛൻ ഇന്നലെ തന്നെ വീട്ടിലേക്ക് മടങ്ങിയിരുന്നു . ഞാനും ചെറിയമ്മയും സ്വാതിയും ശ്വേതയും ശ്രേയയും ഇന്നാണ് പോകുന്നത് . ചെറിയ അമ്മാവൻ വൈകുന്നേരത്തെ ട്രെയിനിൽ ഞങ്ങൾക്ക് പോകാനുള്ള ടിക്കറ്റ് ബുക്ക് ചെയ്തിരുന്നു .
വൈകുന്നേരം നാലു മണിയായപ്പോൾ ഞങ്ങളെല്ലാവരും മനസ്സില്ലാമനസ്സോടെ പാക്ക് ചെയ്ത് ബാഗ് എടുത്ത് അവിടെ നിന്ന് ഇറങ്ങാൻ ഉള്ള തയ്യാറെടുപ്പിലായിരുന്നു . ചെറിയ അമ്മാവനോടും വലിയമ്മാവനോടും അമ്മായി മാരോടും യാത്ര പറഞ്ഞിറങ്ങിയപ്പോൾ ആണ് ചാരു കസേരയിൽ ഇരിക്കുന്ന മുത്തശ്ശിയെ കണ്ടത് . ഞാനും ശ്വേതയും സ്വാതിയും ശ്രേയയും മുത്തശ്ശിയുടെ അടുത്തേക്ക് ചെന്ന് കാൽ തൊട്ട് അനുഗ്രഹം വാങ്ങി . മുത്തശ്ശി ഞങ്ങൾ എല്ലാവരുടെ കവിളിലും ഓരോ മുത്തം തന്നു . അവിടെ എല്ലാവരോടും യാത്ര പറഞ്ഞു വരുമ്പോൾ വല്ലാത്ത സങ്കടം തോന്നി മനസ്സിന് .
ഞങ്ങൾ ചെറിയ അമ്മാവന്റെ കാറിലാണ് റെയിൽവേ സ്റ്റേഷനിലേക്ക് പോയിരുന്നത് . 5 മണിക്കായിരുന്നു ട്രെയിൻ . അല്പസമയം ഞങ്ങൾ റെയിൽവേസ്റ്റേഷനിൽ കാത്തു നിന്നു . കുറച്ചുകഴിഞ്ഞപ്പോൾ ട്രെയിൻ വന്നു , ഞങ്ങൾ ചെറിയമ്മാവനോട് യാത്ര പറഞ്ഞ് ട്രെയിനിൽ കയറി …………………
( തുടരും ) ………………………..
Read complete ശ്രുതി Malayalam online novel here
Related posts:
About Author
Unlock Your Imagination: Start Generating Stories Now! Generate Stories
Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook
പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം
Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now
©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission