“അവന്തി…..നിന്റെ തീരുമാനം അതാണെങ്കിൽ ഇനി നീ എന്നോട് സംസാരിക്കരുത്.”പുറത്ത് നിന്ന് അച്ഛൻ പറഞ്ഞു. കതക് തുറന്ന് ഞാൻ പുറത്തേക്ക് ഇറങ്ങി.”
“അച്ഛാ…. ”
“വിളിക്കരുത് നീ എന്നെ അങ്ങനെ……………..
“നിനക്ക് ശ്രീനാഥിനെ കെട്ടാൻ അല്ലെ പ്രശ്നം ഒള്ളു എന്റെ ആങ്ങള ദേവൻ ഇപ്പോഴും കല്യാണം കഴിച്ചിട്ടില്ല . രണ്ടാം കല്യാണം എന്നതൊന്നും അവന് പ്രശ്നമല്ല നമുക്ക് ആലോചിക്കാം”…ചേട്ടത്തി പറഞ്ഞു.
“ദേവന് ഇവളെ കൊടുക്കുന്നതിനെക്കാലും നല്ലത് ഇവളെ അങ്ങ് കൊല്ലുന്നത് ആവും”
ദേഷ്യത്തിൽ ഇത്രയും പറഞ്ഞ് അച്ഛൻ പുറത്തേക്ക് ഇറങ്ങി പോയി. ഇനിയെന്ത് ചെയ്യണം എന്നറിയാതെ ഒരു പ്രതിമ പോലെ ഞാൻ അവിടെ തന്നെ നിന്നു.
___________________________________
പിറ്റേ ദിവസം മുതൽ ആരും ഒരക്ഷരം പോലും എന്നോട് സംസാരിക്കുന്നില്ല. ശ്രീയെ കാണണം. ഈ കല്യാണത്തിൽ നിന്നും പിന്മാറാൻ ആവശ്യപ്പെടണം. രണ്ടും കൽപ്പിച്ച് ഞാൻ ശ്രീക്ക് ഫോൺ ചെയ്യാൻ തീരുമാനിച്ചു.
“അവന്തി പറയടോ”
“ശ്രീ താൻ എവിടെയാ”
“ഞാൻ വീട്ടിലുണ്ട് എന്താ അവന്തി”
“എനിക്ക് തന്നെ ഒന്ന് കാണണം താൻ വൈകിട്ട് 5:30ന് ബീച്ചിൽ വരാമോ”?
“ഞാൻ വരാം”…..
“എനിക്കും നിന്നെ ഒന്ന് കാണണം”
“മമ്”
വൈകുന്നേരം വീട്ടിൽ നിന്ന് ഇറങ്ങാൻ നേരം ആരും ചോദിച്ചില്ല നീ എങ്ങോട്ടാണെന്ന്. ഞാൻ എത്തുന്നതിന് മുന്നെ തന്നെ ശ്രീ അവിടെ എത്തിയിരുന്നു.
“എന്താടോ കാണണമെന്ന് പറഞ്ഞേ”……
“ശ്രീ എന്താ തന്റെ ഉദ്ദേശം”……..
“എന്ത് ഉദ്ദേശം”…….
“തനിക്ക് എന്നെ കെട്ടണോ!”
“കെട്ടിയാൽ കൊള്ളാം”…..
“ശ്രീ അത് നടക്കില്ല”
“എടോ തന്നോടുള്ള സഹതാപം കൊണ്ടൊന്നുമല്ല എനിക്ക് നിന്നെ ഇഷ്ടമാണ്… സത്യം. എനിക്ക് നിന്നെ വേണം. പിന്നെ നീ ഇപ്പൊ വന്നത് കല്യാണത്തിന് പിന്മാറണം എന്ന് പറയാൻ അല്ലേ…. ഞാൻ പിന്മാറില്ല”……..
“ശ്രീ ….പ്ളീസ്”….
“ഡി ….നിനക്ക് അവന്റെ മുൻപിൽ ജയിക്കണ്ടേ… അതിനുള്ള ഒരു നല്ല വഴിയാണ് നിന്റെ മുന്നിൽ തുറന്ന് കിടക്കുന്നത്”……
“അങ്ങനെ വേറെ ഒരു കല്യാണം കഴിച്ച് അയാളുടെ മുന്നിൽ എനിക്ക് ജയിക്കണ്ട……am leaving”……
“അവന്തി നീ ഇപ്പൊ പോയിക്കോ ….പിന്നെ ഒരു കാര്യം ഈ ശ്രീനാഥിന്റെ ജീവിതത്തിൽ ഒരു പെണ്ണ് ഉണ്ടെങ്കിൽ അത് നീയാവും”…….
“ഓക്കെ ഞാൻ സമ്മതിക്കാം ….പക്ഷേ എനിക്ക് ടൈം വേണം.. .ഇപ്പോ ഒരു കല്യാണത്തിന് പറ്റിയ മാനസികാവസ്ഥയിൽ അല്ല ഞാൻ ”
“ഓക്കെ നിനക്ക് ടൈം എടുക്കാം”….ഇത്രയും പറഞ്ഞ് ശ്രീ പോയി……..
●●●●●●●●●●●●●●●●●●●●●●●●●●●●●●●
കല്യാണത്തിന് എനിക്ക് സമ്മതം ആണ് അച്ഛന്റെ തീരുമാനം പോലെ.
“നിനക്ക് ഇപ്പോഴെങ്കിലും നല്ല ബുദ്ധി തോന്നിയല്ലോ. നന്നായി അവൻ നിന്നെ പൊന്നു പോലെ നോക്കിക്കോളും. ഞാൻ അശോകനെ വിളിച്ച് പറയാം”
“അച്ഛാ…. ഒരു ആറു മാസത്തെ സാവകാശം എനിക്ക് വേണം”
“ഓക്കെ”
അച്ഛൻ ഇത്രയും പറഞ്ഞ് ഫോണും എടുത്ത് പുറത്തേക്ക് പോയി.
*****************************************
സ്കൂളിൽ വച്ച് ഞങ്ങൾ നല്ല കൂട്ടുകാരെ പോലെയായിരുന്നു. ഞങ്ങൾ തമ്മിലുളള കല്യാണ കാര്യം സ്കൂൾ മുഴുവൻ അറിഞ്ഞു. ഞാനും ശ്രീയും പഠിപ്പിക്കുന്നത് എന്തെങ്കിലും സംസാരിച്ചാൽ സ്റ്റാഫ് റൂമിൽ ഉള്ളവർ ഞങ്ങളെ കളിയാക്കും. അതുകൊണ്ട് കഴിവതും ശ്രീക്ക് മുന്നിൽ പേടാതെ ഞാൻ ഒഴിഞ്ഞ് നടന്നു.
ഇനി ഒരുമാസം കൂടി. ഒരുമാസം കഴിഞ്ഞാൽ ഞാൻ ശ്രീയുടെ ഭാര്യയാവും. ഇനിയും ഒരു ഭാര്യ പദവി എനിക് ആവുമെന്ന് തോന്നുന്നില്ല. അച്ഛന്റെയും അമ്മയുടെയും സന്തോഷത്തിന് നിന്ന് കൊടുക്കുന്നു എന്ന് മാത്രം. എനിക്ക് ശ്രീയെ ഭർത്താവായി കാണാൻ പറ്റുവോ? എന്നെ പറ്റി എല്ലാം അവന് അറിയാവുന്നത് അല്ലേ…. എന്നിട്ടും എന്തിനാ അവൻ ഈ കല്യാണത്തിന് സമ്മതിച്ചേ….. എത്രയായാലും ഒരുപ്രാവശ്യം എന്റെ കല്യാണം കഴിഞ്ഞത് അല്ലെ…..
എല്ലാവരും ഇപ്പൊ കല്യാണത്തിന്റെ തിരക്കിൽ ആണ്. ഞാൻ ഒഴികെ ബാക്കി എല്ലാരും നല്ല സന്തോഷത്തിൽ ആണ്. എല്ലാ ദിവസവും ശ്രീ വിളിക്കും. ഒന്നോ രണ്ടോ വാക്ക് പറയും അത്ര തന്നെ. ഇന്ന് സ്കൂളിൽ പോണം ലീവ് എഴുതി കൊടുക്കണം. രാവിലെ തന്നെ സ്കൂളിൽ പോയി രജനി മാഡത്തെ കണ്ട് ലീവ് എഴുതി കൊടുത്തു. ഞാനും ശ്രീയും ചേർന്ന് സ്റ്റാഫിനെ മുഴുവൻ കല്യാണത്തിന് ക്ഷണിച്ചു.
“ഡി”…..
“എന്താ”
“നമുക്ക് ഒരാളെ കൂടി കല്യാണം വിളിക്കാനുണ്ട്”
“ആരെ”
“നിരഞ്ജനെ”
“വേണ്ട”
“വേണം….അവൻ നിന്നെ വിളിച്ചതല്ലേ… അതുകൊണ്ട് അവനെ വിളിക്കണം”
“ശ്രീ അത്”……
“നീ ഒന്നും പറയണ്ട……നീ വാ നമുക്ക് പോയിട്ട് വരാം”
നിരഞ്ജന്റെ വീടിന് മുന്നിൽ എത്തിയപ്പോൾ എന്റെ കൈയും കാലും വിറച്ചു. നിരഞ്ജന്റെ കൈ പിടിച്ച് ആദ്യമായി ഈ വീടിന്റെ പടികടന്ന് വന്നത് മുതൽ അവസാനം കരഞ്ഞുകൊണ്ട് ഈ വീടിന്റെ പടിയിറങ്ങിയതും ഒക്കെ എന്റെ മനസ്സിൽ തെളിഞ്ഞു വന്നു. ശ്രീ എന്നെ ചേർത്ത് പിടിച്ച് ആ വീടിന്റെ കോളിങ് ബെൽ അമർത്തി. നിരഞ്ജന്റെ അമ്മയാണ് കതക് തുറന്നത്.
“ആ ……മക്കളെ കയറി വാ……..
ശ്രീയും ഞാനും ആ വീടിന്റെ പടി കയറി. സംസാരം കേട്ട് റൂമിൽ നിന്നും നിരഞ്ജൻ ഇറങ്ങി വന്നു. ഞങ്ങളെ രണ്ടാളെയും കണ്ടപ്പോൾ അയാൾ ഞെട്ടി.
“ഞങ്ങൾ വന്നത് ഒരു സന്തോഷ കാര്യം പറയാനാണ്”
“എന്താ മോനെ”…..
“ഞങ്ങളുടെ കല്യാണം ഉറപ്പിച്ചു അടുത്ത മാസം എട്ടാം തീയ്യതി ആണ്”
“അമ്മയ്ക്ക് സന്തോഷമായി ”
“നിങ്ങൾ എല്ലാരും ഉറപ്പായിട്ടും വരണം”
“ഞങ്ങൾ വരും മോനെ”
“അല്ല നിരഞ്ജന്റെ വൈഫ് എവിടെ” ശ്രീ ചോദിച്ചു
“അവള് …. അവള്…..അവളുടെ വീട്ടിലാ….നിരഞ്ജൻ ഉത്തരം പറഞ്ഞു
“ഓക്കെ പ്രിയയോട് പ്രത്യേകം പറയണം….. നിരഞ്ജനും ഉറപ്പായിട്ടും വരണം”…ശ്രീ പറഞ്ഞു
“മമ് വരാം”…. നിരഞ്ജൻ പറഞ്ഞു
“എന്നാൽ ഞങ്ങൾ ഇറങ്ങട്ടെ”…..
“ഒന്നും കഴിച്ചില്ലലോ മക്കളെ”
“അത് സാരമില്ല കല്യാണം കഴിഞ്ഞിട്ട് ഞങ്ങൾ വരാം അമ്മേ”…….
ഞാനും ശ്രീയും ആ വീടിന് പുറത്ത് ഇറങ്ങി. ഇപ്പോൾ മനസ്സിന് ചെറിയ ഒരു ആശ്വാസം. അതിന് കാരണക്കാരനായ ശ്രീയോട് സ്നേഹവും തോന്നി. പെട്ടന്നാണ് എന്റെ ഫോൺ റിങ് ചെയ്തത് ഡിസ്പ്ലേയിൽ തെളിഞ്ഞു വന്ന പേര് ഞാൻ വായിച്ചു”ദേവിക നന്ദൻ”…………
തുടരും
അവന്തിക മലയാളം നോവൽ മുഴുവൻ ഭാഗങ്ങൾ വായിക്കാനായി
Related posts:
About Author
Unlock Your Imagination: Start Generating Stories Now! Generate Stories
Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook
പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം
Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now
©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission