Skip to content

ഗൗരി – ഭാഗം 22

gouri-aksharathalukal-novel

ആളുകൾ ഓടി കൂടി

ലോറി നിർത്താതെ ഓടിച്ച് പോയി

രണ്ടു പേര് ബൈക്കിൽ ലോറിയുടെ പിന്നാലെ പോയി ,ലോറിയെ പിടിക്കാൻ വേണ്ടി

കണ്ടു നിന്നവരൊക്കെ പറഞ്ഞത് സുധയുടെ കുഴപ്പം കൊണ്ടാണ് വണ്ടിയിടിച്ചതെന്ന്

ആരെങ്കിലും ഒന്നു സഹായിക്ക് നമ്മുക്കിവരെ ആശുപത്രിയിൽ കൊണ്ടു പോകാം

എന്തിന് ഇവിടെ കിടക്കട്ടെ പോലീസ് വരട്ടെ എന്നിട്ട് മതി കൊണ്ടു പോകലൊക്കെ

അതു തന്നെ
പിന്നെ കൊണ്ടു പോയാലോ എല്ലാം നമ്മുടെ തലയിലായിരിക്കും

നിങ്ങൾ മനുഷ്യരാണോ ഒന്നു പിടിക്കൂ ,എന്റെ കാറിൽ കൊണ്ടു പോകാം ഇവരെ രക്ഷപ്പെടുത്താൻ കഴിയും
ഒരു ചെറുപ്പക്കാരൻ പറഞ്ഞു

മോനെ ഈ വളവിൽ ഇടിയൊക്കെ സാധരണമാണ് ,ഇങ്ങനെ കൊണ്ടു പോയി ഞങ്ങൾ പുലിവാല് പിടിച്ചിട്ടുള്ളത് കൊണ്ടാണ് പറഞ്ഞ്

സുധയൊന്ന് ചെരങ്ങി, മുഖത്തൊക്കെ ചോര ഉണ്ടായിരുന്നു

അപ്പോഴെക്കും രണ്ടു മൂന്നു പേര് വന്ന് സുധയെ എടുത്ത് കാറിൽ കയറ്റി കൊടുത്തു

ആരെങ്കിലും ഒന്നു കൂടെ വരോ

ഇത്തിരി പ്രായം ചെന്നയാളും ഒരു പയ്യനും കൂടെ കയറി

അയ്യോ ഇവരെ എനിക്കറിയാം
ഇത് ആ ബാങ്കിൽ ജോലി ചെയ്യുന്ന ശരത്ത് സാറിന്റെ ബന്ധുവാണ് ഒരാള് പറഞ്ഞു

ഞങ്ങള് വിളിച്ചോളാം

അയാൾ ബാങ്കിന്റെ നമ്പർ കൊടുത്തു

അപ്പോ തന്നെ പയ്യൻ ബാങ്കിലേക്ക് വിളിച്ച് ശരത്തിനോട് കാര്യങ്ങൾ പറഞ്ഞു, കൊണ്ടു പോകുന്ന ഹോസ്പിറ്റലിന്റ പേരും പറഞ്ഞു

ആ പയ്യൻ പറഞ്ഞ കാര്യങ്ങൾ വച്ച് നോക്കുമ്പോൾ സുധയാന്റിയാണെന്ന് ശരത്തിന് മനസ്സിലായി

അവൻ ബാങ്കിൽ പറഞ്ഞിട്ട് ഹോസ്പിറ്റലിലേക്ക് വന്നു

*
സുധ പോയി കുറച്ച് കഴിഞ്ഞപ്പോൾ മെറിൻ ആർച്ചയെ കണാൻ വന്നു
ആർച്ചേ…
നീയും ഗുപ്തനമായുള്ള ബന്ധം എന്താണ് ,എന്നെ അവിടെ നിർത്തിയിട്ട് നീ എവിടെക്കാണ് പോയത്
എനിക്കിതറിയാതെ ഒരു സമാധാമില്ല

എന്തു ബന്ധം

ഒരു ബന്ധമില്ലെങ്കിൽ പിന്നെന്തിനാണ് നീ എന്നെ അവിടെയാക്കിയിട്ട് അയാളുടെ കൂടെ പോയത്

പ്ലീസ്സ് മെറിൻ അവൻ മമ്മിയുടെ റിലേഷൻ ആണെന്നു പറഞ്ഞില്ലേ അല്ലാതെ ഞാനും അവനുമായി ഒരു ബന്ധവുമില്ല

നിങ്ങളെങ്ങോട്ടാണ് പോയത് അയാൾ എവിടെക്കാണ് നിന്നെ കൊണ്ടുപോയത്

ദേ ഇതൊക്കെ വാങ്ങാൻ പോയതാണ്

ആർച്ച ഗുപ്തൻ വാങ്ങി കൊടുത്ത ഡ്രസ്സിന്റെ കവറുകൾ കാണിച്ച് കൊടുത്തിട്ട് പറഞ്ഞു

ഇതൊക്കെ എത്തി നാ അവൻ നിനക്ക് വാങ്ങി തന്നത്

അവന് ഞാൻ പെണ്ണിനെ പോലെ നടക്കണമെന്ന് ,അതിന് വേണ്ടി വാങ്ങി തന്നതാണ്
പിന്നെ ആർച്ച കൈയ്യിലെ മോതിരം മെറിന് കാണിച്ച് കൊടുത്തു

ഇത് എൻഗേജ്മെൻറ് റിംഗല്ലേ നിനക്കിതെവിടെന്നാണ് കിട്ടിയത്

അവനിട്ടതാണ് ആ ഗുപ്തൻ, അവന് എന്നെ വിവാഹം കഴിക്കണമെന്ന്

ആർച്ചേ നിങ്ങളുടെ മോതിരമാറ്റം കഴിഞ്ഞോ നീയിതിന് സമ്മതിച്ചോ ,എനിക്കൊന്നും മനസ്സിലാവണില്ല, നിനക്കിത് ഊരി കളഞ്ഞൂടെ

അത് …ഇത് ഊരി കളഞ്ഞാൽ അവനെന്നെ തല്ലും ,അതവൻ എന്നോട് പറഞ്ഞതാണ് ,നിനക്കറിയില്ല അവനെ അവൻ പറഞ്ഞാ പറഞ്ഞത് പോലെ ചെയ്യുന്നവനാണ്

എന്ന് പറഞ്ഞ് നീയിതിട്ടു കൊണ്ടു നടക്കുകയാണോ ,നീയൊരു ഗുണ്ടയുടെ ഭാര്യ ആകാൻ പോവുകയാണോ നിന്റെ മമ്മിയെന്താ അവനെതിരെ ഒന്നും ചെയ്യാതിരിക്കുന്നത്
ശരത്തിന്റെ കല്യാണമിങ്ങടുത്തില്ലേ അത് മുടക്കാൻ ഒരു പ്ലാനും നിന്റെ മമ്മി ചെയ്യുന്നില്ലേ ,നിന്റെ മമ്മി നിനക്ക് വാക്ക് തന്നതല്ലേ ശരത്തിനെ കൊണ്ട് നിന്നെ വിവാഹം കഴിപ്പിക്കാമെന്ന്

ഒക്കെ ശരിയാണ് മെറിനെ
പക്ഷേ എങ്ങനെ … എങ്ങനെ കല്യാണം മുടക്കും ,അത് മുടക്കുവാൻ വേണ്ടി മമ്മി ചെയ്ത ഗെയിമിന്റെ റിസൽറ്റ് ആണ് ഈ മോതിരം

ഒരെണ്ണം പൊട്ടിയെന്ന് കരുതി ഇനി അതിനു വേണ്ടി ശ്രമിക്കാതിരിക്കുകയാണോ

എനിക്കറിയില്ല മെറിനെ മമ്മീ എന്തൊക്കെയോ പ്ലാൻ ചെയ്യുന്നുണ്ട് ,അതിന് വേണ്ടി ആരെയോ കണാൻ പോയതാണ്

അപ്പോ ആന്റി യിവിടെയില്ലേ ,ഞാനും വിചാരിച്ചു എന്താ മമ്മി വരാത്തതെന്ന് ,വന്നാൽ ഒരു ചായ ആന്റി തരാറുണ്ട്

നിന്നെ നല്ല ഇഷ്ടമാണ് മമ്മിക്ക് ,അങ്ങനെ ആരെയും ഇഷ്ടപ്പെടാറില്ല ,കുറച്ച് നേരമായി പോയിട്ട് ഇന്നാണെങ്കിൽ പോയപ്പോ ഫോൺ എടുക്കാൻ മറന്നു ആള്

ആർച്ചേ … ശരത്തിനെ നഷ്ടപ്പെടുത്താൻ നിനക്ക് പറ്റോ

അറിയല്ല , എന്റെ മനസ്സിനെ ഞാൻ പറഞ്ഞ് പഠിപ്പിക്കുന്നുണ്ട് പക്ഷേ എത്രത്തോളം അത് ശരിയാവുമെന്ന് എനിക്കറിയില്ല

മെറിൻ ആർച്ചയെ ഒന്നു സൂക്ഷിച്ച് നോക്കി

ആർച്ചയുടെ കൺകോണുകളിലെവിടെയോ ഒരു കണ്ണുനീർ തുള്ളി ഉരുണ്ടു കൂടുന്നത് മെറിൻ കണ്ടു
*

വരുണേ ….. നീയെവിടെയാണ്
ശരത്ത് വരുണിനെ വിളിച്ചു

എന്താടാ … നിന്റെ സ്വരം എന്താ വല്ലാതിരിക്കുന്നത് എന്താ പ്രശ്നം
ഞാനിപ്പോ ഓഫീസിൽ നിന്നും ഇറങ്ങും

നീ വേഗം സിറ്റി ഹോസ്പിറ്റലിലേക്ക് വായോ

എന്താടാ എന്താ ….ആരാ ഹോസ്പിറ്റലിൽ

നീ വേഗം വായോ

പേടിപ്പിക്കാതെ കാര്യം പറ ശരത്തേ ….

ടാ സുധയാന്റിയാണ് ,ആളുടെ കാറ് ഒരു ലോറിയുമായി …
ഇത്തിരി സീരിയസ്സാണ് ,നീയൊന്ന് വേഗം വായോ

പത്ത് മിനിട്ട് കഴിഞ്ഞപ്പോഴെക്കും വരുൺ എത്തി

ശരത്ത് വരുണിനെ കാത്ത് ഹോസ്പിറ്റലിന്റെ മുൻപിൽ തന്നെയുണ്ടായിരുന്നു

എന്താടാ ആന്റിക്കെങ്ങനെയുണ്ട് ,

ഒന്നും പറയാറായിട്ടില്ലാന്നാണ് ഡോക്ടർ പറഞ്ഞത് റോഡിൽ തലയിടിച്ചാണ് വീണത് ,ഇവിടെ കൊണ്ടു വരുമ്പോഴെക്കും ബോധം പോയിരുന്നു

ടാ .. നമ്മുക്ക് വേറെ ഏതെങ്കിലും ഹോസ്പിറ്റലിലേക്ക് കൊണ്ടു പോയാലോ

അതൊക്കെ ഞാൻ ചോദിച്ചു ,ഡോക്ടർ പറഞ്ഞത് എവിടെ കൊണ്ട് പോയാലും ഇത് തന്നെയാണ് ട്രീറ്റ്മെന്റന്ന്

ആർച്ച … അവളറിഞ്ഞോ

ഇല്ല നീ പോയി അവളെ കൊണ്ടുവയോ ,അങ്കിളി വിടെയില്ല

ഇവിടെ …

ഇവിടത്തെ കാര്യങ്ങൾ ..
ശ്യാമേട്ടനും അച്ഛനുമൊക്കെയുണ്ട് ,നിന്റെ അച്ഛൻ വന്നിട്ടുണ്ട്

ഞാനെന്ത് പറഞ്ഞാണ് അവളെ കൊണ്ടുവരിക

നീ എന്തെങ്കിലും പറഞ്ഞ് കൊണ്ടു വായോ

വരുൺ ആർച്ചയെ കൊണ്ടു വരാൻ പോയി

വരുണിനെ കണ്ടപ്പോൾ ആർച്ചയുടെ മുഖത്ത് ഒരു ഇരുളിമ ഉണ്ടായി

ആർച്ചേ …

എന്താ വരുണെ നീ ഇന്ന് എന്തെങ്കിലും സന്തോഷം പങ്കുവക്കാനായിട്ട് മധുരവുമായി വന്നതാണോ

ആർച്ചേ കളിയാക്കാനുള്ള സമയമല്ലിത് നീയെന്റെ കൂടെ വായോ ,ആന്റി ഒന്നു തല കറങ്ങി വീണു

എന്താ വരുണേ പറഞ്ഞത് മമ്മിക്ക് എന്താ പറ്റിയത്

ആർച്ച വെപ്രാളത്തോടെ ചോദിച്ചു

ഒന്നുമില്ല ആർച്ചേ , ആൾക്ക് ട്രിപ്പ് ഇട്ടിട്ടുണ്ട് അത് കഴിഞ്ഞാൽ ഡിസ്ചാർജ്ജ് ആവും
വരുൺ സാധാരണ മട്ടിൽ പറഞ്ഞു

ആർച്ച വേഗം വേഷം മാറി വന്നു

വരുണിന്റെ കൂടെ ആർച്ച ഹോസ്പിറ്റലിലെത്തി

വരുൺ അവളെ ഐ സി യു വിന്റെ ഭാഗത്തേക്ക് കൂട്ടികൊണ്ട് പോയി

തറവാട്ടിലുള്ള മിക്കവരും അവിടെയുണ്ടായിരുന്നു

അത് കണ്ടപ്പോൾ ആർച്ചക്ക് ഒരു ദുസൂചന തോന്നി

വരുണേ …. എന്താ മമ്മിക്ക് പറ്റിയത് ,നീയെന്നോട് സത്യം പറ അവൾ കരയുന്നുണ്ടായിരുന്നു

അത് …..

എന്താ വരുണേ എന്റെ മമ്മിയെവിടെയാണ് ,എന്തിനാ എല്ലാ വരും ഇവിടെ കൂടി നിൽക്കുന്നത്

ആൻറിക്കൊരു ആക്സിഡന്റ് പറ്റി ,ഒരു ഒബ്സർവേഷൻ പോലെ ഐസിയു വിലാണ്
വരുൺ പറഞ്ഞ് ഒപ്പിച്ചു

ആർച്ചക്ക് തലയിൽ കനത്ത എന്തൊ വന്ന് വീണത് പോലെ തോന്നി

മമ്മി ആയിരുന്നു അവളുടെ എല്ലാം ,ആർച്ചയുടെ മുഖഭാവം ഒരു പേടി കിട്ടിയത് പോലെ ആയിരുന്നു

വരുണേ …. മമ്മിയെ എനിക്ക് കാണണം ,നീ പറയുന്നത് സത്യമാണോ എന്നറിയണം

അപ്പൊഴെക്കും വരുണിന്റെ അമ്മ വന്ന് ആർച്ച പിടിച്ച് ഐ സി യു വിന്റെ മുൻപിലുള്ള കസേരയിലിരുത്തി

മോളിവിടെ ഇരിക്ക് മമ്മി ക്കൊന്നുമില്ല ,ഞങ്ങളൊക്കെയില്ലേ ,അമ്മ ആർച്ചയുടെ അടുത്തിരുന്നു

കുറച്ച് കഴിഞ്ഞിട്ട് കാണമെന്ന് പറഞ്ഞിട്ടുണ്ട് ,അപ്പോൾ നമ്മുക്ക് കയറി കാണാം മമ്മിയെ

അവർ ഒരോന്ന് പറഞ്ഞ് ആർച്ചയെ ആശ്വാസിപ്പിച്ച് കൊണ്ടിരുന്നു

ആർച്ച കൈകൾ കൊണ്ട് മുഖം പൊത്തിയിരുന്നു ,

മമ്മീ ക്ക് ഒന്നു വരുത്തല്ലേയെന്ന് പ്രാർത്ഥിച്ചു ആർച്ച

താൻ കാരണമാണ് മമ്മിക്കിങ്ങനെ സംഭവിച്ചത് അതാണ് അവളെ കൂടുതൽ വിഷമിപ്പിച്ചത്

താൻ ഒറ്റപ്പെട്ട് പോയത് പോലെ തോന്നി ആർച്ചക്ക്

ഡാഡി ഒണ് വന്നിരുന്നെങ്കിൽ അവൾ അതിയായി ആഗ്രഹിച്ചു

ബന്ധുക്കളൊടൊന്നും ആർച്ചയും അമ്മയും അത്ര അടുപ്പം പുലർത്തിയിരുന്നില്ല

കുറച്ച് കഴിഞ്ഞാണ് ഗുപ്തൻ വന്നത്

അവൻ വന്ന് ശരത്തിനോടും രുണിനോടും കാര്യങ്ങൾ ചോദിച്ചറിഞ്ഞു

ഇത്തിരി കഴിഞ്ഞാണ് അവൻ ആർച്ചയുടെ അടുത്തെത്തിയത്

അവൾ കസേരയിൽ തല കുമ്പിട്ടിരിക്കുന്നത് അവൻ കണ്ടു

വരുണിന്റെ അമ്മ അവിടെ ഉണ്ടായിരുന്നില്ല

അവൻ അവളുടെ അടുക്ക കസേരയിൽ ഇരുന്നു

നീ വിഷമിക്കുകയൊന്നും വേണ്ട ആൻറിക്ക് അത്ര വലിയ പരിക്കൊന്നുമില്ല ,പിന്നെ ആശുപത്രികളിൽ ഇങ്ങനെ യാണ് തുമ്മിയാലും ഐസിയുവിൽ കയറ്റും

അവൾ കുമ്പിട്ടിരുന്നു കരയുകയാണെന്ന് അവന് മനസ്സിലായി

ആർച്ച തലയുയർത്തി അവനെ നോക്കിയില്ല

കുറച്ച് നേരം കൂടി അവൻ അവിടെ യിരുന്നു

അവൻ പോകാനെണീറ്റു

കൈ തണ്ടയിൽ എന്തോ ആഴ്നിറങ്ങുന്നതു പോലെ തോന്നി ഗുപ്തന്

ആർച്ച അവന്റെ കൈ തണ്ടയിൽ കൈ കൊണ്ട് മുറുക്കെ പിടിച്ചിരിക്കുകയായിരുന്നു

ഗുപ്തൻ ആർച്ചയെ അമ്പരപ്പോടെ നോക്കി

ആർച്ച തല കുമ്പിട്ടിരുന്നത് കൊണ്ട് അവളുടെ മുഖത്തെ ഭാവമെന്താണെന്ന് ഗുപ്ത ന് മനസ്സിലായില്ല

താനിവിടെ വേണമെന്ന് അവൾ ആഗ്രഹിക്കുന്നുണ്ടെന്ന് ഗുപ്ത ന് തോന്നി

ഗുപ്തൻ ആർച്ചയുടെ അടുത്തിരുന്നു,
ഇരുന്നു കഴിഞ്ഞപ്പോൾ ആർച്ച കൈവിട്ടു

ആർച്ചയെ മനസ്സിലാക്കാൻ ഗുപ്ത നാവുന്നുണ്ടായിരുന്നില്ല

ശരത്ത് അവരുടെ അടുത്തേക്ക് വന്നു

ഗുപ്താ നീ വേണമെങ്കിൽ പൊക്കോളൂ
ഇവിടെ ഞങ്ങളൊക്കെ യുണ്ടല്ലോ

ഇല്ല ശരത്തേ ഞാനിന്നു പോകുന്നില്ല
ആന്റി യുടെ കാര്യം ഒന്നുമറിയാതെ …

രാത്രി ഞാനും വരുണും ആന്റിയും കൂടി നിൽക്കാം ,റൂം ശരിയായിട്ടുണ്ട് ആർച്ചയെ റൂമിലേക്ക് കൊണ്ടു പോവാം

അപ്പോഴെക്കും വരുൺ അവിടെക്ക് വന്നു

ഗുപ്തൻ പോകുന്നില്ലാന്നാണ് പറയുന്നത്

ആണോ എന്നാ നീയൊരു കാര്യം ചെയ്യ് ശ്യാമേട്ടൻ പോകുമ്പോൾ നീ കൂടെ പോക്കോ എന്തെങ്കിലും ആവശ്യമുണ്ടെങ്കിൽ വരാലോ ,ഞാനും ഗുപ്തനും മതി ഇവിടെ ,പിന്നെ അമ്മയുണ്ടെങ്കിൽ ആർച്ചക്ക് ഒരു കൂട്ടാവുമല്ലോ

എന്നാൽ അങ്ങനെ ചെയ്യാം ,നാളെ കാലത്തെ അങ്കിൾ എത്തു ,പിന്നെ ആർച്ചക്ക് എന്തെങ്കിലും ഫുഡ് വാങ്ങി കൊടുക്കണം

അതൊക്കെ ഞങ്ങൾ നോക്കി കൊള്ളാം
നീ ശ്യാമേട്ടനെയും കൊണ്ട് പോ അഭിയേട്ടത്തി ഇപ്പോഴും കൂടി എന്നെ വിളിച്ചു ,വെറുതെ അതിന് ടെൻഷൻ കൊടുക്കണ്ട

ശരത്തും ശ്യാമും പോയി കഴിഞ്ഞപ്പോൾ
വരുൺ ആർച്ചയുടെ അടുത്ത് വന്നു

ആർച്ചേ …..
നീ റൂമിലേക്ക് പോക്കോ ഇവിടെ ഇങ്ങനെ കുത്തിയിരിക്കണ്ട ,എന്തെങ്കിലും ഉണ്ടെങ്കിൽ ഞങ്ങൾ വന്ന് വിളിക്കാം

പക്ഷേ ആർച്ച വരുൺ പറഞ്ഞത് കേട്ട ഭാവം നടിച്ചില്ല

അവളുടെ മനസ്സ് നിറയെ മമ്മിയായിരുന്നു
തന്റെ വാശി കാരണമാണ് മമ്മിക്കിങ്ങനെ വന്നത് ,തന്റെ എല്ലാ ആഗ്രഹങ്ങളും മമ്മി നടത്തി തരാറുണ്ട് അതിപ്പോ എന്തായാലും ,മമ്മി യായിരുന്നു തന്റെ ലോകം ,ഇപ്പൊ താൻ ഒറ്റപ്പെട്ടത് പോലെ തോന്നുകയാണ് ,താനാണ് മമ്മിയെ ഒരൊന്ന് പറഞ്ഞ് ഈ അപകടത്തിലെക്ക് തള്ളിവിട്ടത് ,
ആർച്ചയുടെ കണ്ണുകൾ നിറഞ്ഞ് ഒഴുകുന്നുണ്ടായിരുന്നു

വരുണേ … നീയൊരു കാര്യം ചെയ്യ് ആന്റിയെ റൂമിലേക്ക് കൊണ്ടു പൊക്കോ ,ആർച്ചക്കിവിടെ ഇരിക്കണമെങ്കിൽ കുറച്ച് നേരം കൂടി ഇരിക്കട്ടെ, ഞാനിവിടെയുണ്ടല്ലോ
ആർച്ചയുടെ മനസ്സറിഞ്ഞ പോലെ ഗുപ്തൻ പറഞ്ഞു

ആർച്ചേ …. നീയെണീച്ചേ എന്തെങ്കിലും കഴിച്ചിട്ട് വരാം
വരുൺ റൂമിലേക്ക് പോയി കഴിഞ്ഞപ്പോൾ ഗുപ്തൻ പറഞ്ഞു

ആർച്ച അങ്ങനെ തന്നെയിരുന്നു

നിനക്കെന്താ ആർച്ചേ ചെവി കേൾക്കില്ലേ ,എന്തെങ്കിലും കഴിക്ക് ,വന്നപ്പോ തുടങ്ങി ഈ ഇരിപ്പ് ഇരിക്കുന്നതല്ലേ

ആർച്ച വേണ്ട എന്ന് തലയാട്ടി

ദേ ഹോസ്പിറ്റലാണെന്ന് ഞാൻ നോക്കൂ ലാ നല്ലത് എന്റെ കൈയ്യിൽ നിന്നും നല്ലത് വാങ്ങും നീ

ആർച്ച തലയുയർത്തി ഗുപ്തനെ നോക്കി

അവളുടെ കണ്ണ് കരഞ്ഞിട്ട് ചുമന്നിരുന്നു ,മുഖമൊക്കെ വീർത്ത പോലെ ഉണ്ടായിരുന്നു

അവളുടെ മുഖം കണ്ടപ്പോൾ ഗുപ്ത ന് അങ്ങനെ പറയേണ്ടിയിരുന്നില്ല എന്ന് തോന്നി

ഗുപ്തൻ അവളുടെ അടുത്തിരുന്നു

*
എന്താ ശ്യാമേ … ഡോക്ടർമാര് എന്താ പറയുന്നത് ,വേറെ ഏതെങ്കിലും ആശുപത്രിയിലോട്ട് കൊണ്ടു പോകണോ

അതൊന്നും വേണ്ടാന്നാ അച്ഛാ … അവര് പറഞ്ഞത് ശരത്ത് ഡോക്ടറെ കണ്ട് സംസാരിച്ചതാണ്

എത്ര ദുഷ്ടത്തിയായാലും നമ്മുടെ ഇന്നത്തെ അവസ്ഥക്ക് കാരണം സുധയാണ് അത് നമ്മള് മറക്കരുത് ,ഒരാൾക്കെങ്കിലും അവിടെ നിൽക്കാമായിരുന്നു ,ശരത്തിന് നിൽക്കാമായിരുന്നു

അച്ഛാ …. അത് അവിടെ വരുണും ഗുപ്തനുമൊക്കെ ഉണ്ട് അതുകൊണ്ടാണ് എന്താവാശ്യമുണ്ടെങ്കിലും എന്നെ വിളിക്കാമെന്ന് പറഞ്ഞിട്ടുണ്ട്

അച്ഛൻ കുറ്റപ്പെടുത്തിയതല്ല ,ഈ സമയത്താണ് നമ്മളവിടെ വേണ്ടത് ,ആർച്ചയെ പറ്റി അറിയാലോ സുധയാണ് അവൾക്കെല്ലാം ,ഈ അവസ്ഥയിൽ അവളുടെ കൂടെ നമ്മള് വേണം ,അവൾക്കൊരു ബലമായിട്ട്

ശരത്തിന്റെ മനസ്സിലേക്ക് തല കുമ്പിട്ടിരിക്കുന്ന ആർച്ചയുടെ മുഖം ഓടി വന്നു ,ആർച്ചയെ ഒന്നു സമാധാനിപ്പിക്കേണ്ടതായിരുന്നു ആ സമയത്ത് താനതോർത്തില്ല ,
ശ്ശോ …

ശരത്തേ നീ എന്താ ആലോചിക്കുന്നത്

എനിക്ക് മനസ്സിലായി അച്ഛാ അച്ഛൻ പറഞ്ഞത് ശരിയാണ് ,വരുൺ പോക്കോളാൻ പറഞ്ഞപ്പോ ഞാൻ വേറൊന്നും ഓർത്തില്ല
ഞാനിപ്പോ തന്നെ ഹോസ്റ്റലിലേക്ക് പോവുകയാണ്

ശരത്തേ നീ നിൽക്ക് അവർക്കുള്ള ഭക്ഷണം കൊണ്ടു പോകാം ,നീ വരുണിനോട് വിളിച്ച് പറയ് പുറത്ത് പോയി കഴിക്കണ്ടാന്ന്

ശരി അമ്മേ…. അമ്മ എടുത്ത് വയ്ക്ക് ഞാനൊന്നു ഗൗരിക്ക് വിളിക്കട്ടേ

ശരത്ത് ഗൗരിയെ വിളിച്ചു

എന്താ മാഷേ .. നമ്മളെയൊക്കെ മറന്നോ
വൈകീട്ട് എത്ര തവണ വിളിച്ചു ഞാൻ,വിളിയൊന്നും കാണാതിരുന്നപ്പോൾ ഞാൻ വിചാരിച്ചു നമ്മളെയൊക്കെ മറന്നിട്ടുണ്ടാവുമെന്ന്

ഗൗരി ….

ശരത്തിന്റെ ശബ്ദത്തിലെ ഇടർച്ച ഗൗരിക്ക് മനസ്സിലായി

അയ്യോ ഞാൻ വെറുതെ പറഞ്ഞതാട്ടോ ,ബാങ്കിലെ എന്തെങ്കിലും തിരക്കായിരിക്കുമെന്ന് എനിക്കറിയാമായിരുന്നു

അതൊന്നുമല്ല കാരണം സുധയാന്റി ആക്സി ഡന്റ് ആയി ഹോസ്പിറ്റലിൽ ആണ് അവിടെ ആയിരുന്നു

എന്നിട്ട് .. ആർച്ചയറിഞ്ഞോ,

അറിഞ്ഞു ഹോസ്പിറ്റലിൽ ഉണ്ട് അവൾ, അങ്കിള് ഇവിടെയില്ല നാളെ കാലത്തെ വരൂ
ഞാനിപ്പോ ഹോസ്പിറ്റലിലേക്ക് പോവുകയാണ് ,മാഷോട് പറയണട്ടോ ,അല്ലെങ്കിൽ ഞാൻ വിളിക്കണോ

വേണ്ട .. ഞാൻ അച്ഛനോട് പറയാം,

ശരി ശരത്ത് കോള് കട്ട് ചെയ്തു

ശരത്ത് എല്ലാവർക്കുള്ള ഭക്ഷണം കൊണ്ടാണ് ഹോസ്പിറ്റലിലേക്ക് പോയത്

*
അച്ഛാ ….. സുധയാന്റിയല്ലേ

ആരാ ….ഗൗരി

അച്ഛാ …. ആർച്ചയുടെ അമ്മ ,ആന്റി ആക്സിഡൻറ് പറ്റി ഹോസ്പിറ്റലിൽ ആണ്

ഓ … അവർക്ക് അങ്ങനെ തന്നെ വേണം ,ദൈവം ഇതവർക്ക് കൊടുത്ത ശിക്ഷയാണ് ,അവര് ചെയ്ത തെറ്റുകൾക്കുള്ള ശിക്ഷ

ഒരാൾക്ക് ആപത്ത് വരുമ്പോൾ ഇങ്ങനെയാണോ പറയുന്നത് ,അവര് നമ്മുടെ ബന്ധുകൂടിയാണ്

എന്റെ അച്ഛാ …. ആർക്ക് ആപത്തുണ്ടായാലും എനിക്ക് വിഷമമുണ്ടാകും പക്ഷെ ഇവർക്ക് വന്നാൽ ഞാൻ സന്തോഷിക്കും

മോളെ ..
നീ പറ ശരത്ത് എന്താ പറഞ്ഞത് ,ഞാനിപ്പോ അവിടെക്ക് പോകണോ

ഇത്തിരി സീരിയസ്സാണെന്നാണ് ശരത്ത് സാറ് പറഞ്ഞത് ,കാറിൽ നിന്നും തെറിച്ച് റോഡിലേക്ക് വീഴുകയായിരുന്നു

ശ്ശോ കഷ്ടമായല്ലോ ഇനിയിപ്പോ കുറച്ച് നാളകത്തേക്ക് നോക്കണ്ട

കുറച്ച് നാളത്തേക്കല്ല അല്ലാ അച്ഛാ .. ഒന്നു രണ്ടു കൊല്ലത്തേക്ക് അവരുടെ കാര്യം കട്ട പുകയായിരിക്കും

നാളെ കാലത്ത് നമ്മുക്കൊന്ന് ഹോസ്പിറ്റലു വരെ പോകണം ,മോളും കൂടി പോരെ ആ ആർച്ചയെ ഒന്ന് ആശ്വസിപ്പിക്കാലോ

ശരി അച്ഛാ ….

അച്ഛന് പറ്റിയ മോള്
ഗംഗ പറഞ്ഞു

നീയും കൂടി വായോ ഗംഗേ

ദേ .. ചേച്ചി നിങ്ങളൊക്കെ മറ്റുള്ളവരുടെ തെറ്റു പൊറുക്കുകയും അവരോട് ക്ഷമിക്കുന്ന പരിശുദ്ധരുമായിരിക്കും എന്നാൽ ഞാൻ അങ്ങനെയല്ല എന്നാൽ ഞാനങ്ങനെയല്ല എനിക്കിത്തിരി കുശുമ്പും കുന്നായ്മയും ഉണ്ട് ,അവര് ചെയ്തതെന്നും ഞാൻ മറന്നിട്ടില്ല അതുകൊണ്ട് ഞാൻ വരുന്നില്ല രണ്ടു പരിശുദ്ധരും കൂടി പോയാൽ മതി

*
എനിക്കമ്മയെ ഒന്നു കാണണം
ആർച്ച ഗുപ്ത നോട് പറഞ്ഞു

ഇത് എന്റെ ആശുപത്രിയല്ല
നീ പറയുമ്പോൾ നിന്റെ അമ്മയെ കാണിക്കാൻ ,ഇവിടെ ചില നിയമങ്ങൾ ഒക്കെയുണ്ട്

എനിക്ക് കാണണം

നിനക്ക് പറഞ്ഞാൽ മനസ്സിലാവില്ലേ

ആർച്ച തല കുമ്പിട്ടിരുന്നു

ഗുപ്തൻ പോയി ശരത്തിന്റെ അടുത്ത് പറഞ്ഞു

ശരത്തേ ആർച്ചക്ക് അമ്മയെ കാണണമെന്ന്

അതിപ്പോ നമ്മള് പറഞ്ഞാൽ അവര് കാണിക്കോ

അത് ഞാനവളോട് പറഞ്ഞതാണ് ,ശരത്ത് വന്നൊന്ന് പറഞ്ഞ് മനസ്സിലാക്ക്

ഗുപ്താ താൻ കണ്ടതല്ലേ ഞാൻ സംസാരിച്ചപ്പോൾ അവളെന്നെ ഒന്നു നോക്കിയത് പോലുമില്ല ,എന്നോടവൾക്ക് ദേഷ്യമാണ് ,ഈ അവസ്ഥയിൽ ആയിരുന്നിട്ട് പോലും എന്നോടവൾക്ക് ദേഷ്യത്തോടെയാണ് പെരുമാറിയത് ,അത് ഇനി കൂട്ടണ്ട
താൻ എന്തെങ്കിലും പറഞ്ഞ് സമാധാനിപ്പിക്ക്
അല്ലെങ്കിൽ ഞാൻ വരുണിനെ വിളിക്കാം

വേണ്ട ഞാൻ പറഞ്ഞ് മനസ്സിലാക്കാം

*
രാവിലെ തന്നെ ശരത്തിന്റെ അച്ഛനും അമ്മയും വന്നു

ആർച്ച ആരോടും മിണ്ടാൻ കൂട്ടാക്കിയില്ല

ആകെ മിണ്ടുന്നത് ഗുപ്ത നോട് മാത്രമായിരുന്നു

കാലത്ത് ഗൗരിയും അച്ഛനും വന്നു

ശരത്ത് അവരെ ആർച്ചയുടെ അടുത്തേക്ക് കൂട്ടികൊണ്ട് വന്നു

ആർച്ചയിരിക്കുന്നത് ഗൗരി കണ്ടു

മോള് ചെല്ല് ആർച്ചയുടെ അടുത്ത് പോയി കുറച്ച് നേരം ഇരിക്ക് ,ആ കുട്ടിക്ക് ഒരാശ്വാസം ആവട്ടെ

ഗൗരി ആർച്ച എന്തു രീതിയിലാണ് തന്നോട് പ്രതികരിക്കുക എന്നറിയില്ലാട്ടോ, ആരോടും മിണ്ടുന്നു പോലുമില്ല ,പച്ച വെള്ളം കുടിച്ചിട്ടില്ല

അതൊന്നും സാരമില്ല ആ കുട്ടിയുടെ അവസ്ഥ അങ്ങനെയല്ലേ

ഗൗരി ആർച്ചയുടെ അടുക്കത്തക്ക് ചെന്നു

ആർച്ചയുടെ ഇരിപ്പ് കണ്ടപ്പോൾ അവൾ ഈ ലോത്തൊന്നുമല്ലെന്ന് ഗൗരിക്ക് തോന്നി

ആർച്ചേ …

ഗൗരി ആർച്ചയുടെ ചുമലിൽ തൊട്ടു വിളിച്ചു

തുടരും

 

മുൻഭാഗങ്ങൾക്കായി ഈ ലിങ്കിൽ പോവുക

രജിത പ്രദീപ് എടയാട്

 

ഇവിടെ കൂടുതൽ വായിക്കുക

അക്ഷരത്താളുകൾ പ്രസിദ്ധീകരിച്ച എല്ലാ നോവലുകളും വായിക്കുക

അക്ഷരത്താളുകൾ പ്രസിദ്ധീകരിച്ച എല്ലാ കഥകളും വായിക്കുക

3.8/5 - (11 votes)

Welcome to the new year! As you start the year fresh, why not test your knowledge and try a quiz on New Year? Happy quizzing!


Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook

aksharathalukal subscribe

പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം

Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now

©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission

Leave a Reply

Don`t copy text!