അനിയൻ്റെ ഫീസ്, അവൾ കാവൽക്കാരി!

നീലാഞ്ജനം ❤️ – Ammus❤️..🖋️

Love, Drama, GOLDEN PEN 26 · 50 അധ്യായങ്ങൾ

📖 ഈ കഥയുടെ മുഴുവൻ അധ്യായങ്ങളും അക്ഷരത്താളുകളിൽ വായിക്കാം →

അധ്യായം 1 – നീലാഞ്ജനം ❤️ ഭാഗം 1

അവളുടെ ലോകം അവനായിരുന്നു. ആ തറവാട്ടിലെ ധനികനായ ദേവനും അവളും തമ്മിൽ കണ്ടുമുട്ടുമ്പോൾ എന്ത് സംഭവിക്കും?

---

​പുലർക്കാല സൂര്യകിരണങ്ങൾ ഒളിവീശി

തുടങ്ങുന്നതേയുള്ളൂ ആ പുലരിയിൽ.

പ്രകൃതി ഒന്നുണർന്നു വരുന്നതേ

ഉണ്ടായിരുന്നുള്ളൂ.

മരച്ചില്ലകളിൽ നിന്ന് പക്ഷികളുടെ ചെറിയ

രീതിയിലുള്ള കളകൂജനങ്ങൾ

കേട്ടുതുടങ്ങിയിരുന്നു.

അന്തരീക്ഷത്തിൽ നേർത്ത മഞ്ഞിന്റെ

കണികകൾ അപ്പോഴും

തങ്ങിനിൽപ്പുണ്ടായിരുന്നു.

                       

                        🍁🍁  🌄 🍁🍁

അതിനുമുമ്പേ  ആ കൊച്ചു വീട്ടിൽ അവൾ 

അടുക്കളയിൽ  പടിപടിയായി പണികൾ

ചെയ്തുകൊണ്ട് നിൽക്കുകയാണ്.

സമയബോധം അവൾക്ക് എപ്പോഴും

കൃത്യമായിരുന്നു.

 സമയം വൈകിയാൽ എല്ലാ കാര്യങ്ങളും

താളം തെറ്റും.

അതുകൊണ്ട് തന്നെ അവൾ വേഗത്തിൽ

എല്ലാം ചെയ്തു തീർക്കുകയാണ്.

 അമ്മു ചേച്ചി…

എന്താ അച്ചു ഇപ്പോ വരാം .

എന്താ മോനുട്ട കാര്യം 

എനിക്ക് ഇന്ന് സ്കൂളിൽ ഫീസ്

അടയ്ക്കേണ്ട ദിവസമാണ്…”

അമ്മു ചേച്ചി…. ❤️

​അനിയൻ അച്ചുവിന്റെ ആ വിളി

കേട്ടപ്പോഴാണ് അമ്മു തന്റെ ചിന്തകളിൽ

നിന്നും ഉണർന്നത്. കൈയിലെ കരിപുരണ്ട

ചട്ടുകം അടുപ്പിനടുത്തേക്ക് വെച്ച് അവൾ

തിരിഞ്ഞുനോക്കി.

മുഖത്ത ഉറക്കച്ചടവുണ്ടായിരുന്നെങ്കിലും

അനിയന്റെ മുഖം കണ്ടപ്പോൾ അവളുടെ

ചുണ്ടിൽ ഒരു ചെറിയ പുഞ്ചിരി വിരിഞ്ഞു.

പത്തു വയസ്സുകാരനായ അച്ചു സ്കൂൾ

യൂണിഫോം പകുതി മാത്രം ധരിച്ച്, ബാഗും

കൈയിൽ പിടിച്ച് ഉമ്മറത്തുനിന്ന്

വിളിക്കുകയാണ്.

അവളുടെ ലോകം അവനായിരുന്നു.

അച്ഛനും അമ്മയും നഷ്ടപ്പെട്ട ആ

ചെറിയ കുടുംബത്തിന്റെ മുഴുവൻ

ഭാരവും ചുമലിലേറ്റിയ

ഇരുപത്തിരണ്ടുകാരിയായ

സാധാരണ പെൺകുട്ടിയാണ് അമ്മു

എന്ന

അഞ്ജന.❤️

​”നീയിത് ഇപ്പോഴാണോ പറയണേ മോനുട്ട.   

തലേദിവസം എങ്കിലും എന്നോട് ഈ കാര്യം

ഒന്നു ഓർമ്മിപ്പിച്ചു കൂടായിരുന്നോ?”

 അമ്മു അല്പം പരിഭവത്തോടെ ചോദിച്ചു.

എങ്കിലും അവളുടെ ഉള്ളിൽ ഒരു പരിഭ്രാന്തി

പടർന്നു കഴിഞ്ഞിരുന്നു.

ഫീസ് അടയ്ക്കാനുള്ള പണം എവിടെനിന്ന്

ഒപ്പിക്കും?

കൈയിലാണെങ്കിൽ ആകെ സൂക്ഷിച്ചുവെച്ച

കുറച്ചു രൂപയേ ഉള്ളൂ.

അത് ഈ ആഴ്ചയിലെ വീട്ടുചെലവുകൾക്കും

മരുന്നിനുമായി മാറ്റിവെച്ചതാണ്.

​
ഞാൻ മറന്നുപോയതാ അമ്മുച്ചേച്ചി…

 ഇന്ന് ഫീസ് അടച്ചില്ലെങ്കിൽ ക്ലാസിൽ കയറ്റില്ല

എന്ന് ക്ലാസ് ടീച്ചർ പറഞ്ഞിട്ടുണ്ട്.”

അച്ചുവിന്റെ മുഖം സങ്കടം കൊണ്ട് മങ്ങി.

കരച്ചിലിന്റെ വക്കോളമെത്തിയ അനിയനെ

വിഷമിപ്പിക്കാൻ അമ്മുവിന്

കഴിയില്ലായിരുന്നു.
​

“സാരമില്ലെടാ, നീ വിഷമിക്കണ്ട.

ചേച്ചി എങ്ങനെയെങ്കിലും പണം

റെഡിയാക്കാം.

നീ വേഗം പോയി  ബാക്കി യൂണിഫോം കൂടി

ഇട്ട് റെഡിയാവ്.

ദോശയും ചമ്മന്തിയും ഉണ്ടാക്കി വെച്ചിട്ടുണ്ട്,

വന്ന് കഴിക്ക്.”

അവളുടെ വാക്കുകൾ അവന് വലിയ

ആശ്വാസമായി.

അവൻ വേഗം അകത്തേക്ക് ഓടി.

​അച്ചു അകത്തേക്ക് പോയതും അമ്മുവിന്റെ

നെഞ്ചിൽ ഒരു വലിയ കല്ല് വന്നു

വീണതുപോലെ തോന്നി.

ഇന്ന് എങ്ങനെയെങ്കിലും ആയിരം രൂപ

കണ്ടെത്തണം.

അവളുടെ മനസ്സിലേക്ക് പെട്ടെന്ന്

ഓടിയെത്തിയത് താൻ ജോലി ചെയ്യുന്ന 

ബംഗ്ലാവിലെ ‘മാധവി അമ്മ’യുടെ മുഖമാണ്.

നഗരത്തിലെ പ്രശസ്തമായ ‘ നീലാഞ്ജനം

തറവാട്ടിലെ മുതിർന്ന കാരണവരാണ് അവർ.

അവർക്ക്  നീൽ ഗ്രൂപ്പ്‌ ഓഫ് കമ്പനിയും 

ഒരുപാട് കടകളും ഓക്കേ ഉണ്ട്. 

അവിടെ വീട്ടിൽ തൂത്തുതുടയ്ക്കാനും

അടുക്കള  ജോലിയിൽ സഹായിക്കാനുമാണ്

അമ്മു  പോകുന്നത്.

മാധവിയമ്മ വളരെ ദയയുള്ള

സ്ത്രീയാണെങ്കിലും,

അവിടെയുള്ള മറ്റുള്ളവർ അങ്ങനെയല്ല.

പ്രത്യേകിച്ച് മാധവിയമ്മയുടെ മകനായ.

രാഘവനും ഭാര്യ മാലതിയും.

പണത്തിന്റെ. അഹങ്കാരം

തലയ്ക്കുപിടിച്ച

മനുഷ്യർ.
​

തുടർന്ന് അവൾ വേഗത്തിൽ തന്റെ

ജോലികൾ തീർത്തു.

അച്ചുവിന് ഭക്ഷണവും നൽകി,

അവനെ സ്കൂൾ ബസ്സിൽ കയറ്റിവിട്ട

ശേഷമാണ് അവൾ ശ്വാസം നേരെ വിട്ടത്.

ഇനി ഒട്ടും സമയം കളയാനില്ല.

ഒമ്പത് മണിക്ക് മുൻപ് നീളഞ്ജനം തറവാട്ടിൽ

എത്തണം.

ഒരു മിനിറ്റ് വൈകിയാൽ പോലും

മാലതിമേടത്തിന്റെ കുറ്റപ്പെടുത്തലുകൾ

കേൾക്കേണ്ടി വരും.
​
തന്റെ പഴയ സൈക്കിളുമെടുത്ത് അവൾ

നഗരത്തിലെ വലിയ റോഡിലൂടെ യാത്ര

തിരിച്ചു.

സൈക്കിൾ ചവിട്ടുമ്പോഴും അവളുടെ മനസ്സ്

മുഴുവൻ പണത്തെക്കുറിച്ചുള്ള

ചിന്തകളായിരുന്നു.

വഴിയിലുടനീളം കണ്ട കാറുകളും വലിയ

കെട്ടിടങ്ങളും അവളെ തന്റെ

ദാരിദ്ര്യത്തെക്കുറിച്ച് കൂടുതൽ ഓർമ്മിപ്പിച്ചു.

എങ്കിലും അവൾ തളർന്നില്ല.

തനിക്ക് ജീവിക്കണം, അനിയനെ നല്ല

നിലയിൽ എത്തിക്കണം.

അതായിരുന്നു അവളുടെ ഒരേയൊരു

ലക്ഷ്യം.
​   

                             ❤️❤️❤️❤️

തറവാടിന്റെ വലിയ ഇരുമ്പ് ഗേറ്റുകൾക്ക്

മുന്നിൽ അവൾ സൈക്കിൾ നിർത്തി.

കാവൽക്കാരൻ വേണുപ്പപ്പൻ ഗേറ്റ് തുറന്നു

കൊടുത്തു.

“എന്താ മോളേ, ഇന്ന് അല്പം വൈകിയല്ലോ?”

അദ്ദേഹം സ്നേഹത്തോടെ ചോദിച്ചു.

“അതെ പപ്പേട്ട 

അച്ചുവിന്റെ സ്കൂളിലെ ചില കാര്യങ്ങൾ

ഉണ്ടായിരുന്നു.

ഞാൻ വേഗം കയറട്ടെ,”

എന്ന് പറഞ്ഞ് അവൾ സൈക്കിൾ

സ്റ്റാൻഡിൽ ഒതുക്കി വെച്ച് വലിയ വീടിന്റെ

അടുക്കള ഭാഗത്തേക്ക് നടന്നു.

​അടുക്കളയിൽ ചെന്നപ്പോൾ തന്നെ

കട്ടൻചായയുടെയും മസാലകളുടെയും മണം

അന്തരീക്ഷത്തിൽ ഉണ്ടായിരുന്നു.

പ്രധാന പാചകക്കാരിയായ ജാനകിയമ്മ

അവിടെ ജോലിയിലായിരുന്നു.

അമ്മുവിനെ കണ്ടതും അവർ പറഞ്ഞു:

“മോളേ അമ്മൂ, നീ വന്നോ?

മാലതി അമ്മ നിന്നെ

അന്വേഷിക്കുന്നുണ്ടായിരുന്നു.

പൂജാമുറിയും ഹാളും വേഗം തുടക്കണം എന്ന്

പറഞ്ഞു.

പിന്നെ,  ആരോ വരുന്നുണ്ടെന്ന് കേട്ടു.”

​”ആരാ ജാനകിയമ്മേ വരുന്നത്?”

അമ്മു കൗതുകത്തോടെ ചോദിച്ചു.

“മാധവി അമ്മയുടെ മൂത്ത മകൻ

ശേഖരന്റെ

മകൻ, ദേവൻ.❤️

വിദേശത്തുനിന്ന് പഠിത്തമൊക്കെ കഴിഞ്ഞ്

അടുത്ത ആഴ്ചകളിലൊന്നിൽ ഇങ്ങോട്ട്

തിരിച്ചെത്തുകയാണ്.

ഈ തറവാടിന്റെ ഒരേയൊരു അവകാശി.

വലിയ ഗൗരവക്കാരനാണെന്നാണ്

കേട്ടിട്ടുള്ളത്.

അതുകൊണ്ട് തറവാട് മുഴുവൻ പെയിന്റ്

അടിച്ച് വൃത്തിയാക്കാൻ വലിയൊരു സംഘം

ആളുകൾ നാളെ മുതൽ വരുന്നുണ്ട്.

നമുക്കും ജോലികൾ കൂടും.”

ജാനകിയമ്മ രഹസ്യമായി പറഞ്ഞു.

​ആ വാക്കുകൾ അമ്മുവിന്റെ ഉള്ളിൽ വലിയ

ചലനങ്ങളൊന്നും ഉണ്ടാക്കിയില്ല.

കാരണം, പണക്കാരുടെ വരവും പോക്കും

അവളെ ബാധിക്കുന്ന കാര്യമായിരുന്നില്ല.

അവൾക്ക് മാധവിയമ്മയെ കണ്ട് പണം

ചോദിക്കുക മാത്രമായിരുന്നു ഒരേയൊരു

ലക്ഷ്യം.

അവൾ വേഗം ബക്കറ്റും തുണിയുമെടുത്ത്

വലിയ ഹാൾ തുടക്കാൻ തുടങ്ങി.

ആ വലിയ ഹാളിൽ മനോഹരമായ

പെയിന്റിംഗുകളും പുരാതനമായ

ഫർണിച്ചറുകളും ഉണ്ടായിരുന്നു.

വളരെ സൂക്ഷിച്ചാണ് അവൾ ഓരോന്നും

വൃത്തിയാക്കിയത്.
​
ഹാൾ പകുതി തുടച്ചു തീർന്നപ്പോഴാണ്

മുകളിൽ നിന്നും മാലതി മേടം ഇറങ്ങി വന്നത്.

പട്ടുസാരിയും ആഭരണങ്ങളും ധരിച്ച്,

മുഖത്ത് ഗൗരവത്തോടെ അവർ അമ്മുവിന്റെ

അടുത്തേക്ക് വന്നു.

“അമ്മൂ… നീ എന്താ ഇത്ര സാവധാനം ജോലി

ചെയ്യുന്നത്?

ദേവൻ വരുന്നതിന് മുൻപ് ഈ വീട് മുഴുവൻ

ഒരു പുതിയ രൂപത്തിലാവണം.

നാളെ ഇവിടെ പണിക്കാർ വരും.

നീ അവരെയും സഹായിക്കണം,”

അവർ കർക്കശമായ സ്വരത്തിൽ പറഞ്ഞു.

​”ഞാൻ വേഗത്തിൽ ചെയ്യാം മേഡം,”

അമ്മു തല താഴ്ത്തി പറഞ്ഞു.

അപ്പോഴാണ് അവൾ തന്റെ മനസ്സ്

ധൈര്യപ്പെടുത്തി ആ കാര്യം ചോദിക്കാൻ

തീരുമാനിച്ചത്.

“മേഡം… എനിക്ക്… എനിക്ക് ഒരു ചെറിയ

സഹായം വേണമായിരുന്നു.”

“എന്താ? പണം വല്ലതും വേണോ?

നിനക്കൊക്കെ എപ്പോഴും പണം മതിയല്ലോ,”

മാലതി പുച്ഛത്തോടെ പറഞ്ഞു.

“അതല്ല മേഡം,

അച്ചുവിന്റെ സ്കൂൾ ഫീസ് ഇന്ന്

അടയ്ക്കണം.

ഒരു ആയിരം രൂപ അഡ്വാൻസ് തരാമോ?

അടുത്ത മാസത്തെ ശമ്പളത്തിൽ നിന്ന്

കുറച്ചാൽ മതി.”

അമ്മു യാചനയോടെ ചോദിച്ചു.
​

“പറ്റില്ല!

ഇവിടെ അങ്ങനെ അഡ്വാൻസ് തരുന്ന

പതിവില്ല.

ജോലിക്ക് വന്നിട്ട് കുറച്ചു നാളല്ലേ ആയുള്ളൂ,

അതിനുള്ളിൽ കടം ചോദിച്ചു തുടങ്ങി.

പോയി നിന്റെ ജോലി ചെയ്യ്,”

മാലതി ദാക്ഷിണ്യമില്ലാതെ പറഞ്ഞു കൊണ്ട്

തിരിഞ്ഞു നടന്നു.
​

അമ്മുവിന്റെ കണ്ണുകൾ നിറഞ്ഞു തുളുമ്പി.

പ്രതീക്ഷകളെല്ലാം തകർന്നതുപോലെ

അവൾക്ക് തോന്നി.

ഇനി ആരോടാണ് ചോദിക്കുക?

അവൾ കരച്ചിലടക്കി വീണ്ടും ജോലിയിൽ

മുഴുകി.

വൈകുന്നേരം വരെ അവൾ അവിടെ

പണിയെടുത്തു.

കൈകൾ വേദനിക്കുന്നുണ്ടായിരുന്നെങ്കിലും

മനസ്സിലെ വേദനയോളമില്ലായിരുന്നു അത്.
​

ജോലി കഴിഞ്ഞ് തിരികെ വീട്ടിലേക്ക്

പോകുമ്പോൾ അവളുടെ മനസ്സിൽ ഒരു

വലിയ ഭാരമായിരുന്നു.

അച്ചു സ്കൂളിൽ നിന്നും വന്നിട്ടുണ്ടാകും.

അവനോട് എന്ത് പറയും?

വഴിയിൽ കണ്ട ഒരു ചെറിയ ചായക്കടയുടെ

മുന്നിൽ അവൾ സൈക്കിൾ നിർത്തി.

ആ കട നടത്തുന്ന ശങ്കരേട്ടൻ അമ്മുവിന്റെ

അച്ഛന്റെ പഴയ സുഹൃത്താണ്. കടയിൽ

വലിയ തിരക്കൊന്നും ഇല്ലായിരുന്നു.

​അമ്മു പതുക്കെ കടയിലേക്ക് കയറി ചെന്നു.

“ശങ്കരേട്ടാ…” അവളുടെ ശബ്ദം ഇടറിയിരുന്നു.

“എന്താ മോളേ അമ്മൂ?

ഈ സമയത്ത്?

മുഖമെന്താ ഒരുപ്പാട് വാടിയിരിക്കുന്നത്?”

ശങ്കരേട്ടൻ ചായക്കപ്പ് തുടച്ചുകൊണ്ട്

ചോദിച്ചു.

​അമ്മു തന്റെ സങ്കടങ്ങളെല്ലാം

അദ്ദേഹത്തോട് പറഞ്ഞു.

അച്ചുവിന്റെ ഫീസിന്റെ കാര്യവും, മാലതിമേടം

പണം തരാത്ത കാര്യവും കേട്ടപ്പോൾ ആ

വൃദ്ധന്റെ മനസ്സലിഞ്ഞു.

“നീ ഒട്ടും വിഷമിക്കണ്ട മോളേ.

എന്റെ കൈയിൽ ഇപ്പോൾ ഒരു ആയിരം

രൂപയുണ്ട്.

നീ ഇത് കൊണ്ടുപോയി അവന് കൊടുക്ക്.

നാളെ രാവിലെ തന്നെ അവൻ ഫീസ്

അടയ്ക്കട്ടെ.

പണം എനിക്ക് പതുക്കെ തന്നാൽ മതി,”

എന്ന് പറഞ്ഞ് അദ്ദേഹം തന്റെ

മേശയ്ക്കുള്ളിൽ നിന്നും കുറച്ചു നോട്ടുകൾ

എടുത്ത് അവളുടെ കൈകളിൽ വെച്ചു

കൊടുത്തു.

​അമ്മുവിന്റെ കണ്ണുകളിൽ നിന്നും

ആശ്വാസത്തിന്റെ കണ്ണീർ തുള്ളികൾ

പൊഴിഞ്ഞു.

“വലിയ ഉപകാരം ശങ്കരേട്ടാ…

ഞാൻ അടുത്ത ശമ്പളം കിട്ടുമ്പോൾ തന്നെ

ഇത് തിരികെ തരാം.”

പണവുമായി അവൾ വേഗം വീട്ടിലേക്ക്

സൈക്കിൾ ചവിട്ടി.

മനസ്സിന് ഇപ്പോൾ വലിയൊരു ശാന്തത

തോന്നി.

​വീട്ടിലെത്തിയപ്പോൾ അച്ചു ഉമ്മറത്ത് ഇരുന്ന്

പഠിക്കുകയായിരുന്നു.

അമ്മുവിനെ കണ്ടതും അവൻ ഓടി വന്നു.

“അമ്മുച്ചേച്ചി… പണം കിട്ടിയോ?”

അമ്മു പുഞ്ചിരിയോടെ ആ നോട്ടുകൾ

അവന്റെ കൈകളിൽ വെച്ചു കൊടുത്തു.

അച്ചുവിന്റെ മുഖത്ത് വിരിഞ്ഞ സന്തോഷം

കണ്ടപ്പോൾ അവളുടെ എല്ലാ തളർച്ചയും

മാറി.

​അന്ന് രാത്രി,

അച്ചു ഉറങ്ങിയ ശേഷം അമ്മു ഉമ്മറത്തെ

തിണ്ണയിൽ വന്നിരുന്നു.

ആകാശത്തെ നക്ഷത്രങ്ങളെ നോക്കി

അവൾ തന്റെ ഭാവിയെക്കുറിച്ച് ചിന്തിച്ചു.

നാളെ മുതൽ  തറവാട്ടിൽ വലിയ പണികൾ

തുടങ്ങുകയാണ്.

എന്തെങ്കിലും മാറ്റങ്ങൾ ഉണ്ടാകുമോ?

അവൾക്ക് അറിയില്ലായിരുന്നു.

എങ്കിലും വരാനിരിക്കുന്ന ദിവസങ്ങൾ

അവളുടെ ജീവിതത്തെ വലിയൊരു

കൊടുങ്കാറ്റിലേക്ക് നയിക്കാൻ

പോവുകയാണ് എന്നതിന്റെ ചെറിയൊരു

സൂചന ആ രാത്രിയിലെ കാറ്റിന്

ഉണ്ടായിരുന്നു.

                                            ​(തുടരും…)❤️

---

📖 കഥ തുടരാം

“നീലാഞ്ജനം ❤️”ന്റെ അടുത്ത അധ്യായങ്ങൾ
അക്ഷരത്താളുകളിൽ വായിക്കൂ →

CONTINUE READING

---

📱 അക്ഷരത്താളുകൾ ആപ്പിൽ വായിക്കൂ

• ✓ കൂടുതൽ സൗകര്യപ്രദമായ വായന
• ✓ പുതിയ അധ്യായങ്ങൾ കണ്ടെത്താം
• ✓ ഏകദേശം 7 MB മാത്രം

OPEN ANDROID APP

---

✍️ എഴുതി വരുമാനം നേടൂ

നിങ്ങളുടെ കഥകളും നോവലുകളും അക്ഷരത്താളുകളിൽ പ്രസിദ്ധീകരിക്കൂ. വായനക്കാരിലേക്ക് എത്തിച്ച് നിങ്ങളുടെ എഴുത്തിലൂടെ വരുമാനം നേടാം.

ഇപ്പോൾ എഴുതിത്തുടങ്ങൂ →

---

✍️ Ammus❤️..🖋️-ന്റെ കൂടുതൽ കഥകൾ →