Skip to content

ഗൗരി – ഭാഗം 10

gouri-aksharathalukal-novel

“താനെന്താ ഇങ്ങനെ നോക്കുന്നത് ഒരു മാതിരി ആളുകളെ കണാത്തത് പോലെ ”
ശരത്ത് ചിരിയോടെ ചോദിച്ചു

“ആരാ …ഗൗരി അത്
ഗീതേച്ചി അവരുടെ അടുത്തേക്ക് വന്നു

”ബാങ്കിലെ സാറാ ചേച്ചി ,ശരത്ത് സാറ്

ഗൗരിക്ക് ശരത്തിനെ അകത്തേക്ക് വിളിക്കണോ വിളിച്ചാൽ ആള് വരുമോ ഗൗരി എന്തു ചെയ്യണമെന്നറിയാതെ വിഷമിച്ചു

”ഗൗരി സാറിനെ അകത്തേക്ക് ഗീത ഗൗരിയുടെ ചെവിയിൽ പറഞ്ഞു

“സാറ് … കയറിയിരിക്ക്

ശരത്ത് വീടിനകത്തേക്ക് കയറി

”സാറിരിക്ക് ,മാഷും ചേച്ചിയും കൂടി ഡോക്ടറെ കണാൻ പോയിരിക്കുകയാണ് ഗീതേച്ചി പറഞ്ഞു

ഗരത്തിന് മനസ്സിലൊരു സന്തോഷം തോന്നി ,ഈ ചേച്ചി കൂടിയില്ലായിരുന്നെങ്കിൽ തനിക്ക് തന്റെ മനസ്സിലുള്ളത് മൂക്കുത്തിയോട് സ്വസ്ഥമായി പറയാലോ ശരത്ത് മനസ്സിൽ വിചാരിച്ചു

”ഗൗരി സാറിന് ചായ എടുക്ക്

ഗൗരി ചായ എടുക്കാനായി പോയി

”അമ്മേ ….

ഒരു പയ്യൻ വീട്ടിലേക്ക് കയറി വന്നു

”എന്താടാ

”അച്ഛൻ വന്നു അമ്മയോട് വേഗം വീട്ടിലേക്ക് വരാൻ പറഞ്ഞു

”സാറെ ഇപ്പോ വരാമെന്ന് പറഞ്ഞ് ഗീതേച്ചി ഗൗരിയുടെ അടുത്ത് പോയി കാര്യം പറഞ്ഞു , വീട്ടിലേക്ക് പോയിട്ട് പെട്ടെന്ന് വരാമെന്ന് പറഞ്ഞിട്ട് പോയി

ഗൗരിക്ക് ആകെ ഒരു വെപ്രാളമായി

സാറിന് എങ്ങനെ ചായ കൊടുക്കും

കൊടുത്തില്ലെങ്കിൽ സാറെന്തു വിചാരിക്കും ,വീട്ടിൽ വന്നിട്ട് ഒരു ചായ കൊടുത്തില്ലെന്നു കരുതില്ലെ

ഗൗരി ചായയെടുത്ത് ശരത്തിന്റെ അടുത്തേക്ക് ചെന്നു

ശരത്ത് അവളെ തന്നെ നോക്കുയായിരുന്നു

ഈ മൂക്കുത്തിക്ക് വേഗത്തിൽ നടക്കാനറിയില്ലേ. എന്തൊരു പതുക്കെയാണ് നടക്കുന്നത്

ഗൗരി ചായ ശരത്തിന് കൊടുത്തു

“മാഷ് വരാൻ ഒരു പാട് നേരമാവോ

”അറിയില്ല

ശരത്ത് ചായ കുടിച്ചു

എന്തായാലും മൂക്കുത്തിക്ക് ചായ ഉണ്ടാക്കനിറയാം

“ചായ നല്ലതാട്ടോ
എന്നാൽ ഞാനിറങ്ങുകയാണ് താനി വിടെ തനിച്ചല്ലേ അപ്പോ ഞാനിവിടെ ഇരിക്കുന്നത് തനിക്കൊരു ബുദ്ധിമുട്ടായിരിക്കും ,ചിലപ്പോ പേടിച്ച് താൻ ബോധം കെട്ട് വീഴും

ഗൗരി ശരത്തിനെ നോക്കി

ആ നോട്ടത്തിൽ ഒരു പരിഭവം ഉണ്ടെന്ന് ശരത്തിന് തോന്നി

ശരത്ത് വീട്ടിന് മുറ്റത്തേക്കിറങ്ങി

“അച്ഛൻ വരുമ്പോ എന്തെങ്കിലും പറയണോ

“വേണം ,ശരത്ത് സാറ് വന്നിട്ടുണ്ടായിരുന്നു ,അച്ഛനെ കാണാൻ വന്നതല്ല എന്നെ ഇഷ്ടമാണെന്ന് പറയാൻ വന്നതാണെന്ന് പറയണം
ശരത്ത് കുസൃതിയോടെ പറഞ്ഞു

ഗൗരിക്ക് അവൻ പറഞ്ഞതെന്താണെന്ന് പെട്ടെന്ന് മനസ്സിലായില്ല

”പറയോ..

”എനിക്ക് …

”എന്നാലെ തനിക്ക് മനസ്സിലാവുന്ന ഭാഷയിൽ പറയാം

”തന്നെ എനിക്കിഷ്ടമാണ്, ഇതൊന്ന് പറയാൻ വേണ്ടിയാണ് തന്നെ ഇന്നലെ കാത്ത് നിന്നത് ,പക്ഷെ കട്ടുറുമ്പ് വന്ന് എല്ലാം നശിപ്പിച്ചു

ഗൗരിക്ക് കേട്ടത് വിശ്വസിക്കാനായില്ല ,ഇങ്ങനെയൊരു വാക്ക് കേൾക്കാൻ താൻ ഒത്തിരി കൊതിച്ചിട്ടുണ്ട്
പക്ഷേ .. ആർച്ച പറഞ്ഞ കാര്യം ,അത് ചോദിക്കണോ സാറിനോട്

“താനെന്താ ഒന്നും മിണ്ടാത്തത് ,താൻ പെട്ടെന്ന് മറുപടി പറയണ്ട ആലോചിച്ചിട്ട് രാത്രി പറഞ്ഞാൽ മതി ,

“അത് ..

‘താനെന്തിനാ വിക്കുന്നത് ,തനിക്കെന്തെങ്കിലും പറയാനുണ്ടോ

”ആർച്ച പറഞ്ഞത് ….

“ആർച്ച പറഞ്ഞിട്ടുണ്ടാവും ഞങ്ങളുടെ വിവാഹം ഉറപ്പിച്ചതാണെ ന്ന് അല്ലേ

അതെയെന്ന് ഗൗരി തലയാട്ടി

”ആർച്ച പറയുന്നത് കാര്യമാക്കണ്ട അവൾക്ക് വട്ടാണ് ,തന്നെ കുറിച്ച് പറഞ്ഞത് തനിക്കിവിടെ ഒരു ഇഷ്ടമുണ്ടെന്നാണ്

അതാണ് ഏട്ടത്തി ചോദിക്കാൻ വന്നതെന്ന് ഗൗരിക്ക് മനസ്സിലായി

”ഞാൻ പറഞ്ഞത് സത്യമാണെന്ന് തോന്നിയാൽ തന്നിൽ നിന്നൊരു മറുപടി എനിക്ക് വേണം,

ഗൗരി അതിന് മറുപടി പറഞ്ഞില്ല

“മറുപടി യെസ് ആണെങ്കിൽ തന്റെ ഈ മൂക്കുത്തിയുടെ ഒരു പിക് എനിക്ക് സെന്റ് ചെയ്യണം ,നോ ആണെങ്കിൽ Bye എന്നൊരു മെസ്ലേജ്
തന്റെ മറുപടി ക്കായി ഞാൻ കാത്തിരിക്കും
അത് യെസ് ആവാനും

തനിക്കെന്റെ നമ്പർ അറിയോ

ഇല്ലെന്ന് ഗൗരിതലയാട്ടി

പേനെയെടുത്ത് അവൻ നമ്പർ എഴുതാനായി ഒരു പേപ്പർ ചോദിച്ചു

ഗൗരി പേപ്പർ എടുക്കാനായി വീടിനുള്ളിലേക്ക് പോകാൻ തിരിഞ്ഞു

താനിനി പേപ്പർ എടുക്കാൻ പോകണ്ട എന്ന് പറഞ്ഞ് അവളുടെ കൈ പിടിച്ച് ഉള്ളംകൈയ്യിൽ എഴുതി കൊടുത്തു

ഗൗരി കൈ വലിക്കാൻ ഒരു ശ്രമം നടത്തി പക്ഷെ നടന്നില്ല

*

ശരത്ത് വീട്ടിലെത്തി

ശരത്തിനെ കണ്ടപ്പോൾ അഭിയുടെ മുഖത്തൊരു ചിരിയുണ്ടായി
പണി കിട്ടി മോനെ എന്ന മട്ടിലുള്ള ചിരി

ശരത്തും സന്തോഷത്തിലായിരുന്നു

‘നീയെന്താ വൈകിയത്

‘ഞാനൊരാളെ കാണാൻ പോയതാ

‘ആരെ കാണാൻ

‘എന്റെ അമ്മേ ബാങ്കിൽ വരുന്ന ഒരു മാഷിന്റെ വീട്ടിൽ പോയതാ

അഭി ശരത്തിനെ നോക്കി

പോയി എന്ന മട്ടിൽ ശരത്ത് തലയാട്ടി

‘ഇന്നിവിടെ ദേവനും സുധയുമൊക്കെ വന്നിട്ടുണ്ടായിരുന്നു

‘ഓ നല്ല കാര്യം എന്നിട്ട് എന്നെ പറ്റി എന്തെങ്കിലും പരാതി പറഞ്ഞോ

‘നിന്നെ പറ്റി പരാതി പറയാൻ വന്നതല്ല നിന്നെ അവരുടെ കുടുംബത്തിലെ ഒരാളാക്കാൻ പോവുകയാണ്
അഭി പറഞ്ഞു

‘ഏട്ടത്തി എന്താ കാര്യം പറഞ്ഞത് എനിക്ക് മനസ്സിലായില്ല അവരുടെ കുടുംബത്തിലെ അംഗമാക്കാനോ

‘അതെ നിനക്കൊരു വിവാഹാലോചന

‘എനിക്കോ എന്തിന്

‘ശരത്തേ നീ എന്നെ കളിയാക്കാതെ ഞാൻ പറയുന്നത് കേൾക്ക് ,ആർച്ചയുടെ ആലോചനയുമായണവർ വന്നത് നിനക്ക് വേണ്ടി

‘ആർച്ചയോ ….. കൊള്ളാം

‘എന്താടാ നീയങ്ങനെ പറഞ്ഞത് ,ആർച്ചയെ നിനക്കിഷ്ടമല്ലേ

‘അമ്മ ഇങ്ങനത്തെ കോമഡി പറയരുത്

‘ആർച്ചക്ക് എന്താ ഒരു കുറവ്

എന്റെമ്മേ ….. അവൾക്ക് കുറവല്ല എല്ലാം കൂടുതലാണ് ,ആർച്ചയെ കെട്ടുന്നതിലും ഭേദം തീവണ്ടിക്ക് തലവക്കുന്നതാണ്

‘എന്നാൽ നീ കേട്ടോ ,ഞങ്ങളിത് ഉറപ്പിച്ചു ഞയാഴ്ച നീയൊന്നു പോയി ആ പെണ്ണ് കാണൽ ചടങ്ങ് നടത്തിയിട്ട് പോരെ

‘അമ്മ ചേട്ടനെ കൊണ്ട് രണ്ടാമതും കെട്ടിക്കാൻ പ്ലാൻ ഉണ്ടോ ,ഏട്ടത്തിയോട് ചോദിച്ച് സമ്മതം വാങ്ങിയിട്ട് മതീട്ടോ എല്ലാം

‘ശരത്തേ … നിന്റെ കളിയിത്തിരി കൂടുന്നുണ്ട്

‘പിന്നെ ഞാനെന്താ പറയണ്ടത് ആർച്ചയെ എനിക്കിഷ്ടമല്ല ഇനി ഈ കാര്യം എന്നോട് പറയരുത്

‘ഞാനെന്താ അവരോട് പറയണ്ടത്

‘അമ്മ ഞാൻ പറഞ്ഞ മറുപടി പറഞ്ഞാൽ മതി അതായത് ആർച്ചയെ വിവാഹം കഴിക്കുന്നതിലും നല്ലത് വല്ല തീവണ്ടിക്കും തല വക്കുന്നതാണെന്ന്

‘എന്താ ശരത്തേ ഞാനെങ്ങനെ പറയും സുധയോട്

‘അമ്മേ ….. ഞാനിന്നു വല്യ സന്തോഷത്തിലാണ് ,ഒരു പച്ചക്കൊടി കാണുന്ന സന്തോഷം ,ഇനി അമ്മ ഒരോന്ന് പറഞ്ഞ് അത് നശിപ്പിക്കരുത്

‘പച്ചക്കൊടിയോ നീയെന്താ പറയുന്നത് ശരത്തേ എനിക്ക് മനസ്സിലായില്ല

‘അതൊക്കെ സമയമാവുമ്പോൾ പറയാം അന്ന് അമ്മയും അച്ഛനും ഏട്ടനും എല്ലാവരും കൂടി ഒരു വലിയ പച്ചക്കൊടി കാണിക്കണം കേട്ടോ
എന്ന് പറഞ്ഞ് ശരത്ത് റൂമിലേക്ക് പോയി

അവൻ ഗൗരിയോട് ഇഷ്ടം പറഞ്ഞൂന്ന് അഭിരാമിക്ക് മനസ്സിലായി

‘ഇതെന്തൊക്കെയാണ് ഈ ചെക്കൻ പറയുന്നത് അഭി

‘സമയമാവുമ്പോൾ പച്ചക്കൊടി കാണിക്കണമെന്ന് അഭി ചിരിച്ച് കൊണ്ട് പറഞ്ഞൂ

രാത്രിയായപ്പോൾ ആർച്ചയുടെ അമ്മ ശരത്തിന്റെ അമ്മയെ വിളിച്ചു

‘ഏട്ടത്തി ശരത്തിനോട് പറഞ്ഞോ

‘പറഞ്ഞു പക്ഷേ ….
ശരത്തിന് ഇപ്പോ കല്യാണം വേണ്ടെന്ന് ,അവന് സമയമാവുമ്പോൾ പറയാമെന്ന്

‘അതെന്താ അവന് വിവാഹ പ്രായമായില്ലേ

‘ഞാനെന്താ സുധേ പറയുക കൊച്ചു കുട്ടിയൊന്നുമല്ലല്ലോ തല്ലി സമ്മതിപ്പിക്കാൻ അവർക്ക് അവരുടെതായ ഇഷ്ടങ്ങളും സങ്കൽപ്പങ്ങളൊക്കെ ഉണ്ടാവുമല്ലോ

‘ഏട്ടത്തി പണ്ടത്തെ കാര്യങ്ങളൊക്കെ മറന്ന് കൊണ്ടാണോ സംസാരിക്കുന്നത്

‘എന്താ സുധേ ഇങ്ങനെയൊക്കെ പറയുന്നത് അതൊന്നും ഞാൻ മറന്നിട്ടില്ല

‘എന്തായാലും അച്ചുവേട്ടന്റെ മോളുടെ കല്യാണത്തിന് തറവാട്ടിൽ എല്ലാവരും കൂടുമല്ലോ അപ്പോ സംസാരിക്കാം എന്ന് പറഞ്ഞ് സുധ കോള് കട്ട് ചെയ്തു

‘ മമ്മി.. എന്താ ആൻറി പറഞ്ഞത്

‘ശരത്തിന് ഇപ്പോ കല്യാണം വേണ്ടന്ന് പറഞ്ഞൂന്ന്

‘അത് നമ്മുക്കറിയാലോ ,ആൻറിക്ക് എന്താ അഭിപ്രായം

‘അത് കാലത്ത് പറഞ്ഞതാണല്ലോ

‘ഇനി എന്തു ചെയ്യും മമ്മി

‘മമ്മി പറഞ്ഞതു തന്നെ യാണ് ഇപ്പോഴും പറയുന്നത് ,എന്തു ചെയ്തിട്ടായാലും നിന്റെയും ശരത്തിന്റെയും കല്യാണം നടത്തും

അവളെ ആ ഗൗരിയെ ഞാൻ വെറുതെ വിടില്ല ശരത്ത് എന്റെയാണ്
ആർച്ച മനസ്സിൽ പറഞ്ഞു
*
‘അഭീ ….

‘എന്താ അമ്മേ…..

‘ഇപ്പോ എന്താ ചെയ്യുക സുധക്ക് ദേഷ്യമായി

‘ശരത്തിന്റെ അഭിപ്രായമാണ് ശരി ,ഇഷ്ടമില്ലാത്തവരെ കൂടെ ഒരു ജീവിതം അത് ഭയങ്കര പ്രയാസ്സമാണ് ,അതിനുദാഹരണമല്ലേ ഞങ്ങളുടെ ജീവിതം ,അതു കൊണ്ട് ഈ കാര്യത്തിൽ ശരത്തിന്റെ തീരുമാനമാണ് ശരി

‘അഭീ …. നിന്റെ വിഷമം അമ്മക്ക് മനസ്സിലാവും ഒക്കെ ശരിയാവും

അഭി മറുപടി പറഞ്ഞില്ല

‘അച്ചുവേട്ടന്റെ വീട്ടിലെ കല്യാണത്തിന് വരുമ്പോൾ സംസാരിക്കാമെന്നാണ് സുധപറഞ്ഞിരിക്കുന്നത്

‘അതിന് മറുപടി ശരത്ത് പറഞ്ഞോളും ,പിന്നെ ശ്യാമേട്ടനും ഉണ്ടല്ലോ അമ്മ അതോർത്ത് വിഷമിക്കണ്ട

‘അത് പറഞ്ഞപ്പോഴാണ് ഞനൊർത്തത് ഞാനും അച്ഛനും ശരത്തും തലേ ദിവസം പോകും ,ശ്യാം ഞായാറാഴ്ച വരുന്നുള്ളൂ അതുകൊണ്ട് അഭി അവന്റെ കൂടെ വന്നാൽ മതി

‘അമ്മേ .. ഞാൻ അമ്മയുടെ കൂടെ വരാം

‘വേണ്ട അഭി ശ്യാംമിന്റെ കൂടെ വന്നാൽ മതി

അമ്മ മനപൂർവ്വം ചെയ്യുന്നതാണെന്ന് അ ഭി ക്ക് മനസ്സിലായി

രാത്രി

ശരത്ത് ഗൗരിയുടെ മറുപടിക്കായി കാത്തിരുന്നു

ഫോണെടുത്ത് നോക്കണമെന്നുണ്ട് പക്ഷെ
മൂക്കുത്തി നോ പറയോ അതായിരുന്നു ഒരു ടെൻഷൻ

കുറച്ച് കഴിഞ്ഞ് ശരത്ത് ഫോണെടുത്ത് നോക്കി

ഗൗരി യുടെ മെസ്സേജ് ഉണ്ടായിരുന്നു

ശരത്ത് ഗൗരിയുടെ മെസ്സേജ് നോക്കി ,മൂക്കുത്തിയുടെ പിക്കോ Bye ഒന്നുമല്ലായിരുന്നു മെസ്സേജ്

പെട്ടെന്നൊരു മറുപടി പറയാൻ കഴിയില്ല ,എനിക്ക് ആലോചിക്കണം
എന്നായിരുന്നു ഗൗരിയുടെ മെസ്സേജ്
ശരത്തിന് വിഷമം തോന്നി

ഗൗരി ഓൺലൈനിൽ ഉണ്ടായിരുന്നു

“തന്നോട് ഞാൻ മുല്ലപ്പെരിയാർ ഡാം പൊളിക്കണോ വേണ്ടയോ എന്നല്ല ചോദിച്ചത് തനിക്ക് എന്നെ ഇഷ്ടമാണോ എന്നാണ്

അവൻ തന്നെ കളിയാക്കിയതാണെന്ന് ഗൗരിക്ക് മനസ്സിലായി

താൻ വിചാരിച്ചു മൂക്കുത്തി സമ്മതം പറയുമെന്ന് ,ഇത്ര നേരം പ്രതീക്ഷിച്ചിരുന്നതും മൂക്കുത്തിയുടെ പിക് ആയിരുന്നു പക്ഷേ തന്റെ പ്രതീക്ഷ തെറ്റി

ശരത്തിന് അടി കിട്ടിയത് പൊലെ തോന്നി

‘ഒരു Bye മെസ്സേജ് ആണ് ഞാൻ പ്രതീക്ഷിച്ചത് പിന്നെ മൂക്കുത്തിയുടെ പിക് വേണമെന്ന് ഞാൻ ചുമ്മാ പറഞ്ഞതാ ,അല്ലെങ്കിലും മൂക്കുത്തി എനിക്കിഷ്ടമല്ല ,മൂക്കുത്തിയിടുന്ന പെൺകുട്ടികൾക്ക് ഒരു പാണ്ടി ലുക്ക് ആയിരിക്കും ”
അങ്ങനെ മൂക്കുത്തി വല്യ ഗമ കാണിക്കണ്ട ,ഇഷ്ടമാണെന്ന് പറയാൻ ഇത്ര ഗമയോ ,അത്രക്ക് ഗമ വേണ്ട

”ഞാൻ ….

“തന്നൊന്നും പറയണ്ട ,താൻ സമയമെടുത്ത് പറഞ്ഞാൽ മതി ,പക്ഷേ ഒരു കാര്യം എനിക്കറിയണം

“എന്ത് കാര്യം

“താൻ എനിക്ക് ഒരു മറുപടി തരാൻ വൈകുന്നതിന്റെ പുറകിൽ കട്ടുറുമ്പല്ലേ കാരണം

“അത് ശരണ്യ …..

“മതി ഇനി താനൊന്നും പറയണ്ട ,എനിക്ക് മനസ്സിലായി ,കട്ടുറുമ്പിന് പണി ഞാൻ കൊടുക്കും
ശരി താൻ നന്നായി ആലോചിച്ച് മറുപടി പറഞ്ഞാൽ മതി കാരണം നമ്മുടെ ചർച്ച വിഷയം മുല്ലപ്പെരിയാറല്ലേ ,അപ്പോ നന്നായി ആലോചിക്കണം

ശരത്തിന് ദേഷ്യം വന്നിരുന്നു ,മൂക്കുത്തിക്ക് സ്വന്തമായി ഒരഭിപ്രായമില്ലേ ,എന്തിനും ആ കട്ടുറുമ്പിന്റെ ഉപദേശം
ആലോചിക്കട്ടേ സമയമെടുത്ത് ആലോചിക്കട്ടേ

ശരത്ത് സാറ് പിണങ്ങിയെന്ന് ഗൗരി ക്ക് മനസ്സിലായി

പെട്ടെന്നൊരു മറുപടി പറയാൻ തനിക്ക് കഴിയില്ല ,അമ്മക്ക് വാക്ക് കൊടുത്തതാണ് ഒക്കെ മറന്നു എന്ന് ,അമ്മക്ക് കൊടുത്ത വാക്ക് തെറ്റിക്കുന്നതെങ്ങനെ
ശരണ്യയും അത് തന്നെയാണ് പറഞ്ഞത്

അവള് വിളിച്ചപ്പോൾ അറിയാതെ പറഞ്ഞ് പ്പോയി ശരത്ത് സാറ് വന്നിട്ടുണ്ടായിരുന്നൂന്ന് ,അച്ഛനെ കണാൻ വന്നതാണെന്നു പറഞ്ഞതാണ് പക്ഷെ അവൾ കുത്തികുത്തി ചോദിച്ച് തന്റെ മനസ്സിലുള്ളത് തുറന്നെടുത്തു

“ഗൗരി നീ എന്നിട്ട് എന്താ പറയാൻ പോകുന്നത് ഇഷ്ടമാണെന്നോ
അയാളുടെ കല്യാണം ഉറപ്പിച്ചിട്ടിരിക്കുകയാണെന്ന് നീയല്ലേ പറഞ്ഞത് ,എന്നിട്ടാണോ നീ ഇഷ്ടമാണെന്ന് പറയാൻ തുള്ളി
നിൽക്കുന്നത്

“അതൊക്കെ ആർച്ചയുടെ നുണയാണ്,

“നിന്നോട് ആരാ പറഞ്ഞത് അത് നുണയാണെന്ന്

” സാറ് പറഞ്ഞു

“നീയത് വിശ്വസിച്ചിരുന്നോട്ടോ ,നിനക്ക് എത്ര നാളായി ശരത്ത് സാറിനെ അറിയാം ,നീയെന്തു ഭാവിച്ചാണ് ഗൗരി ,നമ്മളറിഞ്ഞ കാര്യം ഞാൻ അന്വഷിക്കട്ടേ നീയെന്തായാലും പെട്ടെന്ന് yes പറയണ്ട കേട്ടോ

ശരണ്യ പറഞ്ഞതിൽ കാര്യമുണ്ടെന്ന് തോന്നി ,എന്നാൽ അതറിഞ്ഞിട്ട് പറയാമെന്നു താനും കരുതി ,അതുകൊണ്ടാണ് സാറിനോട് അങ്ങനെ പറഞ്ഞത്

അത് സാറിനും മനസ്സിലായി,

ദേഷ്യമായിട്ടുണ്ടാവും
മൂക്കത്തിയാട്ടവർക്ക് പാണ്ടിലുക്കാണെന്ന് ,ശരിയാണോ

ഗൗരി വേഗം ഗംഗയുടെ അടുത്തേക്ക് ചെന്നു

ഗംഗ കിടന്നിരുന്നു

“ഗംഗേ …

‘എന്താ , എന്താ ചേച്ചി

“എനിക്ക് പാണ്ടി ലുക്ക് ഉണ്ടോ

“ചേച്ചിക്ക് പാണ്ടി ലുക്കല്ല അതിനെക്കാളും തറ ലുക്കാണ് ,ചേച്ചിക്ക് തലക്ക് വല്ല കുഴപ്പമുണ്ടോ ഡോക്ടറെ കാണിക്കണോ. നട്ട പാതിരക്ക് ഒരു ചോദ്യം കൊണ്ട് വന്നിരിക്കുന്നു
എന്ന് പറഞ്ഞ് ഗംഗ തലവഴി പുതപ്പ് മൂടി കിടന്നു
*
കോളേജിൽ എത്തിയ പാടെ ശരണ്യ ഗൗരിയോട് ചോദിച്ചു

“നിന്റെ മെസ്സേജ് കണ്ടിട്ട് സാറ് എന്താ പറഞ്ഞത്

”പ്രത്യേകിച്ചൊന്നും പറത്തില്ല, ആലോചിച്ചിട്ട് പറഞ്ഞാൽ മതിയെന്ന് പറഞ്ഞു

“മതി നീ പതുക്കെ മറുപടി പറഞ്ഞാൽ മതി കേട്ടോ, ഞാൻ ഒന്നു രണ്ട് പേരോട് അന്വഷിക്കാൻ പറഞ്ഞിട്ടുണ്ട്

ഗൗരി തലയാട്ടി

”നിന്റെ നന്മക്ക് വേണ്ടിയാണ് ഞാനിത് പറയുന്നത് നിനക്ക് വിഷമം തോന്നണ്ട

“ഇല്ല നി പറയുന്നത് എനിക്ക് വിശ്വസമാണ്

“ഞാൻ സ്റ്റോറ് വരെ പോയിട്ട് വരാം എന്ന് പറഞ്ഞ് ഗൗരി ശരണ്യയുടെ അടുത്ത് നിന്ന് സ്റ്റോറിലേക്ക് പോയി

“നീയെന്തിനാ ശരണ്യേ ഗൗരിയെ ഇങ്ങനെ ഒരോന്ന് പറഞ്ഞ് പിൻതിരിപ്പിക്കുന്നത് ‘
ശരണ്യയുടെയും ഗൗരിയുടെയും കൂട്ടുക്കാരി നിമിഷയായിരുന്നു അത്

“ഞാനെന്തു പിൻതിരിപ്പിച്ചെന്ന് ,നീ പറഞ്ഞത് എനിക്ക് മനസ്സിലായില്ല

“നിനക്കറിയാലോ ഗൗരിക്ക് ആ സാറിനെ ഇഷ്ടമാണെന്ന് ,ഇതിപ്പോ സാറ് ഇഷ്ടം തുറന്നു പറഞ്ഞത് കൊണ്ട് ഗൗരിക്കും ഇഷ്ടം തുറന്നു പറയാലോ ,നീയെന്തിനാ അതിന് തടസ്സം നിൽക്കുന്നത്

“നിമിഷേ… ആ സാറിന്റെ കല്യാണം ഉറപ്പിച്ചതാണ് അതുകൊണ്ടാണ്

“അതൊന്നുമല്ല കാരണം എനിക്കറിയാം ,ആ സാറ് പറഞ്ഞൂലോ അത് കള്ളമാണെന്ന്, അത് സത്യമാണെന്ന് എനിക്കും തോന്നി ,പറ്റിക്കാനാണെങ്കിൽ വീട്ടിലേക്ക് വന്ന് ഇഷ്ടം പറയോ ആരെങ്കിലും

ശരണ്യയുടെ മുഖഭാവം മാറുന്നത് നിമിഷ കണ്ടു

“അവൾക്ക് മാത്രം എന്താ പ്രത്യേക താ എല്ലാവർക്കും അവളെ മതി ,എല്ലാവർക്കും ചോദിക്കാനുള്ളത് അവളെ പറ്റി ,ഗ്രൂപ്പ് ആയിട്ടുള്ള ഒരു പിക് പോസ്റ്റ് ചെയ്താൽ എല്ലാവരും ചോദിക്കുന്നത് അവളാരാണെന്നാണ് ,എല്ലാവർക്കും അറിയേണ്ടത് അവളെ കുറിച്ച് മടുത്തു എനിക്ക് ,എല്ലാവരുടെയും വിചാരം ഗൗരി മാത്രമാണ് ഈ ലോകത്ത് സുന്ദരി ആയിട്ടുള്ളതെന്നാണ് ,ശരത്ത് സാറിനെ തന്നെ നോക്കു ആകെ ഒന്നു രണ്ടു പ്രാവശ്യം മാത്രമേ കണ്ടപ്പോഴെക്കും ആള് അവളുടെ സൗന്ദര്യത്തിൽ വീണു ,ബാങ്ക് ജോലി ,ചേട്ടന് ഷോപ്പ് എല്ലാം കൊണ്ടു നല്ല ഭാഗ്യമാണ് അവൾക്ക് ,കേവലം ഒരു മാഷുടെ മോളായ അവൾക്ക് ഇത്ര വലിയ ബന്ധം വേണ്ട
നമ്മളെന്താ സുന്ദരികളല്ലേ ,നമ്മുക്കില്ലാത്ത ഭാഗ്യം അവൾക്കും വേണ്ട എന്തെങ്കിലും പറഞ്ഞ് ഞാനിത് മുടക്കും

ശരണ്യയുടെ മറ്റൊരു മുഖം നിമിഷ കാണുകയായിരുന്നു

“ഗൗരി പാവമല്ലേ ശരണ്യ ,നിന്നെ കൂടെപിറപ്പിനെ പോലെയല്ലേ അവള് കാണുന്നത് പിന്നെന്തിനാ നീയിങ്ങനെ ഇത്ര കുശുമ്പ് അവളോട് കാണിക്കുന്നത്

“എല്ലായിടത്തും അവളാണ് മുമ്പിൽ ,സൗന്ദര്യം .പഠിപ്പ് എല്ലാത്തിലും ,വിവാഹ ജീവിതത്തിലെങ്കിലും അവളെ ക്കാൾ ഒരുപടി മുൻപിൽ ആവണം എനിക്ക്

”ഇത് ചതിയട്ടോ

“ചതിയാണ് ആർക്കും ഒരു പദ്രവമില്ലാത്ത ചതി ശരണ്യ വില്ലത്തിയെ പോലെ ചിരിച്ചു

*
“മമ്മി കല്യാണത്തിന് ചെല്ലുമ്പോൾ എല്ലാവരോടും പറയുമോ ഞങ്ങളുടെ കല്യാണക്കാര്യം

“പറയണം ,അവന് നോ എന്ന് പറയാനുള്ള അവസരം കൊടുക്കരുത്

“അതെങ്ങനെ പറ്റും

“ഡാഡി കാരണമാണ് അവരിന്നിങ്ങനെ ഉയർന്ന് വരാൻ കാരണം ,അന്ന് ശ്യാമിനെ ഡാഡി സഹായിച്ചില്ലെങ്കിൽ കണാമായിരുന്നു ഇന്ന് എല്ലാം കൂടി ചെറ്റ കുടിലിൽ കഴിഞ്ഞേനെ ,നമ്മുടെ കാശ് കൊണ്ട് ഇത്രയും നല്ല നിലയിൽ എത്തിയിട്ട് നമ്മുടെ ഒരാഗ്രഹം നടത്തി തരാൻ പറ്റില്ലാന്ന് പറഞ്ഞാൽ അത് ശരിയാകുമോ

”ആ പോയന്റിൽ പിടിച്ചാൽ മതി
എല്ലാവർക്കും അറിയാവുന്ന കാര്യമല്ലേ

“അതുതന്നെയാണ് ഞാനും കരുതിയിരിക്കുന്നത്
കുറച്ച് പേരോട് ഞാൻ സൂചിപ്പിച്ച് വച്ചിട്ടുണ്ട് ,എല്ലാവരും കൂടി പറയുമ്പോൾ അവന് എതിര് പറയാൻ പറ്റില്ല

”അത് മതി മമ്മി

“അവന് ഞാനാരാണെന്ന് അറിയില്ല ,, നിന്റെ ഡാഡിയുടെ കാര്യത്തിൽ മാത്രമാണ് എനിക്ക് ഒരു സംശയമുള്ളത് ,ആള് വേണമെങ്കിൽ അവരുടെ ഭാഗത്ത് നിൽക്കും

”ഡാഡിയുടെ കാര്യം ഞാൻ നോക്കി കൊള്ളാം ,ആ സമയത്ത് ഡാഡി അവിടെ ഇല്ലാതിരുന്നാൽ മതിയില്ലേ

”കല്യാണം കഴിഞ്ഞ് വരുന്നത് നിന്റെ വിവാഹം ഉറപ്പിച്ചിട്ടായിരിക്കും നിന്റെ മമ്മിയുടെ വാക്കാണിത്
*
രണ്ടു ദിവസം കഴിഞ്ഞിട്ടും ഗൗരിയുടെ മെസ്സേജ് ഉണ്ടായില്ല

ശനിയാഴ്ച കല്യാണത്തിന് പോകണം
ഇതറിയാതെ പോയാൽ ഒരു സമാധാനം ഉണ്ടാവില്ല ,

മൂക്കുത്തിത് തന്നെയിനി ഇഷ്ടമല്ലായിരിക്കുമോ അതാണോ മറുപടി വൈകുന്നത്

വൈകീട്ട് ശരത്ത് ഗൗരിയെ കണാൻ തന്നെ തീരുമാനിച്ചു

Yes or No ഇന്നറിയണം

ശരണ്യയും ഗൗരിയും നിമിഷയും ഉണ്ടായിരുന്നു

ശരത്ത് കാറ് അവരുടെ അടുത്ത് നിറുത്തി

ഡോർ തുറന്ന് ഗൗരിയോട് കയറാൻ പറഞ്ഞു

“ഞങ്ങൾ ബസ്സിന് പോക്കോളാം ശരണ്യ പറഞ്ഞു

”നിങ്ങൾ ബസ്സിൽ പോക്കോളു
ഗൗരിയെ ഞാൻ കൊണ്ടു വിട്ടോളാം

“അത് ശരിയാവില്ല

“അത് ശരിയാവും താൻ കയറ് ഗൗരി,

നിമിഷ ഗൗരിയോട് കയറാൻ കണ്ണ് കൊണ്ട് കാണിച്ചു

ഗൗരി കാറിൽ കയറി

“താൻ പേടിക്കണ്ടാട്ടോ ഞാൻ ഗൗരിയെ വീട്ടിൽ കൊണ്ടു വിട്ടോളാം ശരണ്യയോട് പറഞ്ഞിട്ട് കാറെടുത്തു

“തനിക്ക് ഈ കാര്യത്തിൽ ഒരു മറുപടി ഇത്ര പെരുത്ത് ആലോചിക്കാനുണ്ടോ

ഗൗരി മറുപടി പറഞ്ഞില്ല
അവൾ താഴെക്ക് നോക്കിയിരുന്നു

“തനെന്നാണ് മറുപടി പറയുക

അതിനും ഗൗരി മറുപടി പറഞ്ഞില്ല

“തനിക്കൊന്നും പറയാനില്ലേ, ഓ തന്റെ കൂട്ടുക്കാരി മിണ്ടരുതെന്ന് പറഞ്ഞിട്ടുണ്ടാവും ,ശരി തനിക്ക് ഒന്നും പറയാനില്ലെങ്കിൽ തന്നെ ഞാൻ ബസ്സ് സ്റ്റോറ്റിൽ വിടാം ,അത്രയും നേരം തന്നൊട് സംസാരിക്കാമെന്ന് കരുതിയാണ് വീട്ടിൽ കൊണ്ട് വിടാമെന്ന് പറഞ്ഞത്

“മതി ഞാൻ ബസ്സിന് പോക്കോളാം

“അതിനു മുൻപ് ഒരു കാര്യം, താൻ എല്ലാ കാര്യങ്ങളും ആ കട്ടുറുമ്പിനോട് പറയാറുണ്ടോ

“ഉവ്വ്

“ഞാൻ പറഞ്ഞ കാര്യങ്ങളൊക്കെ പറഞ്ഞോ

ഉവ്വെ ന്ന് ഗൗരി തലയാട്ടി

ബസ്സ് സ്റ്റോപ്പെത്തി

ഗൗരി ബാഗെടുത്ത് ഇറങ്ങാൻ റെഡിയായി

” അങ്ങനെയാണെങ്കിൽ താൻ ഇതു കൂടി പറഞ്ഞേക്ക് തന്റെ കൂട്ടുക്കാരിയോട് എന്ന് പറഞ്ഞ് ശരത്ത് ഗൗരിയുടെ കൈയ്യിൽ ” ഉമ്മ ”വച്ചു
തുടരും

 

മുൻഭാഗങ്ങൾക്കായി ഈ ലിങ്കിൽ പോവുക

രജിത പ്രദീപ് എടയാട്

 

ഇവിടെ കൂടുതൽ വായിക്കുക

അക്ഷരത്താളുകൾ പ്രസിദ്ധീകരിച്ച എല്ലാ നോവലുകളും വായിക്കുക

അക്ഷരത്താളുകൾ പ്രസിദ്ധീകരിച്ച എല്ലാ കഥകളും വായിക്കുക

3/5 - (12 votes)

Welcome to the new year! As you start the year fresh, why not test your knowledge and try a quiz on New Year? Happy quizzing!


Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook

aksharathalukal subscribe

പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം

Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now

©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission

Leave a Reply

Don`t copy text!