ഗൗരി – ഭാഗം 11

ഗൗരിയുടെ കണ്ണ് നിറഞ്ഞിരുന്നു

താൻ ചെയ്തത് ഗൗരിക്ക് ഇഷ്ടമായില്ലാന്ന് ശരത്തിന് മനസ്സിലായി ,എന്തോ പെട്ടെന്നങ്ങനെ ചെയ്യാനാണ് തോന്നിയത്

സോറി …..

ഗൗരി അവന്റെ മുഖത്തേക്ക് നോക്കി

അവളുടെ ഭാവം കണ്ടപ്പോൾ താൻ ചെയ്തത് ഇത്തിരി കൂടി യെന്ന് ശരത്തിന് തോന്നി

ഗൗരിയുടെ സ്ഥാനത്ത് ആർച്ച ആയിരുന്നെങ്കിൽ പിന്നെ എന്താ ഉണ്ടാവുക എന്ന് പറയാൻ പറ്റില്ല ,

അതാണ് മൂക്കുത്തിയും ആർച്ചയും തമ്മിലുള്ള വ്യത്യാസം, മൂക്കുത്തിക്ക് പകരം മൂക്കുത്തി മാത്രം

ബസ്സ് സ്റ്റോപ്പിൽ ഗൗരി ഇറങ്ങി ,ഇറങ്ങിയതിന് ശേഷം ഗൗരി ശരത്തിന്റെ മുഖത്തേക്ക് നോക്കില്ല

അവള് നോക്കുമെന്ന് കരുതി ഒന്നുകൂടി ഗൗരിയെ നോക്കിയിട്ട് ശരത്ത് കാറ് എടുത്ത് പോയി

കുറച്ച് കഴിഞ്ഞിട്ടാണ് ശരണ്യയും നിമിഷയും വന്നത്

ശരണ്യയുടെ മുഖം കടന്നൽ കുത്തിയത് മാതിരി ഉണ്ടായിരുന്നു

താൻ ശരത്ത് സാറിന്റെ കാറിൽ കയറിയത് ശരണ്യക്ക് ഇഷ്ടമായില്ലെന്ന് ഗൗരിക്ക് മനസ്സിലായി

നീയെന്തിനാ ഇവിടെ ഇറങ്ങിയത് അയാള് നിന്നെ വീട്ടിൽ കൊണ്ട് വിടുമായിരുന്നല്ലോ

ശരത്ത് സാറ് നിർബന്ധിച്ചത് കൊണ്ടല്ലേ

നിർബന്ധിക്കുമ്പോൾ നീയെന്തിനാ കയറുന്നത് ,നിനക്ക് പറ്റില്ലാന്ന് പറയാമായിരുന്നില്ലേ ,എന്ത് തന്നെയായാലും ഇതൊക്കെ കുറച്ച് മോശമാണ് ഗൗരി പറഞ്ഞില്ലെന്ന് വേണ്ട ,എന്തെങ്കിലും പ്രശ്നമുണ്ടായാൽ നിന്റെ അച്ഛൻ എന്നോടാണ് ചോദിക്കുക

ശരണ്യേ നീയെന്തിനാ ഗൗരിയെ കുറ്റപ്പെടുത്തുന്നത് ,ഗൗരിയെ ഇഷ്ടമുള്ള ആളുടെ കൂടെയല്ലേ പോയത്

പോക്കോട്ടേ ആരുടെ കൂടെ വേണമെങ്കിലും പൊക്കോട്ടേ പക്ഷേ ഒരു ചീത്ത പേരുണ്ടായാൽ നമ്മളും അതിൽ പെടും അതുകൊണ്ടാണ് ഞാൻ പറയുന്നത്

ഗൗനിക്ക് സങ്കടം തോന്നി ,താൻ പോകാൻ പാടില്ലായിരുന്നു ,താൻ കാരണം ഇവർക്ക് കൂടി ബുദ്ധിമുട്ടായി

നിമിഷക്ക് ദേഷ്യം വന്നു ശരണ്യയുടെ സംസാരം കേട്ടിട്ട്

സാരമില്ലെന്ന മട്ടിൽ നിമിഷ ഗൗരിയെ കണ്ണടച്ച് കാണിച്ചു

ശരണ്യയുടെ കള്ളക്കളി പാവം ഗൗരി അറിയുന്നില്ലല്ലോ

ഇതിനൊരു പരിഹാരം കാണണം നിമിഷ തീരുമാനിച്ചു

*

ശരത്തേ ….
ഈ ചെക്കനെ വിടെയാണ് ഫോണടിക്കുന്നത് കേൾക്കുന്നില്ലേ

അമ്മ ഫോണെടുത്ത് ശരത്തിന് കൊടുത്തു

പരിചയമില്ലാത്ത നമ്പർ ആയിരുന്നു

ശരത്ത് ഹലോ പറഞ്ഞു

ശരത്ത് സാറല്ലേ …..

അതെ …

ഞാൻ നിമിഷാ …..
ഗൗരിയുടെ കൂട്ടുക്കാരിയാണ്

മൂക്കുത്തിയുടെ കൂട്ടുക്കാരി എന്തിനായിരിക്കും തന്നെ വിളിക്കുന്നത് ,ബാങ്കിലെ വല്ല കാര്യത്തിനു മായിരിക്കോ

എന്താ നിമിഷാ … എന്താ കാര്യം

എനിക്ക് സാറിനോട് കുറച്ച് സംസാരിക്കാനുണ്ട് ,സാറിപ്പോ ഫ്രീയാണോ

നിമിഷ പറഞ്ഞോളൂ

എനിക്ക് പറയാനുള്ളത് ഗൗരിയെ കുറിച്ചാണ്,

ഓ….
മൂക്കുത്തി മറുപടി കൂട്ടുക്കാരിയെ കൊണ്ട് പറയിപ്പിക്കുന്നതായിരിക്കും ശരത്ത് മനസ്സിൽ വിചാരിച്ചു

ഗൗരിയെ കുറിച്ച് നിമിഷക്ക് എന്താ എന്നോട് പറയാനുള്ളത്

ഗൗരിക്ക് സാറിനെ ഇഷ്ടമാണ്

അതെനിക്കറിയാം ,പക്ഷേ അത് എന്നോട് പറയാൻ അയാൾക്കൊരു മടി

മടിയല്ല സാർ ….അത് സാറിനോട് പറയാൻ ശരണ്യയാണ് സമ്മതിക്കാതിരിക്കുന്നത്

നിമിഷ പറയുന്നത് എനിക്ക് മനസ്സിലാവുന്നില്ല

ശരണ്യ പറഞ്ഞ കാര്യങ്ങൾ നിമിഷ ശരത്തിനോട് പറഞ്ഞു ,ഗൗരിയോട് ശരണ്യക്ക് അസൂയയാണ് പക്ഷേ ഗൗരി ശരണ്യയെ കണ്ണുമടച്ച് വിശ്വസിച്ചിരിക്കുകയാണ്

കട്ടുറുമ്പ് താൻ വിചാരിച്ചതിനെക്കാളും മുകളിലാണെന്ന് ശരത്തിന് മനസ്സിലായി

ശരണ്യയുടെ സ്വഭാവം കുറച്ചൊക്കെ ഞാൻ മനസ്സിലാക്കിയിരുന്നു ,പക്ഷെ അത് ഇത്രക്കും ഉണ്ടാകുമെന്ന് ഞാൻ വിചാരിച്ചില്ല

ഗൗരിയോട് എന്തെങ്കിലുമൊക്കെ നുണകൾ പറഞ്ഞ് സാറിനോടുള്ള ഇഷ്ടം ഇല്ലാതാക്കാൻ ശരണ്യ ശ്രമിക്കും അതെനിക്കുറപ്പാണ്‌ ,ഗൗരി അത് വിശ്വസിക്കുകയും ചെയ്യും

ഇത്രക്കൊക്കെ കരുതൽ ഗൗരിയോട് തനിക്കുണ്ടെങ്കിൽ തനിക്കി കാര്യങ്ങളൊക്കെ ഗൗരിയോട് പറഞ്ഞൂടെ

പറയാമായിരുന്നു ,പക്ഷെ ശരണ്യയെ കുറിച്ചായത് കൊണ്ട് ഗൗരി അത് വിശ്വസിക്കില്ല ,ഗൗരി ശരണ്യയെ കാണുന്നത് സ്വന്തം കൂടപ്പിറപ്പിനെ പോലെയാണ്
അതുകൊണ്ടണ് ഞാൻ സാറിനോട് പറഞ്ഞത് ,ഗൗരിക്ക് സാറിനോടുള്ള ഇഷ്ടം എനിക്കറിയാം അത് മറ്റുള്ളവരുടെ കുശുമ്പ് കൊണ്ട് ഇല്ലാതാവരുത്

നിമിഷ …. ഞാൻ ഗൗരിയോട് സംസാരിക്കാം എന്തായാലും ഒരു പാട് സന്തോഷം തന്നെ പോലെയൊരു കൂട്ടുക്കാരി ഗൗരിക്ക് ഉണ്ടായല്ലോ ,താനിചെയ്ത കാര്യം ഞാനൊരിക്കലും മറക്കില്ല

നിമിഷ വിളിച്ച് കഴിഞ്ഞപ്പോൾ ഗൗരിയോട് എല്ലാം പറയണമെന്ന് ശരത്തിന് തോന്നി അല്ലെങ്കിൽ വേണ്ട കടിച്ച പാമ്പിനെ കൊണ്ട് വിഷമിറക്കിക്കണം

ശരണ്യക്ക് ഒരു പണി കൊടുക്കണം ആർച്ചയെ തല്ലിയത് പോലെ തല്ലാൻ പറ്റില്ല ,മറ്റെന്തെങ്കിലും വേണം

ശരത്തേ …. നിന്റെ ഫോൺ വിളി കഴിഞ്ഞോ

എന്താമ്മേ…..

നാളെ കൊണ്ടുപോകാനുള്ള നിന്റെ ഡ്രസ്സൊക്കെ എടുത്ത് തായോ
എനിക്ക് തേച്ച് വക്കാനാണ്

അത് ഞാൻ ചെയ്തോളാം

*

എന്താ ചേച്ചി …..
ചേച്ചിക്കെന്താ പറ്റിയത് ക്ലാസ്സ് വന്നപ്പോ തുടങ്ങി ഞാൻ ശ്രദ്ധിക്കുന്നതാ

ഒന്നു പോടീ നിനക്ക് തോന്നുന്നതാ ,എനിക്കൊന്നുമില്ല

ചേച്ചീ …എന്നോട് പറയ്

ഒന്നുമില്ല ,നീ വേണ്ടാത്തതൊന്നും പറയണ്ട

ശരി ഞാൻ കണ്ടു പിടിച്ചോളാം എന്ന് പറഞ്ഞ് ഗംഗ പോയി

ശരണ്യക്ക് ഇപ്പോ തന്നോട് ഭയങ്കര ദേഷ്യമാണ് ,തനിക്ക് ഒരു ചതി പറ്റരുതെന്ന് കരുതിയിട്ടാണ് അത് അറിയാം ,ഇന്ന് അവൾക്ക് ഒട്ടും ഇഷ്ടമായിട്ടില്ല ,ഒരു ഭാഗത്ത് ശരത്ത് സാറിന്റെ ഇഷ്ടം മറുഭാഗത്ത് ശരണ്യയുടെ എതിർപ്പ്

ചിലപ്പോ ശരത്ത് സാറിന്റെ സ്നേഹം സത്യമാണെന്നറിയുമ്പോൾ അവളുടെ എതിർപ്പ് മാറും

അങ്ങനെ ചിന്തിച്ചപ്പോൾ ഗൗരിക്ക് കുറച്ച് ആശ്വാസം തോന്നി

എന്റെ ദേവി എന്നെ ഇങ്ങനെ സങ്കടപ്പെടുത്തല്ലേ ഇതിന് ഒരു പോംവഴി നീ കാട്ടി തരണേ

ഗൗരിയുടെ ഫോൺ റിംഗ് ചെയ്തു

ശരത്ത് സാറ് ഗൗരിക്ക് സന്തോഷം തോന്നി

ഹലോ …

തനിക്കിത്തിരി ഉറക്കെ പറഞ്ഞൂടെ ,ഇവിടെ ഒന്നും കേൾക്കണില്ല

എനിക്ക് പറയുന്നത് കേൾക്കുന്നുണ്ട്

അത് കൊള്ളാം താൻ മാത്രം കേട്ടാൽ മതിയോ ,
പിന്നെ ഞാൻ വിളിച്ചത് രണ്ടു ദിവസം ഞാൻ തന്റെ മറുപടിക്കായി കാത്തിരുന്നു ,താനിതു വരെ മറുപടി തന്നില്ല, ഒരാളെ ഇഷ്ടമാണൊന്ന് പറയാൻ ഇത്രക്കും സമയമൊന്നും വേണ്ട അപ്പോ അതിനർത്ഥം തനിക്ക് എന്നെ ഇഷ്ടമല്ലെന്ന് മനസ്സിലായി ,

എനിക്ക് …

വേണ്ടാ താനിനി വേറൊന്നും പറയണ്ടാ, നാളെ ഞാൻ പെണ്ണ് കണാൻ പോവുകയാണ് ,തന്റെ പോലെ അഹംകാരം ഉള്ള കുട്ടിയല്ല ഒരു പാവം പെൺകുട്ടി

ഗൗരിക്ക് വേവലാതിയായി, പെണ്ണ് കണാൻ പോവുകയോ ,അന്നേ മറുപടി പറയാമായിരുന്നു

ഗൗരിക്ക് മറുപടി പറയാൻ ഇട കൊടുക്കാതെ ശരത്ത് കോള് കട്ട് ചെയ്തു

ശരത്തിന്റെ മുഖത്തൊരു ചിരിയുണ്ടായി ,മൂക്കുത്തിക്കൊരു ചെറിയ പണി അങ്ങനെ മനസ്സിൽ കരുതിയപ്പോഴെക്കും ഗൗരി തിരിച്ച് വിളിച്ചു

ഇതാരാ .. ശരത്തേ ഇങ്ങനെ വിളിച്ച് കൊണ്ടിരിക്കുന്നത്

അത് അമ്മയുടെ ഭാവി മരുമകൾ ശരത്ത് അമ്മ കേൾക്കാതെ പറഞ്ഞു ,എന്നിട്ട് കോളെടുത്തു

ഹലോ തന്നോട് ഞാൻ പറഞ്ഞതല്ലേ ഇനി എന്നെ ശല്യപ്പെടുത്തരുതെന്ന്

അത് … ഞാൻ മറുപടി വാട്സ് ആപ്പ് ചെയ്തിട്ടുണ്ട്

എന്തിനാ താൻ മറുപടി അയച്ചത് ,ഇത്രക്കും ഡിമാന്റുള്ളവരുടെ മറുപടി എനിക്ക് വേണ്ട ,ഇനി തനിക്കത്ര നിർബന്ധമാണെങ്കിൽ ഇപ്പോ ഫോണിലൂടെ പറഞ്ഞാൽ മതി

ഞാൻ മറുപടി സെന്റ് ചെയ്തിട്ടുണ്ട്

തനിക്ക് ഇപ്പോ പറയാൻ പറ്റുമെങ്കിൽ പറഞ്ഞാൽ മതി

കുറച്ച് കഴിഞ്ഞിട്ടാണ് ഗൗരിയുടെ മറുപടി വന്നത്

എനിക്കിഷ്ടമാണ് ഗൗരിയുടെ ശബ്ദം നേർത്തിരുന്നു

മൂക്കുത്തിയെ ഒന്ന് ‘കാണണമെന്ന് ശരത്തിന് തോന്നി

അവൻ ഫോണെടുത്ത് നോക്കി ,ഗൗരിയുടെ രണ്ട് മെസ്ലേജ് ഉണ്ടായിരുന്നു

ഒന്ന് മൂക്കുത്തിയുടെ പിക്

രണ്ട്
പെണ്ണ് കണാൻ പോവണ്ട
മെസ്സെജ് വായിച്ച് അവന് ചിരി വന്നു

മൂക്കുത്തിക്ക് കുശുമ്പൊക്കെ അറിയാം

അങ്ങനെ അവസാനം മൂക്കുത്തി തന്നെ ഇഷ്ടമാണെന്ന് പറഞ്ഞു ,ഇനി മൂക്കുത്തി തനിക്ക് സ്വന്തം

*

ശനിയാഴ്ച

അഭീ …

എന്താമ്മേ…

ഞങ്ങള് കുറച്ച് കഴിഞ്ഞാൽ ഇറങ്ങും ,നാളെ നിങ്ങള് നേരത്തെ വരാൻ നോക്കണം ,ശ്യാമിനെ നേരത്തെ വിളിക്കണം അല്ലെങ്കിൽ അവൻ ഏണിക്കില്ല ഉറക്ക ഭ്രാന്താനാണ്

അമ്മേ ഞാൻ നിങ്ങളുടെ കൂടെ വരട്ടെ

നീ ശ്യാമിന്റെ കൂടെ വന്നാൽ മതി ,രാത്രി അവിടെ ഉണ്ടെങ്കിൽ എല്ലാവരുടെയും ചോദ്യങ്ങൾക്ക് മറുപടി പറയണം ,അതുകൊണ്ടാ അഭി ഞാൻ കൊണ്ടു പോകാത്തത്, കാലത്ത് വരികയാണെങ്കിൽ എല്ലാവരും കല്യാണതിരക്കിലായിരിക്കും ,ഞാൻ പറഞ്ഞത് നിനക്ക് മനസ്സിലായോ

മനസ്സിലായി

അഭിയുടെ മാനസികാവസ്ഥ ശരത്തിന് മനസ്സിലായി

നമ്മുക്ക് ഏട്ടത്തിയെ കൊണ്ടു പോകാം ,അല്ലെങ്കിൽ എത്തി ഇവിടെ ഒറ്റക്കാവില്ലേ

തന്റെ അവസ്ഥ ശരത്തിന് മനസ്സിലായി ഇനി അവൻ എന്തെങ്കിലും മാർഗ്ഗം കാണും

ഒറ്റക്കോ അവളെങ്ങനെ ഒറ്റക്കാവും, ഇവിടെ ശ്യാമുണ്ടാവുമല്ലോ
പിന്നെങ്ങനെ അഭി ഒറ്റക്കാവും

ഓ അത് ശരിയാണല്ലോ ഇന്ന് രാത്രി ഞങ്ങളുടെയൊക്കെ ശല്യമില്ലാത്ത ഒരു രാത്രി ,അതിൽ സന്തോഷിക്കുകയല്ലേ വേണ്ടത് അഭിരാമി ശ്യാം

അഭിരാമി ശരത്തിനെ രൂക്ഷമായി നോക്കി

പിന്നെ ഏട്ടത്തി ഞങ്ങളിവിടെ ഇല്ല എന്നു കരുതി ഏട്ടനെ എടുത്തിട്ട് പെരുമാറരുത് ,ഏട്ടനൊരു പാവമാണ്

ഇന്ന് നിന്റെ ചേട്ടന്റെ കഷ്ടകാലമാണ് ,ചേട്ടനെ ഇന്ന് ഇടിച്ച് പപ്പടം പൊടിക്കണപോലെ പൊടിക്കും
അമ്മ കേൾക്കാതെ അഭി ശരത്തിനോട് പറഞ്ഞു

എങ്ങനെ ഇടിച്ച് പരത്തിയാലും നാളെ കല്യാണത്തിന് വരണം

വൈകീട്ട് ശ്യാം നേരത്തെ വന്നു

അവരെപ്പോഴാണ് പോയത്

ഉച്ചക്ക് പോയി

ശ്യാം കൈയ്യിലുണ്ടായിരുന്ന കവർ അഭി ക്ക് കൊടുത്തു

തനിക്ക് നാളെ ഉടുക്കാനുള്ള സാരിയാണ്

അഭി അൽഭുതത്തോെടെ ശ്യാമിനെ നോക്കി

അമ്മ പറഞ്ഞിട്ടുണ്ടായിരുന്നു

ചായ എടുക്കട്ടെ

വേണ്ട ഞാൻ കുടിച്ചിട്ടാണ് വന്നത്
ശ്യാം മുറിയിലേക്ക് പോയി

അഭി സാരി എടുത്ത് നോക്കി ,ഒരു പീച്ച് കളർ സാരിയായിരുന്നു ,തനിക്കിഷ്ടപ്പെട്ട നിറം പീച്ച് ആണെന്നാൾക്ക് എങ്ങനെ മനസ്സിലായി
,അമ്മ പറഞ്ഞിട്ടുണ്ടാവും

രാത്രി

ഭക്ഷണം കഴിക്കാനായി ശ്യാം വന്നു
അത്ര നേരം അവൻ റൂമിൽ കഴിച്ച് കൂട്ടി താൻ കാരണം അഭിക്കൊരു ബുദ്ധിമുട്ട് വേണ്ട എന്നു കരുതിയിട്ടായിരുന്നു

അഭി ശ്യാമിന് ഭക്ഷണം വിളമ്പി കൊടുത്തു

താൻ കഴിച്ചോ

ഇല്ല

എന്നാൽ താനും കൂടിയിരിക്ക് നമ്മുക്ക് ഒരുമിച്ച് കഴിക്കാലോ

വേണ്ട ഞാൻ കുറച്ച് കഴിഞ്ഞ് കഴിച്ചോളാം

എന്നാ ശരി താൻ കഴിച്ചിട്ട് ഞാൻ കഴിക്കാമെന്ന് പറഞ്ഞ് ശ്യാം എഴുന്നേറ്റു

വേണ്ട ഞാൻ കഴിക്കാം

ശ്യാമിന്റെ കൂടെയിരുന്നു കഴിക്കുമ്പോൾ അഭിക്ക് ഒരു ചമ്മലോ നാണമോ ഒക്കെ തോന്നി

ഭക്ഷണം കഴിച്ച് കഴിഞ്ഞ് ശ്യാം ടി വി കണാൻ ഇരുന്നു

അഭി അടുക്കളയൊക്കെ ഒതുക്കി ,വാതിലൊക്കെ അടച്ചു

അതൊക്കെ ചെയ്യുമ്പോഴും അഭിയുടെ മനസ്സിനെ എന്തോ ഒന്ന് അലട്ടുന്നുണ്ടായിരുന്നു

അഭി മുറിയിലെത്തി

അ ഭി ക്ക് ശ്യാമിരുന്ന് ടിവി കാണുന്നത് കണാമായിരുന്നു

എ തോ കോ മഡി പ്രോഗ്രാം ആണ് കാണുന്നത്

അത് കണ്ടവൻ ചിരിക്കുന്നുണ്ടായിരുന്നു

അവന്റെ ചിരിക്കൊരു ഭംഗിയുണ്ടെന്നവൾക്ക് തോന്നി

പെട്ടെന്ന് ശ്യാം അഭിയെ നോക്കി

അഭിരാമി അറിയാത്ത മട്ടിൽ ഫോണെടുത്ത് നോക്കി

അമ്മ വിളിച്ചിട്ടുണ്ടായിരുന്നു

അഭീ …..

അഭിരാമി വിളിക്കേട്ട് തിരിഞ്ഞ് നോക്കി

ശ്യാം വാതിൽക്കൽ നിൽക്കുന്നുണ്ടായിരുന്നു

അഭിയോട് എനിക്ക് കുറച്ച് സംസാരിക്കാനുണ്ട്

എന്താണ് സംസാരിക്കാനുള്ളത് എന്ന ഭാവമായിരുന്നു അഭിയുടെ മുഖത്ത്

താൻ വാ നമ്മുക്ക് അവിടെയിരുന്നു സംസാരിക്കാം

അഭി ശ്യാമിന്റെ കൂടെ ചെന്നു

കുറച്ച് നേരത്തേക്ക് ശ്യാമൊന്നും മിണ്ടിയില്ല പറയാനുള്ളത് എങ്ങനെ തുടങ്ങും അതായിരുന്നു ശ്യാമിന്റെ പ്രശ്നം

തനിക്ക് എന്നോട് ദേഷ്യമാണെന്നറിയാം അത് അങ്ങനെ വരൂ ഒരു പെണ്ണിനും സഹിക്കാൻ പറ്റാത്ത കാര്യമാണ് ഞാൻ തന്നോട് ചെയ്തത് അതിന് ആദ്യമേ തന്നോട് ഞാൻ ക്ഷമ ചോദിക്കുകയാണ്

എനിക്ക് ദേഷ്യമൊന്നു മില്ല ,ക്ഷമയൊന്നും പറയണ്ട

നമ്മള് തമ്മിലുള്ള പ്രശ്നത്തിന്റെ കാരണം എന്താണെന്നു വച്ചാൽ എനിക്ക് ഒരു വലിയ പണക്കാരി പെണ്ണിനെ വിഹാഹം കഴിക്കണമെന്നായിരുന്നു ആഗ്രഹം അത് സാധിച്ചില്ല അത് കൊണ്ട് അതിന് കാരണക്കാരിയായ ആളോട് ഞാൻ ദേഷ്യം കാണിച്ചു
ഞാൻ ചെയ്തതൊക്കെ ഓർക്കുമ്പോൾ എനിക്ക് എന്നോട് തന്നെ പുച്ചം തോന്നുകയാണ്,
ഇപ്പോ താൻ വിചാരിക്കുന്നുണ്ടാവും അന്ന് എന്തിനാണ് കല്യാണത്തിന് സമ്മതിച്ചതെന്ന് അതിനും കാരണമുണ്ട് എന്റെ അച്ഛനെ എതിർക്കാൻ എനിക്കാവില്ലായിരുന്ന ഞങ്ങളങ്ങനെയാണ് വളർന്നിരിക്കുന്നത്

ഞാൻ പറയുന്നത് കേട്ട് തനിക്ക് ബോറടിക്കുന്നുണ്ടോ

ഇല്ല

തന്നോടി തൊക്കെ പറയണമെന്ന് വിചാരിച്ചിട്ട് കുറെ നാളായി ,,പലപ്പോഴും വിചാരിച്ചിട്ടുണ്ട് തന്നെ ഒന്നു പുറത്തേക്ക് കൂട്ടികൊണ്ട് പോയി ഇതൊക്കെ പറഞ്ഞാലോ എന്ന് പക്ഷേ താൻ വന്നില്ലെങ്കിലോ എന്ന് വിചാരിച്ചിട്ടാണ് വിളിക്കാതിരുന്നത് എന്റെ കഥകൾ ശരത്ത് തന്നോട് പറഞ്ഞിട്ടുണ്ടോ എന്ന് എനിക്കറിയില്ല

ശരത്ത് പറഞ്ഞിട്ടില്ല

അധികം ഒന്നും ഇല്ല എന്നാലും താനത് അറിയണം, ഞാനെങ്ങനെയാണ് ഇങ്ങനെ ആയതെന്ന്, എന്തിനാണ് ഒരു പണക്കാരിയെ വിവാഹം കഴിക്കാൻ വാശി പിടിച്ചതെന്ന്

തേപ്പ് കിട്ടി നല്ല കട്ട തേപ്പ് കിട്ടി ,തേപ്പേന്ന് പറഞ്ഞാൽ തേച്ച് ഒട്ടിച്ചു കളഞ്ഞു അതിന് കാരണം ഞാൻ വലിയ പണക്കാരൻ അല്ല എന്നതായിരുന്നു അതു മുതൽ വാശിയായിരുന്നു കാശ് ഉണ്ടാക്കണം എന്നിട്ട് ഒരു വലിയ പണക്കാരിയെ കെട്ടണമെന്നുള്ളത് അതിൽ ഞാൻ ആദ്യത്തെ കാര്യത്തിൽ വിജയിച്ചു രണ്ടാമത്തെ കാര്യത്തിലാണ് അച്ഛൻ തോൽപ്പിച്ചത്

അത് കേട്ടപ്പോൾഅഭിയുടെ മുഖത്ത് ഒരു ഭാവമാറ്റം ഉണ്ടായി

താൻ വിഷമിക്കണ്ട ഇപ്പോഴത്തെ കാര്യമല്ല തുടക്കത്തിലുള്ള കാര്യമാണ്

സ്കൂളിൽ പഠിക്കുമ്പോൾ എന്റെ ജൂനിയർ ആയിരുന്നു ആള് ,ശരത്തിന്റെ ബാച്ച് ആയിരുന്നു

അയാള് പ്ലസ് ടുവിന് ഞാൻ ഡിഗ്രിക്ക് പഠിക്കുമ്പോഴാണ് ഇഷ്ടം പറയുന്നത് ,പിന്നെ എന്താ പറയാ വേറൊരു ലോകമായിരുന്നു അത് ,ആ ലോകത്ത്‌ ഞങ്ങള് രണ്ടു പേരും മാത്രം ,
ആയാക്ക് അമ്മ മാത്രമേ ഉണ്ടായിരുന്നുള്ളു അച്ഛൻ ചെറുതി ലെ മരിച്ചിരുന്നു ,അമ്മ അവിടെ ഒരു വീട്ടിൽ പണിക്ക് പോയിട്ടാണ് അവർ കഴിഞ്ഞിരുന്നത്

ഇവിടെ എല്ലാവർക്കും അറിയാമായിരുന്നു ,അച്ഛനും അമ്മയും എതിർപ്പ് പറഞ്ഞിരുന്നില്ല അവർക്കൊക്കെ സമ്മതമായിരുന്നു ,വീട്ടിൽ വരാറുണ്ട് ,അമ്മ ഡ്രസ്സൊക്കെ വാങ്ങിച്ചു കൊടുക്കാറുണ്ടായിരുന്നു

പഠിക്കുമ്പോൾ ഞാൻ പാർട്ട് ടൈം ജോലിക്ക് പോവാറുണ്ടായിരുന്നു അത് അവൾക്ക് വേണ്ടിയായിരുന്നു ,അതിൽ നിന്നും കിട്ടുന്ന വരുമാനമൊക്കെ അവൾക്ക് ഒരോ സാധനങ്ങൾ വാങ്ങാനായിരുന്നു,
അന്ന് അച്ഛൻ കഷ്ടപ്പെടുന്ന തൊന്നും ഞാൻ മൈന്റ് ചെയ്യാറില്ലായിരുന്നു ,ഒരു രൂപ പോലും ഞാനെന്റെ വീട്ടിൽ കൊടുത്തിരുന്നില്ല
അതൊക്കെ ഓർക്കുമ്പോൾ ഇപ്പോൾ കുറ്റബോധം തോന്നാറുണ്ട്

എന്തായിരുന്നു ആ കുട്ടിയുടെ പേര്

ശ്യാം അഭിനെ ഒന്നു നോക്കി അവന്റെ മുഖത്തൊരു ചിരിയുണ്ടായിരുന്നു

കാവ്യ ….

നല്ല പേരാണല്ലോ അഭി മനസ്സിൽ വിചാരിച്ചു ,സുന്ദരി ആയിരുന്നോ ആയിരിക്കും

താനെന്താ ആലോചിക്കുന്നത് ,കാവ്യ തന്റെയത്ര സുന്ദരി അല്ലായിരുന്നു

ഞാനതല്ല ആലോചിച്ചത്

അഭീ …. താൻ എന്നോട് കള്ളം പറയണ്ടാട്ടോ ,തന്റെ മുഖത്തു നിന്ന് മനസ്സിലുള്ളത് ഞാൻ വായിച്ചു

കള്ളം കണ്ടു പിടിക്കപ്പെട്ട കൊച്ചു കുട്ടിയുടെ ഭാവമായിരുന്നു അഭിക്ക്

പക്ഷേ ആ നാളുകളിൽ ലോകത്തിൽ ഏറ്റവും വലിയ സുന്ദരി കാവ്യ ആണ് എന്നതായിരുന്നു എന്റെ ഭാവം

പ്ലസ് ടു കഴിഞ്ഞ് കാവ്യക്ക് ഫാഷൻ ഡിസൈനിംഗ് പഠിക്കണമെന്ന് പറഞ്ഞു ,എനിക്കപ്പോഴെക്കും ഡിഗ്രയൊക്കെ കഴിഞ്ഞ് ഒരു ചെറിയ ജോലി കിട്ടിയിരുന്നു

അവളുടെ അമ്മ സമ്മതിച്ചില്ല ഒത്തിരി കാശാവുമെന്ന് പറഞ്ഞ് ,ഞാൻ പോയി അമ്മയോട് പറഞ്ഞ് സമ്മതിപ്പിച്ചു ,ഞാനാണ് ഫീസൊക്കെ അടച്ചിരുന്നത് അവളുടെ അമ്മയും ആളെ കൊണ്ടാവുന്നതുപ്പോലെ സഹായിച്ചു

അവിടെ പഠിക്കാൻ പോയത് മുതൽ കാവ്യക്ക് ചെറുതായി മാറ്റങ്ങൾ വന്ന് തുടങ്ങി പതുക്കെ പതുക്കെ കാവ്യ എന്നിൽ നിന്നും അകന്ന് തുടങ്ങി ,അതിനൊക്കെ ഒരോ കാരണങ്ങൾ പറയും ,ഒരു ദിവസം ഒരു പയ്യന്റെ കൂടെ ബൈക്കിൽ പോകുന്നത് കണ്ടു എന്ന് ശരത്ത് പറഞ്ഞു ,ഞാനത് ചോദിച്ചതിന് പറയാത്ത തൊന്നുമില്ല ,എനിക്ക് സംശയമാണെന്നോക്കെ പറഞ്ഞു ,അപ്പോഴൊന്നും എനിക്ക് അയാളെ ഒരു സംശയവും തോന്നിയില്ല ,പിന്നെ പലയിടത്തും കണ്ടുവെന്ന് ഒരോരത്തരും പറഞ്ഞു

അതാരായിരുന്നു ആ പയ്യൻ

അത് പറയാം
തനിക്ക് ബോറടിക്കുന്നുണ്ടോ എന്റെ കഥ കേട്ടിട്ട്

ഇല്ല
ശ്യാമിനോട് സംസാരിച്ച് തനിക്ക് ശ്യാമിനോടുളള അകൽച്ച കുറഞ്ഞത് പോലെ തോന്നി അഭി ക്ക്

താൻ പോയി എനിക്കൊരു കാപ്പി ഇട്ടിട്ട് വയോ

കാപ്പി ഉണ്ടാക്കുമ്പോൾ അഭി ചിന്തിച്ചത് ശ്യാമിനെ കുറിച്ചായിരുന്നു
ആളൊരു പാവമാണു .പുറത്ത് കാണുന്ന പരുക്കൻ ഭാവം അത് ഒരു മുഖം മൂടിയാണ്

അഭി കാപ്പി കൊണ്ട് ശ്യാമിന് കൊടുത്തു ,എന്നിട്ട് അവന്റെ അടുത്തായി താഴെയിരുന്നു

താനെന്തിനാ താഴെയിരുന്നത്

ഞാനിങ്ങനെയിരുന്നു കഥ കേട്ടോളാം അതാ ഒരു രസം

പെട്ടെന്ന് ശ്യാമിന്റെ ഫോൺ റിംഗ് ചെയ്തു
ശരത്തായിരുന്നു

ചേട്ടാ …..

എന്താടാ

ചേട്ടന് കുഴപ്പമൊന്നുമില്ലല്ലോ ,ആരും പപ്പടം പോലെ പൊടിച്ചില്ലല്ലോ

നീയെന്താ ശരത്തേ പറയുന്നത് പപ്പടം പോലെ പൊടിക്കെ

ശ്യാമിന്റെ ചോദ്യം കേട്ടപ്പോൾ ശരത്താണെന്ന് അഭി ക്ക് മനസ്സിലായി

ഇന്ന് ഞങ്ങൾ പോന്നപ്പോൾ ഏട്ടത്തി എന്നോട് പറഞ്ഞതാണ്

അഭി അങ്ങനെ പറഞ്ഞോ, എന്തായാലും ഇപ്പോ പൊടിച്ചിട്ടില്ല ,ഇപ്പോ എനിക്ക് കാപ്പി ഉണ്ടാക്കി തന്നു ,അവിടെ എങ്ങനെ നീ അടിച്ച് പൊളിക്കുകയാണോ

ഏട്ടൻ സന്തോഷത്തിലാണെന്ന് ശരത്തിന് സംസാരത്തിൽ നിന്നും ശരത്തിന് മനസ്സിലായി

പിന്നില്ലാതെ എല്ലാവരും ഉണ്ട് ,പിന്നെ കുറച്ച് കഴിയുമ്പോൾ ഇവിടെ കോടതി കൂടും

കോടതിയോ

അതെ ആർച്ചയുടെയും എന്റെയും കല്യാണത്തിന്റെ സുപ്രാധന തീരുമാനമെടുക്കാൻ

നീയെന്തു തീരുമാനിച്ചു

അതോ ഞാൻ തന്നെ എനിക്ക് വേണ്ടി വാദിക്കും, ചേട്ടാ നാളെ കാണാം അമ്മ ദേ എന്നെ വിളിക്കുന്നുണ്ട്

അഭി ക്ക് ശ്യാമിന്റെ മുഖത്ത് നോക്കാൻ ചമ്മൽ തോന്നി

താൻ ആള് കൊള്ളാട്ടോ .. എന്നെ പൊടിച്ച് പപ്പട പരുവമാക്കുമെന്നോ

അത് ഞാൻ ചുമ്മ തമാശ പറഞ്ഞതാ, ബാക്കി പറ

ശരി

ആ പയ്യൻ അവളുടെ ക്ലാസ്സിലെ ആയിരുന്നു ,
രണ്ടു മൂന്നു റെഡിമേഡ് ഷോപ്പോക്കെ സ്വന്തമായിട്ടുണ്ട് അവന്റെ അച്ഛന് ,അവനെ പറ്റി പറയാൻ നൂറ് നാവായിരുന്നു കാവ്യക്ക് ,ഒരു ദിവസം അവള് വിളിച്ചിട്ട് പറഞ്ഞു ഇനി അധികം വിളിക്കണ്ട പരീക്ഷയാണ് പഠിക്കണമെന്ന് ഞാനത് വിശ്വസിച്ചു ,ശരത്ത് അന്നെ എന്നോട് പറഞ്ഞു ഒരു തേപ്പിനുള്ള എല്ലാ സാധ്യതയും ഉണ്ടെന്ന് ,പക്ഷെ അന്ന് ഞാനത് വിശ്വസിച്ചില്ല
പരീക്ഷ കഴിഞ്ഞ് ഞാൻ വിളിച്ചപ്പോൾ സ്വിച്ച് ഓഫ് , ആകെ ടെൻഷൻ ആയി ,വീട്ടിൽ പോയി നോക്കി ,അവിടെ അവരില്ലായിരുന്നു ,വീട് മാറിയിരുന്നു ,ഭ്രാന്ത് പിടിച്ച മാതിരി ആയിരുന്നു ,എന്റെ അവസ്ഥ കണ്ട് ശരത്ത് പോയി അന്വഷിച്ചപ്പോളാണ് അറിഞ്ഞത് ,ആ പയ്യനായിട്ട് കല്യാണ നിശ്ചയമൊക്കെ കഴിഞ്ഞു എന്ന്, അവനവർക്ക് വീടെടുത്ത് കൊടുത്തു
ആത്മഹത്യ ചെയ്യണമെന്ന് തോന്നിയതാണ് ,പക്ഷെ എന്റെ വീട്ടുക്കാര് എന്റെ കൂടെ നിന്നു പ്രത്യേകിച്ച് എന്റെ ശരത്ത്

പിന്നെ കാവ്യയെ കണാൻ ശ്രമിച്ചില്ലേ

ശ്രമിച്ചില്ല

പിന്നെ അങ്ങോട്ട് വാശി ആയിരുന്നു ,കാശുണ്ടാക്കണം ,അതുമാത്രമല്ല ഒരു കാശു ക്കാരിയെ തന്നെ വിവാഹം കഴിക്കണം എന്നൊക്കെ

ടെക്സ്റ്റയിൽസ് ബിസ്സിനസ്സ് തന്നെ തുടങ്ങണമെന്നത് എന്റെ വാശിയുടെ ഭാഗമായിരുന്നു

ലോണെടുത്തും പിന്നെ പലരും സഹായിച്ചു ,ആർച്ചയുടെ വീട്ടുക്കാരാണ് അതിൽ മുൻപിൽ

എന്റെ അമ്മയുടെ പ്രാർത്ഥന കൊണ്ട് ഞാൻ വിചാരിച്ചതിനും നന്നായി ബിസ്സിനസ്സ് വിജയിച്ചു

അഭി അവനെ തന്നെ നോക്കിയിരിക്കുകയായിരുന്നു

ശ്യാമിനോട് തോന്നിയ തന്റെ ദേഷ്യവും സങ്കടവുമെല്ലാം മഞ്ഞുപോലെ ഉരുകി പോയെന്ന് അഭി ക്ക് തോന്നി
*
കല്യാണത്തിന് വന്ന ബന്ധുക്കളായ പെൺകുട്ടികളുടെ കൂടെ നിന്ന് സെൽഫി എടുക്കുകയായിരുന്നു ശരത്ത്

പെട്ടെന്നവന് മൂക്കുത്തിയെ ഓർമ്മ വന്നു ,ആ എടുത്ത സെൽഫികളിൽ ഒരു ഫോട്ടോ മക്കൂത്തിക്ക് സെന്റ് ചെയ്തു

മൂക്കുത്തിക്ക് ഇത്തിരി കുശുമ്പ് തോന്നട്ടെ

കുറച്ച് കഴിഞ്ഞിട്ടാണ് റിപ്ലേ വന്നത്

ഗൗരിയും കുറച്ച് ആൺകുട്ടികളും കൂടി നിൽക്കുന്ന ഒരു ഫോട്ടോ ആയിരുന്നു ,എന്നിട്ട് രണ്ട് മൂന്നു ചിരിക്കുന്ന സ്മൈലിയും

കൊള്ളാലോ മൂക്കുത്തി ,വിചാരിച്ച പോലെയല്ല

പക്ഷേ റിപ്ലേ അയച്ചത് ഗംഗ ആണെന്ന് മാത്രം ശരത്ത് അറിഞ്ഞില്ല

ശരത്തേട്ടാ ദേ അവിടെ വിളിക്കുന്നു

ആര്

അവിടെ തറവാട്ടിലെ എല്ലാവരും ഉണ്ട് ചേട്ടനോട് വേഗം വരാൻ പറഞ്ഞു

ഒരു അങ്കത്തിന് സമയമായെന്ന് ശരത്ത് മനസ്സിൽ പറഞ്ഞു

ചെല്ലുമ്പോൾ ആർച്ചയുടെ അമ്മ കല്യാണ കാര്യം പറയുകയായിരുന്നു

മിക്കവർക്കും അത് സമ്മതമായിരുന്നു

ശരത്തിന് ഈ കാര്യത്തിന് താൽപര്യമില്ല ശരത്തിന്റെ അച്ഛൻ പറഞ്ഞു

ശരത്തിന്റെ തീരുമാനം നോക്കുന്നതെന്തിനാ ,സുധയും ദേവനും നിങ്ങളെ എന്തുമാത്രം സഹായിച്ചതാ

എന്നെ ആരും സഹായിച്ചിട്ടില്ല ,ചേട്ടനെയാണ് സഹായിച്ചത് അതുകൊണ്ട് ചേട്ടനെ കൊണ്ട് കെട്ടിക്കാം ആർച്ചയെ ആന്റിക്ക് സമ്മതമാണോ

ശരത്തേ നില മറന്ന് സംസാരിക്കരുത്

ഞാൻ നില മറക്കില്ലാന്റി ,ആന്റിയാണ് എനിക്കിഷ്ടമില്ലാത്തൊരു കാര്യം എന്നിൽ കെട്ടി വക്കുന്നത്

എന്റെ മോളെ ആരുടെ തലയിൽ കെട്ടി വക്കില്ല ,പിന്നെ അവളുടെ ഇഷ്ടം ഞാൻ എന്തായാലും നടത്തും

നടത്തിക്കൊ എന്നെ എന്റെ പാട്ടിന് വിട്ടേക്ക് അല്ലെങ്കിൽ ….

അല്ലെങ്കിൽ നീ എന്തു ചെയ്യും എന്റെ മോളെ തല്ലോ ,തല്ലാണല്ലോ നിന്റെ ഇപ്പോഴത്തെ ട്രെൻഡ്

ചിലരെ അടിച്ച് തന്നെ ശരിയാക്കണം ,ആന്റി ആർച്ചയെ അടിച്ച് വളർത്താതിരുന്നത് കൊണ്ടാണ് അവളിങ്ങനെ ആയത് ,ഇനിയ വള് ഇന്നാള് കാട്ടിയ മാതിരി എന്തെങ്കിലും ചെയ്താൽ ഞാനിനിയും അടിക്കും

ശരത്ത് ആ പറഞ്ഞത് ചിലർക്ക് ഇഷ്ടപ്പെട്ടു ,മനസ്സ് കൊണ്ട് ചില ബന്ധുക്കൾക്ക് ആർച്ചയെയും കുടുംബത്തിനെയും ഇഷ്ടമല്ലായിരുന്നു

നിനക്ക് അത്രക്ക് സാമർത്ഥ്യമുണ്ടോ ഒരിക്കൽ കൂടി എന്റെ മകളെ തല്ലാൻ ,എന്നാൽ നീ എല്ലാവരുടെയും മുൻപിൽ വച്ച് നീ ഒന്നു കൂടെ തല്ല് ,കാണട്ടെ നിന്റെ വാക്കിന്റെ വില

ആർച്ചയെ പിടിച്ച് ശരത്തിന്റെ മുൻപിലേക്ക് നിർത്തിയിട്ടായിരുന്നു ആർച്ചയുടെ അമ്മ അത് പറഞ്ഞത്

ആർച്ചയുടെ മുഖത്ത് പുച്ചം ആയിരുന്നു

എല്ലാവരും ശരത്ത് എന്തു ചെയ്യുമെന്ന് നോക്കിയിരിക്കുകയായിരുന്നു

സുധയുടെ മുഖത്ത് ഒരു തരം പകയായിരുന്നു
തന്റെ മകളെ വേണ്ടാന്ന് പറഞ്ഞവനോടുള്ള പക
ശരത്ത് പിന്നെ ഒന്നും ആലോചിച്ചില്ല കൊടുത്തു ആർച്ചയുടെ ചെകിടത്ത് ഒന്ന്

*
ശ്യാം ഇരുന്നിടത്ത് നിന്നും ഏണീറ്റു,

താനെന്താ ഒന്നും മിണ്ടാതെയിരിക്കുന്നത്

ഒന്നൂല്ലാ

ശ്യാം അഭിയുടെ കൈയ്യെടുത്ത് പിടിച്ചു

അഭി … കഴിഞ്ഞതൊക്കെ താൻ മറക്കണം
എന്റെ ഭാഗത്ത് നിന്നുണ്ടായ എല്ലാ തെറ്റുകൾക്കും ഞാൻ മാപ്പ് ചോദിക്കുന്നു ,മാപ്പിന് ഞാനർഹനല്ല എന്നെനിക്കറിയാം എന്നാലും

എന്നോടിങ്ങനെയൊന്നും പറയരുത് ,ദേഷ്യം തോന്നിയിട്ടുണ്ട് പക്ഷെ ഇപ്പോ അതൊക്കെ മാറി

ഒന്നും മനപൂർവ്വമല്ലായിരുന്നു ,അങ്ങനെയൊക്കെ സംഭവിച്ച് പോയി ഇനി ഒരിക്കലും അങ്ങനെയൊന്നും ഉണ്ടാവില്ല ,
ശ്യാം അഭിരാമിയെ ചേർത്ത് പിടിച്ച് കൊണ്ട് പറഞ്ഞു

തുടരും

 

മുൻഭാഗങ്ങൾക്കായി ഈ ലിങ്കിൽ പോവുക

രജിത പ്രദീപ് എടയാട്

 

ഇവിടെ കൂടുതൽ വായിക്കുക

അക്ഷരത്താളുകൾ പ്രസിദ്ധീകരിച്ച എല്ലാ നോവലുകളും വായിക്കുക

അക്ഷരത്താളുകൾ പ്രസിദ്ധീകരിച്ച എല്ലാ കഥകളും വായിക്കുക

About Author