ആർച്ചയെ അടിച്ചിട്ട് ശരത്തിന്റെ കൈ പുകയുന്നുണ്ടായിരുന്നു ,അവൾക്ക് നന്നായി വേദനിച്ചിട്ടുണ്ടാവും
എല്ലാവരും അമ്പരന്ന് നിൽക്കുകയായിരുന്നു ശരത്ത് അടിക്കുമെന്നാരും പ്രതീക്ഷിച്ചിരുന്നില്ല
ആർച്ചക്ക് വേദനയല്ലായിരുന്നു എല്ലാവരുടെ യും മുൻപിൽ വച്ച് തല്ലാനും ശരത്ത് ധൈര്യം കാണിച്ചു ,ആരും എന്നിട്ട് ശരത്തിനെ ഒന്നും പറയുന്നില്ല അതായിരുന്നു അവൾക്ക് ദേഷ്യമായത്
ശരത്തേ .. നീ എന്താ കാണിച്ചത്
അമ്മ കേട്ടതല്ലേ ആന്റി ആർച്ചയെ തല്ലാൻ എന്നോട് പറഞ്ഞത്
സുധ അങ്ങനെ പറഞ്ഞൂന്ന് വച്ച് നീ അങ്ങനെ ചെയ്യണോ
പിന്നെ അമ്മയല്ലേ പറഞ്ഞ് തന്നിരിക്കുന്നത് മൂത്തവർ പറയുന്നത് അനുസരിക്കണമെന്ന് ,ഞാൻ അനുസരിച്ചു
ആർച്ചയുടെ അമ്മക്ക് ശരത്തിന്റെ വാക്ക് കേട്ടിട്ട് അവനെ കൊന്നുകളയാനാണ് തോന്നിയത് ,ഇത്രയും പേരുടെ മുന്നിൽ വച്ചിട്ടാണ് അവൻ തന്റെ മോളെ തല്ലിയത് ,ഇനി എന്തായാലും ഇവനെ ഒരു തിരിച്ചടി കൊടുക്കണം ,തന്റെ മകളെ അടിച്ചവൻ അങ്ങനെ എല്ലാവരുടെയും മുൻപിൽ ഹീറോ ആവണ്ട
ചേച്ചീ പാല് തന്ന കൈയ്ക്ക് കൊത്താനാണോ മക്കളെ പഠിപ്പിച്ചിരിക്കുന്നത് ,അന്ന മോന് ബിസ്സിനസ്സ് നടത്താൻ കാശില്ലാതെ വന്നപ്പോൾ വീട്ടിൽ വന്ന് കെഞ്ചിയതൊക്കെ മറന്ന് പോയോ
മറന്ന് പോയെങ്കിൽ അതൊക്കെ ഒന്ന് ഓർക്കുന്നത് നല്ലതാണ് കൂടെ ഈ മകനും കൂടെ ഒന്നു ഓർമ്മിപ്പിക്കാൻ പഠിപ്പിക്ക്
സുധേ … മതി നീയിനി ഒന്നും പറയണ്ട ,ഇപ്പോഴത്തെ കുട്ടികളാണ് അവർക്ക് അവരുടെതായാ ഇഷ്ടങ്ങൾ ഉണ്ട് , നീയെന്തിനാ നമ്മുടെ മകളുടെ ഇഷ്ടം ശരത്തിന്റെമേലെ കെട്ടി വയ്ക്കുന്നത്
നമ്മുക്ക് മോൾക്ക് വേറെ വിവാഹം ആലോചിക്കാലോ ദേവൻ പറഞ്ഞു
ദേവേട്ടൻ മിണ്ടാതിരിക്ക് ആർച്ചയെ കെട്ടാൻ എന്ത് യോഗ്യതയാണ് ഇവനുളളത് ,നമ്മുടെ ഏഴയലത്ത് കെട്ടാൻ പറ്റോ ഇവരെ ,എന്നിട്ടും നമ്മൾ നമ്മുടെ മകൾക്ക് വേണ്ടി എല്ലാം ക്ഷമിച്ചു ,അപ്പോ അവൻ തലയിൽ കയറുന്നു ,ആർച്ചക്ക് ഇതിനെക്കാളും നല്ല ബന്ധം കിട്ടും എന്നാേലും അവളുടെ ഇഷ്ടമല്ലേ നടത്തി കൊടുക്കാമെന്ന് കരുതിയിട്ടാ ഞാനിപ്പോൾ എല്ലാവരും ഉള്ളപ്പോൾ വിവാഹ കാര്യം പറഞ്ഞത്
സുധ പറയുന്നതിലും കാര്യമുണ്ട് ആർച്ചക്ക് ഇതിലും നല്ല ബന്ധം കിട്ടും ,എന്നിട്ടും ഈ വിവാഹത്തിന്ന് സുധയും ദേവനും സമ്മതിച്ചല്ലോ ,ശരത്തിന് ഇതു പോലൊരു ബന്ധം വേറെ കിട്ടില്ല, ശരത്തിന്റെ ഭാഗ്യമാണ്
ആർച്ചയുടെ ഒരു വല്യച്ഛൻ പറഞ്ഞു
എനിക്കാ ഭാഗ്യം വേണ്ടാ ,അന്ന് സഹായിച്ചപ്പോൾ സഹായത്തിന് പകരം മോൾക്ക് ഒരു വരനെ വേണമെന്ന് പറഞ്ഞിരുന്നോ ,ചേട്ടന് കൊടുത്ത രൂപ പലിശയടക്കം തിരിച്ച് തന്നില്ലേ ,പിന്നെന്തിനാ ഇപ്പോ ഇങ്ങനെയൊക്കെ പറയുന്നത്
ആർക്കും മറുപടി ഉണ്ടായിരുന്നില്ല
ഇനി ഒരു കാര്യം കൂടി ആർച്ചയെ പോലെ മോഡേണായ ഒരു പെൺകുട്ടിയല്ല എന്റെ മനസ്സിലുള്ളത്
എന്റെ മോളെ ഒരു ദരിദ്രവാസിയുടെ പോലെയല്ല ഞാൻ വളർത്തിയത് ,എന്തിലും മികച്ചതാണവൾക്ക് കൊടുക്കാറുള്ളത്
ആയിക്കോ ആന്റി മകളെ എങ്ങനെ വേണമെങ്കിലും വളർത്തിക്കോ, പക്ഷേ ഒരു പെൺകുട്ടിക്ക് വേണ്ട അത്യാവശ ഗുണങ്ങൾ ഉണ്ട് ഇനിയെങ്കിലും ആന്റി അതൊക്കെ ഒന്നു അവൾക്ക് പറഞ്ഞ് കൊടുക്കണം
അവളെ ഞാൻ എല്ലാം പറഞ്ഞ് കൊടുത്ത് തന്നെയാണ് വളർത്തിയത്, അവൾ ജീൻസ് ഇടുന്നതാണോ നിന്റെ പ്രശനം
,ആന്റി നോക്ക് നമ്മുടെ തറവാട്ടിലെ എല്ലാ പെൺകുട്ടികളും ഇവിടെ ഉണ്ട് അതിൽ ആരെങ്കിലും മുതിർന്നവരുടെ കൂടെ ഇരിക്കുന്നുണ്ടോ ,ഇല്ല ആരും ഇരിക്കുന്നില്ല ,ആർച്ച മാത്രമാണ് ഇരിക്കുന്നത് അതും കാലിൻമേൽ കാൽ കയറ്റി വച്ച് ,മൂത്തവരെ ബഹുമാനിക്കാൻ ആദ്യം പഠിപ്പിക്ക് ,പെൺകുട്ടികൾക്ക് ഇത്തിരി അടക്കൊതുക്കം നല്ലതാണ് ,അതാണവരുടെ ഭംഗി
ഇത് എന്റെ കാഴ്ചപ്പാടാണ് ഇനി ഇതു പറഞ്ഞ് എന്നെ കുതിര കയറാൻ വരണ്ട ,എന്റെ മനസ്സിലുള്ള പെൺകുട്ടിക്ക് അങ്ങനത്തെ കുറച്ച് ഗുണങ്ങൾ വേണമെന്ന് എനിക്കാഗ്രഹമുണ്ട്
ഞാൻ പറഞ്ഞതിൽ എതിരഭിപ്രായം ഉണ്ടെങ്കിൽ പറയാം
ശരത്ത് പറഞ്ഞത് ശരിയാണ് സുധേ ,നമ്മുക്ക് ആർച്ചക്ക് വേറെ വിവാഹം ആലോചിക്കാം ,അവനിഷ്ടമില്ലെങ്കിൽ പിന്നെ നിർബന്ധിക്കുന്നതെന്തിനാ ,വിവാഹം രണ്ടു മനസ്സുകളുടെ ഒത്ത് ചേരൽ കൂടിയാണ് ,മന പൊരുത്തമില്ലെങ്കിൽ പിന്നെ എന്തുണ്ടായിട്ട് എന്ത് കാര്യം
ആർച്ചയുടെ മുഖത്ത് ഒരു പുച്ഛഭാവമായിരുന്നു
സുധ ഇതൊന്നും തന്നെ ബാധിക്കില്ല എന്ന മട്ടിലായിരുന്നു ,തന്റെ മകൾക്ക് കൊടുത്ത വാക്ക് താൻ എന്തു വില കൊടുത്തും പാലിച്ചിരിക്കും ,അവൾക്ക് ഇഷ്ടപ്പെട്ട ആളുടെ കൂടെ അവൾ ജീവിക്കും
സുധ ആരെന്ന് എല്ലാവരും അറിയും
ചർച്ച കഴിഞ്ഞ് ശരത്തും പിള്ളേര് സെറ്റും കൂടി സംസാരിക്കുകയായിരുന്നു
ശരത്തേട്ടാ …. സൂപ്പർ ,ആർച്ച ചേച്ചിയുടെ അമ്മ ചമ്മി പോയി
അതു തന്നെ ശരത്തേട്ടന് ബാങ്ക് ജോലി യെക്കാളും ചേരുന്നത് ഒരു വക്കീലിന്റെ ജോലിയാണ്
പോടി കളിയാക്കാതെ ,ഞാനങ്ങനെ അവിടെ പറഞ്ഞില്ലായിരുന്നെങ്കിൽ തറവാട്ടിലെ എല്ലാവരും കൂടി ഇന്ന് എന്റെയും ആർച്ചയുടെയും വിവാഹ നിശ്ചയം നടത്തിയേനെ
ആർച്ച ചേച്ചിയെ വിവാഹം കഴിക്കുകയാണെങ്കിൽ ചേട്ടന്റെ ജീവിതം കട്ടപ്പൊകയായെനെ
ഒന്നു പോടാ ഇന്ന് കൊടുത്ത മാതിരി ഒരോ അടി ദിവസം കൊടുക്കുകയാണെങ്കിൽ ആർച്ച ഒരു മാസം കൊണ്ട് ശരത്തേട്ടന്റെ മനസ്സിലുള്ള ഭാര്യ ആയേനെ
അതു കേട്ട് എല്ലാവരും ചിരിച്ചു
പക്ഷേ എനിക്കതല്ല സംശയം ശരത്തേട്ടൻ എവിടെയോ പെട്ടിട്ടുണ്ടെന്നാണ്
കാരണം സ്റ്റാറ്റസ്സൊക്കെ ഒരു പ്രണയത്തിൽ കലർന്നതാണ്
ടാ കൊള്ളാലോ നിന്റെ കണ്ടു പിടുത്തം അങ്ങനെ വല്ലതും ഉണ്ടാവുകയാണെങ്കിൽ നിന്നെ ഞാൻ ആദ്യം അറിയിക്കാട്ടോ ശരത്ത് ചിരിച്ച് കൊണ്ട് പറഞ്ഞു
ശരത്തേട്ടാ ചിരിച്ച് മയക്കണ്ടാ ഞാൻ പറയുന്നതിൽ എന്തോ സത്യമുണ്ട്
പോടാ ചെറിയ വായിൽ വലിയ കാര്യങ്ങൾ പറയാതെ പോയി കിടന്നുറങ്ങ് നാളെ നേരത്തെ എഴുനേൽക്കണ്ടതാണ് ,എല്ലാവരോടും കൂടിയാണ് പറയുന്നത്
എല്ലാവരും പോയി
തനിക്ക് എങ്ങനെ അങ്ങനെ യൊക്കെ പറയാൻ പറ്റി ,രണ്ടു മൂന്നു പ്രാവശ്യം ഗൗരിയുടെ കാര്യം പറയാൻ വേണ്ടി ഒരുങ്ങിയതാണ് പക്ഷേ മനപൂർവം പറയാതിരുന്നു ,ഗൗരിയുടെ കാര്യം അറിഞ്ഞാൽ അമ്മയും മോളും കൂടി അതിനെന്തെങ്കിലും തടസ്സം ഉണ്ടാക്കും
ശരത്തേട്ടാ ….. സ്വപ്നം കണാതെ വന്നു കിടക്ക് നാളെ നേരത്തെ എണീക്കണ്ടതല്ലേ
*
അഭീ …. തന്റെ ഒരുക്കം കഴിഞ്ഞില്ലേ
കഴിഞ്ഞു ,
അഭിയുടെ സാരിയുടെ കളർ ഷർട്ടും കരയുള്ള മുണ്ടുമായിരുന്നു ശരത്തിന്റെ വേഷം
അയ്യേ താനിങ്ങനെയാണോ സാരി ഉടുക്കുന്നത് ,ഇത് അവിടെയിവിടെയൊക്കെ കുത്തിയിറക്കി വച്ചിരിക്കുകയാണോ
ഞാനെ നല്ല ഭംഗിയായി ഉടുപ്പിച്ചു തരാം
വേണ്ടാ … ഇങ്ങനെ മതി ,അഭിക്ക് ചമ്മലായി
താൻ ചമ്മണ്ട ഒരഞ്ചു മിനിട്ട് മതി എനക്ക് സാരി ഉടുപ്പിക്കാൻ
ഓ അപ്പോ അതാണല്ലേ പരിപാടി
താൻ വിചാരിക്കണപോലെയല്ല
എന്നു പറഞ്ഞ് ശ്യാം അഭിയുടെ സാരി ശരിയാക്കാൻ തുടങ്ങി
ശ്യാം താഴെയിരുന്നു സാരിയുടെ ഞൊറിയൊക്കെ ശരിയാക്കി ,അഭി ശ്യാമിനെ തന്നെ നോക്കുകയായിരുന്നു, ഇന്നലെ മുതൽ ഈ ആള് തനിക്ക് പ്രിയ്യപ്പെട്ടവനായി മാറിയിരിക്കുന്നു
താനിതൊന്നു പൊക്കി പിടിച്ചേ
പക്ഷേ ശ്യാം പറഞ്ഞത് അഭി കേട്ടില്ല ,അഭി മറ്റൊരു ലോകത്തായിരുന്നു
ശ്യാം അഭിരാമിയെ നോക്കി
അഭി ….. താനെന്താ രാവിലെ തന്നെ സ്വപ്നം കാണുകയാണോ
എന്താ … എന്താ പറഞ്ഞത്
ശ്യാം എഴുന്നേറ്റു
അഭിയുടെ മുഖത്തേക്ക് നോക്കി
ആ കണ്ണുകളിൽ തന്നോടുള്ള സ്നേഹത്തിന്റെ തിരയിളക്കമാണ് ശ്യാം കണ്ടത്
*
ശരത്തേ ……
എന്താ അമ്മേ ….ശരത്ത് ഹാളിന്റെ പുറത്ത് നിൽക്കുകയായിരുന്നു
നീ ശ്യാമിനെ വിളിച്ചോ ,അവര് ഇറങ്ങീന് പറഞ്ഞോ
അവര് വരും അമ്മയെന്തിനാ ഇങ്ങനെ ടെൻഷൻ അടിക്കുന്നത് കൊച്ചു കുട്ടികളൊന്നുമല്ലല്ലോ
ഇന്നലെ അവര് ഒറ്റക്കായിരുന്നു ,തനിക്ക് സന്തോഷം തരുന്ന കാര്യങ്ങൾ എന്തെങ്കിലും സംഭവിച്ചോ എന്നറിയാനായിരുന്നു അമ്മക്ക് തിടുക്കം
നീ എന്നെ പഠിപ്പിക്കാതെ ശ്യാമിനെ ഒന്നു വിളിച്ചേ ,എന്നിട്ട വരെവിടെ എത്തിയെന്ന് ചോദിക്ക്
ശരത്ത് വിളിക്കാനായി നിന്നപ്പോഴെക്കും ശ്യാമിന്റെ കാറ് വന്നു
ആദ്യം ഇറങ്ങിയത് അഭിയായിരുന്നു
അഭിക്ക് ശരത്തിന്റെയും അമ്മയുടെയും മുഖത്ത് നോക്കാൻ നാണം തോന്നി
ശ്യാമിറങ്ങി
ശരത്ത് അവരുടെ അടുത്തേക്ക് ചെന്നു
ഒരു രാത്രി കൊണ്ട് രണ്ടു പേർക്കും ഒരു വലിയ മാറ്റം വന്നതായി ശരത്തിന് തോന്നി
അമ്മക്ക് അഭിയുടെ മുഖത്തെ സന്തോഷം കണ്ടപ്പോഴെ എല്ലാം മനസ്സിലായി
അമ്മ ഓടി വന്നു അഭിയുടെ കൈയ്യിൽ പിടിച്ചു അമ്മയുടെ കണ്ണ് നിറത്തിട്ടുണ്ടായിരുന്നു
അത് സന്തോഷം കൊണ്ടായിരുന്നു
അമ്മ അവരെ ഹാളിലേക്ക് കൂട്ടികൊണ്ടു പോയി
അഭിയെ കൊണ്ടു നടന്ന് എല്ലാവർക്കും പരിചയപ്പെടുത്തി കൊടുത്തു അമ്മ
മിക്കവരും അഭിയെ ആദ്യമായി കാണുകയായിരുന്നു
ശ്യാം വന്ന് അഭിയെ വന്ന് അഭിയെ വിളിച്ച് കൊണ്ട് പോയി
ശരത്തും അവരുടെ കൂടെ പോകാൻ പോയി
ശരത്തേ..
എന്താമ്മേ .. അമ്മയെന്തിനാ എന്നെ എപ്പോഴും ഇങ്ങനെ വിളിച്ച് കൊണ്ടിരിക്കുന്നത്
നീയെന്തിനാ അവരുടെ വലായി നടക്കുന്നത് ,ഇനി അഭിയുടെ കാര്യങ്ങളൊക്കെ ശ്യാം നോക്കും ,നീയിങ്ങനെ പുറകെ നടന്ന് അവർക്കൊരു ശല്യമാകണ്ട
അമ്മേ …..
നീ വായോ നിനക്ക് പറ്റിയ കൂട്ടുക്കാരെ ഞാൻ കാണിച്ചു തരാം, ശരത്ത് അമ്മയുടെ കൂടെ പോയി
ശ്യാമിനെ കണ്ടിട്ട് ആർച്ചയുടെ അമ്മ സംസാരിച്ചില്ല പക്ഷെ അച്ഛൻ സംസാരിച്ചു
അഭി സുധയെ നോക്കി ചിരിച്ചു
പക്ഷെ അവർ അഭി യെ നോക്കിയത് പോലുമില്ല
കാരണം അഭിയാണ് ശരത്തിന് എല്ലാ കാര്യങ്ങൾക്കും വളം വച്ച് കൊടുക്കുന്നതെന്ന് ആർച്ചപറഞ്ഞിട്ടുണ്ടായിരുന്നു ,അഭി ശ്യാമുമായി സ്നേഹത്തിലായത് അവർക്ക് സഹിച്ചില്ല
ആന്റി എന്റെ മുഖത്ത് പോലും നോക്കിയില്ല
അത് ശരത്ത് ആർച്ചയുമായുള്ള കല്യാണം വേണ്ടന്നു പറഞ്ഞതിലുള്ള ദേഷ്യമാണ്
എന്നാലും നമ്മള് അവരുടെ അടുത്ത് ചെന്നതല്ലേ ,ഞാനവർക്ക് ഒരു ദ്രോഹവും ചെയ്തിട്ടില്ല
താനെന്തിനാ അതിനു വിഷമിക്കുന്നത് അവര് നോക്കിയില്ലെങ്കിൽ വേണ്ട തന്നെ മുഖത്ത് നോക്കാൻ ഞാനില്ലേ ഇപ്പോ
ശ്യാം കുസൃതിയോടെ പറഞ്ഞു
കല്യാണത്തിന് വന്നവരിൽ കല്യാണം എറ്റവും കൂടുതൽ ആസ്വാദിച്ച് ശ്യാമും അഭിയുമായിരുന്നു
തിങ്കളാഴ്ച
ഗൗരി ക്ലാസ്സിലെത്തി
ശരത്ത് സാറിനോട് ഇഷ്ടമാണെന്ന് പറഞ്ഞ കാര്യം ശരണ്യയോട് പറയണോ ,പറഞ്ഞാൽ അവള് ചീത്ത പറയും ,ശരത്ത് സാറിനെ കുറിച്ച് അസ്വഷിച്ചിട്ട് പറയാമെന്നാണ് അവൾ പറഞ്ഞിരുന്നത് , തൽക്കാലം പറയണ്ട ഗൗരി തീരുമാനത്തിലെത്തി
ശരണ്യ വന്നിട്ട് ഗൗരി നോക്കിയത് പോലുമില്ല
സാറിന്റെ കാറിൽ കയറിയതിന്റെ പിണക്കം മാറിയിട്ടില്ലെന്ന് ഗൗരിക്ക് മനസ്സിലായി
പക്ഷെ ഗൗരി പിണക്കമൊന്നും കണക്കിലെടുത്തില്ല ,ശരണ്യയോട് ഒരോ കാര്യങ്ങൾ പറഞ്ഞ് മിണ്ടാൻ ചെന്നു
ശരണ്യ വിട്ടു സംസാരിച്ചില്ല ,സംസാരത്തിനൊക്കെ ഒരു പിടുത്തമുണ്ടായിരുന്നു
ഗൗരിക്ക് വിഷമം തോന്നി ശരണ്യയുടെ പെരുമാറ്റത്തിൽ ,ഇതു പൊലെ ഇതുവരെ ശരണ്യ തന്നോട് പെരുമാറിയിട്ടില്ല
ക്ലാസ്സിൽ ശ്രദ്ധിക്കാനെ തോന്നിയില്ല ഗൗരി
പ്യൂൺ ക്ലാസ്സിലേക്ക് വന്നു ,മിസ്സി നോട് എന്തോ പറഞ്ഞു
ശരണ്യ തന്നെ കണാൻ ആരോ വന്നിട്ടുണ്ടെന്ന്
തന്നെ കണാൻ വന്നത് ആരായിരിക്കും
ശരണ്യയുടെ ചിന്ത അതായിരുന്നു
ആർച്ചയുടെ കൂട്ടുക്കാരി മെറീന ആയിരുന്നു ശരണ്യയെ കണാൻ വന്നത്
മെറീനയെ കണ്ടതും ശരണ്യക്ക് ആളെ മനസ്സിലായി
ഗൗരി പറ്റി അന്വഷിക്കാനായി മുൻപ് ഒരു ദിവസം മെറീന തന്റെ അടുത്ത് വന്നിരുന്നു ,പക്ഷെ ഇപ്പോ എന്തിനായിരിക്കും തന്നെ കണാൻ വന്നത് ,അതും ഈ ക്ലാസ്സ് സമയത്ത്
ശരണ്യയെ കണ്ടപ്പോൾ മെറീന ചിരിച്ചു
ശരണ്യക്ക് എന്നെ മനസ്സിലായോ
മനസ്സിലായി
അന്നത്തെ പോലെ ഒരു ഹെൽപ്പിന് തന്നെയാണ് ഞാനിന്നും വന്നിരിക്കുന്നത്
ചേച്ചി പറയുന്നത് എനിക്ക് മനസ്സിലാവുന്നില്ല എന്നെ കൊണ്ട് ഇനി എന്ത് ഹെൽപ്പ് ആണ് വേണ്ടത്
ഹെൽപ്പ് വേണ്ടത് എനിക്കല്ല എന്റെ ഫ്രണ്ട് ആർച്ചക്കാണ്
ആർച്ച
ആർച്ചയെ അറിയോ ശരണ്യ
ഉവ്വ് ഗൗരി പറഞ്ഞ് അറിയാം
ഗൗരി എന്താ പറഞ്ഞത്
പറഞ്ഞത് ഞാനെന്തിനാ ചേച്ചിയോട് പറയുന്നത് ,ആർച്ചക്ക് എന്ത് ഹെൽപ്പാണ് വേണ്ടത്
ഗൗരി നെ കുറച്ചുള്ള കാര്യങ്ങൾ അറിയണം ,ഗൗരിക്ക് ശരത്തിനോടുള്ള ഇഷ്ടം ഇല്ലാതാക്കണം, ഇത്രയും മതി ഇത് നിനക്ക് ചെയ്യാൻ പറ്റോ
അതൊക്കെ എനിക്ക് പറ്റും ,നിങ്ങളെ ഹെൽപ്പ് ചെയ്താൽ എനിക്കെന്താണ് ഗുണം
അത് നിനക്ക് ആർച്ചയെ പറ്റി അറിയാഞ്ഞിട്ടാണ് ,നീ വിചാരിക്കാത്ത രീതിയിലുള്ള ഗുണമായിരിക്കും നിനക്കുണ്ടാകുന്നത്
ശരി
ആർച്ചക്കും അമ്മക്കും നിന്നെ കാണണമെന്ന് പറഞ്ഞിട്ടുണ്ട് ,നിന്റെ സൗകര്യം പോലെ അവർ നിന്നെ കണാൻ വരും, ഇന്ന് പറ്റോ ,ക്ലാസ്സ് കഴിഞ്ഞിട്ട്
ഇന്നൊന്നും പറ്റില്ല ,ചേച്ചിയുടെ നമ്പർ തായോ ,ഞാൻ വിളിക്കാം
മെറീന നമ്പർ കൊടുത്തു
ഉച്ചക്ക്
ശരണ്യേ ആരാ നിന്നെ കണാൻ വന്നത് നിമിഷ ചോദിച്ചു
അത് പറഞ്ഞാൽ നീയറിയില്ല, എന്റെ റിലേഷനിൽ പെട്ട ഒരു ചേച്ചിയാണ്
അല്ല നിന്നെ കണാൻ ക്ലാസ്സ് ടൈമിൽ വരണ്ട കാര്യമെന്താ
നീയാര പോലീസോ എന്നെ ചോദ്യം ചെയ്യാൻ
ഞാൻ ചോദിച്ചൂന്നുള്ളു അതിന് നീയെന്തിനാ ശരണ്യേ ദേഷ്യപ്പെടുന്നത്
അതിന് മറുപടി പറയാതെ ശരണ്യ അവിടെ നിന്നും എഴുന്നേറ്റു പോയി
ഗൗരി ഇതൊക്കെ കാണുന്നുണ്ടായിരുന്നു
നീയെന്തിനാ നിമിഷ അതൊക്കെ അവളോട് അതൊക്കെ ചോദിക്കാൻ പോയത് ,അവൾക്കിഷ്ടമുണ്ടെങ്കിൽ നമ്മളോട് പറയും
ഗൗരി ഞാൻ പറയുന്നത് കൊണ്ട് നിനക്കൊന്നും തോന്നരുത്
നീ അന്ധമായി ശരണ്യയെ വിശ്വസിക്കരുത് ട്ടോ അത് അവസാനം നിനക്ക് തന്നെ ദോഷമായി വരും
നീ എന്തിനാ നിമിഷേ ഇങ്ങനെയൊക്കെ പറയുന്നത്
ഞാൻ പറഞ്ഞ കാര്യം ഒരിക്കൽ നിനക്ക് മനസ്സിലാവും
ഗൗരി നിമിഷ പറഞ്ഞതിന്റെ അർത്ഥം മനസ്സിലാവാതെ നിമിഷയെ നോക്കി
നിമിഷ അവളുടെ കൈ പിടിച്ച് പതുക്കെ അമർത്തി
*
വൈകുന്നേരം ബാങ്കിൽ നിന്നും ശരത്ത് വന്നപ്പോൾ അമ്മ ശരത്തിന്പായസം കൊടുത്തു
എന്താ വിശേഷം അമ്മേ
അഭി ഉണ്ടാക്കിയതാണ്
എന്താ ഏട്ടത്തി ഇന്ന് വിശേഷം ,ചേട്ടന് ഇഷ്ടമുള്ള പായസം ആണല്ലോ ഉണ്ടാക്കിയിരിക്കുന്നത്
എന്തോ ഒരു ഗൂഢ ഉദ്ദേശം ഉണ്ടല്ലോ
ഒരു ഉദ്ദേശമില്ല
അത് കുടിക്ക് ശരത്തേ ,അഭി നന്നായിട്ട് ഉണ്ടാക്കിയിട്ടുണ്ട്
ഓ …. അച്ഛനെ പായസം കൊടുത്ത് മയക്കിയിരിക്കുകയാണ്
ഇനി ചേട്ടൻ വരുമ്പോൾ കൊടുത്ത് ചേട്ടനെയും ശരിയാക്കുമല്ലേ
ശ്യാമേട്ടൻ വന്നു
ഇത്ര നേരത്തെ യോ ,ഇന്ന് മഴ പെയ്യും ,എന്തായാലും ഏട്ടത്തിയെ സമ്മതിച്ചിരിക്കുന്നു ,ഏട്ടൻ ഷോപ്പ് തുടങ്ങി ഇത്ര നാളായിട്ട് ഒരു ദിവസം പോലും നേരത്തെ വന്നിട്ടില്ല ,അത് എട്ടത്തിക്ക് ഒരു ദിവസം കൊണ്ട് സാധിച്ചല്ലോ
ശരത്ത് പറഞ്ഞപ്പോൾ അ ഭി ക്ക് നാണം തോന്നി
എന്താടാ നീ ഏട്ടത്തിയമ്മയെ കളിയാക്കുകയാണോ
അല്ല ചേട്ടാ ….., ചേട്ടനിങ്ങനെ മാറുമെന്ന് ഞാൻ ഒരിക്കലും കരുതിയില്ല
എന്നാൽ അടുത്ത കാര്യം കേൾക്കുമ്പോൾ നീ ഒന്നു കൂടി ഞെട്ടും നാളെ മുതൽ അഭിയും ഷോപ്പിൽ വരുന്നുണ്ട് ,ഇവിടെ വെറുതെയിരിരുന്നു ബോറടിക്കല്ലേ
രണ്ടു പേരും കൂടിയുള്ള പ്ലാൻ ആണ് ,അല്ല ഇത്രനാളും അഭിഏട്ടത്തിക്ക് ഇവിടെ ഇരുന്നിട്ട് ബോറടിച്ചോ
അതല്ല ശരത്തേ …….
അയ്യോ ഉരുളണ്ട ഏട്ടത്തി ,നിങ്ങള് രണ്ടു പേരും സന്തോഷമായിരിക്കുന്നതാണ് ഞങ്ങൾക്കും സന്തോഷം
കാലത്ത് ഞാൻ അഭിയെ കൊണ്ടു പോകാം ,വൈകീട്ട് നീ വരുമ്പോൾ അഭി കൊണ്ടുവരണം
അപ്പോ അതിൽ എനിക്കും ഒരു പണിയുണ്ട്
ഭാര്യയും ഭർത്താവും കൊള്ളാട്ടോ
ഞാൻ വരുമ്പോൾ നേരം വൈകുമല്ലോ അതു കൊണ്ടാണ്
എന്റെ ഏടത്തി നിങ്ങളിപ്പോ പോകണ്ടത് ഷോപ്പിലേക്കല്ല ചേട്ടനെ വിളിച്ചോണ്ട് എവിടെക്കെങ്കിലും ഒരു ട്രിപ്പ് പോ അല്ലാതെ ബോധമില്ലാത്ത കെട്ടിയവൻ പറയുന്നത് കേട്ടിട്ടിട്ട് ഷോപ്പിലേക്ക് പോവാതെ ശ്യാം കേൾക്കാതെ ശരത്ത് അഭിയോട് പറഞ്ഞു
പോടാ ….. മൂത്തവരെ കളിയാക്കുന്നോ
റൂമിലെത്തി ശരത്ത് ഗൗരിയെ വിളിച്ചു
താനെന്താളാണ് ,തനിക്കെന്നെപ്പറ്റി വല്ല ചിന്തയുണ്ടോ
ഞാൻ …
തനിക്ക് സംസാരിക്കാൻ ബുദ്ധിമുട്ടുണ്ടോ എങ്കിൽ ഞാൻ കോള് കട്ട് ചെയ്യാം
വേണ്ട എനിക്ക് സംസാരിക്കാൻ പറ്റും
ഇയാള് എന്നെ പറ്റി ഓർക്കാറുണ്ടോ ,ഞാൻ വിചാരിച്ചു താൻ ഒരു മെസ്സേജ് എങ്കിലും സെന്റ് ചെയ്യുമെന്ന്, വേറെ വല്ല പെൺകുട്ടികളായിരുന്നെങ്കിൽ മെസ്സേജിന്റെ പെരുമഴ ആയേനെ
മെസ്ലേജ് അയച്ചാൽ മാത്രം ഓർക്കുന്നുള്ളു എന്നില്ലല്ലോ
അതല്ലടോ ഇടക്ക് ഫോണെടുത്തു നോക്കുമ്പോൾ നമ്മുക്ക് ഇഷ്ടമുള്ളവരുടെ മെസ്സേജ് ഉണ്ടെങ്കിൽ അതൊരു സന്തോഷമല്ലേ
ഈ രണ്ടു ദിവസവും തന്റെ മെസ്സേജ് പ്രതീക്ഷിച്ചു
ഇനി ഞാൻ ചെയ്യാട്ടോ
ചെറിയ കൊഞ്ചലോടെയാണ് ഗൗരി അത് പറഞ്ഞത്
ഞാനെ തന്റെ വീട്ടിലേക്ക് വരട്ടേ
അയ്യോ … വേണ്ട എനിക്ക് പേടിയാണ്
പൊട്ടിക്കാളി ഞാനിപ്പോ വരുന്ന കാര്യമല്ല പറഞ്ഞത് ,തന്റെ അച്ഛനോടും അമ്മയോടും നമ്മുടെ കാര്യം പറയുവാൻ വേണ്ടിയിട്ട് ,എന്നിട്ട് വേണം എനിക്ക് വീട്ടിൽ പറയാൻ
എന്നെ പറ്റി അച്ഛനെന്തു വിചാരിക്കും ,
എന്തു വിചാരിക്കാൻ ,അച്ഛന് സന്തോഷമാവും ഇത്രയും സുന്ദരനും സൽസ്വഭാവിയുമായ മരുമകനെ കിട്ടുമ്പോൾ
എന്തായാലും ഇപ്പോ പറയണ്ട ,കുറച്ച് കഴിഞ്ഞിട്ട് പറഞ്ഞാൽ മതി
ശരി താൻ പറയുന്നത് പോലെ ചെയ്യാം ,
പിന്നെ തന്റെ കട്ടുറുമ്പ് കൂട്ടുക്കാരി എന്ത് പറയുന്നു
ശരണ്യക്കിപ്പോ എന്നോട് ഭയങ്കര ദേഷ്യമാണ് അധികം സംസാരിക്കാറില്ല
അത് ആ കട്ടുറുമ്പിന് നല്ല അസൂയയാണ് തന്നോട് ,താനൊന്ന് സൂക്ഷിച്ചൊ നമ്മുക്കിടയിൽ എന്തെങ്കിലും പ്രശ്നമുണ്ടാക്കാൻ ആള് ശ്രമിക്കും
ശരണ്യയെ കുറിച്ച് അങ്ങനെയൊന്നും പറയരുത് ട്ടോ ,ആ എടുത്ത് ചാട്ടമുണ്ടെന്ന് മാത്രമുളളു അവളൊരു പാവമാണ്
മൂക്കുത്തി തന്റെ വിശ്വാസം തന്നെ രക്ഷിക്കട്ടേ
എന്താ…. എന്താ വിളിച്ചത് മൂക്കുത്തിയെന്നോ
അതെ തനെന്റ മൂക്കുത്തിയല്ലേ
എന്നിട്ട് അന്ന് പറഞ്ഞത് മൂക്കത്തിയിട്ടവർക്ക് പാണ്ടി ലുക്കാണെന്നല്ലേ പറഞ്ഞത് ഗൗരി കപട ദേഷ്യത്തോടെ പറഞ്ഞു
ഒരു പൊട്ടി ചിരിയായിരുന്നു ശരത്തിന്റെ മറുപടി
*
രണ്ടു ദിവസം കഴിഞ്ഞ് മെറീന ശരണ്യയെ വിളിച്ചു
ആർച്ചക്ക് തന്നെ അത്യാവശ്യമായി കാണണമെന്ന്
ഇന്ന് എനിക്ക് പറ്റില്ല, അവരു പറയുമ്പോൾ ഞാനവരെ ചെന്ന് കണാൻ ഞാൻ ആർച്ചയുടെ വാല്യക്കാരിയൊന്നുമല്ലല്ലോ
പിടച്ചതിനെക്കാൾ വലുതാണല്ലോ അളയിൽ മെറീന മനസ്സിൽ വിചാരിച്ചു
ആവശ്യക്കാരി ആർച്ചയായിപ്പോയില്ലേ
ഇന്നല്ല നാളെ തന്റെ ക്ലാസ്സ് കഴിഞ്ഞിട്ട് മതി ,സിറ്റിയിൽ പുതുതായി ആരംഭിച്ച റെസ്റ്റോറന്റ് ഇല്ലേ അവിടെ വന്നാൽ മതി
ഞങ്ങളുണ്ടാവും അവിടെ
ഞാൻ വരാം
എനിക്ക് അധികം നേരം നിൽക്കാനൊന്നും പറ്റില്ലാട്ടോ
വേണ്ട ഒരഞ്ചു മിനിട്ട് മതി
എന്നാ നാളെ കണാം മെറീന ഫോൺ വച്ചു
ശരണ്യക്ക് ഒരു മനസാക്ഷി കുത്ത് തോന്നി ,ഗൗരിക്കെതിരെ താൻ തിരിയുന്നത് , ആർച്ചയുമായി കൂടി ഗൗരിയുടെയും ശരത്ത് സാറിന്റെയും ബന്ധം അവസാനിപ്പിക്കണം ,ഒരിക്കലും ചെയ്യാൻ പാടില്ലാത്ത കാര്യമാണ് പക്ഷേ തനിക്കത് ചെയ്തേ പറ്റൂ ,ഈ കാര്യത്തിൽ താൻ ആർച്ചയുടെ കൂടെയാണ്, ഈ കാര്യത്തിലെങ്കിലും തനിക്ക് ജയിക്കണം
പിറ്റെ ദിവസം
ശരത്തേ …..
എന്താ സാർ
താൻ എന്റെ കൂടെ ഒന്നു വരണം
എവിടെക്കാണ് സാർ
എന്റെ കൂട്ടുക്കാരൻ ഇവിടെ ഒരു റെസ്റ്റോറൻറ് തുടങ്ങിയിട്ടുണ്ട് ,എന്നു വിചാരിക്കും ഒന്നു പോകണമെന്ന് ,ഇന്നലെ അവൻ വിളിച്ചിട്ട് പറഞ്ഞു ഇന്ന് എന്തായാലും ചെല്ലണമെന്ന് ,താനും കൂടിയുണ്ടെങ്കിൽ എനിക്കൊരു കൂട്ടാവുമല്ലോ
ഞാൻ വരാം സാർ ഒരു ചായയുടെ കാര്യമല്ലേ
ശരത്ത് മാനേജറുടെ കൂടെ പോയി
ശരണ്യ ചെല്ലുമ്പോൾ മെറീന പുറത്ത് അവളെ കാത്ത് നിൽക്കുന്നുണ്ടായിരുന്നു
ഞാൻ വൈകിയോ
ഇല്ല അവരിപ്പോ വന്നതേയുള്ളൂ
താൻ വായോ
മെറീന ശരണ്യയെ ആർച്ചയുടെയും അമ്മയുടെയും അടുത്തേക്ക് കൊണ്ടുപോയി
ആർച്ച അവളെ കണ്ട് ഒന്നു ചിരിച്ചെന്ന് വരുത്തി ,സുധ അവളെ കണ്ട ഭാവം നടിച്ചില്ല
ശരണ്യ ഇരിക്ക്
ആർച്ച ഒരു സർപ്പസുന്ദരിയാണെന്ന് ശരണ്യക്ക് തോന്നി
ശരണ്യ ഇരുന്നു
കുറച്ച് ആരും ഒന്നും മിണ്ടിയില്ല
ശരണ്യ പുറത്തേക്ക് നോക്കിയിരുന്നു ,അവരുടെ ആവശ്യമല്ലേ അവരാദ്യം മിണ്ടട്ടെയെന്ന മട്ടിൽ
ഒരു കാറ് വന്ന് നിൽക്കുന്നത് കണ്ടു
അതിൽ നിന്നും ഇറങ്ങിയ ആളെ കണ്ട് ശരണ്യ ഞെട്ടി
ശരത്തായിരുന്നു അത്
തുടരും
മുൻഭാഗങ്ങൾക്കായി ഈ ലിങ്കിൽ പോവുക
രജിത പ്രദീപ് എടയാട്
ഇവിടെ കൂടുതൽ വായിക്കുക
അക്ഷരത്താളുകൾ പ്രസിദ്ധീകരിച്ച എല്ലാ നോവലുകളും വായിക്കുക
അക്ഷരത്താളുകൾ പ്രസിദ്ധീകരിച്ച എല്ലാ കഥകളും വായിക്കുക
About Author
Unlock Your Imagination: Start Generating Stories Now! Generate Stories
Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook
പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം
Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now
©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission