ശരത്ത് സാറ് …..
ശരണ്യ പതുക്കെ പറഞ്ഞു
എവിടെ ,ആർച്ചക്ക് വെപ്രാളമായി
അവനെന്താ ഇവിടെ
മമ്മി ഇനിയിപ്പോ നമ്മൾ എന്തു ചെയ്യും
അവൻ വന്നാൽ നമ്മുക്കെന്താ ,നമ്മളെന്തിനാ പേടിക്കുന്നത്, സുധക്ക് ഒരു കുലുക്കമുണ്ടായിരുന്നില്ല
അതല്ല ആന്റി നമ്മുടെയൊപ്പം ശരണ്യയെ ശരത്ത് കണ്ടാൽ ശരണ്യക്കത് പിന്നീട് പ്രശ്നമാകും
എന്തായാലും അവൻ നമ്മളെ കണ്ടിട്ടില്ല ,നമ്മുക്കിവിടെ നിന്ന് മാറിയിരിക്കാം മമ്മി,അവൻ പോയിട്ട് വരാം ,ഇയാളിവിടെ ഇരിക്കട്ടെ
ആർച്ച ഒരു രണ്ടായിരത്തിന്റെ നോട്ടെടുത്ത് ശരണ്യക്ക് കൊടുത്തു
അഥവാ എന്തെങ്കിലും കാരണവശാൽ നമ്മുക്കിന്ന് സംസാരിക്കാൻ കഴിഞ്ഞില്ലെങ്കിൽ താൻ ഫുഡ് കഴിച്ച് തിരിച്ച് പോക്കോ പിന്നൊരു ദിവസം കണാം
ആർച്ചയും അമ്മയും മെറീനയും കൂടി ശരണ്യയുടെ അടുത്ത് നിന്ന് മാറിയിരുന്നു
അവർ മാറിയിരുന്ന് കഴിഞ്ഞാണ് ശരത്ത് ശരണ്യയെ കണ്ടത്
താനെന്താ ഇവിടെ
ഞാനൊരാളെ കണാൻ വന്നതാണ്
ഇവിടെ വന്ന് കണാൻ തക്ക ആരാണത്
അതൊക്കെയുണ്ട് സാറെന്തിനാ ഇതൊക്കെ അറിയുന്നത് സാറ് ഗൗരിയുടെ കാര്യം അന്വഷിച്ചാൽ മതി ,അവളുടെ കൂട്ടുക്കാരുടെ കാര്യങ്ങൾ അന്വേഷിക്കണ്ട ആവശ്യം സാറിനില്ല
ഞാൻ വേറെ ഒന്നും കൊണ്ടു ചോദിച്ചതല്ല ,ഇത്രയും വലിയ ഈ റെസ്റ്റോറൻറിൽ തന്നെകണ്ടപ്പോൾ ചോദിച്ചതാണ്
അതെന്താ വലിയ റെസ്റ്റോന്റിൽ എനിക്ക് വന്നൂടെ
വന്നൂ കൂടാ എന്ന് ഞാൻ പറഞ്ഞില്ല ,താൻ ഒറ്റക്ക് വന്നത് കൊണ്ട് ചോദിച്ചതാണ് ,ഇനി അങ്ങനെ ചോദിച്ചത് തെറ്റായെങ്കിൽ ക്ഷമിക്കുക
എന്ന് പറഞ്ഞ് ശരത്ത് പോയി
അവൻ കാറിൽ കയറി എന്ന് ഉറപ്പായതിന് ശേഷമാണ് ശരണ്യ അവരെ വിളിച്ചത്
ശരത്തിന് വരാൻ കണ്ട സമയം ,നമ്മുക്ക് നാളെ വന്നാൽ മതിയായിരുന്നു മമ്മി
അവൻ ഈ നേരത്ത് വരുമെന്ന് നമ്മളറിഞ്ഞോ
എനിക്ക് പോകണം പറയാനുള്ളത് വേഗം പറയണം
ശരണ്യ എന്തു വിധേനെയെങ്കിലും ഗൗരിയെ ഇതിൽ നിന്നും പിൻതിരിപ്പിക്കണം, ഈ ബന്ധം മുന്നോട്ട് പോകരുത് , ഗൗരിയുടെ ഫോൺ ശരണ്യക്ക് ഉപയോഗിക്കാൻ പറ്റു മല്ലോ
അതൊക്കെ പറ്റും
അതിൽ നിന്നും മെസ്സേജ് അയക്കാലോ
എന്തിന് മെസ്സേജ് അയക്കണം
അത് ഗൗരിക്ക് ഇഷ്ടമല്ലെന്ന മട്ടിലൊക്കെ അയക്കണം ഗൗരിയാണെന്ന മട്ടിൽ
നോക്കാം
നോക്കിയാൽ പോരാ നീ ചെയ്യണം ,ഗൗരിയും ശരത്തും രണ്ടു വഴിക്കായിൽ നീ ചോദിക്കുന്നതെന്നും
നിനക്ക് ഞങ്ങൾ തരും, എന്റെ മോളുടെ ആഗ്രഹം നടക്കണം അതാണ്
ഇക്കാര്യത്തിൽ എന്റെ ഫുൾ സപ്പോർട്ട് ഉണ്ടാവും
എന്നാൽ ശരണ്യ പൊക്കോ, ഞാൻ ഇടക്ക് വിളിക്കാം
*
ശരണ്യ ബസ്സ് സ്റ്റോപ്പിലെക്ക് നടന്നു
ശരണ്യ…
ശരണ്യ തിരിഞ്ഞ് നോക്കി
ശരത്ത് സാറ്
താനെന്താ പേടിച്ച് പോയോ,
ഇത്ര വേഗം തനിക്ക് കണാനുള്ള ആള് വന്നോ
വന്നു
ആർച്ചയും അമ്മയുമല്ലേ തന്നെ കണാൻ വന്നത്
ശരണ്യ അമ്പരപ്പോടെ ശരത്തിനെ നോക്കി
താനെന്താ ന്തെട്ടിയത് ,
ഞാനെന്തിനാ ഞെട്ടുന്നത് ,സാറിപ്പറഞ്ഞ ആർച്ചയെയും അമ്മയെയും എനിക്കറിയില്ല ഞാനവരെ കണാൻ വന്നതല്ല
ശരണ്യ പഠിച്ച കള്ളിയാണെന്ന് ശരത്തിന് മനസ്സിലായി ,ഇവളെ യാണല്ലോ മൂക്കുത്തി കൂട്ടുക്കാരിയായി കൊണ്ടു നടക്കുന്നത്
ശരത്ത് ഫോണെടുത്തു, അവരെല്ലാവരും ഇരിക്കുന്ന ഒരു ഫോട്ടോ കാണിച്ച് കൊടുത്തു
ഇത് താനല്ലേ തന്റെ കൂടെയിരിക്കുന്നത് ആരാ
എനിക്കിവരെ അറിയാം എന്റെ റിലേഷൻ ആണ് ,താനറിയാത്തവരോടാണോ ഇത്ര നേരം സംസാരിച്ചിരുന്നത്
അവര് അവിടെ വന്നിരുന്നതാണ്
എന്തിനാ ശരണ്യേ താനിങ്ങനെ നുണ പറയുന്നത് ,തനിത്രക്കുമൊക്കെ ചെയ്യാൻ മാത്രം ഗൗരി തന്നോട് എന്ത് ദ്രോഹമാണ് ചെയ്തത്
ഞാൻ നുണ പറയാറില്ല
താനെന്തിനാ തല കുമ്പിട്ടു നിൽക്കുന്നത് അതു തന്നെ ഒരു കള്ള ലക്ഷണമാണ് തന്റെ ഭാഗത്ത് തെറ്റില്ലെങ്കിൽ താൻ എന്റെ മുഖത്ത് നോക്കി സംസാരിക്ക്
ഗൗരി എന്നോട് ഒരു ദ്രോഹം ചെയ്തിട്ടില്ല
ആർച്ചയുമായുള്ള കൂട്ട് നല്ലതിനല്ല ,അത് ആദ്യം താൻ മനസ്സിലാക്ക്, ആർച്ച ആർക്കും നല്ലത് ചെയ്യില്ല
സാറ് പിന്നെയും എന്തിനാ അതു തന്നെ പറയുന്നത് ,അവരെ ഞാനറിയില്ല
ശരണ്യേ എന്നോടിങ്ങനെ നുണ പറയരുത് ,എന്റെ ആരെങ്കിലുമായിരുന്നെങ്കിൽ ചെവിക്കല്ല് ഞാൻ അടിച്ച് തെറിപ്പിച്ചേനെ
ശരണ്യ ശരത്തിനെ നോക്കി
താനെന്താ വിചാരിച്ചത് ഞാൻ നിങ്ങളെ കണ്ടില്ലന്നോ ,ഞാൻ കയറി വന്നപ്പോഴെ നിങ്ങളെ കണ്ടു ,പിന്നെ ഞാൻ കണാത്ത മട്ടിൽ ഇരുന്നതാണ്,
പിടിക്കപ്പെട്ടു വെന്ന് ശരണ്യക്ക് മനസ്സിലായി
തന്നോടെനിക്കിപ്പോ പുച്ഛം മാത്രമാണ് ,താനൊരു നല്ല ധൈര്യശാലിയായ പെൺകുട്ടിയാണെന്നാണ് ഞാൻ കരുതിയിരുന്നത് ,ഗൗരിയെ പോലൊരു പെൺകുട്ടിക്ക് താൻ നല്ല സപ്പോർട്ടാണെന്നാണ് ഞാൻ വിചാരിച്ചിരുന്നത് ,എന്നിട്ട് താനിപ്പോ കാണിക്കുന്നതെന്താണ് അവളെ ദ്രോഹിക്കാൻ വേണ്ടി ശത്രു പക്ഷത്ത് ചേർന്നിരിക്കുന്നു,
ഞാൻ ആരുടെ കൂടെ ചേരണമെന്നത് എന്റെ ഇഷ്ടം ആണ്
ശരി താൻ ചേർന്നോ അതിനു മുൻപ് ഒരു കാര്യം എനിക്ക് ചെയ്യാനുണ്ട്
ശരത്ത് ഫോണിൽ നിന്നും ഗൗരിയെ വിളിച്ചു
ഫോൺ സ്പീക്കറിലിട്ടു
ഹലോ…., താൻ വീട്ടിലെത്തിയോ
ഇല്ല .ബസ്സിറങ്ങി വീട്ടിലേക്ക് നടക്കുകയാണ് ,വീട് എത്താറായി എന്താ സാർ
ഞാനിപ്പോ തന്റെ കൂട്ടുക്കാരി ശരണ്യയെ കണ്ടു ,
സാറിപ്പോ ഹോസ്പിറ്റലിൽ ആണോ ,ശരണ്യ യുടെ അച്ഛമ്മ ഹോസ്പിറ്റിൽ ഉണ്ട് ആളെ കണാൻ വന്നതാണ് അവൾ
ഞാൻ കണ്ടത് ഹോസ്പിറ്റലിൽ വച്ചല്ല കണ്ടത് ,ഇവിടത്തെ ഒരു റെസ്റ്റോറന്റിൽ വച്ചാണ് കൂടെ ആർച്ചയും അമ്മയും ഉണ്ടായിരുന്നു
സാറിന് ആള് മാറിപ്പോയതാ ,അത് ശരണ്യ ആയിരിക്കില്ല ,
അതെ ഞാൻ കണ്ടതാണ്
അത് ശരണ്യ ആയിരിക്കില്ല ,പിന്നെ അവൾക്ക് ആർച്ചയെ പറ്റി അറിയാം ,ആർച്ചയെ കണാനോ സംസാരിക്കാനോ ഒരിക്കലും ശരണ്യ പോവില്ല
ശരി തന്റെ വിശ്വാസം തന്നെ രക്ഷിക്കട്ടെ എന്ന് പറഞ്ഞ് ശരത്ത് കോള് കട്ട് ചെയ്തു
താൻ കേട്ടോ തന്റെ കൂട്ടുക്കാരി പറഞ്ഞത് ,എന്നെക്കാൾ വിശ്വാസം ഗൗരിക്ക് തന്നോടാണ് ,ആ ആളെയാണ് താൻ ഇന്നലെ കണ്ട ആർച്ചയുടെ കൂടെ ചേർന്ന് തോൽപ്പിക്കാൻ നോക്കുന്നത്, ഇങ്ങനെ കൂടെ നിന്ന് ചതിക്കുന്നതിലും ഭേദം താൻ ഗൗരിയെ കൊന്നു കളയുന്നതാണ് ,തന്നെ പോലെ ഒരു വിഷവിത്തിന്റെ കൂട്ട് ഗൗരിക്കിനി വേണ്ട ,
ശരണ്യയുടെ കണ്ണ് നിറഞ്ഞിരുന്നു
താനും ആർച്ചയും കൂടി എന്തു തന്നെ ചെയ്താലും എനിക്ക് ജീവനുണ്ടെങ്കിൽ ഞാൻ ഗൗരിയെ വിവാഹം കഴിച്ചിക്കും
*
മമ്മി …… നമ്മള് ആ ശരണ്യയെ മാത്രം നോക്കി കൊണ്ടിരിന്നിട്ട് മാത്രം കാര്യമില്ല ,
അതെനിക്കറിയാം ആർച്ചേ, അതൊക്കെ നീ എനിക്ക് വിട്ടേക്ക്
ആ അഭി ക്ക് കൂടി ഒരു പണി കൊടുക്കണമായിരിരുന്നു ,ശ്യാമേട്ടനോട് സ്നേഹമായപ്പോൾ അവൾക്ക് അഹംങ്കാരം കൂടി ,അവളങ്ങനെ സന്തോഷിച്ച് കഴിയണ്ടാ
ഞാനും അത് ശ്രദ്ധിച്ചിരുന്നു ,കല്യാണത്തിന് വന്നപ്പോഴത്തെ അവളുടെ ഗമ
എന്താ മമ്മിയും മോളും കൂടി ഒരു ഗൂഢാലോചന
ഒന്നുമില്ല ഡാഡി
ശരത്തിനെതിരെ വല്ല പ്ലാനുമാണോ
അല്ല
ശരത്തിനെ അവന്റെ പാട്ടിന് വിട്ടേക്ക് ,അവനെതിരെ നിങ്ങൾ തിരിയണ്ട
ദേവേട്ടൻ എന്തറിഞ്ഞിട്ടാണ് ഈ പറയുന്നത് ,അല്ലെങ്കിലും ദേവേട്ടന് വലുത് ഞാനും മകളും അല്ലല്ലോ അവരല്ലേ, നല്ല അച്ഛനായിരുന്നെങ്കിൽ എന്തു വില കൊടുത്തും മോളുടെ ഇഷ്ടം നടത്തി കൊടുത്തേനെ
സുധേ പണം കൊണ്ട് എല്ലാം വാങ്ങമെന്ന് നീ കരുതരുത് ,മനസ്സും അതിലുള്ള ഇഷ്ടമൊന്നും പണം കൊടുത്ത് വാങ്ങാൻ കഴിയില്ല ,അത് നീയൊന്ന് മനസ്സിലാക്ക്
നിങ്ങളുടെ മനസ്സിലിരിപ്പ് എനിക്കറിയാം
എഴുതാപ്പുറം വായിക്കണ്ട സുധേ ,ആക്കാര്യം കഴിഞ്ഞു ,ശരത്ത് അവന്റെ അഭിപ്രായം പറഞ്ഞു ,ഇനി നീ ഒരോന്ന് പറഞ്ഞ് മോൾക്ക് വിഷം കുത്തിവക്കണ്ട
ആര് വിഷം ത്തി വച്ചൂന്നാണ് ദേവേട്ടൻ പറയുന്നത്
നിങ്ങളുടെ രണ്ടു പേരുടെയും ഉദ്ദേശം എനിക്കറിയാം ,എന്റെ അടുത്ത് പൊട്ടൻ കളിക്കണ്ട
എന്താ ആർച്ച ശരത്തിനെ വിവാഹം കഴിച്ചാൽ കുഴപ്പം
ഇഷ്ടമില്ലാത്തതെന്തിനാ എന്തിനാ പിടിച്ചു വാങ്ങുന്നത്
വാങ്ങിയാൽ എന്താ പ്രശ്നം ,ശരത്ത് ആർച്ചയുടെ സഹോദരനാണോ ,ബന്ധം നോക്കുകയാണെങ്കിൽ അവന്റെ അമ്മ നിങ്ങളുടെ മുറപ്പെണ്ണാണല്ലോ അങ്ങനെ എന്തെങ്കിലും
സുധ പറഞ്ഞത് ദേവന് സഹിക്കാവുന്നതിനപ്പുറമായിരുന്നു
സുധയുടെ മുഖത്ത് പരിഹാസമായിരുന്നു
ദേഷ്യം കൊണ്ട് ദേവന്റെ കണ്ണുകൾ ചുവന്നു
സുധയുടെ ഇരു കവിളത്തും മാറി മാറി അടിച്ചാണ് ആ ദേഷ്യം അയാൾ തീർത്തത്
ആർച്ച തടഞ്ഞത് കൊണ്ടാണ് അടി ദേവൻ നിറുത്തിയത്
നിങ്ങളെന്നെ തല്ലിയല്ലേ ,ഇത്രയും നാൾ ഒരടി പോലും നിങ്ങളെന്നെ അടിച്ചിട്ടില്ല സുധ കലിപ്പോടെ പറഞ്ഞു
അതാണ് നീ ഇങ്ങനെ ആയത് ,അന്നേ നിന്നെ തല്ലി അടക്കിയിരുന്നെങ്കിൽ നമ്മുടെ മോളെങ്കിലും രക്ഷപ്പെട്ടെനെ ,ഇനി തല്ലാൻ എനിക്ക് മടിയില്ല, നിങ്ങളെ ശരിക്കാൻ പറ്റോന്ന് ഞാനൊന് നോക്കട്ടെ
ഡാഡി മമ്മിയെ തല്ലിയത് ശരിയായില്ല
അടുത്തത് നിനക്കാണ്, മമ്മിയുടെ കൂടെ കൂടി ഒരോ ദുഷ്ടത്തരത്തിന് പോകുന്നതിന് മുൻപ് ഇത് ഓർത്ത് വച്ചോ
*
വീട്ടിലെത്തി ശരത്ത് ഗൗരിയെ ഒന്നു കൂടി വിളിച്ചു
ഗൗരി ഞാനിനി പറയുന്ന കാര്യങ്ങൾ തനിക്കിത്തി രി സങ്കടമുണ്ടാക്കുന്നതാണ്
എന്താ സാർ ..
ഞാൻ കണ്ടത് ശരണ്യയെ തന്നെയാണ് ,നമ്മുടെ ഇഷ്ടം ഇല്ലാതാക്കാൻ വേണ്ടി ആർച്ച കൂട്ടുപിടിച്ചിരിക്കുന്നത് ശരണ്യയെ ആണ്
ഇല്ല സാർ ശരണ്യ അങ്ങനെ ചെയ്യില്ല ,സാറിനെ ആണോ തെറ്റിദ്ധരിപ്പിച്ചിരിക്കുന്നതാണ്
ഗൗരി …. താൻ ഞാൻ പറയുന്നത് വിശ്വസിക്കില്ല എന്നറിയാം എന്നാലും അതാണ് സത്യം ,ഞാനെന്റെ കണ്ണു കൊണ്ട് കണ്ട കാര്യമാണിത്
എനിക്ക് വിശ്വസിക്കാൻ കഴിയുന്നില്ല ,
ശരത്ത് റെസ്റ്റോറന്റിൽ വച്ചുണ്ടായാ കാര്യങ്ങൾ പറഞ്ഞു ,പിന്നെ നിമിഷ പറഞ്ഞ കാര്യങ്ങളും
ഇനിയും തനിക്ക് വിശ്വാസമായില്ലെങ്കിൽ ,റെസ്റ്റോറന്റിൽ വച്ചെടുത്ത ഫോട്ടോയും ,നിമിഷ എന്നോട് സംസാരിച്ചതിന്റെ കോൾ റെക്കോഡിംഗും ഞാൻ തനിക്ക് സെന്റ് ചെയ്യാം
ഗൗരിയുടെ ഭാഗത്ത് നിന്ന് മറുപടി ഉണ്ടായില്ല
തനിക്കിത് ഒരു ഷോക്കായിരിക്കുമെന്ന് എനിക്കറിയാം ,തന്നോട് പറയണ്ടാന്ന് ഞാൻ കരുതിയതാണ് പക്ഷെ കാര്യങ്ങൾ ഇത്രത്തോളമെത്തിയ സ്ഥിതിക്ക് തന്നോട് പറയാതിരുന്നത് ശരിയല്ല എന്ന് തോന്നി
ഗൗരി …… ഞാൻ പറയുന്നത് താൻ കേൾ ക്കുന്നുണ്ടോ
ഗൗരി കരയുകയായിരുന്നു
താൻ കരയുകയാണോ
ഗൗരിയിൽ നിന്നും മറുപടി കേൾക്കാതായപ്പോൾ ശരത്ത് ചോദിച്ചു
താനെന്തിനാ കരയുന്നത് ,ഇപ്പോഴെങ്കിലും തനിക്ക് മനസ്സിലായല്ലോ ശരണ്യ ആരാണെന്ന്
ശരണ്യ ….. അവള് ഇങ്ങനെ ചെയ്യുമെന്ന് ഞാൻ സ്വപ്നത്തിൽ പോലും കരുതിയിട്ടില്ല ,സാറിനറിയില്ല ഞാനും ശരണ്യയും എങ്ങനെ ആയിരുന്നെന്ന് ,ശരണ്യ കൂടെയുണ്ടെങ്കിൽ എനിക്ക് എവിടെക്കും പോകാൻ ഒരു പേടിയുമില്ല ,കാരണം എനിക്കും എന്റെ വീട്ടുക്കാർക്കും അവളെ അത്രക്കും വിശ്വസമായിരുന്നു
ആയിരിക്കാം ഒരാൾക്ക് മാറാൻ അത്രക്ക് സമയമൊന്നും വേണ്ട
ചില നേരത്ത് അവളെന്റെ അമ്മയാവും ആങ്ങളയാവും ,എന്നെ ആര് എന്ത് പറഞ്ഞാലും അതിന് മറുപടി കൊടുക്കുന്നത് ശരണ്യ ആയിരിക്കും ,അങ്ങയൊക്കെ ചെയ്യുന്ന ആള് പെട്ടെന്നിങ്ങനെ മാറി എന്നറിഞ്ഞപ്പോൾ എനിക്കത് ഉൾകൊള്ളാൻ കഴിയണില്ല ,മനസ്സ് പൊട്ടി പോകുന്നത് പോകുന്നത് പോലെ എന്റെ ശരണ്യക്കിങ്ങനെയൊക്കെ ചെയ്യാൻ കഴിയോ
മറ്റുള്ളവരുടെ കൂടെ ചേർന്ന് എന്നെ ദ്രോഹിക്കാൻ ……
ഗൗരി താന്നൊന്നു റിലാക്സ് ആവ് ,താനെന്തിനാ ഇങ്ങനെ വിഷമിക്കുന്നത് ,താനിയെങ്കിലും കുറച്ച് ബോൾഡ് ആവ് ,താനാദ്യം നല്ലതും ചീത്തയും തിരിച്ചറിയാൻ പഠിക്ക് ,പുറം വെളുത്ത് ഉള്ള് കറുത്തിരിക്കുന്ന ആളുകളെ നമ്മുക്കെന്തിനാ കൂട്ടുക്കാരായിട്ട്,
താൻ വിഷമിക്കണ്ടാട്ടോ തനിക്ക് ഞാനില്ലേ,
ശരത്തേ …..
ഗൗരി അമ്മ വിളിക്കുന്നുണ്ട് ,ഞാൻ രാത്രി വിളിക്കാട്ടോ
എന്താ അമ്മേ ….
അഭി എവിടെ ,നിന്നോട് അഭിയെ കൊണ്ടുവരണമെന്ന് പറഞ്ഞിട്ടുണ്ടായിരുന്നില്ലേ
അയ്യോ അമ്മേ ഏട്ടത്തിയുടെ കാര്യം ഞാൻ മറന്നു
നീ മറക്കും നിനക്കിപ്പൊ ഇത്തിരി മറവി കൂടുന്നുണ്ട് ,നീ പോയി അഭീനെ കൊണ്ടു വായോ
ഇനി ഇത്ര സമയമായില്ലേ അമ്മേ എട്ടത്തി ചേട്ടന്റെ കൂടെ വരും
ശരത്തേ നീ കളിക്കാതെ പോയി അഭീനെ കൊണ്ടു വായോ ,അത് കാലത്ത് പോയതാണ് ,ശ്യാം വിളിച്ചിരുന്നു
അമ്മ ഒന്നു നിറുത്ത് ഞാൻ പോയി ഏട്ടത്തിയെ കൊണ്ടു വരാം
നീ ചായ കുടിച്ചിട്ട് പോയാൽ മതി
ചായ എനിക്ക് വേണ്ട ,അമ്മേടെ മോളെ കൊണ്ടു വന്നിട്ട് ചായ മതി
അതെ അഭി എന്റെ മോള് തന്നെയാണ് ,
അങ്ങനെയാണെങ്കിൽ എന്റെ ഭാര്യയും അമ്മയുടെ മോളല്ലെ
നിന്റെ കല്യാണം കഴിഞ്ഞിട്ടുള്ള കാര്യമല്ലേ അത് നമ്മുക്ക് അപ്പോനോക്കാം നീ ഇപ്പോ പോയി അഭിയെ കൊണ്ടു വായോ
ശരത്ത് ചെല്ലുമ്പോൾ അഭി ശ്യാമിന്റെ അടുത്തായിരുന്നു
എന്താടാ ഒരു കാര്യം പറഞ്ഞാൽ നിനക്ക് ഓർമ്മയില്ലേ
ഓർമ്മഉണ്ടെങ്കിൽ ഞാൻ ബാങ്കിൽ നിന്നും വരുമ്പോൾ തന്നെ ഏട്ടത്തിയമ്മയെ കൊണ്ടു പോവില്ലേ
നിന്റെ നാക്ക് അത് ഇത്തിരി കൂടുതലാണ്
നിനക്കിനിയും കുട്ടികളി മറ്റാറായില്ലേ
ഏട്ടത്തി വരുന്നുണ്ടോ ,വീട്ടിൽ വച്ച് അമ്മ എന്നെ ഉപദ്ദേശിച്ചാണ് വിട്ടത് ,ഇനി ചേട്ടനും കൂടി വേണ്ട ,ഈ ഉപദ്ദേശം മാത്രം എപ്പോഴും ഫ്രീ ആയി കിട്ടും
നീ ചെല്ല ഭീ അവന് അമ്മ നല്ലത് കൊടുത്തിട്ടുണ്ട് അതിന്റെ യാണ്
അഭി ശരത്തിന്റെ കൂടെ കാറിൽ കയറി
എന്താ ശരത്തേ …. നിന്റെ മുഖത്തെന്താ ഒരു ടെൻഷൻ, എന്നോട് പറയാവുന്നതാണെങ്കിൽ പറയ്
എന്താ എട്ടത്തി ഇത് ,ഞാനെല്ലാ കാര്യങ്ങളും ഏട്ടത്തിയോട് പറയാറില്ലേ
ഞാനങ്ങനെ പറഞ്ഞതല്ല ശരത്തേ ബാങ്കിലെ വല്ല പ്രശ്നമാണോന്ന് കരുതിയിട്ടാണ്
ഏടത്തി ഇന്ന് ഞാൻ ആർച്ചയെ കണ്ടു ,കൂടെ ഉണ്ടായിരുന്നത് ഗൗരിയുടെ കൂട്ടുക്കാരി ശരണ്യ ആയിരുന്നു
ശരണ്യ യോ നിനക്ക് തെറ്റിയതായിരിക്കും ശരത്തേ ,ഗൗരിയുടെ ഏറ്റവും അടുത്ത കൂട്ടുക്കാരിയാണ് ശരണ്യ ,അവളെ ഒരിക്കലും ആർച്ചയുടെ കൂടെ കാണില്ല കാരണം ആർച്ചയെ പറ്റിയുള്ള കാര്യങ്ങൾ ഗൗരി ശരണ്യയോട് പറഞ്ഞിട്ടുണ്ടാവുമല്ലോ
ഞാൻ കണ്ടത് ശരണ്യയെ ആണ് ,അവളൊട് ഞാൻ സംസാരിക്കുകയും ചെയ്തു
ശ്ശോ …..
ആർച്ചയുടെ കൂടെ കൂടി ഞങ്ങൾക്കെതിരെ എന്തൊ ഒരു ഗൂഢാലോചനയാണ് ,ശരണ്യയെ പറ്റി ഗൗരിയുടെ വേറൊരു കൂട്ടുക്കാരി എന്നോട് പറഞ്ഞിരുന്നു ,പക്ഷേ അവളി ത്രയും മുന്നോട്ട് പോയെന്ന് അറിയില്ലായിരുന്നു
ഗൗരിയോട് പറഞ്ഞോ പറഞ്ഞില്ലെങ്കിൽ പറയണം ഉറ്റ കൂട്ടുക്കാരിയുടെ കള്ളത്തരങ്ങൾ അറിയട്ടെ ഗൗരി
ഞാൻ പറഞ്ഞു ഏത്തി ,അത് കേട്ട് ആ യാ ള് ഭയങ്കര കരച്ചിൽ ആയിരുന്നു
പെട്ടെന്ന് കേൾക്കുമ്പോൾ ഒരു വിഷമം ഉണ്ടാവും ,അത് ആർക്കായാലും ഉണ്ടാവും
ഞാൻ പറഞ്ഞ് മനസ്സിലാക്കിയിട്ടുണ്ട്
ഞാൻ വിചാരിക്കായിരുന്നു ഏട്ടത്തി ഗൗരിയുടെ വീട്ടിൽ പോയി അച്ഛനെ കണ്ട് സംസാരിച്ചാലോ എന്ന് ,ആർച്ചയെയും ആൻറിനെയും വിശ്വസിക്കാൻ കൊള്ളില്ല ,അവർ എന്തെങ്കിലും പ്രശ്നമുണ്ടാക്കി ഇത് മുടക്കാൻ ശ്രമിക്കും
നിനക്കങ്ങനെയൊരു പേടി ഉണ്ടെങ്കിൽ എന്നാ അങ്ങനെ ചെയ്യ്
*
അഭീ ….
എന്താ ..
ഇന്ന് നമ്മുടെ ഷോപ്പിൽ വന്നില്ലേ രാജേട്ടന്റെ പെങ്ങളുടെ മകള്, ആ കുട്ടിയെങ്ങനെയുണ്ട്
നല്ല സുന്ദരി കുട്ടി
നമ്മുക്ക് ആകുട്ടിയെ ശരത്തിനൊന്ന് ആലോചിച്ചാലോ
ശരത്തിനോ ….
ആ ശരത്തിന് തനിക്കെന്താ ഈ കാര്യത്തിൽ ഒരു താൽപര്യമില്ലാത്തത് പോലെ
എനിക്ക് താൽപര്യ കുറവൊന്നുമില്ല ,ശരത്തിന് ഉണ്ടാവും
താൻ എന്തൊക്കെയാണ് പറയുന്നത്
അവന് ഒരു പെൺകുട്ടിയെ ഇഷ്ടമാണ് ആ കുട്ടിയെ ശ്യാമേട്ടൻ കണ്ടിട്ടുണ്ട്
ഞാൻ കണ്ടിട്ടുണ്ടെന്നോ
അന്ന് ആർച്ചക്ക് ആക്സിഡന്റ് പറ്റി ഹോസ്പിറ്റലിൽ കിടന്നപ്പോൾ ആർച്ചക്ക് കൂട്ടുനിന്ന കുട്ടിയില്ലേ
ഓ മനസ്സിലായി ,ഇതൊക്കെ തന്നോട് ആരാ പറഞ്ഞത്
ശരത്ത്
ശരത്തോ ,എന്നിട്ട് എന്നോടൊന്നും പറഞ്ഞില്ലല്ലോ അവൻ
പറയാൻ പറ്റിയ സാഹചര്യം ആയിരുന്നൊ ഇവിടെ ,നമ്മുടെ കല്യാണത്തിന്റെ അന്നാണ് ശരത്ത് ഗൗരി കാണുന്നത് ,അന്നു മുതൽ ശ്യാമേട്ടൻ മൗനവ്രത്തിൽ ആയിരുന്നല്ലോ ,ഷോപ്പിൽ നിന്നും വന്നാൽ നേരെ മുറിയിലെക്ക് കയറി പോകും ,വ്രതം അവസാനിപ്പിച്ചിട്ട് അധികം ദിവസമായിട്ടില്ലല്ലോ
താനിതൊന്നും മറന്നില്ലേ
മറക്കാനോ ഇല്ലാട്ടോ മോനെ ഇതൊന്നും അഭിമറക്കില്ല ,അന്നൊക്കെ മിണ്ടാതെയും നോക്കാതെയും നടക്കുമ്പോൾ തലമണ്ടക്ക് ഒരടി തരാൻ പലപ്പോഴും എനിക്ക് തോന്നിയിട്ടുണ്ട്
അഭീ …..
ശ്യാമേട്ടനെ വിഷമിപ്പിക്കാൻ പറഞ്ഞതല്ല അന്നത്തെ എന്റെ അവസ്ഥ അതായിരുന്നു ,ശരത്തായിരുന്നു ഒരു കൂട്ട് ഉണ്ടായിരുന്നത് ,
ഞാൻ ചെയ്ത തൊക്കെ എന്റെ അഭീ മറക്കും ,അതിനൊക്കെയുള്ള മന്ത്രം എന്റെ കൈയ്യിലുണ്ട്
എന്ത് മന്ത്രം
അതൊക്കെയുണ്ട് അത് അഭിക്ക് പതുക്കെ മനസ്സിലാവും
ഇപ്പോ ശരത്തിന്റെ കാര്യം പറ
അഭി ശ്യാമിനോട് കാര്യങ്ങൾ പറഞ്ഞു
ഇതുവരെ എത്തി കാര്യങ്ങൾ ,ആർച്ചയും ആന്റിയും ഒന്നും ചെയ്യില്ല, ചെയ്യാൻ സമ്മതിക്കില്ല ഞാൻ
അവരെ വിശ്വസിക്കാൻ പറ്റില്ല ശ്യാമേട്ട …
അത് ശരിയാക്കാം ,ഇവിടെ ഇപ്പോ വെറൊരു കാര്യം ചെയ്യാന്നുണ്ട് താൻ വായോ
എന്താ കാര്യം
ശ്യാം അഭിയെ വിളിച്ച് താഴെക്ക് ചെന്നു
അച്ഛനും അമ്മയും കൂടി ടി വി കാണുന്നുണ്ടായിരുന്നു
അച്ഛനോടും അമ്മയോടും എനിക്കൊരു കാര്യം പറയാനുണ്ട്
എന്താ മോനെ കാര്യം
ശരത്തിന്റെ കല്യാണക്കാര്യം ,ഞാനൊരു പെൺകുട്ടിയെ കണ്ടു വച്ചിട്ടുണ്ട്
ആരാ ശ്യാമേ ആ കുട്ടി
അമ്മേ ആ രാജേട്ടന്റെ പെങ്ങളുടെ കുട്ടിയാണ്
അത്ര നേരം ശ്യാം പറയുന്നത് കേട്ട് റൂമിലിരുന്ന ശരത്ത് പുറത്തേക്ക്‌ വന്നു
എനിക്കിപ്പോ കല്യാണം ണ്ടേ
വേണ്ട നീ ആ കുട്ടിയെ പോയി ഒന്നു കാണാൻ പ്രശ്നമില്ലല്ലോ
എനിക്ക് കല്യാണം വേണ്ട
അതിന് കാരണമെന്താ അമ്മ ചോദിച്ചു
അമ്മേ ….
ശരത്തേ മോനെ നീ ഉരുണ്ട് കളിക്കണ്ടാട്ടോ
കല്യാണം വേണ്ടാന്ന് പറകാൻ കാരണമെന്താന്ന് ഇവരോട് പറയ് അത് പറയുമ്പോൾ ശ്യാമിന്റെ മുഖത്തൊരു ചിരിയുണ്ടായി
എന്താ ശ്യാമേ എന്താ കാര്യം വളച്ച് കെട്ടാതെ കാര്യം പറ
അച്ഛാ …. ശരത്തിന് ഒരു പെൺകുട്ടിയെ ഇഷ്ടമാണ് പേര് ശൗരി
ഗൗരി …
അമ്മ ശ്യാമിനെ നോക്കി
അതെ അമ്മേ വരുൺ കണാൻ പോയ പെൺകുട്ടി ,ഇവൻ പറഞ്ഞിട്ടാണ് വരുൺ അന്ന് അത് വേണ്ടാന്ന് വച്ചത്
അച്ഛനും അമ്മയും ശത്തിനെ നേക്കി
ശരത്ത് ചമ്മി നിൽക്കുകയായിരുന്നു
അവന്റെ ഇഷ്ടം നടക്കട്ടെ ഞങ്ങൾക്ക് സന്തോഷം ഉള്ളു ,നിങ്ങൾ സന്തോഷമായിരുന്നാൽ മതി
വീട്ടിൽ നിന്നും പച്ചക്കൊടി കാട്ടി ശരത്തിന് മനസ്സിൽ ലഡു പൊട്ടി
പിറ്റേ ദിവസം
ഗൗരി ക്ലാസ്സിൽ വന്നതിന് ശേഷമാണ് ശരണ്യ വന്നത്
ഗൗരി അവളെ നോക്കാനെ പോയില്ല
നിമിഷ ഗൗരിയെ ശ്രദ്ധിക്കുകയായിരുന്നു ,ഗൗരിക്ക് എന്തൊ കാര്യമായി പറ്റിയിട്ടുണ്ട് ,ക്ലാസ്സിൽ വന്നിട്ട് ഇന്ന് ആരോടും അധികം മിണ്ടിയിട്ടില്ല തന്നോട് തന്നെ ഒന്നോ രണ്ടോ വാക്ക് മിണ്ടി
ഉച്ചക്ക് ഗൗരി ഒറ്റക്കിരിക്കുന്നത് കണ്ടപ്പോൾ നിമിഷ അടുത്തേക്ക് ചെന്നു
ഗൗരി …
ഗൗരി നിമിഷയെ നോക്കി
നിനക്കെ ന്താ .., നീയെന്താ ആരോടും മിണ്ടാത്തത്
ഒന്നൂല്ല
നീ കാര്യം പറയ് ഗൗരി ഒന്നുമില്ലാതെ നീ മിണ്ടാതെയിരിക്കില്ല, നിനക്ക് എന്തെങ്കിലും വിഷമമുണ്ടെങ്കിൽ എന്നോട് പറയാലോ
എനിക്കൊന്നുമില്ല
ദേ ശരണ്യ വരുന്നുണ്ട്
ശരണ്യ അവരുടെ അടുത്തേക്ക് വന്നു
ഗൗരി ……
ഗൗരിയുടെ മുഖം പെട്ടെന്ന് മാറിയത് നിമിഷ ശ്രദ്ധിച്ചു
ഗൗരിയുടെ മുഖമൊക്കെ ചുവന്നു
ഇനി അടുത്ത അടവ് എന്തെങ്കിലും കൊണ്ടുവന്നതാണോ
ഗൗരി ഞാൻ ….
എനിക്ക് തെറ്റ് പറ്റി
ശരണ്യ ഗൗരിയുടെ കൈയ്യിൽ പിടിച്ചു
തൊട്ടു പോകരുതെന്നെ , എനിക്കറപ്പാണ് നിന്നെ, എന്റെ വീട്ടുക്കാരെ പോലെ നിന്നെ വിശ്വസിച്ചതാ ഞാൻ ,പക്ഷെ നീയോ നീ എന്താ എന്നോട് ചെയ്തത് ,നിനക്കെങ്ങനെ എന്നോട് ഇങ്ങനെയൊക്കെ ചെയ്യാൻ കഴിഞ്ഞു
ഗൗരി അത് അങ്ങനെയൊക്കെ സംഭവിച്ച് പോയി അതെ കുറിച്ചോർത്ത് എനിക്കിപ്പോ നല്ല കുറ്റബോധം ഉണ്ട്
നീയെന്നോട് ക്ഷമിക്കണം
എനിക്ക് നിന്നോട് ക്ഷമിക്കാൻ പറ്റില്ല ശരണ്യേ കാരണം ഞാനിന്നു നിന്റെ കൂട്ടുകാരി ഗൗരിയല്ല ,ആ ബന്ധം ഇന്നലെ അവസാനിച്ചു
എന്റെ മനസ്സിൽ നീ മരിച്ചു
തുടരും
മുൻഭാഗങ്ങൾക്കായി ഈ ലിങ്കിൽ പോവുക
രജിത പ്രദീപ് എടയാട്
ഇവിടെ കൂടുതൽ വായിക്കുക
അക്ഷരത്താളുകൾ പ്രസിദ്ധീകരിച്ച എല്ലാ നോവലുകളും വായിക്കുക
അക്ഷരത്താളുകൾ പ്രസിദ്ധീകരിച്ച എല്ലാ കഥകളും വായിക്കുക
About Author
Unlock Your Imagination: Start Generating Stories Now! Generate Stories
Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook
പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം
Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now
©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission