Skip to content

ഗൗരി – ഭാഗം 17

gouri-aksharathalukal-novel

നിനക്ക് തലക്ക് കുഴപ്പമൊന്നുമില്ലല്ലോ
ശരത്ത് ചോദിച്ചു

ഒരു കുഴപ്പമില്ല നല്ല ബോധത്തോടു കൂടി തന്നെ യാണ് ഞാൻ നിന്നോട് സംസാരിക്കുന്നത്

ഗംഗാ കൊച്ചു കുട്ടിയല്ലേടാ

കൊച്ചു കുട്ടിയോ പ്രായപൂർത്തിയായ പെൺകുട്ടി എന്ന് പറ

നീ സീരിയസ്സായിട്ടാണോ

അതെന്താ നീ അങ്ങനെ ചോദിച്ചത് ,നിനക്ക് മാത്രമേ അങ്ങയൊക്കെ പറ്റൂ എന്നുണ്ടോ

അതല്ലാ ,നീ ഗൗരിയെ കല്യാണം കഴിക്കാൻ തീരുമാനിച്ചത് നിനക്കിഷ്ടമായിട്ടല്ല അവരോടുള്ള സിമ്പതി കൊണ്ടാണല്ലോ ,

അത് ഗൗരിയോട് ,പക്ഷേ ഗംഗയെ എനിക്കിഷ്ടമാണ് ,നിന്റെ പോലെയല്ല അവളോട് എന്റെ ഇഷ്ടം തുറന്നു പറഞ്ഞിട്ടുമുണ്ട്

അത് വരെ ആയോ കാര്യങ്ങൾ എന്നിട്ട് ഒരു വാക്ക് നീ എന്നോട് പറഞ്ഞില്ലല്ലോ

അത് ഒക്കേ ഒന്നു ശരിയായിട്ട് പറയാമെന്ന് കരുതി അതായത് നിന്റെയും ഗൗരിയുടെയും കാര്യം
നീ തന്നെ ഇതൊന്നു മാഷിനോട് പറയണം ,ഗംഗയുടെ പഠിപ്പൊക്കെ ഞാൻ നോക്കി കൊള്ളാം

മാഷിനോട് ഞാൻ പറയാം പക്ഷേ നമ്മുടെ വീട്ടുക്കാരുടെ കാര്യമാണ് ,ഇവിടെ എതിർപ്പുണ്ടാവും

നിയതൊന്നും ഓർക്കണ്ട അതൊക്കെ ഞാനെറ്റു ,എന്റെ വീട്ടുക്കാരുടെ സമ്മതം മാത്രം മതിയെനിക്ക് ,അത് ഒക്കേയാക്കും ഞാൻ

എന്നാലും വരുണേ ഇത്ര ദിവസം ഈ കാര്യം നീ എന്നോട് പറഞ്ഞില്ലല്ലോ

അതെ ഞാനൊരു ചോദ്യം നിന്നോട് ചോദിക്കട്ടെ നീ എന്നോട് പറഞ്ഞോ നിന്റെ കാര്യം,,ഞാൻ ഗൗരിയെ പെണ്ണ് കണാൻ പോയത് കൊണ്ട് നീ എന്നോട് പറഞ്ഞു ,അല്ലെങ്കിൽ നീ പറയുമായിരുന്നോ

ശരത്ത് ഒരു ചമ്മിയ ചിരി ചിരിച്ചു

എന്തേ ഇത്തരം മുട്ടിയോ ,എടാ ശരത്തേ ഇതൊന്നും ആരും ഇങ്ങനെ പറഞ്ഞ് നടക്കില്ല ,അറിയേണ്ട സമയത്ത് അത് പുറത്തിറയും മനസ്സിലാടോ

ഉവ്വ് എന്നാലും ഇത്തിരി കൂടി പോയി

പിന്നെ ആർച്ച എന്ത് പണിയാണ് ഒപ്പിച്ചത്

അതോ നിനക്കറിയാലോ അവളെ ,അവളപ്പോ തന്നെ ഗൗരിയെ വിളിച്ചു പറഞ്ഞു പിന്നെത്തെ കാര്യം അറിയാലോ ഗൗരി കരച്ചിൽ ,മാഷ് എന്നെ കാണാൻ വന്നു, അതിനിടക്ക് വേറെ ഒരു സംഭവം ആർച്ചയും ആൻറിയും കൂടി ഗൗരിയെ ഭീക്ഷണി പ്പെടുത്തിയിട്ടുണ്ടായിരുന്നു ,അതായത് പെട്രോൾ ഒഴിച്ച് കത്തിക്കുമെന്നൊക്കെ

ഇതെന്തൊക്കെയാ ടാ കേൾക്കുന്നത് അമ്മക്കും മോൾക്കും ഭ്രാന്തായോ ,ഇവറ്റകളെ ചങ്ങലക്കിടണം

അത് വേണ്ടി വരുമെന്നാ തോന്നുന്നത് ,

എന്നിട്ട് നീയവളെ വിളിച്ച് ചോദിച്ചില്ലേ ,നീ ചോദിച്ചില്ലെങ്കിൽ ഞാൻ ചോദിക്കും ,ഗൗരി ഇനി എന്റെ ചേച്ചിയാണ്

ടാ മതീടാ ,ഗൗരിയുടെ കാര്യം നോക്കാനെനിക്കറിയാം ഗംഗയുടെയും ,ഗംഗ എന്റെ അനിയത്തിയാണ്

അയ്യോ വിട്ടേക്ക് നീ ആർച്ചയുടെ കാര്യം പറ

ഞാനവിടെ ചെന്ന് അങ്കിളിനോട് കാര്യം പറഞ്ഞു ,ആന്റി ഉണ്ടായിരുന്നില്ല ,ആർച്ചക്കിട്ട് ഒന്നു പൊട്ടിച്ചിട്ട് പോന്നു

നീയെന്തിനാ ഒരടിയിൽ നിറുത്തിയത് ,അവൾക്ക് ഒരടിയൊന്നും ഒന്നാവില്ല

ഇനിയും സമയമുണ്ടല്ലോ അടിയുടെ എണ്ണം കൂട്ടിക്കൊണ്ടു വരാം

*
നീയെന്തിനാ അഭി ഇങ്ങനെ കഷ്ടപ്പെടുന്നത് ,നിനക്ക് ഒരിടത്ത് ഇരുന്നൂടെ ,അതൊക്കെ ഞാൻ ചെയ്തോളാം, നീ റെസ്റ്റ് എടുക്ക്

ശ്യാമിന് ഇട്ടിട്ടു പോകാനുള്ള ഡ്രസ്സ് തേക്കുകയായിരുന്നു അഭി

ശ്യാമേട്ട …. ഗർഭം ഒരസുഖമല്ല, ഗർഭിണി ഒരു രോഗിയുമല്ല ,അത് ആദ്യം മനസ്സിലാക്ക് ,അത് ഒരു സ്ത്രീയുടെ അമ്മയാകാനുള്ള തയ്യാറെടുപ്പിന്റെ സുന്ദര നിമിഷങ്ങൾ ആണ് ഗർഭാവസ്ഥ അത് ഞാൻ ആസ്വദിക്കുന്നുണ്ട്

നീ മാത്രമേ ഇങ്ങനെ പറയൂ

എനിക്കിപ്പോ ഒരു കുഴപ്പമില്ല ,ഞാൻ ഷോപ്പിൽ വന്നേനെ ,അമ്മ സമ്മതിക്കാത്തത് കൊണ്ടാണ്

വേണ്ട അമ്മ പറയുന്നത് പോലെ കേട്ടാൽ മതി

ശരി ,സൺഡേ ഞാനും കൂടി വരും ഗൗരിയുടെ വീട്ടിലേക്ക്

അതെന്തിനാ അഭീ .അത്രയും ദൂരം യാത്ര ചെയ്യണ്ടേ ,ഈ അവസ്ഥയിൽ നീ വരണ്ട
പിന്നെ ഗൗരിയെ നീ കണ്ടിട്ടുള്ളതല്ലേ, ഇവിടെയിരുന്നാൽ മതി കൂട്ടിന് വന്ദനയെ വിളിക്കാം

കൂട്ടൊന്നും വേണ്ട ശ്യാമേട്ടാ …. ഞാൻ വരും എനിക്ക് വരണം

വാശി വേണ്ട അഭീ …

വാശിയല്ല ശ്യാമേട്ടാ … ഇത് ഒരു ഏട്ടത്തിയമ്മയുടെ അവകാശമാണ് ,ശരത്തിന്റെ കാര്യങ്ങളിൽ നിന്ന് ഞാൻ മാറി നിൽക്കാൻ പാടില്ല ,ഇപ്പോ എനിക്ക് അത്രക്ക് വയ്യായികയൊന്നുമില്ല ,എന്റെ ജീവതം ഇങ്ങനെ ആകാൻ കാരണം ശരത്താണ്, ശ്യാമേട്ടൻ എന്നോട് അകൽച്ച കാണിച്ചപ്പോൾ എനിക്ക് ഒരു താങ്ങായി നിന്നത് ശരത്തായിരുന്നു ,പലവട്ടം ഞാൻ വീട്ടിലേക്ക് തിരിച്ച് പോകാനൊരുങ്ങിയതായിരുന്നു ,അപ്പോഴൊക്കെ അവനായിരുന്നു എന്നെ അതിൽ നിന്നും പിൻതിരിപ്പിച്ചിരുന്നത് ഒക്കെ ശരിയാവുമെന്ന് പറഞ്ഞ് ആശ്വാസിപ്പിച്ചിരുന്നത് ,അവൻ എന്റെ അനിയനാണ് അപ്പോ അവന്റെ പെൺകുട്ടിയെ കണാൻ പോകുന്ന ചടങ്ങിന് ചേച്ചിയായ ഞാൻ പോകണ്ടേ
അഭിയുടെ കണ്ണുകൾ നിറഞ്ഞിരുന്നു

അഭീ ……
ശ്യാം അഭിയുടെ അടുത്തേക്ക് ചെന്നു,
എനിക്കറിയാം അഭീ നിങ്ങള് തമ്മിലുള്ള സ്നേഹം ആദിവസങ്ങളിലൊക്കെ ശരത്ത് നിനക്ക് തന്ന മെന്റൽ സപ്പോർട്ട് എല്ലാം എനിക്കറിയാം ,ഇന്ന് അതോർക്കുമ്പോൾ എന്റെ അനിയനെ കുറിച്ച് അഭിമാനം തോന്നുന്നു ,നീ പറഞ്ഞത് തന്നെയാണ് അതിന്റെ ശരി

അതെ എനിക്കുള്ളിലേക്ക് വരാമോ …., ഭാര്യയും ഭർത്താവും കാലത്തന്നെ കട്ട റൊമാൻസ് ആണെന്ന് തോന്നുന്നു

പോടാ … കളിയാക്കാതെ ,റൊമാൻസൊക്കെ ഇനി നിനക്കല്ലേ

അയ്യോ ടാ … പാവങ്ങൾ

ശരത്ത് കട്ടിലിൽ ഇരുന്നു

എന്താ അഭിയേട്ടത്തി കണ്ണൊക്കെ നിറഞ്ഞിരിക്കുന്നത് ,ചേട്ടൻ ചീത്ത എന്തെങ്കിലും പറഞ്ഞോ

അതല്ലാ അഭി ക്ക് ഗൗരിയുടെ വീട്ടിലേക്ക് വരണമെന്ന്

ഏടത്തി വരണ്ട ,ഈ അവസ്ഥയിൽ ഒട്ടും വരണ്ട

ഇത് ഞാൻ പറഞ്ഞതിനാണ് കരഞ്ഞത്
അവളുടെ അനിയന്റെ കാര്യത്തിന് അവൾക്ക് പോകണമെന്ന്

ഞാൻ വരും ശരത്തേ എനിക്ക് വരണം

അഭിയുടെ മുഖത്തെ ഭാവം കണ്ടേപ്പോൾ വരണ്ട എന്ന് പറയാൻ തോന്നിയില്ല ശരത്തിന്

ഏട്ടത്തി വന്നോട്ടെ ചേട്ടാ .. ഞാനിപ്പോ വന്നത് വേറൊരു കാര്യം പറയാനാണ് ,വരുണിന് ഒരു പെൺകുട്ടിയെ ഇഷ്ടമാണ്

ഏതാ പെൺകുട്ടി ,നല്ല കുട്ടിയാണോ

അതാണ് രസം കുട്ടിയെ നമ്മളറിയും ഗൗരിയുടെ അനിയത്തി

ഗംഗയോ .. അത് ശരിയാവോ ശരത്തേ ,എനിക്ക് തോന്നുന്നില്ല ഇത് ശരിയാവുമെന്ന് ,മാഷ് ഇതെങ്ങനെ ഉൾകൊള്ളും

അതാ ഏട്ടത്തി എനിക്കും ഒരു പേടി

നടന്നാൽ നല്ല കാര്യമാണ് പക്ഷേ…
ചിലപ്പോ മാഷിന് വരുണിനെ മനസ്സിലാക്കാൻ പറ്റും ,മകളെ വരുണിന് കൊടുക്കാൻ മാഷ് ചിലപ്പോ …..

എന്തായാലും സൺഡേ പോകുമ്പോൾ മാഷിനോട് ഒന്നു സൂചിപ്പിക്കാം അതു മതീലെ

അന്ന് തന്നെ പറയണോ ശരത്തേ

പറയാം ചേട്ടാ

*
താനിന്നു നേരം വൈകിയോ
വരുൺ ഗംഗ വരുന്നത് കാത്ത് നിൽക്കുകയായിരുന്നു, ഗംഗ ക്ലാസ്സിലേക്ക് വരുന്ന സമയം വരുണിനറിയാം ,ഗംഗയെ കണ്ടിട്ടാണ് വരുൺ ഓഫിസിൽ പോകാറ്

ഇല്ല എന്നും വരുന്ന സമയത്ത് തന്നെയാണ് ഞാൻ വന്നത്

ഞാൻ കാത്ത് നിൽക്കാൻ തുടങ്ങിയിട്ട് കുറെ നേരമായി

ഞാൻ പലവട്ടം പറഞ്ഞിട്ടുണ്ട് എന്നെ ഇങ്ങനെ കാത്ത് നിൽക്കരുതെന്ന് ,ആരെങ്കിലും കണ്ടാൽ പിന്നെ അത് മതി

പിന്നെ തന്നെ കണാൻ ഞാനെന്തു ചെയ്യണം അതിനു മറുപടി താൻ പറയ്

ഗംഗ വരുണിനെ മുഖത്തേക്ക് നോക്കി

താനെന്തിനാ ഇങ്ങനെ പേടിക്കുന്നത്

പിന്നെ പേടിക്കാതെ

ഇന്നലെ തന്നെ വിളിച്ചിട്ട് താൻ ഫോണെടുത്തില്ലല്ലോ

ഫോണെടുക്കാൻ പറ്റിയ അവസ്ഥ ആയിരുന്നല്ലോ വീട്ടിൽ

അതുകൊണ്ട് എല്ലാവരും അറിഞ്ഞില്ല
ശരത്ത് എന്നെ കണാൻ വന്നിട്ടുണ്ടായിരുന്നു, ആർച്ചയോട് പറഞ്ഞതെന്തിനാണെന്ന് ചോദിച്ചു

എന്നിട്ട് …
ഗംഗ ആകാംഷയോടെ വരുണിനെ നോക്കി

എന്നിട്ടെന്താ ഞാൻ ശരത്തിനോട് നമ്മുടെ കാര്യം പറഞ്ഞു

ദേവി ….വരുണെട്ടന് കണ്ണീ ചോരയില്ലെ ,ശ്ശോ ശരത്തേട്ടൻ ചേച്ചിയോട് പറയും ചേച്ചി അറിഞ്ഞാൽ അച്ഛനോട് പറയും അവസാനം എന്നെ വീട്ടിൽ നിന്നും പുറത്താക്കും

അപ്പോ കാര്യങ്ങൾ വളരെ എളുപ്പമായി അങ്ങനെ സംഭവിക്കുകയാണെങ്കിൽ നേരെ മോള് എന്റെ വീട്ടിലേക്ക് പോരേട്ടോ..

ഞാൻ വല്ലതും പറയൂ ട്ടോ ,ഇനി എന്തൊക്കെയാണാവോ സംഭവിക്കുക എനിക്കറിയില്ല

എന്തായാലും എല്ലാവരും അറിയേണ്ടതല്ലേ പിന്നെന്താ
ഒന്നും സംഭവിക്കില്ല ,താൻ സമാധാനമായിരിക്ക് നമ്മുടെ കൂടെ ശരത്ത് ഉണ്ടല്ലോ

വരുണെട്ടന് ഒക്കെ തമാശയാണ്

ഒന്നും സംഭവിക്കില്ല ,എനിക്ക് നല്ല വിശ്വാസമുണ്ട് ,

വീട്ടിലറിയട്ടെ ഞാൻ ശരിയാക്കി തരാട്ടോ എന്ന് പറഞ്ഞ്
ഗംഗ വരുണിനെ ഒന്ന് കടുപ്പിച്ച് നോക്കിയിട്ട് നടന്നു പോയി

*
ശരത്ത് സാറെ മാഷ് വന്നിട്ട് കണ്ടില്ലേ
പ്യൂൺ ചേച്ചിയായിരുന്നു

ഇല്ല ഞാൻ ശ്രദ്ധിച്ചില്ല,

പോയിട്ടില്ല ദേ അവിടെയിരിക്കുന്നുണ്ട്

ശരത്ത് വേഗം മാഷിന്റെ അടുത്തേക്ക് വന്നു

മോൻ വന്നോ ,ഞാൻ ലോണടക്കാൻ വന്നതാണ് ,മോനെ നോക്കിയപ്പോൾ നല്ല തിരക്കിലായിരുന്നു അതു കൊണ്ടാണ് വിളിക്കാതിരുന്നത്

ഇന്ന് ഇത്തിരി തിരക്കായിപ്പോയി
അച്ഛനോട് ഇപ്പോൾ പറഞ്ഞാലോ വരുണിന്റെ കാര്യം ,ഇപ്പോ ആവുമ്പോൾ അച്ഛനും താനും മാത്രമേ ഉള്ളു ,പറയാം പറഞ്ഞ് കഴിഞ്ഞാൽ തന്റെ ഒരു ഭാരം കുറയും

അച്ഛാ എനിക്കൊരു കാര്യം പറയാനുണ്ട് ,അച്ഛനത് ഏത് തരത്തിൽ എടുക്കുമെന്ന് എനിക്കറിയില്ല

മോനെന്തിനാ ഒരു മുഖവുര ,മോൻ പറഞ്ഞോ

അച്ഛാ …. അത് ഗംഗയെ കുറിച്ചാണ്

ഗംഗയെ കുറിച്ചോ

അതെ അച്ഛാ
ഗംഗയെ വരുണിന് ഇഷ്ടമാണ്, ഇന്നലെയാണ് അവൻ എന്നോടിക്കാര്യം പറഞ്ഞത് ,അച്ഛനോട് ഈ കാര്യം പറയാൻ അവൻ എന്നെയാണ് ഏൽപ്പിച്ചിരിക്കുന്നത്

മാഷിന്റെ മുഖം ഇരുളുന്നത് ശരത്ത് കണ്ടു

മോന് അച്ഛനോട് ഒന്നും തോന്നരുത് ,ഈ കാര്യം നടക്കില്ല ,ഞാൻ സമ്മതിക്കില്ല

മാഷങ്ങനെ പെട്ടെന്നൊരു തീരുമാനം പറയണ്ട

ഈ കാര്യത്തിൽ എത്ര സമയമെടുത്താലും ഇതു തന്നെ ആയിരിക്കും എന്റെ തീരുമാനം,
മോനി കാര്യം എന്നോട് എത്ര തവണ പറഞ്ഞാലും ഇത് തന്നെ ആയിരിക്കും എന്റെ മറുപടി

താൻ മാഷിനോട് ഈ കാര്യം ഇപ്പോൾ പറയരുതായിരുന്നു ,ചേട്ടനും അഭിയേട്ടത്തിയുമൊക്കെ ഉള്ളപ്പപ്പോൾ പറഞ്ഞാൽ മതിയായിരുന്നു ,പറ്റിപ്പോയി

മോനെ ഇങ്ങനെ പറഞ്ഞത് കൊണ്ട് എനിക്കാ കുട്ടിയോട് ദേഷ്യമൊന്നുമില്ലാട്ടോ ,ചേരേണ്ടതെ ചേരാവു,
എന്നാ ഞാൻ പോയ്ക്കോട്ടെ

ശരി മാഷേ

വീട്ടിലെത്തിയ ശരത്ത് ആദ്യം പോയത് അഭിരാമിയെ കാണാനായിരുന്നു

ഏട്ടത്തി ……

എന്താ ശരത്തേ

അത് ….. ഞാനൊരു അധിബുദ്ധി കാണിച്ചു, ഇപ്പോ തോന്നുന്നു വേണ്ടായിരുന്നെന്ന്

നീ കാര്യം പറ ശരത്തേ നിന്ന് ഉരുണ്ടു കളിക്കാതെ

മാഷിന് ബാങ്കിൽ വന്നിരുന്നു ,ഞാൻ ഒരാവേശത്തിന് വരുണിന്റെയും ഗംഗയുടെ കാ കാര്യം മാഷിനോട് പറഞ്ഞു

എന്നിട്ട് ….. മാഷെന്തു പറഞ്ഞു
മാഷിന്റെ മറുപടി അറിയാൻ അ ഭി ക്ക് ആകാംഷയായി

മാഷ് സമ്മതിക്കില്ലാന്ന് പറഞ്ഞു

അയ്യോ കഷ്ടമായിപ്പോയി ,ഇനിയിപ്പോ എന്തു ചെയ്യും ,വരുണിനോട് നീയിനി എന്തു പറയും

ഒന്നും എനിക്കറില്ല ഏടത്തി ,മഷിനെ കൊണ്ട് എങ്ങനെയെങ്കിലും സമ്മതിപ്പിക്കാനാവുമെന്ന് ഒരു വിശ്വാസം എനിക്കുണ്ടായിരുന്നു

മാഷിനെ പറഞ്ഞിട്ടും കാര്യമില്ല എതൊരച്ഛനും ഇങ്ങനെ തന്നെ ചെയ്യൂ ള്ളു

അതറിയാം ഏട്ടത്തി ,പക്ഷേ മാഷ് സമ്മതിക്കുമെന്ന് എനിക്ക് ഉറപ്പുണ്ടായിരുന്നു

അതു സാരമില്ല ,സമ്മതിപ്പിക്കാനൊക്കെ ഇനിയും സമയമുണ്ടല്ലോ

ഏടത്തി പറഞ്ഞത് ശരിയാണ് ,സൺഡേ പറയാമായിരുന്നു ,എല്ലാവരും കൂടി പറയുമ്പോൾ മാഷിന് എതിർക്കാൻ പറ്റില്ല

എന്തായാലും വരുണിനോട് ഒന്നു സൂചിപ്പിച്ചേക്ക് ,

അവനെ വിളിച്ച് പറയണം ,അവൻ വേറെ എന്തെങ്കിലും വഴി നോക്കട്ടെ

അതാ നല്ലത്

*
ശരത്ത് വരുണിനെ വിളിച്ചു

എന്താടാ ….
സൺഡേ ഞാനും കൂടി പോകണമെന്ന് പറയാനാണോ ,എങ്കിൽ ചുളുവിൽ എനിക്ക് ഒരു പെണ്ണ് കാണലും കൂടി നടത്താമായിരുന്നു

നിനക്കെപ്പോഴും താമാശയാണ് ,പക്ഷേ എനിക്ക് പറയാനുള്ളത് അത്ര വലിയ തമാശയല്ല

ശരത്തിന്റെ ശബ്ദത്തിൽ നിന്നും വരുണിന് മനസ്സിലായി അവന് പറയാനുള്ളത് ഗൗരവമുള്ള കാര്യാമാണെന്ന്

എന്താടാ നീ മനുഷ്യനെ ടെൻഷൻ അടിപ്പിക്കാതെ കാര്യം പറ

ടാ …. ഞാനിന്ന് മാഷിനോട് നിങ്ങളുടെ കാര്യം പറഞ്ഞു

എന്നിട്ട് മാഷ് എന്തു പറഞ്ഞു ,നോ ആയിരിക്കുമല്ലേ

അതേ ….

അതു സാരമില്ല ,അത് ആരായാലും അങ്ങനെ പറയൂന്ന് എനിക്കറിയാം പക്ഷേ നീ ആ നോ യെസ് ആക്കി തരണം അത് നിന്റെ ജോലിയാണ് ,ഞാൻ ചെയ്ത ഉപകാരത്തിന് ഒരു പ്രത്യുപകാരമായിട്ട് കണ്ടാൽ മതി ,നിന്നെ കൊണ്ട് പറ്റും

എന്തു വാടാ .. ഞാനെന്താ നിന്റെ ഹംസമാണോ

ഞങ്ങൾക്ക് ഹംസത്തിന്റെയൊന്നും ആവശ്യമില്ല ,ഒരു ബ്രോക്കറുടെ ആവശ്യമുണ്ട് അതാണ് നീ

പോടാ …..

നീ ഗൗരിയോട് പറഞ്ഞോ ഈ കാര്യം

ഇല്ല പറയണ്ടാട്ടോ ,അച്ഛൻ സമ്മതിച്ചതിന് ശേഷം എല്ലാവരും അറിഞ്ഞാൽ മതി

അച്ഛൻ സമ്മതിച്ചാലല്ലേ

നീയും ഇങ്ങനെ ആയിരുന്നില്ലേ ,എന്നിട്ട് അഭിയേട്ടത്തിയും ശ്യാമേട്ടനും കൂടി പോയി പറഞ്ഞ് ശരിയാക്കിയതല്ലേ ,എനിക്കങ്ങനെ പോകാൻ ആരുമില്ല ,ഉള്ള ആളുടെ കാര്യം നിനക്കറിയാലോ

അതു കേട്ടപ്പോൾ ശരത്തിന് വിഷമം തോന്നി

നീ വിഷമിക്കാതിരിക്കടാ നമ്മുക്ക് ശരിയാക്കാം
ഗംഗ നിനക്കുള്ളതാണ്

അത് നീ പറയാതെ തന്നെ എനിക്കറിയാം ,ആരൊക്കെ എതിർത്താലും ഗംഗയെ ഞാൻ കെട്ടിയിരിക്കും ,പിന്നെ എല്ലാവരുടെയും സമ്മതത്തോടു കൂടിയാണെങ്കൽ അത് ഒരു സന്തോഷം

*
ചേച്ചീ ….

എന്താ

ഈ പ്രണയം നല്ല രസമാണല്ലേ

അതെന്താ നീയിപ്പോ ഇങ്ങനെ ചോദിക്കാൻ കാരണം

അതിനിപ്പോ എന്തെങ്കിലും കാരണം വേണോ ,അതൊക്കെ എല്ലാവർക്കും അറിയാവുന്നത് അല്ലേ ,പ്രണയം സുന്ദരമാണെന്ന് കവികൾ പറഞ്ഞിട്ടുണ്ടല്ലോ

ഇതൊക്കെ നീയിപ്പോ പറയാൻ കാരണമെന്താ അതാ എനിക്കറിയേണ്ടത്

പ്രണയിക്കുന്നവരുടെ ലോകം ചെറുതായിരിക്കും ,ഒരു കുഞ്ഞു ലോകം രണ്ടു പേര് മാത്രമായിരിക്കും ആലോകത്ത് ഉണ്ടാവുക ,പക്ഷേ അവിടെ ആയിരിക്കും ഏറ്റവും സുന്ദരമായ നിമിഷങ്ങൾ ഉണ്ടാവുന്നത് ,

മതി ഗംഗേ നീയെന്തൊക്കെയാണ് പറയുന്നത് അച്ഛൻ കേൾക്കണ്ട

അച്ഛനെ പറ്റി ഗൗരി പറഞ്ഞപ്പോഴാണ് ഗംഗ അതോർത്തത് ,താൻ ക്ലാസ്സ് വിട്ട് വന്നപ്പോൾ അച്ഛനെ കണ്ടായിരുന്നു ,പക്ഷെ അച്ഛൻ തന്നെ നോക്കിയില്ല
അതെന്തായിരിക്കും ,ശരത്ത് ചേട്ടൻ അച്ഛനോട് കാര്യങ്ങൾ പറഞ്ഞോ

എന്താടീ നീ ആലോചിക്കുന്നത്

ഒന്നുമില്ല

നിന്റെ മുഖതെന്താ പെട്ടെന്നൊരു ഭാവമാറ്റം

അതോ അത് പ്രണയത്തിന്റെ താണ്

ഗംഗേ നീയൊന്ന് നിറുത്തോ ,എനിക്കെന്തോ പേടി തോന്നുന്നു

എന്തിന് പ്രണയം സുന്ദരമല്ലേ ചേച്ചി

ഗംഗേ സത്യം പറയ് നിനക്ക് എന്താ പറ്റിയത്

ഒന്നും പറ്റിയില്ല ഗൗരി ……

പെട്ടെന്ന് ഗംഗയുടെ ഫോൺ റിംഗ് പെയ്തു

വരുണായിരുന്നു

ഗംഗ ഫോണെടുത്ത് ഗൗരിയുടെ അടുത്ത് നിന്ന് ഏഴുന്നേറ്റു പോയി

ഗൗരിക്ക് അവളുടെ പ്രവ്യത്തി കണ്ടപ്പോൾ സംശയമായി
ആരായിരിക്കും വിളിച്ചിട്ടുണ്ടാവുക ,ഗംഗയെന്തിനാ സംസാരിക്കാൻ വേണ്ടി തന്റെ അടുത്ത് നിന്ന് എഴുന്നേറ്റു പോയത്

കുറച്ച് കഴിഞ്ഞ് ഗംഗ വന്നു

ആരാ ഗംഗേ നിന്നെ വിളിച്ചത് ,നീയെന്തിനാ ഇവിടെ നിന്നും പോയി മാറി നിന്ന് സംസാരിച്ചത്

ഇതിനൊക്കെയുള്ള ഉത്തരമാണ് വരുൺ

വരുണോ അതെന്താ

ചേച്ചിയെ ആദ്യമായി പെണ്ണ് കാണാൻ വന്നത്, ആ ചേട്ടനില്ലെ ആ വരുൺ

ഗൗരി ഗംഗയെ തുറിച്ച് നോക്കി ,നീയെന്തൊക്കെയാണ് ഈ പറയുന്നത് ,ആളെന്തിനാ നിന്നെ വിളിക്കുന്നത്

ഞങ്ങള് തമ്മിൽ ഇഷ്ടത്തിലാണ് ,ഗംഗ ഒരു ഭാവമാറ്റമില്ലാതെ പറഞ്ഞു

നീയെന്താ പറഞ്ഞത് …. ഞാൻ ശരിക്കും കേട്ടില്ല

ഞാനും ആ വരുണും തമ്മിൽ പ്രണയത്തിലാണ്

ഇതെങ്ങനെ ….
നീ കളിക്കല്ലേ ഗംഗേ

കളിയല്ല സത്യം

അച്ഛനറിഞ്ഞാൽ എന്താ ഉണ്ടാവുക എന്നറിയാലോ

അറിഞ്ഞാലൊന്നുമില്ല ,അച്ഛനറിഞ്ഞിട്ടുണ്ട് ഈ കാര്യം

എങ്ങനെ

കാര്യങ്ങളൊക്കെ ശരത്ത് ചേട്ടനോട് പറഞ്ഞിട്ടുണ്ടായിരുന്നു
ശരത്ത് ചേട്ടൻ അച്ഛനോട് സംസാരിച്ചു അച്ഛൻ സമ്മതിക്കില്ലാന്ന് പറഞ്ഞു ,അത് പറയാനാണ് വരുണേട്ടൻ വിളിച്ചത്

എന്റെ ദേവി …… ഇനിയെന്തൊക്കെ സംഭവിക്കാവോ

ചേച്ചി എന്തിനാ ഇങ്ങനെ പേടിക്കുന്നത് അച്ഛനോട് ഞാൻ സംസാരിക്കും

നീയെന്തൊക്കെയാണ് പറയുന്നത് ,അതൊന്നും വേണ്ട

അച്ഛൻ സമ്മതിക്കും

എനിക്ക് തോന്നുന്നില്ല

ചെറുപ്പം മുതലെ ചേച്ചിക്കിഷ്ടമില്ലാത്ത തൊക്കെ എനിക്കാണ് ഡ്രസ്സ് ,കളിപ്പാട്ടം എന്തു തന്നെയായാലും ,നീ ഇഷ്ടമില്ലാന്ന് പറഞ്ഞാൽ എനിക്ക് തരും ,അത് എനിക്ക് ഇഷ്ടമില്ലെങ്കിലും ഞാനത് ഉപയോഗിക്കണം ,നിനക്ക് വേറെ വാങ്ങി തരും
അതു പോലെ തന്നെയാണിത് ,ചേച്ചിക്ക് ഇഷ്ടമില്ലായിരുന്നു വരുൺ ചേട്ടൻ പെണ്ണ് കാണാൻ വന്നത് , അതു കൊണ്ട് സ്വാഭാവികമായും അത് അച്ഛൻ എനിക്ക് തരും ഇത് ഞാൻ ഇഷ്ടത്തോടെ സ്വീകരിക്കും
ഗംഗയുടെ കണ്ണുകൾ നിറഞ്ഞിരുന്നു

ഗംഗേ നീയെന്തിനാ വിഷമിക്കുന്നത് ,അച്ഛൻ സമ്മതിക്കും

നീയെന്നെ സമാധാനിപ്പിക്കേണ്ട ,ഞാനച്ഛനെയൊന്ന് കാണട്ടെ ,പിണക്കമൊക്കെ മാറ്റട്ടെ
*
അച്ഛാ …..

എന്താ ഗംഗേ ….
അച്ഛൻ തനിക്ക് മുഖതരിന്നില്ലെന്ന് ഗംഗക്ക് മനസ്സിലായി

അച്ഛന് എന്നോട് ദേഷ്യമാണോ

അതെന്താ അങ്ങനെ ചോദിച്ചത് ഗംഗേ

ദേഷ്യമില്ലെങ്കിൽ അച്ഛനെന്താ എന്റെ മുഖത്ത് നോക്കാത്തത്
ഞാനെന്തിനാ വന്നതെന്ന് അച്ഛനറിയാം ,

എന്റെ മകൾ എനിക്ക് നാണക്കേട് ഉണ്ടാക്കുമോ എന്നൊരു പേടി എനിക്കുണ്ട്

അച്ഛന് ഒരു നാണക്കേടും ഞാൻ ഉണ്ടാക്കില്ല, ഒരിഷ്ടം തോന്നിപ്പോയി
അതൊരു തെറ്റാണെന്ന് എനിക്ക് തോന്നിയില്ല

ഇങ്ങനെയൊക്കെ പറയാറായോ ഗംഗേ നീ

അച്ഛാ …… വരുണേട്ടനെ എനിക്കിഷ്ടമാണ് ,ആരെയും വേദനിപ്പിച്ച് കൊണ്ടായിരിക്കരുത് ആ ഇഷ്ടം നേടിയെടുക്കേണ്ടത്
എന്നാണെന്റെ ആഗ്രഹം
അതിന് എന്റെ അച്ഛന്റെ സമ്മതം വേണം

അച്ഛന്റെ മറുപടിക്കായി ഗംഗ മാഷിനെ നോക്കി
‘ തുടരും

 

മുൻഭാഗങ്ങൾക്കായി ഈ ലിങ്കിൽ പോവുക

രജിത പ്രദീപ് എടയാട്

 

ഇവിടെ കൂടുതൽ വായിക്കുക

അക്ഷരത്താളുകൾ പ്രസിദ്ധീകരിച്ച എല്ലാ നോവലുകളും വായിക്കുക

അക്ഷരത്താളുകൾ പ്രസിദ്ധീകരിച്ച എല്ലാ കഥകളും വായിക്കുക

3.4/5 - (11 votes)

Welcome to the new year! As you start the year fresh, why not test your knowledge and try a quiz on New Year? Happy quizzing!


Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook

aksharathalukal subscribe

പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം

Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now

©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission

Leave a Reply

Don`t copy text!