Skip to content

ഗൗരി – ഭാഗം 19

gouri-aksharathalukal-novel

മമ്മീ …. എന്തായിത് ആരാ അവരൊക്കെ എന്തിനാ അവര് നമ്മളെ തല്ലിയത്

എനിക്കറില്ല മോളെ ..

ആർച്ചയുടെ ചുണ്ട് പൊട്ടി ചോര വരുന്നുണ്ടായിരുന്നു

മമ്മീയല്ലേ ഒരോ ഗുണ്ടകളെയും വിളിച്ച് സംസാരിക്കുന്നത്

അതിന് വന്നത് ഗുപ്തനല്ലല്ലോ വന്നത്,അവൻ നമ്മുടെ ആളല്ലേ ,അവന് പറഞ്ഞ രൂപ ഞാൻ കൊടുത്തിട്ടുണ്ട് ഇനി കാര്യം കഴിയുമ്പോൾ ബാക്കി തുക കൊടുക്കും

ഉവ്വ് അവൻ ആ ഗുപ്തൻ പഠിച്ച കള്ളനാണ് നമ്മുടെ കൈയ്യിൽ നിന്നും കാശ് വാങ്ങി നമ്മുക്ക് തന്നെ പണി തന്നിട്ടുണ്ടാവും

നീയൊന്ന് മിണ്ടാതിരിക്ക് ആർച്ചേ ,ഞാനെന്തെങ്കിലും ചെയ്തിട്ടുണ്ടെങ്കിൽ അത് നിനക്ക് വേണ്ടിയാണ് ,ഇത് പറഞ്ഞ് നീയെന്നെ കുറ്റപ്പെടുത്തുകയാണോ

കുറ്റപ്പെടുത്തിയതല്ല മമ്മീ ഞാൻ കാര്യം പറഞ്ഞതാണ് ,എനിക്ക് വേദനിച്ചിട്ട് വയ്യാ നമ്മുക്ക് ഹോസ്പിറ്റലിൽ പോയാലോ

അവിടെ പോയി എന്ത് പറയും ,നിന്റെ മുഖത്താണെങ്കിൽ നിറച്ച് വിരൽ പാടാണ് ,ഡോക്ടർ ചോദിച്ചാൽ പറയണ്ടേ

‘പിന്നെ പോകാതെ ഈ വേദന എങ്ങനെ മാറും ,

ഞാൻ എന്തെങ്കിലും ബാം പുരട്ടി ആവി പിടിച്ച് തരാം, നീയൊന്ന് കുറച്ച് നേരം മിണ്ടാതിരിക്ക് ,ഞാനാലോചിക്കുന്നത് ആരായിരിക്കും നമ്മളെ തല്ലാൻ വന്നത് ഒരു പിടിയും കിട്ടുന്നില്ല , ഇതിന് പിന്നിൽ ശരത്തായിരിക്കുമോ

ആയിരിക്കുമോ മമ്മീ ….
അവര് പറഞ്ഞതും അതുതന്നെയല്ലേ
മമ്മീ ആ ഗുപ്തനെയൊന്ന് വിളിക്ക്

ഇത്തിരി കഴിയട്ടെ ആർച്ചേ ഞാൻ വിളിക്കാം ,ഈ വേദനക്കൊരു ശമനം കിട്ടട്ടേ
അവനെ ഞാൻ വിളിക്കുന്നുണ്ട്
*
ഫോണിൽ കൂടി
അവർ പറഞ്ഞത് കേട്ടപ്പോൾ ഗുപ്തന്റെ മുഖത്ത് ഒരു പുഞ്ചിരിയുണ്ടായി ,നല്ല തെളിമയുള്ള പുഞ്ചിരി

ആരാ അണ്ണാ …. വിളിച്ചത് ,അവരാണോ അവരെന്താ പറഞ്ഞത്

അത് ഒരു പണി അവരോട് പറഞ്ഞില്ലേ അതവർ പൂർത്തിയാക്കി, അത് കേട്ടപ്പോൾ പറഞ്ഞറിയിക്കാനാവാത്ത ഒരു സന്തോഷം തോന്നി

സന്തോഷത്തിന്റെ കാര്യം മനസ്സിലായി ,പക്ഷേ ആന്റിയുടെ കൈയ്യിൽ നിന്ന് കാശ് വാങ്ങിയിട്ട് ആന്റിക്ക് തന്നെ പണി കൊടുത്തത് എന്തിനാണെന്ന് മനസ്സിലായില്ല

അതൊക്കെയുണ്ട്

അണ്ണൻ ആ ഗൗരിയെ അറിയോ

ആൻറി എന്നെ വിളിച്ച് പറയുമ്പോൾ ഗൗരി ആരാണെന്ന് എനിക്കറിയില്ലായിരുന്നു

പിന്നെ എപ്പോഴാണ് അറിഞ്ഞത്

ഗൗരിയുടെ ഫോട്ടോ കണ്ടപ്പോൾ എവിടെയോ കണ്ടു മറന്ന മുഖം പോലെ തോന്നിയിരുന്നു അന്വഷിച്ചപ്പോൾ ആണ് ഗൗരി കൃഷ്ണൻ മാഷിന്റെ മകളാണെന്ന് മനസ്സിലായത്

കൃഷ്ണൻ മാഷോ അതാരാ ….

നീയറിയില്ല എന്നെ പഠിപ്പിച്ച മാഷാണ് ,മാഷിന് എന്നെ വലിയ കാര്യമായിരുന്നു ഒത്തിരിയെന്നെ സഹായിച്ചിട്ടുണ്ട് ,എപ്പോഴും പറയും ഞാൻ വലിയ ആളാകുമെന്ന് ,ഞാൻ ചെറുപ്പത്തിൽ ഗൗരിയെ കണ്ടിട്ടുണ്ട്
മാഷിവിടന്ന് സ്ഥലം മാറിയതിൽ പിന്നെ ഞാൻ മാഷേ കണ്ടിട്ടില്ല

അപ്പോ അണ്ണനൊന്ന് മാഷിനെ കണാൻ പോകാൻ മായിരുന്നില്ലേ എല്ലാവരെയും ഒന്നു കണായിരുന്നല്ലോ

വേണ്ട ടാ .മാഷെന്നെ ഇങ്ങനത്തെ ഒരവസ്ഥയിൽ കാണണ്ടാ ,അത് എനിക്കും മാഷിനും സങ്കടമായിരിക്കും ,മാഷ് പഠിപ്പിച്ച കുട്ടികളിൽ ഞാൻ മാത്രമായിരിക്കും ഇങ്ങനെ ആയിതീർന്നത്

അതിന് അണ്ണനിപ്പോ എന്താ ഒരു കുറവുള്ളത് കണാൻ സിനിമ നടനെ പോലെ കാശിന് കാശ് പിന്നെ ഉന്നതങ്ങളിൽ നല്ല പിടിപാട് ഇതിൽ കൂടുതൽ എന്ത് വേണം

ഇതൊക്കെ നേരായി വഴിയിൽ വന്ന് ചേർന്നതാണോ ,ഒരിക്കലും ഞാനിങ്ങനെ യൊന്നും ആവണമെന്ന് ആഗ്രഹിച്ചിരുന്നില്ല പ്ലസ് ടു കഴിഞ്ഞ് തുടർന്ന് പഠിക്കാൻ പറ്റിയില്ല, അച്ഛന്റെ മദ്യപാനം എല്ലാം നശിപ്പിച്ചിട്ടുണ്ടായിരുന്നു ,
അച്ഛൻ മരിച്ചു ,പിന്നെ അമ്മയുടെ അസുഖം, എല്ലാം കൂടിയായപ്പോൾ പിന്നെ പഠിക്കാൻ പറ്റിയില്ല,അന്ന് ഞാൻ ഈ ആൻറിയുടെ വീട്ടിൽ പോയി കെഞ്ചിയിട്ടുണ്ട് ഒന്ന് തിരിഞ്ഞ് പോലും നോക്കിയിട്ടില്ല ,ഞങ്ങളെ വെറുപ്പായിരുന്നു അവർക്ക് ,
പിന്നെയങ്ങോട്ട് കാശ് ഉണ്ടാക്കണമെന്ന വിചാരം മാത്രമേ ഉണ്ടായിരുന്നുള്ള ,എങ്ങനെയെങ്കിലും പണക്കാരാനാവുക ,അതിന്ന് ഇവിടെ വരെ എത്തി
പറഞ്ഞ് കഴിഞ്ഞപ്പോഴെക്കും ഗുപ്തന്റ കണ്ണ് നിറഞ്ഞിരുന്നു

അതൊക്കെ പോട്ടെ അണ്ണ .. കഴിഞ്ഞ കാലമല്ലേ
അല്ല അണ്ണാ ഗൗരി ശരിക്കും ആ പയ്യനെ തട്ടിയെടുത്തതാണോ

പോടാ …ഗൗരി നീ വിചാരിക്കുന്നത് പോലൊരു കുട്ടിയല്ല ,അവളെ കണ്ടിഷ്ടപ്പെട്ട് കല്യാണം ആലോചിച്ച് ചെന്നതാണ് പയ്യൻ ,പയ്യനെ ഞാനറിയും ആന്റിയുടെ ഒരു ബന്ധുവാണ് ബാങ്കിലാണ് ജോലി

അപ്പോ അണ്ണൻ വലിയൊരു അന്വഷണം നടത്തി

അന്വഷണം നടത്തുക മാത്രമല്ല ഞാൻ പോയി ശരത്തിനെ കണ്ടു

എങ്ങനെ ….

*
അങ്കിളിന്റെ ഏട്ടന്റെ മകൻ വരുണിനെ ആദ്യം പോയി കണ്ട് അവനെയും കൂട്ടിയാണ് ശരത്തിനെ കണാൻ പോയത്

ശരത്തിനോട് പോയി കാര്യങ്ങൾ സംസാരിച്ചു

ശരത്ത് ഒന്നും കൊണ്ടു പേടിക്കണ്ട ,ക്വാട്ടേഷൻ തന്നത് സുധ ആന്റിയാണ്

സുധയാൻറിയോ
ശരത്തിനും വരുണിനും അതൊരു ഷോക്കായിരുന്നു ,
വരുണിനോട് ഞാൻ ശരത്തിനെ കാണണമെന്ന് മാത്രമാണ് പറഞ്ഞത് കാര്യങ്ങളൊന്നും പറഞ്ഞിട്ടുണ്ടായില്ല

ഗുപ്താ ഞാൻ നിനക്കൊരു ക്വാട്ടേഷൻ തരുന്നു ആ അമ്മയുടെയും മകളുടെയും കാല് തല്ലിയൊടിക്കാൻ കാശൊരു പ്രശ്നമല്ല

ഏയ് വരുണെ അതിന്റെയൊന്നും ആവശ്യമില്ല ആന്റിയുടെയും ആർച്ചയുടെയും കാര്യം എനിക്ക് വിട്ടേക്ക് ,ആന്റിക്കൊരു പണി കൊടുക്കാൻ ഞാൻ ചെറുപ്പത്തിൽ തുടങ്ങി ആഗ്രഹിച്ചിരുന്ന കാര്യമാണ് പിന്നെ ഗൗരിയമായി എനിക്കൊരു ബന്ധമുണ്ട് കൃഷ്ണൻ മാഷ് എന്റെ അധ്യാപകനായിരുന്നു മാഷിന്റെ പ്രിയ്യപ്പെട്ട വിദ്യാർത്ഥിയായിരുന്നു ഞാൻ

വരുണും ശരത്തും ഗുപ്തനെ അൽഭുതത്തോടെ നോക്കി

മാഷ് അന്നെന്നെ ഒത്തിരി സഹായിച്ചിട്ടുണ്ട് ,ആ മാഷിന്റെ മകൾക്ക് ഒരാപത്ത് വരുമ്പോൾ കൈകെട്ടി നോക്കി നിൽക്കാൻ ഗുപ്താനാവില്ല

ശരത്ത് ഒന്നുകൊണ്ടും പേടിക്കണ്ട ഇനി എന്തു കാര്യത്തിനും ഞാനുണ്ട് നിങ്ങളുടെ കൂടെ ഗൗരിയുടെ ഏട്ടനായി
ഗുപ്തൻ പറഞ്ഞു

അത് ഒരേട്ടന്റെ ശബ്ദമായിട്ടാണ് ശരത്തിനും വരുണിനും തോന്നിയത്
*

അത്രയുമായപ്പോഴെക്കും സുധയെയും ആർച്ചയെയും തല്ലിയ മൂന്ന് പേരും തിരിച്ച് വന്നു

അണ്ണോ …… തള്ളക്കും മകൾക്കും നല്ലത് കൊടുത്തിട്ടുണ്ട്

ഇങ്ങനത്തെ ഒരു സാധനത്തിനെ എന്റെ ജീവിതത്തിൽ കണ്ടിട്ടില്ല ,ദേ ഇത് കണ്ടോ ആ തള്ള മാന്തിയതാണ് ,പൂച്ച മാന്തിയത് പോലെ ,തല്ലിയ കൂട്ടത്തിൽ അവരുടെ നഖമൊക്കെ വെട്ടാമായിരുന്നു

തള്ളക്ക് അടി കുറവാ കൊടുത്തത് പ്രായത്തെ ഒന്നു ബഹുമാനിച്ചു ,പക്ഷെ മോൾക്ക് നല്ലത് കൊടുത്തിട്ടുണ്ട്

അവൾക്കതാവശ്യമാണ് ,ഇനിയത്തെ പോക്കിന് അവളുടെ ഒരെല്ല് കൂടുതൽ ഉള്ളത് ഊരി എടുക്കണം
ഗുപ്തൻ പറഞ്ഞു

ആക്കാര്യം ഞങ്ങളേറ്റു അണ്ണാ ,എന്നാ പോവേണ്ടത് എന്ന് പറഞ്ഞാൽ

നിങ്ങൾക്കറിയോ അണ്ണൻ എന്തിനാണ് ആൻറിയെ തല്ലാൻ പറഞ്ഞതെന്ന് ആ ഗൗരിയെ അണ്ണൻ അറിയും ആ കാര്യം എന്നോട് പറഞ്ഞ് കൊണ്ടിരിക്കുകയായിരുന്നു

അത് എന്ത് കാരണം കൊണ്ടായാലും ഞങ്ങൾക്കറിയില്ല അണ്ണൻ തല്ലാൻ പറത്താൽ ഞങ്ങള് തല്ലും അതിപ്പോ ആരെ തല്ലാൻ പറഞ്ഞാലും

പെട്ടെന്ന് ഗുപ്തന്റെ ഫോൺ റിംഗ് ചെയ്തു

സുധയായിരുന്നു

എന്താ ആന്റി …

ഗുപ്താ രണ്ടു മൂന്നു പേര് വന്ന് എന്നെയും ആർച്ചയെയും തല്ലിയിട്ട് പോയി നിനക്കറിയോ അവര് ആരാണെന്ന് സുധ വന്നവരെ പറ്റി ചെറിയൊരു വിവരണം ഗുപ്ത ന് കൊടുത്ത്

അത് ആന്റി നിങ്ങളെ തല്ലാൻ വന്നത് വേറാരുമല്ല എന്റെ ആളുകളാണ് ഗുപ്തൻ ചിരിച്ചു കൊണ്ട് പറഞ്ഞു

നിന്റെ ആളുകളോ എന്റെ കാശ് വാങ്ങി നീ എന്നെ തല്ലുന്നോ ,എന്റെ മോള് പറഞ്ഞിരുന്നു ചിലപ്പോ നീയായിരിക്കുമെന്ന് നിന്നെ ഞാൻ വെറുതെ വിടില്ല ,ഞാൻ പോലീസിനെ വിളിക്കും സുധക്ക് ദേഷ്യം വന്നു

വിളിച്ചോ … ആന്റി വിളിക്ക് അപ്പോ കാര്യങ്ങൾ കുറച്ച് കൂടി ഈസിയായി ,ഞാൻ വേറൊന്നും ചെയ്യില്ല ആന്റി എന്നോട് പറഞ്ഞതൊക്കെ റെക്കോർഡ് ആയിട്ടുണ്ട് അത് ഞാൻ അവരെ ഏൽപിക്കും ‘ഗൗരിയെ കൊല്ലാൻ പറഞ്ഞതൊക്കെ

നീ എന്നെ പേടിപ്പിക്കുകയാണോ

അല്ലാട്ടോ

നിനക്ക് ഞാനിത് മറുപടി തരും നീ ഒരിക്കലും മറക്കാത്ത വിധത്തിൽ

ശരി ആന്റിയുടെ ആഗ്രഹമല്ലേ നടക്കട്ടെ
പിന്നെ ഒരു കാര്യം കൂടി ആർച്ചക്കിനി ആന്റി ചെറുക്കനെ അന്വഷിക്കണ്ടാട്ടോ

എന്താ ഞങ്ങൾക്ക് പകരം നീ അന്വഷിക്കോ

ഞാൻ അന്വഷിക്കല്ല
ആർച്ചയെ ഞാൻ കെട്ടിക്കോളാം ……..

നീയെന്താ പറഞ്ഞത് എനിക്ക് മനസ്സിലായില്ല

ഇതിലിപ്പോ മനസ്സിലാകാതിരിക്കാനായി ഒന്നുമില്ല ,ആർച്ചയെ ഞാൻ വിവാഹം ചെയ്ത് കൊള്ളാമെന്ന്

നീയോ….
സുധ ഒന്നു പൊട്ടി ചിരിച്ചു
അതു കൊള്ളാം നിനക്കെന്ത് യോഗ്യതയുണ്ട് എന്റെ മകളെ കുറിച്ച് ഇങ്ങനെ പറയാൻ ,അവളുടെ പേര് പറയാൻ നീ പേടിക്കണം

എന്തിന്
ആന്റി …..എന്തിനാ ഞാൻ പേടിക്കുന്നത് ഞാൻ വിചാരിച്ചാൽ ആർച്ച ഇപ്പോ എന്റെ അടുത്തെത്തും ആന്റിക്ക് കാണണോ

അത് കേട്ടപ്പോൾ സുധക്ക് ഉള്ളില് പേടി തോന്നി ,ചിലപ്പോ അവൻ പറഞ്ഞത് പോലെ ചെയ്യ്താലോ

പക്ഷെ ഉള്ളിലെ പേടി സുധ പുറത്ത് കാണിച്ചില്ല ,
നീയെന്നെ പേടിപ്പിക്കുകയാണോ നിനക്ക് ആള് മാറിപ്പോയി മോനെ നീ കണ്ടതിനെക്കാളും ലോകം കണ്ടവളാണ് ഞാൻ ഇതിലൊന്നും ഞാൻ പേടിക്കില്ല

ശരി ആന്റി പേടിക്കണ്ട ഞാൻ പറഞ്ഞത് പോലെ സംഭവിക്കുമ്പോൾ ഈ ദേഷ്യമൊക്കെ മാറ്റി വച്ച് ഞങ്ങളെ ആന്റി അനുഗ്രഹിക്കണം

എന്റെ മകളുടെ ചെരിപ്പ് തൊടാൻ പോലും യോഗ്യതയില്ലാത്ത നീയാണോ എന്നെ വെല്ലുവിളിക്കുന്നത് ,നമ്മുക്ക് നോക്കാം എന്താ അവസാനം സംഭവിക്കുന്നതെന്ന്

നോക്കാം
അപ്പോ ശരിയാന്റി ഞാൻ ഇടക്ക് വിളിക്കാം

എന്തിന് നീയെന്തിനാ എന്നെ വിളിക്കുന്നത്

എനിക്ക് ആർച്ചയുടെ വിശേഷങ്ങളൊക്കെ അറിയണ്ടേ

ഇനി മേലാക്കം നീയെന്റെ ഫോണിലേക്ക് വിളിക്കരുത്

ശരി ആന്റിയെ വിളിക്കണില്ല ഒരു കാര്യം ചെയ്യ് ആർച്ചയുടെ നമ്പർ തായോ അപ്പോ പിന്നെ എനിക്ക് ആൻറിയെ ശല്യപ്പെടുത്തേണ്ടി വരില്ല
ഗുപ്തൻ ചിരിക്കുകയായിരുന്നു

അവന്റെ ചിരി കേട്ടപ്പോൾ സുധക്ക് ദേഷ്യം ഇരട്ടിച്ചു

സുധ കോള് കട്ട് ചെയ്തു

എന്താ മമ്മീ ….
എന്താ അവൻ പറഞ്ഞത് ആ ഗുണ്ടാ

അത് മോളെ ….

മമ്മീ മടിക്കാതെ അവൻ എന്താ പറഞ്ഞതെന്ന് പറ

നിനക്ക് ചെറുക്കനെ നോക്കണ്ടാന്ന് ,അവൻ നിന്നെ വിവാഹം കഴിച്ചോളാമെന്ന്

മമ്മിക്ക് തല്ലത് പറഞ്ഞ് കൊടുക്കാൻ മേലായിരുന്നോ ,കെട്ടാനിങ്ങട്ട് വരട്ടേ ഞാൻ കഴുത്ത് നീട്ടികൊടുക്കാം അവന്റെ സാമർത്ഥ്യം നോക്ക്, ഇതിനൊക്കെ കാരണം മമ്മി തന്നെ യാണ് , മമ്മിയിത്തിരി അകലം പാലിച്ച് സംസാരിച്ചിരുന്നെങ്കിൽ അവന് ഇത്രക്കും ധൈര്യം ഉണ്ടാവില്ലാർന്നു

വന്നത് വന്നു ഇനി അത് പറഞ്ഞിരുന്നിട്ട് എന്ത് കാര്യം അവൻ പറഞ്ഞതോർത്ത് മോള് വിഷമിക്കണ്ട

എനിക്കെന്ത് വിഷമം ഭ്രാന്തൻ മാര് പലതും പറയും അതിനെനിക്കെന്താ ..

*
അണ്ണാ അണ്ണൻ തീവണ്ടിക്ക് തല വെക്കാൻ പോവുകയാണോ

എന്താ നീ അങ്ങനെ ചോദിച്ചത്

അണ്ണൻ ആ തള്ളയുടെ മകളെയാണോ കെട്ടാൻ പോകുന്നത് ,തള്ളയെക്കാൾ ഒരു പടി മുകളിലാണ് മകൾ

നിങ്ങൾ വിചാരിക്കുന്നത് പോലെയല്ല ,ആദ്യം ഞാൻ ആന്റിയെ ഒന്നു പേടിപ്പിക്കാൻ പറഞ്ഞതാണ് പക്ഷെ ആന്റി ഇപ്പോൾ എന്നെ വെല്ലുവിളിച്ചിരിക്കുകയാണ് ,ഇനി അവളെ എനിക്ക് കെട്ടിയെ പറ്റൂ

എന്റെ അണ്ണാ അവളെ മെരുക്കാൻ ഭയങ്കര പാടായിരിക്കും അവൾക്ക് ആണുങ്ങളെയൊക്കെ ഭയങ്കര പുച്ഛമാണ് ,പിന്നെ മുട്ടൻ അഹംങ്കാരം ഇതിനെ തന്നെ വേണോ അണ്ണന് കെട്ടാൻ

അണ്ണൻ പറ
നല്ല പെൺകുട്ടികളെ ഞങ്ങൾ കണ്ടു പിടിച്ച് കൊണ്ടു വരാം

ടാ … മതി എനിക്കിനി വേറെ ആരെയും വേണ്ട ,ഞാൻ ആർച്ചയെ കെട്ടും ,ഇനി എത്ര വലിയ തടസ്സങ്ങൾ ഉണ്ടായാലും ആർച്ചയെന്ന പടകുതിരയെ ഈ ഗുപ്തൻ മെരുക്കിയിരിക്കും

ആർച്ചയെ അണ്ണൻ കണ്ടിട്ടുണ്ടോ

ഞാൻ ചെറുതി ലെ കണ്ടതാണ് ,തറവാട്ടിലേക്കൊന്നും ആർച്ച വരാറില്ല

കാണാനൊരു ഭംഗിയൊക്കെ യുണ്ട്

ഇനിയിപ്പോ അവള് വിരൂപയായാലും ഞാൻ കെട്ടും ,ഇനി തീരുമാനത്തിൽ മാറ്റമില്ല

അറിയാത്ത പിള്ള ചൊറിയുമ്പോൾ അറിയും ഗുപ്തൻ കേൾക്കാതെ അവരിലൊരാൾ പറഞ്ഞു

*
ഗൗരി ….. ഇന്നലെ നീ സാരി വാങ്ങാൻ പോകുന്നത്, ഗംഗ വരുന്നുണ്ടോ

ഇല്ല നിമിഷ എന്നോട് ശ്യാമേട്ടന്റെ ഷോപ്പിലേക്ക് ചെല്ലാന്നാണ് സാറ് പറഞ്ഞിരിക്കുന്നത്, സാറ് തിരിച്ച് വീട്ടിലേക്ക് കൊണ്ടു വിടാമെന്ന് പറഞ്ഞിട്ടുണ്ട്

ഉവ്വ് ….. മനസ്സിലായി

എന്താടീ ഒരു ഉവ്വ് .. എന്തോ അർത്ഥം വച്ച് സംസാരിക്കുന്നത് പോലെ

ഒന്നുമില്ല എന്നെയൊക്കെ എന്നാണാവോ ഒരാള് ഡ്രസ്സ് ഒക്കെ വാങ്ങി തന്ന് വീട്ടിൽ കൊണ്ടുവിടുന്നത്

നിന്റെ മനസ്സിൽ അതാണല്ലേ

അതാണ് മോളെ

നിനക്കും ഒരാള് വേഗം വരും

ഗൗരി …… ദേ ശരണ്യ നമ്മുടെ അടുത്തേ വരുന്നുണ്ട് ,നീ ഏണീച്ച് പോകരുത് അവൾക്ക് പറയാനുള്ളത് നീ കേൾക്കണം ,അവള് ചെയ്തത് തെറ്റാണ് അതെനിക്കറിയാം എന്നാലും എത്ര നാള് നിങ്ങൾ ഇങ്ങനെ ഒളിച്ച് കളിക്കും ,നിന്റെ കല്യാണത്തിന് അവളെ വിളിക്കണ്ടേ,

നിമിഷാ …

ഒന്നും പറയണ്ടാ ദേ ശരണ്യ നമ്മുടെ അടുത്തെത്താറായി ,അവൾക്ക് പറയാനുള്ളത് നമ്മുക്ക് കേൾക്കാം

ശരണ്യ അവരുടെ അടുത്തെത്തി

ഗൗരി … എനിക്ക് നിന്നോട് സംസാരിക്കണം ,എത്ര ദിവസമായി നിന്റെ പുറകെ ഞാൻ നടക്കുന്നു ,ദയവായി എനിക്ക് പറയാനുള്ളത് കേൾക്കണം

എന്താ നിനക്ക് എന്നോട് പറയാനുള്ളത്
,നീ ചെയ്ത പ്രവൃത്തി എന്നെ എത്രത്തോളം വേദനിപ്പിച്ചെന്ന് നിനക്കറിയോ

ഗൗരി എനിക്കറിയാം എനിക്ക് തെറ്റ് പറ്റി ,പക്ഷെ അതിൽ എനിക്കിപ്പോൾ ഒരു പാട് സങ്കടം ഉണ്ട് ,അതിന്റെ കൂടെ നിന്റെയീ മൗനം എനിക്കത് സഹിക്കാൻ പറ്റുന്നില്ല
ശരണ്യ കരയുന്നുണ്ടായിരുന്നു

നിമിഷ ഗൗരിയുടെ കൈയ്യിൽ പിടിച്ചമർത്തി

ഗൗരി .. ഇനി കുറച്ച് ദിവസം കൂടിയെ ക്ലാസ്സ് ഉള്ളൂ ,നമ്മള് തമ്മിൽ ഇനി ഒരിക്കലും കാണുകയില്ല ,ഇവിടെ നിന്ന് ഞങ്ങൾ ചേട്ടന്റെ ജോലി സ്ഥലത്തേക്ക് പോകും, ചിലപ്പോ ഇനി ഒരു തിരിച്ച് വരവ് ഉണ്ടാകില്ല
ഇവിടെ നിന്ന് പോകുന്നതിന് മുൻപ് നിന്നോട് എല്ലാം ഏറ്റു പറഞ്ഞ് മാപ്പിരക്കണമെന്ന് തോന്നി ,ഒരു ചെറിയ കുശുമ്പ് തോന്നി നിന്നോട് അതിന്റെ പരിണിത ഫലമാണിതൊക്കെ, ഒന്നും വേണ്ട നീ മാപ്പൊന്നും ത ര ണ്ട എന്നെ വെറുക്കാതിരുന്നാൽ മതി
ശരണ്യ കരഞ്ഞ് കൊണ്ട് പറഞ്ഞൊപ്പിച്ചു

ശരണ്യേ …..
നിന്നെ വെറുക്കാനോ അതിന് എനിക്ക് കഴിയുമെന്ന് നിനക്ക് തോന്നുന്നുണ്ടോ ,നിന്നോട് മിണ്ടാത്തതിൽ എനിക്കും വിഷമമുണ്ടായിരുന്നു ,നീയായിരുന്നില്ലേ എന്റെ ധൈര്യം
ഗൗരി ശരണ്യയെ കെട്ടി പിടിച്ചു കരഞ്ഞു

ഓ അങ്ങനെ ഉരുകാൻ വെമ്പി നിന്ന മഞ്ഞ് ഉരുകി ,സാമാധാനമായി
നിമിഷ പറഞ്ഞു

പോടീ ….

ആ … അതെനിക്കറിയാം രണ്ടും തമ്മിൽ കൂട്ടായാൽ നമ്മൾ ഔട്ട് ആണെന്ന്
എന്തായാലും നിങ്ങൾ തമ്മിലുള്ള പിണക്കം മാറിയത് കൊണ്ട് രണ്ടു പേരും നാളെ എനിക്ക് ചിലവ് ചെയ്യണം

ആക്കാര്യം ഞങ്ങളേറ്റു

*
എന്തിനാ ആർച്ചേ നീ ഡോക്ടറൊട് കള്ളം പറഞ്ഞത് ,നീ പറഞ്ഞത് നുണയാണെന്ന് ഡോക്ടർക്ക് മനസ്സിലായിട്ടുണ്ട്

പിന്നെ ഞാനെന്തു പറയണം ക്വാട്ടേഷൻ കാര് തല്ലിയതാണെന്ന് പറയണോ

അല്ല ഡോക്ടറോടും വക്കീലിനോടും കള്ളം പറയരുതെന്നല്ലേ

നീയൊന്ന് പോയേ മെറിനെ ,ഇനി ഇതു പോലത്തെ തത്വം വല്ലതും പറഞ്ഞാൽ കാറിൽ നിന്നും ഇറക്കി വിടും

ആ നീയതു ചെയ്യുമെന്ന് എനിക്കറിയാം ,അതു കൊണ്ട് ഞാനിനി മിണ്ടുന്നില്ല

അതാ നല്ലത് ,ഡോക്ടറെ കാണണ്ടാന്ന് മമ്മി പറഞ്ഞത് ഡോക്ടർ ഇതെങ്ങനെ പറ്റി എന്ന് ചോദിച്ചാൽ എന്ത് മറുപടി പറയും എന്നത് കൊണ്ടായിരുന്നു ,പക്ഷേ എനിക്ക് വേദന സഹിക്കാൻ പറ്റുന്നുണ്ടായിരുന്നില്ല, അപ്പോ ഞാൻ തന്നെ യാണ് പറഞ്ഞത് ഇത്തിരി അകലെയുള്ള ഹോസ്പിറ്റലിൽ പോകാമെന്ന്

അത് നന്നായി ,ഇനി ആ ഡോക്ടറെ നമ്മളിനി കാണില്ല പിന്നെന്താ ,അതൊക്കെ പോട്ടെ എനിക്ക് വിശക്കുന്നുണ്ട്

നിനക്ക് ഫുഡ് വല്ലതും കഴിക്കണോ

വേണം

ഇനി അടുത്ത് കാണുന്ന ഹോട്ടലിൽ കയറാം

അത് മതി

കുറച്ച് ദൂരം കഴിഞ്ഞപ്പോൾ ഒരു ഹോട്ടൽ കണ്ടു ,ആർച്ച ഹോട്ടലിന്റെ പാർക്കിംഗ് ഏരിയയിൽ കാറ് പാർക്ക് ചെയ്തു, ആർച്ചയും മെറീനയും കാറിൽ നിന്നും പുറത്തിറങ്ങി

തൊട്ടു പിറകിലായി പാർക്കിംഗിലേക്ക് വന്ന് കാറ് ആർച്ചയുടെ കാറിൽ ചെറുതായൊന്ന് മുട്ടി, ആർച്ചയുടെ കാറിന്റെ ബാക്ക് ഭാഗം ചെറുതായി ചെളങ്ങി

ആർച്ച കാറിനടുത്തേക്ക് ചെന്നു

അപ്പോഴെക്കും കാറിൽ നിന്നും ഒരു സുന്ദരനായ ചെറുപ്പക്കാൻ ഇറങ്ങി

എന്തൊരു ഭംഗിയാണ് ഇയാക്ക്
മെറിൻ മനസ്സിൽ കരുതി

താൻ എവിടെ നോക്കിയ ടോ വണ്ടി ഓടിക്കുന്നത് ,ഓടിക്കാൻ അറിയില്ലെങ്കിൽ കാറ് ചുമന്ന് കൊണ്ട് നടക്ക്
ആർച്ച പരിഹാസത്തോടെ പറഞ്ഞു

അത് പറയാൻ നീ ആരാ ടീ

ഹാലോ മിസ്റ്റർ ടീ നൊക്കെ വിളിക്കണ്ടത് തന്റെ വീട്ടിലുള്ളവരെ

നിന്നെ ടീന്ന് വിളിച്ചാൽ നീ എന്തു ചെയ്യും

താനെന്റെ കൈയ്യുടെ ചൂട് അറിയും

ശരി എന്നാ ഒന്ന് അറിഞ്ഞിട്ട് തന്നെ കാര്യം

ദേഷ്യം കൊണ്ട് ആർച്ചയുടെ കണ്ണുകൾ ചുവന്നു ,ഇവന്റെ അഹംങ്കാരം ഇന്നത്തോടെ തീർക്കണം

തല്ലാനായി കൈ ഓങ്ങിയത് മാത്രം ആർച്ചക്ക് ഓർമ്മയുണ്ട് ,കവിളത്ത് അയാളുടെ കൈ പതിഞ്ഞപ്പോഴാണ് കൈ ഓങ്ങിയത് താനാണെങ്കിലും തല്ലിയത് അയാളാണെന്ന് ആർച്ചക്ക് മനസ്സിലായത്

ഗുപ്തനോട് കളിക്കുമ്പോൾ സൂക്ഷിച്ച് കളിക്കണം
അയാൾ ദേഷ്യത്തോടെ അവളുടെ മുഖത്ത് നോക്കി പറഞ്ഞു

തുടരും

 

മുൻഭാഗങ്ങൾക്കായി ഈ ലിങ്കിൽ പോവുക

രജിത പ്രദീപ് എടയാട്

 

ഇവിടെ കൂടുതൽ വായിക്കുക

അക്ഷരത്താളുകൾ പ്രസിദ്ധീകരിച്ച എല്ലാ നോവലുകളും വായിക്കുക

അക്ഷരത്താളുകൾ പ്രസിദ്ധീകരിച്ച എല്ലാ കഥകളും വായിക്കുക

3.9/5 - (11 votes)

Welcome to the new year! As you start the year fresh, why not test your knowledge and try a quiz on New Year? Happy quizzing!


Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook

aksharathalukal subscribe

പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം

Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now

©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission

Leave a Reply

Don`t copy text!