ഗൗരിയും ശരത്തിനെ കണ്ടു
ബാങ്കിലെ കാര്യമാണ് ഗൗരിക്ക് ഓർമ്മ വന്നത്
ശരത്ത് ഗൗരി ഇരിക്കുന്ന ടേബിളിനരികിലേക്ക് ചെന്നു
അവനെ കണ്ടതും ഗൗരി ഏണീറ്റു
“താനെന്താ ഇവിടെ ,ക്ലാസ്സ്കഴിഞ്ഞാൽ തനിക്ക് വീട്ടിൽ പോക്കൂടെ ”
”ഞാൻ …..”
”സാറെന്തിനാ ഇവളുടെ കാര്യം അന്വഷിക്കുന്നത് ഇവൾക്ക് ചോദിക്കാനും പറയാനും അച്ഛനും അമ്മയും ഉണ്ട്” ശരണ്യ പറഞ്ഞു
“ഞാൻ ഇയാളൊട് സംസാരിച്ചിട്ടില്ല
ഗൗരി എന്താ ഇവിടെ എന്നാണ് ചോദിച്ചത് ” ശരത്തിന് ദേഷ്യം വന്നു
”അതാ ഞാനും ചോദിച്ചത് സാറെന്തിനാ ഗൗരിയുടെ കാര്യം അന്വഷിക്കുന്നത് ,ഗൗരി സാറിന്റെ ആരാ ”
അതിനു മറുപടി ശരത്ത് പറഞ്ഞില്ല
“ഇതാരാ ഗൗരി ,പോലീസ്ക്കാരെ പോലെ നിന്നെ ചോദ്യം ചെയ്യാൻ ”
”ബാങ്കിലെ സാറാണ് …”
“ബാങ്കിലെ സാറ് ബാങ്കിലെ കാര്യമന്വഷിച്ചാൽ മതി ഞങ്ങളുടെ കാര്യം അന്വഷിക്കണ്ടാ ”
”എന്താ ശരത്തേ എന്താ പ്രശ്നം ,
“ഒന്നൂലാ സാർ”
“താൻ വാ നമ്മുക്ക് പോകാം, ഇപ്പോഴത്തെ പിള്ളേരോട് ഒന്നും പറയുന്നത് അവർക്കിഷ്ടമല്ല ”
”അതെനിക്കറിയാം സാർ”
“താനറിയോ ആ കുട്ടികളെ ”
“എല്ലാവരെയും അറിയില്ല ഒരാളെയും ആളുടെ കൂട്ടുക്കാരിയെയും അറിയാം”
“അതെങ്ങനെ”
“ആ കുട്ടിയാണ് ഞാൻ ചീത്ത പറഞ്ഞിട്ട് ബാങ്കിൽ തല കറങ്ങി വീണത് ” ശരത്ത് ചമ്മലോടെ പറഞ്ഞു
“താനാ കുട്ടിയെ തിരഞ്ഞ് പിടിച്ച് ചീത്ത പറയുകയാണോ അതു കൊള്ളാം”
“ചീത്ത പറയണമെന്ന് കരുതി ചെന്നതല്ല ,പക്ഷേ …..”
“എന്താ തന്റെ പ്രശ്നമെന്ന് എനിക്ക് മനസ്സിലായി ” സാറ് ചിരിച്ച് കൊണ്ട് പറഞ്ഞു
* * *
”നമ്മുക്ക് പോയാലോ ശരണ്യേ ….”
“എന്തിന് ,അയാളെ പേടിച്ചിട്ടോ നിനക്ക് വല്ല വട്ടുമുണ്ടോ ”
“ആ ബാങ്ക് ക്കാരനും നീയുമായി എന്തെങ്കിലും പ്രശ്നമുണ്ടോ ഗൗരി ”
”ഇല്ല ”
“അയാക്ക് മുഴുത്ത വട്ട് ,അന്ന് ബാങ്കിൽ വച്ച് വെറുതെ ചീത്ത പറഞ്ഞിട്ടാണ് ഇവള് തലകറങ്ങിവീണത് ”
“ആ സാറാണോ ഇത് നല്ല ചുള്ളനാണല്ലോ ഗൗരി .. ഞാൻ കരുതിയത് വല്ല വയസ്സൻമാരായിരിക്കുമെന്നാണ് ”
“ടീ ഇതിനെക്കാൾ ഭേദം വയസ്സൻമാരാണ് ,ഇത് പ്രായം കുറവാണെങ്കിലും പ്രവൃത്തി മുഴുവൻ വയസ്സൻമാരുടെ പോലെയാണ് ”
“ഗീതാഗോവിന്ദം സിനിമയിലെ നായകനെ പോലെയുണ്ട് ” ഒരു കൂട്ടുക്കാരി പറഞ്ഞു
“നിന്റെ മുഖത്തൊന്നും കണ്ണല്ലേ ,ഗീതഗോവിന്ദത്തിലെ നായകൻ …..”
ശരണ്യക്ക് ദേഷ്യമായിരുന്നു
“അങ്ങനെയൊന്നും പറയണ്ട, എന്തിനാ മറ്റുള്ളവരെ കുറിച്ച് വേണ്ടത്തത് പറയുന്നേ ശരണ്യേ ”
‘ഞാനിനിയും പറയും ,ബാങ്കിൽ വച്ച് അന്ന് വെറുതെ പ്രശ്നമുണ്ടാക്കിയതാണ്
ഇപ്പോഴും അങ്ങനെ തന്നെ ,അയാളെന്തിനാ നിന്റെ കാര്യത്തിലിടപ്പെടുന്നേ അതാ എനിക്ക് മനസ്സിലാവാത്തെ ”
“നമ്മുക്ക് വന്ന കാര്യം കഴിഞ്ഞിട്ട് പോയാൽ മതി”
ഗൗരിയുടെ ബർത്ത് ഡേ ആഘോഷിക്കാൻ വന്നതായിരുന്നു എല്ലാവരും കൂടി
ഗൗരിക്ക് വീട്ടിൽ പോയാൽ മതിയെന്നായി
“നീയെന്താ ഗൗരി വിഷമിക്കുന്നത് ,അയാളോട് പോകാൻ പറ “ഒരു കൂട്ടുക്കാരി പറഞ്ഞു
എല്ലാവരും പെട്ടെന്ന് തന്നെ ചിരിയും ബഹളവുമായി, ഗൗരിക്ക് മാത്രം അങ്ങനെയാവാൻ പറ്റിയില്ല, എങ്ങനെയെങ്കിലും അവിടെ നിന്ന് പോയാൽ മതിയെന്നായി
* * *
“താൻ വീട്ടിൽ കയറുന്നില്ലേ ശരത്തേ ”
“ഇല്ല സാർ”
“താൻ വായോ …. താൻ കയറാതെ പോയാൽ എന്റെ ശ്രീമതി എന്നെയാണ് വഴക്ക് പറയുക ”
കാറിന്റെ ശബ്ദം കേട്ടപ്പോഴെക്കും സാറിന്റെ ഭാര്യ മുൻവശത്തേക്ക് വന്നു
ശരത്തിനെ കണ്ടതും അവർ ചിരിച്ചു
“വായോ ശരത്തേ ഒരു കാപ്പി കുടിച്ചിട്ട് പോകാം”
“വേണ്ട മേഡം ….ഞാൻ കാപ്പി കുടിച്ചതാണ് ”
“ഇവിടെ വരെ വന്നിട്ട് കേറാതെ പോകുന്നത് ശരിയല്ലാട്ടോ ,പിന്നെ ഞാൻ നിന്നോട് പറഞ്ഞിട്ടുണ്ട് എന്നെ മേഡമെന്ന് വിളിക്കരുതെന്ന് ”
“താൻ വായോ ഒന്നു കയറിയിട്ട് പോ”
“ഇല്ല സാർ ഇനിയൊരിക്കലാവട്ടേ ”
“എന്നാ നാളെ കണാം ”
* * *
ശരത്ത് വീട്ടിലെത്തി
അഭിരാമിയായിരുന്നു വാതിൽ തുറന്നത്
“ആരെയും കൂട്ടിയാണ് ഇന്ന് കാപ്പി കുടിക്കാൻ പോയത് ”
വാതിൽ തുറന്ന് കൊണ്ട് അവൾ ചോദിച്ചു
“ഏട്ടത്തിയമ്മ എങ്ങനെ അറിഞ്ഞു ,ഞാൻ പോയ കാര്യം ”
“അതൊക്കെ അറിഞ്ഞൂ ഞാൻ മാത്രമല്ല അമ്മയും ”
”എങ്ങനെ
ഞാനും സാറും കൂടിയാണ് പോയത് ”
“എന്തായിരുന്നു കോപ്പി ഷോപ്പിൽ പ്രശ്നം ”
“അത് ഞാൻ …. കുറച്ച് കുട്ടികളെ ഉപദ്ദേശിച്ചതാ”
“ആണോ ഞങ്ങളറിഞ്ഞത് ഏതോ ഒരു കുട്ടിയെ ചീത്ത പറഞ്ഞു എന്നാണല്ലോ”
“ആരാ ഏട്ടത്തിയമ്മേ അത് ഇവിടെ ക്ക് വിളിച്ച് പറഞ്ഞത് ”
“ആർച്ച”
“ആർച്ചയോ ,ആർച്ച എങ്ങനെ കണ്ടു ”
“കൂട്ടുക്കാരി അവിടെ ഉണ്ടായിരുന്നു അല്ലാ,ഉപദേശിക്കാൻ മാത്രം എന്തായിരുന്നു പ്രശ്നം ”
“ബാങ്കിൽ വരാറുള്ള കുട്ടിയാണ് ,ക്ലാസ് കഴിഞ്ഞിട്ട് കറങ്ങി നടക്കണ കണ്ടപ്പോ …. ”
“ഓ … അങ്ങനെ അപ്പോ ബാങ്കിൽ വരുന്നവർക്ക് ബാങ്കിന് പുറത്തും ശരത്ത് സാറിന്റെ സേവനം ലഭ്യമാണ്”
“കളിയാക്കിയതാണല്ലേ”
“അല്ലാ ശരത്ത് സാറിന്റെ സേവന
താൽപര്യത കണ്ട് പറഞ്ഞ് പോയതാണ് ”
”നീ വന്നോ ശരത്തേ ”
അമ്മ അവിടെക്ക് വന്നു
“എന്താ ശരത്തേ എന്താ പ്രശ്നം ”
“എന്ത് പ്രശ്നം അമ്മ ഏത് പ്രശ്നത്തിന്റെ കാര്യമാണ് ചോദിക്കുന്നത് ”
“എന്താ പ്രശ്നമെന്നറിയില്ല ,ആർച്ചവിളിച്ചു പറഞ്ഞു നീ ഏതോ പെൺകുട്ടിയെ ചീത്ത പറയുന്നത് കണ്ടു എന്ന് ”
“അവളോ”
“അവളല്ല അവളുടെ കൂട്ടുക്കാരി,നിന്നെ വിളിച്ചിട്ട് കിട്ടിയില്ല എന്ന് പറഞ്ഞു ,”
“അതൊന്നുമില്ല അമ്മേ ഞാനറിയുന്ന ഒരു ചേട്ടന്റെ മോളാണ് ,ഞാനും സാറും കൂടി കാപ്പി കുടിക്കാൻ പോയപ്പോൾ അവിടെ വച്ച് കണ്ട്, ക്ലാസ്സ് കഴിഞ്ഞാൽ വീട്ടിൽ പോക്കൂടെ എന്ന് ചോദിച്ചു അല്ലാതെ വേറൊന്നുമില്ല”
“അത്രയുള്ളു കാര്യം അവള് പറഞ്ഞത് നീ എന്തോ ഒച്ചയിൽ ചോദിച്ചു എന്നാണ് ”
“അവൾക്ക് വട്ടാണ് ”
ശരത്ത് റൂമിലേക്കെത്തിയതും ആർച്ചവിളിച്ചു
“എന്താ ശരത്തേ കോഫി ഷോപ്പിൽ എന്താ പ്രശ്നമുണ്ടായത് ”
“അങ്ങനെ വല്യ പ്രശ്നമൊന്നുമുണ്ടായില്ല”
“അല്ല എന്റെ ഒരു കൂട്ടുക്കാരി ഉണ്ടായിരുന്നു അവിടെ ,അവളാണ് എന്നെ വിളിച്ച് പറഞ്ഞത് നിന്റെ ശരത്ത് കുറച്ച് പെൺകുട്ടികളുടെ കൂടെ തല്ലു പിടിക്കുന്നുണ്ടെന്ന്, ഞാനപ്പോഴെ പറത്തു എന്റെ ശരത്ത് ആ ടൈപ്പ് അല്ലെന്ന് ”
അവളെന്തിനാണ് എന്റെ ശരത്ത് എന്ന് എടുത്തു പറയുന്നത് ശരത്തിന് ദേഷ്യം വന്നു
“ആർച്ചേ …. ഞാനിപ്പോ വന്നതേയുള്ളു ,ബാങ്കിൽ നല്ല തിരക്കായിരുന്നു ,എനിക്കൊന്ന് റെസ്റ്റ് എടുക്കണം”
“ഓക്കേ ഞാൻ പറഞ്ഞതാണ്,
ആ സമയത്ത് ഞാൻ വിളിച്ചിരുന്നു പക്ഷേ കിട്ടിയില്ല ,എന്നാ ശരി ഇനി എന്റെ ചെക്കൻ മറ്റു പെൺ പിള്ളേരോട് തല്ല് പിടിക്കാൻ പോവണ്ടാ ട്ടോ ”
കോള് കട്ടായി കഴിഞ്ഞപ്പോൾ ശരത്ത് ആലോചിക്കുകയായിരുന്നു
ആർച്ചക്ക് പെട്ടെന്നൊരു മാറ്റം വന്നപ്പോലെ
എന്തെങ്കിലും ആവട്ടെ, ഇപ്പോ അതല്ലല്ലോ തന്റെ പ്രശ്നം ഗൗരി……
മൂക്കുത്തിക്കാരിയാണിപ്പോൾ തന്റെ പ്രശ്നം
അവളുടെ കൂട്ടെ ശരിയല്ല ,ക്ലാസ്സ് കഴിഞ്ഞ് വീട്ടിൽ പോകാതെ …. കൂട്ടുക്കാരുടെ കൂടെ ഷോപ്പിലൊക്കെ കയറിയിറങ്ങുക , കയറിയതും പോരാ എന്തായിരുന്നു ഒച്ചയും ബഹളവും
പെട്ടെന്നാണ് അവൻ ഓർത്തത് ഇന്ന് മൂക്കുത്തിയുടെ പിറന്നാളല്ലേ
ശ്ശൊ ചീത്തക്ക് പകരം ഒന്നു വിഷ് ചെയ്യാമായിരുന്നു, ആളെ ഒന്നമ്പരപ്പിക്കാമായിരുന്നു
പറ്റിപ്പോയി
* * *
ഒരാഴ്ചക്ക് ശേഷം
“നമ്മളെല്ലാവരും ഒരു പേരുള്ള ഗ്രൂപ്പായി തിരിയണം എന്നിട്ട് ഒരോ ഭാഗത്തേക്ക് പോകണം , വീടുകളിൽ കയറി അവരോട് കാര്യങ്ങൾ പറഞ്ഞ് അവരാൽ കഴിയുന്ന സഹായം ചെയ്യാൻ പറയണം ,സംശയമുള്ളവർക്ക് ഹോസ്പിറ്റലിലെ ഡോക്ടറുടെ ലെറ്റർ കാണിക്കാം ” ശരണ്യ പറഞ്ഞു
കൂടെ പഠിക്കുന്ന കുട്ടിയുടെ അച്ഛന്റെ ഓപ്പറേഷൻ ,ലക്ഷങ്ങൾ ചിലവുള്ള ഓപ്പറേഷൻ ആണ് ,അതിന് തങ്ങളെ കൊണ്ട് പറ്റാവുന്ന സഹായം ചെയ്യാമെന്ന് ശരണ്യയും കൂട്ടുക്കാരും തീരുമാനിച്ചു
ഞായറാഴ്ചയാണ് അവരതിനായി തിരഞ്ഞെടുത്ത ദിവസം
“നമ്മള് പരമാവധി താഴ്ന്ന് നിന്ന് പറയണം ,ആവശ്യം നമ്മുടെയാണ് ”
“നീ പറഞ്ഞാൽ മതി ഞങ്ങൾ അതുപോലെ ചെയ്യാം “ഗൗരി പറഞ്ഞു
“നിന്നോട് ഒരു കാര്യം പറയാനുണ്ട് പല തരത്തിലുള്ള ആളുകൾ ആയിരിക്കും ,ആരെങ്കിലും എന്തെങ്കിലും പറഞ്ഞൂന്ന് പറഞ്ഞ് മോങ്ങാൻ നിന്നാൽ നല്ലത് കിട്ടും എന്റെ കൈയ്യിൽ നിന്നും ”
അതു കേട്ട് എല്ലാവരും ചിരിച്ചു
“കളിയാക്കി ചിരിച്ചോട്ടോ പക്ഷേ ഞാൻ നല്ല സ്ട്രോങ്ങ് ആയിരിക്കും ”
“എന്നാൽ നിനക്കു കൊള്ളാം”
എല്ലാ വരും പല സ്ഥലങ്ങളിലേക്കായി തിരഞ്ഞു
ശരണ്യയും ഗൗരിയും മീനു എന്ന കുട്ടിയുമായിരുന്നു ഒരു ഗ്രൂപ്പ്
“ഈ ഭാഗത്ത് കുറെ വലിയ വീടുകൾ ഉണ്ട് ,എല്ലാവരെക്കാളും കൂടുതൽ രൂപ നമ്മുക്ക് കിട്ടണട്ടോ ”
“കിട്ടും ”
“ദേ ആ വീട്ടിൽ നിന്നും തുടങ്ങാം ”
മൂന്നു പേരും ഗേറ്റ് തുറന്ന് ആ വീട്ടിലേക്ക് കയറി
ശരണ്യ ബെല്ലടിച്ചു
കുറച്ച് കഴിഞ്ഞാണ് വീടിന്റെ
വാതിൽ തുറന്നത്
വാതിൽ തുറന്നയാളെ കണ്ട് ഗൗരിക്കും ശരണ്യക്കും ഒരു ഞെട്ടൽ ഉണ്ടായി
ശരത്തായിരുന്നു വാതിൽ തുറന്നത്
ഗൗരി ശരണ്യയുടെ കൈയിൽ മുറുക്കെ പിടിച്ചു
“ആഹാ … നല്ല കൈ നീട്ടം ,ചീത്ത ഏതു വഴിക്ക് വരുമെന്ന് നോക്കിയാൽ മതി”
”ശരണ്യേ നമ്മുക്ക് വേറെ വീട്ടിൽ പോകാം ,എനിക്ക് നല്ല പേടിയുണ്ട് ”
“തലയൊന്നും കറക്കാൻ നിൽക്കണ്ട എന്തുവന്നാലും ധൈര്യമായി നേരിടുക ”
ശരണ്യ പതുക്കെ പറഞ്ഞു
“ശരണ്യേ ഇത് ബാങ്കിലെ സാറ ല്ലേ ” മീനു ചോദിച്ചു
“അതെ ”
“ഗൗരിക്ക് ഇന്നത്തേക്കുള്ളതായി ”
“നീ മിണ്ടാതിരിക്ക് ”
ശരത്തിനും അൽഭുതമായി അവരെ കണ്ടപ്പോൾ
“നിങ്ങൾ എന്താ ഇവിടെ….. ”
“തല്ലു പിടിക്കാൻ വന്നതല്ല ”
”അങ്ങനെ ഞാൻ പറഞ്ഞില്ലല്ലോ ”
“ഞങ്ങൾക്ക് അറിയില്ലായിരുന്നു ഇത് സാറുടെ വീടാണെന്ന് “ശരണ്യ പറഞ്ഞു
“അറിഞ്ഞിരുന്നെങ്കിൽ നിങ്ങൾ വരില്ലായിരുന്നല്ലേ”
“അറിഞ്ഞാലും ഞങ്ങൾ വരുമായിരുന്നു ,കാരണം അവശ്യം ഞങ്ങളുടെ തായിരുന്നു ”
“എന്താ ഇത്ര വലിയ ആവശ്യം ,ഇയാളൊന്ന് കാര്യം തെളിച്ച് പറയൂ ”
“ഞങ്ങൾ ഒരു ചികിൽസാ സഹായത്തിന് വേണ്ടി വന്നതാണ് ”
“ആർക്ക് ”
“ക്ലാസ്സിലെ ഒരു കുട്ടിയുടെ അച്ഛന് വേണ്ടി ”
ശരണ്യ ഹോസ്പിറ്റലിലെ പേപ്പേഴ്സ് ശരത്തിനെ കാണിച്ചു
ശരത്ത് അത് വാങ്ങി വായിച്ചു
“ആരാ … ശരത്തേ അത് ”
എന്ന് ചോദിച്ച് കൊണ്ട് അമ്മ വന്നു
“ഇത് നമ്മുടെ ഇവിടത്തെ കോളേജിലെ കുട്ടികളാണ് ”
ശരത്ത് അമ്മയോട് കാര്യം പറഞ്ഞു
“ആണോ നല്ല കാര്യം ,ഇപ്പോഴത്തെ കുട്ടികൾക്ക് ഇങ്ങനത്തെ ചിന്തയൊക്കെയുണ്ടായല്ലോ
മക്കള് അകത്തേക്ക് വായോ, അകത്തിരുന്നു സംസാരിക്കാം വെള്ളമെന്തെങ്കിലും കുടിക്കാം”
“വേണ്ട ആന്റി ഞങ്ങളിവിടെ നിന്നോളാം”
” നിങ്ങളകത്തേക്ക് കയറി വായോ” ശരത്ത് പറഞ്ഞു
“നമ്മുക്കു പോകാം ശരണ്യേ “ഗൗരി പതുക്കെ ശരണ്യയോട് പറഞ്ഞു
“നീ മിണ്ടാതെയിരിക്ക് ,അകത്ത് കയറിയാലെന്താ സാറ് വിഴുങ്ങോ ,വിഴുങ്ങണെങ്കിൽ വിഴുങ്ങട്ടെ ഞങ്ങളെ വിഴുങ്ങില്ല നിന്നെയാണ് വിഴുങ്ങുക ”
“എന്താ കൂട്ടുക്കാരി പറയുന്നത്”
“ഒന്നുമില്ലാന്റി കയറിയിട്ട് പോകാമെന്ന് പറഞ്ഞതാ ”
അതു കേട്ട ശരത്ത് ഗൗരിയെ നോക്കി അവൾ അങ്ങനെ പറഞ്ഞോ എന്ന മട്ടിൽ
എല്ലാവരും വീടിനകത്തേക്ക് കയറി
“ഇരിക്കൂ മക്കളെ ”
ശരത്ത് ഉള്ള കാരണം അവർ ഇരുന്നില്ല
താൻ നിൽക്കുന്ന കാരണമാണ് അവർ ഇരിക്കാത്തതെന്ന് ശരത്തിന്ന് മനസ്സിലായി,ശരത്ത് റൂമിലേക്ക് പോയി
‘അഭീ …..”
“എന്താ അമ്മേ ….”
“ദേ ഇവർക്ക് എന്തെങ്കിലും കുടിക്കാനെടുക്ക്
ഇവിടത്തെ കോളേജിലെ കുട്ടികളാ ,അവരുടെ കൂട്ടുകാരിടെ അച്ഛന് ഒരു ഓപ്പറേഷൻ ,അവരെ സഹായിക്കാനായി ഇവര് എല്ലാവരും കൂടി ഇറങ്ങിയിരിക്കുയാണ് ”
“നിങ്ങളുടെയൊക്കെ പേരെന്താ ”
ശരണ്യ
മീനു
ഗൗരി
ശരത്ത് റൂമിലിരുന്ന് ഗൗരിയെ നോക്കുകയായിരുന്നു ,അവൾ പേടിച്ചാണ് ഇരിക്കുന്നതെന്ന് അവന് തോന്നി ,ആ ഇരിപ്പിലും അവൾക്കൊരു പ്രത്യേക ഭംഗിയുണ്ടെന്നവന് തോന്നി
പെട്ടെന്നാണ് ഗൗരി അവിടെക്ക് നോക്കിയത്
താൻ നോക്കുന്നത് അവൾ കണ്ടെന്ന് ശരത്തിന് മനസ്സിലായി അവന് ഒരു ചമ്മൽ തോന്നി
അഭിരാമി പോയിഎല്ലാവർക്കും കുടിക്കനായി കൊണ്ടുവന്നു
“ശരത്ത് എവിടെ അമ്മേ ”
“അവൻ റൂമിലുണ്ട്, അവനെ ഇങ്ങോട്ട് വിളിച്ചേ അഭി”
“ശരി അമ്മേ ”
അഭിരാമി റൂമിലേക്ക് ചെന്നു “ശരത്തിന് വെള്ളം വേണോ ” എന്ന് ചോദിച്ചു
“എനിക്ക് വേണ്ട ഏട്ടത്തി”
”നിയെന്താ ഇവിടെ വന്നിരിക്കുന്നത് ,ആ കുട്ടികളെ കണ്ടതുകൊണ്ടാണോ ”
“അല്ല ”
“പിന്നെന്തെ ശരത്ത് സാറിന് ചമ്മലാണോ ”
“എനിക്ക് ചമ്മൽ എന്തിനാ ”
“ചിലർക്ക് ഈ പെൺകുട്ടികളോട് മിണ്ടാനൊക്കെ ഒരു ചമ്മൽ ആണ് അതുകൊണ്ട് ചോദിച്ചതാണ്”
“ഞാൻ അവിടെ നിന്നപ്പോൾ അവർക്ക് ഇരിക്കാന്നൊരു മടി പോലെ ,അതു കൊണ്ട് ഞാനിവിടെ വന്നിരുന്നതാ ”
“നീ വാ അമ്മ നിന്നെ വിളിക്കുന്നുണ്ട് ”
ശരത്ത് അഭിരാമിയുടെ കൂടെ ചെന്നു
അവനെ കണ്ടതും അവർ മൂന്നു പേരും ഏണിറ്റു നിന്നു
“ശരത്തേ… എന്താ ചെയ്യണ്ടത് ,വളരെ പാവപ്പെട്ട കുടുംബമാണെന്നാണ് ഇവര് പറയുന്നത് മോനെ, നമ്മുക്കെന്തെങ്കിലും കൊടുക്കണ്ടേ കൊടുക്കണം”
“അക്കൗണ്ട് നമ്പർ വാങ്ങിയാൽ മതി”
“ഇവന് ബാങ്കിലാണ് ജോലി നിങ്ങള് അക്കൗണ്ട് നമ്പറും കാര്യങ്ങളൊക്കെ കൊടുക്ക് ”
ശരണ്യയാണ് എല്ലാം കൊടുത്തത്
”എന്നാൽ ഞങ്ങളിറങ്ങട്ടെ ആന്റി ”
“ശരി ,വൈകുന്നേരം വരെയുണ്ടോ ഇത് ”
‘
“ഇല്ല ഉച്ചവരെ ”
“വരട്ടെ ചേച്ചി “അവർ അഭിരാമിയോടും യാത്ര പറഞ്ഞു
ഇറങ്ങാൻ നേരം ഗൗരി ശരത്തിനെ ഒന്നു നോക്കി
അതുപോലൊരു നോട്ടം തന്റെ ജീവിതത്തിൽ നേരിട്ടിട്ടില്ല
എന്തായിരുന്നു ആ നോട്ടത്തിന്റെ അർത്ഥം ചീത്ത പറയാത്തത് കൊണ്ടുള്ള നന്ദിയാണോ അതോ ……
“ആ മൂക്കുത്തിയിട്ട കുട്ടിയെ കണാൻ നല്ല ഭംഗിയുണ്ടല്ലേ ശരത്തേ ”
“അത്രക്കൊന്നുമില്ല ഏട്ടത്തി ജാഡയാണ്”
“ആർക്ക് ”
“ഗൗരിക്ക് ”
“ഗൗരിയോ ? മൂക്കുത്തിയിട്ട കുട്ടിയുടെ പേര് ഗൗരി എന്നാണോ ”
“അതേ ”
”ആ കുട്ടിയുടെ പേര് നിനക്കെങ്ങനെ അറിയാം”
“ഈ ഏട്ടത്തിക്കെന്താ ആ കുട്ടി പേര് പറഞ്ഞില്ലേ ”
“പറഞ്ഞു ”
”അപ്പോളാണ് ഞാൻ കേട്ടത് ”
“ആണോ ആ കുട്ടി പേര് പറയുമ്പോൾ നീ റൂമിലായിരുന്നു ,പിന്നെ ആ കുട്ടി പേര് വളരെ പതുക്കെയാണ് പറഞ്ഞത് ,അത് നീ കേട്ടു എന്നു പറഞ്ഞാൽ വിശ്വസിക്കാൻ മാത്രം പൊട്ടിയല്ലാട്ടോ ഞാൻ ,ശരത്ത് സാറ് സത്യം പറഞ്ഞോ ആ കുട്ടിയെ മുൻപേ പരിചയമില്ലേ ”
പെട്ടു പോയീന്ന് ശരത്തിന് മനസ്സിലായി
“എനിക്കറിയാം ഗൗരിയെ ”
“എങ്ങനെ” അഭിക്ക് ആകാംഷയായി
“ഒരിക്കൽ ഞാൻ അവരുടെ മേൽ ചെളിവെള്ളം തെറിപ്പിച്ചു ,അവരുമായി വഴക്കുണ്ടായി”
“അവരെന്ന് പറഞ്ഞാൽ ”
“ഗൗരിയും കൂട്ടുക്കാരിയും ”
“അന്ന് ഞാൻ ഗൗരിയെ ആണ് ചീത്ത പറഞ്ഞത്, അതു കഴിഞ്ഞ് ഒരു ദിവസം
ബാങ്കിൽ വച്ച് ഞാൻ ചീത്ത പറഞ്ഞിട്ട് ഗൗരി തല കറിങ്ങി വീണു ബാങ്കിൽ, ”
“ചീത്ത പറയേ ???ശരത്തേ…. നീ ചീത്ത പറഞ്ഞെന്നോ ഞാൻ വിശ്വസിക്കില്ല”
“സത്യമാണ് ,പിന്നെ അന്ന് കോഫി ഷോപ്പിൽ വച്ച് ഞാൻ ഉപദേശിച്ചത് ഗൗരിയെ ആണ് ”
“കൊള്ളാലോ സാറ് …. എന്നിട്ട് അവര് വന്നപ്പോൾ ഒരു പരിചയഭാവവും കാണിച്ചില്ല ”
ശരത്ത് ചമ്മിയ ചിരി ചിരിച്ചു
”വെറുതെയല്ല ആ കുട്ടി നീയിരുന്ന മുറിയിലേക്ക് നോക്കിയത് ”
“ഒരു പ്രാവശ്യ മല്ലേ നോക്കിയത് ”
“അതും കണ്ടു ,ഞാനൊരു കാര്യം ചോദിച്ചാൽ നീ സത്യം പറയോ ശരത്തേ ”
”ചോദിക്ക് ഞാനെന്തിനാ ഏട്ടത്തിയോട് നുണ പറയുന്നത്”
“എന്തിനാ നീ ഗൗരിയോട് ഇങ്ങനെ ദേഷ്യപ്പെടുന്നത്”
“അതെന്തിനാണ് എന്നെനിക്കറിയില്ല ഏട്ടത്തിയമ്മേ ….”
* * *
“ഓ … പുലിമടയിൽ നിന്നും രക്ഷപ്പെട്ട പോലെ ”
“എന്തിനാ ശരണ്യേ ഇങ്ങനെ പറയുന്നത് ,സാറുടെ അമ്മയും ഏട്ടത്തിയും നമ്മളോട് എന്ത് സ്നേഹമായാണ് പെരുമാറിയത് ,അവർക്ക് നമ്മളെ അറിയുക പോലുമില്ല എന്നിട്ടും എന്ത് നല്ല പെരുമാറ്റമായിരുന്നു ”
മീനു പറഞ്ഞു
“ഗൗരി ഒന്നും മിണ്ടിയില്ല”
“അതാണോ ഇത്ര വലിയ കാര്യം ,വീട്ടിൽ വരുന്നവരോട് നമ്മളും ഇങ്ങനെയല്ലേ പെരുമാറുന്നത് ”
“സാറിന്റെ വീട് എന്തു വലിയാ താല്ലേ”
“ബാങ്കിലല്ലേ ജോലി ലോണെടുത്തതായിരിക്കും”
“അതിന്റെയൊന്നും ആവശ്യമില്ല സാറിന് ഇവള് വെറുതെ പറയുന്നതാ മീനു ,നമ്മുടെ അമ്പാടി സിൽക്കിലെ അത് സാറിന്റെ ചേട്ടന്റെ യാണ് ”
”ആണോ എന്നാൽ ലോണിന്റെ ഒരാവശ്യവുമില്ല .ഇങ്ങനെ ഒരോന്ന് ഉണ്ടാക്കി പറയല്ലേ ശരണ്യേ ”
മീനുവിന്റെ പറച്ചിൽ കേട്ടിട്ട് ഗൗരി ചിരിച്ചു
“എനിക്കത്ര ചിരി വരുന്നില്ല”
“ചീത്ത മുഴുവൻ പറയുന്നത് ഗൗരിയെ പക്ഷേ സാറിനോട് ദേഷ്യം മുഴുവൻ ശരണ്യക്ക്
,നിനക്കെന്താ ശരണ്യേ സാറിനോട് ഇത്ര ദേഷ്യം”
“ദേ മീനു ഞാൻ വല്ലതും പറയും റോഡാണെന്നൊന്നും നോക്കില്ല ,എനിക്കെന്തിനാ ദേഷ്യം ആളോട് എനിക്കൊരു ദേഷ്യമില്ല”
* * *
”ആന്റി ……”
”ഇതാരാ ആർച്ചയോ ”
“ശരത്തെവിടെ ആൻറി ”
“അഭിയും ശരത്തും കൂടി അടുക്കള വശത്ത് ഉണ്ട്”
“എന്തിന് ”
“അവിടെ അഭി എന്തോ പച്ചക്കറി വിത്തൊക്കെ നടുന്നുണ്ട് അവളെ സഹായിക്കാൻ ”
ആർച്ച വേഗം അടുക്കള വശത്തേക്ക് ചെന്നു
അഭിയും ശരത്തും കൂടി എന്തൊ നടുകയായിരുന്നു
“ശരത്തേ …..” ഇത്തിരി ഉറക്കെയാണ് ആർച്ചവിളിച്ചത്
“നീയെന്തിനാ ആർച്ചേ ഒച്ചയിടുന്നത് ”
“ശരത്ത് വേഗം ഇങ്ങോട്ട് വന്നേ ”
“വരാം ,ഇതു കൂടി കഴിഞ്ഞാൽ ഈ പണി തീർന്നു ”
“ഫാം ആണോ തുടങ്ങാൻ പോകുന്നത് “ആർച്ച ദേഷ്യത്തോടെ ചോദിച്ചു
“ശരത്തേ നീ ചെല്ല് ,ബാക്കി ഞാൻ നട്ടു കൊളളാം”
ശരത്ത് കൈയ്യും കാലുമൊക്കെ കഴുകി
”എന്താ ആർച്ചേ ”
“നീ എന്റെ കൂടെ ഒരു സ്ഥലം വരെ വരണം, എനിക്ക് ഒറ്റക്ക് പോകാൻ ഒരു മടി ”
“എവിടെക്ക് ”
”നീ എന്റെ ഫ്രെന്റ് മരിയയെ അറിയില്ലേ ,അവളുടെ ഹൗസ് വാമിംഗ് ആയിരുന്നു ഇന്നലെ എനിക്ക് പോകാൻ പറ്റിയില്ല ,ഇന്ന് ചെല്ലാൻ പറഞ്ഞ് അവള് വിളിച്ച് കൊണ്ടിരിക്കുകയാണ് ,നീ ഒന്ന് എന്റെ കൂടെ വായോ”
”ഞാൻ വരില്ല ”
“ആന്റി യോട് ഞാൻ പറയാം ”
അമ്മ കൂടി പറഞ്ഞിട്ടാണ് ശരത്ത് ആർച്ചയുടെ കൂടെ പോയത്
ആർച്ചയാണ് വഴി പറഞ്ഞ് കൊടുത്തത്
”ഈ നാട്ടിൻ പുറത്താണോ നിന്റെ കൂട്ടുക്കാരിയുടെ വീട് ”
“അവളുടെ ഹസ്സിന്റെ വീട് ഇവിടെയാണ്
അവൾക്ക് ഇഷ്ടമല്ല ”
പെട്ടെന്നാണ് ഇടവഴിയിൽ നിന്നും ഒരു രൂപം കാറിന് മുൻപിലേക്ക് ഓടി വന്നത്
സംസാരിച്ചിരുന്നത് കൊണ്ട് ശരത്ത് ശ്രദ്ധിച്ചിരുന്നില്ല
ശരത്ത് ബ്രേക്ക് ചവിട്ടി……. അവൻ കണ്ണ്
ഇറുക്കെ അടച്ചിരുന്നു
കാറ് ഒരു വലിയ ശബ്ദത്തോടെ നിന്നു
കണ്ണ് തുറന്നപ്പോൾ കണ്ടത്
കാറിന്റെ ബോണറ്റിൽ വിടർന്ന് കിടക്കുന്ന മുടിയാണ്
തുടരും
മുൻഭാഗങ്ങൾക്കായി ഈ ലിങ്കിൽ പോവുക
രജിത പ്രദീപ് എടയാട്
ഇവിടെ കൂടുതൽ വായിക്കുക
അക്ഷരത്താളുകൾ പ്രസിദ്ധീകരിച്ച എല്ലാ നോവലുകളും വായിക്കുക
അക്ഷരത്താളുകൾ പ്രസിദ്ധീകരിച്ച എല്ലാ കഥകളും വായിക്കുക
About Author
Unlock Your Imagination: Start Generating Stories Now! Generate Stories
Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook
പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം
Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now
©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission
അത് ഗൗരി ആയിരിക്കുമോ?