ആർച്ചക്ക് ഇത്തിരി നേരം കഴിഞ്ഞിട്ടാണ് ശരത്ത് അടിച്ചതാണെന്ന് മനസ്സിലായത്
കുറച്ച് കൂടി പോയോ എന്ന് ശരത്തിനും തോന്നി
ആളുകളൊക്കെ അവരെ തന്നെ നോക്കുകയായിരുന്നു
“ശരത്തേ നീ എന്താ ഈ ചെയ്തത് ”
“ഏട്ടത്തിയമ്മേ ഞാൻ ….”
”നിങ്ങളെന്തിനാശരത്തിനെ കുറ്റപ്പെടുത്തുന്നത് ,ശരത്ത് എന്നെ തല്ലിയതിൽ ഒരു തെറ്റുമില്ല ,എന്നെ തല്ലാൻ അർഹതയുള്ള ആള് തന്നെയാണ് എന്നെ തല്ലിയത് ”
“ആർച്ചേ താൻ അങ്ങനെ പറഞ്ഞപ്പോൾ പെട്ടെന്ന് എനിക്ക് കൺട്രോൾ കിട്ടിയില്ല ,ഇതെന്റെ ഏട്ടത്തിയമ്മയാണ് ”
”എനിക്ക് മനസ്സിലായി, എന്റെ തെറ്റുകൾ ചൂണ്ടി കാണിച്ച് തിരുത്താൻ ശരത്തിന് അവകാശമുണ്ട് ,അതിപ്പോ തല്ലിയിട്ടായാലും ചീത്ത പറഞ്ഞിട്ടായാലും ”
അഭിരാമി ആർച്ചയെ നോക്കുകയായിരുന്നു ,ഇവളിത് ആത്മാർത്ഥമായി പറയുന്നതോ അതോ കള്ളത്തര മോ
ഒന്നും മനസ്സിലാവുന്നില്ല
“എന്നാ ശരി ശരത്തേ എനിക്ക് കുറച്ച് സാധനങ്ങൾ വാങ്ങാനുണ്ട് “എന്ന് പറഞ്ഞ് ആർച്ച മാളിന്റെ അകത്തേക്ക് കടന്നു
“ആർച്ചേ നിനക്കെന്താ പറ്റിയത് ”
“എന്ത് പറ്റാൻ ”
“ശരത്ത് നിന്നെ അടിച്ചിട്ട് നീ ഒന്ന് ദേഷ്യപ്പെട്ട് പോലുമില്ലല്ലോ ”
“നീ എന്താ വിചാരിച്ചത് ശരത്ത് തല്ലിയതിൽ എനിക്ക് പ്രശ്നമില്ലെന്നോ ”
“അതേ ,നിനക്ക് പ്രശ്നമുണ്ടെങ്കിൽ നീ ദേഷ്യപ്പെട്ടെനെലോ ”
“രണ്ടിനെയും കൊല്ലാനുള്ള ദേഷ്യമുണ്ടായിരുന്നു എനിക്ക് ,ഇത്രയും പേരുടെ മൻപിൽ വച്ചാണ് എന്നെ തല്ലിയത് ,വീട്ടിൽ എന്നെ ആരും തല്ലിയിട്ടില്ല ,എന്നിട്ടാണ് അവൻ എന്നെ അടിച്ചത് ,വേറെ വല്ലവരുമായിരുന്നെങ്കിൽ ഞാൻ തിരിച്ച് അടിച്ചേനേ ,പക്ഷേ ഞാൻ ദേഷ്യപ്പെട്ടാൽ ജയിക്കുന്നത് അവളാണ് അഭിരാമി ,അതുകൊണ്ടാണ് ഞാനെന്റെ ദേഷ്യം അടക്കിയത് ”
“അഭിരാമി ജയിച്ചാൽ നിനക്കെന്താ ,എനിക്ക് നീ പറയുന്നത് ഒന്നും മനസ്റ്റിലാവുന്നില്ല”
“നിനക്ക് മനസ്സിലാവില്ല ,അവളറിയട്ടെ ശരത്തും ഞാനും തമ്മിലുള്ള ബന്ധം ”
“അതിന് അഭിരാമി ചേട്ടന്റ ഭാര്യയല്ലേ ”
“ആണ് പക്ഷെ ശ്യാമേട്ടൻ അവളെ അംഗീകരിച്ചിട്ടില്ല ,സ്വാഭാവികമായും അവൾക്ക് ശരത്തിനോട് ഒരടുപ്പം തോന്നാം ,അങ്ങനെ തോന്നാതിരിക്കാനാണ് ”
“നിനക്ക് വട്ടാണ് ,നീ ശരത്തിനോട് ആദ്യം നിന്റെ ഇഷ്ടം തുറന്ന് പറയ് ”
“നീ വട്ടാണെന്ന് പറഞ്ഞ് എന്നെ കളിയാക്കണ്ട ,ഇതിന് പ്രതികാരം ഞാൻ ചെയ്യും നീ നോക്കിക്കോ”
“എങ്ങനെ”
“നീ കണ്ടോ ഞാനെന്താ ചെയ്യാൻ പോകുന്നതെന്ന് ”
ആർച്ച ഫോണെടുത്ത് ശ്യാമിന്റെ വിളിച്ചു
ശ്യാം കോൾ എടുത്തു
“ആർച്ച ….. തന്നെ കണ്ടിട്ട് കുറച്ച് നാളായി ലോ”
“അതിന് ശ്യാമേട്ടന് ഇപ്പോ നമ്മളെയൊന്നും കണ്ണിൽ പിടിക്കില്ലല്ലോ ”
“അതെന്താ ആർച്ചേ താനങ്ങനെ പറഞ്ഞത് ,
“കല്യാണം കഴിഞ്ഞപ്പോ ശ്യാമേട്ടൻ ആകെ മാറി ”
“കല്യാണം അതിനെ പറ്റി ഒന്നും പറയണ്ട ,കല്യാണം നടന്നതെങ്ങനെയാണെന്ന് തനിക്കറിയാവുന്നതല്ലേ ”
“അതെനിക്കറിയാവുന്ന കാര്യമല്ലേ ,ശ്യാമേട്ടൻ നാണംകെട്ട് പോയ കാര്യമല്ലേ അതെങ്ങനെയാണ് മറക്കുക ”
“പിന്നെ …. വേറെന്താ വിശേഷം ”
“ഞാനൊരു കാര്യം പറയാൻ വിളിച്ചതാ ശ്യാമേട്ടന് ഇനിയൊരു നാണകേട് ഉണ്ടാവാതിരിക്കാനാണ് ഞാനിത് പറയുന്നത് ”
“എന്താ ആർച്ചേ എന്താ കാര്യം”
“ഇപ്പോ ഞാൻ അഭിരമിയെ മാളിൽ വച്ച് കണ്ടു കൂടെ ശരത്തും ഉണ്ടായിരുന്നു ,അവരെ കണ്ട ഒരാന്റി എന്നോട് ചോദിച്ചു അത് ശ്യാമിന്റെ വൈഫ് അല്ലേ ആ കുട്ടിയെന്താ ശരത്തിന്റെ കൂടെ കറങ്ങി നടക്കുന്നതെന്ന് ”
“ഹലോ ശ്യാമേട്ടാ”
“ഞാൻ കേൾക്കുന്നുണ്ട് ആർച്ചേ.”
“ഞാനിത് ശ്യാമേട്ടനോട് സൂചിപ്പിച്ചൂന്ന് മാത്രം ,അഭിരാമിക്ക് പുറത്ത് പോകണമെങ്കിൽ ആന്റിയുടെ കൂടെ പോകാമല്ലോ ,
ശ്യാമേട്ടൻ അഭിരാമിയോട് മിണ്ടില്ലാന്ന് അറിയാം ,ഈ കാര്യം ആന്റി യോട് പറഞ്ഞാൽ മതി ആന്റി അത് അഭി യോട് പറഞ്ഞോളും ”
“ഞാനിതൊന്നും ശ്രദ്ധിക്കാറില്ല ആർച്ചേ ”
“ശ്രദ്ധിക്കണം ഏട്ടനെ ഒത്തിരി പേര് അറിയുന്നതല്ലേ ,അപ്പോ ഇങ്ങനത്തെ കാര്യങ്ങൾ ശ്രദ്ധിക്കണം, ഇനി ഒരു നാണകേട് ഉണ്ടാവാതിരിക്കാൻ
എന്നാ ശരി ശ്യാമേട്ടാ ,വീട്ടിൽ വരുമ്പോൾ കണാട്ടോ ”
ആർച്ച കോള് കട്ടാക്കി
“ഇത്രക്കും വേണമായിരുന്നോ ആർച്ചേ ..”
“വേണം അവന് എന്നോട് സംസാരിക്കാൻ സമയമില്ല .. അപ്പോ ഇങ്ങനെ തന്നെയാണ് ചെയ്യണ്ടത് ”
* * *
“ഏട്ടത്തിയമ്മ എന്താ ഒന്നും മിണ്ടാതെയിരിക്കുന്നത് ”
“ഒന്നുമില്ല ശരത്തേ ”
“ആർച്ചപറഞ്ഞ കാര്യമോർത്തിരിക്കുകയാണോ ”
“ആർച്ച അങ്ങനെ പറഞ്ഞപ്പോൾ എനിക്കെന്തോ പോലെയായി ”
“അത് വിട്ടേക്ക് അവൾക്ക് തലക്ക് കുഴപ്പമുണ്ട് അതാ അങ്ങനെ പെരുമാറുന്നത്, ഒന്നു കിട്ടിയത് കൊണ്ട് കുറച്ച് ദിവസത്തേക്ക് ഒരു ശമനമുണ്ടാകും”
“എത്രയായലും അടിക്കണ്ടായിരുന്നു ”
“പെട്ടെന്നങ്ങനെ കേട്ടപ്പോൾ എനിക്കങ്ങനെ ചെയ്യാനാണ് തോന്നിയത് ”
“ആർച്ചക്ക് എന്നെ ഇഷ്ടമല്ല ,ഒരു ശത്രുവിനോടെന്ന പോലെയാണ് പെരുമാറുന്നത് ”
“അതൊന്നും ഏട്ടത്തിയമ്മ കാര്യമാക്കണ്ട ,നമ്മുക്ക് നമ്മളെ അറിയാലോ പിന്നെന്താ ”
ശരത്ത് അങ്ങനെയെല്ലാം പറഞ്ഞിട്ടും അഭിക്കത് നിസ്സാരമായി കരുതാൻ കഴിഞ്ഞില്ല
ഇതെങ്ങാനും ശ്യാമേട്ടനറിഞ്ഞാൽ അതു മതി തന്നോടുള്ള ദേഷ്യം കൂടാൻ
“ഏട്ടത്തി നമ്മുക്കെന്തെങ്കിലും കഴിച്ചാലോ ”
“എനിക്കൊന്നും വേണ്ട”
“എന്നാലെ എനിക്ക് വേണം ”
“നമ്മുക്ക് വീട്ടിലേക്ക് പോകാം ശരത്തേഎനിക്ക് നല്ലതലവേദനയുണ്ട് ”
“തലവേദനയുടെ കാരണം ആർച്ചയല്ലേ ”
അതിന് മറുപടി അഭിപറത്തില്ല
വീട്ടിലെത്തി
“എല്ലാം വാങ്ങിയോ അഭി”
“ഉവ്വ് അമ്മേ ”
“നിന്റെ മുഖമെന്താ വല്ലാതിരിക്കുന്നത് ”
“ഏട്ടത്തിക്ക് തലവേദന ”
“എന്നാ മോള് പോയി കിടന്നോ കുറച്ച് നേരം ”
അഭി റൂമിലേക്ക് പോയി
“എന്താ ശരത്തേ എന്തെങ്കിലും പ്രശ്നമുണ്ടോ ,നിങ്ങൾ ശ്യാമിനെ കണ്ടോ അവൻ വല്ലതും പറഞ്ഞോ.”
“അമ്മേ ഏട്ടത്തിയുടെ തലവേദനയുടെ കാരണം ചേട്ടനല്ല ആർച്ചയാണ് ”
“ആർച്ചയോ എന്താശരത്തേ നീ എന്താണെന്ന് വച്ചാൽ കാര്യം തെളിച്ച് പറയ്”
ശരത്ത് അമ്മയോട് മാളിൽ വച്ച് ഉണ്ടായ കാര്യങ്ങൾ പറഞ്ഞു
“ഈ ആർച്ച മോളെന്താ ഇങ്ങനെ ,കാര്യങ്ങളൊക്കെ അറിയാവുന്നതല്ലേ ,അഭിയെ ശ്യാം ഒന്ന് പുറത്ത് കൊണ്ട് പോയിട്ടുണ്ടോ ,അതുകൊണ്ടാ ഞാൻ നിന്നോട് അഭിനെ കൂടി കൊണ്ടുപോകാൻ പറഞ്ഞത് ”
“അവൾക്ക് തലക്ക് കുഴപ്പമുണ്ട്, അതാ അങ്ങനെയൊക്കെ പറയുന്നത് ,അമ്മേ
എനിക്കൊരു ചായ വേണം”
“ഇപ്പോ തരാം.”
“ശരത്തിന്റെ ഫോൺ റിംഗ് ചെയ്തു”
അഭിയുടെ അനിയൻ ആയിരുന്നു
“ശരത്തേട്ടാ ….. ചേച്ചിക്ക് ഒന്നു കൊടുക്കോ”
“അതിനെന്താടാ ….
നിന്റെ പഠിപ്പൊക്കെ എങ്ങനെ പോകുന്നു”
“അത് പറയാനുണ്ടോ ”
“ഏട്ടത്തി പറഞ്ഞിട്ടുണ്ട് നിന്റെ പഠിപ്പിന്റെ കാര്യം ”
“അത് ചേച്ചി അസൂയ കൊണ്ട് പറയുന്നതാണ് ,ചേച്ചിടെ ഫോണിൽ വിളിച്ചിട്ട് എടുക്കുന്നില്ല”
“ഞാനിപ്പോ കൊടുക്കാം”
“ഏട്ടത്തി ….
ദേ അഭിഷേക് വിളിക്കുന്നുണ്ട് ”
ശരത്ത് അഭിരാമിക്ക് ഫോൺ കൊടുത്തിട്ട് പോയി
“ഹലോ ….”
“ചേച്ചി എത്ര നേരമായി ഞാൻ വിളിക്കുന്നു ”
“ഫോൺ സൈലൻറ് ആയിരുന്നു ”
“ചേച്ചിക്ക് കുഴപ്പമൊന്നുമില്ലല്ലോ ,അമ്മ ഇന്നലെ ചേച്ചിനെ സ്വപ്നം കണ്ടു ,ചേച്ചീനെ കാണണമെന്നൊക്കെ പറഞ്ഞു ,അച്ഛൻ പറഞ്ഞു പോവണ്ടാന്ന് ,ഞങ്ങള് വരുന്നത് ശ്യാമേട്ടന് ഇഷ്ടമായില്ലെങ്കിലോ അതാ അച്ഛൻ അങ്ങനെ പറഞ്ഞത് ”
”ഞാനൊരു ദിവസം വരാം ”
“ഒന്നു വായോ ചേച്ചി എനിക്കും ചേച്ചിയെ കണാൻ കൊതിയാവുന്നു”
“വരാടാ …..”
“ചേച്ചി ഞാൻ ഒരു കാര്യം ചോദിച്ചാൽ സത്യം പറയോ ”
”നീ ചോദിക്ക് ”
“ശ്യാമേട്ടന്റെ സ്വാഭാവത്തിൽ മാറ്റമുണ്ടോ ”
“ഉവ്വ് നല്ല മാറ്റമുണ്ട് ”
“എന്നെ ബോധിപ്പിക്കാനായി ചേച്ചി കള്ളം പറയണ്ട ,ചേച്ചിക്ക് പറ്റുന്നില്ലെങ്കിൽ ഇവിടെ ക്ക് പോരെ ചേച്ചിയെ ഞാൻ നോക്കിക്കോളാം ”
“അപ്പൂ … നീ ചെറിയ വായിൽ വലിയ വർത്തമാനം പറയണ്ടാട്ടോ ,എനിക്കിവിടെ ഒരു പ്രശ്നമില്ല ,പിന്നെ ശ്യാമേട്ടന്റെ കാര്യം അത് കുറച്ച് കഴിയുമ്പോൾ ശരിയാവും”
“ഞാൻ പറഞ്ഞത് കൊണ്ട് നീ വിഷമിക്കണ്ടാട്ടോ ചേച്ചി ,സന്തോഷമായിരുന്നാൽ മതി
എന്നാ ശരി ഞാൻ പിന്നെ വിളിക്കാട്ടോ ”
അഭിരാമി ശരത്തിന്റെ ഫോൺ കൊടുക്കാനായി വന്നു
“വീട്ടിലെന്താണ് അഭി വിശേഷം ”
“പ്രത്യേകിച്ചൊന്നുമില്ല അമ്മേ ,അമ്മ എന്നെ സ്വപ്നം കണ്ടൂ ന്ന് അമ്മക്കെന്നെ കാണണമെന്ന് ”
“നാളെ നീ വീടു വരെ പോയിട്ട് വാ അഭീ ,ഞാൻ ശരത്തിനോട് പറയാം”
“വേണ്ടമ്മേ ഞാൻ തനിച്ച് പോക്കോളാം”
“ആർച്ചപറഞ്ഞത് കൊണ്ടാണോ മോളെ നീ തനിച്ച് പോകാമെന്ന് പറയുന്നത് ”
“അമ്മേ .. അത് ”
അപ്പോഴാണ് ശ്യാം വന്നത്
“ശ്യാമേ …..”
“എന്താ അമ്മേ ”
“അഭിയുടെ അമ്മക്ക് അഭിയെ കാണണമെന്ന് എന്താ ചെയ്യണ്ടത് ,ശരത്ത് കൊണ്ടാക്കട്ടേ അല്ലേ ,നീ പോവില്ലല്ലോ ,ഇത്രയും ദൂരം അച്ഛനും പോകാൻ പറ്റില്ല ”
ശ്യാം മറുപടി പറയാതെ റൂമിലേക്ക് നടന്നു
പെട്ടെന്ന് എന്തോ ഓർത്ത പോലെ തിരിച്ച് വന്നു
” ഞാൻ കൊണ്ടു വിടാം”
കേട്ടത് വിശ്വസിക്കാനാവാതെ അഭിരാമി ശ്യാമിനെ നോക്കി
അമ്മയുടെ മുഖത്ത് ഒരു ചിരി ആയിരുന്നു
* * *
ശരത്ത് ഉച്ചക്ക് വീട്ടിലേക്ക് വരികയായിരുന്നു
ഉച്ചകഴിഞ്ഞ് ലീവായിരുന്നു
റോഡിൽ ഗൗരിയുടെ അച്ഛൻ നിൽക്കുന്നത് കണ്ടു
ശരത്ത് കാറ് നിറുത്തി
“മാഷെന്താ ഇവിടെ ”
“സാറാ യി രുന്നോ ,ഞാനിവിടെ ഷോപ്പിൽ വന്നതാണ് ,ഒരു ഒട്ടോ നോക്കി നിന്നതാണ്”
“മാഷ് കയറൂ ഞാൻ കൊണ്ടു വിടാം ”
“വേണ്ട സാറ് പോക്കോളൂ”
ശരത്ത് കാറിന്റെ ഡോർ തുറന്നു
“മാഷ് കയറൂ”
മാഷ് കയറി ,ആളുടെ കൈയ്യിൽ രണ്ടു മൂന്നു കിറ്റുകൾ ഉണ്ടായിരുന്നു
“സാറ് എന്നെ ബസ്സ് സ്റ്റാന്റിൽ വിട്ടാൽ മതീ ” ട്ടോ
‘ശരി,
“വൈഫ് കാരണം അന്ന് സാറിന് ബുദ്ധിമുട്ടായിലെ ”
“അത് ആള് മനപൂർവ്വം ചെയ്തതല്ലല്ലോ, ആൾക്ക് വയ്യാത്തത് കൊണ്ടല്ലേ ”
“ഒരു ആൺതരി ഉണ്ടായത് പോയി ,അതി പിന്നെ അവള് ഇങ്ങനെ ആയി”
“മകൻ …..”
”ആക്സിടന്റ് ആയിരുന്നു, ഒരു പെൺകുട്ടി ഓടിച്ച കാറാണ് ഇടിച്ചത്
ഇടിച്ച ശേഷം കാറ് നിറുത്താതെ പോയി
അപ്പോ തന്നെ ആശുപത്രിയിൽ കൊണ്ട് പോയിരുന്നെങ്കിൽ എന്റെ മകൻ ഇന്ന് ജീവിച്ചിരുന്നേനെ ”
മാഷിന്റെ കണ്ണുകൾ ഈറനണിഞ്ഞിരുന്നു
“മാഷേ … ”
ആ ഷോക്കിൽ നിന്നും കരകയറാൻ ഒത്തിരി സമയമെടുത്തു ,ജോലി രാജിവച്ചു, പിന്നെ
ഞാനും കൂടി തളർന്നാൽ എന്റെ മക്കൾക്ക് ആരുമില്ലാതാവും ,അതു കൊണ്ട് ഞാനിത്തിരി ധൈര്യമൊക്കെ കാണിക്കാൻ പഠിച്ചു ,അവർക്ക് വേണ്ടി ”
“ഒക്കെ ശരിയാവും ഗൗരിയുടെ അമ്മ പഴയ പോലെ ആവും ”
“ആ ഒരു പ്രതീക്ഷയിലാ ഞാനും മക്കളും ജീവിക്കുന്നത്
എന്നെ സ്റ്റാന്റിൽ ഇറക്കണട്ടോ
ഇപ്പോ ഒരു ബസ്സുണ്ട് ”
“ശരി
മാഷ് പേടിക്കണ്ട ഞാൻ സ്റ്റാന്റിൽ ഇറക്കി തരാം”
”പേടിച്ചിട്ടല്ല, സാറിനെ ബുദ്ധിമുട്ടിക്കണ്ടാന്ന് കരുതിയിട്ടാ”
“മാഷെന്തിനാ അതൊരു ബുദ്ധിമുട്ടായി കാണുന്നത് ,മഷിനെന്നെ ഒരു മകനെ പോലെ കരുതാം”
“അത് സാറിന്റെ നല്ല മനസ്സ്”
“ദേ സ്റ്റാന്റ് എത്തി ”
മാഷ് കിറ്റുകളൊക്കെ എടുത്തു
“ഒരു വലിയ ഷോപ്പിങ് ആണല്ലോ മാഷേ”
“അത് വീട്ടിൽ ഒരു വിശേഷമുണ്ട് ”
“അതെ ന്താ വിശേഷം ”
മൂത്ത മകൾ ഗൗരിയുടെ പെണ്ണുകാണൽ
“ഗൗരിക്കോ ??? “ശരത്തിന്റെ ചോദ്യം പെട്ടെന്നായിരുന്നു
”എന്താ … സാർ അങ്ങനെ ചോദിച്ചത് ” ശരത്തിന്റെ മുഖഭാവം കണ്ട് അച്ഛനും ഒന്നു പകച്ചു
”ഇല്ല ഒന്നൂലാ ,ആ കുട്ടി പഠിക്കുകയല്ലേ ” അതുകൊണ്ടാണ് ഞാനങ്ങനെ ചോദിച്ചത്
“കല്യാണം കഴിഞ്ഞിട്ടും പഠിക്കാലോ ,ഇതൊരു നല്ല ആലോചനയാണ് ”
“ഞാൻ പറഞ്ഞൂന്നൊള്ളു”
“ശരി സാറെ എന്നാ ഞാൻ പോവാ ,വല്യ ഉപകാരം ഇവിടെ ആക്കി തന്നതിൽ ”
ശരത്തിന് മനസ്സിൽ എന്തോ ഭാരം കയറ്റി വച്ചത് പോലെ തോന്നി
മൂക്കുത്തി കൈവിട്ട് പോവുകയാണോ
ഡ്രൈവ് ചെയ്യുമ്പോഴും ശരത്തിന്റെ മനസ്സിൽ ഗൗരിയെ പെണ്ണ് കാണാൻ വരുന്ന കാര്യമായിരുന്നു
ചെക്കന്റെ വീടറിയാമായിരുന്നെങ്കിൽ എന്തെങ്കിലും പറഞ്ഞ് മുടക്കാമായിരുന്നു
ഗൗരിയുടെ അച്ഛന്റെ മുഖം ഓർത്തപ്പോൾ അങ്ങനെ വിചാരിച്ചത് തെറ്റായി പോയയെന്ന് ശരത്തിന് തോന്നി
വീടെത്തി
അമ്മ മുൻവശത്ത് ഉണ്ടായിരുന്നു
“എന്താടാ മുഖത്തൊരു വല്ലായ്മ ”
”അമ്മക്ക് തോന്നുന്നതായിരും ”
“നീ എന്നോട് കള്ളം പറയണ്ട ”
“അമ്മേ ഞാൻ കള്ളം പറഞ്ഞതല്ല, അമ്മ എന്തിനാ എന്നോട് വരാൻ പറഞ്ഞത് ”
”അത് വൈകീട്ട് എനിക്കൊന്നു അമ്പലത്തിൽ പോകണം ,നീയും വരണം ”
“അതിനാണോ എന്നോട് വരാൻ പറഞ്ഞത് ,ഇവിടത്തെ അമ്പലത്തിൽ അമ്മ ഒറ്റക്കല്ലേ പോകാറ് ,ഇന്നെന്താ പ്രത്യേകത ”
”ഇവിടത്തെ അമ്പലത്തിൽ അല്ല പോവേണ്ടത് ,കുറച്ച് ദൂരെയുള്ള ഒരു ദേവി ക്ഷേത്രത്തിലാണ്, എനിക്കൊരു വഴിപ്പാട് കഴിക്കണം”
“എന്റെ അമ്മേ ഇവിടെയുള്ള അമ്പലത്തിലെ വഴിപ്പാട് പോരാഞ്ഞിട്ടാണോ ദൂരെയുള്ള അമ്പലത്തിലേക്ക് ”
“ശ്യാമിന് വേണ്ടി നേർന്നതാണ് ,അതുകൊണ്ട് ഫലമുണ്ടായില്ലേ, അവന് മാറ്റമുണ്ടായി ഇന്നവൻ അഭിയെയും കൊണ്ട് വീട്ടിലേക്ക് പോയില്ലേ ”
“ചേട്ടൻ എപ്പോഴാ പോയത് ”
“കുറച്ച് നേരമായി ,കൊണ്ടാക്കിയിട്ട് വരും ”
“ഏട്ടത്തി ഇനി എന്നു വരും ”
”ഞാൻ പറഞ്ഞിട്ടുണ്ട് കുറച്ച് ദിവസം നിന്നിട്ട് വന്നാൽ മതിയെന്ന് ,കുറെ നാളായില്ലെ അത് വീട്ടിൽ പോയിട്ട് ,അമ്മയുടെ കൂടെ നിന്ന് കൊതിയൊക്കെ മാറിയിട്ട് വരട്ടേ ”
ഏട്ടത്തി ഉണ്ടായിരുന്നെങ്കിൽ മൂക്കുത്തിയുടെ കാര്യം പറയാമായിരുന്നു
എന്തെങ്കിലും ഒരു പോംവഴി ആള് പറഞ്ഞ് തന്നേനെ
കണാൻ വന്നിട്ട് പോട്ടേ ,പക്ഷേ കെട്ടുന്നത് ശരത്തായിരിക്കും ആയിരിക്കണം ,മൂക്കുത്തി തന്റെയാണ്
“അച്ഛാ .. ഇതെന്തൊക്കെയാണ് ,കുറെ സാധനങ്ങൾ ഉണ്ടല്ലോ ”
”അതൊക്കെയുണ്ട് ,ഗൗരി എവിടെ ”
“ചേച്ചി അമ്മയുടെ അടുത്തുണ്ട് ,അച്ഛനിപ്പോ ഞാൻ ചോദിച്ചതിന് മറുപടി പറയ് ”
“നാളെ ഗൗരി പെണ്ണു കണാൻ ഒരു കൂട്ടർ വരുന്നുണ്ട് ”
“അയ്യോ അച്ഛൻ ഗൗരി ചേച്ചിയുടെ വിവാഹം നടത്താൻ പോവുകയാണോ, ചേച്ചിയോട് പറഞ്ഞോ”
“ഞാൻ പറഞ്ഞാൽ ഗൗരി അനുസരിക്കും ,വിവാഹം അതൊക്കെ അതാത് സമയത്ത് നടക്കണം മോളെ ,നീ പോയി ഗൗരിയെ വിളിക്ക് ”
ഗംഗ പോയി ഗൗരിയെ വിളിച്ച് കൊണ്ടുവന്നു
“എന്താ അച്ഛാ എന്താ കാര്യം ഗംഗ പറയുന്നു എന്തോ വിശേഷ മുണ്ടെന്ന് ”
“അത് മോളെ നാളെ നിന്നെ ഒരു കൂട്ടര് കണാൻ വരുന്നുണ്ട് ”
”കണാനോ എന്തിന് ,എന്തിനാ അച്ഛാ എന്നെ കണാൻ വരുന്നത് ”
“എന്റെ മണ്ടി ചേച്ചി അവര് വരുന്നത് ചേച്ചിയെ പെണ്ണ് കണാന്നായിട്ടാണ് ”
“വേണ്ട എനിക്കിപ്പോ കല്യാണം വേണ്ടച്ഛാ ”
“ഗൗരി ….അച്ഛൻ പറയുന്നത് മോള് കേൾക്കണം”
“അച്ഛൻ പറയുന്നത് ഞാൻ അനുസരിക്കാറുണ്ട് ,പക്ഷേ അച്ഛാ എനിക്കിപ്പോ കല്യാണം വേണ്ട ,അമ്മയെ ഈ അവസ്ഥയിൽ വിട്ടിട്ട് എനിക്കൊരു ജീവിതം വേണ്ട”
“അതൊന്നും നീ ഓർക്കണ്ട അമ്മയുടെ കാര്യം നോക്കാൻ ഞാനും ഗംഗയും ഉണ്ട് ,പിന്നെ ഇവർക്ക് നമ്മുടെ കാര്യങ്ങളൊക്കെ അറിയാം ,എല്ലാം അറിഞ്ഞിട്ട്
തന്നെയാണവര് വരുന്നത് ,മോളിന് എതിര് പറയാൻ നിൽക്കണ്ട
പിന്നെ രണ്ടു പേരും വൈകുന്നേരം അമ്പലത്തിൽ പോയി പ്രാർത്ഥിക്ക് എല്ലാം നല്ല പടിയായി നടക്കാൻ ”
“എനിക്കിപ്പോ കല്യാണം വേണ്ട ഗംഗേ” അച്ഛൻ പോയി കഴിഞ്ഞപ്പോൾ ഗംഗയോട് ഗൗരി പറഞ്ഞു
“എന്നോട് പറഞ്ഞിട്ട് എന്താ കാര്യം ചേച്ചി ,ചേച്ചിക്ക് അച്ഛനോട് തറപ്പിച്ച് പറയാമായിരുന്നില്ലേ ”
“ഇനിയിപ്പോ എന്തു ചെയ്യും നീ ഒന്ന് പറഞ്ഞ് തായോ”
“ഒന്നും പറയാനില്ല ,നാളെ അവര് വരുമ്പോൾ ചായകൊടുത്ത് സൽക്കരിക്കുക ”
ഗൗരി ഫോണെടുത്ത് ശരണ്യയെ വിളിച്ചു
“എന്താടീ ”
“ഒരു പ്രശ്നം…. ”
“എന്ത് പ്രശ്നം ”
“നാളെ എന്നെ പെണ്ണ് കണാൻ വരുന്നൂ ”
“ഇതാണോ പ്രശ്നം ഗൗരി നല്ല കാര്യമല്ലേ, കോളേജിൽ പോവണ്ട, പഠിക്കണ്ട, ഓ … എന്തു സുഖം
നിന്റെ അച്ഛന് ബുദ്ധിയുണ്ട് ,ഇവിടത്തെ കാര്യം നിനക്കറിയാലോ പഠിച്ച് ജോലി കിട്ടിയിട്ടേ എന്നെ കെട്ടിക്കൂ ,എന്ന് ജോലി കിട്ടാൻ മൂക്കിൽ പല്ല് വന്നിട്ടോ ?? എന്തായാലും നീ ഭാഗ്യവതിയാണ്”
“ശരണ്യേ എനിക്ക് നല്ല ദേഷ്യം വരുന്നുണ്ട് എനിക്കിപ്പോ കല്യാണം വേണ്ട … അതു തന്നെ ”
“അതെന്തെ നിനക്ക് കല്യാണം വേണ്ടാത്തത് ,അമ്മയുടെ കാര്യം ഓർത്തിട്ടാണോ ”
“അതും ഉണ്ട് …..
ഞങ്ങളുടെ വീട്ടിലെ കാര്യങ്ങൾ അറിയുന്നവരാണെന്നാണ് അച്ഛൻ പറഞ്ഞത് ”
“അപ്പോ പിന്നെ എന്താ പ്രശ്നം ,എല്ലാം അറിഞ്ഞിട്ട് വരുന്നത് നല്ലതല്ലേ, നീ എതിരൊന്നും പറയണ്ടാ ,നിന്റെ ഭാഗ്യമാണെന്ന് കരുതണം”
“എനിക്കാ ഭാഗ്യം വേണ്ടാ ”
“എന്താടീ … നിനക്കെ ന്താ ഗൗരി ”
“എനിക്കി കല്യാണം വേണ്ട”
“നിനക്ക് വല്ല ലൈനുണ്ടോ? ഞാനറിയാത, ചോദിക്കാൻ കാരണം സിനിമയിലൊക്കെ കണ്ടിട്ടില്ലേ കല്യാണം വേണ്ട എനിക്ക് പഠിക്കണമെന്ന് പറയുന്നവർക്കൊക്കെ
ലൈയനുണ്ടായിരിക്കും അതു കൊണ്ട് ചോദിച്ചതാ”
“എനിക്ക് ലൈനൊന്നുമില്ല ,പക്ഷേ ”
”എന്താ ”
“ഒന്നൂലാ ”
“എന്നാലെ മോള് പോയി നാളെ ക്കുള്ള കാര്യങ്ങളൊക്കെ ഒരുക്കി വക്ക് ,എന്നിട്ട് നാളെ നല്ല സുന്ദരിയായി ഒരുങ്ങി നിൽക്ക് ട്ടോ:
“ശരണ്യേ …. നീയെന്നെ ഒന്നു മനസ്സിലാക്ക് ,എനിക്കിപ്പോ കല്യാണം വേണ്ട”
“ശരി പക്ഷേ നീ കല്യാണം വേണ്ടാന്ന് പറയാനുള്ള കാരണം പറയണം”
”അത് …..”
“ഉത്തരമില്ലല്ലോ ,അപ്പോ ശരി ഓൾ ദി ബെസ്റ്റ് ” ശരണ്യ കോള് കട്ട് ചെയ്തു
ഗൗരിക്ക് സങ്കടം തോന്നി ,മനസ്സിലെന്തൊ ഒരു വിങ്ങൽ പക്ഷേ അതാരോടും പറയാൻ പറ്റണില്ല
എനിക്കെന്താ .. ദേവി പറ്റിയത്
അച്ഛന്റെ മനസ്സ് വിഷമിപ്പിക്കാൻ എനിക്കാവില്ല
വൈകീട്ട് ഗൗരിയും ഗംഗയും കൂടി അമ്പലത്തിൽ പോയി
“മോളെ ..”
വിളി കേട്ട് ഗൗരി തിരിഞ്ഞ് നോക്കി
ശരത്തിന്റെ അമ്മയായിരുന്നു
ഗൗരി ചിരിച്ചു
“ഇവിടെ അടുത്താണോ വീട്”
“അതേ ആൻറി
“ഞാൻ തൊഴുതപ്പോൾ കണ്ടിരുന്നു ,മോളാണോന്ന് സംശയമുണ്ടായിരുന്നു
കൂടെയുണ്ടായിരുന്നത് ആരാ ”
“അനിയത്തി ”
“കൂട്ടുക്കാരിയുടെ അച്ഛന്റെ ഓപ്പറേഷൻ കഴിഞ്ഞോ ”
“ഇല്ല ”
“പണമൊക്കെ റെഡിയായില്ലേ ”
”ആയി
ആന്റി ഒറ്റക്കാണോ വന്നത് ”
“അല്ല മോനുണ്ട് ,ദേ അവൻ വരുന്നുണ്ട് ”
ഗൗരി കണ്ടു ശരത്തിനെ, മനസ്സിൽ ഒരു മഞ്ഞുതുള്ളി വീണതുപോലെ തോന്നി ഗൗരിക്ക്
മുണ്ടും ഷർട്ടും ആയിരുന്നു അവന്റെ വേഷം
അത വന് നന്നായി ഇണങ്ങുന്നുണ്ടെന്നവൾക്ക് തോന്നി
ശരത്തും കണ്ടിരുന്നു ഗൗരിയെ ,ശരത്തിന് സന്തോഷം തോന്നി ,ഇന്ന് ഒന്ന് കാണാൻ ആഗ്രഹിച്ചുള്ളൂ ആള് ദാ മുൻപിൽ,
ശരത്ത് അവളെ നോക്കി ചിരിച്ചു
“ശരത്തേ ഈ കുട്ടിയെ ഓർമ്മയുണ്ടോ
”ഉവ്വ്
”ഈ കുട്ടിയെ അങ്ങനെ മറക്കാൻ പറ്റോ അമ്മേ …..” എന്ന് ശരത്ത് മനസ്സിൽ പറഞ്ഞു
ശരി മോളെ ഞങ്ങള് പോകട്ടേ, ഇവന് വേറെ എവിടെയോ പോകാനുണ്ട് , പോകുന്ന വഴിക്കാണ് വീട് എങ്കിൽ അവിടെ ഞങ്ങളുടെ കൂടെ പോരേ”
“വേണ്ട ഇതിലൂടെ എളുപ്പവഴിയുണ്ട്,അനിയത്തി അവിടെ കാത്ത് നിൽക്കുകയാണ്”
“ശരിമോളെ ”
ഗൗരി പോയി
പോകുമ്പോ തന്നെയൊന്നു നോക്കിയാലെന്താ മൂക്കത്തിക്ക്
“ശരത്തേ നമ്മുക്ക് പോയാലോ ”
“അമ്മേ ഒരു മിനിട്ട് ”
ശരത്ത് വേഗം പോയി നടക്കൽ നിന്നു പ്രാർത്ഥിച്ചു
എന്റെ ദേവി ചേട്ടന്റെ കാര്യം ശരിയാക്കി കൊടുത്തില്ലേ അതു പൊലെ എന്റെ കാര്യം കൂടി ഒന്നു ശരിയാക്കി തരണേ, ആളെ കണ്ടില്ലേ ,ആ മൂക്കുത്തിയെ എനിക്ക് തന്നെ തരണട്ടോ
” മോനിന്നു പോകണോ ”അഭിയുടെ അച്ഛൻ ശ്യാമിനോട് ചോദിച്ചു
“വേണം .. ”
“എനിക്കറിയാം മോന് ഞങ്ങളോട് ദേഷ്യമാണെന്ന് ,അന്ന് അങ്ങനെ സംഭവിച്ചു പോയി ,ആ സാഹചര്യത്തിൽ അച്ഛനങ്ങനെ പറഞ്ഞപ്പോൾ മറ്റൊന്നും ഓർത്തില്ല
പിന്നെ തോന്നിയിരുന്നു മോനോട് സമ്മതം ചോദിക്കേണ്ടതായിരുന്നു എന്ന് ”
“അതൊന്നും സാരമില്ല ,കഴിഞ്ഞ കാര്യങ്ങളല്ലേ അച്ഛാ അതൊക്കെ ”
ശ്യാം അച്ഛാ എന്ന് വിളിച്ചപ്പോൾ അഭിരാമിയുടെ അച്ഛന്റെ മനസ്സ് നിറഞ്ഞു
“മോന് ഒരു ദിവസം ഇവിടെ നിന്നൂടെ ”
ശ്യാമിന് എനിക്ക് പോയേ പറ്റൂ എന്ന് പറയാൻ തോന്നിയില്ല
‘അഭീ …..”
“എന്താച്ഛാ …”
;ശ്യാമിന്നു പോകുന്നില്ലാട്ടോ .. അമ്മയോട് പറയ്”
“അച്ഛാ …. ”
“ചെല്ല് അഭീ … രാത്രി ഭക്ഷണത്തിനുള്ള കാര്യങ്ങൾ നോക്ക് ”
വീട്ടിൽ നിൽക്കാൻ പറഞ്ഞത് ശ്യാമിന് ബുദ്ധിമുട്ടായിട്ടുണ്ടാവുമെന്ന് അഭിരാമി ക്കറിയാം
പക്ഷേ അച്ഛൻ ഒന്നും പറയാൻ സമ്മതിക്കുന്നില്ല
അഭിരാമി അമ്മയുടെ അടുത്തേക്ക്
“അമ്മേ …”
“എന്താ .. അഭി ശ്യാമിന് ചായകൊടുക്കണ്ടേ ,ഇപ്പോ എന്താ ഉണ്ടാക്കുക അവിടെ എന്തൊക്കെയാണ് ഉണ്ടാക്കാറ്”
“ശ്യാമേട്ടൻ ഇന്ന് പോകുന്നില്ല”
“നീയെന്താ അഭി പറഞ്ഞത് ശ്യാമിന്ന് പോകുന്നില്ലാന്നോ ”
അമ്മക്ക് സന്തോഷമായി
”എന്റെ പ്രാർത്ഥനക്ക് ഫലമുണ്ടായി ,അന്ന് അമ്മ പറഞ്ഞില്ലേ അഭി ഒക്കെ ശരിയാവുമെന്ന് ”
പക്ഷേ അഭിരാമിയുടെ മനസ്സിൽ രാത്രി എവിടെ കിടക്കുമെന്നായിരുന്നു
“ചേച്ചി … ” അഭിഷേക് വന്ന് അഭിരാമിയെ കെട്ടി പിടിച്ചു
ക്ലാസ്സ് കഴിഞ്ഞു വന്നതേയുള്ളു അഭിഷേക്
“എന്താടാ എന്നെ കണ്ടിട്ട് നിനക്കിത്ര സന്തോഷം ”
“അളിയൻ എന്നോട് സംസാരിച്ചു ,ഞങ്ങൾ രണ്ടു പേരും കൂടി പുറത്ത് പോവുകയാണ് ,’
“പോകുന്ന തൊക്കെ കൊള്ളാം നിന്റെ വെകിളിത്തരമൊന്നും കാണിക്കരുത് ”
“ഒന്നു പോയേ അമ്മേ അതൊക്കെ എനിക്കറിയാം:
ശ്യാമും അഭിഷേകും തിരിച്ച വന്ന പ്പോൾ എല്ലാവർക്കും ഡ്രസ്സും മറ്റും വാങ്ങിയിട്ടുണ്ടായിരുന്നു
രാത്രി ശ്യാമിന് വേണ്ടി ഒത്തിരി കറികൾ ഉണ്ടാക്കിയിട്ടുണ്ടായിരുന്നു അഭിയുടെ അമ്മ
ഭക്ഷണം കഴിച്ച് കഴിഞ്ഞ് അഭിരാമി ഗ്രാമിന് കിടക്കാനുള്ള റൂമിലേക്ക് കൊണ്ടുപോയി
ശ്യാമിന് അഭിയോട് സംസാരിക്കണമെന്നുണ്ടായിരുന്നു
പക്ഷേ … ഒരു തടസ്സം
“ഞാൻ അമ്മയുടെ അടുത്ത് കിടന്നോളാം അമ്മയോട് ഞാനെന്തെങ്കിലും കാരണം പറഞ്ഞോളാം” അവന്റെ മനസ്സികാവസ്ഥ മനസ്സിലാക്കിയിടെന്ന പോലെ അഭിപറഞ്ഞു
ഞായാറാഴ്ച രാവിലെ
“ചേച്ചി എന്താ ഇങ്ങനെ ,മുഖത്തൊരു സന്തോഷമില്ലാത്തെ ”
“ഒന്നൂല്ല ”
“ചേച്ചി കണ്ടിട്ട് പോട്ടെ ,ബാക്കി കാര്യം പിന്നെയല്ലേ ”
“എന്താ ഗംഗേ .. നീ ചേച്ചിയെ ഉപദേശിക്കുയാണോ ” തൊട്ടടുത്ത വീട്ടിലെ ഗീത ചേച്ചിയാണ്
“അല്ല ഗീതേച്ചി
“ചായ ഒക്കെ ഉണ്ടാക്കിയോ ഗംഗേ
“ഒക്കെ റെഡിയാക്കിയിട്ടുണ്ട് ,ചേച്ചി വന്നത് ഭാഗ്യമായി ”
”മാഷ് ഇന്നലെ എന്നോട് പറഞ്ഞിരുന്നു ഗൗരിയെ കണാൻ വരുന്ന കാര്യം:
“ചേച്ചി അവര് വന്നൂന്ന് തോന്നുന്നു ”
“ഗൗരി .. അവര് വന്നു ,മോള് ചായ എടുത്ത് അച്ഛന്റെ കൂടെ വായോ”
ഗൗരി ചായയെടുത്ത് അച്ഛന്റെ കൂടെ ചെന്നു, അവളുടെ കണ്ണുകൾ നിറയുന്നുണ്ടായിരുന്നു
തുടരും
മുൻഭാഗങ്ങൾക്കായി ഈ ലിങ്കിൽ പോവുക
രജിത പ്രദീപ് എടയാട്
ഇവിടെ കൂടുതൽ വായിക്കുക
അക്ഷരത്താളുകൾ പ്രസിദ്ധീകരിച്ച എല്ലാ നോവലുകളും വായിക്കുക
അക്ഷരത്താളുകൾ പ്രസിദ്ധീകരിച്ച എല്ലാ കഥകളും വായിക്കുക
About Author
Unlock Your Imagination: Start Generating Stories Now! Generate Stories
Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook
പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം
Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now
©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission