Skip to content

ഗൗരി – ഭാഗം 6

gouri-aksharathalukal-novel

“മോളെ … എല്ലാവർക്കും ചായകൊടുക്ക് ”

ഗൗരി മുഖമുയർത്തി

തന്നെ നോക്കി ചിരിക്കുന്ന ഒരു മുഖമാണ്
ഗൗരി ആദ്യം കണ്ടത്

ഇത് സ്വപ്നമാണോ

ശരത്ത് സാറിന്റെ അമ്മ

ശരത്ത് സാറാണോ ?????

“എന്താ മോളെ നോക്കി നിൽക്കുന്നത് ,ചായകൊടുക്ക് ”

”എന്താ ഗൗരി എന്നെ കണ്ടിട്ട് അൽഭുതമായോ”

ഗൗരിക്ക് എന്താ നടക്കുന്നതെന്ന് മനസ്സിലായില്ല,ശരത്ത് സാറിനെ അവിടെ കണ്ടില്ല
ഇന്നലെ അമ്പലത്തിൽ വച്ച് കണ്ടതല്ലേ ഒന്നും പറഞ്ഞില്ല പക്ഷേ ഇപ്പോ

“ഗൗരിയെ അറിയോ ”

”അറിയും ,ഞാനിന്നലെ ഗൗരിയെ അമ്പലത്തിൽ വച്ച് കണ്ടിരുന്നു”

“ഗൗരി … ഞാനിവന്റെ അപ്പച്ചിയാട്ടോ “,അടുത്തിരുന്ന ചെറുപ്പക്കാരെന്റെ കൈയ്യിൽ പിടിച്ച് കൊണ്ടാണ് ശരത്തിന്റെ അമ്മ പറഞ്ഞത് ,ഇവന്റ അമ്മയാണ് വരാനിരുന്നത് ,ഇന്ന് കാലത്ത് ചെറിയൊരു തലകറക്കം ,അതുകൊണ്ടാണ് ഞാൻ വന്നത് ”

അത് കേട്ടപ്പോൾ തന്നെ ആരോ അഗാതമായ ഒരു കുഴിയിലേക്ക് തള്ളിയിട്ടത് പോലെ തോന്നി ഗൗരിക്ക്

മനസ്സിൽ ഉയർത്തി കൊണ്ട് വന്ന ചില്ല് കൊട്ടാരം ആരോ എറിഞ്ഞുടച്ചു

അഞ്ചു പേരുണ്ടായിരുന്നു

ഗൗരി എല്ലാവർക്കും ചായകൊടുത്തു

ശരത്തിന്റെ അമ്മ എഴുന്നേറ്റ് വന്നു

“മോള് വായോ ഇനി ഇവിടെ നിന്ന് വിയർക്കണ്ട, അവര് സംസാരിക്കട്ടേ ”

രണ്ടു പേരും കൂടി അടുക്കളയിലേക്ക് വന്നു

ഗംഗയും ഗീതേച്ചിയും ആകാംഷയോടെ കാത്ത് നിൽക്കുകയായിരുന്നു ഗൗരിയെ

“ഇത് അനിയത്തിയല്ലേ ഗൗരി … ”

“അതേ ”

“ഇതാരാ ”

“ഞാനപ്പുറത്തെ വീട്ടിലെ ചേച്ചിയാണ്”

“ഞാൻ ചെറുക്കന്റെ അപ്പച്ചിയാണ്
ഗൗരിയെ ആണ് ഇവൻ കാണാൻ വരുന്ന തെന്ന് എനിക്കറിയില്ലായിരുന്നു ,അവൻ പെൺകുട്ടിയുടെ പേരൊന്നും പറത്തിട്ടുണ്ടായിരുന്നില്ല ,എന്തായാലും ഇപ്പോ സമാധാനമായി ”

“ഗൗരി നല്ല കുട്ടിയാണ് ,ഇപ്പോഴത്തെ പെൺകുട്ടികളുടെ മാതിരിയല്ല ”

”ആ എനിക്കറിയാം
എന്താ അനിയത്തിയുടെ പേര് ”

”ഗംഗ”

“അവനും നല്ല പയ്യനാട്ടോ ”

പക്ഷേ ഗൗരി അവര് പറയുന്നതൊന്നും ശ്രദ്ധിക്കുന്നുണ്ടായില്ല

“എന്താ ഗൗരി സ്വപ്നം കാണൽ തുടങ്ങിയോ ” ഗീത ചേച്ചിയുടെ ചോദ്യം കേട്ട് ഗംഗയും ശരത്തിന്റെ അമ്മയും ചിരിച്ചു

ഗൗരിയുടെ അച്ഛൻ വിളിക്കാൻ വന്നു

“അവര് ഇറങ്ങാണെന്ന് ”

“ശരി ഗൗരി ,ഇനി ഗൗരി ഞങ്ങളുടെ ആട്ടോ ”

*

“അമ്മ ഇതെവിടെക്കാണ് പോയത് ”

“ഞാൻ അച്ഛനോട് പറഞ്ഞിട്ടുണ്ടായിരുന്നു, വരുണിന് പെണ്ണ് കണാൻ പോയതാ ,പെൺക്കുട്ടിയെ നീ അറിയും”

”ഞാനോ .., എങ്ങനെ”

“ഇന്നലെ നമ്മള് അമ്പലത്തിൽ വച്ച് കണ്ട കുട്ടി ഗൗരി ”

“ഗൗരി ….. അമ്മ എന്താ തമാശ പറയുകയാണോ “ശരത്തിന് തലക്കൊരടി കിട്ടിയ മാതിരി തോന്നി

“അല്ല ടാ ,വരുൺ കണാൻ പോയ പെൺകുട്ടി ഗൗരിയാണ്”

ശരത്തിന് വരുണിനെ കൊല്ലുവാനുള്ള ദേഷ്യമുണ്ടായി, അവൻ തന്നോട് പറഞ്ഞില്ലല്ലോ പെണ്ണുകണാൻ പോയ കാര്യം

”നീ എന്താടാ ആലോചിക്കുന്നത് ,ഗൗരി നല്ല കുട്ടിയല്ലേ ”

”ആണ്, എന്നിട്ട് എന്താ തീരുമാനിച്ചത് ”

”അവന് ഇഷ്ടമായി ,പിന്നെ ആ കുട്ടിയുടെ അമ്മക്ക് വയ്യാത്തത് കൊണ്ട് അവന്റെ വല്യച്ഛന് ഇഷ്ടമായിട്ടില്ല”

ഓ ചെറിയൊരു ആശ്വാസം
ശരത്ത് മനസ്സിൽ പറഞ്ഞു

”അമ്മയുടെ അഭിപ്രായമെന്താ ”

“വരുണിനോട് ഞാൻ പറഞ്ഞിട്ടുണ്ട് നിന്റെ ജിവിതമാണ് നീയാണ് തീരുമാനം എടുക്കേണ്ടത് ,അസുഖം ആർക്കായാലും വരാം, പിന്നെ ഗൗരിയെ പോലത്തെ ഒരു കുട്ടിയെ ഇനി നിനക്ക് കിട്ടില്ലാന്നും പറഞ്ഞിട്ടുണ്ട് ”

“എന്താ ഗൗരി മാത്രമാണോ ലോകത്ത് ഒരു പെണ്ണുള്ളത് ,വരുണിന് അതിനെക്കാൾ നല്ല പെണ്ണിനെ കിട്ടും ”

“നിനക്കെന്താ ഒരു ദേഷ്യം പോലെ ”

“എനിക്കെന്തിനാ ദേഷ്യം ,അവൻ ഏത് പെണ്ണിനെ കെട്ടിയാലും എനിക്കെന്താ ,ഗൗരിയോ യമുനയോ ആരെ വേണമെങ്കിലും കെട്ടിക്കോട്ടേ ”

“നീയെന്തിനാ ശരത്തേ ഇങ്ങനെ ഒച്ചയിടുന്നത് ,നിനക്ക് പെണ്ണ് അന്വഷിക്കാത്തത് കൊണ്ടാണോ ”

“അമ്മക്കെ ന്താ കുഴപ്പം, ഞാനതിനെ പറ്റിയൊന്നും ചിന്തിച്ചിട്ടില്ല”

”പിന്നെന്തിനാ നീ കിടന്ന് ഒച്ചയിടുന്നത് ,വരുണിന്റെ പെണ്ണ് കാണലിന് പോയതാണെന്ന് പറഞ്ഞപ്പോ തുടങ്ങി നിനക്ക് ദേഷ്യമാണല്ലോ ”

അത് കേട്ടപ്പോൾ ശരത്തിന് വിഷമം തോന്നി ,താനെന്തിനാ അമ്മയോട് ദേഷ്യപ്പെട്ടത് ,അമ്മ ക്കറിയില്ലല്ലോ ഗൗരി തന്റെ മൂക്കുത്തിയാണെന്ന്

“അമ്മേ ഞാൻ ദേഷ്യപ്പെട്ടതല്ല, അമ്മ പറയാതെ പോയത് കൊണ്ട് കുറച്ച് ദേഷ്യം അഭിനയിച്ചതാ”

“നിന്റെ അഭിനയം നീ എന്റെ കൈയ്യിൽ നിന്നും വാങ്ങും ”

“ശരി അമ്മ വന്നതല്ലേ എനിക്കൊരു ചായ തായോ”

അമ്മ ചായ എടുത്തപ്പോഴെക്കും ശരത്ത് ഡ്രസ്സ് മാറി വന്നു

“നീ എവിടെക്കാ പോകുന്നത്, “അമ്മ ചായ ശരത്തിന് കൊടുത്തു

“എനിക്ക് ഒരു അത്യാവശ്യകാര്യമുണ്ട്”

“എന്താ ഇത്ര വലിയ അത്യാവശം ”

“ഞാൻ പോയിട്ട് വേഗം വരും ”

*
ശ്യാം വീട്ടീ ലേക്ക് പോകാൻ നിൽക്കുകയായിരുന്നു

അഭിരാമിയും കൂടെ ചെല്ലാൻ ഒരുങ്ങി

“അഭി …..”

എന്താ എന്ന മട്ടിൽ അഭിരാമി ശ്യാമിനെ നോക്കി

“താൻ ഇവിടെ നിന്നിട്ട് രണ്ടു മൂന്നു ദിവസം കഴിഞ്ഞിട്ട് വന്നാൽ മതി”

“അതു വേണ്ട ഞാനും കൂടി വരുന്നുണ്ട് ”

“താനിവിടെ നിൽക്കുന്നത് തന്റെ അമ്മക്ക് സന്തോഷമാകും ”

“ഞാനിവിടെ നിന്നാൽ അച്ഛനുമമ്മയും ശ്യാമേട്ടനോട് ഇടക്ക് ഇവിടെ ക്ക് വരാൻ പറയും, അത് ശ്യാമേട്ടന് ബുദ്ധിമുട്ടാകും ”

“എനിക്ക് ബുദ്ധിമുട്ടാവില്ല ”

“അതു മാത്രമല്ല ശ്യാമേട്ടൻ വരുന്ന ദിവസം ഞാൻ അമ്മയുടെ കൂടെ കിടക്കേണ്ടി വരും ,അതിന് കാരണമായി ഞാൻ ഒരു പാട് നുണ പറയേണ്ടി വരും ,ശ്യാമേട്ടന്റെ വീട്ടിലാണെങ്കിൽ ഇങ്ങനെ ഒരു പ്രശ്നം വരുന്നില്ല ,എന്റെ അച്ഛനുമമ്മയും ഞാൻ സന്തോഷമായി ഭർത്താവിന്റെ വീട്ടിൽ കഴിയുകയാണെന്ന് കരുതിക്കോളും ”
അത് പറഞ്ഞപ്പോൾ അഭിരാമിയുടെ സ്വരമൊന്ന് ഇടറിയിരുന്നു

ശ്യാമിന്റെ മുഖത്ത് നോക്കാതെയാണ് അഭിരാമി പറഞ്ഞത്

അതിനു മറുപടി പറയാൻ താൻ അർഹനല്ലെന്ന് ശ്യാമിന് തോന്നി

“അമ്മയോട് ഞാൻ പറഞ്ഞിരിക്കുന്നത് ശ്യാമേട്ടൻ നിർബന്ധിച്ചിട്ടാണ് ഞാൻ കൂടെ വരുന്ന തെന്ന് ,അമ്മ ചോദിക്കുകയാണെങ്കിൽ അങ്ങനെ പറഞ്ഞാൽ മതി”

“ശരി ഞാൻ പറഞ്ഞോളാം”

“അഭി ….”

“എന്താ അമ്മേ …”

“ഒന്നിങ്ങോട്ട് വന്നേ ”

“എന്താ അമ്മേ …
എന്താ ഇതൊക്കെ, ഒരു പച്ചക്കറികടക്കുള്ള സാധനങ്ങൾ ഉണ്ടല്ലോ ” ‘

ശ്യാമും പുറത്തേക്ക് വന്നു

“എന്തിനാ മ്മേ ഇത്രയും പച്ചക്കറികൾ കടയിൽ കൊടുക്കാനാണോ ”

“മോനെ ഇത് നിങ്ങൾക്ക് കൊണ്ടുവാനുള്ളതാണ് ,ഇതൊക്കെ ഇവിടെ
ഉണ്ടായതാണ് ”

“ഇതൊക്കെ അവിടെ കിട്ടും ”

“അതൊക്കെ വിഷ മടിച്ചതല്ലേ ,ഇത് അങ്ങനെ ഉണ്ടാക്കിയതല്ല ”

ശ്യാമും കൂടി ചെന്ന് പച്ചക്കറികൾ കാറിൽ വക്കാൻ സഹായിച്ചു

“എന്നാൽ ഞങ്ങളിറങ്ങട്ടേ അച്ഛാ…. ”

“മോന് തിരക്കാണെന്നറിയാം എന്നാലും ഇടക്ക് രണ്ടു പേരും കൂടി വരണട്ടോ ”

“ശരി ”

കാറിലിരുന്നപ്പോൾ അഭിരാമിയോട് സംസാരിക്കണമെന്നുണ്ടായിരുന്നു ശ്യാമിന് പക്ഷേ അവള് തിരിചെങ്ങനെ റിയാക്ട് എന്നറിയില്ലല്ലോ അതു കൊണ്ട് വേണ്ടാന്ന് വച്ചു

“എനിക്ക് ഷോപ്പിലൊന്നു കയറണം ,താനും കൂടി വായോ തനിക്ക് ഷോപ്പോക്കെ കണാലോ ”

“വേണ്ട ഞാൻ കാറിലിരുന്നോളാം ശ്യാമേട്ടൻ പോയിട്ട് വായോ ,അവിടെയുള്ളവർ കാണണ്ട ദരിദ്രവാസിയായ എന്നെ ”

താൻ പറഞ്ഞ വാക്കുകളൊക്കെ അഭി തനിക്കെതിരെ പ്രയോഗിക്കുകയാണെന്ന് ശ്യാമിന് മനസ്സിലായി

അവൻ ഷോപ്പിൽ കയറിയില്ല

അഭി ക്ക് മനസ്സിൽ ഗൂഢമായെരാനന്ദം ഉണ്ടായി

വീട്ടിലെത്തി

അമ്മയാണ് വാതിൽ തുറന്നത്

“അഭീ …
പോയ ആളല്ലല്ലോ തിരികെ വന്നത് ”

“അമ്മ കളിയാക്കണ്ടാട്ടോ ”

ശ്യാം പച്ചക്കറികളൊക്കെ കാറിൽ എടുത്ത് വക്കുകയായിരുന്നു

“ഇത് കുറെ ഉണ്ടല്ലോ അഭി”

”അമ്മക്ക് മതിയായിട്ടില്ല ,ഇനിയും എന്തൊക്കെയോ എടുത്ത് വച്ചതാ ഞാൻ വേണ്ടന്നു പറഞ്ഞു ”

“അമ്മേ ഞാൻ ഷോപ്പിൽ പോയിട്ട് വരാം ”

ശ്യാം കാറെടുത്ത് തിരിച്ച് പോയി

“ശരത്ത് എന്തേ അമ്മേ ”

“ഒന്നും പറയണ്ട അഭി, ഞാനിന്നു വരുണിനു പെണ്ണുകണാൻ പോയി ,അത് പറഞ്ഞപ്പോ തുടങ്ങി അവന് ദേഷ്യം”

“അതെന്തിനാ ”

”അതറിയില്ല, പിന്നെ പെൺകുട്ടിയെ നമ്മളറിയും ഒരു ദിവസം മൂന്നു പെൺകുട്ടികൾ വന്നില്ലേ സഹായം ചോദിച്ച് അതിലെ ഗൗരി എന്ന കുട്ടി ”

”ഗൗരിയോ ”

”ആ കുട്ടി തന്നെ ”

അഭിരാമിക്ക് ശരത്തിന്റെ ദേഷ്യം എന്തിനാണെന്ന് മനസ്സിലായി

ഇനിയിപ്പോ എന്തു ചെയ്യും,ശരത്തിനെ എങ്ങനെ സഹായിക്കും

*

”ശരത്തേ നിനക്ക് എന്താ പറയാനുള്ളത് ”

“പറയാം”

“ഫോണിൽ പറയാൻ പറഞ്ഞപ്പോൾ നേരിട്ട് പറയാമെന്ന് പറഞ്ഞു ,എന്നിട്ട് നീ എന്താ പറയാത്തത് ”

“അത് ഞാൻ നിന്നോട് എങ്ങനെ പറയും ”

“നീ പറ മനുഷ്യനെ ടെൻഷൻ അടിപ്പിക്കാതെ ”

“ഇന്ന് നീ കാണാൻ പെണ്ണ് കണാൻ പോയ ഗൗരിയെ ഞാനറിയും”

”എങ്ങനെ “ആകാംഷയായിരുന്നു വരുണിന്റെ വാക്കുകളിൽ

ശരത്ത് ഉണ്ടായ കാര്യങ്ങൾ പറഞ്ഞു

“ഇത്രയുള്ളൂ”

“അത് മാത്രമല്ല ആ കുട്ടിയെ എനിക്കിഷ്ടമാണ് ”

“പക്ഷേ ആ കുട്ടിക്ക് നിന്നെ ഇഷ്ടമല്ലല്ലോ ”

”അങ്ങനെ പറഞ്ഞിട്ടില്ല”

”ഞാനറിഞ്ഞ കാര്യങ്ങൾ വച്ച് നോക്കുമ്പോൾ ഗൗരി നല്ല കുട്ടിയാണ്,ആരോടും ഇഷ്ടമൊന്നുമില്ലെന്നാണ് ‘

“എന്റെ ഇഷ്ടം ഞാനാ കുട്ടിയോട് പറഞ്ഞിട്ടില്ല”

“ഇനി നീ പറയണ്ട ,കല്യാണം കഴിഞ്ഞാൽ ഗൗരി നിന്റെ ചേച്ചിയായിട്ട് വരും ”

“നിനക്ക് പറഞ്ഞാൽ മനസ്സിലാവില്ലേ ”

“ഇല്ല ഈ കാര്യത്തിൽ ഇല്ല ,എനിക്ക് ഗൗരിയെ ഇഷ്ടമായി ,ഇനി മറ്റു കാര്യങ്ങൾ തീരുമാനിക്കും അതിൽ നിന്നും മാറ്റമില്ല,
ഈ യൊരു കാര്യം പറഞ്ഞ് നീയെന്നെ കാണാൻ വരണ്ട ”

*

“എന്തിനാ അച്ഛാ ഇങ്ങനെ നടക്കുന്നത് ,എവിടെയെങ്കിലും ഇരിക്ക് ”

“ഗംഗേ നീ കളിയാക്കാതെ പോ”

“അച്ഛാ എന്താ പ്രശ്നം ”

”ചെറുക്കന്റെ വീട്ടുക്കാർ കുറച്ച് കഴിഞ്ഞ് വിളിക്കുമെന്നാണ് ബ്രോക്കർ പറഞ്ഞത് ”

“വിളിക്കട്ടേ അതിനെന്താ ,
അവര് ഇഷ്ടപ്പെട്ടിട്ടാ പോയതെന്ന് അച്ഛനല്ലേ പറഞ്ഞത് ”

“അതേ ഗംഗേ എന്നാലും …..”

ഗൗരി അവിടെക്ക് വന്നു ,അവളുടെ മുഖത്തൊരു വാട്ടം ഉണ്ടായിരുന്നു

“അച്ഛാ ദേ ഫോൺ റിംഗ് ചെയ്യുന്നുണ്ട് ,അവരാണെന്ന് തോന്നുന്നു ” ഗംഗ പറഞ്ഞു

മാഷ് കോളെടുത്തു

അവരുടെ മറുപടി എന്തായിരിക്കും

ഗൗരി നെഞ്ചിടിപ്പോടെ അച്ഛനെ നോക്കി

“മാഷേ ഞാൻ വരുണിന്റെ വല്യച്ഛനാണ്”

”ആ മനസ്സിലായിട്ടോ ”

“സന്തോഷമുള്ള കാര്യമല്ല എനിക്ക് പറയാനുള്ളത് ,ഞങ്ങൾക്ക് ഈ ആലോചനക്ക് താൽപര്യമില്ല ,കാരണം മാഷിന്റെ ഭാര്യയുടെ അസുഖമാണ് ,മാഷ് ഒന്നും വിചാരിക്കരുത് ”

“ഇല്ല ”
എന്ന് പറഞ്ഞ് മാഷ് കോള് കട്ട് ചെയ്തു

“എന്താ അച്ഛാ അവരെന്താ പറഞ്ഞത് “ഗംഗ ചോദിച്ചു

“ഇത് നടക്കില്ലാന്ന് ”

ഗൗരിക്ക് മനസ്സിൽ കയറ്റി വച്ച ഭാരം ഇറങ്ങി പോയത് പോലെ തോന്നി

അച്ഛന്റെ മുഖത്ത് നോക്കിയപ്പോൾ വിഷമം തോന്നി

“മോള് വിഷമിക്കണ്ടാട്ടോ ,അച്ഛൻ ഇതിലും നല്ലൊരാളെ കണ്ടു പിടിച്ച് തരും”

“എനിക്ക് വിഷമമില്ലച്ഛാ ”

ഗംഗ ഗൗരിയെ നോക്കുകയായിരുന്നു ,ചേച്ചി എന്ത് മാജിക് ആണ് ചെയ്തത് ,അച്ഛൻ ഈ വിവാഹം നടക്കുമെന്ന് കരുതിയിരുന്നതാണ് ,എന്തായാലും ഈ പ്രാവശ്യം ചേച്ചി രക്ഷപ്പെട്ടൂ

“അച്ഛനെന്തിനാ വിഷമിക്കുന്നത് ,ആ ചെക്കന് നമ്മുടെ ഗൗരി ചേച്ചിയെ കെട്ടാൻ ഭാഗ്യമില്ല ,നമ്മുക്കെ ഇതിലും നല്ലൊരു ചെറുക്കനെ വേഗം കണ്ടു പിടിക്കാം”

അതത്ര എളുപ്പമല്ലെന്ന് മാഷിന് തോന്നി .എല്ലാ കാര്യങ്ങളും അറിഞ്ഞ് വന്നവരാണ് ,അവർക്ക് പേടിയാണെന്ന് അമ്മയുടെ അസുഖം മകൾക്ക് വരോ എന്ന്

മാഷ് പറമ്പിലേക്ക് ഇറങ്ങിപ്പോയി ,താൻ കരയുന്നത് മക്കള് കണാതിരിക്കാൻ വേണ്ടി

”ചേച്ചിക്ക് സന്തോഷമായില്ലേ, അവന്റെയൊക്കെ ജാഡ കണ്ടില്ലേ, എന്താലെ ”

“നീ എന്തിനാ ഗംഗേ ഇങ്ങനെയൊക്കെ പറയുന്നത് ”

“പിന്നെ എങ്ങനെ പറയണം ,ആ അപ്പച്ചി എന്തൊക്കെയാണ് പറഞ്ഞത് ,ഗൗരി നല്ല കുട്ടിയാണ് എനിക്കറിയാം ,എന്നിട്ടിപ്പോ നോക്ക്

”നീ യെന്തിനാ അപ്പച്ചിയെ കുറ്റം പറയുന്നത് ”

“കുറ്റം പറഞ്ഞതല്ല എന്റെ വിഷമം കൊണ്ട് പറഞ്ഞതാ ,അച്ഛന് എന്തു വിഷമാണെന്ന് ചേച്ചി കണ്ടില്ലേ ,അച്ഛന് നല്ല പ്രതീക്ഷയുണ്ടായിരുന്നു ”

“ഞാനപ്പോഴെ പറഞ്ഞതല്ലേ എനിക്കിപ്പോ വിവാഹം വേണ്ടന്ന് ”

“ഇനി പറഞ്ഞിട്ട് എന്താ കാര്യം”

ഗൗരി റൂമിൽ വന്ന് ശരണ്യയെ വിളിച്ചു

“എന്താടീ ….. അവര് വിളിച്ചു ”

“എന്താ പറഞ്ഞത് ”

“,അവർക്ക് ഇഷ്ടമായില്ലാന്ന് പറഞ്ഞു ”

“പിന്നെ അവരങ്ങനെ പറഞ്ഞോ ഞാൻ വിശ്വസിക്കില്ല”

“അമ്മയുടെ കാര്യമാണ് കാരണം പറഞ്ഞത് ”

“അവര് എല്ലാമറിഞ്ഞിട്ടല്ലേ വന്നത് ,ശരത്ത് സാറിന്റെ അമ്മക്കൊക്കെ നിന്നെ നല്ല ഇഷ്ടമായതല്ലേ ,പിന്നെന്താ
സത്യം പറ ഗൗരി ഇതിൽ നിനക്കെന്തെങ്കിലും പങ്കുണ്ടോ ”

“എനിക്കെന്ത് പങ്ക് ,നീയെന്തിനാ ശരണ്യേ ഇങ്ങനെ പറയുന്നത് ,നീയെന്നെ ഇങ്ങനെയാണോ മനസ്സിലാക്കിയിരുന്നത് ”

”അതല്ല നീ വേണ്ടന്ന് പറഞ്ഞതല്ലേ ,നിനക്കിപ്പോ സന്തോഷമായില്ലേ ,എനിക്കൊന്നറിയാം നിന്റെ മനസ്സിൽ എന്തോ ഉണ്ട്, നിനക്ക് എന്നോടെങ്കിലും തുറന്ന് പറഞ്ഞൂടെ ”

ഗൗരി മറുപടി പറഞ്ഞില്ല

“നീയെന്താ ഒന്നും മിണ്ടാത്തത് നിന്റെ മനസ്സിൽ എന്തോ കള്ളത്തരമുണ്ട് അതാ നീയൊന്നും മിണ്ടാത്തത് ”

”ശരണ്യേ …… എനിക്കൊരു കള്ളത്തരമില്ല, നീ വെറുതെ ഒരോന്ന് പറയണ്ട ”

“ഗൗരി … നിനക്കെന്തുണ്ടെങ്കിലും എന്നോട് പറയാലോ ,വിവാഹം വേണ്ടാന്ന് നീ പറയാൻ എന്തൊ തക്കതായ കാരണമുണ്ടെന്നെനിക്കറിയാം ,പക്ഷേ നീ എന്തുകൊണ്ടാണ് എന്നോട് പറയാത്തത് അതാ എനിക്ക് മനസ്സിലാവാത്തത് ”

കരച്ചിലായിരുന്നു അതിന് ഗൗരിയുടെ മറുപടി

*

”നീ എവിടെക്കാണ് ശരത്തേ പോയിരുന്നത് ”

“ഏട്ടത്തി ഞാനൊന്നു പുറത്ത് പോയതാണ് ”
ശരത്ത് വന്ന് അഭിയുടെ അടുത്തായി ഇരുന്നു

തല കുമ്പിട്ട് രണ്ടു കൈകൾ കൊണ്ട് നെറ്റിയുടെ ഇരുവശത്തും പിടിച്ചിട്ടുണ്ടായിരുന്നു ശരത്ത്, അവന് നല്ല ടെൻഷൻ ഉണ്ടെന്ന് അവൾക്ക് മനസ്സിലായി

“നിന്റെ മുഖമെന്താ വല്ലാതിരിക്കുന്നത് ”

“ഏയ് ഏട്ടത്തിക്ക് വെറുതെ തോന്നുന്നതാ ,എനിക്ക് പ്രശ്നമൊന്നുമില്ല”

“ശരത്തേ .. എന്നോട് ഒന്നും ഒളിക്കണ്ട ട്ടോ ,ഞാനറിഞ്ഞു, വരുൺ ഗൗരിയെ പെണ്ണ് കണാൻ പോയ കാര്യം”

“ഏടത്തി എങ്ങനെ അറിഞ്ഞത് , അമ്മ പറഞ്ഞോ ”

“പറഞ്ഞു ഇനിയിപ്പോ എന്തു ചെയ്യും”

“എനിക്കറിയില്ല എട്ടത്തി , മൂക്കുത്തിയെ എനിക്ക് വേണം പക്ഷേ എന്താ ചെയ്യണതെന്ന് എനിക്കറിയില്ല , എനിക്കെന്തോ ഒരു പേടി തോന്നുന്നു ”

”അയ്യേ .. പോടാ നീ യെന്തിനാ പേടിക്കുന്നത് ”

“ആ പേടിയല്ലേ ഏടത്തി ……
ഗൗരിയെ എനിക്ക് നഷ്ടപ്പെടുത്താൻ വയ്യാ .. അതുകൊണ്ടാ
ഞാൻ വരുണിനെ കണാൻ പോയത് ”

”എന്നിട്ട് വരുണെന്താ പറഞ്ഞത്

“അവനോട് ഞാൻ എല്ലാം പറഞ്ഞു ,പക്ഷേ അവൻ സമ്മതിച്ചില്ല ,അവനിത് ഉറപ്പിക്കാൻ പോവാണെന്ന്
എറിക്കറിയില്ല ഇനി എന്തു ചെയ്യണമെന്ന് ,എന്റെ ഇഷ്ടം ഞാൻ ഗൗരിയോട് പറഞ്ഞില്ല അതാ എനിക്ക് പറ്റിയ തെറ്റ് ”

“നിനക്കിഷ്ടമാണെങ്കിൽ ആ കുട്ടിയോട്പറയാമായിരുന്നില്ലേ ”

“അതിന് കാണുമ്പോഴൊക്കെ അതിനെ ഞാൻ ചീത്ത പറയും ,പിന്നെങ്ങനെയാണ് പറയുക , അതിനെന്നെ ഇപ്പോ പേടിയാണ്”

“അങ്ങനെയൊന്നും ഉണ്ടാവില്ല ”

”ഗൗരിയുടെ വീട് വരെ ഞാനൊന്നു പോയാലോ ഏട്ടത്തി ,മാഷിനോട് കാര്യങ്ങൾ പറയാലോ ”

“ശരത്തേ ഗൗരിയുടെ മനസ്സല്ലേ ആദ്യം
അറിയേണ്ടത് ”

ശരത്തിന് നല്ല ടെൻഷൻ ഉണ്ടെന്ന് അഭി ക്ക് മനസ്സിലായി ,ശ്യാമേട്ടനോട് പറഞ്ഞാലോ ,
വേണ്ട ..
ശരത്തിനെ എങ്ങനെ സഹായിക്കും ,ഗൗരിയെ വിളിച്ചാലോ ,നമ്പർ എങ്ങനെ കിട്ടും ,ബാങ്കിലുണ്ടാവുമല്ലോ നമ്പർ ശരത്തിനോട് നോക്കി എടുത്ത് തരാൻ പറയാം ,ഗൗരിയെ വിളിച്ച് സംസാരിക്കാം

” നീ .. എപ്പോഴാ ശരത്തേ വന്നത് ”

”ദേ ഇപ്പോ വന്നുള്ളൂ അമ്മേ ”

”വരുണിപ്പോ വിളിച്ചു ,അവനാ കല്യാണക്കാര്യം വേണ്ടന്ന് വച്ചൂ”

കേട്ടത് വിശ്വസിക്കാനാവാതെ ശരത്ത് അമ്മയെ നോക്കി

“എന്താടാ നോക്കുന്നത് ,വല്യച്ഛനാണ് ഗൗരിയുടെ അച്ഛനോട് വിളിച്ച് പറഞ്ഞത് ”

സന്തോഷം കൊണ്ട് ശരത്ത് ഓടി വന്ന് അമ്മയെ എടുത്ത് പൊക്കി വട്ടം കറക്കി

മനസ്സിൽ അവൻ വരുണിന് നന്ദി പറഞ്ഞു

“ടാ ശരത്തേ .. വിടെ ടാ എന്നെ താഴെയിറക്ക് ”

ശരത്ത് അമ്മയെ താഴെ നിറുത്തി

അഭി ചിരിക്കുന്നത് കണ്ടപ്പോൾ ശരത്തിന് ചമ്മൽ തോന്നി

“വരുണിന്റെ കല്യാണം മുടങ്ങിയതിന് നീ യെന്തിനാ സന്തോഷിക്കുന്നത് ,കാലത്ത് പറഞ്ഞപ്പോൾ ദേഷ്യം ,ഈ ചെക്കനിതെന്താ പറ്റിയത് ”

“അതമ്മേ …” അഭി പറയാൻ തുടങ്ങിയപ്പോഴെക്കും ശരത്ത് തടഞ്ഞു

അതൊക്കെ ഞാൻ പറയാം ,ആദ്യം പച്ചക്കൊടി കാണട്ടേ

”എന്താ .. അഭി ഇവൻ പറയുന്നതൊന്നും എനിക്ക് മനസ്സിലാവണില്ല ”

“അവൻ പറയാമെന്നല്ലേ പറഞ്ഞത് അമ്മ ..
നമ്മുക്ക് വെയ്റ്റ് ചെയ്യാം ”

രാത്രി

ഭക്ഷണം കഴിച്ച് കഴിഞ്ഞ് മുകളിലേക്ക് കയറി പോയ ശ്യാം കുറച്ച് കഴിഞ്ഞ് തിരിച്ച് താഴെക്ക് ഇറങ്ങി വന്നു

ശരത്ത് താഴെ ടി വി കാണുന്നുണ്ടായിരുന്നു

”എന്താ ചേട്ടാ ഉറക്കം വരണില്ലേ ”

”മൂക്കടപ്പ് പോലെ അമ്മയുടെ അടുത്ത് ബാം ഉണ്ടോന്ന് ചോദിക്കാനാണ് i

“ഓ .. ബാമാണോ ഞാൻ തരാലോ എന്റെടുത്തുണ്ട് ”

“വേണ്ട ഞാൻ അമ്മയോട് ചോദിച്ചോളാം”

അത് കേട്ടപ്പോൾ ശരത്തിന്റെ മുഖത്ത് ചിരിയുണ്ടായി

“കണ്ണടച്ച് പാല് കുടിച്ചാൽ ആരും അറിയില്ലെന്നാ പൂച്ചയുടെ വിചാരം”

“നീയെന്താ അങ്ങനെ പറഞ്ഞത് ,ഇവിടെയിപ്പോ ആരാ കണ്ണടച്ച് പാല് കുടിച്ചത് ”

“ഞാൻ സന്ദർഭത്തിനനുസരിച്ച് ഒരു
പഴഞ്ചൊല്ല് പറഞ്ഞ താണ് അതിന് ചേട്ടനെന്താ ,ചേട്ടൻ പോയി അമ്മയുടെ കൈയ്യിൽ നിന്നും ബാം വാങ്ങ് ,വേഗം ചെന്നില്ലെങ്കിലെ ഏട്ടത്തി ഉറങ്ങും ”

എന്ന് പറഞ്ഞ് കൊണ്ട് ടിവി ഓഫ് ആക്കി ശരത്ത് മുറിയിലേക്ക് പോയി

താൻ അഭിയെ കണാൻ വന്നതാണെന്ന് ശരത്തിന് മനസ്സിലായി ,
ഉറങ്ങാൻ കിടന്നതാ പക്ഷേ അഭി യെ ഒന്നു കാണണമെന്ന് തോന്നി ,ഭക്ഷണം കഴിക്കാനിരുന്നപ്പോഴൊന്നും അവൾ തന്നെയൊന്ന് നോക്കിയത് പോലുമില്ല ,

”ശ്യാമേ .. എന്താടാ നിനക്ക് കടക്കാറായില്ലേ”

അമ്മ തന്നെ കണ്ടുവെന്ന് ശ്യാമിന് മനസ്സിലായി

അവൻ മുറിയിലേക്ക് ചെന്നു

അഭിരാമി വേഗം കട്ടിലിൽ നിന്നും എഴുനേറ്റു

“എന്താടാ വെള്ളം റൂമിൽ വച്ചിട്ടുണ്ടല്ലോ ”

“അതിനല്ല
അമ്മേ പനിക്കാൻ പോകുന്ന പോലെ ,മൂക്കൊക്കെ അടഞ്ഞത് പോലെ ”

“അതെ നിനക്ക് അഭിയുടെ വീട്ടിലെ വെള്ളം പിടിക്കാഞ്ഞിട്ടാണ് ,വെള്ളം മാറി കുളിച്ചിട്ടാ ”

“അമ്മേ .ചുക്ക് കാപ്പിവേണോന്ന് ചോദിക്ക് ”

”വേണ്ടാ ” അമ്മ ചോദിക്കും മുൻപേ ശ്യാം മറുപടി പറഞ്ഞു

”ടാ അഭി ഉണ്ടാക്കി തരും ”

“എനിക്ക് വേണ്ട” എന്ന് പറഞ്ഞ് ശ്യാം റൂമിലേക്ക് പോയി
തന്നോട് ചോദിച്ചാലെന്താ ചുക്ക് കാപ്പി വേണോ എന്ന് ,എന്തിനാ അമ്മയെ കൊണ്ട് ചോദിപ്പിക്കുന്നത്
അഭിയുടെ മുൻപിൽ താൻ കൊച്ചായത് പോലെ തോന്നി ശ്യാമിന്

കുറച്ച് കഴിഞ്ഞ് ഡോറിൽ മുട്ട് കേട്ടു

ശ്യാം ചെന്ന് വാതിൽ തുറന്നു

അഭിയായിരുന്നു

കൈയ്യിൽ ചുക്ക് കാപ്പിയുണ്ടായിരുന്നു

“ചുക്ക് കാപ്പിയാണ്” അവൾ ഗ്ലാസ്സ് ശ്യാമിന്റെ കൈയ്യിൽ കൊടുത്തു

“അഭീ ….”

അഭി ശ്യാമിനെ നോക്കി ,അവന്റെ കണ്ണുകളിൽ തന്നോടുള്ള സ്നേഹത്തിന്റെ രണ്ടു കുഞ്ഞു നക്ഷത്രങ്ങൾ തിളങ്ങുന്നതു പോലെ തോന്നി അഭിരാമിക്ക്

”അഭി.. ” പെട്ടെന്നാണ് അമ്മ വിളിച്ചത്

”ദേ .വരുന്നൂ ” എന്ന് പറഞ്ഞ് അഭിരാമി മുറിയിൽ നിന്നും ഇറങ്ങി പോയി

അമ്മക്ക് വിളിക്കാൻ കണ്ട നേരം ശ്യാമിന് ദേഷ്യം വന്നു

*

” എന്താ ആന്റി വരുണെ ന്തിനാ ആ കേസ് വേണ്ടന്ന് പറഞ്ഞത് ”

“എനിക്കറിയില്ല ആർച്ചേ, എല്ലാവർക്കും ഇഷ്ടമായതാണ് ,നല്ല കുട്ടിയാണെന്നും പറഞ്ഞു ,പിന്നെ എന്താ നടന്ന തെന്ന് എനിക്കറിയില്ല ,വല്യച്ഛനെ കൊണ്ട് അവൻ വിളിച്ച് പറയിപ്പിച്ചു ”

“എന്നോട് പറഞ്ഞതാണ് ഇഷ്ടമായീന്ന് ”

“എനിക്കറിയില്ല മോളെ നീ പോയി ചോദിക്ക് ,അവൻ മുറിയിലുണ്ട്”

ആർച്ച വരുണിന്റെ മുറിയിലേക്ക് ചെന്നു

“ടാ വരുണേ..”

“നിന്റെ സ്വരം ഞാൻ കേട്ടിരുന്നു”

“നീ എന്തിനാ അത് വേണ്ടാന്ന് വച്ചത് ”

“അത് എനിക്കിഷ്ടായീലാ, പിന്നെ അമ്മക്ക് വയ്യാത്തതല്ലേ, എല്ലാവരും പറഞ്ഞപ്പോൾ പിന്നെ …”

“അത് നീ ഇന്നലെ പറഞ്ഞില്ലല്ലോ, നിനക്കിഷ്ടമായി, ഇനി നേരെ കല്യാണമാണെന്നാണല്ലോ നീ പറഞ്ഞത് ”

“അത് അപ്പോഴല്ലേ ”

“നീ എന്താ കാരണമെന്ന് പറ, പെൺകുട്ടിക്ക് വല്ല …

“അതൊന്നുമല്ല ,നല്ല കുട്ടിയാണ് ,കാരണംനിന്നോട് മാത്രം പറയാം ”

“നീ പറയ്”

“ശരത്തിന് വേണ്ടിയാണ്, ഞാനിത് വേണ്ടന്ന് വച്ചത് ”

“ശരത്തിന് വേണ്ടിയോ ,എന്തിന് ”

”അതെ
ഞാനിന്നലെ കാണാൻ പോയ പെൺകുട്ടിയെയാണ് ശരത്ത് സ്നേഹിക്കുന്നത് ”

തലക്കുള്ളിൽ ഒരു സ്ഫോടനം നടന്ന പോലെ തോന്നി ആർച്ചക്ക്

“നീ തമാശ പറയുകയാണോ ”

“ഞാനെന്തിനാ ഈ കാര്യത്തിൽ തമാശ പറയുന്നത് ഇന്നലെ അവനെന്നോട് നേരിട്ട് പറഞ്ഞതാണിത്”

“എന്താ അവളുടെ പേര് ”

“ഗൗരി ”

തുടരും

 

മുൻഭാഗങ്ങൾക്കായി ഈ ലിങ്കിൽ പോവുക

രജിത പ്രദീപ് എടയാട്

 

ഇവിടെ കൂടുതൽ വായിക്കുക

അക്ഷരത്താളുകൾ പ്രസിദ്ധീകരിച്ച എല്ലാ നോവലുകളും വായിക്കുക

അക്ഷരത്താളുകൾ പ്രസിദ്ധീകരിച്ച എല്ലാ കഥകളും വായിക്കുക

4.3/5 - (10 votes)

Welcome to the new year! As you start the year fresh, why not test your knowledge and try a quiz on New Year? Happy quizzing!


Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook

aksharathalukal subscribe

പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം

Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now

©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission

Leave a Reply

Don`t copy text!