“ഗൗരി ……
‘എന്തേ നീ അറിയോ
”പേര് കേട്ടപ്പോൾ ഒരു പരിചയമുള്ള പോലെ ”
”അച്ഛൻ മാഷാണ് ”
അച്ഛൻ മാഷാണെന്ന് പറഞ്ഞപ്പോഴെക്കും ആർച്ചക്ക് ആളെ മനസ്സിലായി
അവൻ സ്നേഹിക്കുന്ന പെണ്ണാണെന്ന് ഗൗരി,അപ്പോ ഈ ഞാനോ……,
ഞാനാരാ അവന്റെ ആരുമല്ലേ
ആർച്ചയുടെ മുഖഭാവം മാറിയിരുന്നു
ദേഷ്യം കൊണ്ട് ആർച്ചയുടെ മുഖമൊക്കെ ചുവന്നിരുന്നു ,
”എന്താ ആർച്ചേ …. നീ അറിയുന്ന ആളാണോ ”
“അല്ല ഞാനറിയുന്ന കുട്ടിയല്ല ,ആ കുട്ടിയുടെ അച്ഛൻ മാഷല്ല ”
“ശരത്തിന് ഭാഗ്യമുണ്ട്, നല്ല സ്വഭാവമുള്ള ഒരു കുട്ടിയെ കിട്ടിയില്ലേ”
“എന്ത് ഭാഗ്യം ,മിണ്ടാതെ യി രിക്കുന്നവരായിരിക്കും ഏറ്റവും കള്ളികൾ ,പെരും കള്ളികൾ ”
ആർച്ചക്ക് കലി അടങ്ങുന്നുണ്ടായിരുന്നില്ല
”എന്തെലും ആവട്ടെ നീ എന്തിനാ ഇങ്ങനെ ചൂടാവുന്നത് ,എന്താണെങ്കിലും നമ്മുക്കെന്താ ,അവനായി അവന്റെ പാടായി ”
ആർച്ച അതിനു മറുപടി പറഞ്ഞില്ല ,അവളുടെ മനസ്സ് നിറയെ ഗൗരി ആയിരുന്നു ,തന്റെ മുൻപിൽ വഴി മുടക്കി നിൽക്കുന്ന ഒരു വൻ വൃക്ഷം ,വഴിമുടക്കി നിൽക്കുന്നത് എന്തായാലും താൻ വെട്ടിമാറ്റിയിരിക്കും
“പിന്നെ ഐടി പാർക്കിലെ നിന്റെ ജോബ് ന്റെ കാര്യം എന്തായി”
“ഞാൻ പോണില്ല ”
”നിനക്കിപ്പോ ഒരു ജോലിയുടെ ആവശ്യമില്ലല്ലോ ,അച്ഛന് പൂത്ത കാശല്ലേ ”
അതിനൊന്നും മറുപടി ആർച്ച പറഞ്ഞില്ല ,അവൾ വെറെതോ ലോകത്താണെന്ന് വരുണിന് തോന്നി
“ആർച്ചേ… നീ ഇവിടെയൊന്നുമില്ലേ ”
“ഉവ്വ് നീയെന്താ പറഞ്ഞത് ”
“ഒന്നും പറഞ്ഞില്ല ,നീയെന്താ പെട്ടെന്ന്
മൂഡൊഫ് ആയത് ”
”ഏയ് നിനക്ക് തോന്നുന്നതാ, എന്നാൽ ഞാൻ പോവാ ,
”നിൽക്ക് നീ കുറച്ച് കഴിഞ്ഞിട്ട് പോകാം ”
പക്ഷേ ആർച്ച നിന്നില്ല, അവളുടെ മനസ്സ് നിറയെ ഗൗരിയും ശരത്തുമായിരുന്നു
ആർച്ച വരുണിന്റെ വീട്ടിൽ നിന്നിറങ്ങിയിട്ട് ശരത്തിനെ വിളിച്ചു
“എന്താ ആർച്ചേ ….
“നീ ഭയങ്കര ഹാപ്പിയാണല്ലോ ,വരുണിന്റെ കല്യാണം മുടങ്ങിയത് നീ അറിഞ്ഞോ”
അവൻ വരുണിനോട് പറഞ്ഞത് തന്നോട് പറയോ എന്നറിയണമല്ലോ
“അമ്മ പറഞ്ഞു ”
“ഞാൻ അവന്റെ വീട്ടിൽ പോയിരുന്നു, ഒഴിയാൻ കാരണം എന്താണെന്നവൻ പറഞ്ഞില്ല ,ഞാൻ കുറെ ചോദിച്ചു ,നിനക്കറിയോ”
“എനിക്കറിയില്ല ,ആ കുട്ടിയുടെ അമ്മക്ക് എന്തോ പ്രശ്നമുണ്ട് അതുകൊണ്ടയിരിക്കാം ”
“അതൊന്നുമല്ല ,ആ പെൺകുട്ടിയുടെ സ്വഭാവം ശരിയല്ലെന്നാണ് ഞാൻ അറിഞ്ഞത് ”
“ആർച്ചേ …. നിന്നോടിതാ രാ പറഞ്ഞത് ”
“അതെന്തിനാ നീ അറിയുന്നത് ,വിശ്വസിക്കാൻ പറ്റുന്ന ഒരാൾ തന്നെ പറഞ്ഞതാണ് ”
“അതാരായാലും ആയാള് നിന്നോട് നുണ പറഞ്ഞതാണ് ”
“അത് നിനക്കെന്താ ഇത്ര ഉറപ്പ് ,നല്ല കുട്ടിയാണെന്ന് ”
“അത് ….”
നിനക്ക് മറുപടി ഉണ്ടാവില്ല അതെനിക്കറിയാം, കാരണം നിന്റെ അഭിപ്രായത്തിൽ അവളാണല്ലോ ലോകത്തിൽ ഏറ്റവും നല്ലവൾ ,ഈ ആർച്ച ജീവിച്ചിരിക്കുമ്പോൾ നീ അവളെ കെട്ടില്ല, ഞാൻ സമ്മതിക്കില്ല
ആർച്ച മനസ്സിൽ പറഞ്ഞു
”ആർച്ചേ ….”
“ഞാൻ കേൾക്കുന്നുണ്ട് ”
“അമ്മയാണ് പറഞ്ഞത് നല്ല കുട്ടിയാണെന്ന് ”
“ശരി ,ഞാൻ അവൻ നിന്നോട് കാരണം പറഞ്ഞിട്ടുണ്ടാവുമെന്ന് കരുതി വിളിച്ചതാണ് ”
”ആരാ … ശരത്തേ വിളിച്ചത് ”
“അത് ആർച്ചയാണ് ഏട്ടത്തി
വരുൺ കല്യാണം വേണ്ടന്നു വച്ചതിന്റെ കാരണം അറിയോ ന്ന് ചോദിച്ചു ”
“എന്നിട്ട് ”
“ഞാൻ പറഞ്ഞു എനിക്കറിയില്ലാന്ന് ”
“അതെന്തിനാ ആർച്ച അന്വഷിക്കുന്നത് ,”
“അതാ എനിക്കും മനസ്സിലാവാത്തത് ,എത്ര പേരെ കണ്ടിട്ടാണ് ഒന്നു കല്യാണം ശരിയാവുന്നത് ,ഈ ആർച്ചയെന്തിനാ മുടക്കിയ കാരണം അന്വഷിക്കുന്നത് ”
”ഇനി വരുണെങ്ങാനും കാരണം പറഞ്ഞിട്ടുണ്ടാകുമോ ”
“ഇല്ല അവൻ പറയില്ല”
“എന്നാ പിന്നെ ആർച്ചക്ക് വരുണിനോട് ഒരിഷ്ടം ഉണ്ടാകും ”
“എനിക്കങ്ങനെ തോന്നിയിട്ടില്ല ഇതുവരെ ”
“അത് എന്തെങ്കിലും ആവട്ടെ നാളെ ഗൗരിയെ കണ്ട് നിന്റെ മനസ്സിലുള്ള ഇഷ്ടം പറയണം ,കേട്ടോ ”
‘ഒരു ചമ്മൽ ഉണ്ട് എന്നാലും നാളെ വൈകുന്നേരം പറയാം ,അയാള് എന്ത് മറുപടി പറയും അതും ഒരു ടെൻഷൻ ആണ് ”
“എന്തായാലും മറുപടി പോസറ്റീവ് ആയിരിക്കും എനിക്കുറപ്പാണ്”
“ആയാൽ മതി ,നോ പറഞ്ഞാൽ ഞാനെന്താ ചെയ്യാ …. എനിക്കത് ചിന്തിക്കാൻ കൂടി കഴിയില്ല ”
“ശരത്തേ .. നീ ആദ്യം നിന്റെ ഇഷ്ടമൊന്ന് പറയ് ,എന്നിട്ടല്ലേ ബാക്കി കാര്യം ,എപ്പോഴും ഇങ്ങനെ ഗൗരിയെ കണാൻ വരുന്നവരോട് പോയി പറയാൻ പറ്റോ ,ഇതിപ്പോ വരുണായത് കൊണ്ട് പറഞ്ഞപ്പോൾ അവൻ ഒഴിഞ്ഞു തന്നു അതു പൊലെ എപ്പോഴും ആവണമെന്നില്ല”
”ഏട്ടത്തി പറയുന്നത് എനിക്ക് മനസ്സിലാവും ,നാളെ ഞാൻ പറയും ”
*
“മരിയേ .. എനിക്ക് ആ ഗൗരിയെ ഒന്ന് കാണണം ,നീയെന്നെ ഹെൽപ്പ് ചെയ്യണം”
”എന്തിന് ,നീയെന്തിനാ ഗൗരിയെ കാണുന്നത്, അത് അന്ന് കഴിഞ്ഞതല്ലേ ,ഇപ്പോ എന്താ നിന്റെ പ്രശ്നം ”
ശരത്തിന് ഗൗരിയെ ഇഷ്ടമാണ് അതവൻ വരുണിനോട് പറഞ്ഞു
വരുൺ പറഞ്ഞ കാര്യങ്ങൾ ആർച്ച മരിയയോട് പറഞ്ഞു
”ശരത്ത് അങ്ങനെ പറഞ്ഞോ, കെള്ളാലോ ആള്”
”പറഞ്ഞൂന്ന് പറഞ്ഞില്ലേ ,എനിക്കവളെ കണാണം ,എന്നിട്ട് ചോദിക്കണം ശരത്ത് നിന്റെ ആരാണെന്ന് ”
”നീ എന്തിനാ ദേഷ്യ പ്പെടുന്നത് നമ്മുക്ക് ശരിയാക്കാം ”
“ഉടനെ വേണം”
“ആർച്ചേ … അതു പൊലെയൊരു പെണ്ണിനെ കെട്ടാൻ ശരത്തിന്റെ വീട്ടുക്കാർ സമ്മതിക്കുമോ ,അവളുടെ അമ്മക്ക് ഭ്രാന്താണനല്ലേ നീ പറഞ്ഞത് ”
“അതേ ഞാൻ അത് നേരിട്ട് കണ്ടിട്ടുണ്ട് ”
“ആരായാലും ഒരു ഭ്രാന്തിയുടെ മകളെ മകൻ വിവാഹം കഴിക്കുന്നത് ഇഷ്ടപ്പെടുമോ ”
“അതില്ല ”
” ഗൗരിയെ കാണുന്നതിനു മുൻപ് നീ ഒരു കാര്യം ചെയ്യ് നിന്റെ അച്ഛനോട് പറയ് ,നിനക്ക് ശരത്തിനെ ഇഷ്ടമാണെന്ന്, എന്നിട്ട് ശരത്തിന്റെ വീട്ടുക്കാരുമായി സംസാരിക്കാൻ പറയ് ,നീ ഗൗരിയെ കാണുന്നതിലും നല്ലത് ഇതാണെന്നാണ് എനിക്ക് തോന്നുന്നത് ,ശരത്ത് എന്തായാലും വീട്ടുക്കാരെ ധിക്കരിക്കില്ല അതെനിക്കുറപ്പാണ്”
“ഞാനിത്രയും ചിന്തിച്ചില്ല ”
“നിന്റെ അച്ഛൻ സമ്മതിക്കാതിരിക്കോ”
“ഏയ് ഇല്ല അച്ഛൻ എന്റെ ഇഷ്ടത്തിന് എതിര് നിൽക്കില്ല”
“എന്നാലെ നീ സമയം കളയാതെ വീട്ടിൽ ചെന്ന് അച്ഛനോട് പറ”
“ആർച്ചക്ക് ഒരു സമാധാനം തോന്നി ,ശരത്തിന്റെ വീട്ടുക്കാർ ഒരിക്കലും നോ പറയില്ല ,വീട്ടുക്കാരെ എതിർക്കാൻ ശരത്തിന് പറ്റില്ല ”
ശരത്തേ ഗൗരിയോടുള്ള നിന്റെ സ്നേഹം ഞാൻ തീർത്തു തരാട്ടോ
*
“ഗംഗേ …. ”
“എന്താ ചേച്ചീ … ”
“അമ്മ എവിടെ ”
“ദേ റൂമിലുണ്ട് ,അമ്മ ഒന്നു നോർമൽ ആയിട്ടുണ്ട് ”
“എനിട്ടെന്തിനാ മോളെ കുറച്ച് കഴിയുമ്പോൾ പിന്നെയും പണ്ടത്തെ പോലെ ആവില്ലേ”
‘അതു ശരിയാ ,
എന്നാലും നേരത്തേ അച്ഛൻ അവിടെയിരുന്ന് കരഞ്ഞപ്പോൾ ”
“അച്ഛൻ കരയേ എന്തിന് ”
“ചേച്ചി എന്താ വിചാരിച്ചത് അച്ഛന് നല്ല സങ്കടമുണ്ട്, കല്യാണം മുടങ്ങിയതിന്, അമ്മക്ക് വയ്യാത്തത് കൊണ്ട് നമ്മുടെ വിവാഹം നടക്കുമോ എന്ന് അച്ഛന് നല്ല പേടിയുണ്ട് ”
ഗൗരിക്ക് വിഷമം തോന്നി
“എന്നിട്ട് അച്ഛൻ കരഞ്ഞപ്പോൾ നീ പറ”
”അമ്മ അച്ഛനെ ആശ്വസിപ്പിക്കുന്നുണ്ടായിരുന്നു ,അത് കണ്ടപ്പോൾ നമ്മുടെ അമ്മയെ തിരിച്ച് കിട്ടിയതുപോലെ തോന്നി ”
“അമ്മയെ നമ്മുക്ക് കിട്ടും ഗംഗേ ,നീ ഈ ചായ അമ്മക്ക് കൊണ്ട് കൊടുക്ക്:
ഗൗരി ചായ ഗ്ലാസ്സ് ഗംഗയുടെ കൈയ്യിൽ കൊടുത്തിട്ട് പറഞ്ഞു
ഗൗരി അച്ഛനുള്ള ചായ പകർത്തുകയായിരുന്നു
ചേച്ചി ….. ഓടിവായോ
അലറി കരഞ്ഞാണ് ഗംഗ വിളിച്ചത്
ഗംഗയുടെ കരച്ചിൽ കേട്ട് ഗൗരിക്ക് എന്തോ പന്തികേട് തോന്നി, ഗൗരി ഓടി ചെന്നു
എന്താ ഗംഗേ …. എന്താ
ചേച്ചീ .. അമ്മ വിളിച്ചിട്ട് കണ്ണ് തുറക്കുന്നില്ല
“അമ്മേ ….. കണ്ണുതുറക്കമ്മേ ”
ഗൗരി കരഞ്ഞ് കൊണ്ട് അമ്മയെ കുലുക്കി വിളിച്ചു
ഗംഗ പോയി വെള്ളമെടുത്ത് വന്നു
ഗൗരി വെള്ളം അമ്മയുടെ മുഖത്തേക്ക് ശക്തിയായി തളിച്ചു
അപ്പോഴെക്കും ഗംഗയുടെ കരച്ചിൽ കേട്ട് മാഷ് ഓടി വന്നു
“എന്താ ….. മക്കളെ അമ്മക്ക് എന്താ
പറ്റിയത് ”
”അച്ഛാ … അമ്മ കണ്ണുതുറക്കുന്നില്ല ”
“ലക്ഷ്മി …..എന്താ നിനക്ക് ”
പറ്റിയ തെന്ന് ചോദിച്ച് മാഷ് ഭാര്യയുടെ മുഖത്ത് കൈ കൊണ്ട് തട്ടി വിളിച്ചു ,
”അച്ഛാ … അമ്മക്കെന്താ പറ്റിയത് ,എനിക്ക് പേടിയാവുന്നു”
“മോള് പേടിക്കണ്ടാ അമ്മക്കൊന്നുമില്ല, “മാഷ് ഭാര്യയെ എടുത്തു
“ഗംഗേ പോയി ദിനേശേട്ടനെ വിളിക്ക് ,അമ്മേ നെ ആശുപത്രിയിൽ കൊണ്ട് പോകാനാണെന്ന് പറ”
ഗീത ചേച്ചിയുടെ ഭർത്താവ് ആണ് ദിനേശൻ
അവരുടെ വീട്ടിൽ കാറുണ്ട്
ഗീത ഓടി വന്നു
എന്താ മാഷേ .. ഞാൻ കുറച്ച് നേരത്തെ ലക്ഷ്മി ചേച്ചിയെ കണ്ടതാണല്ലോ
അറിയില്ല .. ഞാനിപ്പോ സംസാരിച്ചിട്ട് പറമ്പിലേക്ക് പോയതാണ്
അപ്പോഴെക്കും ദിനേശൻ കാറുമായി വന്നു
“ഞാൻ കൂടെ വരണോ മാഷേ ”
“വേണ്ട ഗീതേ ,ഇവരുടെ അടുത്ത് ഒരാള് വേണ്ട”
മാഷ് അങ്ങനെ പറഞ്ഞെങ്കിലും
പക്ഷേ ഗൗരിയും ഗംഗ കൂടെ കയറി
ആശുപത്രിയിലെത്തി
ഡോക്ടറെ കണ്ടു, ഡോക്ടറോട് കാര്യങ്ങളൊക്കെ പറഞ്ഞു മാഷ്, സ്ഥിരം കാണിക്കുന്ന ഡോക്ടറുടെ പ്രിസ്ക്രിപ്ഷൻ ഒക്കെ കാണിച്ചു
“നിങ്ങൾ പുറത്തേക്ക് നിന്നോട്ടോ “നഴ്സ് പറഞ്ഞു
കുറച്ച് കഴിഞ്ഞ് മാഷിനെ ഡോക്ടർ അകത്തേക്ക് വിളിച്ചു
“ഞാൻ ആ ഡോക്ടറെ വിളിച്ചിട്ടുണ്ടായിരുന്നു, രോഗിയുടെ ഇപ്പോഴത്തെ കണ്ടിഷനൊക്കെ പറഞ്ഞിട്ടുണ്ട്,
പിന്നെ കുറച്ച് കഴിയുമ്പോൾ ആള് ഓക്കേയാവും ,ചിലപ്പോ അത് നല്ലൊരു മാറ്റമായിരിക്കും ”
*
“ശരത്തേ ….. നിന്റെ ഫോണടിക്കുന്നത് കേൾക്കുന്നില്ലേ ”
“കേട്ടമ്മേ
ശരത്തിന്റെ കൂട്ടുക്കാരൻ വിനോദ് ആയിരുന്നു
“ഹലോ ,നീയൊക്കെ ജീവിച്ചിരിക്കുന്നുണ്ടോ ടാ
“ശരത്തേ ഞാൻ വിളിച്ചത് ഒരു കാര്യം പറയാനാണ് ,നിന്റെ കസിനില്ലെ ആർച്ച ആളെ ഇപ്പോൾ ആക്സിഡന്റ് പറ്റി ഇപ്പോ സിറ്റി ഹോസ്പിറ്റലിലേക്ക് കൊണ്ടു വന്നിട്ടുണ്ട് ,സീരിയസ്സൊന്നുമല്ല ,തലയൊക്കെ കുറച്ച് പൊട്ടിയിട്ടുണ്ട് ,കൂടെ വേറെ ആരെയും കണ്ടില്ല , അതു കൊണ്ടാ നിന്നെ വിളിച്ചത് ഞാനിവിടെയുണ്ട് നീ വേഗം ഹോസ്പിറ്റലിലേക്ക് വായോ
ശരത്ത് ഫോൺ കട്ട് ചെയ്തു
വേഗം റൂമിലേക്ക് പോയി, ഡ്രസ്സ് ചെയ്ഞ്ച് ചെയ്തു
“എന്താടാ ശരത്തേ …. നീ എവിടെക്കാണ് ഈ ഓടി പാഞ്ഞ് പോകുന്നത്
“ആർച്ചക്ക് ആക്സിഡന്റ് ,സിറ്റി ഹോസ്പിറ്റലിലാണെന്ന് ,കൂടെ ആരുമില്ലാന്ന് ,,ഏതോ വീടിന്റെ മതിലിൽ പോയി ഇടിച്ചതാണ്, അവിടെത്തെ ആളുകളാണ് ഹോസ്പിറ്റലിൽ കൊണ്ടുപോയത് ,അമ്മയൊന്ന് അങ്കിളിനെ വിളിച്ചേ
“ഗിരിയേട്ടനും എട്ടത്തിയും ഇവിടെ ഇല്ല ,അവര് എട്ടത്തിയുടെ ചേച്ചിയുടെ വീട്ടിലേക്ക് പോയിരിക്കുകയാണ് ,നാളെ വരൂ ,ആർച്ച പോവാതിരുന്നതാണ് അവരുടെ കൂടെ
ഞാനും കൂടി വരാം നിന്റെ കൂടെ ഹോസ്പിറ്റലിലേക്ക്
“അമ്മ ഇപ്പോ വരണ്ട ,ഞാൻ പോയിട്ട് വരാം ,വല്യ കുഴപ്പമൊന്നുമില്ലാന്നാണ് അവൻ പറഞ്ഞത് ,
“എന്താ അമ്മേ .. ആർക്കാണ് ആക്സിഡൻറ് പറ്റിയത് ….
അഭിരാമിക്ക് ഉൽക്കണ്ടയായിരുന്നു
“ആർച്ചക്ക്
ഞാനിന്റെ കൂടെ ചെല്ലാമെന്ന് പറഞ്ഞിട്ട് ഇവൻ കേൾക്കണില്ല
“എന്നാൽ ഞാൻ വരാം ശരത്തേ”
“ഏട്ടത്തി അവൾക്ക് കുഴപ്പമൊന്നുമില്ല, ആവശ്യമുണ്ടെങ്കിൽ ഞാൻ വിളിക്കാം”
ശരത്ത് വേഗം ഹോസ്പിറ്റലിലേക്ക് പോയി
ശരത്തിനെ കണ്ടതും വിനോദ് ഓടി വന്നു
“ആർച്ചയെവിടെയാണ് ”
“ക്യാഷ്വലിറ്റിയിൽ ”
ശരത്ത് ക്യാഷ്യലിറ്റിയിൽ കയറി ആർച്ചയെ കണ്ടു,
അധികം പരിക്കൊന്നുമുണ്ടായിരുന്നില്ല ആർച്ചക്ക് ,വലതു കൈയ്യിലെ മുറിവ് ഇത്തിരി വലുതായിരുന്നു
നീ വന്നോ ,നീ എങ്ങനെ അറിഞ്ഞത്
“എന്റെ ഫ്രണ്ട് വിനോദ് വിളിച്ച് പറഞ്ഞതാ ”
നീ വേറെ ആരോടും പറയണ്ട ,എല്ലാം കൂടി വന്ന് എന്നെ ഉപദേശിക്കും അതുകൊണ്ടാ ,എനിക്ക് വല്യ പരിക്കൊന്നുമില്ല
നമ്മുക്ക് വീട്ടിലേക്ക് പോകാം ,എനിക്ക് ഇവിടെ നിന്ന് പോയാൽ മതി”
“ഇന്ന് പോകാൻ പറ്റില്ല ,ഇവിടെ വന്നിട്ട് ഒരു പ്രാവശ്യം വോമിറ്റ് ചെയ്തു ,അതു കൊണ്ട് ഒരു ദിവസത്തെ ഒബ്സർവേഷൻ വേണമെന്നാണ് ഡോക്ടർ പറഞ്ഞിരിക്കുന്നത് ”
“എനിക്ക് കുഴപ്പമൊന്നുമില്ല ,എന്നെ ഡിസ്ചാർജ്ജ് ചെയ്യാൻ ഡോക്ടറോട് പറയണം”
“നീയെന്താ ആർച്ചേ പറയുന്നത് ,ഡോക്ടർ അങ്ങനെ പറഞ്ഞിട്ടുണ്ടെങ്കിൽ അതുപോലെ ചെയ്യാം ”
“കുറച്ച് കഴിഞ്ഞ് റൂമിലേക്ക് ഷിഫ്റ്റ് ചെയ്യാം ”
ശരത്ത് പുറത്തേക്ക് വന്നു
“ദേ അവരാണ് ആർച്ചയെ കൊണ്ടുവന്നത്
നിന്നെ കണ്ടിട്ട് പോകാമെന്ന് കരുതി നിന്നതാണ് ”
ഒരു സ്ത്രീയും രണ്ട് പുരുഷൻമാര് ആയിരുന്നു
ശരത്ത് അവരുടെ അടുത്തേക്ക് ചെന്നു
” ആർച്ചയുടെ ആരാ’
”എന്റെ ഒരനിയത്തിയായിട്ട് വരും ”
”ഇതു പോലത്തെ ഇനിയുണ്ടോ നിങ്ങളുടെ വീട്ടിൽ,ഞാനാദ്യമായി കാണുകയാണ് ഇങ്ങനത്തെ ഒരു പെൺകുട്ടിയെ ”
“നിങ്ങളെന്താ ഇങ്ങനെ പറയുന്നത്, എനിക്ക് മനസ്സിലാവുന്നില്ല”
“അതെ കാറ് തുറന്ന് എന്റെ ഭർത്താവാണ് ആ കുട്ടിയെ പുറത്തെടുക്കാൻ നോക്കിയത് ,അവളുടെ കൈയ്യിൽ പിടിച്ചു എന്ന് പറഞ്ഞ് അവളെന്റെ ഭർത്താവിനെ ചീത്ത പറഞ്ഞു, വണ്ടിയിലിരുന്നപ്പോൾ അവളുടെ ദേഹത്ത് മുട്ടാൻ പാടില്ല …. എന്തൊക്കെയായിരുന്നു പുകില്
ഹോ ..
പെൺപിള്ളേര്ക്ക് ഇത്രയും അഹമതി പാറില്ല ”
“നീയൊന്ന് മിണ്ടാതിരുന്നേ ,ഇപ്പോഴത്തെ കുട്ടികൾ അങ്ങനെയാണ് ”
“ഉവ്വ് ഇതുപോലെ ഒരെണ്ണത്തിനെ ഞാനദൃമായി കാണുന്നത് ,
പിന്നെ ഒരു പെൺകുട്ടിയെ രണ്ടാണുങ്ങളുടെ കൂടെ ഒറ്റക്ക് വിടണ്ടാ എന്ന് കരുതി കൂടെ വന്നതാണ് ഞാൻ ,എനിക്കും ഒരു മോളുള്ളതാ”
“മതി നീ പറഞ്ഞത് നമ്മുക്ക് പോകാം കൂടെ ആള് വന്നല്ലോ ”
അവർ ശരത്തിനോട് യാത്ര പറഞ്ഞിറങ്ങി ശരത്തവരോട് നന്ദി പറഞ്ഞു
“ആർച്ചയെ അവർക്കിഷ്ടപ്പെട്ടില്ല”
വിനോദ് പറഞ്ഞു
“അവളുടെ സ്വാഭാവം നിനക്കറിയാവുന്നതല്ലേ ,ആരോട് എന്താ പറയണ്ടതെന്ന് അറിയില്ല ,”
“അത് നമ്മുക്കറിയാം പക്ഷെ പുറത്തുള്ളവർക്ക് അറിയില്ലല്ലോ ,കാശുള്ളതിന്റെ അഹംങ്കാരമാണവൾക്ക്, ഞാനൊക്കെയായിരുന്നെങ്കിൽ ആശുപത്രയിലെക്കൊന്നും കൊണ്ട് വരില്ല ,അവിടെ കിടക്കട്ടെയെന്നു കരുതും ,
”അവളിനി നന്നാവില്ല”
“എന്തെങ്കിലുമാവട്ടെ ,ഞാൻ നിക്കണോ നിന്റെ കൂടെ ”
” വേണ്ട ടാ ,നീ പൊക്കോ. ഒരു ദിവസം വീട്ടിലേക്ക് വായോ ,അമ്മയെ കൊണ്ടുവരണം”
“വരാം ”
വിനോദ് പോയി കഴിഞ്ഞപ്പോൾ
ശരത്ത് ആർച്ചയുടെ അച്ഛനെ വിളിച്ച് കാര്യങ്ങൾ പറഞ്ഞു
“ഞങ്ങൾ രാത്രി തന്നെ വരും ശരത്തേ ”
“അവൾക്ക് കുഴപ്പമൊന്നുമില്ല ,അങ്കിളിനി രാത്രി ഡ്രൈവ് ചെയ്ത് ഇത്രയും ദൂരം വരണ്ട ,രാത്രി വേണമെങ്കിൽ കൂടെ നിൽക്കാൻ അമ്മയോ ഏട്ടത്തിയോ വരും”
“ആർച്ചയും ഇതു തന്നെയാണ് പറഞ്ഞത് അവളുടെ അമ്മക്ക് വരണമെന്ന് നിർബന്ധം ,
“അതു വേണ്ട ,രാത്രിയിനി വ രണ്ട”
“എന്നാ ശരി ഞങ്ങള് നാളെ കാലത്ത് തന്നെ വരാം”
“ശരി ,”
“ശരത്ത് സാറെ….. ”
ശരത്ത് തിരിഞ്ഞ് നോക്കി
ഗൗരിയുടെ അച്ഛനായിരുന്നു
“മാഷോ … മാഷെന്താ ഇവിടെ ”
“വൈഫ് അഡ്മിറ്റാണ് ,പെട്ടെന്നൊരു ബോധക്ഷയം ,ആകെ പേടിച്ചു പോയി ”
“എന്നിട്ടിപ്പോ എങ്ങനെയുണ്ട് മാഷേ”
“ഓർമ്മ വന്നു പഷേ ആള് പൂർണ്ണമായും ഓക്കെ ആയിട്ടില്ല ,ചിലപ്പോ ഇത് ഒരു നല്ല സൂചനയായിരിക്കുമെന്നാണ് ഡോക്ടർ പറഞ്ഞത് ,എന്റെ മക്കളുടെ പ്രാർത്ഥന ദൈവം കേൾക്കാതിരിക്കില്ല”
“എനിക്കൊന്നു കാണണമായിരുന്നു”
“അതിനെന്താ സാറ് വരൂ ”
അവര് ചെല്ലുമ്പോൾ ഗൗരി അമ്മയുടെ അടുത്തിരിക്കായിരുന്നു ,ഗംഗ ഫോണിൽ ആരോടോ സംസാരിക്കുകയായിരുന്നു
“മോളെ ഇതാരാന്ന് നോക്കിയേ ”
എന്ന് പറഞ്ഞ് മാഷ് കൈയ്യിലുണ്ടായിരുന്ന സാധനങ്ങൾ മേശമേൽ വച്ചു
ഗൗരി ശരത്തിനെ കണ്ടു, ഗൗരി ചാടി എണീറ്റു, അവൾക്ക് നെഞ്ചിടിപ്പ് കൂടിയത് പോലെ തോന്നി
“സാറ് …”
”നീ പേടിക്കണ്ട നിന്നെ ചീത്ത പറയാൻ വന്നതല്ല സാറ് ,അമ്മയെ കണാൻ വന്നതാണ് ”
ഗൗരി ശരത്തിനെ നോക്കി ,അവളുടെ കണ്ണുകൾ നിറഞ്ഞിട്ടുണ്ടായിരുന്നു,
ശരത്ത് ചിരിച്ചു
തന്നെ കണ്ടപ്പോൾ ഗൗരിയുടെ മുഖത്ത് പ്രത്യേക സന്തോഷമുണ്ടായിരുന്നോ ,മുഖമൊക്കെ ചുവന്നതു പൊലെ തോന്നി ,ഇനി തനിക്ക് തോന്നിയതാവുമോ
“സാറെന്താ ആലോചിക്കുന്നത്, ”
”ഒന്നൂല്ല”
“ഇതാരാന്ന് ലക്ഷ്മിക്ക് മനസ്സിലായോ ,ബാങ്കിലെ സാറാണ് ”
ഗൗരിയുടെ അമ്മ ശരത്തിനെ ഒന്നു നോക്കി
ഗൗരിയുടെ അമ്മ ഗരത്തിന്റെ കൈയ്യിൽ പിടിച്ചു ,അവർ കരയുകയായിരുന്നു
ശരത്തിന് വിഷമമായി
പെട്ടെന്നാണ് ശരത്തിന്റെ ഫോൺ റിംഗ് ചെയ്തത്
“വിട് ലക്ഷ്മി സാറ് ഫോണെടുക്കട്ടെയെന്ന് ” പറഞ്ഞ് കൈവിടുവിച്ചു
ആർച്ചയായി രുന്നു
“നീ എവിടെയാണ് ”
“ഞാനിപ്പോ വരാമെന്ന “് പറഞ്ഞ് ശരത്ത് കോള് കട്ട് ചെയതു
“എന്റെ കസിനെ ആക്സിഡന്റ് ആയി ഇവിടെ കൊണ്ടു വന്നിട്ടുണ്ട് ”
”എന്നിട്ട് ഒത്തിരി പരിക്കുണ്ടോ സാറെ
“ഇല്ല ,ചെറിയ മുറിവുകൾ ഉള്ളൂ ,ഇപ്പോ റൂമിലേക്ക് മാറ്റും
എന്നാ ഞാൻ ചെല്ലട്ടെ മാഷേ”
പോകാൻ നേരം ശരത്ത് ഗൗരിയെ ഒന്നു നോക്കി
ആർച്ചയെ റൂമിലേക്ക് മാറ്റി
“നീ എവിടെ പോയതാ ,എനിക്ക് വിശക്കുന്നുണ്ട് ”
“ഞാനൊന്ന് വീട്ടിലേക്ക് വിളിക്കട്ടെ അമ്മയൊടൊ ഏട്ടത്തിയമ്മയോടോ വരാൻ പറയാം”
“എനിക്ക് കൂട്ടി നാണെങ്കിൽ ആരും വേണ്ട ആരും വരണ്ട പ്രത്യേകിച്ച് നിന്റെ ഏട്ടത്തിയമ്മ ”
‘പിന്നെ രാത്രി ആരാ നിനക്ക് കൂട്ടിന്ന് ”
“നീ നിൽക്ക് ”
ഇന്ന് രാത്രി ശരത്ത് കൂടെയുണ്ടെങ്കിൽ തന്റെ ഇഷ്ടം അവനോട് പറയാമായിരുന്നു ,ആർച്ചയുടെ മനസ്സിൽ അതായിരുന്നു
“ഞാനോ, അത് ശരിയാവില്ല
ഞാനിപ്പോ ഫുഡ് വാങ്ങി വരാം ,എന്നിട്ട് വീട്ടിൽ പോയി അമ്മയെ കൂട്ടി വരാം,
“നീ പോയാൽ ഞാൻ ഒറ്റക്കാവില്ലേ ,എന്തെങ്കിലും ആവശ്യം വന്നാലോ
ശരത്ത് പോവാതിരിക്കാനാണ് ആർച്ച അങ്ങനെ പറഞ്ഞത് ”
“അത്ര നേരം നീ ഒറ്റക്കാവില്ല ,
നിനക്ക് കൂട്ടിരിക്കാൻ ഞാൻ ഒരാളെ കൊണ്ടു വരാം ”
”ആരെ”
”അതൊക്കെയുണ്ട് ”
ശരത്ത് ഫുഡ് വാങ്ങാൻ പോയി
ഫുഡ് വാങ്ങി വരും വഴി ശരത്ത് മാഷിന്റെ അടുത്ത് ചെന്നു
“മാഷേ ഒരു ഹെൽപ്പ് വേണം”
“എന്താ സാറെ ”
ശരത്ത് മാഷിനോട് കാര്യം പറഞ്ഞു ,
“അതിനെന്താ സാറെ ,സാറ് ധൈര്യമായി പോയിട്ട് വയോ ,സാറ് വരുന്നത് വരെ ഗൗരി ഉണ്ടാവും അവിടെ ”
ഗൗരി ശരത്തിന്റെ കൂടെ ചെന്നു
“താൻ വിഷമിക്കണ്ടാട്ടോ അമ്മ പെട്ടെന്ന് ഓക്കേയാവൂട്ടോ ”
ഗൗരി പതുക്കെ തലയാട്ടി
“താനെന്താ ഒന്നും മിണ്ടാത്തെ ,തന്റെ
നാവെന്താ വീട്ടിൽ വച്ചിട്ട് വന്നോ ”
”ഇല്ലാ”
“ഓ ഭാഗ്യം .. തന്റെ സ്വരമൊന്നു കേട്ടല്ലോ
പിന്നെ എന്റെ കസിനെ ഞാൻ വരുന്നത് വരെ നന്നായി നോക്കണട്ടോ ,”
”നോക്കി കൊള്ളാം” ഗൗരി ശരത്തിനെ നോക്കി പറഞ്ഞു
“ദേ ഇതാണ് റൂം ”
“ആർച്ചേ ദേ തനിക്ക് കൂട്ടിനുള്ള ആള് വന്നിട്ടുണ്ട് ”
ശരത്തിന്റെ കൂടെ ഗൗരി റൂമിലേക്ക് കടന്നു വന്നു
തുടരും
മുൻഭാഗങ്ങൾക്കായി ഈ ലിങ്കിൽ പോവുക
രജിത പ്രദീപ് എടയാട്
ഇവിടെ കൂടുതൽ വായിക്കുക
അക്ഷരത്താളുകൾ പ്രസിദ്ധീകരിച്ച എല്ലാ നോവലുകളും വായിക്കുക
അക്ഷരത്താളുകൾ പ്രസിദ്ധീകരിച്ച എല്ലാ കഥകളും വായിക്കുക
About Author
Unlock Your Imagination: Start Generating Stories Now! Generate Stories
Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook
പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം
Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now
©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission