” മയീ ….. നിന്റെ ഇപ്പോഴത്തെ ഫീലിങ്സ് എനിക്ക് മനസിലാകും .. വിവാഹം കഴിഞ്ഞു വരുന്ന ഒരു പെൺകുട്ടിയും അവളുടെ ഭർത്താവിനെ കുറിച്ച് കേൾക്കാനാഗ്രഹിക്കാത്തതാണ് നീ കേട്ടത് .. . ഇപ്പോ എന്റെ നിരപരാഥിത്വം തെളിയിക്കേണ്ടത് എന്റെ കടമയാണ് .. അത് ഞാൻ ചെയ്യും … പക്ഷെ ഇതിന്റെ പേരിൽ നീ അതിരു വിട്ട് സംസാരിക്കുന്നത് ഒഴിവാക്കണം .. പറയുന്ന വാക്കുകൾ പിന്നീട് തിരിച്ചെടുക്കാൻ പറ്റില്ല .. ഞാൻ തെറ്റു ചെയ്തുവെന്ന് തെളിഞ്ഞാൽ നിനക്കെന്നെ എങ്ങനെ വേണെങ്കിലും ശിക്ഷിക്കാം … അതുവരെ ക്ഷമിക്ക് …” അവന്റെ സ്വരത്തിൽ , ഒരേ സമയം കരുതലും യാചനയും നിറഞ്ഞു നിന്നു ..
മയി നിശബ്ദയായി നിന്നതേയുള്ളു …
ആ റൂമിൽ നിന്ന് ലോബിയിലേക്കിറങ്ങാൻ ഡോറുണ്ട് .. അൽപ നേരം അവളുടെയടുത്ത് തന്നെ നിന്നിട്ട് , അവനാ ഡോർ തുറന്ന് ലോബിയിലിറങ്ങി നിന്നു ..
നക്ഷത്രങ്ങൾ കൺ തുറന്നു നിൽക്കുന്ന സുരഭില രാത്രി … തന്റെ ആദ്യരാത്രി … ജീവിതത്തിൽ എന്നെന്നും ഓർത്തു വയ്ക്കാൻ കഴിയുന്ന സുഖമുള്ള ഓർമകളായി മാറേണ്ടിയിരുന്ന രാത്രിയാണ് ഒരു ചില്ല് പാത്രം പോലെ ഉടഞ്ഞ് കൺമുന്നിൽ വീണു കിടക്കുന്നത് .. താലിചാർത്തിയ പെണ്ണിന്റെ മുന്നിൽ അപമാനിതനാകേണ്ടി വന്നു … അവന് തന്നോട് തന്നെ ഈർഷ്യ തോന്നി ..
കുറേ സമയം ലോബിയിൽ അങ്ങോട്ടുമിങ്ങോട്ടും നടന്നു … പിന്നെ തിരികെ റൂമിലേക്ക് കയറി വന്നത് …
അവൻ നോക്കുമ്പോൾ മയി ബെഡിൽ തിരിഞ്ഞ് കിടന്ന് ഉറക്കമാണ് … ലൈറ്റ് അണച്ച് ഒരു ഫാൻസി ലൈറ്റ് തെളിച്ചിട്ടുണ്ട് …
” ഇതെന്തൊരു സാധനം ….” അവൻ ശബ്ദമില്ലാത പിറുപിറുത്തു …
കുറച്ച് സമയം അവൻ അവളെ തന്നെ നോക്കി നിന്നു …
പിന്നെ ബെഡിന്റെ ഓരത്ത് വന്നിരുന്നു …. അവൻ കിടന്നതും മയി ചാടിയെഴുന്നേറ്റു …
” നിങ്ങളിവിടാണോ കിടക്കുന്നേ …. ” മയി അവനെ തുറിച്ചു നോക്കി ചോദിച്ചു …
കിടന്നതു പോലെ തന്നെ അവൻ എഴുന്നേറ്റിരുന്നു ..
” ഞാൻ പിന്നെ എവിടെ കിടക്കാനാ …”
” അതെനിക്കറിയോ .. ഇത് നിങ്ങടെ വീടല്ലേ .. നിങ്ങൾ തന്നെ വേറെ സ്ഥലം കണ്ടു പിടിക്ക് … “
അവൻ അവളെ തറപ്പിച്ച് നോക്കി …
” നിങ്ങൾക്ക് പറ്റില്ലെങ്കിൽ ഞാൻ പുറത്ത് പൊയ്ക്കോളാം … ” അവൾ ബെഡിൽ നിന്ന് ഇറങ്ങാൻ ഭാവിച്ചു …
” വേണ്ട … താൻ കിടന്നോ …..” പറഞ്ഞിട്ട് അവൻ എഴുന്നേറ്റ് പോയി ഒരു ബെഡ്ഷീറ്റ് എടുത്തു വന്ന് നിലത്ത് വിരിച്ചു … ഒരു പില്ലോയും എടുത്തു വച്ച് നിലത്ത് കിടന്നു ….
അവൻ കിടക്കുന്നത് നോക്കിയിരുന്നിട്ട് അവളും ബെഡിൽ തിരിഞ്ഞ് കിടന്ന് ഉറങ്ങി …
* * * * * * * * * * *
പിറ്റേന്ന് ഉറക്കമെണീറ്റ് മയി കണ്ടത് വെറും നിലത്ത് ചുരുണ്ടു കൂടി കിടക്കുന്ന നിഷിനെയാണ് .. ബെഡ്ഷീറ്റ് കുറച്ചു ദൂരെ കിടപ്പുണ്ട് … അവൾ അവന്റെ ദേഹത്ത് മുട്ടാതെ , ശ്രദ്ധിച്ച് കാൽ വച്ച് എഴുന്നേറ്റ് ബാത്ത് റൂമിലേക്ക് പോയി ..
ബ്രഷ് ചെയ്തു , ഫ്രഷ് ആയി വന്നിട്ട് , മുടി മുകളിലേക്ക് പിടിച്ച് വച്ച് ക്ലിപ്പ് ചെയ്തു .. പിന്നെ താഴേക്കിറങ്ങിപ്പോയി …
കിച്ചണിൽ ഹരിതയും വീണയും കുക്കിങ്ങിലാണ് …
” കുറച്ചു കൂടി കഴിഞ്ഞ് എണീറ്റാൽ പോരായിരുന്നോ മോളെ .. ക്ഷീണം ഉണ്ടാവും ….”
” ഏയ് … ഉണർന്നു കഴിഞ്ഞാൽ പിന്നെ കിടക്കാൻ പറ്റില എനിക്ക് … ” മയി ചിരിച്ചു കൊണ്ട് പറഞ്ഞു …
അപ്പോഴേക്കും ഹരിത അവൾക്ക് ഒരു കപ്പ് ചായ കൊണ്ടു വന്നു കൊടുത്തു …
” ഇഡിയപ്പം ആണോ അമ്മേ ….” ചായ കുടിച്ച് കൊണ്ട് അവൾ ചോദിച്ചു ..
” അതെ മോളെ … ഇവിടെ ഇതൊക്കെയാ എല്ലാവർക്കും ഇഷ്ടം .. പുട്ട് ഒന്നും കൈ കൊണ്ട് തൊടില്ല .. ” വീണ പറഞ്ഞു …
കിച്ചൺ രണ്ട് സെക്ഷനാണെന്ന് മയി കണ്ടു … അങ്ങോട്ടു നോക്കി നിൽക്കുമ്പോൾ , ഒരു പ്ലേറ്റിൽ ചുരണ്ടിയ നാളികേരവുമായി രാജശേഖർ വന്നു …
” ഗുഡ് മോർണിംഗ് മോളെ ….” നാളികേര പ്ലേറ്റു ഹരിതയുടെ കൈയ്യിൽ കൊടുത്തുകൊണ്ട് മയിയെ നോക്കി രാജശേഖർ വിഷ് ചെയ്തു …
” ഗുഡ് മോർണിംഗ് അച്ഛാ …..”
അൻപതിനു മേലെ പ്രായമുണ്ടെങ്കിൽ രാജശേഖർ ഊർജ്ജസ്വലനാണ് …
ചായ കുടിച്ച് കഴിഞ്ഞ് മയി കപ്പ് കഴുകി വച്ചു …
” മോളിൽ ചായകൊടുക്കാൻ ….” അവൾ വീണയോട് ചോദിച്ചു …
” ഏയ് .. ഇവിടെ അങ്ങനത്തെ ശീലമൊന്നുമില്ല മോളെ … ഭർത്താവിന് ഇരിപ്പിടത്തിൽ ചായയുമായി പോകുന്ന ഭാര്യ … ഇവിടെ ഭക്ഷണം കഴിക്കാൻ ഒന്നുകിൽ ടൈനിംഗ് ടേബിളിൽ വരുക … അവിടെ ഇല്ലെങ്കിൽ കിച്ചണിൽ വന്ന് എടുത്തു കഴിക്കുക … അവിടെയും ഇല്ലെങ്കിൽ തനിയെ ഉണ്ടാക്കി കഴിക്കുക .. ആണായാലും പെണ്ണായാലും … ഇതിലൊക്കെ ഇളവ് കിട്ടുന്നത് , അസുഖമാണെങ്കിലോ , അധിക ജോലി ഉണ്ടെങ്കിലോ ഒക്കെയാണ് .. അവൻ എഴുന്നേൽക്കുമ്പോ താഴെ വന്നോളും .. ” രാജശേഖറാണ് പറഞ്ഞത് …
മയിക്ക് അവരുടെ രീതികളൊക്കെ ഇഷ്ടമായി … ഇങ്ങനെ വേണം കുടുംബമായാൽ .. അവൾ മനസിൽ പറഞ്ഞു …
” ഇനിയെന്താ ചെയ്യാനുള്ളത് ഹരിതേടത്തി … ” ഗ്രീൻപീസ് കറി റെഡിയാക്കുന്ന ഹരിതയുടെ അടുത്തേക്ക് ചെന്ന് മയി ചോദിച്ചു ..
” മയി ഇങ്ങ് വാ … നമുക്ക് വിശേഷങ്ങളൊക്കെ പറഞ്ഞ് ഈ വെജിറ്റബിൾ കട്ട് ചെയ്യാം ….” ഫ്രിഡ്ജിൽ നിന്ന് വെജിറ്റബിൾസ് എടുത്തു കൊണ്ട് രാജശേഖർ വിളിച്ചു …
അവൾ ഒരു കത്തിയെടുത്തു കൊണ്ട് കൂടെ ചെന്നു …
* * * * * * * * *
ഒരു ഫോർമാലിറ്റിയും ഇല്ലാത്ത ഇടപെടൽ ആയതിനാൽ മയി അവരോടൊക്കെ വേഗം ഇണങ്ങി ..
ബ്രേക്ക് ഫാസ്റ്റ് കഴിക്കാൻ എല്ലാവരും ഒരുമിച്ചിരുന്നു .. അപ്സര നവീനിന്റെ മടിയിൽ ആയിരുന്നു .. അവളച്ഛൻ കുട്ടിയാണെന്ന് മയി അതിനോടകം മനസിലാക്കിയിരുന്നു … താനും പണ്ട് അങ്ങനെയായിരുന്നു … അച്ഛനൊപ്പമായിരുന്നു എല്ലായ്പ്പോഴും ..
അച്ഛനെ കുറിച്ചോർത്തപ്പോൾ മയിയുടെ കണ്ണുകൾ അറിയാതെ നിറഞ്ഞു ..
” കേട്ടോ മോളെ , ഈ വീട്ടിൽ ആകെ രണ്ട് കുഴിമടിയന്മാരാ ഉള്ളത് … ഒന്ന് വാവാച്ചി … ഒന്ന് കിച്ചു … ” രാജശേഖർ പറഞ്ഞപ്പോൾ എല്ലാവരും ചിരിച്ചു …
അവൾ മെല്ലെ ചിരിച്ചു …
നിഷിനെ കിച്ചു എന്നും നവീനെ കണ്ണനെന്നുമാണ് വിളിക്കുന്നതെന്ന് അവൾ മനസിലാക്കിയിരുന്നു …
നിവ അത് കേട്ടപ്പോൾ മുഖം വീർപ്പിച്ചു .. നിഷിൻ മയിയെ ഇടംകണ്ണിട്ട് നോക്കിയിട്ട് ഇഡിയപ്പത്തിൽ ശ്രദ്ധിച്ചു …
മടി മാത്രമല്ലച്ഛാ …. കള്ളത്തരവും ഈ രണ്ടെണ്ണത്തിനും തന്നാ ഉള്ളത് എന്നവൾ മനസിൽ പറഞ്ഞു …
” വാവ ഇനിയെന്നാ ഹോസ്റ്റലിൽ പോകുന്നേ … ” മയി ചോദിച്ചു …
” ഇന്ന് വൈകിട്ട് …….” അവൾ ഗൗരവത്തിൽ പറഞ്ഞു …
വീണ അവളെ നോക്കി കണ്ണുരുട്ടി …
മയിയോട് അടുപ്പം കാണിക്കാത്തതിൽ , വീണ അവളെ കുറച്ചു മുന്നേയും ശാസിച്ചിരുന്നു ..
” നാളെ ഫ്രൈഡേയല്ലേ … അത് കഴിഞ്ഞാ രണ്ട് ദിവസം ഹോളിഡേ .. ഇനിയിപ്പോ മൺഡേ പോയാൽ പോരേ വാവക്ക് …..” മയി ചോദിച്ചു ..
” ഞങ്ങളും പറഞ്ഞതാ മോളെ … അവൾക്ക് നോട്ട്സ് പെന്റിംഗ് ആണെന്ന് .. കല്ല്യാണത്തിന് ലീവായില്ലേ അതിന്റെ .. എല്ലാ വീക്കെന്റിലും വന്നോണ്ടിരുന്നതാ .. അസൈഗ്മെന്റ്സ് ഒക്കെ കൂടിയപ്പോ മാസത്തിൽ ആയി വരവ് … ” വീണ പറഞ്ഞത് കേട്ട് മയി അവളെ ചുഴിഞ്ഞൊന്ന് നോക്കി …
അവളും മയിയെ തന്നെ ആയിരുന്നു നോക്കിയത് … മയി നോക്കുന്നത് കണ്ടപ്പോൾ അവൾ കണ്ണ് പ്ലേറ്റിലേക്ക് താഴ്ത്തിക്കളഞ്ഞു ….
ഭക്ഷണം കഴിഞ്ഞുടൻ നിഷിൻ റൂമിൽ പോയി ബെഡിൽ കിടന്നു .. അവന് നല്ല ക്ഷീണമുണ്ടായിരുന്നു … ചെറിയൊരു കോൾഡും തുടങ്ങി … നിലത്ത് തണുപ്പിൽ തിരിഞ്ഞും മറിഞ്ഞും കിടന്ന് വെളുപ്പിനാണ് ഒന്ന് മയങ്ങിയത് …
പിന്നെ മയി എഴുന്നേറ്റ് പോയി എന്നറിഞ്ഞപ്പോൾ എഴുന്നേറ്റ് ബെഡിൽ കിടന്നെങ്കിലും ഉറക്കം ശരിയായില്ല … തണുപ്പ് അടിച്ചതിന്റെ കോൾഡും അവനെ പിടികൂടിയപ്പോൾ ആകെക്കൂടി നനഞ്ഞ കോഴിയെ പോലെയായി നിഷിൻ …
* * * * * * * * * * * * *
” ഹലോ ……….”
പിന്നിൽ ഒരു വിളി കേട്ടു , നിവ തിരിഞ്ഞു നോക്കി …
വാതിലിൽ ചാരി , അവൾ ബാഗടുക്കി വയ്ക്കുന്നത് നോക്കി നിൽക്കുകയാണ് മയി ..
നിവയ്ക്ക്, മയി തന്റെ മുറിയിൽ വന്നത് തീരെ ഇഷ്ടമായില്ല … അവൾ തിരിഞ്ഞ് തന്റെ ജോലി തുടർന്നു …
” ഏത് റിസോർട്ടിലാ നോട്ട് എഴുത്ത് ….?” മയി ചോദിച്ചു …
നിവ വെട്ടിത്തിരിഞ്ഞു … അവളുടെ മുഖത്ത് കോപം ഇരച്ച് കയറി .. അവൾ മയിയെ തുറിച്ച് നോക്കി …
മയി വേഗം റൂമിലേക്ക് കയറി ഡോർ ലോക്ക് ചെയ്തു ….
” എയ് …. എന്തിനാ ഡോർ ലോക്ക് ചെയ്തേ … തുറക്ക് …..” നിവ ഉടൻ ഡോറിനടുത്തേക്ക് പാഞ്ഞു …
മയി അവളെ കൈ നീട്ടി തടഞ്ഞു നിർത്തി …
” നിക്ക് .. നിക്ക് …. ഞാൻ പറഞ്ഞിട്ട് തുറന്നാൽ മതി …..”
” നിങ്ങളാരാ എന്റെ കാര്യങ്ങളിൽ ഇടപെടാൻ … മര്യാതക്ക് ഇറങ്ങി പോ എന്റെ റൂമിൽ നിന്ന് ……” നിവ മയിയെ നോക്കി അലറി …
( തുടരും )
അമൃത അജയൻ
അമ്മൂട്ടി
അമൃത അയന്റെ മറ്റു നോവലുകൾ
About Author
Unlock Your Imagination: Start Generating Stories Now! Generate Stories
Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook
പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം
Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now
©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission