Skip to content

അവളറിയാതെ – ഭാഗം 1

avalariyathe aksharathalukal novel

കാർത്തിക കാറിന്റെ ഗ്ലാസിലൂടെ പുറത്തേക്ക് കണ്ണോടിച്ചു.. പഴയ നാട്ടുമ്പുറം അല്ല ഇന്നിവിടം.. മാറ്റങ്ങൾ.. തന്നെ പോലെ തന്നെ.. പണ്ടത്തെ തൊട്ടാവാടി കാർത്തുമ്പിയിൽ നിന്ന് ഈ കാർത്തികയിലേക്കുള്ള ദൂരം പത്തു വർഷത്തിന്റേതാണ്… കാർ ശ്രീലകത്തേക്കുള്ള റോഡിലേക്ക് തിരിഞ്ഞതും അവൾ ഓർമകളിൽ നിന്ന് തിരികെ വന്നു…
അയാൾ ഉണ്ടാവും അവിടെ… അവളും.. ശ്രീലകത്തെ പുതിയ തമ്പുരാൻ.. ഒരിക്കൽ കാത്തുവിന്റെ എല്ലാമായിരുന്ന മഹിയേട്ടൻ… ഇപ്പോൾ കാവ്യയുടെ സ്വന്തം മഹേഷ്‌… ഒരിക്കൽ ജീവന്റെ ജീവൻ ആയിരുന്നവൻ നിഷ്കരുണം തള്ളി പറഞ്ഞത് മനസ്സിൽ നിന്ന് മായില്ല.. എങ്കിലും ഹൃദയം പറിച്ചെടുക്കുന്ന ആ നോവ് ഇപ്പോൾ ഇല്ല.. കാർ ശ്രീലകത്ത് തറവാടിന്റെ മതിൽക്കെട്ടിനുള്ളിൽ നിർത്തി. പാരമ്പര്യത്തിന്റെയും സമ്പന്നതയുടെയും പ്രൗഢി വിളിച്ചോതുന്ന തറവാട്.. ഇവിടെയും പരിഷ്‌കാരങ്ങൾ ഉണ്ട്.

ഡ്രൈവർ ലഗേജ് ഒക്കെ എടുത്തു ഉമ്മറത്തു വെച്ചു. അയാൾക്ക് കാശു കൊടുത്തു തിരിഞ്ഞതും അറിയാതെ മുകളിലോട്ട് ഒന്ന് നോക്കിപോയി. കണ്ണിൽ ഒരായിരം മോഹങ്ങൾ ഒളിപ്പിച്ചു കിളിവാതിലിലൂടെ പുറത്തേക്കു നോക്കിയിരിക്കുന്ന ഒരു പെൺകുട്ടി മനസ്സിൽ മിന്നി മാഞ്ഞു. എപ്പോഴും തുറന്നു കിടന്നിരുന്ന പൂമുഖ വാതിൽ അടഞ്ഞു കിടക്കുന്നു.
വാതിൽ തുറക്കുന്ന ശബ്ദം കേട്ടു മുഖമുയർത്തി നോക്കി. പരിചയം ഇല്ലാത്ത ഒരു സ്ത്രീ. ജോലിക്കാരിയാവാം

“ആരാ “…

“ഞാൻ കാർത്തിക. നന്ദിനി ചിറ്റ? ”

“കിടക്കുകയാണ്, കുഞ്ഞു വരുമെന്ന് പറഞ്ഞിരുന്നു. അകത്തേക്ക് വരൂ “.

അവരുടെ പിറകെ നടക്കുമ്പോൾ ഓടിക്കളിച്ചു നടന്നിരുന്ന അകത്തളങ്ങൾ അപരിചിതമായത് അറിഞ്ഞു.

അകത്തേക്ക് കയറുമ്പോൾ മനസൊന്നു പിടച്ചു. ഒരുപാട് കാലത്തിനു ശേഷം ആണ് ഈ കൂടിക്കാഴ്ച്ച. അമ്മയുടെ പ്രതിരൂപം ആയിരുന്നു ചിറ്റ. എന്നിട്ടും ഓടിയൊളിച്ചപ്പോൾ ആരെയും ഞാൻ ഓർത്തില്ല. മനസിലെ വേദന അത്രക്കും വലുതായിരുന്നു.

ശബ്ദം കേട്ടു പുസ്തകത്തിൽ നിന്ന് മുഖമുയർത്തിയ ചിറ്റയുടെ കണ്ണുകളിൽ കണ്ണുടക്കി. ഒരു നിമിഷത്തെ നിശബ്ദതക്കൊടുവിൽ ഓടിച്ചെന്നാ മാറിൽ വീഴവേ കണ്ണിൽ നനവൂറുന്നതറിഞ്ഞു..

“കാത്തു.. മോളെ ”

“കണ്ടിട്ട് മനസിലാവണതെ ഇല്യാട്ടോ, എന്റെ കുട്ടി ഒരുപാട് മാറിപോയിരിക്കണൂ. മുട്ടോളം ഉണ്ടായിരുന്ന മുടിയിൽ മുതൽ നെറ്റിയിൽ ഇല്ലാത്ത പൊട്ടിൽ വരെ മാറ്റം “.
ചിറ്റ പരിഭവിച്ചു

കാച്ചെണ്ണയും താളിയുമായ് ചിറ്റ പരിചരിച്ചു വളർത്തിയ മുടി പകുതിയോളം മുറിച്ചു മാറ്റുമ്പോൾ ചിറ്റയെ ഓർത്തു ഉള്ളം പിടച്ചിരുന്നു. എങ്കിലും വാശി ആയിരുന്നു അയാൾ ഇഷ്ടപെടുന്നതൊന്നും തന്റെ ശരീരത്തിലോ മനസ്സിലോ ഉണ്ടാവരുതെന്ന്. അയാളുടെ ആഗ്രഹത്തിനനുസരിച്ചു നടന്നിരുന്ന കാർത്തുമ്പിയുടെ മരണം. മനസ്സ് കല്ലാക്കി പുതിയ ലോകത്തെ വരവേറ്റ കാർത്തികയിലേക്കുള്ള പ്രയാണം എളുപ്പമല്ലായിരുന്നു.

“ചിറ്റ എന്തെ ഒറ്റക്ക് മറ്റെല്ലാരും എവിടെ “.

“മഹിയുടെ അമ്മയുടെ തറവാട്ടിൽ ഒരു കല്യാണം എല്ലാരും അവിടെ പോയിരിക്കുകയാണ്. ശോഭേച്ചി എനിക്ക് കൂട്ടിരിക്കാന്ന് പറഞ്ഞു നിന്നതാ. ഞാൻ നിർബന്ധിച്ചു പറഞ്ഞയച്ചു. വരാറായിട്ടുണ്ടാവും “.

പൊടുന്നനെ പിറകിലൂടെ വന്നൊരു കൈ കണ്ണ് പൊത്തിയപ്പോൾ ഒരു നിമിഷം പകച്ചെങ്കിലും ഒരു പുഞ്ചിരിയോടെ ഞാൻ പറഞ്ഞു
“മോനെ വേദവ്യാസാ നീ ഇങ്ങനെ പിടിച്ചു എന്റെ മാന്മിഴിയിണകൾ ഡാമേജ് ആക്കാതെ “.

ഇളിഞ്ഞ ചിരിയോടെ മുൻപിലേക്ക് വന്ന അവന്റെ മുതുകിൽ നോക്കിയൊരെണ്ണം കൊടുത്തു.
എന്റെ ചങ്ക്… എന്റെ ശ്വാസനിശ്വാസങ്ങളുടെ ഗതി പോലും മനസിലാവുന്ന എന്റെ കളിത്തോഴൻ…
വേദ് നാരായൺ. ദി ഗ്രേറ്റ് മിസ്റ്റർ മഹേഷ്‌ നാരായൺന്റെയും ഹരി നാരായൺന്റെയും അനിയൻ. ഇവിടെ ചിറ്റയോടും വേദ്നോടും മാത്രമേ എനിക്ക് കോൺടാക്ട് ഉണ്ടായിരുന്നുള്ളൂ. അവരിലൂടെ എല്ലാ കാര്യങ്ങളും അറിഞ്ഞിരുന്നു.

“ഞാൻ എയർപോർട്ടിൽ വരാന്നു പറഞ്ഞതല്ലേ നിന്നോട്, നീ കേട്ടില്ലല്ലോ ”
അവൻ മുഖം ചുളിച്ചു.

ഞാൻ ചിരിച്ചതേയുള്ളു.

“എന്നാലും നിനക്ക് എങ്ങിനെ മനസിലായി ഞാൻ ആണ് കണ്ണ് പൊത്തിയതെന്ന് “.

ഞാൻ പുച്ഛം വാരി വിതറിക്കൊണ്ട് പറഞ്ഞു

“ആ ചീഞ്ഞ മണം വന്നപ്പോഴേ മനസിലായി”

അവൻ തലയിണ കൈയിൽ എടുത്തപ്പോഴേക്കും അറ്റാക്ക് പ്രതീക്ഷിച്ച ഞാൻ പുറത്തേക്കോടി.

ഹാളിൽ എത്തിയപ്പോൾ തിരിഞ്ഞു നോക്കിയതും ആരെയോ ചെന്നിടിച്ചതും ഒരുമിച്ചായിരുന്നു. ആരുടെയോ ബലിഷ്ഠമായ കരങ്ങൾ എന്നെ താങ്ങി. ഇറുക്കി അടച്ചിരുന്ന കണ്ണുകൾ തുറന്നത് ആ കണ്ണുകളിലേക്ക് ആയിരുന്നു. ചെറിയൊരു ചലനം കൊണ്ട് പോലും എന്റെ മനസിനെ ബന്ധിപ്പിച്ചിരുന്ന കണ്ണുകൾ. പിടഞ്ഞു മാറിയപ്പോൾ കണ്ടു. നെറ്റിയിലേക്ക് ഊർന്നു വീണ മുടിയിഴകളും ആജ്ഞാശക്തിയുള്ള ചെമ്പൻ കണ്ണുകളും ട്രിം ചെയ്‌ത താടിയും..

ഒരിക്കൽ എന്റേത് മാത്രമായിരുന്ന മഹിയേട്ടൻ… അല്ല എന്നെ നിഷ്കരുണം തള്ളിപ്പറഞ്ഞ മഹേഷ്‌ നാരായൺ.. ശ്രീലകത്തെ നാരായണ വർമയുടെയും ശോഭനയുടെയും മൂത്ത പുത്രൻ.. ഹരിയുടെയും വേദിന്റെയും ഏട്ടൻ.

ഒരു നിമിഷത്തിനൊടുവിൽ പരസ്പരം നോക്കാതെ കടന്നു പോവുമ്പോൾ മനസ്സൊന്നു പിടച്ചു പിന്നെയും.. മുഖം ഉയർത്തിയപ്പോൾ കണ്ടു ഹരിയേട്ടന്റെയും ഗായത്രിയുടെയും പുറകിൽ പക എരിയുന്ന രണ്ടു കണ്ണുകൾ. കാവ്യ….

ഹരിയേട്ടനും ഗായത്രിയും ചിരിയോടെ അരികിൽ എത്തി.

“എടി കാത്തു ഇപ്പോഴെങ്കിലും നീ ഞങ്ങളെയൊക്കെ ഒന്നോർത്തല്ലോ “.
ഗായുവിന്റെ കണ്ണുകൾ നിറഞ്ഞു വന്നു.

ഇതിനിപ്പോഴും ഒരു മാറ്റൊമില്ലല്ലേ ഹരിയേട്ടാ. അന്നത്തെ പോലെ തന്നെ ഇപ്പോഴും എന്തു പറഞ്ഞാലും കണ്ണും നിറച്ചു നിന്നോളും “.

എന്തു ചെയ്യാനാ മോളെ പെട്ട് പോയില്ലെ”.
ഗായത്രി ഹരിയെ നോക്കി കണ്ണുരുട്ടി

“അല്ല എവിടെ പോയി ജൂനിയർ ഹരി… അപ്പുക്കുട്ടൻ “.
“അവൻ ഉറക്കം ആണ്, അമ്മ അവനെ കിടത്താൻ പോയി “.

“ഗായു മോനു ഉറങ്ങുന്നില്ലാട്ടോ നീ ഒന്ന് ചെല്ല് ”
അമ്മായിയുടെ ശബ്ദം കേട്ടു ഞാൻ തിരിഞ്ഞു നോക്കി. പ്രായത്തിന്റെ ചുളിവുകൾ വന്നെങ്കിലും ആ മുഖത്തെ ഐശ്വര്യം ഇപ്പോഴും അതേ പോലുണ്ട്. എന്നെ കണ്ടു ഒരു നിമിഷം തറഞ്ഞു നിന്നുപോയി അമ്മായി.
“മോളെ കാത്തു… “അമ്മായി ഓടി വന്നെന്നെ മാറോടണച്ചു
പത്തു വർഷത്തെ പരിഭവം പറഞ്ഞു തീർക്കാൻ ശ്രെമിക്കുന്ന അമ്മായിയോട് ഹരിയേട്ടൻ പറഞ്ഞു

“അമ്മ ഒന്ന് ശ്വാസം വിട്, അവൾ വന്നു കയറിയതെയുള്ളു. അവളൊന്ന് ഫ്രഷ്‌ ആയിക്കോട്ടെ “.
“മോളെ കണ്ടപ്പോൾ ഞാൻ എല്ലാം മറന്നു. മോൾ റൂമിലോട്ട് ചെല്ല് “.
പരുങ്ങിയുള്ള എന്റെ നിൽപ്പ് കണ്ടപ്പോൾ ഗായു പറഞ്ഞു “നിന്റെ പഴയ റൂം തന്നെ മറ്റാരും അത് ഉപയോഗിക്കാറില്ല “.

ഞാൻ ചിറ്റയുടെ റൂമിൽ നിന്നോളാം എന്ന് പറയണം ന്നുണ്ടായിരുണെങ്കിലും കാവ്യയുടെ അങ്കലാപ്പ് കണ്ടപ്പോൾ മനസ്സിൽ അടക്കിപ്പിടിച്ച ചിരിയോടെ തലയാട്ടി. അയാളുടെ റൂമിന്റെ അടുത്താണ് എന്റെ പഴയ റൂം. അതാണ് അവളുടെ വെപ്രാളം. വേദ് ഹാളിൽന്നു എന്റെ ലഗേജ് ഒക്കെ എടുത്തു സ്റ്റെയർ കേസ് കേറി പോവുന്നത് കണ്ടു. കാവ്യയെ കാണാത്ത പോലെ പിന്നാലെ ഞാനും വെച്ചു പിടിച്ചു. മുകളിലെത്തിയപ്പോൾ അറിയാതെ നോട്ടം മഹിയേട്ടന്റെ റൂമിനു നേരെ നീണ്ടു. വാതിൽ അടച്ചിട്ടിരിക്കുന്നു….

(തുടരും )

Click Here to read full parts of the novel

4.4/5 - (40 votes)

About Author

Unlock Your Imagination: Start Generating Stories Now! Generate Stories


Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook

aksharathalukal subscribe

പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം

Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now

©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission

Leave a Reply

Don`t copy text!