ഒരച്ഛന്റെ പേടിപ്പിക്കുന്ന രഹസ്യം

വൂഡൂ….. ☠️ – സഖി

Horror, Suspense, Thriller · 31 അധ്യായങ്ങൾ

📖 ഈ കഥയുടെ മുഴുവൻ അധ്യായങ്ങളും അക്ഷരത്താളുകളിൽ വായിക്കാം →

അധ്യായം 1 – വൂഡൂ….. 1☠️

ആഫ്രിക്കയിൽ നിന്ന് അച്ഛൻ കൊണ്ടുവന്ന ആ പെട്ടിയിൽ എന്തായിരുന്നു? ഒരു പാവയോ അതോ ഒരു ശാപമോ?

ആ പഴയ തറവാടിന്റെ ഉമ്മറത്ത് മഴ തകർത്തു പെയ്യുകയായിരുന്നു.
അപ്പുവും അമ്മ സേതുലക്ഷ്മിയും ഉമ്മറത്ത് അച്ഛൻ ശേഖരന്റെ വരവും കാത്ത് ഇരിക്കുകയാണ്. ശേഖരൻ ആഫ്രിക്കയിൽ നിന്ന് മടങ്ങി വരുന്ന ദിവസമാണ് ഇന്ന്.

​”അമ്മേ, അച്ഛൻ വരാൻ വൈകുന്നത് എന്താ?” അപ്പു ചോദിച്ചു.

​”മഴയല്ലേ മോനേ, ചുരം കയറി വരാൻ സമയമെടുക്കും,” സേതുലക്ഷ്മി ആകുലതയോടെ മറുപടി നൽകി.
​”അച്ഛൻ എനിക്ക് എന്താവും കൊണ്ടുവരിക? വലിയ വല്ല കാറോ അതോ ഗെയിമോ?”

​”നിനക്ക് എപ്പോഴും കളിപ്പാട്ടങ്ങൾ മതിയല്ലോ അപ്പു. അച്ഛൻ സുഖമായി വന്നാൽ മതിയായിരുന്നു.

​പെട്ടെന്ന് മുറ്റത്ത് ഒരു കാർ വന്നു നിന്നു. ശേഖരൻ കാറിൽ നിന്നിറങ്ങി. പക്ഷേ അദ്ദേഹത്തിന്റെ മുഖത്ത് പഴയ ആ സന്തോഷമില്ലായിരുന്നു. വിളറിയ മുഖം, കുഴിഞ്ഞ കണ്ണുകൾ. കയ്യിൽ വിചിത്രമായ അടയാളങ്ങളുള്ള ഒരു മരപ്പെട്ടി മാത്രം.

​”ശേഖരേട്ടാ, ഇതെന്താ വൈകിയത്?
മുഖമെന്താ ഇങ്ങനെ ഇരിക്കുന്നത്?”

സേതുലക്ഷ്മി അടുത്തു ചെന്ന് ചോദിച്ചു.
​ശേഖരൻ ഒന്നും മിണ്ടിയില്ല. 
അയാൾ ആ പെട്ടി നെഞ്ചോട് ചേർത്ത് പിടിച്ചിരുന്നു.

​”അച്ഛാ… എനിക്ക് എന്താ കൊണ്ടുവന്നത്?” അപ്പു അച്ഛന്റെ അടുത്തേക്ക് ഓടി ചെന്നു.
​ശേഖരൻ അവനെ ഒന്ന് നോക്കി. 

ആ നോട്ടത്തിൽ ഒരു തരം പേടി കലർന്നിരുന്നു. “അപ്പു… നീ ഇതിൽ തൊടരുത്. ഇത് നിനക്കുള്ളതല്ല.

​”അതെന്താ അച്ഛാ? ആ പെട്ടിയിൽ എന്താ?”
​”ഇതൊരു ശാപമാണ് അപ്പു… 

ഞാൻ അറിയാതെ വരുത്തിവെച്ച വിന.” ശേഖരന്റെ ശബ്ദം വിറയ്ക്കുന്നുണ്ടായിരുന്നു.

​”നിങ്ങൾ എന്തൊക്കെയാ ഈ പറയുന്നത് ശേഖരേട്ടാ?
ഒന്ന് അകത്തേക്ക് കയറി ഇരിക്കൂ,

സേതുലക്ഷ്മി അദ്ദേഹത്തെ പിടിച്ചു വലിച്ചു.

​അകത്തെ മുറിയിൽ എത്തിയപ്പോൾ ശേഖരൻ ആ പെട്ടി കട്ടിലിന് താഴെ വെച്ചു. അപ്പു പതുക്കെ അങ്ങോട്ട് നീങ്ങി.

​”അപ്പു, ഞാൻ പറഞ്ഞത് കേട്ടില്ലേ? നീ ആ പെട്ടിയുടെ അടുത്തേക്ക് പോകരുത്!” ശേഖരൻ അലറി.

​”എന്തിനാ അച്ഛൻ ഇങ്ങനെ പേടിക്കുന്നത്? അതിൽ വെറും ഒരു പാവയല്ലേ ഞാൻ കണ്ടത്?”

​”നിനക്ക് അത് എങ്ങനെ അറിയാം?”

ശേഖരൻ അപ്പുവിന്റെ തോളിൽ പിടിച്ചു കുലുക്കി. “നീ അത് തുറന്നോ?”

​”ഇല്ല അച്ഛാ… ആ വിടവിലൂടെ ഒന്ന് കണ്ടു എന്ന് മാത്രം.”

​”സേതു… നീ ഇവനെ ഒന്ന് നോക്കിക്കോണം. രാത്രിയിൽ ഇവൻ ആ പെട്ടിക്ക് അടുത്തേക്ക് പോകാൻ പാടില്ല. മനസ്സിലായല്ലോ?”

​രാത്രിയായി. എല്ലാവരും ഉറക്കത്തിലേക്ക് വീണു. പക്ഷേ അപ്പുവിന് ഉറക്കം വന്നില്ല. ആ പെട്ടിയിൽ നിന്ന് ആരോ തന്നെ വിളിക്കുന്നത് പോലെ അവന് തോന്നി. ഒരു നേർത്ത വിസിൽ ശബ്ദം…

​അവൻ പതുക്കെ എഴുന്നേറ്റു. അച്ഛന്റെ മുറിയിലേക്ക് ചെന്നു. ശേഖരൻ വിയർത്തു കുളിച്ച് ഉറക്കത്തിൽ എന്തൊക്കെയോ പുലമ്പുന്നുണ്ടായിരുന്നു.

​”അരുത്… എന്നെ വിടൂ… അവനെ ഉപദ്രവിക്കരുത്…” ശേഖരൻ ഉറക്കത്തിൽ കരയുകയാണ്.

​അപ്പു കട്ടിലിന് താഴെയുള്ള ആ പെട്ടി പുറത്തെടുത്തു. അതിന്റെ പൂട്ടുകൾ തനിയെ തുറന്നു കിടക്കുകയായിരുന്നു. അവൻ ആ പെട്ടി തുറന്നു. ഉള്ളിൽ ആഫ്രിക്കൻ ശൈലിയിലുള്ള ആ കറുത്ത പാവ. അതിന്റെ കണ്ണുകൾ ഇരുട്ടിൽ ചുവന്നു തിളങ്ങുന്നത് പോലെ അവന് തോന്നി.

​”നീ ആരാണ്?” അപ്പു അറിയാതെ ചോദിച്ചു പോയി.

​പെട്ടെന്ന് ആ പാവയുടെ ചുണ്ടുകൾ അനങ്ങി. “ഞാൻ നിന്റെ നിഴലാണ് അപ്പു…

​അപ്പു ഞെട്ടി പുറകോട്ടു മാറി. “നീ സംസാരിക്കുമോ?

​”എനിക്ക് സംസാരിക്കാൻ കഴിയും, പ്രവർത്തിക്കാനും കഴിയും. നിനക്ക് നിന്റെ അച്ഛനെ രക്ഷിക്കണോ?”

​”അച്ഛന് എന്തുപറ്റി? അച്ഛനെ രക്ഷിക്കാൻ ഞാൻ എന്ത് ചെയ്യണം?”

​”ഈ പാവയുടെ നെഞ്ചിൽ ഒരു ചെറിയ സൂചിയുണ്ട്. അത് നീ പതുക്കെ ഒന്ന് അമർത്തണം.

അപ്പോൾ നിന്റെ അച്ഛന്റെ വേദന മാറും.” പാവയുടെ ശബ്ദം വളരെ ശാന്തമായിരുന്നു.
​അപ്പു വിശ്വസിച്ചു. അവൻ ആ സൂചിയിൽ വിരൽ വെച്ചു. പക്ഷേ അവൻ അത് അമർത്തുന്നതിന് മുൻപ് പുറകിൽ നിന്ന് അച്ഛന്റെ ശബ്ദം കേട്ടു.

​”അരുത് അപ്പു! അത് ചെയ്യരുത്!”

ശേഖരൻ ഓടി വന്ന് അപ്പുവിന്റെ കയ്യിൽ നിന്ന് ആ പാവ തട്ടിപ്പറിച്ചു.

​”അച്ഛാ… അത് അച്ഛന്റെ വേദന മാറ്റാൻ വേണ്ടിയാണെന്ന് അത് പറഞ്ഞു!”

​”ഇല്ല മോനേ… ഇത് വൂഡൂ ആണ്. ഇതിൽ നീ തൊട്ടാൽ നിന്റെ ആത്മാവ് അതിനുള്ളിൽ കുടുങ്ങും. ഇവൻ നിന്നെ ചതിക്കുകയാണ്!”

ശേഖരൻ കിതച്ചുകൊണ്ട് പറഞ്ഞു.
​”ആരാണ് അച്ഛാ ഇത് അയച്ചത്? അച്ഛന് ആരോടാണ് ഇത്ര ശത്രുത?

​ശേഖരൻ അപ്പുവിനെ ചേർത്ത് പിടിച്ചു. “ഇത് മനുഷ്യരല്ല അപ്പു. ഇത് കാലങ്ങളായി പ്രതികാരം കാത്തിരിക്കുന്ന ഒരു ആത്മാവാണ്.

എന്റെ പൂർവ്വികർ ചെയ്ത ഒരു തെറ്റിന്റെ ശിക്ഷ…

തുടരും….. ♥️

📖 കഥ തുടരാം

“വൂഡൂ….. ☠️”ന്റെ അടുത്ത അധ്യായങ്ങൾ
അക്ഷരത്താളുകളിൽ വായിക്കൂ →

CONTINUE READING

📱 അക്ഷരത്താളുകൾ ആപ്പിൽ വായിക്കൂ

• ✓ കൂടുതൽ സൗകര്യപ്രദമായ വായന
• ✓ പുതിയ അധ്യായങ്ങൾ കണ്ടെത്താം
• ✓ ഏകദേശം 7 MB മാത്രം

OPEN ANDROID APP

✍️ എഴുതി വരുമാനം നേടൂ

നിങ്ങളുടെ കഥകളും നോവലുകളും അക്ഷരത്താളുകളിൽ പ്രസിദ്ധീകരിക്കൂ. വായനക്കാരിലേക്ക് എത്തിച്ച് നിങ്ങളുടെ എഴുത്തിലൂടെ വരുമാനം നേടാം.

ഇപ്പോൾ എഴുതിത്തുടങ്ങൂ →

✍️ സഖി-ന്റെ കൂടുതൽ കഥകൾ →