ഗേറ്റിൽ വെളിച്ചം വീണപ്പോൾ വേദയും വിപഞ്ചികയും എഴുന്നേറ്റ് പൂമുഖത്തേക്ക് ചെന്നു …..
കാറിൽ നിന്ന് രാഹുലും മാളുവും ഇറങ്ങി …
” എന്താ ഇത്രേം വൈകിയത് …” അവൾ ചെന്ന് മാളുവിന്റെ കൈ പിടിച്ചു ..
” കുറച്ച് സ്കാനിംഗ് ഒക്കെ ഉണ്ടായിരുന്നെടാ …. അതാ വൈകിയത് ….”
പോയപ്പോൾ ഉണ്ടായിരുന്ന സന്തോഷം രാഹുലിന്റെ മുഖത്തില്ലെന്ന് വേദ കണ്ടു .. അവൾക്ക് ആശങ്ക തോന്നി … പക്ഷെ മാളു കൂളായി നിൽക്കുകയായിരുന്നു ….
” നീയിന്നിനി പോകണ്ട .. നാളെ പോയാൽ മതി … “
” അയ്യോ അത് പറ്റില്ല …. രാവിലെ കുട്ടികൾ വരും …. അതിനു മുന്നേ പണിയൊക്കെ തീർക്കണം …….” വേദ പറഞ്ഞു …
” എന്നാൽ പിന്നെ രാഹുലേട്ടൻ ഇവളെ വീട്ടിലാക്കിയിട്ട് വാ …” മാളു തിരിഞ്ഞ് രാഹുലിനോട് പറഞ്ഞു …
” വേദ വരൂ …..” അവൻ കാറിനടുത്തേക്ക് നടന്നു ..
മാളവിക ചെന്ന് ഫ്രണ്ട് ഡോർ അവൾക്ക് വേണ്ടി തുറന്നു കൊടുത്തു …
” നീ പോയി റെസ്റ്റ് എടുക്ക് മാളു … വിച്ചൂ … നീ ചേച്ചിയെ അകത്ത് കൊണ്ട് പോയി കിടത്ത് ……..” അവൻ വിപഞ്ചികയോട് പറഞ്ഞിട്ട് ഡ്രൈവിംഗ് സീറ്റിലേക്ക് കയറി …
” ചേച്ചി .. നാളേം വരണേ … ” വിപഞ്ചിക വേദയുടെ കൈപിടിച്ച് പറഞ്ഞു …
വരാമെന്നവൾ സമ്മതിച്ചു …
കാർ പുറത്തേക്കിറങ്ങി ….. പത്ത് മിനിറ്റ് യാത്രയുണ്ട് വേദയുടെ വീട്ടിലേക്ക് … നിരത്തുകൾ ഉറക്കത്തിലേക്ക് വഴുതി വീഴാൻ തുടങ്ങിയിരുന്നു …
ആദ്യം ഇരുവരും ഒന്നും സംസാരിച്ചില്ല ….
വേദക്ക് വല്ലായ്മ തോന്നി … സാധാരണ രാഹുൽ വാതോരാതെ സംസാരിക്കാറുള്ളതാണ് ….
” മാളുവിനെന്താ സ്കാനിംഗൊക്കെയുണ്ടെന്ന് പറഞ്ഞത് … ” എന്തെങ്കിലും പറയണമല്ലോ എന്ന് കരുതി അവൾ ചോദിച്ചു …
രാഹുലിൽ നിന്ന് ഒരു നെടുവീർപ്പുയർന്നു …
” ഒന്നും പറയാറായിട്ടില്ല … “
വേദയൊന്ന് ഞെട്ടി …. അവൾ തല തിരിച്ച് രാഹുലിനെ നോക്കി ….
” എന്താ …..” അവൾ പേടിയോടെ ചോദിച്ചു ….
” ഇടക്ക് തലവേദനയുണ്ടെന്ന് അവൾ പറയുമായിരുന്നു .. മൈഗ്രെയിൻ ആവുമെന്നാ ഞാൻ കരുതിയത് .. അവൾക്ക് മൈഗ്രെയിനുണ്ടല്ലോ …. പക്ഷെ രണ്ട് ദിവസമായിട്ട് കണ്ടിന്യൂസ് തലവേദനയുണ്ടായിരുന്നു .. എന്നോട് ഇന്ന് വൈകിട്ടാ പറയുന്നത് … അത് കൊണ്ടാ ഞാൻ ന്യൂറോയിൽ ഒന്ന് കാണിച്ചത് .. എന്റെയൊരു സമാധാനത്തിനായിരുന്നു … പക്ഷെ ഇപ്പോ ഒരു സംശയം ….. ” അയാളൊന്ന് നിർത്തി …
വേദയുടെ അടിവയറ്റിൽ ഒരു കൊള്ളിയാൻ മിന്നി …
” ട്യൂമറാണോന്ന് ……..” രാഹുലിന്റെ തൊണ്ടയിടറി …
” നോ ……….” വേദയിൽ നിന്ന് ഒരു നിലവിളിയുയർന്നു …
രാഹുൽ പെട്ടന്ന് കാർ നിർത്തി …
” നാളെ സ്കാനിംഗ് റിപ്പോർട്ടുകൾ ലഭിച്ചാലേ ഉറപ്പിക്കാൻ കഴിയൂ … ” അയാൾ നിസഹായനായി പറഞ്ഞു …
പക്ഷെ ആ ശബ്ദത്തിൽ ഇടർച്ചയുണ്ടായിരുന്നു …
അയാൾ പെട്ടന്ന് കാർ എടുത്തു…..
വേദ നടുങ്ങി വിറച്ചിരുന്നു … തന്റെ പ്രിയപ്പെട്ട കൂട്ടുകാരി … കേട്ടത് സത്യമാകരുതേയെന്നവൾ പ്രാർത്ഥിച്ചു …
” മാളുവിനോട് പറഞ്ഞിട്ടില്ല … ഒന്നും പറയണ്ട അവളോട് …” ഓർമിപ്പിക്കും പോലെ രാഹുൽ പറഞ്ഞു ….
അവൾക്കൊന്നും മിണ്ടാനുള്ള ത്രാണിയില്ലായിരുന്നു …
വീടിനു മുന്നിൽ രാഹുൽ കാർ നിർത്തിയതൊന്നും അവളറിഞ്ഞില്ല ..
” വേദയിറങ്ങിക്കോളു …. ” രാഹുൽ പറഞ്ഞു ….
ഇറങ്ങുമ്പോൾ അവനോട് യാത്ര പറയാൻ പോലും അവൾ മറന്നു പോയിരുന്നു …
അവൾക്കൊരാപത്തും സംഭവിക്കരുതേയെന്നവൾ ഉള്ളുരുകി പ്രാർത്ഥിച്ചു ….
വീട് ഇരുളിലാണ്ട് കിടക്കുകയായിരുന്നു …
വീട് തുറന്ന് അകത്ത് കയറിയതും ലൈറ്റ് തെളിച്ചതും എല്ലാം യാന്ത്രികമായിരുന്നു ..
ചെയറിലേക്കിരുന്ന് അവൾ മുഖം പൊത്തിക്കരഞ്ഞു ..
വിശപ്പും ദാഹവും എല്ലാം കെട്ടു പോയിരുന്നു … അവൾ ബാഗിൽ നിന്ന് ഫോണെടുത്ത് ദീപക്കിനെ വിളിച്ചു …. ഒരാശ്രയത്തിന് അവൻ മാത്രമേയുള്ളുവെന്ന് അവൾക്കറിയാം …..
* * * * * * * * * * * * * * * * *
വെളുപ്പിന് നിർമ്മാല്യ ദർശനം തൊഴാൻ വേദയുണ്ടായിരുന്നു .. അധികമാളുകളൊന്നും ആ സമയം ഉണ്ടാകാറില്ല …
ദേവി സന്നിധിയിൽ അവൾ മനമുരുകി പ്രാർത്ഥിച്ചു … അതവൾക്കു വേണ്ടിയായിരുന്നു.. തന്റെ പ്രിയ കൂട്ടുകാരി മാളവികക്ക് വേണ്ടി ….
പ്രാർത്ഥിച്ചിറങ്ങിയപ്പോൾ മനസിലെവിടെയോ ഒരു നേർത്ത പ്രതീക്ഷതെളിഞ്ഞു നിന്നു ….
* * * * * * * * * * * * * *
ലൈബ്രറിയുടെ ജനാലക്കരികിലേക്ക് ചെയർ വലിച്ചിട്ട് ഗൗതമനിരുന്നു … അവിടെയിരുന്നാൽ എതിർവശത്തെ ഒഴിഞ്ഞ ക്ലാസ് റൂമിൽ കലോത്സവത്തിന് പങ്കെടുക്കുവാനുള്ള കുട്ടികളെ പരിശീലിപ്പിക്കുന്ന വേദയെ കാണാമായിരുന്നു ….
മുന്നിൽ പുസ്തകം തുറന്നു വച്ചിരുന്നെങ്കിലും അയാളുടെ കാഴ്ചകൾ മുഴുവൻ വേദയിലായിരുന്നു …
വേദാ …. നിന്നെ കാണുമ്പോൾ മാത്രം എന്റെ ഹൃദയം തുടിക്കുന്നത് എന്ത് കൊണ്ടാണ് …. നിന്റെയൊരു പുഞ്ചിരി പോലും എന്റെയുള്ളിലെ തമസിലേക്ക് നീളുന്ന സൂര്യപ്രഭയാണ് വേദാ …
നീയറിയുന്നുണ്ടോ നിന്നെ മാത്രം മിഴികളിൽ നിറച്ച് കടന്നു പോകുന്ന എന്റെ രാത്രികളെ ..
ഈ ലോകത്ത് ആർക്കെല്ലാം നീ വെറുക്കപ്പെട്ടവളായാലും എനിക്കങ്ങനെയല്ല …
വേദാ .. .. . ഒരിക്കലെങ്കിലും നീ വരുമോ ചുട്ടുപൊള്ളുന്ന എന്റെ വീഥികളിൽ തണൽ വിരിക്കാൻ …… എന്റെ ജലാശയത്തിൽ നീന്തി തുടിക്കുന്ന അരയന്നമാകാൻ …. കൊക്കുരുമ്മി എന്റെ സ്വർഗാരാമങ്ങൾ ധന്യമാക്കാൻ …
ഒരുമാത്ര അവളിങ്ങോട്ട് മുഖം തിരിച്ചു നോക്കിയെന്ന് ഗൗതമന് തോന്നി …
എന്തുകൊണ്ടോ അവളുടെ കണ്ണുകളിൽ നോക്കി തനിക്കൊന്നും പറയാൻ കഴിയുന്നില്ല ..
ബെല്ലടിച്ചപ്പോൾ അയാൾ പുസ്തകം മടക്കി റാക്കിൽ വച്ചിട്ട് ഇറങ്ങി … ഇടനാഴിയിലൂടെ സ്റ്റാഫ് റൂമിലേക്ക് നടക്കുമ്പോൾ എതിരെ അവളും വന്നു …
ഹൃദ്യമായൊരു പുഞ്ചിരി അവളയാൾക്ക് സമ്മാനിച്ചു …. അയാൾ തിരിച്ചും …
* * * * * * * * * * * * * * * * * * *
സ്കൂൾ വിട്ട് അവൾ നേരേ പോയത് മാളവികയുടെ അടുത്തേക്കാണ് .. മുറ്റത്ത് കാറില്ലാത്തത് കൊണ്ട് രാഹുൽ ഇല്ലെന്ന് അവൾക്ക് മനസിലായി …
അവൾ ചെല്ലുമ്പോൾ മാളു ടിവി കാണുകയായിരുന്നു …
” നീയെത്തിയോ …. വിച്ചു കുറച്ചു കൂടി വൈകും ….” ചിരിച്ചു കൊണ്ട് അവളെഴുന്നേറ്റ് വന്നു …
” അത് സാരമില്ല .. ഞാൻ വെയ്റ്റ് ചെയ്തോളാം ………”
” വാ … ഞാൻ ചായയെടുത്തു തരാം ….” മാളു പറഞ്ഞിട്ട് കിച്ചണിലേക്ക് നടന്നു …
” എനിക്കിപ്പോ ചായയൊന്നും വേണ്ട ….നീയിവിടെ വന്നിരിക്ക് ….. ” അവൾ മാളവികയെ കൂട്ടി സോഫയിലേക്കിരുന്നു …..
” നീ ദീപക്കിനെ വിശേഷങ്ങളറിഞ്ഞോ ….” വേദ തിരക്കി ….
” ഇല്ല …. എന്താ ……”
” അവന്റെ വിവാഹമായി ….”
” ആണോ ….. എപ്പോ … എന്നിട്ടെന്നോടെന്താ പറയാണ്ടിരുന്നേ … ” അവൾ വിസ്മയിച്ചു …
” കൃഷ്ണയാ പെൺകുട്ടി … വീട്ടുകാര് ഫിക്സ് ചെയ്തതാ… അവൻ തന്നെ കഴിഞ്ഞ ദിവസമാ അറിഞ്ഞത് …” വേദ പറഞ്ഞു ….
” എന്നാലും നിന്നോട് പറഞ്ഞിട്ടും എന്നോടവൻ പറഞ്ഞില്ലല്ലോ … ” അവൾ പരിഭവിച്ചു …
” ശ്ശൊ … എന്നോടിന്നലെ വൈകിട്ടാടി പറഞ്ഞത് ….. അവൻ നിന്നെ കാണാൻ വരുന്നുണ്ടെന്ന് പറഞ്ഞു … അപ്പോ പറയും …..” വേദയവളെ സമാധാനിപ്പിച്ചു ……
” ഞാനൊരു കാര്യം പറയട്ടെ …. അവൻ കൃഷ്ണയെ കെട്ടുന്നതിനോട് എനിക്ക് വലിയ താത്പര്യമൊന്നുമില്ല …. ” മാളവിക പറഞ്ഞു ….
” അതെന്താ …. “
” അവളൊരു അഹങ്കാരിയാ … പഠിക്കുമ്പോളേ അവൾക്കവനിലൊരു കണ്ണുണ്ടായിരുന്നു … അവന്റെ പാവം പിടിച്ച സ്വഭാവത്തിന് അവൾ ശരിയാകില്ല …. “
മാളവികക്ക് എന്തോ അനിഷ്ടമുണ്ടെന്ന് വേദക്ക് മനസിലായി …
” അവൾക്കത്രയും ഇഷ്ടമുള്ളത് കൊണ്ടാകില്ലേ അവൻ നോ പറഞ്ഞിട്ടും അവൾ വീട്ടുകാർ വഴി പ്രപ്പോസ് ചെയ്തത് … ഒരു പെൺകുട്ടിയുടെ മനസ് കണ്ടില്ലെന്ന് നടിക്കുന്നത് ശരിയല്ല …..” വേദയവളെ തിരുത്തി ….
” ങും …..” അവൾ താത്പര്യമില്ലാതെ മൂളി …
” എന്താടി … അവന് തന്നെ പാതി മനസ് പോലുമില്ല … ഇനിയവൻ വരുമ്പോൾ നീ മുഖം വീർപ്പിച്ചു കാണിച്ചു അവന്റെ മൈൻഡ് മാറ്റരുത് …”
” അവൻ നമ്മുടെ വിച്ചൂന് ചേരില്ലേ …. ” അവൾ പെട്ടന്ന് ചോദിച്ചു …
വേദ അവളുടെ മുഖത്തേക്ക് നോക്കി ….
ഇവൾക്കങ്ങനെയൊരു ആഗ്രഹമുണ്ടായിരുന്നോ …
” നിന്റെ മനസിലതായിരുന്നോ …….” വേദ പതിയെ ചോദിച്ചു ..
” അവനെ കിട്ടിയിരുന്നെങ്കിൽ അതെന്റെ വിച്ചുവിന്റെയും ഭാഗ്യമായിരുന്നു … മാത്രമല്ല അവൻ എന്നും നമ്മുടെ കൂടെ ഉണ്ടാകുമായിരുന്നു … ഇനി ചിലപ്പോ അവൻ … “
” നീയെന്തേയിത് നേരത്തേ പറഞ്ഞില്ല … എങ്കിൽ നമുക്കിത് ആലോചിക്കാമായിരുന്നല്ലോ ….”
” അവളിപ്പോ തേർഡിയറല്ലേ… ഡിഗ്രി കഴിഞ്ഞിട്ടാകട്ടെയെന്ന് ഞാൻ കരുതി … “
എന്തുകൊണ്ടോ വേദയും അറിയാതെ അതാഗ്രഹിച്ചു പോയി … പക്ഷെ ഇനി പറഞ്ഞിട്ട് കാര്യമില്ല …
അവരിരുവരും സംസാരിച്ചിരിക്കുമ്പോഴേക്കും വിപഞ്ചിക കോളേജിൽ നിന്നെത്തി ….
അവൾ പോയി ഫ്രഷായി വന്നിട്ട് വേദക്കൊപ്പം പാട്ട് പഠിക്കാനിരുന്നു ..
മാളവിക കുറേ സമയം അത് കേട്ടിരുന്നു … അവൾക്ക് വല്ലാതെ തല വേദനിച്ചപ്പോൾ എഴുന്നേറ്റ് റൂമിൽ പോയി കിടന്നു ….
സമയം മുന്നോട്ടോടി ….
മുറ്റത്ത് കാർ വന്ന് നിൽക്കുന്നത് വേദയും വിച്ചുവും ജനാലയിലൂടെ കണ്ടു …
വേദയുടെ മനസ് ഒന്ന് പിടച്ചു … രാഹുലിനോട് മാളവികയുടെ വിവരങ്ങൾ ചോദിക്കാൻ വെമ്പിയിരിക്കുകയായിരുന്നു അവൾ ….
ആദ്യം ഡോർ തുറന്നിറങ്ങിയത് ദീപക്ക് ആയിരുന്നു .. പിന്നാലെ ഡ്രൈവിംഗ് സീറ്റിൽ നിന്ന് രാഹുലും …
ദീപക്കിനെ കൂടി കണ്ടപ്പോൾ വേദയുടെ മുഖം തിളങ്ങി …
അവരുടെ രണ്ടാളുടെയും മുഖം ………………………….
( തുടരും )
അമൃത അജയൻ
അമ്മൂട്ടി
അമൃത അജയൻ ന്റെ മറ്റു നോവലുകൾ
Title: Read Online Malayalam Novel Brindavana Saranga written by Amrutha Ajayan
About Author
Unlock Your Imagination: Start Generating Stories Now! Generate Stories
Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook
പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം
Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now
©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission