💙 ഇന്ദ്രബാല 💙 22

✍️💞… Ettante kaanthari…💞

ഞാൻ പുറത്തേക് ഇറങ്ങിയപ്പോൾ കണ്ടത് എന്നെ തന്നെ നോക്കുന്ന ആദിയെ ആണ് അവനെ കണ്ടപ്പോൾ തന്നെ ദേഷ്യം വന്നു

പക്ഷേ പെട്ടെന്ന് അവൻ തിരിച്ച് പോയി….. കൂടെ മുത്തശ്ശി ഉള്ള കൊണ്ട് ആവും

പക്ഷേ തിരിഞ്ഞപ്പോൾ ആണ് അതല്ല കാര്യം എന്ന് മനസ്സിലായത്……

* ദേവേട്ടൻ🔥*

പക്ഷേ ആദി പോകാൻ പോയ അതേ സ്പീഡിൽ ദേവന്റെ അടുത്തേയ്ക്ക് ചെന്നു…..

എന്തോ കുനിഷ്ട്ട്‌ ഒപ്പിക്കാൻ ആണെന്ന് അവന്റെ പുച്ഛചിരി കണ്ടപ്പോൾ മനസ്സിലായി…..

________________

( ദേവൻ )

ഞാൻ അവൾക്കായി വാങ്ങിയ ഡ്രസ്സ് ആണ്…. അവൾക്ക് ചേരുമോ എന്ന് അറിയില്ല….. അതറിയാൻ ആണ് മുകളിലേക്ക് ചെന്നത്…. അപ്പോളാണ് അവളുടെ അടുത്ത് നിൽക്കുന്ന ആദിയെ കണ്ടത്….. കണ്ടപ്പോൾ എനിക്ക് നന്നായി ദേഷ്യം വന്നു….

ഞാൻ ഒന്നും മിണ്ടിയില്ല…. അവൻ എന്നെ കണ്ട് തിരിച്ച് പോകാൻ പോയത് ആണ്… പക്ഷേ അവൻ നടന്നു എനിക് അരികിലേക്ക് തന്നെ വന്നു ….

ആ വരവ് കണ്ടപ്പോൾ തന്നെ അറിയാമായിരുന്നു…… എന്തോ ആവശ്യം ഇല്ലാത്തത് ആണെന്ന്…. അവൻ എന്റെ അടുത്തേയ്ക്ക് വന്നു എന്നെയും വലിച്ച് ബാലയുടെ അടുത്തേയ്ക്ക് പോയി…..

അവള് ഞങ്ങളെ 2 പേരെയും നോക്കുന്നുണ്ട്…. എന്നിട്ട് അവൻ ഞങ്ങളോട് ആയി പറഞ്ഞു…..

” അങ്ങനെ നിങ്ങള് ഒന്നായി…. ദേവാ നിനക്ക് എല്ലാവിധ ആശംസകളും….. പിന്നെ…. ഇവളെ ഒന്ന് സൂക്ഷിച്ചോ…. ചിലപ്പോൾ നിന്നെ മടുകുമ്പോൾ മറ്റൊരാളെ തേടാം….. ”

അവൻ പറഞ്ഞു തീർന്നതും അവള് ചെ എന്നും പറഞ്ഞു മുഖം തിരിച്ചു…. എന്നിട്ട് മുറിയിലേക്ക് കയറി പോയി….. അവൻ തുടർന്നു…..

” പെണ്ണ് ആണ് വർഗ്ഗം…. മോൻ ഒന്നു സൂക്ഷിച്ചോ…. എന്നെയും ഇത് പോലെ ഒരിക്കൽ വിട്ടതാണ്…. ”

എന്നും പറഞ്ഞു അവൻ പോയി….

ഞാൻ മുഷ്ടി ചുരുട്ടി കൈകൾ മതിലിൽ ഇടിച്ച് ദേഷ്യം തീർത്തു….. ഇപ്പോ അവനെ ഒന്നും ചെയ്യാൻ ആവില്ല…. ഇപ്പോ എന്തെങ്കിലും ചെയ്താൽ കാരണം എന്താണ് എന്നുള്ള ഒരു ചോദ്യം വരും….. പിന്നെ അവരുടെ പ്രണയം ഒക്കെ പറയേണ്ടി വരും…. അത് അവൾക്ക് ദോഷം ആണ്…. അച്ഛനും അമ്മയും അറിയുന്നത് ഒന്നും പ്രശ്നം ഇല്ല…. പക്ഷേ കുറ്റം മാത്രം കണ്ടുപിടിക്കാൻ വരുന്ന ബന്ധു ജനങ്ങൾക്ക് അത് ഒരു ലോട്ടറി ആയിരിക്കും……

അവരുടെ ഒക്കെ മുന്നിൽ അവള് നാണം കെടും….. വേണ്ട….. അത് കൊണ്ടാണ് ഞാൻ എന്റെ ദേഷ്യം അടക്കിയത്…..

മോനെ ആദി…. നിനക്ക് കിട്ടിയത് ഒന്നും പോര…. ഇൗ നടക്ക്‌ ആണെങ്കിൽ നീ ഇനിയും കൊള്ളും….

ദേവന്റെ കണ്ണുകളിൽ പകയുടെ അഗ്നി എരിഞ്ഞു…..

_________________

( ശ്രീ )

അവൻ പറഞ്ഞത് കേട്ടില്ലേ…. ഞാൻ…. എനിക് ആലോചിക്കാൻ കൂടി വയ്യ…. ദേവേട്ടൻ അത് കേട്ട് കൊണ്ട് നിന്നു….. ഉറപ്പാണ് അയാള് മാറിയിട്ട് ഇല്ല…. ഇന്നലത്തെ സ്നേഹം കണ്ടപ്പോൾ ചെറിയ ഒരു പ്രതീക്ഷ മനസ്സിൽ ഉണ്ടായത് ആണ്…..

പക്ഷേ ഇനി ഇല്ല….. ദേവേട്ടന് എന്നെ സ്നേഹിക്കാൻ ആവില്ല…..

പക്ഷേ എന്തിന് വേണ്ടി ആണ് ഇങ്ങനെ ഒരു പരീക്ഷണം…..

എന്റെ കണ്ണുകൾ നിറഞ്ഞു വന്നു…..

” മോളെ ഇതെന്താ കണ്ണീർ വരുന്നത്…. ”

മുത്തശ്ശിയുടെ ചോദ്യം ആണ് എന്നെ സ്വബോധത്തിലേക് തിരിച്ച് എത്തിച്ചത്…..

” അത് പരിചയം ഇല്ലല്ലോ കൺമഷി ഇട്ട്…. അതാവും….. ”

“മോൾ പോയി മുഖം കഴുകി വാ….”

ഞാൻ വേഗം കുളിമുറിയിലേക്ക് കയറി ഒരുപാട് കരഞ്ഞു….. ആദിയുടെ വാക്കുകളേക്കാൾ എന്നെ വേദനിപ്പിച്ചത് ദേവേട്ടന്റെ മൗനം ആയിരുന്നു……

മുത്തശ്ശി വാതിലിൽ മുട്ടിയപ്പോൾ ഞാൻ വേഗം ഗം മുഖം കഴുകി പുറത്തേക്കു ചെന്നു……

“എന്താ കുട്ടിയെ ഇത് എത്ര നേരായി..”

ഞാൻ മുത്തശ്ശിക്ക് ചെറുതായി ഒന്ന് ചിരിച്ച് കൊടുത്തു…..

ഉടനെ മുത്തശ്ശി എന്നെ അവിടെ പിടിച്ചിരുത്തി…. എന്നിട്ട് എന്റെ കണ്ണുകൾ വീണ്ടും എഴുതി തന്നു…. ഇൗ വട്ടം വാലിട്ട്‌ ആണ് എഴുതിയിരിക്കുന്നത്…..

ഇത് മോൾക്ക് കുറച്ച് കൂടി നന്നായി ചേരുന്നുണ്ട്….

” ഞാൻ ഡ്രസ്സ് മാറട്ടെ കേട്ടോ മോളെ…. മോൾ ഇവിടെ ഇരിക്കു…. ഞാൻ ആരെങ്കിലും ഇങ്ങോട്ട് പറഞ്ഞു അയകാം…… ”

എന്നും പറഞ്ഞു മുത്തശ്ശി പോയി….

ഞാൻ പതിയെ അവിടെ ഉള്ള ഒരു ചെയർ ഇല് കണ്ണുകൾ അടച്ച് ഇരുന്നു….

മനസ്സിലേക്ക് പെട്ടെന്ന് ആ കത്തുകൾ ഓർമ വന്നു…..

ബാലേ 💙

ഋതുക്കൾ മാറുന്നതും…. ഇലകൾ പൊഴിയുന്നതും….. ഞാൻ അറിഞ്ഞില്ല….. കാരണം…. ഞാൻ വസന്തത്തിൽ ആയിരുന്നു…. നീ എന്ന പ്രണയ വസന്തത്തിൽ…… നീ എൻ ഹൃദയത്തില് അല്ല മറിച്ച് നീയാണ് എൻ ഹൃദയം എന്ന് ഞാൻ മനസിലാകുന്നു ബാലേ…… ആർത്ത് പെയ്യുന്ന മഴക്ക് ഭൂമിയോട് ഉള്ള പ്രണയത്തെ പോൽ അത്രമേൽ അഗാധമാണ് എനിക് നിന്നോട് ഉള്ള പ്രണയം….. തമ്മിൽ കാണും നേരം വരെ ഒരു കുളിർ തെന്നലായി ഞാൻ നിന്നിൽ അലിഞ്ഞു ചേരുന്നു…………

എന്ന് ബാലയുടെ സ്വന്തം💙*

” എന്ത് ചെയ്യുകയാണ്…. പുതു പെണ്ണ്….. ആഹാ ഉറങ്ങുന്നോ….. ”

നോക്കിയപ്പോൾ അപ്പചിയും മകളുമാണ് ഞാൻ ഉടനെ എഴുന്നേറ്റ്…..

” കഴിഞ്ഞോ തംബ്രാട്ടിയുടെ ഒരുക്കം…. ഓ ഇനി ഇവൾക്ക് കാവൽ ഇരിക്കണമായിരിക്കും…. അപ്സരസ്സ്‌ അല്ലേ….. അവള് പൗഡർ ഒന്നും ഇടില്ല പോലും….. വെറുതെ കുടുംബത്തിന്റെ പേര് കളയാൻ…. ”

അപ്പചിയുടെ വാക്കുകൾ കേട്ട് എനിക് ശെരിക്കും അൽഭുതം ആണ് തോന്നിയത്…. ഇവർ എന്തിനാ എന്നോട് ഇങ്ങനെ ദേഷ്യം കാണിക്കുന്നത്…. എനിക് ഇവരെ ഒരു മുൻപരിചയം പോലുമില്ല….. നിശ്ചയിതിന് അല്ലാതെ ഇന്നേവരെ കണ്ടിട്ട് പോലുമില്ല….. ആ എന്നോട് എന്തിനാ ഇങ്ങനെ ദേഷ്യം…..

കൂടെ ഉള്ള കുട്ടിയെ നോക്കിയപ്പോൾ എന്നെ നോക്കി കണ്ണിറുക്കി കാണിക്കുന്നു…. ഒന്നുമില്ല എന്നൊക്കെ പറയുന്നുണ്ട്…. പക്ഷേ അത് അപ്പചി കേൾക്കാതെ ഇരിക്കാൻ അവള് പരമാവതി ശ്രമിക്കുന്നു…..

” എല്ലാ കുടുംബത്തിലും ഉണ്ടാവും പേര് കളയാൻ ഇങ്ങനെ ഓരോന്ന്….. പറഞ്ഞിട്ടും കാര്യം ഇല്ല…. കാരണം അതിനൊക്കെ നല്ല കുടുംബത്തിൽ ജനിക്കണം….. ”

അപ്പചിയുടെ വായിൽ നിന്ന് അത് കേട്ടപ്പോൾ എനിക്ക് ദേഷ്യം വന്നു….. എന്നെ പറഞ്ഞാല് ഞാൻ സഹിക്കും പക്ഷേ എന്റെ വീട്ടുകാരെ പറഞാൽ ഞാൻ സഹിക്കില്ല….. അതിപ്പോൾ ആരായാലും…..

” അപ്പചി…. എന്തിനാ എന്റെ കുടുംബത്തിനേ ഇതിലേക്ക് വലിച്ച് ഇടുന്നത്….. ഞാൻ എന്താ ചെയ്തത് അതിനും മാത്രം…. പുട്ടി ഇട്ട് നടകാതത് ആണോ അപ്പചി എന്നിൽ കണ്ട കുറ്റം….. അതിന്റെ ആവശ്യം തൽകാലം ഞങ്ങൾ ചിറ്റെടത്‌ കാർക്ക്‌ ഇല്ല…. ഇനി അപ്പചിക്ക്‌ മറ്റെന്തെങ്കിലും അറിയണോ….. ”

എന്ന് ഞാൻ പറഞ്ഞതും അവരുടെ വാ അടഞ്ഞു…..

” തർക്കുതരത്തിന് ഒരു കുറവും ഇല്ല…. ഇതും കുടുംബത്തിൽ നിന്ന് ആവും….. ”

” പിന്നെ കുടുംബത്തെ കുറിച്ച് മറ്റൊരാൾ മോശം പറഞാൽ കേട്ട് കൊണ്ട് നിൽകാൻ എന്നെ ആരും പഠിപ്പിച്ചിട്ടില്ല…അതിനു നിങ്ങളുടെ ഇവിടെ തർക്കുത്തരം എന്നാണോ പറയുന്നത്…. ഞങ്ങളുടെ അവിടെ കുടുംബ മഹിമ എന്നാണ് പറയുന്നത്…..”

Hot New Releases in Books

എന്തെങ്കിലും കാണിക്ക്‌ എന്നും പറഞ്ഞു ചാടി തുള്ളി അവർ പുറത്തേക് പോയി……

ഉടനെ കൂടെ ഉണ്ടായിരുന്ന കുട്ടി എന്റെ അടുത്തേയ്ക്ക് വന്നു……

” ഏടത്തി… കാര്യം ആകണ്ട കേട്ടോ…. അമ്മ അങ്ങനെയാണ്….. ”

” ഇയാളുടെ പേര് എന്താ….. ”

” സൂര്യ എന്നാണ്….. ”

” നല്ല പേര് ആണല്ലോ…… ഇയാള് എന്ത് ചെയ്യുകയാണ് ”

” ഞാൻ ഡിഗ്രീ ഒന്നാംവർഷ വിദ്യാർത്ഥി ആണ്…. ഏടത്തി ദേവേട്ടന്റെ കോളജിൽ ആണല്ലേ…. ”

” അതേ….. അല്ല ഇയാളുടെ അമ്മക്ക് എന്താടോ എന്നോട് ഇത്ര ദേഷ്യം….. ”

” അത് ഏടത്തി അമ്മക്ക് എന്നെയും ദേവേട്ടനെയും കെട്ടിക്കാൻ ഒരു പ്ലാൻ ഉണ്ടായിരുന്നു….. അമ്മ ജിതുവേട്ടന്റെ വിവാഹം കഴിഞ്ഞ് അവതരിപ്പിക്കാൻ ആയിരുന്നു പ്ലാൻ…. പക്ഷേ ഇപ്പോ ചേച്ചി വന്നതോടെ എല്ലാം അവതാളത്തിൽ ആയില്ലേ…. അതാ ചേച്ചിയോട് അങ്ങനെ….. ”

” അല്ല മോൾക്ക് ഇഷ്ടം ആയിരുന്നോ ഏട്ടനെ…. ”

“അല്ല ചേച്ചി…. എനിക് ദേവേട്ടൻ എന്റെ ചേട്ടനെ പോലെ ആണ്…. അത് കൊണ്ട്….. എനിക് അങ്ങനെ ഒന്നുമില്ല ഏടത്തി….. ”

” പരിപാടി എപ്പോ തുടങ്ങും ഡാ….. എനിക് ബോർ അടികുന്നുണ്ട്….. ”

” എന്റെ ഏടത്തി….. ലച്ചു ഏടത്തി ഡ്രസ്സ് ചെയ്ത് കഴിഞ്ഞിട്ട് ഇല്ല…. പിന്നെ ചേച്ചി നല്ല സുന്ദരി ആയിട്ട് ഉണ്ട് കേട്ടോ…. ഇൗ ഒരു make up ഉം ഇല്ലാതെ ഇങ്ങനെ സുന്ദരി ആയിരിക്കുന്നത് എങ്ങനെ ആണ്….. എന്തെങ്കിലും രഹസ്യം ഉണ്ടോ… ”

” ഒന്നുമില്ല ഡാ…. കഴിവതും രാസവസ്തു ഉപയോഗിക്കാതെ ഇരിക്കുക…. അത്ര മാത്രം….. ”

അങ്ങനെ ഒരുപാട് നേരം അവളുമായി സംസാരിച്ച് ഇരുന്നു….. എനിക് അവളെ ഒരുപാട് ഇഷ്ടപ്പെട്ടു….. ഒരു പാവം പൊട്ടി പെണ്ണ്….. ഗായത്രി എന്നിൽ നിന്നും കാണിക്കുന്ന അകലത്തിന് എന്തോ സൂര്യ എനിക് ഒരു പരിഹാരമായി…..

” എനിക് ഏടത്തിയെ ഒരുപാട് ഇഷ്ടപ്പെട്ടു….. പാവം ഏട്ടത്തി…. ”

എന്നും പറഞ്ഞു അവള് എന്റെ കവിളിൽ പിച്ചി…..

” എനിക്കും നിന്നെ ഒരുപാട് ഇഷ്ടപ്പെട്ടു….. ”

പെട്ടെന്ന് ആണ് ദേവേട്ടൻ മുറിയിലേക്ക് വന്നത്…..

” ആഹ് ദേവേട്ടൻ വന്നോ എങ്കിൽ ഞാൻ പോകുവാണ്…. ”

എന്നും പറഞ്ഞു എന്നോട് ടാറ്റയും പറഞ്ഞു സൂര്യ പോയി…..

” തനിക്ക് ഡ്രസ്സ് ഇഷ്ടപ്പെട്ടോ….. ”

” മ്മ് ഇഷ്ടായി….. ”

” ഞാൻ ഒന്നു ഡ്രസ്സ് മാറിയിട്ട് വരാം….” എന്നും പറഞ്ഞു ദേവേട്ടൻ ഡ്രസ്സിംഗ് റൂമിലേക് പോയി…..

പെട്ടെന്ന് തന്നെ തിരിച്ച് വന്നു….. ഒരു ഗ്രീൻ സൂട്ട്‌ ആയിരുന്നു ദേവേട്ടൻ ഇട്ടിരുന്നത്….

” ഇതൊക്കെ എപ്പോൾ പോയി എടുത്തു….. ” എന്ന് ഞാൻ ദേവേട്ടനോഡ് ചോദിച്ചു…..

” ഇന്നലെ രാത്രി തന്നെ പോയി എടുത്തു….. നിനക്ക് ഏകദേശ ഒരു ഉദ്ദേശം വെച്ച് എടുത്തത് ആണ്…. പക്ഷേ കറക്റ്റ് ആണ് അല്ലേ…. ”

” അതേ….. ” എന്നും പറഞ്ഞു ഒരു പുഞ്ചിരി നൽകി…..

” വാ താഴേയ്ക്ക് പോവാം…. അവന്മാർ എന്തൊക്കെയോ ഒപ്പികുന്നുണ്ട്…. നമുക്ക് നോക്കാം…. ” എന്നും പറഞ്ഞു ഞങ്ങൾ 2 പേരും കൂടി താഴേയ്ക്ക് പോകാൻ പോയപ്പോൾ ആണ് ദേവേട്ടൻ എന്നെ പിടിച്ച് നിറുത്തിയത്……..

______________

( ദേവൻ )

അവൾക്ക് അത് നന്നായി ഇണങ്ങുന്നുണ്ട്…. ഒരു ചമയങ്ങളുമില്ലാതെ തന്നെ അവള് അതീവ സുന്ദരി ആയിരുന്നു……..

അവളിൽ നിന്ന് കണ്ണെടുക്കാൻ പറ്റുന്നില്ല…..

താഴേയ്ക്ക് പോകാൻ പോയപ്പോൾ ആണ് ഞാൻ മറ്റൊരു കാര്യം ഓർത്തത് അതാണ് അവളെ പിടിച്ച് നിറുത്തിയത്……

” എന്താണ് ” എന്ന അവളുടെ ചോദ്യത്തിന് ഞാൻ മറുപടി പറഞ്ഞില്ല…. പകരം മേശയിൽ ഇരുന്ന സിന്ദൂര ചെപ്പിൽ നിന്നും ഒരു നുള്ള് എടുത്ത് അവളുടെ നെറ്റിയിൽ ചാർത്തി കൊടുത്തു…..

അവള് കണ്ണ് മിഴിച്ച് എന്നെ നോക്കുന്നുണ്ട്……

” കണ്ണ് ഇത്രേം മിഴിക്കണ്ട…. പുറത്തേക്ക് വരും….. ” എന്നും പറഞ്ഞു ഞാൻ ഒരു നുള്ള് കൺമഷി എടുത്ത് അവളുടെ ഇടത്തേ ചെവിയുടെ പുറകിൽ തൊട്ട് കൊടുത്തു…..

” നല്ല സുന്ദരി ആയിട്ടുണ്ട് വെറുതെ കണ്ണ് തട്ടണ്ട…. ” എന്നും പറഞ്ഞു അവളെയും കൂട്ടി താഴേയ്ക്ക് ചെന്നു…..

__________________

( ശ്രീ )

താഴെ ചെന്നപ്പോൾ അച്ഛനും അമ്മയും മുത്തശ്ശിയും ശരത്തും ഒക്കെ എത്തീട്ടുണ്ട്…..

2 മുത്തശ്ശിമാരും കൂടി നല്ല കത്തിയടി ആണ്….. ഭൂമി ഒന്നും ഇളക്കി മറിച്ച് ഇടാതെ ഇരുന്നാൽ മതി😄😄🤣🤣

ഞാൻ നേരെ അവർക്ക് അടുത്തേയ്ക്ക് ചെന്നു…..

” ആഹാ എന്റെ ശ്രീക്കുട്ടി വന്നോ….. ഞാൻ ദെ ഇവളെ പരിചയപ്പെടുക ആയിരുന്നു ” എന്റെ മുത്തശ്ശി ആയിരുന്നു…..അത് പറഞ്ഞത്…..

” 2 പേരും പരിചയപെട്ടുവോ….. ”

” അതേ മോളെ ഞങ്ങൾ പരിചയപെട്ടു…… ദെ നിന്റെ മുത്തശ്ശിക്ക് നിന്നെ കുറിച്ച് പറയുമ്പോൾ നൂറു നാവ് ആണ്….. ”

” പിന്നെ എന്റെ കൊച്ചുമകളുടെ കാര്യം ഞാൻ അല്ലേ പറയണ്ടേ…. എന്റെ കുട്ടി ആണ് ഇവൾ…. ഇവൾ പോന്നതിൽ പിന്നെ അവിടെ ഒറ്റക്ക് ആയത് ഞാൻ ആണ്…. ” എന്നും പറഞ്ഞു മുത്തശ്ശി കണ്ണീർ വാർത്തു…..

” ദെ എന്റെ ദേവു കരയാൻ തുടങ്ങി…… എന്റെ പൊന്നു ദേവു എന്നെ മിക്കവാറും 2 ദിവസം കഴിയുമ്പോൾ ദെ ഇവർ തന്നെ അങ്ങോട്ട് കൊണ്ടുവന്നു ആകികോളും….. എന്റെ കുറുമ്പ് കൊണ്ട്….. ”

” അയ്യട അങ്ങനെ ഞങ്ങൾ വിടാൻ ഉദ്ദേശിക്കുന്നില്ല….. ” എന്നും പറഞ്ഞു ദേവേട്ടന്റെ മുത്തശ്ശിയും വിട്ട് തന്നില്ല……

” ഞാൻ അമ്മമാരുടെ അടുത്ത് പോയിട്ട് വരാം കേട്ടോ….. ”

എന്നും പറഞ്ഞു ഞാൻ നേരെ അമ്മമാരുടെ അടുത്തേയ്ക്ക് ചെന്നു……

അവിടെ അമ്മയും മാലുവമ്മയും അപ്പചിയും ഉണ്ട്…..

ഞാൻ അവരുടെ അടുത്തേയ്ക്ക് ചെന്നു…..

” ആഹാ മോൾ നല്ല സുന്ദരി ആയിട്ട് ഉണ്ടല്ലോ….. മോൾ പറഞ്ഞത് ശെരി ആണ് ഒന്നും വേണ്ട അല്ലാതെ തന്നെ സുന്ദരി ആണ് ” എന്നും പറഞ്ഞു മാലുവമ്മ എന്നെ കൊഞ്ചിച്ചു….

” ശ്രീയുടെ അമ്മക്ക് പറയുന്നത് കൊണ്ട് ഒന്നും തോന്നരുത്….. നിങ്ങളുടെ മൂത്ത മകൾ എന്ത് പാവം ആണ്….. നല്ല കുട്ടിയാണ്….. കുടുംബത്തിൽ പിറന്ന കുട്ടികളുടെ സ്വാഭാവം ആണ്….. നല്ല ഐശ്വര്യം ഉള്ള കുട്ടി….. പക്ഷേ ഇവൾ എന്താ ഇങ്ങനെ…… അയ്യോ….. ഒരു അഹങ്കാരി തന്നെ ആയി പോയല്ലോ ഇവൾ…. നേരത്തെ ഇത്രയും മൂത്ത എന്നോട് പോലും തർക്കുത്തരം പറഞ്ഞു….. ഇത് പോലത്തെ ഒരു സന്തതി ഇത്രയും വലിയ കുടുംബത്തിൽ തന്നെ ജനിച്ചല്ലോ….. ”

അമ്മയുടെ മുഖം ഒക്കെ മാറിയിട്ട് ഉണ്ട്…. അത് അങ്ങനെ ആണല്ലോ…. ഇങ്ങനെ ഒക്കെ തന്റെ മകളെ കുറിച്ച് മറ്റൊരാൾ പറഞ്ഞാല് ഏത് അമ്മക്ക് ആണ് സങ്കടം ആവാതെ ഇരിക്കുന്നത്…..

അമ്മ എന്റെ മുഖത്തേക്ക് ദയനീയമായി നോക്കി….. പാവം…. എനിക് ദേഷ്യം ഇരച്ചു വന്നു……

” നിങ്ങള് എന്റെ മോളുടെ എന്ത് കുറ്റം ആണ് കണ്ടത്…. അവള് എന്തിൽ ആണ് തർക്കുത്തരം പറഞ്ഞത്….. ”

അമ്മയും ദേഷ്യത്തിൽ ആയിട്ടുണ്ട്…….

” അത് അമ്മേ…. നമ്മുടെ….. ”

” മതി ശ്രീ നീ പറയണ്ട….. ഇത്രയും ഇവർ അല്ലേ പറഞ്ഞത്…. ഇവർ തന്നെ പറയട്ടെ….. എന്ത് കാര്യത്തിന് ആണ് അവള് തർക്കുത്തരം പറഞ്ഞത്….. ”

എന്ന് ചോദിച്ച് അപ്പചിക്ക്‌ നേരെ തിരിഞ്ഞു…..

” അത് അവളോട് ഞാൻ നന്നായി ഡ്രസ്സ് ചെയ്യാൻ ഒക്കെ പറഞ്ഞു….. അപ്പോഴാണ് അവള് തർക്കുത്തരം പറഞ്ഞത്….. ”

” അതാണോ മോളെ നടന്നത്….. ” മാലുവമ്മ ആണ് അത് ചോദിച്ചത്…..

” അല്ല അമ്മേ….. ഞാൻ നന്നായി ഒരുങ്ങാതത് എന്റെ കുടുംബം നല്ലത് അല്ലാത്തത് കൊണ്ടാണ് എന്നൊക്കെ ആണ് പറഞ്ഞത്…. എന്റെ കുടുംബത്തിനെ……”

പറഞ്ഞു തീർക്കുന്നതിന് മുമ്പേ എന്റെ തോളിൽ കൈ ചേർത്ത് അതിനൊരു നല്ല മറുപടി കൊടുത്തിരുന്നു……

” അല്ലെങ്കിലും കുടുംബത്തിനെ പറ്റി മോശം പറഞാൽ ആരായാലും തിരിച്ച് പറഞ്ഞിരിക്കും….. അത് ഞങ്ങളുടെ കുടുംബ മഹിമ….. ”

ശബ്ദത്തിൽ നിന്നും പറഞ്ഞ ആളെ ഞാൻ തിരിച്ചറിഞ്ഞു…… എന്റെ ചുണ്ടിൽ ഒരു പുഞ്ചിരി വിടർന്നു……

എല്ലാ പെൺകുട്ടികളുടെയും സൂപ്പർ ഹീറോ…..

🔥അച്ഛൻ🔥

( തുടരും )

മുൻഭാഗങ്ങൾക്കായി ഈ ലിങ്കിൽ പോവുക

Ettante kanthaari യുടെ മറ്റു നോവലുകൾ

അനുരാഗ്

ഇവിടെ കൂടുതൽ വായിക്കുക

അക്ഷരത്താളുകൾ പ്രസിദ്ധീകരിച്ച എല്ലാ നോവലുകളും വായിക്കുക

അക്ഷരത്താളുകൾ പ്രസിദ്ധീകരിച്ച എല്ലാ കഥകളും വായിക്കുക

Title: Read Online Malayalam Novel Indrabaala written by Ettante kanthaari

5/5 - (2 votes)

💙 ഇന്ദ്രബാല 💙 77 Last part

💙 ഇന്ദ്രബാല 💙 76

💙 ഇന്ദ്രബാല 💙 75

💙 ഇന്ദ്രബാല 💙 74

About Author

ഏട്ടന്റെ കാന്താരി

See author's posts

Unlock Your Imagination: Start Generating Stories Now! Generate Stories

Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook

Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now

©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission