💙 ഇന്ദ്രബാല 💙 26

✍️💞… Ettante kanthaari…💞

( ശ്രീ )

വീട്ടിലുള്ള എല്ലാവർക്കും ഏട്ടൻ ഡ്രസ്സ് എടുത്തു….. ഇതൊക്കെ കാണുമ്പോൾ ശെരിക്കും ഏട്ടൻ എന്നെ സ്നേഹിക്കുന്നു എന്ന് തോന്നും….. പക്ഷേ ആദി അവൻ വരുമ്പോൾ മാത്രം എന്താ ഒരു മാറ്റം……

ഒന്നും മനസിലാവുന്നില്ല….. കണ്ടുപിടിക്കണം എല്ലാം🙄

വീട്ടിലുള്ളവർക്ക് മാത്രമല്ലാതെ കൊറേ ഡ്രസ്സ് എടുത്ത്….. അതാർക്കാണ് എന്ന് മനസിലായില്ല…….

ഞാൻ അതിനെ കുറിച്ച് ചോദിക്കാനും പോയില്ല……

” നിനക്ക് എന്തെങ്കിലും എടുക്കാൻ ഉണ്ടോ…. ” – ദേവൻ

” വേണ്ട….. ” – ശ്രീ

എന്ന് പറഞ്ഞതും ദേവേട്ടൻ നേരെ ബില്ല് പേ ചെയ്യാൻ പോയി….. അതൊരു ടെക്സ്റ്റൈൽസ് മാത്രം അല്ലായിരുന്നു…. ഒരു ജുവലറി കൂടി ആയിരുന്നു…… അവിടെ ഉണ്ടായിരുന്ന ഒരു കൊലുസ് എന്ത് കൊണ്ടോ എന്റെ കണ്ണിൽ പതിഞ്ഞു….. അതിനോട് വല്ലാത്ത ഒരു ഇഷ്ടം തോന്നി….. സ്വർണ്ണ കൊലുസ്സിൽ ഇന്ദ്രനീല കല്ല് പതിപ്പിച്ച അത് വളരെ മനോഹരമായിരുന്നു……

കണ്ണിൽ ഉടക്കി എങ്കിലും അന്നേരം കൈയിൽ പണം ഇല്ലാതെ ഇരുന്നത് കൊണ്ട് ഞാൻ അതിലേക്കു കൂടുതൽ നോക്കിയില്ല…….

ദേവേട്ടനോട് ചോദിക്കാമായിരുന്നു….. പക്ഷേ അതിനും മാത്രം ബന്ധം ഞങ്ങൾ തമ്മിൽ ഇല്ലല്ലോ…… മറ്റുള്ളവർക്ക് ഞങ്ങൾ സ്നേഹനിധികളായ ഭാര്യ ഭർത്താക്കൻമാർ ആണെങ്കിലും അതിൽ ഒരു കഴമ്പും ഇല്ല എന്ന് ഞങ്ങൾക്ക് അല്ലേ അറിയൂ…..

ഞാൻ വേഗം കാറിൽ കയറി ഇരുന്നു….. എനിക് പുറകെ തന്നെ ദേവെട്ടനും വന്നു….. കവറുകൾ ഒക്കെ കാറിൽ വെച്ചു…..

” നീ ഇവിടെ ഇരിക്ക് ഞാൻ ഇപ്പോ വരാം…… ” – ദേവൻ

എന്നും പറഞ്ഞു പോയി….. ഞാൻ ഉടനെ കാറിൽ തല വെച്ച് കിടന്നു…..

പെട്ടെന്ന് മനസ്സിലേക്ക് പഴയ കാര്യങ്ങള് ഓടി വന്നു……

ആദ്യമൊക്കെ എനിക് ലഭിക്കുന്ന കത്തുകൾ എനിക് കൗതുകം ആയപ്പോൾ പിന്നീട് അത് എന്റെ ജീവന്റെ തുടിപ്പ് ആയി മാറുവാൻ തുടങ്ങി…..

എല്ലാ ഇടവും ഞാൻ കത്തുകൾക്ക്‌ വേണ്ടി തിരയുവാൻ തുടങ്ങി….. ഒന്നുപോലും എന്നിൽ നിന്ന് നഷ്ടപെട്ടു പോകരുത് എന്ന ദൃഢനിശ്ചയത്തോടെ…..

അത് വെക്കുന്ന ആളെ കണ്ടെത്തുവാൻ ഒരുപാട് ശ്രമം നടത്തി എങ്കിലും അതൊന്നും ഫലം കണ്ടില്ല……

അങ്ങനെ കോളജിലെ ആർട്സ് വീക്‌ വന്നെത്തി….. ചിലങ്ക എന്റെ ജീവനും ഓർഗൺ എന്റെ ശ്വാസവും ആയതിനാൽ അത് എനിക് ഒരു ആഘോഷം തന്നെ ആയിരുന്നു……

കോളജിൽ വളരെ പെട്ടെന്ന് ഒരു പേര് ഉണ്ടാകി എടുക്കാൻ ഇൗ കഴിവുകൾക്ക് സാധിച്ചു…..

അങ്ങനെ ആർട്സ് വീകിൽ 2 ദിവസം ആയിട്ട് ആയിരുന്നു എന്റെ പരിപാടികൾ…… രണ്ടാം ദിനം നൃത്തവും മൂന്നാം ദിനം ഓർഗൻ വായന എന്ന ക്രമത്തിൽ ആയിരുന്നു……

ഞാൻ വളരെ സന്തോഷവതി ആയിരുന്നു…… പരിപാടി ഉണ്ടെന്നതിൽ ഉപരി എന്നെ തേടി എത്തുന്ന എഴുത്തുകൾ ആയിരുന്നു എന്നെ കൂടുതൽ സന്തോഷിപ്പിചത്…….

രണ്ടാം ദിവസത്തെ ഡാൻസ് കഴിഞ്ഞ് തിരിച്ച് റൂമിൽ എത്തിയപ്പോൾ തന്നെ ആദ്യം കണ്ണിൽ ഉടകിയത് കണ്ണാടിയുടെ താഴെ വെച്ചിരിക്കുന്ന ഒരു തുണ്ട് കടലാസിലേക് ആണ്……

അതിവേഗം ഞാൻ അതിനടുത്തേക് പാഞ്ഞ് എത്തി……

പക്ഷേ എന്നെക്കാൾ മുന്നേ അത് അമ്മു കൈകലാകിയിരുന്ന്…..

” ഡീ കളിക്കല്ലെ…. അത് ഇങ്ങ് തന്നെ…… ” – ശ്രീ

” എന്റെ ശ്രീ കൊച്ചെ ഞാൻ ഇത് തിന്നാൻ ഒന്നും പോകുന്നില്ല…… ആള് ആരാണെന്ന് അറിയാൻ ഒരു ധ്വര അത്രേ ഉള്ളൂ….. ” – അമ്മു

” എന്നിട്ട് പേര് ഉണ്ടോ അമ്മു…. ” – ശ്രീ

” ഇല്ലട…… ഇൗ വട്ടവും പേര് ഇല്ല….. ” – അമ്മു

അവള് പറയുന്നത് കേട്ടപ്പോൾ ഉള്ളിൽ ഒരു നോവ് ഉണർന്നു….. മാസം ആറായി ഇങ്ങനെ എഴുത്ത് ലഭിക്കുന്നത്….. പക്ഷേ ഇന്നേവരെ ആരാണ് എന്ന് അറിയാൻ പറ്റിയിട്ടില്ല….. കൈയക്ഷരം നോക്കാം എന്ന് വിചാരിച്ചാൽ സംശയം തോന്നതക്ക രീതിയിൽ ആരുമില്ല….. കോളജിൽ ഒന്നു രണ്ടു പേര് പുറകെ നടക്കുന്നുണ്ട് എങ്കിലും അവരാരും അല്ല ഇതെന്ന് എനിക് ഉറപ്പായിരുന്നു……

കാരണം ആ എഴുത്തിലെ പ്രണയത്തിൻ തീക്ഷണത ഒരാളുടെ കണ്ണിൽ പോലും ഞാൻ കണ്ടിട്ട് ഇല്ല എന്നത് തന്നെ……

” എന്തായാലും നീ അത് വായിച്ച് നോക്ക് ശ്രീ….ചിലപ്പോൾ ക്ലൂ കിട്ടിയാലോ….. ” – അമ്മു

ഞാൻ ഉടനെ അത് തുറന്നു വായിച്ചു……

* ബാലേ………

നൃത്തത്തിൽ നിന്റെ ഓരോ മാറ്റവും ഒരു കൊച്ചു കുഞ്ഞിന്റെ ലാഘവത്തോടെ ആണ് ഞാൻ കാണുന്നത്….. കാരണം അവിടെ ഞാൻ കാണുന്നത് നിന്നെയാണ് നിന്നെ മാത്രം…. അതിൽ നിന്റെ നൃത്തമോ മുഖഭാവങ്ങളോ ഒന്നും എന്റെ കണ്ണിൽ പതിയുന്നില്ല….. പകരം അവിടെ നീ മാത്രം….. എൻ പ്രണയം മാത്രം…… എൻ പ്രണയം നീയിൽ തുടങ്ങി നിന്നിൽ അവസാനിക്കുന്നു ബാലെ…… പ്രണയത്തിൻ പ്രതീകമായ റോസാപുഷ്പത്തേ പോലും അമ്പരപ്പിക്കുന്ന രീതിയിൽ അത്രമാത്രം നീ എന്നിലേക്ക് ആർന്നിറങ്ങിയിരിക്കുന്നു…… ആകാശത്തെയും അതിലുള്ള സൂര്യചന്ദ്ര നക്ഷത്രാധികളെയും ഒക്കെ ആശ്ചര്യപ്പെടുത്തുന്ന രീതിയിൽ നീ എന്റെ മാത്രം ആവാൻ കൊതിക്കുന്നു ബാലേ ഞാൻ…… എന്നും എന്റെ മാത്രമായി……. എന്റെ മാത്രം ബാലയായി……. 💙💙💙💙

എന്ന് ബാലയുടെ സ്വന്തം 💙 *

” എന്തുപറ്റി ശ്രീ വയ്യേ…. എന്താ കിടക്കുന്നത്….. ” – ദേവൻ

ദേവേട്ടന്റെ ശബ്ദം ആണ് എന്നെ ചിന്തയിൽ നിന്ന് ഉണർത്തിയത്……

” ഒന്നുമില്ല ഞാൻ ചുമ്മാ……. ” – ശ്രീ

വേഗം ദേവേട്ടൻ കൊറേ കവറുകൾ അവിടെ വെച്ചു…..

” കുറച്ച് പലഹാരങ്ങൾ ആണ്….. ” – ദേവൻ

ഞങ്ങൾ അവിടുന്ന് നേരെ പോയത് വീട്ടിലേക്ക് ആണ്…..

ഞങ്ങൾ അവിടെ എത്തിയതും കണ്ടത് വീട്ടിലേക്ക് കയറുന്ന ജിത്തു ഏട്ടനും ലച്ചുവേച്ചിയെയും ആണ്…..

” ആ മക്കളും വന്നോ….. ” – അമ്മ

” ആഹാ നിങ്ങളും എത്തിയോ…. നിങ്ങള് താമസിച്ച് വരുക ഉള്ളൂ എന്ന് പറഞ്ഞിട്ട്….. ” – ലച്ചു

” അതൊക്കെ കഴിഞ്ഞ്…. അപ്പോ ഇങ്ങ് പോന്നു….. ” – ദേവൻ

ഞാൻ വേഗം തന്നെ അച്ഛന്റെ അടുത്തേയ്ക്ക് ഓടി…..

” അഛേ…….. ” – ശ്രീ

” ആ ദെ അവൾക്ക് അച്ഛനെ കിട്ടിയപ്പോൾ മറ്റാരെയും വേണ്ട….. മോനെ ദേവാ നീ കേറി വാ…. നിങ്ങളും വാ” – അമ്മ

Hot New Releases in Books

എന്നും പറഞ്ഞു അവരൊക്കെ അകത്തേക്ക് പോയി……

” മോളെ കൈയിൽ എന്തുപറ്റി…. ” – അച്ഛൻ

” അത് അഛേ ഒരു ഗ്ലാസ്സ് പൊട്ടിയത് ആണ്….. പിന്നെ അഛേ ഇതാ ദേവെട്ടന്റെ ജാതകം ആണ്….. ” – ശ്രീ

” ആ ശെരി മോൾ വാ….. ” – അച്ഛൻ

എന്നും പറഞ്ഞു ഞങ്ങൾ അകത്തേക്ക് കയറി…..

___________________

( ദേവൻ )

വീട്ടിൽ വന്നപ്പോൾ തന്നെ അവള് അച്ഛന്റെ അടുത്തേയ്ക്ക് പോയി….. ഞാൻ എന്നൊരു വ്യക്തി ഉണ്ട് എന്ന് കൂടി അവള് നോക്കുന്നില്ല🙄🙄🙄🙄

ഞാൻ ഉടനെ അച്ഛനും അമ്മക്കും മുത്തശ്ശിക്കും ഉള്ള ഡ്രസ്സ് ഒക്കെ എടുത്ത് അകത്തേക്ക് കയറി….. അതിനു പുറകെ തന്നെ അവരും വന്നു…..

ഞാൻ ഉടനെ അവളുടെ അടുത്ത് ചെന്ന് അവളുടെ കൈയിൽ അതൊക്കെ കൊടുത്തു…..

മുത്തശ്ശിക്ക് ഉള്ള ഡ്രസ്സ് ഞാൻ കൊടുത്തു….. അവള് അച്ഛനും അമ്മക്കും കൊടുത്തു…..

അപ്പോ തന്നെ ഏട്ടനും ഏടത്തിയും എന്തൊക്കെയോ കൊടുത്തു…..

” നിങ്ങള് എന്തിനാ മക്കളെ ഇതൊക്കെ വാങ്ങിയത്….. ” – മുത്തശ്ശി

” ചുമ്മാ ഒരു സന്തോഷത്തിന്…. അത്രേ ഉള്ളൂ ദേവൂട്ടി…… ” – ദേവൻ

എന്നും പറഞ്ഞു ഞാൻ മുത്തശ്ശിയുടെ കവിളിൽ പിച്ചി…..

” മക്കൾ ഇരിക്ക് ചായ കുടിക്കാം….. ” – അമ്മ

” വേണ്ടാമ്മേ….. ഞങ്ങൾ 4 പേരും കുടിച്ചിട്ട് ആണ് ഇറങ്ങിയത്….. ” – ജിത്തു

” എങ്കിൽ ശ്രീ ലച്ചു ഇവരെ മുറിയിലേക്ക് കൊണ്ടുപോ….. ” – അച്ഛൻ

അവള് ഉടനെ എന്നെയും കൊണ്ട് മുറിയിലേക്ക് പോയി…. നല്ല അടുക്കും ചിട്ടയും ഉള്ള മുറി…..

മുറിയോട് ചേർന്ന് ഒരു ബാൽക്കണി ഉം ഉണ്ട്…. ശെരിക്കും എന്റെ മുറി പോലെ ഒക്കെ തന്നെയുണ്ട്….. നല്ല വയാനശീലം ഉണ്ട് അവൾക്ക് അത് എനിക് നേരത്തെ അറിയാം….

മുറിയിൽ വന്ന ഉടനെ അവള് ഒരു ഡ്രസ്സ് എടുത്ത് ബാത്ത്റൂമിലേക് പോയി…..

ഞാൻ ഉടനെ ആ പുസ്തകങ്ങളെ ഒക്കെ നോക്കി….. മിക്യതും നോവലുകൾ ആണ്….. അവയൊക്കെ നോക്കി കൊണ്ട് ഇരിക്കുമ്പോൾ ആണ് അതിന്റെ മൂലയിൽ ഒരു ചെപ്പ് ഇരിക്കുന്നത് കണ്ടത്….. അതെടുത്ത് തുറന്നതും കണ്ണിൽ ആദ്യം പതിഞ്ഞത് ഒരു കുഞ്ഞു മാല ആണ്….. ഒരു വെള്ള പെണ്ടെന്‍റ്….. അതിൽ ഒരു നീല കല്ല് പതിപ്പിച്ച ലോക്കറ്റ്…..അവളുടെ പിറന്നാളിന് ഞാൻ സമ്മാനിച്ചത്….. അവളറിയാതെ……..

പെട്ടെന്ന് ആണ് ബാത്ത്റൂമിന്റെ വാതിൽ തുറന്നത്….. ഞാൻ ഉടനെ അത് അവിടെ വെച്ചു…

” ദേവേട്ടൻ എന്ത് ചെയ്യുകയാണ് അവിടെ….. ” – ശ്രീ

” ഒന്നുമില്ല….. ഞാൻ ഇൗ പുസ്തകങ്ങൾ ഒക്കെ….. ” – ദേവൻ

” ഞാൻ ഒന്നു മുത്തശ്ശിയുടെ അടുത്തേയ്ക്ക് ചെല്ലട്ടെ….. ദേവേട്ടൻ വരുന്നുണ്ടോ…… ” – ശ്രീ

” ഇല്ല നീ പോയി വാ….. ” – ദേവൻ

അവള് ഉടനെ പുറത്തേക് പോയി…..

ഞാൻ നേരെ ബാൽക്കണി യിലേക്ക് ചെന്നു….. അവിടെ ഒരു ഊഞ്ഞാൽ ഉണ്ട്…. അവിടേക്ക് പടർന്നു പന്തലിച്ചു നിൽക്കുന്ന ഒരു മുല്ല വള്ളിയും ഉണ്ട്….. ശെരിക്കും വളരെ മനോഹരമാണ്…..

ഞാൻ വേഗം ആ ഊഞ്ഞാലിൽ ഇരുന്നു….. പതിയെ ആടി…. അതിനൊപ്പം ഒരു തെന്നൽ എന്നിലൂടെ കടന്നു പോയിരുന്നു…… ആ തെന്നലിനു മുല്ലപ്പൂവിന്റെ ഗന്ധം ആയിരുന്നു….. എന്റെ ബാലയുടെ ഗന്ധം…..

അവൻ പതിയെ ബാലയുടെ ഓർമകളിലേക്ക് ചേക്കേറി……

നല്ല ഉള്ള് ഉള്ള നീണ്ട ഇടതൂർന്ന മുടിയിഴകൾ ആണ് അവൾക്ക്….. അതിനു കാച്ചിയ എണ്ണയുടെയും തുളസിയുടെയും മുല്ലപ്പൂവിന്റെയും ഗന്ധം ആണ്……

അവള് അടുത്ത് വരുമ്പോഴേ ആ മുല്ലപ്പൂവിന്റെ ഗന്ധം നാസിക തുമ്പിലേക് കയറും….. വല്ലാത്ത ഒരു അനുഭൂതി ആണ് അത്…..

പലപ്പോഴും അവളറിയാതെ…… ആ ഗന്ധത്തിൻ ഉന്മാദം ആസ്വദിച്ച് ഞാൻ നിന്നിട്ട് ഉണ്ട്….. അവളറിയാതെ……

അവളുടെ പിറന്നാളിന് ഞാൻ സമ്മാനിച്ചത് ആണ് ആ ഇന്ദ്രനീല കല്ല് പതിപ്പിച്ച പെണ്ടെന്റ്‌…. അത് അവളുടെ കഴുത്തിൽ ചേർന്ന് കിടക്കുന്നത് കാണാൻ ഒരു വല്ലാത്ത ഭംഗി ആയിരുന്നു……

അവളുടെ പിറന്നാളിന് എന്ത് വാങ്ങും എന്ന് ഒരുപാട് ആലോചിച്ചു പക്ഷേ അതിനു ഒരു ഉത്തരവും കിട്ടാതെ ആയപ്പോൾ ചുമ്മാ ഒരു കടയിലേക്ക് കയറിയത് ആണ്…. അപ്പോഴാണ് അത് എന്റെ കണ്ണിൽ പെട്ടത്…. എനിക് അറിയാം…. ഇന്ന് നിന്റെ കണ്ണ് ആ കൊലുസിൽ പതിഞ്ഞത് അത് ഓർത്തിട്ട് ആകുമെന്ന്….

അന്ന് ആ സമ്മാനം കണ്ടപ്പോൾ നിന്റെ കണ്ണുകൾ ആശ്ചര്യത്താൽ വിടരുന്നത് ഞാൻ കണ്ടിരുന്നു….. നീയറിയാതെ…..

അന്ന് ഞാൻ തീരുമാനിച്ചത് ആണ് നീ എന്ന എന്റെ ബാല ഇൗ ഇന്ദ്രനിൽ അലിയുവാൻ ഉള്ളത് ആണെന്ന്💙💙💙

പക്ഷേ ഇപ്പോഴും എനിക് മനസിലാവാത്ത ഒരു കാര്യം…… നീ ഇത്ര മാത്രം അതിനെ പ്രണയിച്ചിരുന്നു എങ്കിൽ എന്ത് കൊണ്ട്….. എന്ത് കൊണ്ട്….. ആദിയെ……

” ദേവേട്ടാ…. കഴിക്കാൻ ആയി…. വരൂ…… ഭക്ഷണം എടുത്തു…. താഴെ എല്ലാവരും വെയ്റ്റ് ചെയ്യുക ആണ്….. ” – ശ്രീ

അവളുടെ വിളി ആണ് എന്നെ ചിന്തയിൽ നിന്ന് ഉണർത്തിയത്……

” ആ ദെ വരുന്നു…. ” – ദേവൻ

എന്നും പറഞ്ഞു ഞാൻ അവൾക്ക് ഒപ്പം താഴേയ്ക്ക് ചെന്നു…..

എല്ലാവരും ഭയങ്കര സന്തോഷത്തിൽ ആണ്…..

” എന്റെ അമ്മേ….ഇത് ഒരുപാട് വിഭവങ്ങൾ ഉണ്ടല്ലോ…. ” – ജിത്തു

” ഇന്നലെ രാത്രി മുതൽ തുടങ്ങിയ പണി ആണ്….. സദ്യ തന്നെ ആണ് ഒരുക്കിയിരിക്കുന്നത്…. ” – മുത്തശ്ശി

” മക്കൾ കഴിച്ചിട്ട് അഭിപ്രായം പറ…. ” – അമ്മ

ഞങ്ങൾ കഴിച്ചു വളരെ സ്വാദിഷ്ടമായ ഭക്ഷണം ആയിരുന്നു…..

” അമ്മേ കറികൾ ഒക്കെ അടിപൊളി ആണ്….. പറയാതെ ഇരിക്കാൻ വയ്യ…. ഇൗ തോരനും പുളിശ്ശേരി യും ഒക്കെ…. എന്റെ പൊന്നോ…. ” – ജിത്തു

” മോനെ നീ ഒന്നും പറഞ്ഞില്ല….. ” – അമ്മ

” അമ്മേ കഴിച്ച് തീരട്ടെ…. അതിന്റെ രുചി ആസ്വദിച്ച് കഴിക്കട്ടെ….. ” – ദേവൻ

അമ്മയുടെ മനം നിറയുന്നത് മുഖത്ത് വിരിയുന്ന പുഞ്ചിരിയിലൂടെ മനസിലായി….. 😊

” മോനെ വൈകിട്ട് തിരുമേനിയുടെ അടുത്ത് ഒന്നു പോവണം….. ” – അച്ഛൻ

” ഞങ്ങൾ വരണോ അച്ഛാ….. “. – ശ്രീ

” വേണ്ട മോളെ…. ഞാനും മുത്തശ്ശിയും കൂടി പോയികോളാം….. ” – അച്ഛൻ

” ശെരി അച്ഛാ…. ” – ശ്രീ

” വൈകിട്ട് നിങ്ങള് എവിടെ എങ്കിലും ഒന്നു കറങ്ങാൻ പോയിട്ട് വാ…..” – മുത്തശ്ശി

” ശെരി മുത്തശ്ശി….. ” – ലച്ചു

__________________

( ശ്രീ )

ദേവേട്ടൻ എല്ലാവരോടും നന്നായി ആണ് നില്കുന്നത്….. എല്ലാവർക്കും ദേവേട്ടനേ ഒരുപാട് ഇഷ്ടമാണ്…. മുത്തശ്ശിക്ക് ദേവെട്ടനെ ജീവൻ ആണ്….. ദേവെട്ടനെ മുറിയിൽ ഇരുത്തി ഞാൻ മുത്തശ്ശിയുടെ അടുത്ത് ചെന്ന് കുറച്ച് നേരം മടിയിൽ കിടന്നു…. അന്നേരം ഒക്കെ മുത്തശ്ശിക്ക് ചോദിക്കാൻ ഉണ്ടായിരുന്നത് ദേവെട്ടന്റെ കാര്യം ആയിരുന്നു…..

ഇനി നാളെ ദേവെട്ടനെ നഷ്ടപ്പെട്ടാൽ അത് സഹിക്കുമോ ഇവിടെ ഉള്ളവർക്ക് ഒക്കെ അത് ആലോചിക്കുമ്പോൾ ആണ് ഒരു സങ്കടം😔

ഭക്ഷണം കഴിഞ്ഞ് റൂമിൽ എത്തിയപ്പോൾ ദേവേട്ടൻ ഡ്രസ്സ് മാറുക ആയിരുന്നു…..

” എങ്ങോട്ട് ആണ്….. ” – ശ്രീ

” ഞാൻ മാത്രമല്ല നീയും ഉണ്ട്…. നമുക്ക് ഒരു വീട്ടിൽ പോവാൻ ഉണ്ട്…. ” – ദേവൻ

” ശെരി… ” – ശ്രീ

എന്നും പറഞ്ഞു ഞാൻ വേഗം ഡ്രസ്സ് മാറി ചെന്നു…… എല്ലാവരോടും പറഞ്ഞു ഞങൾ വീട്ടിൽ നിന്ന് ഇറങ്ങി…. കാറിൽ കയറി…..

വണ്ടി നേരെ ചെന്ന് നിന്നത് ഒരു പഴക്കമുള്ള ചെറിയ വീടിന്റെ മുന്നിൽ ആണ്……

( തുടരും )

മുൻഭാഗങ്ങൾക്കായി ഈ ലിങ്കിൽ പോവുക

Ettante kanthaari യുടെ മറ്റു നോവലുകൾ

അനുരാഗ്

ഇവിടെ കൂടുതൽ വായിക്കുക

അക്ഷരത്താളുകൾ പ്രസിദ്ധീകരിച്ച എല്ലാ നോവലുകളും വായിക്കുക

അക്ഷരത്താളുകൾ പ്രസിദ്ധീകരിച്ച എല്ലാ കഥകളും വായിക്കുക

Title: Read Online Malayalam Novel Indrabaala written by Ettante kanthaari

5/5 - (1 vote)

💙 ഇന്ദ്രബാല 💙 77 Last part

💙 ഇന്ദ്രബാല 💙 76

💙 ഇന്ദ്രബാല 💙 75

💙 ഇന്ദ്രബാല 💙 74

About Author

ഏട്ടന്റെ കാന്താരി

See author's posts

Unlock Your Imagination: Start Generating Stories Now! Generate Stories

Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook

Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now

©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission