ഞായറാഴ്ച രാവിലെ പത്തു മണിയാകുമ്പോൾ ആദർശും ജഗനാഥനും രാജലക്ഷ്മിയും അനാമികയുടെ വീട്ടിലെത്തി ..
ഒറ്റ നിലയെങ്കിലും സാമാന്യം നല്ലൊരു വീടായിരുന്നു ചന്ദ്രത്ത് വീട് ..
സ്വീകരണമുറിയിൽ ഇരിക്കുമ്പോഴും ആദർശിന്റെ മുഖം മ്ലാനമായിരുന്നു …
“ഇവിടെ ഇപ്പോ ഞാനും ദേവിയും മത്രേയുള്ളു. … അനു സിറ്റിയിലാണല്ലോ ..”
അനാമികയുടെ അച്ഛൻ ഗോപൻ പറഞ്ഞു …
അദ്ദേഹം ഒരു സാധു മനുഷ്യനാണെന്ന് ജഗനാഥനു തോന്നി …
അകത്തെ വാതിലിന്റെ വിരി വകഞ്ഞു മാറ്റി ഒരു വീൽചെയർ കടന്നു വന്നു … അതിൽ ഒരു സ്ത്രീയായിരുന്നു..ഒപ്പം മറ്റൊരു സ്ത്രീയും …
രണ്ടു പേരും ചിരിച്ചു കൊണ്ട് അവരെ സമീപിച്ചു …
“ഇതാണ് എന്റെ ഭാര്യ ദേവി … ആറു കൊല്ലമായി അവൾ വീൽ ചെയറിലാണ് … മറ്റെത് എന്റെ സഹോദരി ..അംബിക … തൊട്ടടുത്തു തന്നെയാണ് താമസം … ഇതൊക്കെയാണ് ഞങ്ങളുടെ ഒരു പശ്ചാത്തലം … “
രാജലക്ഷ്മിയും ജഗനാഥനും പുഞ്ചിരിച്ചു ….
രണ്ടു മുഖങ്ങളിലും അത്യപ്തിയൊന്നും ഇല്ലെന്ന് ഗോപൻ ശ്രദ്ധിച്ചു …
“മോളെ വിളിക്ക് ദേവി …..” ഗോപൻ പറഞ്ഞു…
വാതിൽ കടന്നു വരുന്ന മയിൽ പീലി വർണത്തിലെ ചുരിദാർ ധരിച്ച മെലിഞ്ഞ ആ പെൺകുട്ടിയിലായിരുന്നു എല്ലാവരുടെയും കണ്ണുകൾ …
അവൾ ചായ കൊണ്ടുവന്നു ആദർശിനും ജഗനാഥനും രാജലക്ഷ്മിക്കും ഗോപനും നൽകി …
രാജലക്ഷ്മിയുടെ മനം നിറഞ്ഞിരുന്നു …
ഫോട്ടോയിൽ കാണുന്നതിനേക്കാൾ സുന്ദരിയാണവൾ …
ആദർശ് പക്ഷെ അവളുടെ മുഖത്തു പോലും നോക്കിയില്ല …
“എത്രയും പെട്ടെന്ന് തന്നെ വിവാഹം നടത്തണമെന്നാണ് ഞങ്ങളുടെ ആഗ്രഹം ….” ജഗനാഥൻ പറഞ്ഞു …
എല്ലാവരുടെയും മുഖം തെളിഞ്ഞു …
”ഞങ്ങൾക്കു വിരോധമില്ല … പിന്നെ വലിയ രീതിയിൽ സ്ത്രീധനം നൽകാനൊന്നും ഞങ്ങൾക്ക് കഴിയില്ല .. ഉള്ളതൊക്കെ അവൾക്കാ ..ആണായിട്ടും പെണ്ണായിട്ടും ഞങ്ങൾക്ക് അവൾ മാത്രമേയുള്ളു … ” ഗോപൻ തുറന്നു പറഞ്ഞു …
രാജലക്ഷ്മിയും ജഗനാഥനും പുഞ്ചിരിച്ചു …
“ഞങ്ങൾക്ക് ഒന്നും വേണ്ട … ” പറഞ്ഞു കൊണ്ട് രാജലക്ഷ്മി എഴുന്നേറ്റ് അനാമികയുടെ അടുത്തേക്ക് ചെന്നു ..
അവളെ ചേർത്തു പിടിച്ചു കൊണ്ട് എല്ലാവരോടുമായി പറഞ്ഞു …
” ദേ ഈ മോളെ എന്റെ മകനിങ്ങു തന്നാൽ മതി ….”
എല്ലാവരും ചിരിച്ചു …. ദേവിയുടെ കണ്ണുകൾ നിറഞ്ഞു …
“അതേ …. പിന്നെ ഒറ്റ ആഗ്രഹമേയുള്ളു കല്യാണം ആർഭാടമായി തന്നെ നടത്തണം … ” ജഗനാഥൻ പറഞ്ഞു ..
” അതിനൊരു കുറവും വരില്ല .. ഈ വീട്ടിലെ ഒരേയൊരു വിവാഹമാണ് … “
“മോളിപ്പോൾ എഡ്യൂക്കേഷൻ ഡിപ്പാർട്ട്മെന്റിലല്ലേ.. ” രാജലക്ഷ്മി ചോദിച്ചു ….
” അതേ അമ്മേ …..” അവൾ പറഞ്ഞു …
സ്നേഹ സംഭാഷണങ്ങളും വിവാഹത്തെ കുറിച്ചുള്ള ചർച്ചകളും നടന്നു …
ഒടുവിൽ നാളെ തന്നെ പോയി ദിവസം കുറിക്കാമെന്ന് ധാരണയായി…
അവർ പോകാനിറങ്ങിയപ്പോൾ മറ്റുള്ളവർ പൂമുഖം വരെ അവരെ അനുകമിച്ചു …
കാറിൽ കയറാൻ നേരം ആദർശ് പൂമുഖത്തേക്കൊന്നു പാളി നോക്കി …
ഉരുളൻ തുണിനരികിലായി നിന്ന അനാമികയുടെ മുഖത്തേക്ക് അവന്റെ കണ്ണുകൾ പതിഞ്ഞു …
എന്തുകൊണ്ടോ ആ മുഖത്തു നിന്നും കണ്ണുകൾ പിൻവലിക്കാൻ അവനു തോന്നിയില്ല …
നേർത്തൊരു പുഞ്ചിരി സമ്മാനിച്ച് അവൻ ഡ്രൈവിംഗ് സീറ്റിലേക്ക് കയറി …
കാർ തിരിച്ച് ഗേറ്റിലേക്കിറക്കുമ്പോൾ ഒരിക്കൽക്കൂടി പൂമുഖത്തേക്ക് നോക്കാതിരിക്കാൻ അവനായില്ല …
കണ്ണുകളിൽ ശുഭയാത്രയൊളിപ്പിച്ച് നേർത്തൊരു പുഞ്ചിരി അവനും കണ്ടു …
* * * * * * * * * ** ** * * * * * * * * *
ചിങ്ങം ആറിന് രാവിലെ പത്ത് മുപ്പതിനും പതിനൊന്നിനും ഇടയിലുള്ള ശുഭമുഹുർത്തമാണ് കുറിച്ചു കിട്ടിയത് ..
പിന്നീട് കല്യാണലെറ്റർ പ്രിൻറ് ചെയ്യുക , കല്യാണം വിളിക്കുക തുടങ്ങിയ ഭാരിച്ച ജോലികൾ ഇരു വീടുകളിലും തകൃതിയായി നടന്നു …
വിവാഹത്തിന് പത്ത് ദിവസം മുൻപ് ഐശ്വര്യയും വിവേകും കുഞ്ഞും നാട്ടിലെത്തുമെന്ന് അറിയിച്ചു ..
വിവാഹത്തോടനുബദ്ധിച്ച് രണ്ടാഴ്ച ലീവെടുക്കേണ്ടതിനാൽ അനാമിക തിരക്കുകളിലായിരുന്നു …
ഒപ്പം താമസിക്കുന്ന ഗസ്റ്റ് ഹൗസും വെക്കേറ്റ് ചെയ്യാൻ തീരുമാനിച്ചു. ..
ആദർശിന്റെ വീട്ടിൽ നിന്ന് വരാവുന്ന ദൂരമേയുള്ളു എന്നത് ഒരാശ്വാസമായിരുന്നു …
ഒറ്റക്കുള്ള താമസവും ഫുഡും അവൾക്ക് വല്ലാതെ മുഷിഞ്ഞു തുടങ്ങിയിരുന്നു …..
ഐശ്വര്യയും വിവേകും കുഞ്ഞും കൂടി നാട്ടിലെത്തിയതോടെ ആദർശിന്റെ വീട്ടിൽ ആഘോഷങ്ങൾക്ക് തിരി കൊളുത്തി …
വിവാഹത്തിനു രണ്ടു ദിവസം മാത്രം ബാക്കി നിൽക്കെ ..
വീട്ടിലേക്ക് ബന്ധുക്കളൊക്കെയും വന്നു തുടങ്ങിയിരുന്നു …
രാത്രി …എല്ലാവരും സംസാരിച്ചിരിക്കുമ്പോൾ ആദർശിന്റെ ഫോണിലേക്ക് ഒരു കാൾ വന്നു ….
ഡിസ്പ്ലേയിൽ ഗായത്രിയുടെ നമ്പറായിരുന്നു …
ഒരു നിമിഷം അവനൊന്നു പിടഞ്ഞു ….
കോളെടുത്തു കൊണ്ട് ആദർശ് പുറത്തേക്ക് നടന്നു …
അവന്റെ മുഖത്തെ പതർച്ച കണ്ട് രാജലക്ഷ്മിയും അവനു പിന്നാലെ നടന്നു ….
(തുടരും)
അമ്മൂട്ടി
അമൃത അജയൻ
അമൃത അജയൻ ന്റെ മറ്റു നോവലുകൾ
Title: Read Online Malayalam Novel Nirmathalam written by Amrutha Ajayan
About Author
Unlock Your Imagination: Start Generating Stories Now! Generate Stories
Get all the Latest Online Malayalam Novels, Stories, Poems and Book Reviews at Aksharathalukal. You can also read all the Latest Stories in Malayalam by following us on Twitter and Facebook
പുതിയ നോവലുകളും കഥകളും ദിവസവും ഇന്‍ബോക്‌സില്‍ ലഭിക്കാന്‍ ന്യൂസ് ലെറ്റർ സബ്‌സ്‌ക്രൈബ് ചെയ്യാം
Hey, I'm loving Kuku FM app 😍
You should definitely try it. Use my code LPLDM59 and get 60% off on premium membership! Listen to unlimited audiobooks and stories.
Download now
©Copyright work - All works are protected in accordance with section 45 of the copyright act 1957(14 of 1957) and shouldnot be used in full or part without the creator's prior permission
Kurach koode length ind aarunne it will be more interesting